|
|
 بــــــــــوســــــــت.....
|
بعد الغياب..
بعد الليالى ..
المره فى
حضن العذاب..
عاد الحبيب لنتظر عاد
عودا عودا حميدا مستطاب..
• وانا استمع الى هذه الابيات الان .. تراءت امامى كثير اللوحات ممزوجه بلون الذكريات ..
• طلت كثير جدا من التاؤلات عن مصير الانسان فى ظل كل مايجرى حوله من احداث ..شعرت باننى اريد ان اكتب وشعرت باننى اريد الصراخ..
• كان اول وهلة من باب تلك الصراخ تناولت معول التنفيذ فى ان اجد حل لكن ..
• اصبحت اشعر كالسجين...
• قلبت اوراقى القديمه وطلعت باشياء وصلت الى حد الاندهاش فى داخلى ..وكلام خزعبلات ووجدات لكى اقوم بان انشاء وجه اخر للحقيقه وفيه اضع رجلى على الاخرى على امل ..
• على امل ...ان اصل لماهو ابعد ماوراء الفجوه السوداء ونظريات اينشتاين....
• المهم يا انا ايها الصلصالى ...
• معتز محمد ..يكتب بوست كالمنزل وساعة اضع رادى الوالد الذى اعطانى اليه وادور بالبحث عن تلكم الاخبار والمحطات وعندما اريد ان انوم لابد ان اتركه مفتوح لكى يصل الادمان حده فقد صار الادمان ..وتحسر الوالد العزيز على انه اعطانى هذا الراديو فاصوت عاليا وياتى هو ويخفضه وانا اواصل النوم وشرق الصباح ويحدثنى بان اغلقه عند المنام وكمان لابد ان استيقظ به والا اصبت بالصداع (كسجارة الصباح او سفة الصباح )..
• يتواتر الحديث لكى اشتاق الى اليه والى امى والى اختى الخنساء واخى المهند...
• ساحدثكم هنا عنى ومقطتفات الايام ياباقة الزهور انتم ..
• بوست اكتب فيه احيانا اصل حد الفجور ..واحيانا اصل الى لا شى..
• كابيتى لااحتاج الى لفت نظر او غيره فقط اريد ان منكم عندما تاتون ان تطرقو الباب ولاتاتون بعد العشاء وتلكم المواعيد التى يحدثكم عنها الاولياء..
• بيتى وغرفتى ولاارفض احد ..
• كما قمت لااكره احد بقدر لاننى لم اتعلم على ذلك ولااستطيع انما اكون مغيوظ نعم اغتاظ من الذين يهتفون بعيدن عن الطريق وربما احيانا يخالفوننى فكريا سياسيا اقصاديا فنيا اجتماعيا ووووو الخ..
• لكن لااكره احدا ابد..
• فقط اغتاظ كما كان تقول لى الوالده المعلمه المدرسه تدرس الاطفال وتدرسنا فى المنزل تقول لى مع الوالد (هو بنزين مرات حريقه ) زول اخلاقو ضيقه وان خفت لان للكبر حكمه لكن الطبع يقلب التطبع ...
• واوصل ربما بطريقه غير مسلسله من مراحل العمر ولكن اواصل..
• لذا سميتو بوست..
• ووساقول لاحقا لما اسميته بوست...
|
|
 
|
|
|
|
|
|
|
 Re: بــــــــــوســــــــت..... (Re: samwal ebrahiem)
|
الزين..السمؤال.
احكى ليك زمن التاريخ كان سنه سابقه جزء من دموريه الاحداث مصطلحات تتقاطر اسوى شنو ما الوالد كان دياشى وكده…
لكن مابين زمنا متنيهو زمنا منم زادنى اسيه
ونبدا..
26/8/2003-الثلاثاء الساعه الخامسه وربع شاءت الاقداران يكون سيف الجامعه حاضرا هذه المره فقد تعودت ان استمع الى موسيقى سودانيه عند المذاكره وكانت فى تلك اللحظه المخاض (مريم ومى) بالتحديد…
اليوم الثانى للدراسه بدا كالعاده الاستيقاظ فى الساعه السابعه وبعد تكاسل نهضت (1) دخلت الحمام وبعد ان خرجت توجهت(2) الى قاعة المحاضره وجدتهم قد بداو المحاضره بقليل (3) ..لم يكن شى ملفت للنظر سوى اننى كنت مصدع هذا اليوم ..اتت الساعه 10 وذهبتوانتظرت الاستاذه المشرفه للذهاب للفحص الطبى (4) وقد وجدت عدد لاباس به من الطلبه فى مستويات متفاوته 4 من كوريا بنتان وولدان وواحده من اليابان وتوجهنا فى تكسيان..تم الفحص وقبل الرجوع بقليل جاء طالب الباكستانى محمد بصحبة اخيه على مشارف التخريج من كلية الطب تصافحنا ثم خرجنا تركناه يكمل اجراته …
وصلنا الجامعه وكانالجوع قد بلغ بى اشده وصلت سريع الغرفه ماشره الى الحمام دش دافى ثم خرجت بعد ان اخذت مظلتى لان السماء كانت تمطر على خفيف (5) استاذنت من (تاكومى) (6) باننى ساذهب الى مطعم خارج الجامعه لاتناول ساندوتيشات هامبرغر دجاج (7) لانه الشى الوحيد الذى اعرفه…وصلت مطعم صغير وانيق خلف الجامعه اكلت ثم اخذت مع ساندوتشات الى الجامعه وفى الطريق اشتريت عنب .. عند وصولى وجدت تاكومى على السلم يبدو انه خارج استاذن منى وخرج دخلت الغرفه واكلت جزء من العنب وضيط الساعه على 5 عصرا لان وقتها كانت الساعه 2 ظهرا …
استقظت قبل الميعاد وبالتحديد عند الساعه الرابعه عندما طرق الباب فتاتان جميلتان (الله ياخدك ياشيطان..انا كنت مفتكرو حلم ومفتكرهما بنات …..).
لكن وجدتهما زميلات لنا لكن لسه ماحصل لينا الشرف بعد داك عرفت انهما من كوريا كانا ضمن فوج الفحص الطبى الصباحى سالتنانى عن تاكومى اخبرتهما انه وين غير موجود الان..عاودا بعد فتره ربما يكون عاد ودعانى وقفلت الباب استرخيت قليلا ثم توجهت الى الحمام اغتسلت ثم فتحت التلفاز على القناة cctv5 قناة الرياضهالتى اداوام على مشاهدتها لانها رياضيه ولاافهم البقيه غير الانجليزى منها ( .. بعد انتهائى اكلت قليل من ذاك العنب وتناولت الدفتر اخط هذه الحوادث التى كانت منذ الصباح الى تلكم اللحظه...
اليوم البعده الصباح الساعه 8 داخل القاعه اكمل بقايا الامس وكان بقية اليوم كالاتى ..
بعد انتهيت من كتابة الجزء الاول قراءت قليلا وبعدها نزلت الدور الثانى الى الصاله وجدت بعض الشباب من الطلبه فكلنا جدد تعارفنا ولعبنا بنق بونق ونحن على وشك الخروج دخل الصاله شابان تعرفا علينا وكانا امريكيان يدراسان لغة انجليزيه فى الجامعه ويسكنان معنا فى مجمع الطلبه الاجانب والاساتذه..افترقنا وتواعدنا على اللقيا..
1. كعادة السودانين الكسالى لكن بينى بينك يا السمؤال النوم هنا حلو مع البطانيه الجو البارد ودى اكتر شى بعانى منو الى الان قومة الصباح..
2. المويه الدافية كمان تحلف ما تطلع
3. مرات بجى متاخر لكن مابدك
4. طبعا كلام قمسيون بتاعنا والجرى الجريتو طلع شمار فى مرقه تانى اعادو لى الفحص يعنى بالبلدى كدى ما مقتنعيبن بى حقنا ده وبيبنى وبيك ليهم حق جنس الدكاتره البقطعو روشتات ومرض من طرف ديل ياهو الخاربين لينا المهنه..لكن اطمئنيت بعد ما تعقدته فى الاول لانو كل الطلبه ساقهم اعادو ليهو الفحص الطبى ياعندى الراس بالراس (نحن واليابان راس بالراس)..
5. بيبنى بينك مشرفان لكن الجوع كافر والبلد بارده .. وحكاية الاكل دى مره دخلتى فى حته لكن اخزك عشان ماعندو دين..اها كل ما اجوع انزل تحت اجيب لى سجوك جاهزه كده واللهط ..انا قلت لو لحمة اى شى تانى مامشكله وبعد ماسالتهم واتاكدته انها ما لحمة خنزيز بقيت اجيب وارتع وبعد كم شهر اكتشفتها انها خنزير .لووووووول وفى موقف تانى فى المطعم اها فى اكله كده بى بطاطس سالت قالو لى اللحمه الفيها ماخنزير وهى شديد اشيل والهط وبعدين ......
6. تاكومى ده اول زميل لى فى الغرفه يابانى ويمكن علاقتى بيهو كانت اكتر من جميله يوم قال لى داير يغير الغرفه قال لى نمشى الغرفه الفى الطرف الاخر انا ابيت لانو انت عارف ادروب ولوف اها من افترقنا ماخليت زول يسكن معاى..لمن جات الاستاذه سالتنى قالت لى سعر الزول البسكن براهو مختلف عن البسكنو اتنين فقلت ليها انا ماعندى مشكله لكن انا بقوم الصبخ وبصلى وكده بعمل ازعاج للطالب الساكن معاى لو فى واحد مسلم جيبوه والكويس ماكان فى طالب مسلم واحدين مسحيين واخرين بوذين (فيتنام) واخرين ماعندهم شى قاعدين بلاطه ساى ..والساعد على الكضبه دى نو فة واحد بعرفو كان فى السودان عارف الناس البقومو الصبح حاضر وده جزء من الكلشر بتاعنا ..والصينين ديل اى شى داير تمشيهو فيهم قول ليهم ده كلشر بتاعى يحترمو حكاية الكلشر دى ودى بجيك ليك بالتفصيل وكيف ساعدت القوميات الفى الصين ان تعيش فى سلام ووحده...
7. طبعا فى البدايه ماكنته متعود على حكاية السندوتشات دى وكمان دجاج بس تقول شنو لحمة الكلاب وكده الواحد بقى يخاف يابشا اليوم خنزير وبكره مامعروف خليها على جداد وخضار ..وكمان انا فى الدنيا دى اكلت خضار لمن حسيت بانى داير ابقى خروف..
8. بالنسبه للغنوات كلها بالصينى لانها مانعين الاطباق الفضائيه الا كم قناة ولينا نحن الاجانب فقط او cctv9 دى صينه بالانجليزى وكده..
| |
|
|
|
|
|
|
|
|
|
Re: بــــــــــوســــــــت..... (Re: معتز تروتسكى)
|
الشفـــيف الرهيف / معتز
هذا هو الوضع الصحيح الذى اردناه لك ان تكون بيننا
و لم نرضى لك بالأنطواء و الأبتعاد مهما كانت ألأسباب
و من غيرك يعطينا بصيص أمل بان الحياة بحلوها و مرها
ما هى الا محطــة ... من غيرك يعطى لهذا البورد أن
يستمر و ينتصر .. من .. من
لك التحية على هذه الكلمات الطيبات .. اذا كانت مشكلتك
كيفية اختيار العنوان .. فنحن مشكلتنا عدم نشرك لما تحت
العنوان و مضمونه ...
اهلا وسهلا بك مرة اخرى .... اوع تطوّل البعاد
| |
|
|
|
|
|
|
|
|
|
Re: بــــــــــوســــــــت..... (Re: معتز تروتسكى)
|
المناديل الوضيئة ستاتى
محمد محى الدين
-----------
ايها المصلوب كالنجم
على الموجة يكفيك ترجل
ارفض الحزن الذى ما اخترته طوعاً
ستبقى نابضاً تشهد ميلاد الرياح
وانظر الساحة تاتيك تمهل
واغنيات ما علاها الصدأ
المدفون فى قلب الزمان
كلمات رفضت ان يأسر الثاقب
من ايقاعها برد المكان
واهجر العشق الذى ..
لا يشعل الساحة انهار صخب
ما يكون العشق الا ..
فى اتحاد البرق بالارض التى ..
تمنح القبلة فى ليل التعب
ما يضى الحب الا فى عيون
عرفت سر الغضب ..
************
ايها القادم من انفاس
اعماق الحكايات
ومن رمل القرى
المهجورة السوح تجرد
ما يموت النغم
المحفور فى الذكرى
اذا اهتز الوتر
فاشدو بالاغنية الاولى
وفى العشق تفرد
ايها القابض جمر التوق
آلالم الشبابيك تناديك
فلا ترحل
تاتيك المناديل الوضيئة
وعلى كل العيون
فى الليل تمدد
ما يجئ الحب الا فجأة
تهتز كل الدور
ترتاح العصافيرعلى الابواب
يمضى زمن الرعب
وينمو فى العبارات القصور
ينشر الفجر ضياء الامن
فى الساحة
والشط ينادى رائعاً
يلتقى العشاق جهراً
يمتنى الموج ويختال الشروق
فاهجر العشق الذى لا يحتويك
واترك الوعد الذى لا يرتويك(يشتهيك)
وانظر الساحة ليلاً ..
خجلاً يتدفق ..
ايهتز الوتر ؟؟
يحتويك العشق صدقاً
يحتوى نجمك ..
تاتيك المناديل الوضيئة
.................................
اخي وصديقي : معتز
| Quote: لا ترجع السيف الجقير ...والدنيا فايره مصادمه |
ماشين فى السكة نمد
| |
|
|
|
|
|
|
|
|
|
Re: بــــــــــوســــــــت..... (Re: tmbis)
|
صورتك امامى وابدا اكتب ..
البلابل فى اذنى تهتف منك الامان الامان ..ياما انت ظالم وانا طايع اوامر ولى شخصك مسالم..
فى البدا كنت اعتقد ان البلابل يقصدونى باننى ظالم لكن تاكد مع من كانوا يتحدثون ..
ياعلاء الامان الامان ...
تمبس تتخيل ان يبدا اليوم من الساعه 12 بتوقيت السودان مضافا عليه ساعة واحده من عندى مع مراعاة فوارق الوقت فى كل العالم.. ليس سهوا سرمديا كان ..انه يوم القيامه ..اليوم كنت ساتحدث مع تروتسكى الكبير (معاويه) فى السودان زول راسو ناشف جدا ..برضو كنت انا تروتسكى الصغير شايل اسمو امانه فى عنقى ..
يلا ندخل حيز البرجوازيه والترف ...
ولا هو بقى ماترف لانو الزمن اتغير وجو الكفار اى زول بقى شايل موبايل حتى صديقى (س) طبعا دى لزوم الطعميه فى نهار رمضان والناس جوعى يتضورون الى ما يسد رمقهم تكون الطعميه هى بمثابة بتزا حتى لصلاح ادريس نفسه ..ده اذا ما كان باكل بالدس ..
اتصل اناعليهم وحالى يعلمها (س) واخرون ربما تكون قروش الاتصال دين ربما..لكن المهم ان اجدهم مجتمعين عبر الموبايل واحادثم واجعر شويه اصلو ياهو ورانا شنو غير الجعير مانحن فى عصر الانفتاح ومساواة الرجل المراءة بالرجل يعنى انا ابكى من فقدهم زاخم التراب فى راسى يبقى عادى وحاتك يستاهلو لكن تقول شنو ما لاقى تراب وكتاحه هنا فى الغربه..
اضغط على ازرار الهاتف ويرن الهاتف القى منو (س) يدينى محاضره طويله يجرجرنى معاهو بانو تروتسكى الكبير زايغ منى وانا مالاقيهو شفته الحنك (ياتمبس) يكون حايم فى فارغاتو ديك وقال انسى ..
ازيك ..
كيف انت
اخبارك ..
ووووووووووووووووووووووووووووووووووووووووووووو
بعد داك وهذا قليل عن اخبار المنبر وكيف عامل معاهو ووووو.. ومشاكلو ..
ياهو نظرنا شويه .
فجاءه..
اسمع انت وين اسه ..
انا فى الاهليه ..
وين فى الاهليه قاعد...
قاعد فى الالفه ..
توقف الزمن واتخنقته (كح كح كح )
ياخى بتبالغ ليه كده توجع قلبى ..
وويين الشباب
قاعدين..
طيب عشن فى ازمة نفط وكده خلى وكت تانى وسلم عليهم كلهم (ق) و (ب) و(ف) (ع) .....ووو
اسمع نحن حنتلمى فى فطور يوم الجمعه..
ممكن لو بقيت مقرش اتصل علينا
بشوف يازول.
فقط اتكلمته مع اجمل مايكون الانسانه زوله ولا مية رجل ..لك جمل الامنيات بالصحه ياصديقى (خ) فقد اتيت بعد رجعوعى ووجدته فى الماسنجر واخبرته وكنت جد سعيد بان يفرح صديقى ففرحه بفرحى رقم اننى اثخنت عليه الجراح..لكن عزرا ياهذا ..
.................................................
وكت الفطور جاء
وجليتو ..يعنى فطرته بعد ثلث ساعه من الزمن ..
ودعتو ومشيت اشتريت لى كرت تلفون ..وعلى مطعم الجامعه شليته اكلى وطلعته بيهو الغرفه اتسممته هناك ..
واتصلت على شخص عزيز شرفنا اجمل مايكون الانسان(البحيراوى) ..
هاك ياونسه ..
وعلى وعد بالقيه ..
طل على زميلنا من اولاد ابروف (سعد) الطويل لقانى قاعد بتونس مع زول جميل فى الماسنجر (ع) وكمان ماسك السماعه بكتب وتكلم بالسماعه فهم يعرفو بعض وحاتك اجمل مايكون البشر..
اها اتونسنه كده..
فجاء جانا واحد (برانا) (مع الاعتزار للمفرده) من الطلبه دفعتنا من (باكستان) ياهم من الصباح تسمع الاغانى شفته السينما الهنديه اسكت ساى...
وانا خلاص نعسته والشاب مواصل فى البرى اريد ان انا لانو بكره شغال ..
سعد يقول لى انا ماشى غرفتى اقول ليهو والله ماتمشى الا تسوق معاك الزلمه ده (طبعا بنرطن بالعربى).. اها قال طالع هو كمان قال طالع فرحته كيف ..
وفرحته اكتر لمن قال لى بكره الصباح ماشغالين ....
شغالين الضهر الساعه 2 لاب ..
يامان النوم طار قلت ياالنت جاك زول وياهو انا الان لوحد اخط لتمبس بعض ماجرى ....
عزيزى علاء..
لابد منك وان طال السفر..
عاده سخيفهانك تتدون حياتك..
مرات تجى تقراء كلام تلقى نفسك قاعد تخجل منو ..
لان الشرط الاول لازم تكتب بصدق وهو جزء من دراسه علم النفس ...
كم اعشق تلك الدراسه ..
تحياتى (للنيلين)...
وكل الشباب..
حسبو الانصارى ..عزو البكاى...امام الشاطر وكضاب..محمد موسى الولهان ..وووو و الكود لدستة الرجال (ج) (ع) ووووووو..الذاكره عايزه مراجعة كربريتر وعمره..
لعن الله الكبر..
تف يادنيا تف..
ورجعت لى صخب المدن ..
كان القى ليك فى الناس مثيل..
تمبس-علاء
تصوم نت وتفطر على خير.وكل سنه وانت طيب والسنه دى قبل الجايه تحقق امانيك...
وهذا الكيبورد ..يسترسل ع ل ا ء.... ت م ب س..
وايضا...
.. خلاسية .. هشام يازول .. معتز .. ناصر ]
17/10/2004
8:20 مساء بتوقيت السودان..
| |
|
|
|
|
|
|
|
|
|
Re: بــــــــــوســــــــت..... (Re: لؤى)
|
اذا كان لابد من كتابته فهو مكتوب ياصديقى قبل تدوين التاريخ يالؤى..
فعلا مكتوب ..مكتوب ..مكتوب..
السنه دى قبل الجاية كما انت تهوى يالؤى من كل قلبى لك جميل الدعاء...
اعيدك حيث الزمن كان زين والشعر لى الاضنين ليس كما الذى انت تحلقه الان (نمرة 1)...
يالؤى...
حدث فى الثمانينات من العصر السابق.. قبل العولمه يعنى والاورغنات البى كمبيوترات وديسك.. وانا واسرتى الصغيره نقطن الحاره الثامنه ...
قبل البدا بعد تخاطر عنيف بين الذكريات وطرق الزكريات للهروب اولا وتلك تقول انا اولا...فى حين اننى لااحب ان اتى الاول تصدق مش انسان غريب..احب ان اتاتى الثانى حتى فى الجلد احب ان اتجلد الثانى ..يتسابق الناس فى النتائج على الاول وانا اتمنى ان اتمنى الثانى فى حين اننى لاتذكر اننى جيئت الثانى الا فى السباحه بعد ان كنت الاول لكن توقف (نظام بعاين لى الوراى تاريهو جنبى ولانو انا باخد نفس وضربه باليمين هو كان يسارى لذا عندما استرت لاستعدل كان كسر الثانيه فارق وجاء الاول وكانت المره الاولى التى اتذكر اننى كنت اتمنى ان اكون الاول)..
موسيقى كالعاده .(الكحلاوى ..قالوا قالوا على شقى ومجنون)..
الشكر لتمبوسى... نزلتها وبسمع فيها .. كانت سبب ولوج واعطاء الاوليه لهذه الفتره من العمر..
فى تلك الفتره نقطن نحن الحاره 8 والكحلاوى كمان ..كان يوم توزيع النتائج ..الابتدائية الحاره الثامنه الصف الثالث ابتدائى ..وصلنى من وكالات الانباء المدرسيه الطلابيه (شماراتيه ) بان الاول هذه السنه سياخد علقه ..اتخيل يا لؤى..كان العتالوله يتربصون بنا...ناس العشره الاوئل (قريبه لعشره الاواخر) والاول اشبه بتفرده (كاللية القدر).... صرت ادعى فى تلك الليله بان لاا كون الاول وخصوصا كانت العلقه ستكون بالنسبه لى اكثر من اى شخص لانى فى السنه السابقه اتيت الاول وكنت قادم من الحارة التاسعه ..
فتناقلت المدرسه ..كيف ياتى الاول مرتين لابد من كسره معتبره ..ولنرجع الى اليوم.. دقت الاجراس ..وجاءت ام الفصل ام سلمه (ربك يديها العافيه ولااعرف اين هى الان)..
وندهت وانا كالدرويش متعلق فى قدمى مولاه.. وكانت اللطامه بان ندهتنى اولا كم كنت حزين ومرتعب حزين لاننى لااحب الاول ومرتعد من الكسره ..لكن بينى بينك كنت اعشر بان هناك من هو اولى منى بذلك ..
طارق بشير زميل الروح تربينا سوى ولانفترق كنت اتفوق عليهم فى بعض المواد هو ومنير وعماد لكن هو كان يفوقى رياضيا (فراق الحبايب)... بعد استتلام نتيجتى تهيئة لما سيجرى وقايتو ياها دقه ورايحه ....
كان الثانى طارق بشير ..حينها صلاتى وترانيمى لم تقع الارض فالسماء جابت الفرج ...
الاستاذه: يامعتز داير تشيل نتيجتك وتمشى ولا داير تقعد تسمع بقية النتائج؟
ده اجمل سؤال فى الدنيا سالونى ليهو.....
وحاتك كانت اجابه اسرع من الكمبيوتربانتيوم 5 سرعتو 3:8 زاتو ..
انا داير امشى ماداير اسمع بقية النتائج..
ياراجل التقول الاستاذه سمعت صوت دقات قلبى ولا الاستخبارات (الشرطه المدرسيه) وصلو ليها انو فى زول بدقه اليوم..
غايتو مافكرته فى ده كتير وطيران على الباب..
وصلته الباب وكانت خطوه...بعدها فكيت البيرك..
المسافه مابين الابتدايئه بنين الى لابتدائيه مسافه ميادين وفرن ومستشفى النو...
والى الابتدائيه بنات حيث الوالده مدرسه هناك ومن هناك اقرب للبيت ...
وانا فى منتصف المسافه بين المدرستين اذا بصوت يناجينى بالوادى المقدس (اقصد الميادين)...التفت القاهو طارق صديق الروح يهاتف ..معتز ..معتز...
ولا جبت ليهو الشغله بعته ليك القضيه زى الماحصل حاجه واصلت البيرك يامان قالوا الخواف ربى عيالو وكده...
وصلت الابتدائيه بنات..
وتفاصيل كتيره اختصره ...
ونرجع تانى الى حيت .(الكحلاوى ..قالوا قالوا على شقى ومجنون)..ففى الجهه المقابله للمدرسه تفتح المدرسه على ميدان يفتح حوله مجموعة منازل كانت هناك خيمه فى احدى تلك المنازل .. الاستاذات قالو ماشين يعزو وكمان بحكم البيت قريب من منزل العزاء ..كانت الوالده معهم وانا كالظل (عاد اليوم دالك بفارقه )...
وكان الحزن يتدفق من كل مكان فى الثوره الحاره 8 وكل السودان كانت الخيمه لعزاء الفنان صديق الكحلاوى..
اه فى السر..
جو فى عينك مقيله ..شايله فى جواه احزانا نبيله..
والاماسى الواعده والخطوه الاصيله ..
والبروق والمطره والاشواق على الارض الجزيزه..
اه فى السر..
رحيل الفنان الكبير صديق الكحلاوى...
قمنا على انغامه ....يا لؤى انت زول موسيقى بالتاكيد الحزن يعتصرك مرتين بفقد انسان وفقد موسيقى..
ولسه موسيقاه تلسع فينا الى الان ..
رحمه الله..................
| |
|
|
|
|
|
|
|
|
|
Re: بــــــــــوســــــــت..... (Re: معتز تروتسكى)
|
1. مدخل رحب000
عادل يا اخوى لابد اننا الان فى شى من الفجيعه شى من هول ماوراء الطبيعه ياعادل.. اسمك صوتك تبرقنى الامان وانا احادثك يبدو ساعتها حتى الاسلاك لم تستطيع المقاومه مقاومت التيار النزيف فى الوجع فى ثقوب الهواء التى بينى وبينك..هل كان علينا ان يكون نقتنع بما نفعله ام هو زمن لاتحمل الانتظار .. لكى لايتبدد حلم الشفع الذين ياتون فى زفة الخريف يقفون عند مدخل المدينه يمدون اياديهم التى لاتتجاوز بضع سنتميرات فى مقايس الناس وهى كون وقاره يندهون الى تلك المراءه يانورة000
لاتتخيل كم هى تمتد بيننا.... بت من شرار نار الله 000كم كنا فى وجع الصراخ مع هؤلاء الشفع والمدينة تتزين بكل ما اوتيت من قوه لحمل ساعات الزمن الاتى 000 امى نورة علم00
2. الالتقاء..
كنت دايما اصبر كل ماالبعاد اضانى 00فى قلبى انت بتكبر 000كانت تلتقينا على بساط برش وتونسنا وترجع تانى 00تجى تغطينا فى ذاك البرش 00 ايها الحزن المعاصر 00المرتكب دوما تصاميم الحواس وتصحيح القلوب وانتعاش الأمسيات بتلك النورة 00وتقدمنا00
تقدمنا نمارس رغبة الموت ندشن هالة الموت ونرسمك امى هامات حاجاتنا التى قط لاتموت00 امى نورة علم00
3. الانفجار:-
وصار الزمن مشتعلا 000وصرتم فى سواد الياس تشتاقون للاحباط ولاتجدون قشعرة تمتعكم ببعض الرعش 000؟ هل حقا قد سافرت تلكم البنيه المعباءة بالمواثيق المناؤئه للغرور والانفعال والافتعال معامل القلق والنزيف00؟ لنا الحمى وعلى احوالنا الحمى00ورغم مرارةاللحظات تكتنف الاحساسيس الرماديه 00لنا والطوفان 00فلا تشهق من الحسره ياوطنا يعيد وقائع الاحياء بكل الحب للموتى 00 لاتحزن على مطر توقفمن اعالينا وهذا الحب انتبه ! ( نورة) امى غمامة الباقى 00وهذا الكف مرتفع كعادته مرتفع الى انحاء ذكراها وسيرتها الهاله 00فصفر العيش ان نبدو بلا (نورة) تؤكد اننا نمضى الى الغايه التى من اجلها عاشت وفى تحقيقها اشرق الصباح لابد منه000 امى نورة علم00
4. الاتى:-
النواميس التى كانت تاتى رسولى فى خلق منه نبيى 00تحتاج الان الى شى من الاتى لكى يستمر نبض اللاحتواء لما هو ابعد من المحسوسات التى نعيشها00 الاتى يتخلل اطراف النخاع الذى يبدا رتمه بالدخول الى موسوعة انساكى كيف؟000 امى نورة علم00
5. عادل ود عبدالعاطى ونورة تتاوق:-
لتحري تلك الأشياء كما يجب تجدنا في المداخل نخطف سرعة الطريق وعادل واقف000 نتلقى هناك عشم وعادل واقف00 يااخوى ما تتحرك وعادل واقف00 يبدو انه النفير وكت تدلف الساعات أوقتها على قطرات العرق الطافح من هذا التاريخ00اذا لماذا م يتحرك عادل00؟ زى سيفا في القاتل سيلا للصيف والشتاء00وتساقط أوراق الخريف ليس ضمن الدرس القادم فالاستيعاب للمكانة الترتيب يحتاج كفاف وده ماكلامك وسؤالك 00 اذا لماذا م يتحرك عادل00؟ امى نورة علم00
6. البقيه:-
مشروع قصيده لكى يكتمل مشروع ماوراء الوجود فلا يوجد مايسمى قصيده الان او كلام من حروف يطلقون علية جزاما كلام00ياهؤلاء ان مابين السطر والذى يليه دعاء 00ومشروع 00
وشى 00
لقيناكى مارقه بين
شقوق الارض00
مسقيه بالحب الكبير
مسوره بالخلايا الطيبه 00
وفى اللحظة ديك
انعوج مسار السكه00
اتحير تراب الطين
لمن جيتى مارقه 00
يا عرقى الممد بينك
زايد حراره واشواقو حارقه00
كل يوم معانا فى الطريق
النور ياخد منك 00
لما يتجدد ينبوع البلد
ونغتسل من بعدو منك 00
ياحوريه
من جوة التاريخ الجاى
ونكتب الساعه
والمحل الما مكانك 00
يبقى شكل المعادله 00
{ا.2.3...... امى نورة علم}000
| |
|
|
|
|
|
|
|
|
|
Re: بــــــــــوســــــــت..... (Re: معتز تروتسكى)
|
محور عادى مع النفس الصريحه:-
كنت فى حديث جميل مع الزميل امجد عن 21 اكتوبر غدا لذا يجب علينا الاحتفال به ..لم اتردد لكى اعلن له رفضى بان أقيم احتفال وقلت له ساحتفل به لنفسى وختصرنا الحديث ودخلنا فى حديث عن بعض الاشياء كالتنظيمات ودورنا فى التغير ووووو...
عدت لااكتب لك نفسى وارد على زميلى امجد ..يا امجد ان الاحتفال بهذا اليوم اصبر قليل ستجد ردى من خلال كل بوست يكتبه هنا الزملاء الاعضاء ..وكما صدق حسى بانهم سياتون يتهافتون على صنع من الفسيخ شربات لكى يظهر البطل الاقوى ..بالتاكيد ليس الفسيخ اكتوبر لاننى احب اكتوبر لدرجه العباده واكثر لكن ها هو مقياس الفشل يظهر مع كل مناسبه تحتاج من للتطبيل وكل منا يسوق المنسابه على حسب مايعتقد ويؤمن فهناك من يمجد اكتوبر باعتبار انها ثورته ولايمجد ابريل والعكس صحيح..وأكتوبر ذهبت وتركت اجمل مايكون التاريخ لكن نعك ونعج فى الذكريات ولانتحرك اقيد انمله واغلبنا قد قرا عنها فقط ولم ولم يكن يعلم ماهى الحقيقه تجاه ماحدث فقط كل مننا يقول ما يمليه عليه فكرته وليس ضميره ..الم القل لك ياعزيزى الزميل امجد باننى ساحتفل بها لنفسى داخل خربشات بوستى واسكر فى زكرى الكتوبر حتى الفجر اسقيه ويسقينى وهكذا ..لااحب الضو لاننى لو كنت احب الضوء كان متاح لدى اكثر من كثيرون هنا فى ان اكون كما اجب لكن كيف لى ان افارق الرصيف احب تلكم الكلمه (الرصيف ) تعجبنى حد الثماله..
وكم عشقناك اكتوبر لكن لكنك كنت رب نافعة ضاره ..يترددون على أبوابك ليس لكى يتحررون من التبعيه والرجعيه ومايحدث الان بالتاكيد لو كان اكتوبر يحركنا بتلك الصوره اعتقد اننى ساقول (اسمع جعجعة ولا ارى طحين) بالتاكيد كم من سيقول لمن اتضحيه ولماذا وووكمية اسئله ...هى فعلا تحتاج اجابه شفيفه لان هناك من عمدو الى تفشى البؤس بين الخلق من قادة وغيرهم ...لكن برغم تلك الاسلئه عندما تاتى الذكرى يبدا الدم بالصعود الى العروق والانفعال والذكرى والنويح والمهرجانات والاحتفالات (تشوف الحال تقول الليله دى اكتوبر / وابريل برجعوا) لكن تقول شنو؟؟؟!!..
لانستخسر فى 21 اكتوبر اى نقطه دم لكن تلكم بعض ابيات القصيد ومربط الفرس..
فقط اكتوبر 21 اعشقك وحدى وبطريقتى الخاصه بعيد عن الضو لاننى اعشق الظلام وكمان ليس بظلامى ...
الصرخة الثالثة عشر:-
الظلام مفيد، لترتاح الأعين من السهر ولتستعد ليوم جديد. ولكن عندما يحل تتخبط الرؤية فيه ونختار الأشياء التي لا نرغبها دون إرادتنا، فبدل أن نوقد شمعه يمكن أن
نطفيها وأشياء أخرى. إذا ألا يستحق الظلام أن نلعنه؟.
كم هى جميله الديمقراطيه الليبراليه00
*ودعهم فى سكراتهم يعمهون...
* ايضا اتفق معى الصديق بشرى وبعض كلماته عن الموضوع
الجاني منك says:
*انحنا محتاجين نقيم عشان نقدر نستلهم00
الجاني منك says:
* مهددات الوحدة الوطنية00
| |
|
|
|
|
|
|
|
|
|
Re: بــــــــــوســــــــت..... (Re: معتز تروتسكى)
|
ماعارف لكن احب ان ارفع بوستات الناس الجميلين البتلقى جالسه وحيده فى الخلف والصفوف الخلفيه كمثلى هنا فانا دائما اكون اون لاين فى الخلف ليس مهما عندى وكما يقال (قدم الكيشه والحقو)...
الحكايه دى بتزكرنى فترة بداية المتوسطه كنت فى خشم القربه وكانت مدرستنا جمليه وبها داخلية وعامره كنت فى فصل (ترهاقا) التقول القدر عارف انو لى علاقه بالنوبين الشمالين لانو كانت الانهار (ابن سينا) (ترهاقا) (مهدى).... وزاتو كويس لانو ماختونى مع العرب ديل ..هو ابن سينا اساسا فيهو كلام بانو ليس عربى لان اغلب العلما القدماء كانو فرس يعنى ايرانين وناس جمهوريات الاتحاد السوفيتى (سابقا) الجنوبيه وعاش العرب ديل على انهم كلهم عرب ...
وفصل مهدى مابطال جدنا المهدى برضو افضل لكن الاحباب ديل برغم صحيتى ليهم لكن بختلف معاهم فكريا ..ووقعته فى جدنا الاول ترهاقا .تقول شنو قدر مرسوم..
اها نرجع تانى لى حكاية الكنبة الوراء ..زمان كنت قايل نفسى قصير لانو الابتدائى كنت بقعد قدام دايما نسبة لووجود العتاوله وراء والواحد كان صلاة النبى فوقو (زى مابقولوا خششوه صغير) اها لمن جينا المتوسطه وفى فصل ترهاقا مدرسة خشم القربه المتوسطه بنين ..قعدنا الايام الاولى حلوين قول اسبوعين كده اخوك قاعد قدام ..فجاءه اتسلط علينا استاذ قال نشكها لانو ما مكن الطوال يقعدو ليى قدام والقصار ورا..
طلعنا برا ووقفنا صف طويل من الاطول اى الاقصر يجو خاشين الاطول ثم الاقصر ثم ....
وهكذا ...
مع الرصه دي لقيت ليك نفسى طويل وقلت معناها حاروح شمار فى مرقه وافقد منصبى الحساس.. لانو مع اصحابى الادروبات ديلك الله يديهم العافيه وكم اشتاق اليهم وهم قصار شويه لقيت ليك نفسى فوق عديل (منوت بول بس).يلا بدت الحشود فى التحرك والدخول الى الفصل بالترتيب الى ان وقعت فى الدرج الثالت وهاك ياحسره على فقدان المنصب...كيف والمناصب بتزغلل العيون اهو بعد ما الاستاذ مرق زعلان زعلان لمن حاسى داير انفجر من الغيظ وانا لمن ازعل ما بعرف اتكلم وعيونى برقرقو (ودى عامله لى مشكله اى زول اتخانق معاو او اخش معاو فى نقاش شديد وازعل تمر بى الحاله دى شكلوا بيفتكر انو انا داير ابكى ) ويوقل هرشته...
اها من بى حالتى ديك مشت للزول القعدو مكانى وقلته ليهو تبدل انا اتعوده على المكان ده وده حقى ..صاجبك حلف يسار ويمين مايتزحح كيف ودى السلطه والجاه (هى لله هى لله)...
قدر ما قدمته تنازلات واكتر من حقة الكيزان فى مشاكوس ونيفاشا برضو رفض..
ماعارف لكن صاحبى ده لو اسه بيقى كوز كنت اخترح للحكوه تسوقو المفاوضات يا اقنع ليك عمك قرنق زاتو ولا طنبجا ليهم لكن يتراجع لا...
لما ترجع بالسلامه وترجع ايامنا القديمه..
ياسلو الروح يادمها ..
وياعواطفنا النبيله..
تهدى ليالنا ابتسامه..
من زمان بنقول حيلها..
*هذا ما قاله لى درجى الذى اصبح لى غيرى...
ورجعت انا الى درجى الجديد.. وبدات فى اقلنت نفسى على وضع جديد...
*يا الطيب شذاك ودرى..
يا سكري وشهدي...
يا سوسنى المنى..
ياحظى ياسعدى..
انا فيك لقيت زاتى ..
وذوبته فيك وجدي..
كل العمر...
هذا ما قاله لى درجي الجديد فى الصف الثالث..
التاريخ... الثمانينات..
الشهر ...أيلول...
اليوم ..الأربعاء.. (لذا صبحت اكجن الأربعاء )
نظرته هكذا الى هذا المنبر من خلال تواجده به..
وجدت 3 (معتزات)..
معتز على.. motaz ali
ومعتز .. motaz
ومعتز تروتسكى..
مايجينا تانى عزو نعمل فريق..ربما يكون فى الاسامى الكوديه الهنا واحد اسمو معتز ومتخفى .. نقول ليهو اظل يازميل وبان عليك الامان...
| |
|
|
|
|
|
|
|
|
|
Re: بــــــــــوســــــــت..... (Re: معتز تروتسكى)
|
رانى الصديق0 لو مررت من هنا اريدك 00
فالشريط الذى بعثته لك اتانى راجعا 00
سبعثه ثانيا00
ومده لم اراك حتى اون لاين 000
احتاجك يارفيق 00
لاننى ساتى ولو بعد حين 00
رانـــــــــــــــــــــــــــى00
| |
|
|
|
|
|
|
|
|
|
Re: بــــــــــوســــــــت..... (Re: محمد ابو القاسم)
|
ابو حميد شقيقى الاصغر00
انادى الليل واقول يا ليل 00
انا المظلوم عزاى دمعه 00
دمعى تسيل وليلى طويل 00
وعايش فى مهب الريح براى شمعه00
• بالجد لمن وصلنى من ناس البيت ولمن كنت بتتكلم معاى براك كنت شايف الحاله كانت صعبه كيف 00
• اطلع بيك ايام تتذكر الالزاميه بمناسبة المرض ده لمن طلعته لجنه طبيه لمرضى (بالكلى والنظر) وزعونا معسكر شمبات كانت الزمان (1997) وكان منالمفروض ان نمتحن قبل هذا التاريخ لكن لان رقم الجلوس لم يطلع قالو شنو قالو سقط سهوا يبقى نحن من دون الناس لماذا ولا هى فترة الاتحاد واعلانا للعداء بصوره واضحه للهؤلاء القوم كانت سبب المهم فاتت فترة الدفاع الشعبى وبقينى اول عزة السودان فى الاول قالو كل زول يمشى واحد من المعسكرات المذكوره (الجيلى –جبل اولياء –المرخيات وووو) والعيان يشيل ورقو الطبى عشان يشوفو ليهو صرفه00 المهم اتفقنا انو نمشىالجيلى عشان الوكت داك اغلب الرفاق ناس امدرمان مشو الجيلى بعدين المرخيات دى قالو موت وكده 00 قعدنا 3 ايام تفاصيلها كالاتى:-
1. جينا محملين فى الباصات كالخراف ووصلنى معسكر الجيلى كان مدرسه داخلية سابقه تم توزيعنا واتلمينا اغلبنا فى السريه التلاته اها اخوك قام دق جرس للرائد شرطه بتاع المعسكر مافى مويه بعد نقاش متزن قال لى اتصرف (العسكريه تصرف) الممهم بلغت الشباب الرائد قال كده يلا الشباب (قدو) السلك ودقشوا الحله الاشترى سجايرو او صاعودو او اشاياء تفهم بالاشاره من مكفيات بعد ما انتهينا قلت ليهم داير استحم (لوووول) نظام الود حنكوش وكده طرقت باب وادونى مويه فى جرد وجنبهم كده (غيط) واستحميت هناك (كوماندوز بس) انتهينا رجعنا والناس نيام 00اتاريهو كانو العساكر مشركين فى كل مكان يتصيدون الذى (قدو) السلك غايتو قلنا كل زول تحمل مسؤليتو ونصرف فى الضلام ده المه انا قايتو ما قبضونى 00لكن الشى ابتذكرو انو دخلت فى مشاده مع العساكر فى شنو ماعارف قوم يا العسكرى سوقنى والشباب واداره داخليه هناك محل نايمين كل عسكرى ماسك ليهو زول وراقد فى سريرو ويتونس معاهو ونحن واقفين (نظام بتسلى) المهم الليل مشى الساعه كم لااعرف قايتو الا يكون هو نعس قال لى امشى وخليت ليك فى لسه ناس واقفين جينا انخمدنا وانتهى اليوم الاول00
2. من الدخش جمعونا قالو دايرين زول يقعد فى الداخلية (الثكنات) يحرس حاجات زملاءهو واى شى يتفقد يكون مسؤل منها ياعم طوالى رفعت ليك يدى ومشيت بقيت متكل واصحابك مدروشين لكن ماقصرته معاكم نضفتها ليكم المحل(قطعته صفق النيم) ورشيتو رتبته الحاجات وجيتو 10دقايق خاشين ياكافى البلا وسختو زى ماكان 00 لى نصت نهار كده قام جمعونا تانى قالو جانا اظنو محافظ الخرطوم (الصادق محمد سالم ) ولا منو مابتزكر قام سال ليك الشباب (الدفعه) ناقصاكم حاجه الشباب صنو ساى ناس الامن طبعا اظن انا ما كنت معاهم قالو مافى زول يفتح خشمو واخوك ماعرف يلا شباب المويه مافى وادك مافى ووو.. قولو حاجه ولا فى زول هبب لى شعرت بانو حابقى زى قصه الزول مع الفيل فى كتاب الانجليزى بتاع المتوسطه الفيهو (دكتور تروته) book 2.3.4.5.6 لحدى (بوك 6) الملك كان فيل وبكسر مزارعهم اها قالو يكلمو بموضوع الفيل ده والملك كان ظالم ومخوف ناس القريه اها اتفقوا يمشوا ليهو يكلمو كل زول يقول كلمه لمن ينتهى الموضوع اها اشجع واحد فيهم اتبرع يفتح الموضوع قام قال ليهو جلالة الملك الفيل بتاعك ..والتفت للتانى عشان يتم الموضوع التانى خاف ..قام املك قال ليهو بى نهره الفيل مالو ..اها صاحبنا عرف انو (حايدقس) لو فتح خشمو بالموضوع ولو ما كمل الموضوع برضو (حايدقس) ..قام اتصرف سريع قال ليهو ياجلالتك نحن جينا هنا عشان الفيل بتاعك شفناهو وحيد ودايرنك تقوم تجيب ليهو فيل تانى ويبقو اسره ..الملك فرحه قال ليهو فكره وقام حياهو وطبق الفكره وبقت الافيال ترعى فى المزراع وزول قادر يفتح خشمو وندمو كيف بعد ما كان فيل واحد بقو مجموعه..(وحجيتكم مابجبتكم خيرا جانا وجاما اكل عشاكم وجرى خلاكم ) انتهت (وفى القصه عبره لى وللاخرين) 00اها لمن مافى زول داير يتكلم معاى عشان نكلم المحافظ بى مشاكنا لانو (فردى ) حردو الاجتماع ده وابو يجو (معارضه داخل معسكرات الجبهه) جيت انا 00ولمن فترته قلت ليهم انا بكره بتجى اللجنه الطبيه وبمرق المشلكه فيكم انتو وطلعته طوالى ولا دقيت رجلى ولا حاجه 00جانى العسكرى جارى ده شنو قلت ليهو انا اساسا عيان واسه راسى لفه وماشايف ماشى ارتاح داير اصل سريع قبال ما اقع هنا اعمل ليكم مشكله مع المحافظ 0طبعا لمن يكون فى مسعول الناس (بتكبكب) عمك حن على وقال لى امشى العنبر ارتاح لمن انا زاتى استغربته 00اها تمخط اللقاء على شنو ماعرف المهم الرفاق اتو 00اها قاعدين كده عندنا واحدة مسلط جدا اسمو (عمر) بنقول ليهو عمر (عمر كبو كل الناس تحبو) او (الامبراطور) العصريه كده قاعدين بى مزاج فاذا بعمر يصرخ ليك فينا (واى واى واى شديد واى كتير) فينا البضحك وفينا المستغرب وعمر يصرخ جادى 00اها التعلمجيه سمعو ليك الصراخ( وجو) جارين ياود مالك وعمر مواصل الصراخ ياود مالك ....00اها اخد ليهو صنه كده والناس مستنيه تعرف عمر مالو فاذا بعمر يقول للتعلميه (الضب) (الضب) جاء مارى جنبى 00 والناس انفقعت بالضحك والتعلمجى ماعرف يقول شنو قام قال ليهو (دينك ودين الزبير ودين الترابى الجابكم لينا هنا مالكم دايرن تجننونا ) وطلع00 ونحن (انفقعنا بالضحك)00 وكان اليوم الثانى انتهى00
3. ده يوم الوداع للمعسكر يا (مركب فيك سنبك) وتقعد يا اتخارجت اها طبعا كلنا بى شهاداتنا الطبيه الا (محمد فاروق) فطبعا كلنا جينا سوى بقت ليهو حاره نمشى نخليهو براهو فقال لينا انا لو ماطلعت معاكم لاداير شهاده لاداير جامعه 00 قلنا ليهو اشمى حاول ناس اللجنه ديل باى طريقه نحن زاتنا مابنخليك 0قام ابوحميد مشى (حنس) ليهو واحد ماعارف اتفق معاهو على شنو قايتو داك قال ليهو تمشى تجيب شهاده مريضه عشان فى لجنه تانيه (محمد فاروق) قال ليهو دى خليها على ومشى المسلط جاب ليهو شهاده قدر الليله وبكره وهو نصيح شديد ولطيح وخش معانا معسكر شمبات....00 كان الوكت بقى ليل قالو لينا اقعدو بكره الصباح 00قلنا ليهم صباح شنو وكلام فارغ شنو ورقنا وعندنا تانى البقعدنا معاكم شنو 00واتوكلنا ركبنا لينا دفار مسطحين ونغنى نغنى لحدى بدايه بحرى قمنا نزلنا خشينا جوه الى تقاطع المؤسسه ومن هناك (اتفرزعنا) كل زول شاف ربو وين نس امدرما فى جه وناس الخرطوم فى جه وناس بحرى فى جه علىاساس نتل بكره نبرمج حنمشى شمبات دى بتين00
*المعسكر (شمبات)00
صراحه كان تطريبه رغم انى ماقعته فيهو كتير لانو بكون محتج لمويه نقيه والمويه هناك بتجى من البحر ومابتفع معاى المهم ادونى اوراقى وقالو(المنسقاتيه) لى لمن(اخوانك) ديل انتهو تعال عشان نوزعك 00طبعا هو المعسكر كان ترطيبه لانو كان داخليات ناس زراعه جامعة الخرطوم والمنطقه ديك ظليله وبعدين الشباب كانو نامين فى سراير (دبل بيت) وحمامات بالدش والشاى الصباح تحت عند ست الشاى والعنو قريشات بوديهم يغسلوهم ويكوهم ليهو واللبس (ترين سوت ) يعنى على كيفك ما كاكى والتمام تحت الشجر والساعه 8 وطبع الشباب بستهبلو يقولو بعد ده تعبانين 00مرات يقولو ليهو اقعدوا مرات ارجع العنبر 00انا زاتى زى الكنت عايش معاهم ماعاطل وهم كلهم هنا كل يوم معاهم (الواحد مرطب اكتر من بتهم) 00لكن كان (مالينهم ) ليك محاضرات ايييييييييييييييك (نظام غسيل مخ وكده) 00
من الطرائف هناك لو تذكر قصة التور الفكاهو (عمر) على ما اعتقد وقلب ليك المعسكر قلب وادكم فيهو اداره داخليه زى السم اليوم داك00 قايتو ناس عزة السودان التانيه اتضرروا كتير مننا لانو معسكرنا ده كلو نصحيين 00فناس عزة السودان الثانيه قالو ليهو العيان زاتو يقعد فى المعسكر لكن مايشتغل 00لكن نحن ماعملو فينا البدع زملانا الودهم المطار والناس نيام والواحد يلقى نفسو قدرام الطياره والسلاح فى راسو وكم فقدنا منهم ياااااااااااااه (ابوحميد) ده براهو بوست تانى00
* التوزيع :-
اغلبهم وزعوهم فى الشرطه انا معاى كم نفر ودونا(ديوان الزكاة ) الفى الحاره التاسعه قال نظام تحصيل عشان كان قريب من بيت ناس جدنا فى الحاره السابعه ومحل بيتنا القديم الحاره التاسعه00
لكن للاسف ما استمريت وحاتك انت عارف ما كنت مرتاح 00الواحد بتمر عليهو حاجات تقطع القلب والكيزان ديل يغيظو كيف 00يعنى يجى المسكين يكون داير دعم يتكلمو معاهو بى طريقه قبيح وسخريه واستهزاء يطلع وحالتو تقطع القلب والواحد يموت هنا بالغيظ 00بقيت اتسيب وفى الاخر قلت اوضح وجة نظرى عديل مشيت لو احد فيهم قلت ليهو انا ماشى لى خالتى فى بورتسودان حاطره لمدة اسبوعين اكون معاها اطفالها صغار وزوجها سافر بجى بعد اسبوع 00قال لى مافى طريقه بديك الخميس وتجى السبت (غايتو جنس فهم) اقول ليك اليوم الاربعاء يعنى اقطع التذكره بتين واسافر بتين انت بورسودان دى مدنى دايره يوم كامل واجيك بتين ثم انى اقول ماشى اقعد مع خالتى زوجها مسافر (استغفرتك يامالك روحى ) علىقول حبوبتنا00
المهم قلت ليهو بتصرف مشيت جيت راجع بتين ماعارف لقيت كل الشباب وزعوهم على مكاتب دواوين الزكاه الودوه السوق الشعبى امدرمان والودهو وين ماعرف 00اها جيت راجع وريتهم خلقتى قالوا يوزعونى امدرمان (دقيت جرس) ياهنا يابلاش 00قالوا هنا لا يا يرجعونى المنسقية تانى 00 قلت ليهم برجع زملانا القاعدين قالو لى اسمع اترجاهم عدى قلت ليهم (ودينى) ما اترجهام كان يودونى (راجا ) زاتا00 ومشيت المنسقيه لقيت لى (بنيه) (رائد) قالت دايره ليها مجندين يشتغلو معاها فى (مركز الاطراف الصناعيه) بالقرب من (المنطقه الصناعية الخرطوم) رفضت قلت ليهم شفو لى محل تانى00 ايو جنس تلتله ومشاكل وناس الامن يدخلوك اوضهم دى (انت داير تعمل مظاهرات واسئله سخيفه)لانو جد اخلاقى وصلت مش نخرتى وصلت نخرت جدى زاتو من امشى وتعال امشى وتعال00 الى ربك فتحها على يوم لقيت لى رائد كده يحرك لى اجرائتى الليها سنه عشان يجدوعنى فى حته تكون قريبه ومريحه اها قايتو اتوكلت كلمتو خشى معاى والملاعين كانو ماشافو خلقتى دى 00بى كل استهبال انت منزومان مفروض تتوزع لى ماقاعد تجى (كيف ماقاعد ..!!؟؟) 00 شافو الدبابير دى تلمع فىالكتوف خلاص اتجننو فينى لو الواحد عارف كده كان جاب الحاج رغم انو عارف ماحيجى معاى مخلينى اكل نيم بس واولاد جيرننا حاجاتهم بتجيهم لحدى عندهم (قليتو مانحسدهم) لكن برضو كويسه تربيه وكده00 اها المنسق قال لى اسمع نوزعك (سلاح الموسيقى ) كيف؟00يامان رضيت طوالى اولا اخوك بحب الموسيقى موت وبعدين زاتو نرتاح من التلتله دى00 وانتهينا من هم كبير ومرحله اخرى فى برنامج الالزاميه00
*سلاح الموسيقى:-
فتره جميله كان كل يوم (مهلشين) ونحضر حفله وحتى الشغل زاتو العساكر قالو ما واثقين فينا حنجوط ليهم شغلهم اها بقينا نجى تمامت عدد بس ولانو نحن ما ادربنا ماعندنا شى وبعدين سلاح الموسيقى سلاح فنى يعنى مافيهو قيود العسكريه الصارمه ديك يعنى تلقى ده بتونس مع مع دى والضابط مع العسكرى مافى قيود شديده خالص على هذا الاساس حيانا كانت حلوه نجى بس المهم تجى (تتمم) ومرات بعد الفطور نمشى نقعد فى (السريه الخامسه) يجى الفنانين ديل (يبرفوا) هناك 00اها مرات من بعد الفطور (كل زول يمشى يشوف ربو وين) 00عدا زملانا الدربو مرات بكونوا سادين 00
اها فىالحال ده وتمام لكن الماهية ال (50الف) كانت بتجينا ناقصه وكل مرة ناقصه اكتر 00يوم جمعونا للماهيه الرائد بتاعنا ماعرف منو التسلط عليهو وراهو انو ابو فى الديش منو ماتعرف كمان ناس الديش يعرفو انو الزول ده ابوه دياشى يوروهو العين الحمراء اها بقى داير يتلتلنى لكن داير يجبها ظريفها بدا ليهو بى كم زول داير يحقوهم (صلعه) عشان مايكون فيها شى لم يجنى لكن قبل الحلاقه قال لى (اجرى) لحدى العمود داك وتعال لمن جيت قال لى يلا ارجع لف عكسو00وجيت قعته للحلاقه 00بس مع اول جره للمكنه وكانت مكنة كهرباء (الكهرباء قطعت) بقى الشعر مقروم من وراء وحاله بقت صعبه امواس مافى 00رسلو صاحبى (مجتبى) عشان يجب موس ابى وانا زاتى رفضت تانى اقعد بس المشكله بقت فى الشعر المقروم ده 00برضو نقول محظوط كنت لابي لى فنيله فيه نظام طاقية (جنس حظ) قتيت ليك راسى والواطه سخانه لكن اسوى شنو 00اها انا ومجتبى قامو دخلونا (الكركون) 00قايتو انا عشان حلقو لى(اطلقوا سراحى ) قبال مجتبى لكن صاحبنا ده بقى قاعد جوه والساعه اتنين جاى انا قايتو انتظرتو وبقيت حارسو الرائد قال لى ما تمشى قلت ليهو ماماشى منتظر صاحبى قال انتظر وانا قعدت انتظر قايتو لمن جات زى 4 كده فكوه ومشينا سوى 00لمن وصلنا المحطه الاوسطى امدرمان مشيت على الشباب البحلقوا بدون دكاكين فى فى احد ازقة السوق وراء المركز العام للحزب الاتحادى وجنب الجامع الكبير فى وسط السوق 00الشباب هنا ماقصرو فطاحله قايتو وزنو الشعر بى طريقه بقت اشبه لى الصلعه 00الراجل هو زاتو ماقصر بدل يشيل شوية شعر نكنتو ليك من جذورو 00قابتو الشاب ماقصر ومشين على كده افترقنا هو ركب مشى يبتهم (ابروف) وانا مشيت (الكليه الحربيه)00 الحادثه دى خليت رصيت لى كلمات فى مجتبى وفى حالنا00
*اسرى
الشمس لم تكن سخية ككل يوم
درجاتها عندى بين الصفر تحت السكون00
والاسباب تاتى دون عتاب
فكم قيثاره ضاع صوتها فى السجون00
الشمس اليوم قل عطؤها
صارت بخيلها فقدت نبض الشجون00
الم تكن لحن عبقريا لذيذ
واليوم تهت بين خطوط الكاكى والكركون00
كم مثلك ضاع ى الصدى
كم مثلك مصير مجهول ترقبه العيون00
ويح نفسى وجدتك الرق
اانهارت عدالة الدنيا اصبها الجنون00
وماذا لحق بنبتة رويتها بدمك
وباى فاس عسكرى مخبول يكون00
فا انا اقف معك بشراينى
اساندك رغم العواصف والظنون00
ستعود للحريه
ومهما مشيت فالطريق يهون00
وستخرج خنجر القرارات
انت وغيرك وكل شخص فى المليون00
اذا انت فى المعركه والنضال
للثوار انت مع النصل المسنون00
لقد دعتك الظروف الارتحال
وسجن القدر قلبه الحنون00
لاتندم لاتتحسر فهى صدفة
وعندها وجدت سيل منون00
ياسر النشاذ فى امواجه
وتعود الشمس بدفئها الحنون0
عدى كم يوم كده كان فى محاضره فى السلاح (سعادة اللواء) جمع السلاح وجابونا نحن المجندين يطرشنا كان فاهمين حاجه المهم جينا0 0فى نهاية المحاضره فتحو باب الاسئله لم نجاء الدور علينا بقلب رجل واحد (فتينا) ليك الرائد بانو بياكل قروشنا كل شهر يقول لينا دفاتر وشنو ماتعرف 00دخلناهو ليك فى اضافرو واللواء فى حينها محبه يحرجو 00قفل على كده بس قبل ما الناس يتوزعو الرائد قال داير كل المجندين يكونوا قاعدين 00وادانا (البيان) التالى نصو00من الان فصاعدا الحضور زى العساكر من الدغش (تمام الصباح) وحتى شايفين زملانكم الجاين فىالباب ديل ما محسوبين فى حضور اليوم فقط الحضرو المحاضره دى00اذا اصلو داير المعامله 00صبحت شمي اليوم التانى وقلنا دغش شنو البنجى فيهو ولا على كده (قرض) 00اها بعد فتره سمعنا بانو رفدوه هو بعض الضباط فى السلاح لانو (سفو) ليهم قريشات00 والله فى00
تانى الواحد بعد داك نزل الجامعه وسافر وجاء وراجع قبل الغربه دى كان فضل ليهو كم شهر مشى اشتغها فى قسم الكمبيوتر فى اذاعة الديش00 واظنو فضل لى كم زى 3 شهور وانتهى او اقل 00
الفتره بتاعت سلاح الموسيقى كانت جميله (الواحد ) يحى الفنان (عمر الشاعر) وشكر كتيرا علىالهدية (عود عراقى تم تسجيل به سهره فى تلفزيون دبى) والفنانين الكانو بهناك بظهروا هناك 00
ده كلها يا ابوحميد ذركرايت بدها مشروع مرضك واخليك تتذكر فيها كل حرف ومشوار ومشوار يا اخى الصغير00
ياما سهرنا ليالى 00
ياحليلك ياغالى 00
دايرك تسلم على ناس البيت والحاجه والاخوات وخالد وتقول ليهم ولدكم بخير وصحه وعافيه وجد مشتاق ليك (ياطير ياطايرمن بعيد فوق الغمام من ربوعى ..احمل الشوق ياحمام) 00
وايضا للذكرى (فى زول بيعمل فى اخوه الكبير كده)00
النضــــــــال00 الــوهم والحقيقــــة??!!!……
---------------------
وتمتد الرؤيا بعد الرؤيا الي الابد
| |
|
|
|
|
|
|
| |
معتز تروتسكى
samwal ebrahiem
عوض الله الفولانى
mahdy alamin
tmbis
لؤى
محمد ابو القاسم
مأمون التلب
alfatih
فيس بوك
تويتر
انستقرام
يوتيوب
بنتيريست