طلب لو سمحتو أن تساهموا فى هذا البوست ده ليكون بوست توثيقى عن الفنان "سبت عثمان".. صراجة فنان بمعنى فنان ؛ ماعندى كتير أضيفو لأنى بطمح فى ذوى الشأن ان يمدونا بأغانية ونبذة عنه وو الخ عن إسهاماته فى الحياة العامة أو الفنية.. لأنو صراحة فنان مظلوم جداً جداً ؛ بالرغم منى لا أفقه مايقوله لكن حاسي بى طعم الفن وقاعد أستنشقو فى نفسو.. كل الميديا الموجودة فى كل المواقع عنو لاتزيد عن سطرين...!!!
08-14-2006, 10:05 AM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
بالله انت عندك حس فنى كمان .. يعنى بتذوق الفن وتعرف الفنانين ..؟؟ والله كويس .. ده اكتشاف جديد .. ولا انت يادوب بديت تتذوق ..؟؟ يا كردى الزول دة قال سبت عثمان .. ما قال سبت دودو .. اتاكد من الاسم وبعد ده ورينا بيستاهل التوثيق ولا ما بيستاهل ..؟؟ تحياتى يا معتز ... والله ما قصرت قاعد تثقف في ناس وجدى ..!! وبالمناسبة مانسيت بوست الكوارث التنظيمية .. اقصد الكوادر .. بس امهلنى شوية.. تحياتي .. وبالمناسبة ما تصدق اطراء الكردى ده .. ده مابيعرف كوعو من بوعو في الفن والفنانين .. حدو بس " الجلابية بيضاء مكوية " سمعها يوم حنتو .....!!
08-14-2006, 11:41 AM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
عاد لكن يالكردى ؛ ساتى مسح بيك الارض مسح. . مافى حل تطلع من المأزق ده الا تجيب لينا ملف شامل عن حياة الاستاذ سبت ؛ وتعمل ليهو بيان بالعمل. . يديكم العافية ..ماقصرتو .. بالجد ساهمو معاى عايز اعرف عن الزول ده والناس كلها تعرف... انا فى نفس كفة سبت عثمان ووتقصير الاعلام منو طوالى بتبادر لى ود الشرق الادروبى(محمد البدرى)... بعدين ياوجدى اسمك ده طوالى برضو بذكرنى ناس جنابو الكردى انت من عنديهم؟!!
المهم بالجد محتاج ليك فى البوست ده وكل الزملاء هنا..
التحايا النواضر...
08-14-2006, 11:46 AM
الطاهر ساتي الطاهر ساتي
تاريخ التسجيل: 02-18-2006
مجموع المشاركات: 3227
بالله ...؟؟؟ وكمان عامل لينا فيها صحفي ديمقراطى و مستقل ... والحكاية مو######## من ورا خالص ..!! ما قصرت يا معتز .. ولسع حنكتشف حاجات كتيرة في بوستك ده ..!!
08-14-2006, 11:57 AM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
bob يادكتور.. الشغلة الدور على النيل الأزرق وسحر الأنقسا... اطلع من شمبات دى شويه ياباشمهندس.. يديك العافية وليقت اى معلومه طايرة ارجوك ماتبخل علينا...
--------------------- عبدالكريم الامين احمد عبدوووووووووووووووو تعرف قبل اقول ليك اى شى عشان ماتقول كذاب الواحد حقو يقوم يتخصص فى علم الحاسة السادسة.. يازول انت فى باى كم يوم وداير اجى عليك فى وست ود الرميله صاحبنا.. اجى القاك هنا.. المهم كفينك ياخ واخبارك وصحتك والله زمن ياعبدو..ياقلب... وانا اكتر من كلامك ده تب وحرم مابزيد عليهو...
Quote: وسبت ده غناي شديد..والحانه بسيطة وعميقة وديل ناس الانقسنا عندهم ارث موسيقي غني شديد..
ونتمي حضور الاخ الفنان عاصم الطيب وهو عضو بالمنبر العام..وله اسهامات واضافات كبيرة في موسيقي الانقسنا..
وابقى طالى باى شى عن سبت يازول ياخريف انت..
----------------- خالد سند جميل انت بحضورك..سيدى.. نحن فى انتظار الاساتذه وكل من لدية معلومه ولا اغنية او اى شى متعلق بحياة الاستاذ سبت.. يديك العافية وابقى لى جوه ..
التحايا النواضر..
08-15-2006, 11:40 AM
Elmosley Elmosley
تاريخ التسجيل: 03-14-2002
مجموع المشاركات: 34683
سبت بدا حياته كعازف بنقز ماهر جدا بنادي الفنانين ثم إكتشف فيه زميلي الراحل وصديق عمري اميقو موهبة الغناء العاليه والذبذبات الصوتية العالية الجمال يستحق التشجيع فهو فناااااااااان
استاذنا الموصلى يديك العافية ولسه عايزين المزيد وعليك الله قدر ماتلقى فرصه ابقى ادينا طله البيت بيتك...
-------------- حبيبنا النصرى.. لو قالوا ليك اوصف جمالك تفتكر تقدر تقول كل الحقيقه...؟ انت زول جميل .. يديك العافية.. ولو لقيت اى معلومه طايره ماتقصر مع الاستاذ سبت...
تسلمو.. وهل من مزيد...؟؟
التحايا النواضر..
08-15-2006, 02:16 PM
محمد علي يوسف محمد علي يوسف
تاريخ التسجيل: 05-15-2006
مجموع المشاركات: 327
سلامات يا اخواننا انا بعرف لي واحد من الفنانين الشعبيين شغال بيبيع طنابير في سوق الله اكبر وصوته زي صوت الزول ده ما عارف ده هو زاته والا زول تاني اسف للجهل الفني. لكن ده واقع الاله الاعلامية في البلد دي وظنيته ده حال المبدعين في البلد دي من غير الناطقين بها لو كان ده زولكم القاصدينه يبقى فيه طريقة الناس تلحق ليها مبدع بالتأكيد كان حيضيع في زحمة المعايش دي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معتز تروتسكى
الطاهر ساتي
.
.
bob
عبدالكريم الامين احمد
خالد سند
Elmosley
محمد علي يوسف
فيس بوك
تويتر
انستقرام
يوتيوب
بنتيريست