|
|
 فيمشى التوق الى مشهد وردة كفيلة بامتصاص التطرف الذى فى العداء
|
اود ان اشكر هؤلاء واعتذر ايضا لهذه (الجهجه من الحركات بتاعتى الارعه دى) فى كون انسحب بتلك الطريقه...
لاننى طالما ما انتقتدها لاننى لااحبها فلا يعقل ان اتقمصها فعلا وقولا.!!
اذا ..لن يزيد المكان بوجود دى ولن ينقص خلاف ان تفقد بعضنا ونتبادل اطراف الحديث وقيعانه ..
واوعدكم ما اكررها جيت جيت مرقته مرقته من دون احم ولا دستور..
لكن هناك مادفعنى للوقف والحديث حول نقطه معينة لاحت لى وصرت استغرب فيها..
شكل العلاقات المبنيه هنا (هظار ولا جد)..
لو قلنا جد من خلال اُناس تعرفهم ليس من (الليله ولا امبارح) فشى طبيعي ان يكون التواصل ممتد لكن تاتى فتره يُخيل لك ان شكل الزحمة التى يصوغها لك البعض تجتاح حتى ساعات النوم …(يعنى المنبر ده خرب ناس كتيره)
وعندما تاتى الى التطلع فى المنبر تجدهم ماشاء الله (active) (اوي) ..ترجع تسال الواحد مره اخرى يقول ليك مزحوم؟؟!!!
اذا كان بتلقى الواحد شغال 25 ساعة فى المنبر يقول ليك مشغول .. قايتو لو جينا مع حكاية الشغل دى بنطلع ناس كتيره بيش لانو الواحد بياخد من زمن راحتو لحاجات كتيره منها البورد ده..
طيب الواحد مابحب يفرض نفسو على الاخرين لكن فى ناس بجبروك انك تفرض نفسك عليهم لكن هل هذا يعنى بان نتمادى فى انصياعنا الى تلك المبرارت التى اعتبرها (العذر الاقبح من الذنب)..
فلا يعقل ان نجد كل هذا الوقت ولا نملك 10 دقائق لتفقد الاعزاء (ماهى الحكاية ماجبر) (ولا زول محتاج لى زول ) سوى تدعيم للعلاقات الانساينة التى اجزمت بان ليس الكل يتطيع ان يتفهمها كمايجب!!
فهمى ايضا بان لايسرق الزمن ده كل شى جميل مننا...
يعنى زمان كان تلغراف وبعدها بريد عادى وو الخ وفى النهاية اصبحت (electronic mail ) يعنى فى اعتقادي بالكتير فى كل اسبوعين او 3 معقوله لانجد من الوقت 10 دقائق لارسال بالكتير ثلاث اسطر لتفقد الاخرين والاعزاء..
ولا هى حكاية صديق وعزيز والخ وهلما ساى نظام (حنك بيش ) كما يقولون؟!!!
واذا كانت هظار..ده شى تانى ماعندى فيهو كتير ..
لانى اتعاملت مع المنبر ده باسلوب الوسيله لا الغاية ..
اى اننى كونت منه صداقات اعتز بها ودى المرحلة الاولى وانتهت يبقى بعد داك شى مهم جدا فصل علاقة المنبر بعلاقتناالحنكونها ..
الكلام ده انا ذكرتو ليه لانو قبل كده رسلت لى زول وين مابتسال (قال) لى حاسال منك فى المنبر!!!!
وانا شخصيا امتعضت جدا لانو استئصال علاقتى من المنبر ده شى انا بسعى ليهو وماداير الشغلانه تبقى محصوره على المنبر وجيت ومرقته وفعلت وسويت...
لذا المنبر عندى مكان وسخان الى حين الواحد مجبور يعيش فيهو زى (السودان )..
الاقدر اقولو من خلال الشى الطلعت بيهو ولا مافى داعى اطمم بطنكم الفيكم مكفيكم وبعدين انتو بتخافو من الصراحه .  .
|
|
 
|
|
|
|
|
|
|
 Re: فيمشى التوق الى مشهد وردة كفيلة بامتصاص التطرف الذى فى العداء (Re: معتز تروتسكى)
|
وبحاول اجيكم فى ناس بفتش عليهم عندى نقة فيهم..
انا منكم؟!
احبائى انا منكم
انا من نبعكم قطره
انا كلمه
وبنا تتكون الجمله
انا وانتم ضمنا
احمرار الغروب الحريق00
انا قلبى لاينبض بدونكم
لايسير وحده فى الطريق00
انا منكم
انا ونفسى بعدكم
لاتسوى شيئا00
انا والمكان نبكى
عليكم حتا00
انا منكم
انا من دمكم
قطره00
انا وانتم
نكون القلبا00
انا منكم
1996
شوق الحسكنت؛نادوك وسكن. .
وعزاز علينا شالو نوم عينيا فراقهم جبرى حشا مابيدنا.. (دى القيادة العامه نعمل شنو.  .)
وعزاز علينا
اها. .
| |
|
|
|
|
|
|
|
|
|
Re: فيمشى التوق الى مشهد وردة كفيلة بامتصاص التطرف الذى فى العداء (Re: معتز تروتسكى)
|
عزوز بن تروتسكي ال مليزوفتش :
يعني تحاياك النواضر دي ما يطالنا منها جانب؟؟؟؟؟؟؟؟؟؟
يا زول ما بيناتنا وشوف كان تاني زول يشتغل بيك بهناك
اها اسة نفهم شنو ؟؟؟ إنت جيت ولا ما جيت ؟؟؟
لو جيت تبقا سمح إنت وبسكويت وااااااااااااااي سمح إنت وشرط إنت ..
وكان ما جيت يبقا هنا شامة وهنا نقطة ..وبرضو ااااااااااااااااي..
تخريمة:
اها الجدادة الحاتاهو قرض ديك ما لقيت ليها ترجمة بي الروسي؟؟
تحياتي..
| |
|
|
|
|
|
|
|
|
|
Re: فيمشى التوق الى مشهد وردة كفيلة بامتصاص التطرف الذى فى العداء (Re: معتز تروتسكى)
|
الاخ الرائع
معتز تورتسكى
لك التحية
اين انت يا رائع والله مشتاقين
والله يا اخوى قول الصراحة بكل جوانبها وتاكد يا اخى ان المنبر يحمل اسم منبر حر تقريبا ..
انت عارف يا تروتسكى انا كنت متخيل يوم من الايام الناس البتكتب فى المنابر دى تتفق على شئ واحد لكن للاسف الكل لا يعرف ان الاتفاق شئ غير مقبول فى المنابر ...
ومنها اريد ان اقول اننا السودانين اجتمعنا على كلمة الا نتفق ابدا ابدا ...
اسمعنى يا اخوى ابقى ظاهر
تسلم اخى
| |
|
|
|
|
|
|
|
|
|
Re: فيمشى التوق الى مشهد وردة كفيلة بامتصاص التطرف الذى فى العداء (Re: عاصم ابوبكر حامد)
|
Ridhaa
عزيزى تشكر على التحية ونبادلك باحسن منها بقدر استطاعتنا وانت لم تكن الا وترا يدين كي يزيد الصمت اصرارا وصمتا.. ولم تكن وقفا ينهنه فى الدواخل حينا واحيانا يجاهر...
تشكر سيدى ..
وياريتك تكون شدّيد...
--------------------------------------------------------------------
عمر الفاروق
ال سعود. ..
اها تحياتى النواضر انا بخت ليك لستات بتقيم مبهبم شوف انت تابع لياتو فصيله وانحشر معاها . .
الشغله ما اكتر من رد الواجب واقتصرتو على الموجودين فى البوست السابق عشان لو قلت اسرد ماحقيف من هنا لحدى جزر (فيجى وعد حسين)..
بعدين الجداده جاري فيها البحث ماسمعت بى (نزلة الطيور) (تبع الهيم والسمير)..
الى الان مالقيت غير بالفرنسى وده الشغالين بيهو لكن جارى البحث..
يوم القى النتيجه الا تقوم جارى وتبشر جدادك. .
طبعا مافى اكتب ليك نقة زي حقة الناس العادين عشان ربما ماتقع ليك فى جرح وتقوم تجنن فينا ساى براى ماناقصك. ..
-----------------------------------------------------
عاصم ابوبكر حامد
ولدنا (بتاع الافلام البولسية )..مادايرن ليكم محقق من ماركة (كونان) والله تجبيبونى ولا اقول ليك خليها مستوره..
اموت انا فى البيتزا. ..
ياسيدى اخبارك وصحتك وكيف عامل والاهل والجيران..
يااااااه ؛ لاننا لم نفرح كما يجب ولم ندهش على مايرام..فثمة اشياء معلقة فى غموض التكوين واصرار الجسارة ؛ وثمة اشياء اخرى معفية من التطوع تدعونا لتناولها باسنان من حرير داخل مستودع الرهافة والجمال..
| |
|
|
|
|
|
|
|
|
|
Re: فيمشى التوق الى مشهد وردة كفيلة بامتصاص التطرف الذى فى العداء (Re: معتز تروتسكى)
|
ودايركم ماتنسو كلامى ده...
Quote: اود ان اشكر هؤلاء واعتذر ايضا لهذه (الجهجه من الحركات بتاعتى الارعه دى) فى كون انسحب بتلك الطريقه...
لاننى طالما ما انتقتدها لاننى لااحبها فلا يعقل ان اتقمصها فعلا وقولا.!!
اذا ..لن يزيد المكان بوجود دى ولن ينقص خلاف ان تفقد بعضنا ونتبادل اطراف الحديث وقيعانه ..
واوعدكم ما اكررها جيت جيت مرقته مرقته من دون احم ولا دستور..
لكن هناك مادفعنى للوقف والحديث حول نقطه معينة لاحت لى وصرت استغرب فيها..
شكل العلاقات المبنيه هنا (هظار ولا جد)..
لو قلنا جد من خلال اُناس تعرفهم ليس من (الليله ولا امبارح) فشى طبيعي ان يكون التواصل ممتد لكن تاتى فتره يُخيل لك ان شكل الزحمة التى يصوغها لك البعض تجتاح حتى ساعات النوم …(يعنى المنبر ده خرب ناس كتيره)
وعندما تاتى الى التطلع فى المنبر تجدهم ماشاء الله (active) (اوي) ..ترجع تسال الواحد مره اخرى يقول ليك مزحوم؟؟!!!
اذا كان بتلقى الواحد شغال 25 ساعة فى المنبر يقول ليك مشغول .. قايتو لو جينا مع حكاية الشغل دى بنطلع ناس كتيره بيش لانو الواحد بياخد من زمن راحتو لحاجات كتيره منها البورد ده..
طيب الواحد مابحب يفرض نفسو على الاخرين لكن فى ناس بجبروك انك تفرض نفسك عليهم لكن هل هذا يعنى بان نتمادى فى انصياعنا الى تلك المبرارت التى اعتبرها (العذر الاقبح من الذنب)..
فلا يعقل ان نجد كل هذا الوقت ولا نملك 10 دقائق لتفقد الاعزاء (ماهى الحكاية ماجبر) (ولا زول محتاج لى زول ) سوى تدعيم للعلاقات الانساينة التى اجزمت بان ليس الكل يتطيع ان يتفهمها كمايجب!!
فهمى ايضا بان لايسرق الزمن ده كل شى جميل مننا...
يعنى زمان كان تلغراف وبعدها بريد عادى وو الخ وفى النهاية اصبحت (electronic mail ) يعنى فى اعتقادي بالكتير فى كل اسبوعين او 3 معقوله لانجد من الوقت 10 دقائق لارسال بالكتير ثلاث اسطر لتفقد الاخرين والاعزاء..
ولا هى حكاية صديق وعزيز والخ وهلما ساى نظام (حنك بيش ) كما يقولون؟!!!
واذا كانت هظار..ده شى تانى ماعندى فيهو كتير ..
لانى اتعاملت مع المنبر ده باسلوب الوسيله لا الغاية ..
اى اننى كونت منه صداقات اعتز بها ودى المرحلة الاولى وانتهت يبقى بعد داك شى مهم جدا فصل علاقة المنبر بعلاقتناالحنكونها ..
الكلام ده انا ذكرتو ليه لانو قبل كده رسلت لى زول وين مابتسال (قال) لى حاسال منك فى المنبر!!!!
وانا شخصيا امتعضت جدا لانو استئصال علاقتى من المنبر ده شى انا بسعى ليهو وماداير الشغلانه تبقى محصوره على المنبر وجيت ومرقته وفعلت وسويت...
لذا المنبر عندى مكان وسخان الى حين الواحد مجبور يعيش فيهو زى (السودان )..
الاقدر اقولو من خلال الشى الطلعت بيهو ولا مافى داعى اطمم بطنكم الفيكم مكفيكم وبعدين انتو بتخافو من الصراحه . . |
بس الاهم اتذكرو ده..
Quote:  فيمشى التوق الى مشهد وردة كفيلة بامتصاص التطرف الذى فى العداء |
| |
|
|
|
|
|
|
|
|
|
Re: فيمشى التوق الى مشهد وردة كفيلة بامتصاص التطرف الذى فى العداء (Re: PLAYER)
|
خالص التحايا
الملك
طيب مادام مصر اوريك هنا مافى مشكله ..
ياعزيزى مثال قريب ولا بعيد..
بوستك ده (
الملك،،وردة تقل نداوة عن قلبك،، يوم ميلادك،،
يعنى مثلا لو ما جيت هنيتك هنا هل معناها انو فى شى بناتنا لاسمح الله؟؟
كثير بعتقدو كدا
اوريك انا شخصيا داير اقول شنو..
بعنى انت المعنى بالتئهية اولا واخيرا فعندنا وسلية اتصال كالايميل او التلفون يمكن ان ارسل ليك فى ايميلك اهنيك بكلام حلو وجميل واعتقد ده يكفى لانو انت المعنى بالتهنئه ماغيرك
وحكاية التهنئه هنا او اشياء اخرى الواحد بلجا ليها بالرغم انو ماقاعد يحبهالانو فى ناس ماعندك معاهم اتصال خلاف البورد هنا..
اتكلمت عن مضمون الرساله المنبريه وقلت الناس لسه ماقدره بالضبط تعرف هى عايزه شنو من خلال المنابر دي..
فالحكاية كل مافيها ده فهمى بانو انا شخصيا تفصل علاقتى بيك من المنبر نهائى او بقدر المستطاع ..
ممكن اكون عيان يكون عندى زول اتوفى وو الخ انا شخصياافضل ((افضل)) انو اجيك فى الايميل اتصل بيك وهكذا...
مابقول انى ماقاعد ابارك للاخرين لانو بعضهم بعتبرها عادى انا ليس ضدها نهائى لانو كل زول وطريقتو ؛ بالاضافة الى تراتيب الاولويات..( لكن زى ماقلت ليك بفضل)
كمان مرات بكون لزاما على ابارك او اواسى بعضهم لانو مرات بتحس حتى الموت والفرح هنا فيهو كيمان وخلافات ؛فبتلقى صاحب الشعبيه لو اتجرح ساى ايييييييييييييييييييييك..
واحد تلقاهو ضربتو عربيه عشان زول عادى بمعنى عادى ولا فى زول يهبو ليهو الاتنين تلاته..
ارجو ان يكون كلامى وقع ليك...
وكل سنه وانت طيب..ياالملك. .
وبحاول اجيك بى هناك بس خلى المداخلة تجى عشان ماتكون مرتجلة..
------------------------------------------------------------------------
محمدين محمد اسحق
ابوحميد ازيك وصحتك يازول انشاء ماتكون جارى بى هناك وبى جاى اكاتيف..
الكلام الفوق ده برضو مايغباك انت زول صاحبى عان كده اقراهو كويس..
وقيل بعافية عزيزى
وورينا اخبارك..
----------------------------------------------------------------------
PLAYER
بلي اكو بتا نينا
ســـلام ليتكم كتير كتير..
انتو كفين
مابتقصر انت..
Quote: حكمة اليوم
في البورد لا تاخذ الكلام الجد هزارآ ولا الهزار جدآ حفاظآ علي صحتك العقلية والقلبية |
ماتخاف على الصحه العقلية والقلبية ..انا المكان قادر اتعامل معاهو كويس وبقراية جيده..
تشكر على النصائح وبرضو حناخد بيها البحر مابيابى الزياده..
كارل دينق. .
| |
|
|
|
|
|
|
|
|
|
Re: فيمشى التوق الى مشهد وردة كفيلة بامتصاص التطرف الذى فى العداء (Re: معتز تروتسكى)
|
*كان يمكن ان يصبح هذا المكان مشعلا لحركة النهضه والوعى فقط لاننى لم ندرك الوعى الكامل لمعنى الرساله المنبريه..
الرسالـــــة المنبريـــة..
هى واقع ثقافى جديد مستنبط من كلمة(الثقافه) بمفهومها العام الشامل فى البناء العلوى للمجتمع الذى يتألف من الدين والفلسفة والفن والادب والتشريع والقيم السائدة فى المجتمع ، كما تُعد(الرسالة المنبرية) من خلال انشقاقها من عموميات الثقافة كواقع جديد انعكاسا لبناء المفاهيم الجديدة ولعلاقة الانتاج السائدة فيها. فاذا كنا نجد فى فلسفة (ارسطو) احتقارا للعمل اليدوى فان ذلك يعتبر تعبيرا عن واقع وانقسام المجتمع اليونانى القديم حيال مسألة العمالة.ونجد أن هذا الانقسام جاء وفقا لمتطلبات العصر فى خلق اداة فعالة تجاه المسألة الزمنية بنفس القدر كانت المنابر او مواقع (الانترنت) كواقع جديد اصبحت من خلالها المادة الاعلامية متوفرة ورسالة، كذلك يأتى السؤال عن امكانية توظيف تلك الهالة فى أغراض يمكن ان تساهم فى البناء الاجتماعى بجميع نواحيه.
واستخدام سلاح الكلمةفي(منتديات الحوار) فى اعتقادى سيكون من اصعب الاستخدامات لطرح رسالة او فكر معين باستناده على (الكلمة) ..تختلف النظرة الى الفكرة باختلاف المذاهب الفلسفية والاجتماعية المختلفة فى تحديد شكل تفعيل هذه المنابرلتؤدي رسالة يمكن أن تخدم البشرية ..
فهناك فكر ينظر الى مضمون الرسالة التى تقدمها تلك المنابر باعتبارها عملية معنوية لا أكثر يعتمد أصحابها على التسلق على القضايا الحية فى المجتمع ليخلقوا منها وسيلة لجذب الانظار دون القضيه (وتلك رؤية انتهازيين)..
وهناك نظرة اخرى تعتبرها مجرد ثمرة مباشرة من ثمرات المادة وافرازا من افرازاتها فى ظل وضع طبيعى للتطور البشرى المادى فتكون مجمل الاشياء عند اصحاب هذه النظرة انصرافية جدا (وهذه نظرة الساذجين)..
وهناك نظره ثالثه تدرك الاساس العضوى للعملية الفكرية (للمنابر)كما تدرك اساسها الاجتماعى والتاريخى كذلك فى محاولة لخلق اية وسيلة لتغيير الواقع المعاش بعيدا عن السذاجة والانتهازية..فتكون الرسالة المنبرية عند اصحاب هذه النظرة ليس مجرد مرآة تعكس الواقع وتصوره ،وانما هى ايضا كذلك وسيلة فعالة لتغيير الواقع وتطوره (وهذه النظرة العلمية والموضوعية للرسالة)..
عملية الحــــــــــــوار:-
(اختلاف الرأى لايفسد للود قضية)...من خلال هذه العبارة التى اصبحت شيئا من ضروب الخيال فى امكانية ان يساهم شكل الحوار فى عملية تفكيك الاشياء بدفعها الى الأمام ..لهذه العبارة تأثير كبير فى عملية الحوار (النفسية العامةه) عندما يتم الاقتـناع بهذه العبارة يصبح المحيط العام للنقاش فيه شئ من السعى لتحيق مستوى تعايشى لائق بالمجتمع فى جميع النواحى (الاقتصادية-الصحية –الاجتماعية-الثقافية...).
اما خلاف ذلك فيدخلنا فى اشياء (كاالديالكتيك) و (الجدل البيزنطى) فى مرجعية للنقاش والحوار ..
الدخول فى عملية حوار يعنى الدخول فى شئ من ثقافة (السلم والديمقراطية) باعتباره جزء من تلك الاشياء ..
اساسيات الحوار هو عملية التوافق للوصول الي حل وسط لخلق صيغة أحاديه يمكن ان تدعم عملية النقاش والحوار دون النزول عن المبادى وان فشلت تلك الأدوات فى الوصول الى حل مرض من خلال النقاش يصبح على الجميع الاحتفاظ بما تبقى فى الجملة (لايفسد للود قضيه)..
لكن اين نحن من تلكم الاشياء كما يجب التفريق بين النكوث عن المبادئ وعن عملية الحوار فى حد ذاتها واختلاف شكل المكان والزمان كواقع اساسي فى عملية الحوار ..
منتديات الحوار السوداني المضمون والجوهر والرسالة للوطن:-
من خلال كلمة الوطن يمكن ان نُقدم الكثير كما يمكننا ان نُؤخر الكثير فى شكل تناولنا لقضايا الوطن عن طريق(العقلانية-الانتهازية)..
كل انسان عاقل على درجة معينة من الوعى الزائف، او الحقيقى، الجزئى او الكامل، يسهم التعليم بنصيب ملموس ،بالاضافه الى العوامل المادية ،فى تكوين الوعى الانسانى وتطويره وتغيره من احسن الى احسن ،يطابقه ويضاده بصورة علمية فى المضمون واقلها فى العبارة (القلم مابزيل بلم)..تشكيل المفردة من واقعنا السودانى ومحاولة دمجها في الواقع المادى والمحورى فى المنابر السودانية لدفع مسيرة الوطن دون زيف نجدها قد تشكل نسبة كبيرة فى شكل تطابقها مع التعريف العلمى (للوعى) بفهم انه عندما تفشل أدوات القلم فى ايصال الرسالة يصبح لافائدة من وجوده ويصبح كرمح مغروس فى جسد الأمة لايحرك ساكنا.سواء كان عقلا او اى روح تحمل هذا القلم (ان لم تساهم فى حل القضيه تصبح احد ادوات المساهمة فى الفشل) هذا يحتم على الجميع ان ينظرو بان الاشياء الخاصة على مساحة المنابر تاخذ اكثر من كون أن هناك قضايا مهمة بالدرجة الاولى .
قد يتعلل البعض بان القضية قد تتعرض للسرقة من قبل بعض الأرزقية ، هذا لايمانع بان يكون هناك رد فعل مضاد له فى الاتجاه ويصل ايضا الى (روما)..
والبعض يعتبرونها (المنابر) مساحة للجات ومساحة لقضايا شخصية بالدرجه الاولى ..اذا كان البعض يمل من تناول القضايا كناحية سياسية (فالعلم بحر لاساحل له) نتعشم ان يمدونا بشئ من (الفلسفة- نظريات كونية-الحياة- المادة- الادب وغيرها)..
اعتقد اننا كشعب لم نفهم بعض معنى (منتديات الحوار السوداني المضمون والجوهر والرسالة). بشكل واف يسمح له بان يشكل وعينا تجاه القضايا المصيرية فى المقام الاول ثم بعدها تأتى الكماليات..
*يقول شو: فى حديثه عن البناء الدرامى مشتركا مع (ويليام آرثر).. ((ان المشروع لم يتم لأنهما اكملا بالكاد فصلا واحدا))..
وكان شو يسمى مسرحياته بالمناقشات،لانه لايحفل كثيرا ببنائها الدرامى((التقليدى))،وكان ينعى على شكسبير انه لم يكن يحمل رسالة يقولها فى مسرحياته.
| |
|
|
|
|
|
|
|
|
|
Re: فيمشى التوق الى مشهد وردة كفيلة بامتصاص التطرف الذى فى العداء (Re: عادل ابراهيم عبدالله)
|
الملك
يازول خلاص ماتشيل على بالك كان انت ماخاشى فى النقة دي انا اصلو داير لى فرقه اقولها..
بس ماتنسى ايضا تختها فى حلق فى (ودانك)..
اما عبارتك دى فخليها ساى فعلت فعل السحر..
ياااااااااااااااااااه
| Quote: بين بين كده مشتاقين ليك ولى ونسة مسائية حتى الصباح |
تتذكر ايامنا الخوالى والموقع ولمن بنطلونى اتشرط فى السوق العربى ووو الخ
اكيد الحي مصيرو يلاقو حبايبو
فقط يالملك
لو صادقين...
-------------------------------------------------------------------
ناذر محمد الخليفة
نذورى انت برضو ماتغبالك النقه دي خلى مجدع لي ايقونات دي الهى منك انت يابوب..
(شركاء لاجراء)..وقعت ليك....كااااااااااااااااااااااااك
مهم تتهرب من حبك امواج بكره تغلبك تتمنى بتين توصل قيفك..
وعلى كيفك..
------------------------------------------------------------------
عادل ابراهيم عبدالله
ياكلر انت يالون البنفسج والله مشتاق ليك لكن زعلان من جد..
ياخ انا شغال اجرى رواك لى بتين عدوله..
من السودان وانا جارى وراك ورينى نهاية المارثون ده..
الخوف من النهايات ياصديقى..
وقالو البعيد عن العين بعيد عن القلب
بس مرات صاح ومرات غلط..
يلا منتظر رسولك
بس ما هنا..
والبى اوصلو كيف؟؟!!
| |
|
|
|
|
|
|
|
|
|
Re: فيمشى التوق الى مشهد وردة كفيلة بامتصاص التطرف الذى فى العداء (Re: murtada)
|
خالص التحايا
Waly Eldin Elfakey
دكتورنا..ازيك ياسمح يازين..
كويس انو وقع ليك ...
تسلم انت..
وانت زى النوعية دي..
| Quote: الواحد مابحب يفرض نفسو على الاخرين لكن فى ناس اثتثناء للقاعده لكن هل هذا يعنى بان نتمادى فى انصياعنا الى تلك المبرارت التى اعتبرها (العذر الاقبح من الذنب). . |
ويابلومى شيل الســــــــــــــــــــــــلام...
-----------------------------------------------------------------------------
عبدالله وداعه الامين
ياخ يديك العافية انت..عبدو
ومرة اخرى نسعى طوعا لمؤاخاة الرجل فى انعاطفات الكلام الاتى منه حتى ليبدو كانه ات من احساس نفس مخصصة لتشكيل عطائها بهذا الجم المتورد من الصدق والجمال..
--------------------------------------------------------------------------------
murtada
الاستاذ
تبقى على حكاية اعتذارك مابيفيد والمرة الجايه اجى بلاد العم سام ولا بغشاك. .
خلاص منتظرك عشان اوريطك وتسامحنا ونتسامح برضو...
اخبارك وصتك والوليدات والى لقاء قيل بعافية سيد الناس
وتحية قلبيه من شوقى مرويه..
جميعا ..
دعونى استجيب لاحذيتى التى ارهقها السفر فى تفاصيل المسافات على جغرافيتكم ؛وها نحن نختزل المواقف نفسها التى تُثيرها رغبة الاعتماد على سانحة هى الابتسام الممزوج بحسن الفال..
وسلام من الاعماق يانسمه صيفية..
| |
|
|
|
|
|
|
| |
معتز تروتسكى
Ahmed Abdallah
Ridhaa
عمر الفاروق
عاصم ابوبكر حامد
الملك
محمدين محمد اسحق
PLAYER
ناذر محمد الخليفة
Waly Eldin Elfakey
bob
فيس بوك
تويتر
انستقرام
يوتيوب
بنتيريست