|
دعواتكم لزميلنا المفكر د.الباقر العفيف بالشفاء العاجل
|
|
 Re: معــاك.. (Re: مهند الجيلي بادي)
|
مالك إنتا عليّ..
جاي بتتوسّد حنيني
ومرّة ماقادر تجيني
ترمي أسباب الغياب
علي الكلمة سمُّوها ( الظروف )
إنتا ياسر الحروف
وسر تكاوين الكلام
لما أقول أكتب ..إليك..
وإجيني ردّك في ثواني
قبلما مكتوبي حتّى أتمو ليك..
بعرف أنا ..
إنتا يامالك حناني..
بعرف مواعيدك حقيقة..
بعرف أكيد ريدك ملكني
وعارفو ريدك فيك أناني.
| |
 
|
|
|
|
|
|
|
|
Re: معــاك.. (Re: تماضر الخنساء حمزه)
|
غنيت
وما فترت كريعات الغنى
ساساقا ليك
ضل الحرف
ممدود عليك
مشروق صباح الكلمة
من سبْكة رحيق الدندنة
وممحنة
أشواقي
لا شادا حيلا عشان تجيك
ولا دار تريح قلبي من وجعك
صباح
يا زولة هوي
مالك إذن ..
مرفق :
حاجة لا بتندس
لا بلفاها شفقان الهوى
بــــادي
| |
|
|
|
|
|
|
|
|
|
Re: معــاك.. (Re: مهند الجيلي بادي)
|
هووي إنتا يازول ياحنين
غُناكا ماذي نغيمات الغُنا
غُناكا ذي ذيَّك براك
وذي تقول وتر الكلام
أظن ..
لالا ..وبأكِّد إشتهاك
إنتا ياحلو النشيد
لمّا بنرتِّل مقاطعك
والله بغشانا الرذاذ
ولمّا نسرح فيها برضو
بينا بيسافر غمام.
| |
|
|
|
|
|
|
|
|
|
Re: معــاك.. (Re: تماضر الخنساء حمزه)
|
معــاك
من وين ...بيــبدا معــاك
خطوط كنتــور هواكــ مدى
تعالى ..
وغنِ ما شئتِ
كرشق الغــيم
على صبح الحديقه ندى
تعالى نســـــــوح
ونتّفـــرق
على مِتــكـ الأزاهر فوح
معاكـ الفكــره
فى إنِكـ ..
غمام الطّــل
بتمْنـحى ملّمح الترنيم
جميل البوح
خيــأل أجمــل
ويبدأ معاكـ
ومن وين
يبتـــديكـ
ومعاك ...!
| |
|
|
|
|
|
|
|
|
|
Re: معــاك.. (Re: عبدالله داش)
|
ومن وين أجيب القول
وكت تغشاني في ساعة الدواخل نور
من وين إجيني الرد
وكت تملك كل حواسي حبور
ببتديك بالريد..
وبختم كل كلامي معاك بي بداياتو
عشان ياإنتا بشتاقك
وبشاقك معاي البوح ولحظاتو..
| |
|
|
|
|
|
|
|
|
|
Re: معــاك.. (Re: عبدالله داش)
|
داش ..
سألتك قدرة الإحساس..
تلملم من حنيني إليك
توزِّعو في قلوب الناس
سألتك لحظة تتمهّل ..
عشان ساسقتا في دربك
وقلبي هواكا وإتعلّل
| |
|
|
|
|
|
|
|
|
|
Re: معــاك.. (Re: تماضر الخنساء حمزه)
|
Quote: معاك..إتململت أحزان..
من طول الرُّقاد في الجوف..
صِبِح حتّى الغمام ..حفيان..
ومن جوّايَّ ..هاجر..خوف |
تماضر انت جميله لحد الدهشه.... ما ارووووووعك
| |
|
|
|
|
|
|
|
|
|
Re: معــاك.. (Re: تماضر الخنساء حمزه)
|
معاك الروعة تتزين وتلبس من نداك الحان
معاك تبقي القلوب طاهرة وعامرة بالإيمان
معاك الكون اشرق نور وزان من ضياءك لمعان
معاك لا بقدر اتكلم ولا صوت الرعد طربان
معاك الحس صبح واطي يدندن بدعاء الرحمن
معاك دائماً بكون وافي يحفظك ربي بالقرآن
| |
|
|
|
|
|
|
|
|
|
Re: معــاك.. (Re: تماضر الخنساء حمزه)
|
مــلكنى زمان
زحام طيـــفك
زمام أمر المسير معلول
وصبرى على خطاكـ
زفة رحيل مشـلول
وغايه توّدر العنــوان
بين الهيف
وبين طيــفكـ
أخاف الناس
تفتح عيـنا
يشــرقنى الفرح معســول
وتبقى ملامح التغريد
جمال إنســان بديع جداً
أساس وجعى
وعلى كيــفكـِ
بيبقى معاك...
| |
|
|
|
|
|
|
|
|
|
Re: معــاك.. (Re: عبدالله داش)
|
مكلني هواك
ضجيج جيتك..
أسالم في عيونك ديل
ومابعشق وأعيش لسواك
وبين الجية ..بين غيبتك..
بعيش مدهوش
مرّة أترقَّب هطولك..
وألقاني بعشق فيك جفاك!
ومرة أتناساكَ عِنية
ألقاني بذكر فيك براك!
| |
|
|
|
|
|
|
|
|
|
Re: معــاك.. (Re: تماضر الخنساء حمزه)
|
بنادي عليك تجبِري الخاطر الولهان
تحفظي هواي تسافري معاي تبقي حداي
وانا الراجيك في خاطري لسه إنتِ معاي
وما بقنع وما بفرح تكون بعيدة عن دنياي
| |
|
|
|
|
|
|
|
|
|
Re: معــاك.. (Re: تماضر الخنساء حمزه)
|
همس الحروف اليك مسافرة
رجع صداها حزين وثائر
جاتِك شايلة كل الريد
وتسال عنك الأطياف
وكل نسيم في سماهو عابر
وكان عشم الحروف تناجيها
وتهديها عشق حبيب حنان شاعر
| |
|
|
|
|
|
|
|
|
|
Re: معــاك.. (Re: تماضر الخنساء حمزه)
|
بستودعكـ
لى روحك المليانه بيك
الليل يعس زمنى
ويعاكس إنعكاس القمره فيك
أنا إشترطت على الرحيل
من هســه ..
يتفقــد مسامكـ
وروح غناكـ
شكرا
لحدى هناك معاك
بستودعكـ
| |
|
|
|
|
|
|
|
|
|
Re: معــاك.. (Re: هند محمد)
|
هند ،،
صفة الشعر التي وصفتينا بها
جلباب فضفاض أمام ضآلة أحاسيسنا
فما نحن إلا مهاويس
أو دعيني أقل ما أنا إلا مهووس فقط
وسلمتي صديقتي على كل هذا
مرفق :
معزتي وتقديري
بــــــــادي
| |
|
|
|
|
|
|
|
|
|
Re: معــاك.. (Re: Alsa7afa_30)
|
العزيز
Alsa7afa_30
وما نضبت مشاعر شوقنا للغالين
ولا نسانا الفرح قربك
بتاوقك هسة
وبس شايف
براحاتك مخدرة بي جمال حسك
وحرفك ضل
ونحن ...
بنقيِّل عليه
فنجان ورا فنجان
بنصحي الولف فينا
ونجبك غيمات
مرفق :
حبي الكبير
بــــادي
| |
|
|
|
|
|
|
|
|
|
Re: معــاك.. (Re: تماضر الخنساء حمزه)
|
Quote: بادي ..أيه تقدر تقول ..
في الزول حِداكا ..ومشتهيك! |
ناديتها اقتربي
فاقتربت
واقتربت
واقتربت
ويا ليتني ناديتها تعالي
لتتعالى
وتتعالى
وتتعالى
لأن القرب أرهقني
وقاتل كل كلماتي
وألجمني
فإن كان البعاد شقاء
فها أنذا أبللها بكل الشوق
وشوقي لايزال يفيض
لا يبتل
وما زالت تسامرني
طيب ...
أنا في الحالة دي أعمل شنو ؟؟؟
دا سؤال ساكت ..
مرفق :
حبي الكبير
بــــادي
| |
|
|
|
|
|
|
|
|
|
Re: معــاك.. (Re: مهند الجيلي بادي)
|
Quote: أنا في الحالة دي أعمل شنو ؟؟؟
دا سؤال ساكت .. |
خليكا قاب شوقين ..تعال
جات ..مواعيدك هطول ..
غرِّق كمان صوت السؤال..
بي جيتك الفيها السحاب
لونو بشَّر بالمطر..
خليك حد الأمنيات..
إنتا ياريحة الرذاذ
لما يحضن شوق ترابك
والشهقة ترسل ..
حِسّو في جوّة المسام..
وزفيري في موسم حراز
لسه بنده ليك حبابك
وحصادنا لوتعرف..غرام.
| |
|
|
|
|
|
|
|
|
|
Re: معــاك.. (Re: تماضر الخنساء حمزه)
|
(......
كنت راسم خطة لي أسرك
وفشلت
لامن لقيتني مأسور في حدودك
......)
فِكْرك بكون شوقك فعل
أم خطيواتي البراهن
ساقن الشوق لي دروبك ؟؟؟
فكّرتك ..
أدخلك كيف
وأنا واقف عليك غنواتي
سالمتك طيوف
لامن بَدَنِّي
واشتهنَّي
حروف غنيواتك فجر إحساسي
إلفة ... ؟؟ !!
أسألك تاني .. ؟؟
إذن مالو القليب عليك ملهوف .. ؟؟؟
مرفق :
حبي الكبير
بـــــادي
| |
|
|
|
|
|
|
|
|
|
Re: معــاك.. (Re: مهند الجيلي بادي)
|
لاتخطِّط ..قلبي سلّم ليك هواهو.
أظنو شوقك مبتدا..
وقلبي بالأفعال ..حواهو..
إنتا لسه بتشيل الإذن ؟؟
إنتا إتربعتا في كل الدواخل..
وكنتا للشريان ..هواهو..
مابقول ..سالمتا طيفك..
لكن أظِن..
في السلام تاهت حواسي..
وقلبي سافر ليك معاهو!
لو قلتا ليّ ..
حال القليب المني سافر ليك بدري
يمكن أعرف..
ليه ..بعشق ..اللهفة ..الحداهو!
| |
|
|
|
|
|
|
|
|
|
Re: معــاك.. (Re: تماضر الخنساء حمزه)
|
(....
إستقى شوقي حنينك عنوة
مع سبق الإصرار والمودة
....)
إذن ..
فليكن قلبي كماء الغيم
نقيا
يافعا
وبعنفوان السيل عشقا
علني أوفيك يوما
قلبا مثل قلبك
أو ....
..
..
..
ما عارف ..
لكن بفتش ليكِ فيني
وبفرد الغنيات
وعارفك ح تجي ..
ما بأخرك حسك علي
ولا قلمك بجف ..
مرفق :
حبي الكبير
بـــادي
| |
|
|
|
|
|
|
|
|
|
Re: معــاك.. (Re: مهند الجيلي بادي)
|
بعرف ... بعضي .. من بعضك بكون..
وكلي مملوك ليك براك!
وأنا ماإشتهيتك شان تكون..
المتعة غاياتي فــلقاك..
أو حتّى شالتني الأماني..
سحابة مسنودة بسماك..
أنا بس لقيتك..
إنتا نبضات الفؤاد..
وذي تقول سمّوكا في جوّايَّ روح..
والنطفة كانت هي الميعاد..
صوت ترتيلك..شهيقي بعض تنفسي..
وصوت سؤالك..:
( البينا جد بتقدسي ؟؟)
ماقلتا ليك مخلوق معاي قبل الميلاد..
وأنا بس لقيت ..
بعضي معطون بي هواك..
و
كلي..
مملوك..
ليك..
براك.
| |
|
|
|
|
|
|
|
|
|
Re: معــاك.. (Re: تماضر الخنساء حمزه)
|
يا بنية بحلم بلقاك عشم معشوق
وافرد ليك مساحات ريد وحنية
تسافري معاي !! ده ببقي سؤال
يوم ما يجيني ردك اكون ...
سافرت في جواي
وبهدي ليك كم تذكار
عشان يالسمحة تطريني
وابقي معاك بكل شوقي
ساكنك جوه في الاعماق
افوت ريدك اقبل وين !!
وبعد حبك ببقي انا !!
دموعي تسيل كمجري السيل
بدون حبك عرفت الويل !!!
واقول ياليل علي ماتطول الغيبة
علي ما تنسج الاحزان...
| |
|
|
|
|
|
|
|
|
|
Re: معــاك.. (Re: تماضر الخنساء حمزه)
|
وبين الجية ..بين غيبتك..
بعيش مدهوش
مرّة أترقَّب هطولك..
وألقاني بعشق فيك جفاك!
ومرة أتناساكَ عِنية
ألقاني بذكر فيك براك!
هسة دا شنو
حتجننا
| |
|
|
|
|
|
|
|
|
|
Re: معــاك.. (Re: تماضر الخنساء حمزه)
|
كنت غائبة
سألت عنها وردة كانت متكئة على حواسها
أطالت الغربة
فانهال الندى على خدود الوردة
دموع ..
أتراها تعود يوما ؟؟
تماضر ،،
عندك بقيف الحرف مشدوه
وبيعتريني الإندهاش
صفقت ليك القلوب
والإلفة غنت ليك تعالي
شاغلك ..
غمز الصباح
طمعان في بسمة تبلل الصبر اللي فيو
ساكت ليك شديت خطاي
وما تلومي حرفي
مرق براهو
مشلهت لعينيك القراية
مرفق :
حبي الكبير
بــــادي
| |
|
|
|
|
|
|
|
|
|
Re: معــاك.. (Re: مهند الجيلي بادي)
|
عندك بقيف كل الكلام..
وبرضي بسكن ..إرتعاش..
عندك بكون معناي معاك..
مساحة ..أتعبت الزاوايا..
وحيَّرت .. ليلي..إندهاش
الإلفة ماغنّت معاي..
نذرتو ليك..قولي وغُناي..
شاغلني الصباح لامن عِرِف..
إنو ليلك كان غُطاي..
خلِّي الصبر من غير يطيب..
ماهوَّ برضك ..كان عَيَاي..
عارفاها بتجيبك خُطاك..
أصلو بترافق ..خُطاي..
مابلوم حرفك لأنّو ..
مرَّة بيفرِّح غرامي..
ومرَّة زايد في أذاي!
| |
|
|
|
|
|
|
|
|
|
Re: معــاك.. (Re: تماضر الخنساء حمزه)
|
وقفن قرون الريدة
مابيات القعاد
سمعن هفيف الغنية منك
جرن
يقصرن المسافات البعاد
أحييييييييي
رويحات الحزن
حردن بسيمات الفرح
والشوق مشلهت
في عويناتك
مرح
مرفق :
حبي الكبير
بــــادي
| |
|
|
|
|
|
|
|
|
|
Re: معــاك.. (Re: تماضر الخنساء حمزه)
|
ماني مجبور ليهو حنِّك
بتجيبني ليك حوس ولف
وبغني ما ما جبور أدندن
ببداك من حرف الألف
وافقت أحرف غناي
لون دواخلك
لي غيرا ما اظن تإتلف
مرفق :
حبي الكبير
بــــادي
| |
|
|
|
|
|
|
|
|
|
Re: معــاك.. (Re: مهند الجيلي بادي)
|
وبجيبني ليكا كتير أظن ..
ومابمنعني منَّك أيِّ شئ.
بغني شان فرحان بدندن
وبالريدة طبعاً منتشي
إنتا ياحلو الكلام
سمّحتا في حرفي الوشي..
| |
|
|
|
|
|
|
|
|
|
Re: معــاك.. (Re: هاشم أحمد خلف الله)
|
الحبيب هاشم ،،
واقف مكتف لي أياديك
قاعد تعاين
عاجبك يشويني الحرف ؟؟
أم خايف النار تلحقك ؟؟
هادي البنية حروفا نار ,, !!
مرفق :
كل المودة
بــادي
| |
|
|
|
|
|
|
|
|
|
Re: معــاك.. (Re: مهند الجيلي بادي)
|
بادي
غلبني اكمل المشوار مشاغلي كتيرة ما بتعد
ومرات ببقي طربان جد ومرات ببقي ممدود مد
بادي ما قصرت في سؤالك وليك حبل الوصل ممتد
بقابلك يوم ونتونس ونتعارف ونشكر لخناس الود
| |
|
|
|
|
|
|
|
|
|
Re: معــاك.. (Re: تماضر الخنساء حمزه)
|
جيتكم انا
كايس حروف مليانة رقة ودوزنه
فاتني الجمال السايق احساس الغنى
لكن اكيد
حتعيدو بعض الدندنه
يا ريت تحققو لي مناي والتحية للشاعرة تماضر الخنساء والاقلام الكتااابة المتداخلة
مودتي
محمد
| |
|
|
|
|
|
|
|
|
|
Re: معــاك.. (Re: تماضر الخنساء حمزه)
|
Quote: وبشوفك برضو إحساسي
وإشيلك في القليب شريان
إمنح ليهو سر ريدتو
وإبدِّل بالفرح أحزان..
|
خنساء ..
كأنني في المقاعد الأمامية في قاعة هائلة أصفق بحرارة ..
التحية لكم وأنتم تتبادلون المنصة وتمطرون شعراً ..
وتزفون الريد عروس ..
واصلوا ..
"نشوفكم برضو بي احساسنا ..
ونشيلكم في القليب شريان ..
ونمنح ليهو سر ريدكم ..
ونبدل بالفرح أحزان"
| |
|
|
|
|
|
|
|
|
|
Re: معــاك.. (Re: تماضر الخنساء حمزه)
|
تماااضر...
أرقصي زيدي الساحة سماحة
نحن معاك نشيل
نغني غناوي ..نحكي حكاوي
لما ندوب في الليل
لا ترتاحي لا تريحينا
لسة الوقت طويل
و بس.........
| |
|
|
|
|
|
|
|
|
|
Re: معــاك.. (Re: حبيب نورة)
|
معاك إتبسّمت في فِكري لو تعرف هموم
معاك بصبح صحيح إنسان
معاك ولهان..
معاك بوصل حدود النور
وألامس بي إيديَّ ..غيوم.
| |
|
|
|
|
|
|
|
|
|
Re: معــاك.. (Re: تماضر الخنساء حمزه)
|
العزيزه المبدعه الفنانه.تماضر الخنساء..
لكى الجمال...وسحره.الاسحار
قد قيل.من قبل...
وانتى..معابر الاشواق..
على قدلة..رياح.الريد..
لما..تهب.من مقاصدك..
فى رحلةرحيل..مثقل.
.بحمل..نديان..
من العطشان..لمزن..ريدك.
ومنو.الطاويه سهر.الليل..
عند .الصحوه.هو النعسان..
ما انتى..زمان..
مفرهد..باريج.زهره..
ومعربد..يشعور.انسان..
منو.الفنان..
على.الوان..
صباح..فجرك..
منو..الولهان..
صدقى.يا عيون.الصيد..
يا دنا..من عتق..سقيا..
وخريرا.من حنين..وحنان..
منو..التعبان...
سوى.قلبى....
.....................
لك المنى والجمال..بقدر ما منحتينا من منافذ ..انعشتنا بهبوب رياحها المشبعه.
بالندى.
والنداوه..
ونرجوك..واصلى..
عميق الاعزاز
| |
|
|
|
|
|
|
|
|
|
Re: معــاك.. (Re: عصمت العالم)
|
عصمت..
منو الأداك سر الريد..
وأداك ..قلباً بي هواك مكتول..
من الخلاك تعشعش جوّة في الأعماق..
ومنّها جوّة..تابا رحول
منو الأداك مفاتيح الحواس يازول
منو السمّاك إنتا أيّامي..
ومين ختّاك في كل الحروف والقول؟؟
منو؟؟
| |
|
|
|
|
|
|
|
|
|
Re: معــاك.. (Re: تماضر الخنساء حمزه)
|
تماضر...
سالت .الليل..وسهره..
وقياساته..
وبرهة..التبيان..
وكشف .لى.بيان..
تفاصيله..
مجسم مرابيع.سحر..اسمك.
وكتمت..الحس.والاحساس..
وانفجرت.بؤرة.الانوار..
ولما.تلألأت.جواهر.الاحرف.
عرفت..انك..المسدار..
اصاب.الطرف.وهج..برقك..
واسقطنى..سهم..ريدك..
وكانت.بداية..المشوار...!!
وانا افتش عليك.حواشى..الليل..
وزمن.الصد..
وطعم.الهجر..
وكل الغفوه.والميعاد...
عشان...القاك..
وانتى.الغايه.والاحلام..
......
متين..القاك...عشان.يهدا.
زمانى.الترحال...!!
....
متين..ياقمر الضياء.والضى...!!
| |
|
|
|
|
|
|
|
|
|
Re: معــاك.. (Re: تماضر الخنساء حمزه)
|
تعرفى ..انتى..
يا طعم..الفرح..
الشوق اليك...تمازج..
بالحنين..وحس الدفق..
والريد..عزف..
اسمك..نغم..
والرعش .هفا..وفسر.شرح..
وجوجة.التياع..
وباح..بالراح..
واتزمل..تعب..
يا غايه..يا منية..قليب..
تاه.وانشغل..
ولملم..دميعاته..
وغفى.وسرح..
بين الخيال..
وزمن.انفعال..
بعثر ثباته.وريده.انفضح.
عشانك.انتى.يا ست الجمال..
وغاية.المنال..
فوق المحال..
من خوف الفراق...
نبضه..انجرح...
.....
متين .تداوى.نزف الجراح...!!
| |
|
|
|
|
|
|
|
|
|
Re: معــاك.. (Re: عصمت العالم)
|
| Quote: متين .تداوى.نزف الجراح...!! |
لامن تكون إنتا الفرح ..مابي الرحول..
لامن تشيل كلمة غياب من مكاتيب الحضور..
حتعرف الموسم هطول.
| |
|
|
|
|
|
|
|
|
|
Re: معــاك.. (Re: تماضر الخنساء حمزه)
|
Quote: أنا البدعوك..تقيِّل في الدواخل يوت..
أنا البصبِح ..بعد أمسيت ..معاك نشوان
وأنا السمُّوني بي ريدتك..
وكان في السِّكة شافوني..
إنادوا عليَّ بي إسمك..
عشان ..ياروحي ..بيك مليان! |
خرجت منها، ممتلئ بها، حتى غازلني الناس في الشوارع ( أو كما قال )
بوست استمتاع
المداخلة لزوم تأكيد الحضور
الخنساء تماضر
صباحك جمال
| |
|
|
|
|
|
|
|
|
|
Re: معــاك.. (Re: تماضر الخنساء حمزه)
|
و مشيت معااك كل الخطااوى
الممكنة و بعرفه...!!!
وجدت نفسى من الصبااح ابحث عن هذا البوست
بالتحديد..
تغيير المكاان..ام الزماان...ام اللحظة
ام....ذكريااات لهذا لمكااان..ربما..
عفوا تمااضر للتعدى..لكن..
| |
|
|
|
|
|
|
|
|
|
Re: معــاك.. (Re: محمد عثمان)
|
استازة تماضر نقراء بصمت
Quote: معاك..إتململت أحزان..
من طول الرُّقاد في الجوف..
صِبِح حتّى الغمام ..حفيان..
ومن جوّايَّ ..هاجر..خوف
|
| |
|
|
|
|
|
|
| |
مهند الجيلي بادي
معتصم دفع الله
هاشم أحمد خلف الله
هند محمد
Alsa7afa_30
رأفت ميلاد
mohmed khalail
شتات
شهاب الفاتح عثمان
wedaah mohamed
حبيب نورة
عصمت العالم
عاطف عمر
مجدي عبدالرحيم فضل
salma subhi
abubakr
فيس بوك
تويتر
انستقرام
يوتيوب
بنتيريست