دعواتكم لزميلنا المفكر د.الباقر العفيف بالشفاء العاجل
|
|
 الشـبــــاكـ
|
ياتمبس ... الاندومى تطير وتطيرانت وراها..
يالراكوبه كاس العالم طاير وانت لاحقو..
ناذر انت بى فرقتك يدخلوكم كوبرماتطلعو منها وانا ابقى وكيل نيابة كمان...
عمر الفاروق اقول ليك شنو ماعارف..
هانى لاينفعك موز ولا منقه داير قروشى بتاعت السلبطه زى حقت تمبس بلا جزاره معاك بلا جن معاك قوم لف
النضيف الحق باقى شعرك الفضل عاديت الله يضرك ؛ويسمك الشربتو براك وماينفع انشاء مريسه بعد ده تكون..
اساسى انت لمن تجينى هنا بتعرف انا دايرك لى شنو اصلى من زمان بفتش ليك وداير ليك فيك فرقه..
ياهشام الخلط الخلطو فى الجامعه يبقى ليك بالساحق والماحق..
الوالى شنو ياطبيب بس انت الوحيد الماهين علي ادعيك ويفلو ليك عيادتك لكن النظره للمساكين رحمه ولا دى كمان بى كشف..
ابقوته العريس ود حلتى امسك قوي..ده عشان انت عريس بث لكن براك بتشوفو بدون ما ادعلى ليك بعدين تقول اخير دعوة تروتسكى..
وبقيت الشباب برضو مافايتكم تمشو منو ين..
وحتى العنصر النسائى رغم ان كيدكن عظيم الا نسوى شنو ..
بس زى ماقال حبيب نوره (النسوان ديل يضرهن الله)...
بركة النبي..
هاك اسمعو ابصلعه ده عشان تامنو بالله واحد...
وووررررررررررووووك دابو الواحد حسى انو (I’M ALIVE)
ود الامين ده مكمل لى سيلين دين
زى الجملية والحوش.  .
|
|
 
|
|
|
|
|
|
|
 Re: الشـبــــاكـ (Re: تولوس)
|
Soumeta
سوسا اها جيناكم..
ماعارف لكن يازوله انتى كمان يخدر حالك
شنو دعوى الحبوبات ده. .
----------------------------
تولوس
يازول ياسمح انت ياكامل الاوصاف..
تصلك العافية يابا. .
بعدين هو محمد منير قصر غنانا ده كلو مالاطشو. .
اموت انا فى البركس واندفن فى داخلية الرازي. .
قايتو عمك ود الامين ماقصر تب..
| |
|
|
|
|
|
|
|
|
 Re: الشـبــــاكـ (Re: معتز تروتسكى)
|
الاغنية دى بتذكرنى ايام الداخلية..
فجاء كنت بسمع فيها وقفت جسمى شعره شعره..
وشنو كده ماعارف على قولت (ودفايت ) يطراهو بالخير..
والحبيب الماحي والثياكوباتى الانتهازي عزالدين..
وكادر الحماية الشخصى لى حبيبنا (حسبو الشتت قصبو)..
ومنو منو ايييييييييييييييييك
مواقف الداخليه دى كتيره نسرد منها موقفين دائما اتذكرهما لاحقا..
قايتو ياغسان الله يخلى ليك ابوك قايتو لو فى فى بدل . .
ده كمان بذكرنا زملانا فى روسيا كان ود وردى معاهم لمن يقوم يفلس يقوم يضرب للاستاذ وردى يقول ليهو شنو ياحاج اعمل ليك حفلة حفليتن كده. .
اسى انا كان فلستا اعمل شنو ياشباب..الحاج مديح اظنو مابعرف يمدح. .
انقلاب كيف بخارج. .
ياناذر اتلحلح. .
تمبس وهانى تاكلو قروشى شكيتكم على الله..قايتو جنس سلبطه. .
| |
|
|
|
|
|
|
|
|
|
Re: الشـبــــاكـ (Re: معتز تروتسكى)
|
مرة كانت ايام انتخابات..
اها على حسب الجو متوتر قالو فى الداخليه يعملو تامين
ننوم فى الزينكى..
عشان الشباب بره بى مواترهم وعرباتهم بتحاومو ساى نظام اشارات وكده.
اها اتفقنا ننوم فى الزينكى..
عبدوي يطراهو بالخير لابس ليهو (بوت) واظنو عاجبو كيف حلف مايقعلو
وقفنا فيهو ياعبود عليك دينك اقلع الشغله دى وانت نايم بتتقلب بعمل صوت فى الزنيكى..
عبودى حلف بالتقطعو مايقلع البوت...
اتوكلنا وخليناهو..
اها اظنو مع تعب الانتخابات داك فترانين نومنا نوم السنين..
وين فى راس البيت..
يقوم واحد يتسلط علينا من تحت يعمل حركه نداء بتاع انتباهه..
عشان نتصرف ولا نكون مستعدين..
اظنو من نومتنا ديك كلنا قمنا مخلوعين
واحد على التعترو تلب من راس البيت
نحن بى وراهو ولا عارفين الحاصل شنو واظنو ذاتو ماواعين..
تُلبت وراهو..
كان قبلها اتفقنا بعد ماعبودى ينوم نقوم نقلع منو البوت
وده الخلانا نووم بعمق كده لانو بعد ماقلعنا البوت بقى مافى صوت مزعج والجو همبريب ونحن تعبانبن...
طبعا نسينا حكاية انو قلعنا ليهو البوت دي..
مع خُلعت النداء
تلبنا وصحينا عبود قوم يازول ارح
هو كمان بى ورانا ماكضب تُلبت تلب...
لامتذكر انو لابس مالابس المهم تلب..
نحن بعد ماتلبنا اظنو مع (التجه) شويه فينا الوعي
واتصرفنا كل زول مشى ليهو جحر..
عبودى اظنو بعد ماتلب قاعد ربع ساعه نحن بنكورك ليهو ما داير يتحرك من مكانو
يازول ماتتحرك وو الخ
اتخيلو مالو...؟
ماهو بعد ماتلب التجه فى رجلينو كانت قويه وخلتو زى بتاعين افلام الكرتون ديك بس من ديك واتسمر..
مفنجل عيونو مخلوع لحدى ماجيناهو هو ماعارف الحاصل شنو...
قايتو جنس محن...
وياغالى ليك هوينا..الشباك بيشهد لينا..
| |
|
|
|
|
|
|
|
|
|
Re: الشـبــــاكـ (Re: غادة عبدالعزيز خالد)
|
ياغاده دى يحلها الشربكا
وماتعاينى كتير من الشباك
بجيك مرض (الغبار والهواء المانضيف). .
شكلك كنتى تاوقه خلاث..امسكى عليك عويناتك ديل. .
تعرفى اختى غاده انا عندى شى بعتبروكويس
يعنى مابمل من القعده مع نفسى خالص..
قدر ما القى طريقه اقعد مع نفسى بقد مابمل يعنى يمكن يومن مرات ما اطلع من البيت..
انضف الغرفه- اسمع اغانى- امسك لى كتاب وو االخ
ايضا ده ما معناهو انى انطؤائى يعنى لو جيتى لقيتنى فى لمه تحلفى تقولى الزول ده مابقدر دقيقه يعيش براهو..
يعنى زى مابقولو قادر اطوع ظروفى..
سلامى كتير ليك وللاسره تحية ماليها اول ولا اخر
حلالتى اهلا ونزلتى سهلا؛ ويالله لمتين للبلد
حنمشى النادى تانى سوا... .
| |
|
|
|
|
|
|
|
|
|
Re: الشـبــــاكـ (Re: معتز تروتسكى)
|
زول زى الزو عاجبنى مافي..
مجنون كتابه مقطعها من كلو..
وليهوفضل علي لن انساهو مهما كُتبت لى الحياة..
ده من اشياء الوجود فى حياتى..
يديهو العافية وياغالى ليك هوينا. .
| |
|
|
|
|
|
|
|
|
|
Re: الشـبــــاكـ (Re: معتز تروتسكى)
|
فال ترتسكى رضى اللة عته:
الوالى شنو ياطبيب بس انت الوحيد الماهين علي ادعيك ويفلو ليك عيادتك لكن النظره للمساكين رحمه ولا دى كمان بى كشف..
مالك حنين كدا على الوالى؟
و ما تنسى فى دكتورات كمان فى المنبر و امتياز كمان!!!!؟؟؟؟
| |
|
|
|
|
|
|
|
|
 Re: الشـبــــاكـ (Re: bob)
|
عوض محمد احمد
دكتورنا وتاج راسنا..
خفته على عيادتك.. لووووووووول لالا الحبه مابتجيك نوم قفا انت..
الوالى موقف سوقى مره واحده..
يعنى يخلط ويرسلنى للكفتريا..جا الدور على اخد حقى..
لمن احتجت ليهو فى خدمه عمل طناش. .
قايتو حالكم صعب بالدكاتره..
الوالى ده الله لا وراك فيهو يوم..
زى ايامى المورينى ليها الايام دى..
بعدين يالسمح..
الدكتورات ديل كلام تانى..وافرز لي ديل من ديل. .
ماتجينا تونا ياربى بى جاي. .
ودى عشانك انت مخصوص وكمان للدكتورات...
الا الوالى مامعانا..
اخرجه باسناد (رغم انى ماعارف اسناد دى شنو لكن)
اخرجه باسناد (عوض محمد احمد ) رضى الله عنه
| |
|
|
|
|
|
|
|
|
|
Re: الشـبــــاكـ (Re: معتز تروتسكى)
|
تروتو العجيب ..
أصبر لي النلف واجيك !!
تراني هسي بتاوق من الشباك ساااااكت لي أستاذنا الباش كاتب ..
صنفرة :
بس الننتهي من موضوع (ركبتني عربيتا وعرفتني بي بتها) واجيك .. سمح !!
| |
|
|
|
|
|
|
|
|
|
Re: الشـبــــاكـ (Re: معتز تروتسكى)
|
الصديق : معتز تروتسكي
يسعد مساك ,,,,,,,,,,,
=====================
ومن شباكك بطل .........
باعتباري من صاحب الاهتمامات ( الاندومية )
و حاقوليك لي مع (الاندومي ) تجربة شديدة الخصوصية .................
باعتبارها من الأكل سريع التحضير
طبعا مع إضافة البطاطس والبسلة يتسلقو في مواية قبل إضافة (الاندومي)
بعد التحضير الموية بتبقي شوربة ( خطيرة ).......
فأتمني أن تطور من تجربتك الاندومية وتصل فيها لإبداعات كويسة
======================
مع أكيد ودي وتقديري ,,,,,,,,,,,,
| |
|
|
|
|
|
|
|
|
|
Re: الشـبــــاكـ (Re: عبد الناصر الخطيب)
|
ناذر محمد الخليفة
نذورى..
انت ذاتك باشكاتب..
يا اخوى انت كان مشيت لى ناسك ديل مابتجينى بهناك التذكره رخيص والنبق كتير..
ابقى اطلع لى جاي..
خلى (أصبر لي النلف واجيك !!)
قايتو عليكم جنس كضب..
التقول مفطومين عليهو. .
----------------------------------
عبد الناصر الخطيب
الحبيب انا مقصر معاك بالجد فمعليش كتير سيدى..
ووصفتك دي بالجد تخلى الزول يمطق اكيد حاجربها
لانو الاندومى عندنا هنا بالهبل ..
اساسا هى اكله بتاعت مكاتب والناس الشغالين (فل)..
عشان كده اقول الود ناصر ده طاعم كده مالو وبتراد كتير
تاريهو كلو من الاندومي..
كويس من الليله..
ده شباك جديد. .
| |
|
|
|
|
|
|
|
|
|
Re: الشـبــــاكـ (Re: معتز تروتسكى)
|
تروسكى
دبايوا
لسة انت فى الاوصاف مسافتك طويلة.
مبااااااااااااالغة
صحبك ناذر خاف من العين نقول بسم الله الرحمن الرحيم ماشاء الله
الراجل تضربوا ملاريا يقوم يتب لى فى رقبتى
لبابى
| |
|
|
|
|
|
|
|
|
|
Re: الشـبــــاكـ (Re: معتز تروتسكى)
|
الحبيب د. معتز تروتسكي ,,,
مساء الجمال ,,,,,,
===========================
أكيد الحالة ( الاندومية ) بعمله ضيق الوقت ,,,,,
وفي حالتي شغل فترتين ........... وعوامل مساعدة
وفي بيتي المطبخ ضيق جداً يعني مطبخ رمزي ما بدي الواحد أي فرصة لابتكارات لذيذة
وغير برنامج غذائي صارم لتنسيق ( الفيل ) .........
طبعا صاحبك كان لحدي فترة فاتت في حالة من (السمنة)
وأتخلص منها بعد جهد جهيد بس محتاج ينسق جسموا
ما بعد مرحلة الخروج من ( الفيل ) ..............
وحالة ( الوحدة ) حالياً _ وليس مطولا _ بدون أنيس......
ببقي ( الأكل ) من أخر البرامج (البتستهويك ) ..........
غير أنوا (الاندومي ) مع الخضار المسلوق أكل صحي للغاية
يعني كل العوامل خلتني (أندومي) من الطراز الأول
لحدي صاحبي الهندي ( بتاع البقالة ) بقي عارف طلبي قبل ما أقولوا
أندومي وعلبة بسلة صغيرة أبو ريال ونص كيلو بطاطس ,,,
( ما تنسي ده بتقطع مكعبات لزوم السلق )
ما في تقصير ولا حاجة و أكيد منتظر منك أيميل ......
ويامعين من الشباك ...
==============
وأكيد لك الود والتقدير
| |
|
|
|
|
|
|
|
|
|
Re: الشـبــــاكـ (Re: معتز تروتسكى)
|
العزيز معتز غبنا يومين لقينا الباب مقفول
اطرينا دخلنا بي شباكك ده
لكنه و الله شباك جميل جدا و حنظل نتاوق منه الي ان يقضي الله امرا كان مكتوبا
| Quote: الوالى شنو ياطبيب بس انت الوحيد الماهين علي ادعيك ويفلو ليك عيادتك لكن النظره للمساكين رحمه ولا دى كمان بى كشف |
لا طبعا يا معتز ما ناسينك قلنا نجي نقعد ليك بي رواقة
لكن دكتور عوض ده ملامه ما توقعوا واطة
انا ما شفت تونة لي هسع بي جاي
الحاجات الهنا دي جميلة
| |
|
|
|
|
|
|
|
|
|
Re: الشـبــــاكـ (Re: معتز تروتسكى)
|
تروتسكي الجميل
يا معاين من الشباك
مشتاقين يا مان
اول حاجة حلوة صورة أخوك الصغير دي
كان من زمان تلصقا لينا عشان الواحد لما يجي يخش بوستاتك ما
يقول بسم الله!!
والله عجبتني شديد يا فردة
اها يا اللخو انا جيتك بيجاي عشان تعرف معزتك عندي
والحمد لله كل مافي جيبي ما بساوي تمن حلة عدس من المستوي المتوسط
لكن والله ما تغلي عليك
انشاء الله نبيت القوّة
ولي قدام عشم ممدود قدح كسرة
حلم بنوتة بالسترة
كلم ناساً حنان بالحيل
| |
|
|
|
|
|
|
|
|
|
Re: الشـبــــاكـ (Re: bob)
|
Waly Eldin Elfakey
اخوي الوالى..
البيت ده بيتك يالحبيب ادخل مخير وماك غريب..
بس لو قعدت تجى طوالى بالليل كده ربما يوم نفتكر حرامى تقوم تروح فيها ساى مع العزابة النايمين ديل..
فاعمل حسابك. .
عارفك ماناسينى ..
وناس دكتور عوض وتونه بكونو فى غرفه العمليه خليهم ياخدو نفس ونشوفهم بى جاي تانى..
نعمل لينا نقابة هنا برانا..اساسها الحب والموده. .
تونه ماغتيته انت ماعافيها شغاله بنظام اغنية ادللي. .
شكيتها على الله.. وبهدى ليها الموضوع ده. يا نسـوان !!! صحي الأختشو ماتو!!!!.
| Quote: الحاجات الهنا دي جميلة |
لانك فيها ومنها يالوالى..
ونبقى نحكى عنك شويه..
انت جبت البوست ده .المهدي في و لاية سنار.... التفاف الجماهير ووضوح البرنامج.
ذكرنى البوست ده كان كتبتو نهديو ليك مره تانية وللمهدى الامام
البوست اتارشف قبل ما اتم الفيهو وماقدرت حتى ارد على الزميل (Tariq Sharqawi) فتحياتى ليهو من هنا... ][][§¤°^°¤§][][انا و المسيح و الصادق المهدى و لُولا اخر...نقود][][§¤°^°¤§][][ .
مشروع زعيم (سيدى الوالى). .
شايل جراح فى الغربه مشتاق لعينك...
--------------------------------------------
حبيب نورة
انا ياحبيب الروح محال انسالك ولو هجرانى طال
لو ابعدك عنى الدلال لابد من يوم الوصال
الم الفراق واشكى لمن انا احكي..
Quote: اول حاجة حلوة صورة أخوك الصغير دي
كان من زمان تلصقا لينا عشان الواحد لما يجي يخش بوستاتك ما
يقول بسم الله!!
والله عجبتني شديد يا فردة |
اخوى الصغير
انتو مالكم ياناس الحاصل ليكم شنو كل واحد شايت فى جهه..
بقيتو تشككو الزول فى نفسو..
امشى استعدل وتعال . .
Quote: اها يا اللخو انا جيتك بيجاي عشان تعرف معزتك عندي
تروتسكي الجميل
يا معاين من الشباك
مشتاقين يا مان |
معزتك دى انا عارفها خليها النبى كان تقول شى. .
Quote: والحمد لله كل مافي جيبي ما بساوي تمن حلة عدس من المستوي المتوسط
لكن والله ما تغلي عليك
انشاء الله نبيت القوّة |
طيب ماترسل ؛خلى الحنك بتاعكم ده. .
ابقى طيب حبيبو يسن وخلى بالك من نفسك ياصاحب سمح يالسمح..
وجع وجع حبيب نورة رجع
حبابك يالخريف ابو سعن..
---------------------------------
bob
النقر اول شى اغنيتك دى صلحها يعنى اسى نسمع ياتها فيهم ؛ حتى بعدين نتفاهم وتهدى زى ماداير. .
Quote: كتـــاحــة:
مبــروك الخطــوبه ...وانشاء الله عقبال العرس |
اجي ياااااااااااااااااااااااااا الصبي
النبى انتو مالكم
هي هي
خطوبة شنو وعرس شنو ده كلام شنو ده. .
الليله شكلكم كلم فاطين سطر ارجع من اول الصفحه وتعال من جديد ولو غلبتك حكاية الشباك دى تعال باب عديل ..
غايتو جنس هترشه وجن
استغفرتك يامالك روحى. .
ولي قدام عشم ممدود قدح كسرة
حلم بنوتة بالسترة
كلم ناساً حنان بالحيل
| |
|
|
|
|
|
|
|
|
|
Re: الشـبــــاكـ (Re: معتز تروتسكى)
|
Waly Eldin Elfakey
عزيزى الوالى..
هذا شباك اخر فى حياتى لااعلم لكن ياثرنى صوت هذه الساعه عندما يعلن ميقاتها ..
استرق السمع الى نبضاتها بمعق وهى شباك لايمكن الا القفز عبره يالوالي..
لااعلم السر لكن اعشق هذا المعلم؛ ونهر التايمز الذى يعادل النيل..
 
عندما تحترف رغبة الموت المبكر على حبل مشنقه سسخية دون ان يبدو للنهايات اللقها المثير ؛مثلما يبدو لها حطامها الحتمى؛ عندما ترتهن بهكذا غياب فاننا سنضع اقلامنا الصدئه فى جوف مقبرة جماعية للاحلام البيضاء؛لاننا متورطون القوافى حتى اخر الانفاس فى صحو الخواطر ولاننا قد قدمنا اكثر من عمق وصدفه حدث مقيم تحت وسائدنا..
ثم لاننا قد كتبنا استقلتنا من الذهاب الى الاخر فى شكل وهلة وطنية حافلة الاثاره ...
الفلاسفة يقولون ان الدماء هى الغرفه الجنائزيه التى يترعرع فيها التاريخ من ذلك النمط الذى يحترم نفسة حين لايعيدها كما لو انه شخص يحترم فينا نفسه حين لايعيدها
يحترم فينا موقفه التاريخى وموقفا للجغرافيا وشموخا للتضاريس
ها اننى استرق اليها السمع من على ظهر المسافه الان ..
واين انتى؟؟!!!
| |
|
|
|
|
|
|
|
|
|
Re: الشـبــــاكـ (Re: احمد معتصم الطيب)
|
nashaat elemam
الجميل
الشبابيك فى حياتنا كثيره ؛وكثير منها يفتح علينا طاقات ضؤ واكسجين فى منتصف العتمه..
اهـ – الهمبريب وقلب الحبيب..
ونحن كمان مشتاقين بنبض الجواك..
----------------------------
احمد معتصم الطيب
ايها الماهول بالشكوى واوجاع الربيع...
بالرغم ان الصوره غير واضحه لدي لكن بالتاكيد وصلت عبر الشباك...
| |
|
|
|
|
|
|
|
|
|
Re: الشـبــــاكـ (Re: احمد معتصم الطيب)
|
احمد معتصم الطيب
ابو حميد يا حبيبى جميل ان تكون بالقرب يافرده والشباك الجابك ياريت ماينقفل وماحينقفل..
كم اعشق الشتاء فهو فصل النوافذ عزيزى عليك بالتوجس نحو الشباك وتامل الشتاء...
او استلقى وودع بصرك نحو السماء تسمع همس الشبابيك وحكمتة فى مراقبة البشر حيث يقول فيهم ..
 
راهنت الدنيا على شوف الكون بمنظار ثابت زى شحتفة الروح ...
الروح طلعت فسحة وغابت فى اعماق الزول الراد لمن جاتو كوفارة من عشقو الجاط ...
العشق نار تاهت من نار جهنم ... وزعوها على مدار الساعة بالحرفنة ... اتشاكلت مع بعض الالهام وحكاوى الليل القاعد للناس كية فى حلوقهم ... الليل الساكت تقول اخرس .. يحاكى القلب واللوعة والجرسة ايضا معه على تزييف الشحتفة وغلغلة الاحساس المجرم ..
اتاريها مرات الروح بتشرد وبشوف الزول صاحى حتى حدود الامكنة ... تتوه من مدار التيه وتقفز على زانة الرادار والطيش .. وتلتقيها .. تتعارك معها حتى الرحيق .. وفى غيب الكون الزول طاشى من عقلنة الوعى الى روحو الهاربة من نبضو على ايجاد الكبت وتفسير معانى التيه والوله ... قرأت فى حلم جاط بضفائر الوعد الخاطئ ان الانسان مجرم بالفطرة حتى يتيقن من التوبة على معالم سور الصين العظيم ؛والنيل... عندها سوف يكون على مرمى حجر من الاحساس بكشف الارتهان ... وفينى ايضا ارتهنت جزء من مسارب خلية تاهت من نبض الكلام الحى .. واللغة العاشرة فى السكة يااااا وجع البعد ...
هنا .. حيث كل التقويم اشتر ... وبصمة الطفل الجريح بمشرط لزج يكاوى الطير الريح على ارسال جيش من غناوى حقيبة الفن يتقدمه ضابط من فن حريف دقس من زمنو ... يقول لهم :
العيون النوركن بجهرا
غير جمالكن مين السهرا
اخفى ريدتك مرة واجهرا
نار غرامك ربك يقهرا
كل هذا من خلال الشبابيك..
صورتك السابقة ايضا شباك ؛بالجد فيهو روح احس بذلك..
| |
|
|
|
|
|
|
|
|
|
Re: الشـبــــاكـ (Re: معتز تروتسكى)
|
شباكـ.. يصحح الاحساس ناحية (القِــرب) ويوظف القلب صوب الاحتجاب لتاخذ الالة شكل الابتكار ويظل للقلب وهج الانحناء ..
 
الكمان
آلة وترية ذات أربعة أوتار ، و هي الآلة ذات الصوت الأكثر حدة بين أفراد عائلتها مقارنة مع الفيولا و التشيللو ، و يتم العزف على آلة الكمان بواسطة قوس ذو انحناءة خفيفة مشدود عليه خيوط من شعر الحصان.......................
للكمان مجال صوتي واسع يبلغ حوالي الأربع أوكتافات و أًصل آلة الكمان هي آلة الرباب العربية التي انتقلت مع العرب إلى الأندلس في القرن التاسع و تطورت فيما بعد بفضل العرب و غير العرب على السواء ، ففي القرون الأولى بعد الميلاد أوجد العرب آلة الرباب ذات الوتر الواحد و منذ ذلك الحين أخذوا في تحسينها على مدى العصور فأصبحت بعد فترة ذات وترين متساويين في الغلظ ثم ذات وترين مختلفين ثم ذات أربع أوتار و لما نقلها العرب فيما نقلوا معهم إلى الأندلس من الآلات الموسيقية أحبها أهل البلاد الأصليين و عملوا على تحسينها و منذ ذلك الوقت بدأت فكرة صنع الآلات الوترية ذات القوس و ظهرت في أوربا أول آلة من صنع الفرنسيين تماثل الرباب العربية و سموها كإسمها العربي ربيبة و انتشرت هذه الآلة في أوربا في القرن الرابع عشر و عرفت باسم ريبيك ثم أدخل عليها في القرن الخامس عشر بعض التعديلات أما قوس الكمان فلم يأخذ شكله المعروف إلا في أواخر القرن الثامن عشر............
يصنع الكمان من خشب الصنوبر و يتم تخزين الخشب قبل صناعته حتى يجف تماما حتى لا تتغير نسب أبعاده فيما بعد.......
| |
|
|
|
|
|
|
|
|
|
Re: الشـبــــاكـ (Re: معتز تروتسكى)
|
شبابيكـ مسقية من بكر الاحاجي
انتم جزءا منكم فيكم
فى تضاريس الحواشى
واعتذارات الدفاتر
وانهزام الانتصار
ايها الامل الذى برق حاضركم ابتدانا
فوق عار الارتجال
عند انشطة التجاوز
وتفاصيل الاطاله
وقافية التوجس
وإنتشاءات الثماله..
| |
|
|
|
|
|
|
|
|
|
Re: الشـبــــاكـ (Re: معتز تروتسكى)
|
فى شبك قديم نوعا ما ..بداية الخمسينات صفحة تاريخ جديد...
وفي عيد ميلاده ال 40 داعبت صاحبـتِـه مازحا قائلا لها (خلاص راجلك ده عجز شوفى ليك واحد بدلو)..
ضحكت وردت عليا بسخريه:
القال ليك منو ال 40 دى عز الشباب..
قلت ليها : ها طمنى روحك ساى..
وانفقعنا بالضحك سويا..
وكان ميلاد هذا المقطع...
المقطع الثامن:-
من أين ابد
رحل حطام كل الكلام
والكلمات...
وكف النبض تحملني
إلى مكنون ساقية
المتاهات..
وقفت على البر
انطق حديثي على
الأوراق بالمسامات..
لم أجد من يفهمها (غيرك)
فيمد يداه بالامنيات...
غير ابتاه...
تشكر سيدى على كل شى ونحاول ان نبادلك التحايا باحسن منها بقدر استطاعتنا
وانت لم تكن الا وترا يددن كي يزيد الصمت اصرارا وصمتا..
ولم تكن وقفا ينهنه فى الدواخل حينا واحيانا يجاهر...
تشكر سيدى ..
وياريتك تكون شدّيد...
| |
|
|
|
|
|
|
|
|
|
Re: الشـبــــاكـ (Re: ناذر محمد الخليفة)
|
ناذر محمد الخليفة
نذورى ده شنو المطيتو لى كده. .
غايتو مشكور لكن
نسأل الله السلامة َََ!!
داير احكى ليك ناذر عن بعض الاشياء القديمه فى حياتى وماتت..
ولكن من حين لاخر تفتح فيا شباك حياة جديد رغم انها ماتت..
----------------------------------
خالص التحايا..
وانا ابحث عن بين ازقة اوراقى القديمه وجدت هذه الورقه او المسوده ..
كانت هذه الورقه مشروع طلابى لتكوين منظمه لحقوق الانسان لنشر هذه الثقافه بين طلاب الجامعات فى فتره اصبح الطلاب الجامعى ليس اكثر من الة فى ظل مجريات الامور التى تمر بها البلاد والوطن ...الخ ...
تبنينا المشروع مع بعض اصدقائى فى الجامعات الاخرى اهمها (كردفان والنيلين)ومن خلال موقع العمل فى احدى منظمات حقوق الانسان واحيانا (كير) و(word food program).
قمنا اولا بمخاطبة رئيس المنظمة واقنعته بضرورة دعمنا واخذنا ميعاد بالمقابله وكان ..
وكان قبلها قد قمنا بكتابة هذه المسودة..
دعمناها ببعض الكتب وغيرها من النشرات والقوانين من بعض المنظمات المشهوره لحقوق الانسان فى اخذ بعض القوانين...الخ.
وفى الاخر قمت تنقيحها الى ان اكتملت هكذا..
مشكورين كل الرفاق الاعزاء الاصدقاء ورغم ان المشروع الى الان يبدو قد مات ولم يجد من يواصل فيه فاننى اجد لهم العذر وكذلك لااعفيهم من العتاب ...
تقديم:-
ظل مجتمعنا المحلى فى السودان ولعهود مضت يشهد نشوء وتطور مظاهر وظواهر اجتماعية وثقافيه واقتصاديه....الخ . ادت لتكوين ادوت اجتماعية وثقافيه جديده لاغراض التداول والتناول اليومى للحياه فى مجتمعاتنا فى اختلال الوضع الاقتصادى لقطاعات عريضة الاثار المترتبه على الحرب منذ سنوات طويله اضافه لهيمنة التصورات التقليديه لمجتمعات ماقبل المدينه على جزء كبير من التراث الذى لايزال متداولا مثل عادات الختان وتهميش الاقليات العرقيه والثقافيه واعراف القبيله المتزمته التى تقمع الفرديه والتميز لصالح مركزيه عقليةالقطيع الجماعى وما الى ذلك وغيره من مظاهر المجتمعات التقليديه والتى اصبحت الان تقابلها قيم جديده تدفع باتجاه ثقافه انسانيه تؤسس لعقل يقبل والاخر يعلى من قيم الحياة لدرجة التى يفاقم فيها من تكلفة صتاعة الحروب والموت والاضهاد هذه الثقافه فى جوهرها هى ثقافة الحقوق والواجبات المرتبطه بضروات الحياه على كوكب اصبح لايتسع لمزيد من الكوارث.
لقد جعلت ثقافة الحقوق المدينه الانسان فكرة الكرامة الانسانيه مدخلا لبناء وعى متزن وحقيقى اصبح اليوم مرجعا لقياس مدى تخلف او تطور المجتمع وهى اذ تسعى لمواجهة التحولات المتسارعات والمتفجره واحيانا فانها تراعى بشكل مستمر انها بالاساس تدور فى فلك انسنة الحياة الاجتماعية وتفريقها من شحنات التدمير والاضهاد والتهميبش وقمع وكبت الحريات.
اوقفوا صناعة الموت:
فالحرب وقودها المستقبل:
ليس سهلا على الاطلاق التعبير عن الحرب خصوصا اذا كانت ماتزال قائمه واذا كانت حربا اهلية كما انه ليس من السهل على المرء خاضة اذا كانت الحرب تعنى وتدور فى بلاده ان يتلقى صور الحرب وتعابيرها من موقع حيادى لانه فى هذه الحاله ليس مجرد متفرج انما مشارك وبقدر ماتكون الحرب معقده ومتشابكه وبقدر مايكون التعبير عنها او فرز اثارها وترسبا تها مسالة صعبة ودقيقه لقد مهدتت الحرب الاهلية فى جنوب البلاد لمالات تنذر بمزيد من التمزق والتشتت القومى نسبة لتلاقى ازمة الجنوب وفى اسبابها مع ازمة القوميات فى المناطق المهمشه وكونها وتلقى ايضا فى رصيد الظالم التاريخية مما جعل الحرب وحمل السلاح محطه اخيره لكل من بدا رحلة
التهميش والتقريب داخل الوطن وتعب مساعي السلام الأقليمية والدولية واستجابة لفداحة ما خلفته الحرب مؤشرا لأشتداد اثارها خارج الحدود الا ان المواثيق والمعاهدات تضل معلقة ما بين امال الشعب وواقع التنفيذ طالما ان هناك حلقة مفقوده في تسلسل الوعي الشعبي هي ثقافة السلام الأجتماعي التي تعمل علىابطال مردود شعور بالقهر المرتبط بالرغبة في الانتقام ومحاولة توجيه هذا الشعور باتجاه التعبير الايجابي عن الحاجات والقبول الاختياري بحق الخرين في الرفاهية والعيش الكريم وبذا فان السلم الاجتماعي يضع قضاي القوميات في المناطق المهمشة على الطريق الصحيح ويختصر طريقا شاقا من المأسي والمحن التي تخلفها النزاعات القبلية والحروب الاهلية ولا بد ان نذكر كيف ظلت المنظمات الاقليمية والدولية (اوكسفام ،كير ،الصليب الاحمر ،HRW،اطباء بلا حدود،ايفاد،المجموعه السودانية لحقوق، الانسان وغيرها ) تلعب دورا انسانيا متزايدا لتخفيف المعالجات والنزاعات القومية والقبلية في السودان وافرازاتها السالبة على النساء والاطفال الذين دمرت مجتمعاتهم القبلية وفقدت ذويهم كما ظلت هذه المظمات تصعد من دعواتها ومناشاتها لايقاف الحرب واعادة ترتيب اوضاع الاف اللاجئين وهي ضغوط اثمرت واسهمت بشكل كبير فى دفع اطراف النزاع لطاولة التفاوض وتوقيع اتفاقيات وقف اطلاق النار كما فى اتفاقيه جبال النوبه والاتفاق الاطارى الموقع بين الحكومه والحركه والشعبيه فى مشاكوس والقاضى بوقف العدائيات.
وعودا على بدء فان دواعى وضرورات تحقق السلم الاجتماعى تتطلب فى المقام الاول مد جذور الثقه والتفاهم فى لمستوى الاول بين كم ونوع الثقافات المكونه للثقافه السودانيه اضافه لفتح قنوات التواصل بين مجتمعات هذه الثقافات وهى ومهام تجيدها الفئات المستنيره والمثقفه من خريجين وطلاب ان استطاعت ان تنجز انتقالها من خندق النخبويه والانعزاليه وان استطاعت ان تؤجل او ان تغض الطرف عن مقتضيات مصالحها الفئويه وان تتمكن من فرز اجنده صراعاتها السياسيه عن اجندة الدخول فى مهام رأب الصدع الاجتماعى والقومى الذى ترتب نتيجه لنشؤ ثقافة الالغاء والتهميش ومردودها السلبى سالف الذكر .
اجيال فى زنزانة العنف والعنف المضاف:
كنتيجة للتدهور الاوضاع الانسانيه فى نطاق دائرة الحرب ومايصاحبها من انتهاكهات منظمه لحقوق الانسان مثل قصف المدنيين وحالات الاختطاف والرق والتجنيد القسرى والاغتصاب والقتل بالشبهة والهُويه اضافة لهيمنة القبضه الامنيه والانظمة الشموليه فقد زحفت وتمددت ثقافة العنف والعنف المضاد الى داخل الجامعات السودانية منذ بداية عقد التسعينات حيث اقتيت مئات الطلاب لاقبية التعذيب والمعتقلات وغرف التحقيق كما تعرضت اعداد منهم لعقوبات الفصل والتشريد التى يباركها النظام ويعززها عبر سياسة تصفيه نقابات واتحادات الطلبة وهو مادى بدوره الى تصاعد حالات التصفية الجسديه اثناء حوادث العنف داخل وخارج الجامعات بعضها على يد الاجهزه القمعيه والبعض والاخر هو جرائم ارتكتب فى زحمة الاحداث وقيدت معظمها ضد مجهول وقد ادت موجة العنف هذه ايضا لصرف الشرائح المثقفه الواعيه من طلاب الجامعات والمعاهد العليا عن دورها ازاء قضايا التوعيه ونقل قيم المعرفه والتطور وتقديم نموذج للمجتمع المدنى للشارع السودانى والمقابل انشغت هذه الشرائح والواعيه المثقفه بصرعاتها ومعاناتها عن دورها الاساسى مما جعلها حبيسة غربتها عن الوقع الشعبى وماهو مافاقم من التعتيم المحيط بالرؤيه المستقبليه لمالات دور الطلاب فى حركة المجتمع.
هؤلاء هم الضحايا الاكثر حضورا فى ساحة القهر:
وقياسا على تحليل الوضع العام تندرج قضايا المراة فى ذات السياق حيث اصبح التميز على اساس الجنس النوع فى المراكز الحضريه والمدن سمه ملازمة حيث يحدد بعض القوانين اماكن العمل وسن المراة عند تشغيلها.وفى ارياف واجزاؤه الغربيه والشرقيه وبفعل قوة حكم التراث والعرف فان النساء يقمن باكثر الاعمال شقاء (فى بعض المجتمعات يجد تتكفل المراة بمهام الرعى وبناء المنزل بدلا عن الرجل) وبرغم تفشى الامية والجهل فى ارياف السودان الا ان المراة السودانيه تساهم بشكل فعال واساسي واليوم عملية بناء المجتمعات التى دمرتها الحرب ، لتكون عملية البناء على اساس سليم يعنى تغيرات الاوضاع واختلاف المفاهيم داخل المجتمعات.
فى الجامعات والمعاهد العليا كرست سياسات النظام لتفتيت البنية المؤسسيه المدنيه لاتحادات الطلبه والروابط الاقليميه وهو ماحول الجامعات الى (قرى حديثة) فى مضمونها ومحتواها من حيث انتشرت وتفشت حالات التميز على اساس الجنس دون مراعاة لاهمية العدالة الاكاديمية كما ظلت عمادات الطلاب تقوم بدور الشرطى الاخلاقى المكلف بدرء جرائم المراءه داخل الجامعات.
كما ظلت القوة الاصوليه فى اطار موقفها المتشدد لقضايا المراءه تدعوها باستمرار لعزل الطالبات عن الطلاب حتى فى كشوفات الاسماء هذا وذاك وغيره وجعله الحركه النسويه داخل الجامعات وتراجع خلف لؤائح الجامعات وقوانين النظام العام خارج الجامعات.
معا باتجاه عالم احمل نعرف فيه كيف نصنع حياة اجمل:
ان استعراض ماذكرناه من قضايا لاينفى او يقلل من قضايا اخرى اصبحت مزمنه بعد ان كانت مهمله منها الاتفاع معدلات التلوث البيئى وزيادة مساحات الزحف الصحراوى فى تراجع الغطاء النباتى والشجرى وهى باعتبار من الهموم التى يتقاسمها مع العالم من جملة الحياة البشريه فثقافة الغاء الاخر ودحضه لاتدع محال للنظر فى محيطه البيئى ولكن ذلك لا يعنى اننا نؤمن على ان موضوع سلامة البيئه هى خق مكفول لكل انسان بمقتضى حق فى الحياة فى سلام متمتعا بالخدمات والصحه والتعليم والبيئه الملائمة.
ان الثقه فى امكانيات القوه المتستنيره والمثقفه على العطاء واكتشاف مسارات التواصل مع القضايا الانسانيه يجعل لهذه الفئات دورا جديدا فى وقت راكمت فيه التجربه الانسانيه خبراتها مكونه وعيا اكثر قدرة على الاستعياب ظروف اوضاع الطن اليوموالتى تدفع باتجاه الاستجابه كقضايا الحقوق المدنيه وحقوق الانسان والسلم الاجتماعى من واقع ازمة هذه القضايا داخل الوطن بالاضافه لصعودها لقمة اهتمات العالم المعاصر.
بفعل مقتضيات وضرورة الحاق الوعى الاجتماعى بثقافة مغايره لثقافة رفض الاخر او التميز او التهميش السائد يلزم بالتحديد جزب الاهتمام لثقافة الحقوق والواجبات والقبول بالاخر مما يستدى فى المقام الاول تمليكها للفئات المستنيره والواعية من طلاب وطالبات الجامعات وهو ماياتى من خلال البدء الفورى فى تكوين الجمعيات والروابط الطلابيه التى تجعل جوهر برنامجها الدفاع عن نشر الحقوق المدينه وحقوق والانسان لما للطلاب من دور اجتماعى فعال مثبت من خلال الاداء التاريخى والاجتماعى الذى يرسم بوضوح معالم الارتباط الحركه الطلابيه بقضايا المجتمع والشارع السودانى.
الضمير:
منظومه طلابيه، تطوعية ، مستقله، تعنى بقضايا حقوق الانسان والمراءه والحقوق المدنينه وماتيعلق بانتهاك هذه الحقوق والحريات الاساسيه داخل او خارج الجامعات كما تعنى بقضايا السلم الاجتماعى وتسعى لمناهضة ثقافة العنف اينما كانت وهو دور مكمل لدور لمؤسسات المجتمع المدنى له ادواته السلميه والتوعيه الفعاله وعلى هذه الاساس فان الضمير نظر لان تكون شركا اساسيا فعالا فى عملية انشاء قيم اجتماعيه جديده تمضى فى طريق الانتقال لمجتمع مدنى حديث تكون فيه الحريه والديمقراطيه والسلام جزء اساسيا من وعى وفكر واهتمامات المجتمع السودانى وهو مايجعل الضمير تتركز فى مبادئها واسس تكوينها على مبادئى اللنزاهة والشفافية والديمقراطيه واحترام وقبول الاخر والعطاء والبذل والابداع اضافة لاقرارها اعتماد للمعاير الدوليه لحقوق الانسان كمقياس لتقييمها لمهامها والتزامها تجاة المجتمع.
الضمير:
رابطو يناضل اعضاؤها من اجل تعزيز حقوق الانسان ويستند عملها على على البحث الدقيق وعلى المعايير التى يتفق عليها المجتمع كالحياد وعدم التميز لذا فهى مستقله عن جميع عن جميع الحكومات والايدولوجيات السياسه والمصالح الاقتصاديه والمعتقدات الدينيه فى اطار عملها نشطاء متطوعين وهؤلالاء هم اناس يكرسون وقتهم وجهدم وطواعية للتضامن مع ضحايا انتهاكات حقوق الانسان ويؤرقهم الامل فى غد تجف فيه احواض الدم وبؤرة العنف وينتمى هؤلاء الى مختلف الفئات وتتنوع الى ابعد حد ارئهم السياسيه ومعتقدتهم الدينيه ولكن يوحدهم الاصرار على العمل من اجل بناء وطن وعالم ينعم فيه كل فرد بالحقوق الانسانيه على اساس من الاستقلال والنزاهه والتجرد.
تتركز المحاور الرئيسيه لنضال المنظومه :
1/ الوقوف على سجناء الراى وهؤلاء هم الذين يعتقلون بسبب معتقداتهم السياسيه او الدنينه او اى معتقدات اخرى نابعه من او بسبب اصلهم العرقى او لونهم او لغتهم او اصلهم القومى او الاجتماعى او وضعهم الاقتصادى.
2/ ادانة التعذيب او الاعتقال او الاعتقال التحفظى للجميع السجناء السياسين .
3/ مكافحة التميز والاضهاد ضد المراءه بكل اشكاله.
4/ الدفع باتجاة تحقيق السلم الاجتماعى والعمل بث ثقافه السلام بين القبائل فى مناطق التوتر وازاله ترسبات الغبن التاريخى عبر ضخ الوعى الاجتماعى بالتنوع والتعدد.
5/ النضال من اجل مؤسسات مجتمع مدنى تسوده الديمقراطيه ، تاتى وتستبدل عبر الوسائل السلميه والقانونيه (السلميه كالاختراع والتصويت).
6/ الوقوف ضد التصفيات الدمويه وضد ثقافة( انتاج العنف لاجل العنف) وجميع اشكال التصفيات الاكاديميه كا لفصل او التشديد من الدراسه او اشانة السمعه (اغتيال الشخصيه) بغرض الحاق الاضرار الادبيه بالخصم.
7/ دعم اى انشطه تسهم فى تعزيز احترام جميع حقوق الانسان المنصوص عليها فى الميثاق العالمى لحقوق الانسان.
ماهى حقوق الانسان؟
يمكن تعريف حقوق الانسان بانها المعايير الاساسيه التى لايمكن للناس من دونها ، ان يعيشوا بكرامة كبشر.
ان حقوق الانسان هى اساس الحريه العداله والسلام وان شان احترام حقوق الانسان ان يتيح امكان تنمية الفرد والمجتمع تنمية كامله.
وتمتد جذور تنمية حقوق الانسان فى الصراع من اجل الحرية والمساواة فى كل مكان من العالم .ويوجد الاساس الذى تقوم علية حقوق الانسان ، مثل احترام حياة الانسان وكرامته ، وفى اغلبية الديانات والفلسفات.
وترد حقوق الانسان فى الاعلان العالمى لحقوق الانسان . وتحد بعض الصكوك الدولية ، كالعهد الخاص بالحقوق المدنية والسياسية ، والعهد الخاص بالحقوق الاقتصادية والاجتماعية والثقافية ، ماينبغى على الحكومات ان تفعله ، والا تفعله ، لاحترام حقوق مواطنيها.
خصائص حقوق الانسان:
*حقوق الانسان لاتُشترى ولا تُكتسب ولا تُورث ،فهى بساطه ملك الناس لانهم بشر ..فحقوق الانسان "متأصله" فى كل فرد.
*حقوق الانسان واحده لجميع البشر بغض النظر عن العنصر او الجنس او الدين او الراى السياسى او اى راى اخر ، او الاصل الوطنى او الاجتماعى .وقد وُلدنا جميعنا احرار متساوين فى الكرامه والحقوق..فحقوق الانسان"عالميه".
*حقوق الانسان لايمكن انتزاعها ، فليس من حق احد يحرم ان شخصيا من حقوق الانسان حتى لو لم تعترف بها قوانين بلده، او عندم تنتهكها تلك القوانين.. فحقوق الانسان ثابته "وغير قابله للتصرف".
*كى يعيش جميع الناس بكرامه فانه يحق لهم ان يتمتعوا بالحريه والامن وبمستويات معيشة لائقه ..فحقوق الانسان"غير قابله للاتجزؤ".
فئات الحقوق:
يمكن تصنيف الحقوق الى ثلاث فئات:
1/ الحقوق المدينه والسياسيه (وتمسى ايضا "الجيل الاول من الحقوق")، وهى مرتبطه بالحريات وتشمل الحقوق التاليه:
الحق فى الحياة والحرية الامن ، وعدم التعريض للتعذيب والتحرر من العبوديه والمشاركه وحرية الراى والتعبير والتفكير الضمير والدين ، وحرية الاشتراك فى الجمعيات والتجمع.
2/ الحقوق الاقتصادية والاجتماعية (وتسمى ايضا "الجيل الثانى من الحقوق") وهى مرتبطه بالامن وتشمل:
العمل والتعليم والمستوى اللائق للمعيشه ، والماكل والماوى والرعاية الصحية.
3/ الحقوق البيئيه والثقافيه والتنمويه(وتسمى ايضا "الجيل الثالث من الحقوق") ، وتشمل:
حق العيش فى بيئه نظيفه ومصونه من التدمير، والحق فى التنميه الثقافيه والسياسيه والاقتصاديه.
*وعندما نقول ان لكل شخص حقوقا انسانيه ، فاننا نقول ، كذلك ان على كل شخص مسؤليات نحو احترام حقوق الحقوق الانسانيه للاخرين.
الاعلان العالمى لحقوق الانسان:
الاعلان العالمى لحقوق الانسان هو بيان حقوق الانسان المقبول على اوسع نطاق فى العالم. والرساله الاساسيه لذلك الاعلان هى ان لكل انسان قيمة متاصله . وقد اعتمدته الامم المتحده بالاجماع فى 10ديسمبر/كانون الاول 1948 (على الرغم من امتناع ثمانى دول عن التصويت ).يحدد الاعلان الحقوق الاساسيه لكل شخص فى العالم بغض النظر عن لونه او جنسه او دينه اورايه السياسى او اى راى اخر او اصله الوطنى او الاجتماعى او اثروته او مولده او اى وضع اخر . وينص الاعلان على ان تتعهد الحكومات بتاييد حقوق معينه وليس فقط بالنسبه لمواطنيها بل ايضابالنسبة لاشخاص فى بلدان اخرى .وبعبارة اخرى فان الحدود الوطنيه لاتمثل عائقا امام مساعده الاخرين على التمتع بحقوقهم .ومنذ العام 1948، اصبح الاعلان العالمى هو المعيار الدولى لحقوق الانسان. وفى عام 1993عقد مؤتمر عالمى ضم 171 دولة تمثل 99%من سكان العالم واكد المؤتمر التزامه من جديد باحقاق حقوق الانسان.
الوضع القانوني:
على الرغم من ان الاعلان العالمى لحقوق الانسان هو الذى اوحى بالجزء الاكبر من القانون الدولى لحقوق الانسان ، فانه لايمثل فى حد زاته وثيقه لها قوة القانون . غير ان لهذا الاعلان بصفته الان مبادى عامه وفوة كبيره فى اوساط الراى العام العالمى .وقد تُرجمت مبادئ الاعلان الى مبادئ لها قوة قانونيه فى صيغه العهد الدولى الخاص بالحقوق الدنيه والسياسيه والعهد الدولى الخاص بالحقوق الاقتصاديه والاجتماعية والثقافيه. وقد التزمت الحكومات التى صادقت على هذين العهدين بان تسن فى بلدانها قوانين بالحقوق الاقتصادية والاجتماعية والثقافية .وقد التزمت التى صادقت على هذين العهدين بان تسن فى بلدانها قوانين لحماية تلك الحقوق . غير ان مايزيد على نصف بلدان العالم لم تصادق على العهد الدولى الخاص بالحقوق المدينة والسياسيه او على العهد الدولى الخاص بالحقوق الاقتصاديه والثقافية.
الميثاق الافريقى لحقوق الانسان والشعوب والاتفاقيه الاوربيه لحقوق الانسان والاتفاقية الامريكية لحقوق الانسان وهناك الكثير من المدونات القانونيه الوطنيه التى تكفل حقوق الانسان.
ملحق ..
الضمير ..
منظومه طلابيه، تطوعية ، مستقله، تعنى بقضايا حقوق الانسان والمراءه والحقوق المدنينه والسلم الاجتماعى , وتسعى للمساهمه فى نشر وتكوين الوعى عام بهذه القضايا داخل وخارج الجامعه وتعمل على ذلك من خلال الاصداره (صحف-تقارير دوريه –دراسات-القوافل الندوات وكل الفعاليات السلميه المتاحه للدفاع عن نشر ثقافة حقوق الانسان والسلم الاجتماعى....
* تتاسس الضمير بموجب جمعية عموميه تجيز لائحتها ونظامها الداخلى وخطة العمل والميزانيه..
* تتاح العضويه للطلاب كناشطين فى ال(ضمير) وفق الترتيبات اللائحيه المجازه من الجمعية العموميه بشرط اساسى هو ان لايكون الشخص مدانا او يشجع او ينتمى لمنظومه ترعى انتهاكات حقوق الانسان الوارده فى الميثاق العالمى لحقوق الانسان والمواثيق الدوليه..
| |
|
|
|
|
|
|
|
|
|
Re: الشـبــــاكـ (Re: معتز تروتسكى)
|
| |
|
|
|
|
|
|
| |
معتز تروتسكى
Soumeta
تولوس
غادة عبدالعزيز خالد
bob
ناذر محمد الخليفة
هاشم نوريت
معتصم الطاهر
احمد معتصم الطيب
Waly Eldin Elfakey
حبيب نورة
nashaat elemam
فيس بوك
تويتر
انستقرام
يوتيوب
بنتيريست