|
|
|
 Re: لــــؤى يــلا وتعــال يـــلا...... (Re: عوض الله الفولانى)
|
الأخ العزيز لؤى
شكرا ليك لكن اليوم ترقب منى رساله اخرى
وتشكر عزيزى على الاغنيه..
لكن هناك مشكله فاغنيه تبدا ثم تتوقف لااعرف ماذا يحدث ..
وايضا لو تكرمت ان تتم معالجتها لكى يتثنى للجميع الاستماع بروائع الدكتور الاستاذ وردى..بالاضافه الى لنك للحفظ
تشكر لؤى وشكرا جميلا والاغنيه مهداء ليك ايضا..
ويا لــــؤى يــلا وتعــال يـــلا نهاجر فى بلادالله
الاستاذ العزيز
عوض الله الفولانى
احلى اغنيه ليك واجمل صباح
وانت ايضا
يــلا وتعــال يـــلا نهاجر فى بلادالله..
تحباتى ولك ودى..
| |
 
|
|
|
|
|
|
|
 Re: لــــؤى يــلا وتعــال يـــلا...... (Re: معتز تروتسكى)
|
الأخوان معتز وعوض الله ، تحيّة طيبة ..
أغنية تعال يلاّ لم يلحنها وردى لحناً خاصّاً بها كبقيّة أغانيه وإنّما إختار لها لحناً كان قد غنّى به قصيد محجوب شريف (( الحُب والثورة )) ، وكانت فكرة وردى أن مرحلة غناء الحُب والثورة وظروفها قد تغيّرت وقتها ، لكنّه أراد للّحن أن يبقى حيّاً ، ولذلك غنّى به يلاّ وتعال يلاّ
كل الوُد
لؤى
الحُب والثورة
_______
مشتاق ليك كتير والله
وللجيران وللحلة
كمان قطر النضال ولىَّ
وغالي عليَّ أدلىّ
***
محطة محطة بتذكر عيونك ونحن فى المنفى
بتذكر مناديلك خيوطها الحمرا ما صدفة
بتذكر سؤالك ليَّ متين جرح البلد يشفى
متين تضحك سما الخرطوم حبيبتنا ومتين تصفى
سؤالك كان بيعذبنا ويقربنا ويزيد ما بينا من الفة
***
ويزيدني حماس
وكم فى قلبي دق نحاس
وطار من عيني باقي نعاس
ونحن اتنين بنتقاسم هموم الناس
أعاهدك يا أعز الناس
***
أسامحك لو نسيتيني وأهنتيني وبكيتي عليَّ
لو فى يوم رميت سيفي ورفعت ايديَّ
وخنت الثورة جيت والذلة فى عينيَّ
حرام عيونك يناغموني ويرحبو بىَّ
حرام ايديك ينومن تاني فى ايديَّ
***
بس لكن يا ويلي يا ويلي
أقبل وين وأقول يا منو
لمن أخون صباح العين وأخون جيلي
أعاهدك يا قمر ليلي
وحاة أمنا الخرطوم
أشيل شيلي وأموت واقف على حيلي
***
وأقول ليك يا أعز الناس
على الوعد القديم جايين
ما بين الثورة والسكين
ثوريين حتى الموت ثوريين
وأقول ليك يا صباح العين
بنادق وين بتمنعنا العديل والزين
قنابل وين بنادق وين
لِحفظ يلاّ وتعال يلاّ
| |
|
|
|
|
|
|
|
|
|
Re: لــــؤى يــلا وتعــال يـــلا...... (Re: لؤى)
|
العزيز لؤى
سلامات وعوافى ياخلاصة الخير الفى االناس
وتريلق الزمن المتعافى..
امبارح عصقورتك
ركت فى البال
رقصت وادتت عصفور الريد شبال
وطارت من قولة كر
ما لازول النهر العصفوره
بحرض فى كلاب الحر..
شكرا
لؤى
وتقبل تحياتى عمار الذى كان ان يخترق المنبر من الفرح ويسكن داخل هذا البوست المفعم بالعظيم اللاستاذ وردى.
فقد كان مفاجاتى له ..
وهو يشكرك حتى النخاع عزيزى
وانا كذلك..
وكلم يلا تعالو نهاجر فى بلاد الله..
ولكم ودى
ولك ودى عوض ..
ولك ودى لؤى..
| |
|
|
|
|
|
|
|
|
|
Re: لــــؤى يــلا وتعــال يـــلا...... (Re: معتز تروتسكى)
|
الأخ معتز ، سلامات ..
شكراً عزيزى لكل كلماتك الطيبة ، كل هذا الوُد جعل معارفى يعتقدون أنك تعرفنى وأعرفك . انا سعيد لكون اللقاء عبر هذه الصفحات يخلق لنا فُرصاً لتكوين علاقات يملأها الإحترام والوُد . التحيّة عبرك لصديقك عمّار والذى أسعدنى التعرّف عليه كذلك عبر رسائله .
لك عزيزى كل التقدير
| |
|
|
|
|
|
|
|
|
|
Re: لــــؤى يــلا وتعــال يـــلا...... (Re: لؤى)
|
لؤى..
خضر..
الاغنيه كما هو الحال...
نهاجر فى بلاد الله..
وداخل بلاد الله زاتها نهاجر...
لكى تظل الهجره داخلنا..
ويظل الدكتور يصدح..
للجميع ..
ويلا وتعالوا يلا نهاجر فى بلاد الله..
تروتسكى..
| |
|
|
|
|
|
|
|
|
|
Re: لــــؤى يــلا وتعــال يـــلا...... (Re: معتز تروتسكى)
|
زميلات زملاء البورد.
خالص التحايا لكم..
اشى المؤسف والمر ان يهاجر الانسان داخل بلدو ..
فى الجنوب فى الغرب فى الشرق فى الشمال..
جميعهم هاجرو داخل السودان ..
شى مؤلم ..
اذا لهم هذه الاغنيه..
والهجره يبدو فريضه لكل السودانين البره والجوه...
اعتقد كده ..
| |
|
|
|
|
|
|
| |
معتز تروتسكى
لؤى
عوض الله الفولانى
إيمان أحمد
خضر حسين خليل
فيس بوك
تويتر
انستقرام
يوتيوب
بنتيريست