|
|
|
 Re: محجوب شريف..لازلت معنا..(حفل رد الجميل) (Re: tmbis)
|
تمبسكو..
الأغنية إتلحنت قريب.. والبروفة إتعملت في نفس يوم الحفل..
والناس لسه ماحفظت كويس..ماشايف الورق
والصالة مليانة والناس كتير
مع كل ده إستمتعنا باللحن الجميل والآداء _رغم الحاجات الفوق دي كلها_.
إن شاءالله ضياء ينزل تسجيل أوضح..
| |
 
|
|
|
|
|
|
|
|
Re: محجوب شريف..لازلت معنا..(حفل رد الجميل) (Re: تماضر الخنساء حمزه)
|
الوسيم القلوبنا رادتو
Quote: الشكر والتهاني لكل من ساهم في انجاح رد الجميل.
وسوف أذكر الأسماء تباعا ....
أحمد عبد الوهاب
له الشكر لجلوسه في شياك التذاكر وتحمله المسئولية المالية مما حرمه من حضور فعاليات اليوم.
منعم شوف
الذي عمل في صمت تام.
الطيب سعيد
قام بعمل البوستال الخاص برد الجميل والتذاكر وخلفية المسرح.
الدكتور محمد جميل
لتكبده المشاق والحضور من ألمانيا ومساهمته المادية والمعنوية .
كثيف الشكر.
أحمد المصباح |
أحمد المصباح..
أتذكر كل ماأضرب ألقى تلفونك مشغول..
بتجهز..وترتِّب..ومرات ..بتطبخ
| |
|
|
|
|
|
|
|
|
|
Re: محجوب شريف..لازلت معنا..(حفل رد الجميل) (Re: تماضر الخنساء حمزه)
|
سلام يا زوله يا جميله
يوم كان جميل بحضور اجمل الشعراء وانبلهم
لكن انا زعلانه لانو جينا متاخريين وكل السمح فاتنا الا شوفتكم
طارق ابوعبيده او خدر ابدع وغنى بمزاج والمفاجاة كانت اغنية بت كردفان
وخنامه مسك ومسك رشا كان معتق لولا ازعاج الاطفال ولاحضور الما بعرف يستمع
ملوحظه :
لدى تسجيل لاغنية امنه وغناء رشا بس ما عارفه انزلو
تحياتى
حليمه الصباح
| |
|
|
|
|
|
|
|
|
 Re: محجوب شريف..لازلت معنا..(حفل رد الجميل) (Re: تماضر الخنساء حمزه)
|
سلامات تماضر وكل سنة وانتو والشاعر الانسان المبدع دوما محجوب شريف بخير وصحة وعافية.
Quote: عَشّه .. كلّمينا
ميرى.. ذكّرينا
كل سونكى أحسن
يبقى ..مسطرينا
نحن شعب أسطى
يلا ..جيبو مونا
نبنى ..نبنى نبنى
مسرحاً..ونــــادى
مصنعــاً ..وبوسته
حرب لا لا لا لا
كبرى..استبــاليه
صالــه للثقــافــه
تســرح الغزاله
جنبها ...الزرافه
ركَ قمرى طار
قيره قيره قيره
نطَط الصغار
صفّق الترولى
طمّن ..القطار
حلقت ..وحلقت
حمامة المطار
كلّ طلقه..بينا
نحن تبقى وفره
سمسماً ..وبفره
سكراً وشاى
تترا سايكلين..
جاى وجاى وجاى
مافى حاجه ساى
كلّو عندو دِين
كلّو عندو راى
بور..وبورتسودان
بارا.. والجنينه
عبرى ..ولاّ واو
حاجه مش كويسه
كلّ زول براو
هى سودانا بكره
من سودانا ناو
تكتب انت تقرا
تعرف السياسه
فى محل حراسه
حجرة الدراسه
تمشى انت تلقى
فى الضلمه..لمبه
ألف ضحكه حلوه
تسندك بجنبه
بى تمن طبنجه
أحسن الكمنجه
أحلى شتل منقه
أحسن الحليب
إيد .. وإيد وإيد
نزرع الجديد
غابة النشيد
إيد..وإيد وإيد
مافى بينا سيد
إيد..وإيد وإيد
نلحق البعيد
نحنه مش مرقنا
حته واحده جينا
جينا لى السرقنا
حقّنا..وعصينا
دمّنا..وعرقنا
ولّعوا الرتينا
عَشّه..كلّمينا
ميرى ..ذكّرينا
كلّ سونكى أحسن
يبقى .مسطرينا
|
تخريمة:
واخيرا تماضر صورة وصوت، لكن مذيعة بدرجة ممتاز ، خلي بكري ابوبكر يشوف فكرة انشاء قناة سودانيز أون لاين دوت كوم
| |
|
|
|
|
|
|
|
|
|
Re: محجوب شريف..لازلت معنا..(حفل رد الجميل) (Re: تماضر الخنساء حمزه)
|
يا بختكم بى محجوب شريف ....
وعيدكم اكيد سعيد بى محجوب
بس انا لمن اليديو ما اشتغل قلت انا كيشة ساكت وخلينى برة
لكن طول ما خبيرنا الالكترونى ود العباسية قال ما شغال معناتو ما شغال
شوفو ليكم حل
ما تقولى لى شغال
ابقو عافية ....عيد سعيد مخصوص ليك يا تماضر يا ناثرة الفرح
| |
|
|
|
|
|
|
|
|
|
Re: محجوب شريف..لازلت معنا..(حفل رد الجميل) (Re: تماضر الخنساء حمزه)
|
الجنود المجهولين .. علي انغام موسيقاهم رقصت الاحتفاليه و غني الحضور الكريم
الاوركستراء
اسامة مليجي ايقاعات
ابراهيم ديسكو ايقاعات
محمد صديق باص جيتار
عادل السيد جيتار
بشير ساكس ساكس
عبدالرحمن حمد النيل ساكس - فلوت
معتز كيبورد
حيدر كيبورد
الكمبو الصادق شيخ الدين عود
ايضا شرفنا بالحضور من باريس الفنان عازف الباص جيتار (عبدالمحمود)شقيق الباصصت عبدالحفيظ
_____
الترتيب حسب الوقوف علي المسرح من اليمين لليسار فقط.
| |
|
|
|
|
|
|
|
|
|
Re: محجوب شريف..لازلت معنا..(حفل رد الجميل) (Re: خدر)
|
Quote: اسامة مليجي ايقاعات
ابراهيم ديسكو ايقاعات
محمد صديق باص جيتار
عادل السيد جيتار
بشير ساكس ساكس
عبدالرحمن حمد النيل ساكس - فلوت
معتز كيبورد
حيدر كيبورد
الكمبو الصادق شيخ الدين عود
ايضا شرفنا بالحضور من باريس الفنان عازف الباص جيتار (عبدالمحمود)شقيق الباصصت عبدالحفيظ |
الف شكر لهذه الكوكبة الجميلة..
| |
|
|
|
|
|
|
|
|
|
Re: محجوب شريف..لازلت معنا..(حفل رد الجميل) (Re: altahir_2)
|
شكرا محجوب واسرته
شكرا السودانين فى هولندا
شكرا الحبيبه تماضر وكل من ساهم فى نجاح الاحتفالية بشاعر الشعب
الرسالة إلى الشاعر الصديق محجوب شريف
يحي ابن عوف
محجوب غرد قول
خلى الشمس تطلع
أصلوا الزمن غدار
والطغمه ما بتشفع
والشعب عاوز نور
عشان يقوم يطلع
بالله غرد وقول
خلى الشمس تطلع
لايهمك الترباس
والسونكى والمدفع
خبر جميع الناس
الظلو ليه حدود
والحق يوم بيطلع
نخلاتنا ما بتشيل
راجية النهار يسطع
ومى حديثها كتير
راجية الحبيب يرجع
محجوب غرد قول
نعلم الشفع
ونعلم الجابين
ان الوطن غالى
وكيف العدو بيركع
ونعلم العمال
فلاحنا والتربال
كيف الزرع يطلع
وكيف نبنى جسر متين
وكيف نبقى يد واحدة
وكيف الحقوق تنصان
وكيف الشمس تطلع
بالله غرد وقول
بكرة النهار بيسطع
وطننا يبقى جميل
وحقوقنا تتوزع
ويبقى الشمال جنه
ويبقى الجنوب أروع
محجوب غرد قول
خلى العدو يرقع
و سودانا يبقى جميل
وحقوقنا تتوزع
ويبقى الشمال جنه
ويبقى الجنوب أروع
ويبقى الشمال جنه
ويبقى الجنوب أروع
| |
|
|
|
|
|
|
|
|
 تعليق من اللجنة المنظمة لفعاليات رد الجميل فى هولندا على ماورد فى صدر البورد بعنوان جمعية (Re: تماضر الخنساء حمزه)
|
الاستاذة امل شكت
تحية طيبة واقامة طيبة فى هولندا
صدر فى باب الاخبار بعنوان
Quote: جمعية سودانية تحتفل بعيد الفطر المبارك وتدعو الى السلام والوفاق فى السودان
امستردام : أمل شكت
Quote: ومن جهة أخرى تواصلت احتفالات (رد الجميل ) خلال عيد الفطر المبارك بمدينةاوترخت الهولندية بحضور شاعر السودان
المرهف الميال الى قضايا الجماهير الآستاذ / محجوب شريف وجاء هذا اللقاء نتيجة للشعور العميق بالأمتنان لحملة التضامن والنفير التى اسهم فيها الكثيرون لعلاجه بلندن العام الماضى
وأكد عمر محمود والذى كان ضمن لجنة ادارة الحفل أن الشاعر خلال الآحتفال قد قدم اعتذارا عن كتاباته خلال حقبة مايو عازيا ذلك لعدم التزامه بخط سياسى محدد وعدم وجود الوعى الفكرى الكافى
وأوضح عمر محمود ل ( الصحافة ) أن الذين نظموا الحفل هم أحمد المصباح ، خالد الحاج ، ضياءالدين الطاهر ، وآمنه ناجى ، وأن الفنانيين الذين أسهموا فى الحفل هما : مى محجوب شريف ، طارق أبوعبيدة ، رشا شيخ الدين ، ، الصادق شيخ الدين ، نقور أكوك ، أمنه ناجى وغيرهم . وبمشاركةالعازفيين عبدالرحمن حمد النيل ، أسامه المليجى ، حسن ابوعلى هيثم موسى، بشيرساكس ، فيردريكو وآخرون ، ومن المسرحيون شارك محمد تروس ومنعم شوف وغيرهم
وقد قال الشاعر / محجوب شريف
مساجينك......مساجينك....... مساجينك
تغرد فى زنازينك
عصافيرا مجرحة بى سكاكينك
نغنى..... ونحن فى أسرك
ونزحف
وأنت فى قصرك
اسماواتك دخاخينك
مساجينك
مساجينك
مساجينك
********
برغمك نحن مازلنا
بنكبر بى زلازلنا
بنعشق فى سلاسنا
وبنسخر
امن زنازينك
مساجينك
مساجينك
مساجينك
********
حكايات الهوى الأول....بنحكيها
بدايات الغنا الطول .... نغنيها
حقيقة وليس تناول
احتجل من عناوينك
مساجينك
مساجينك
مساجينك
*******
للسودان عواطفنا
وبالسودان مواقفنا
ولما تهب عواطفنا
ماحيلة قوانييك ؟؟؟
مساجينك
مساجينك
مساجينك
*******
[email protected] |
اصالة عن نفسى ونيابة عن اللجنة المنظمة لرد الجميل فى هولندا
اشكر الصحفية امل شكت على تغطيتها لفعالية رد الجميل واود ان نصحح
بعض المعلومات بخصوص اللجنة المنظمة والمشاركون من الفنانين فى هذا
اليوم .
وتتكون هذه اللجنة من احمد المصباح وضياء الدين ميرغنى وآمنة ناجى
وخالد الحاج وهم من قام بالاتصال و بالتنسيق مع الاستاذ محجوب ثم توسعت
اللجنة بضم الشاعرة تماضر الخنساء وايمن الجزولى ومعتز جعفر
مع شكرنا لكل من ساهم فى تنظيم الصالة لاحقا.
وكان مشاركة الفريق الموسيقى ممثلة فى :-
الفنانين :-
رشا شيخ الدين
مى محجوب شريف
طارق ابو عبيدة
ضياء الدين ميرغنى شارك بالغناء والعزف مع اخرين وتلحين العمل الاساسى (رد الجميل)
قور اكوك
محمود الزين
وشاركت بالغناء بطلب من محجوب شريف الاستاذة آمنة ناجى
ويونس وغازى من اوترخت الذين لم يجدا فرصة لضيق الوقت
ومن العازفين
اسامة مليجى ايقاع
الصادق شيخ الدين الذى قام بقيادة الاوركسترا اضافة للمشاركة بالعزف على العود والجيتار
عبد المحمود كرار القادم من فرنسا
محمد صديق باص جيتار
عادل السيد جيتار
بشير محمد احمد ساكس
عبدرالرحمن حمد النيل ساكس وفلوت
ابراهيم ديسكو طبلة
معتز ابراهيم كيبورد
حيدر حسن مهدى كيبورد
ومن المسرحيين
منعم شوف الذى قام بتصوير الحفل
وعماد ابراهيم (براكة)
ومحمد تروس
وقد تم الاتفاق مع الاستاذ محجوب شريف على تكوين منظمة رد الجميل لديمومة العمل والاتصال
وتلقى الدعم الدائم للمؤمنين بهذا المشروع وهى منظمة او جمعية مفتوحة للجميع
ونجدد شكرنا للاستاذة امل شكت آملين فى تصحيح المعلومة ومعاونتنا فى المتابعة الصحفية
لهذا النشاط والنشاطات المقبلة مع خالص الشكر والتقدير
ضياء الدين ميرغنى عن اللجنة المنظمة
للاتصال باللجنة المنظمة
ضياء ميرغنى 0615334811
او احمد المصباح &امنة ناجى
0645048037
| |
|
|
|
|
|
|
|
|
|
Re: تعليق من اللجنة المنظمة لفعاليات رد الجميل فى هولندا على ماورد فى صدر البورد بعنوان جمعية (Re: altahir_2)
|
سماحة الحاجات القاعدين تنجضونا بيها دي... وشناة الدنيا من غيركم
جنحين قمرية ... مرقت عصرية!!
زي الزمن الجميل
زي كأنك كنتني... وانا بشبهك
زي ما تقول سمعتني وانا بندهك
في الحقيقة حسدتكم والله
شريف!!!!!
ياااااااااااااه
عشان كدة بحاول ألملم عبرتي قبال ما تنكشح موية عيوني\
تبل الورقة
و ألقاني في رقراق الأشياء
بتاوق من قريب
وانا في البعيد وجمبكم
ساعة حلم
شكرن تماضر
شكرن الفرح
أشوفك حلم عشم ممدود قدح كسرة وحلم بنوتة بالسترة
كلام ناساً حنان بالحيل ولي قدام
شكرن كتيرن!
| |
|
|
|
|
|
|
|
|
|
Re: محجوب شريف..لازلت معنا..(حفل رد الجميل) (Re: محمد عثمان)
|
ترم ترم
حدّثتا عنك نجمة جارة
وزرعتا اسمك..
حارة حارة
فى مناديل العذارى
فى مشاوير الحيارى
فى لحى الأشجار كتبتو..
نحتّو فى صمّ الحجارة
وبحتا للشمس البتقدل..
فى مدارا
عيوني فى الدمعات وحيله
اسمحيلا تشوف عيونك
اسمحيلا
أنا لا الصبر قادر عليَّ
ولا عندى حيلة
و
....
| |
|
|
|
|
|
|
|
|
|
Re: محجوب شريف..لازلت معنا..(حفل رد الجميل) (Re: تماضر الخنساء حمزه)
|
يا جميله..
ومستحيله
انتِ دايماً زى سحابه
الريح تعجّل بى رحيلها
عيونى فى الدمعات وحيله
اسمحيلا تشوف عيونك..
اسمحيلا
أنا لا الصبر قادر عَلَىْ..
ولا عندى حيله
*
يامراسى الشوق تعالى
لا اليالى تمر بدونك هى الليالى
من ضواحى الدنيا جيت..
وعَلَىْ رحالى
لمداين فوق عيونك يا محالى
ريّحينى..
أسُتْرى حالى
فرّحينى
عيونى فى الدمعات وحيله
أنا لا الصبر قادر عَلَىْ..
ولا عندى حيله
حدّثت عنك نجمة جارة
وزرعت اسمك..
حارة حارة
فى مناديل العذارى
فى مشاوير الحيارى
فى لحى الأشجار كتبتو..
نحتّو فى صمّ الحجارة
وبحت للشمس البتقدل..
فى مدارها
عيونى فى الدمعات وحيله
اسمحيلا تشوف عيونك
اسمحيلا
أنا لا الصبر قادر عَلَىْ
ولا عندى حيلة
وانتِ منك لا بداية..
عرفت لسّه ولا نهاية
مرّة أسرح..
ومرّة أفرح..
ومرة تغلبنى القراية
ولّمن أكتبلك وداعاً..
قلبى ينزف فى الدواية
يا صبيّة..
الريح ورايا
خلّى من حضنك ضرايا
عيونى فى الدمعات وحيله
اسمحيلا تشوف عيونك
اسمحيلا
أنا لا الصبر قادر عَلَىْ..
ولا عندى حيلة
| |
|
|
|
|
|
|
|
|
 Re: محجوب شريف..لازلت معنا..(حفل رد الجميل) (Re: خالد العبيد)
|
Quote: سلامات يا طاهر
بختكم والله
محجوب ده ركبهوهو طيارة على سيدني !
مودتي |
خالد العبيد سلام يا جميل
والله مافى اى مانع
ان شاء الله بعد ما تقوم منظمة( رد الجميل) سيكون واحد من مشاريعها
تمويل جميع نفقات المشروع ورحلات الاستاذ الى الاصقاع المختلفة بس
يدكم معانا خاصة وان محجوب شريف اختار هولندا عاصمة لرد الجميل
دمت يا عزيزى
ضياء ميرغنى
| |
|
|
|
|
|
|
| |
tmbis
هاشم أحمد خلف الله
معتز جعفر الحسن
Halema2
خدر
احمد العربي
ودالعباسية
عمر سعد
Muna Khugali
Alsa7afa_30
هند محمد
الملك
altahir_2
يحي ابن عوف
حبيب نورة
رأفت ميلاد
abubakr
خالد العبيد
bushra suleiman
فيس بوك
تويتر
انستقرام
يوتيوب
بنتيريست