الفصول.. كل الفصول..أدّت مجيك اسم الخريف توّجت جيتك..مطر.. من وين مرقتَ؟؟ من ياتو..حِتّة ..بتشبهك؟؟ جيّتك....نزول..من السما لون..الشدر.. وعد..السحاب..طعم الفتر.. جيتك مواقيت الهطول في ذات مواقيت..الخطر.
04-18-2008, 08:31 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: الفصول.. كل الفصول..أدّت مجيك اسم الخريف توّجت جيتك..مطر.. من وين مرقتَ؟؟ من ياتو..حِتّة ..بتشبهك؟؟ جيّتك....نزول..من السما لون..الشدر.. وعد..السحاب..طعم الفتر.. جيتك مواقيت الهطول في ذات مواقيت..الخطر.
يا سلام ... لا تعليق.... مبالغة...
مش برضو الغاوون بعملوا كدة ؟
04-18-2008, 08:35 PM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
Quote: الفصول.. كل الفصول..أدّت مجيك اسم الخريف توّجت جيتك..مطر.. من وين مرقتَ؟؟ من ياتو..حِتّة ..بتشبهك؟؟ جيّتك....نزول..من السما لون..الشدر.. وعد..السحاب..طعم الفتر.. جيتك مواقيت الهطول في ذات مواقيت..الخطر.
مساكم نديان تماضر هل تصدقي انو ده كان تفاصيل الخرطوم اليوم بس ياها ذاتا
04-18-2008, 08:37 PM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
Quote: الفصول.. كل الفصول..أدّت مجيك اسم الخريف توّجت جيتك..مطر.. من وين مرقتَ؟؟ من ياتو..حِتّة ..بتشبهك؟؟ جيّتك....نزول..من السما لون..الشدر.. وعد..السحاب..طعم الفتر.. جيتك مواقيت الهطول في ذات مواقيت..الخطر
(عدل بواسطة emad altaib on 04-18-2008, 09:14 PM) (عدل بواسطة emad altaib on 04-18-2008, 11:12 PM) (عدل بواسطة emad altaib on 04-18-2008, 11:18 PM)
04-19-2008, 09:32 PM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
Quote: الفصول.. كل الفصول..أدّت مجيك اسم الخريف توّجت جيتك..مطر.. من وين مرقتَ؟؟ من ياتو..حِتّة ..بتشبهك؟؟ جيّتك....نزول..من السما لون..الشدر.. وعد..السحاب..طعم الفتر.. جيتك مواقيت الهطول في ذات مواقيت..الخطر.
لو كنت ليك بس السحاب.. تقدر تعيش جواي مطر؟؟ ترويني في كل الفصول.. وتحمل معاي طول السفر؟؟ ما برضو في الاخر تصب.. ويكون هطولك هو المفر..
ما اظن في اخطر من كدا
04-19-2008, 09:38 PM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
Quote: لو كنت ليك بس السحاب.. تقدر تعيش جواي مطر؟؟ ترويني في كل الفصول.. وتحمل معاي طول السفر؟؟ ما برضو في الاخر تصب.. ويكون هطولك هو المفر..
ما اظن في اخطر من كدا
يابت..من ..دمّو..
لو كنت ليو بس..السحاب.. أو حتّى أسباب..المطر.. يابت حليوة..و..سوسنة كان عذرو في باقي الفصول.. بيها بكتمل ..العمر.. أبقي أديهو المُحال.. وشيلي أطراف السنة.. مُرّي في كل الفصول.. بي وين حيلقاهو ..المفر؟؟
Quote: الفصول.. كل الفصول..أدّت مجيك اسم الخريف توّجت جيتك..مطر.. من وين مرقتَ؟؟ من ياتو..حِتّة ..بتشبهك؟؟ جيّتك....نزول..من السما لون..الشدر.. وعد..السحاب..طعم الفتر.. جيتك مواقيت الهطول في ذات مواقيت..الخطر.
دائما بقول لو في مصطفى سيد احمد كان غنى كل اغنياتك لانها بتشبهو ..
احساس بس !!
04-19-2008, 09:41 PM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
شوف يا بحر ... ما تضاري لي مطرك وراك ... ما تملا لي حُفـــــرك بـراك ... دي الغيمـــــة حِردت مرتين ... والموجـــــة ماشه بلا حِراك ... كتــــــاحه ساقتني ومشيت ... ومعاها كان الهـــــم طِراك ... وقعدت شــــــــــدّاني الوتر ... في حتة كان الشـــوق بحر ... خربشت ما خليت وتر ... والغيمة رقراقة وتفووووت !!! وين يا شدر؟ ... وين رامي ضُلّك !!! وهل دفنتو بلا اثر !!! وللا الغيوم السافرت علمت ضلي السفر ... زي الطيور الهاجرت مكتوب على جناحا السفر ... والهم ليئم ... ما بدد إحساسو القمر ...
.
04-19-2008, 10:22 PM
Rasha Hatim Rasha Hatim
تاريخ التسجيل: 05-01-2006
مجموع المشاركات: 1681
يا حليلو راح ... قبل ما يطلع صباح ... وقبل صوت الديك يبادر بالصياح ... شليلا راح !!! وشليلي راح !!! الكلام ما كان مُتاح ... ولسه ما أصبح مُتاح ... إلا كود الرد مُتاح ... وبرضو كود الصورة واحة ... وابتساماتك مُتاحة ... والمغطغط عندي فاح ... شوق واجتياح ... بضع ارتياح !!!
لا تندمي ... يا (بت من دُمَى) ... (غمزة فترة طوييييييييلة)
دا أخطر من داك ...
04-20-2008, 12:08 PM
Rasha Hatim Rasha Hatim
تاريخ التسجيل: 05-01-2006
مجموع المشاركات: 1681
ختي الشخيت فوق لي شخيتو أقيفوا على حدّ الصبر في مشاوير..التريدو.. جاني حفيااان..الفَتَر مَس من ..الزول ..البريدك بقّ..اشتياقك..وانفجر دنيا مامضمونة أصلو خطواتا وحلانة فــ خَدَر ماك عارف إت مطوِّل؟؟ لا مواعيد..السفر أوعى تضمن فيها عيشتك أوعى من ساعة القَدَر مرة تضحك ليك وترقص ومرّة تديك..الضهر خلِّي زادك فيها قلبك بيهو عمران..الذِكِر وشيلا مصلايتك ..وقنِّب السبحة بين ايديك..جُر ماترجى لي آخر زمانك مين بيضمنّا العمر؟
_ في ثياب الواعظين وكده
04-20-2008, 03:20 PM
Rasha Hatim Rasha Hatim
تاريخ التسجيل: 05-01-2006
مجموع المشاركات: 1681
الكلمة قمرة مدورة.. تمرق تحوم.. رغم الضلام هي منورة.. ما بنلوم ياخي الغيوم.. لمن شخيتا يسوِرا.. وشن بخلي شخيتي احمر؟؟ لما قلبك يبقى اخضر.. ببقى لون الشوف شفيف.. ويبقى ميسك هو الخريف.. شدّي حيلك يا مطيرة.. لسة قدامك سفر.. اوعي من درب السراب.. والضباب الفي السحاب.. والخيال الحلمو غاب.. سوي ليك في الصحرا واحة.. والشخيت اديو مساحة.. وبصراحة.. الهروب لو ببقى راحة.. شوفي ليك صفقة شجر.. ولما منك يصب مطر.. اتدسي فيها من الفتر.. يمكن نداك يديكي حل.. او تمر بهناك غيمة.. ترمي نسمة شوق حنينة.. وليك تصل..
دا شتات خالي محطات بعد كدا
04-21-2008, 02:32 PM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
Quote: معليش يارشا.. لو طار هواك برضك إليّ..عشان خفييييف لو قارنتو بي كفّة..هواي.. وريدي المعاي..طبعا ..إليك.. الساعة ديك حتمشي وييين؟
الساعة ديك.. حامرق امِش.. وفي الحقيقة حاكون بفتش.. عن مديدة.. حلبة كانت او دخن.. تمر معجون بسمن.. او حتى مخبازة بلبن.. او فطير.. حاجة بس تعمل وزن.. تفتكري تاني هواي بطير؟؟
هل كلامك صار مخمّر ... أو حروفك فيها روب ... أو حاجة من تلك البقولو عليها اووووووووب !!! اوووب عليك ما اووب علي !!!! وما لم تقولي الروب واوووب لا شتات يمرقنا منك ... لا محطات تكشحك !!! لا كريعات تمرقك !!! وخلي بالك ... خالي ظنّك !!! لأني عارف الشيل تقيل ... واللي حاصل ... كلو منّك
04-21-2008, 07:02 PM
Rasha Hatim Rasha Hatim
تاريخ التسجيل: 05-01-2006
مجموع المشاركات: 1681
Quote: هل كلامك صار مخمّر ... أو حروفك فيها روب ... أو حاجة من تلك البقولو عليها اووووووووب !!! اوووب عليك ما اووب علي !!!! وما لم تقولي الروب واوووب لا شتات يمرقنا منك ... لا محطات تكشحك !!! لا كريعات تمرقك !!! وخلي بالك ... خالي ظنّك !!! لأني عارف الشيل تقيل ... واللي حاصل ... كلو منّك
حي وووووب ما بحلو زول.. لما تبقى الخطوة تايهة.. والصعود الفيك نزول.. يبقى روووبك هو الحليب.. واللي حاصل داك بزول.. وكلو منك يا ضباب.. ما بتسمع لينا قول.. كان زمان فجينا غيمتك.. ودفقت امطارك سيول.. وخالي ظنك وخلي بالك.. في خريفك والهطول.. وابقى مارق من سراب الروح وخش.. زي شمس جوة الفصول..
04-21-2008, 09:12 PM
محمد أبوعاقلة الطريفي محمد أبوعاقلة الطريفي
تاريخ التسجيل: 05-11-2006
مجموع المشاركات: 482
Quote: حي وووووب ما بحلو زول.. لما تبقى الخطوة تايهة.. والصعود الفيك نزول.. يبقى روووبك هو الحليب.. واللي حاصل داك بزول.. وكلو منك يا ضباب.. ما بتسمع لينا قول.. كان زمان فجينا غيمتك.. ودفقت امطارك سيول.. وخالي ظنك وخلي بالك.. في خريفك والهطول.. وابقى مارق من سراب الروح وخش.. زي شمس جوة الفصول..
قبّال أخش ... لازم آخد من الكتاحه دُش !!! (وهل هناك مخرج طوارئ)... ومن وين أخش ...؟ أقدر أقول ... (من بابِ أولى) وللا عندك ألف باب ودرب دخول ... باب تخش منو المسافة ... وباب يقيف قدامو صَبرَك ... وباب تضيّع فيهو روحك وباقي عمرك ... وباب متاكى ... (خلي باب الريد متاكى) لو كِمِل من حلقي قول ... وهل الحكاية مقننة ... إخطار ... وموعد للوصول ... ما عندي حاجة مسمية ... لا مواعيد ابدا بيها ... لا شوارع تنتهيك ... ولا فصول ... وبس !!! خوفي لو فجيتي غيمتي !!! تبقي منكوبة سيول !!!
دا من العيار التقيل
04-22-2008, 06:27 AM
Rasha Hatim Rasha Hatim
تاريخ التسجيل: 05-01-2006
مجموع المشاركات: 1681
Quote: قبّال أخش ... لازم آخد من الكتاحه دُش !!! (وهل هناك مخرج طوارئ)... ومن وين أخش ...؟ أقدر أقول ... (من بابِ أولى) وللا عندك ألف باب ودرب دخول ... باب تخش منو المسافة ... وباب يقيف قدامو صَبرَك ... وباب تضيّع فيهو روحك وباقي عمرك ... وباب متاكى ... (خلي باب الريد متاكى) لو كِمِل من حلقي قول ... وهل الحكاية مقننة ... إخطار ... وموعد للوصول ... ما عندي حاجة مسمية ... لا مواعيد ابدا بيها ... لا شوارع تنتهيك ... ولا فصول ... وبس !!! خوفي لو فجيتي غيمتي !!! تبقي منكوبة سيول !!!
خلي دشك جوة بحرك.. بكرة تغرق جوة زول.. وكل دروب الدش طواريء.. وكل مواعيدك فصول.. كان لقيت الباب متاكى.. ابقى باشر بالدخول.. وحتى جوة هناك مسافة.. وباقي روح وصبر ملول.. والشوارع دون بداية.. وفي النهاية عمر بزول.. كان غيومك بينا فجت.. تبقى منكوبة السيول..
دا جبخانة
04-22-2008, 11:56 AM
محمد أبوعاقلة الطريفي محمد أبوعاقلة الطريفي
تاريخ التسجيل: 05-11-2006
مجموع المشاركات: 482
Quote: خلي دشك جوة بحرك.. بكرة تغرق جوة زول.. وكل دروب الدش طواريء.. وكل مواعيدك فصول.. كان لقيت الباب متاكى.. ابقى باشر بالدخول.. وحتى جوة هناك مسافة.. وباقي روح وصبر ملول.. والشوارع دون بداية.. وفي النهاية عمر بزول.. كان غيومك بينا فجت.. تبقى منكوبة السيول..
بس !!! لا !!! شنو !!! آآآآآخ !!! لو غرقت ... جوه بحرك ... يعني يبقى كتلت دُشي ... ياخ مايموت ... وانشاءالله في ستين داهية يمشي يوم بالكتير ... ينسى فيها الحسرة وشي يا ريتني أغرق جوه زول ... وهو زاتو دواخلو نعشي ... وأحلى حاجة تلاقي زول ... يبقى فيك ممزوج ومحشي ...
دي جبخانة وكايسه خانة
04-22-2008, 01:20 PM
Rasha Hatim Rasha Hatim
تاريخ التسجيل: 05-01-2006
مجموع المشاركات: 1681
بى ياتو قانون انتي سايقه ؟ بالقليب الفي يسارك ... او دريكسونك يمين ... ..... الوصول ما بعني في الواقع دخول ... والدخول في حد زاتو عمُر يطول ... والهطول ببداها جيتو بعد فصول ... والفصول جواها نلقى العام يصول ... احداث بتفرض نفسها ... وانفاس بتكتم حسها ... يا ريت تقول ... ..... انتي ما عارفه التمني ؟ مشدودة اعصاب التمني !!! اللي شائل حزنو حائم !!! وصوتو وسط الناس يغني ... التشوفي البسمة فيهو ... جنن اصرارو التجني ... والتمني الفي قلوبنا ... يا ريت إجينا بعد تأني ... او قبلما تمغرب عشيّة ...
04-23-2008, 08:02 AM
Rasha Hatim Rasha Hatim
تاريخ التسجيل: 05-01-2006
مجموع المشاركات: 1681
Quote: انتي ما عارفه التمني ؟ مشدودة اعصاب التمني !!! اللي شائل حزنو حائم !!! وصوتو وسط الناس يغني ...
وانت ما عارف الخيال؟ لما حلمك يبقى صحوك.. ويبقى واقعك هو المحال؟ لما تبدا من النهاية.. ولما تنساهو السؤال؟ وهو السؤال كان عن شنو؟؟ وهل الجواب ممكن يُقال؟ وهل القليب بفرق كتير.. لو كان يمين او كان شمال؟ وشنو اللي خلى فصولنا اربع.. ولفصل احلامنا شال؟؟ وليه نحرس الواقع الغلط.. واحنا في خيالنا الكمال؟ فارجع بصر.. واقلب شناة الكون جمال..
04-24-2008, 11:57 PM
محمد أبوعاقلة الطريفي محمد أبوعاقلة الطريفي
تاريخ التسجيل: 05-11-2006
مجموع المشاركات: 482
السؤال كان عن سواقتك... عن مطباتك شوارعك ... المحطة الما بتنوم... المحطة الرافعه جيدا... ناس حوالينا بتحوم... مرة تبعد منو جدا... ومرة تبدو على التخوم... وبرضو تمشي بلا توقف... جد شتات السرعة لوم... ياما ضيع ناس كتيرة.... الدنيا مابتعرف تدوم... وحقو نرجع ليهو راسنا... ونستعين بالما بنوم...
وابقي جذوة شوق تولع... شمعة سهرابة بتدمع... يصحى صوت الذكريات... ينبت الحزن المروّع.... جدد خلايا الاه وفات... خلاني قاعد وكنت وين... عيني مسمرة في السقف... الحيطة ما قدرت تقيف... فتحت شبابيك النزيف... وخيالي شبه المنحرف... رافع ضجيج صوتو وبهز فيني الحرف... ميل على وجعي وفتح سيرة الجرح ... تاااااني...
كان دخولك باليمين... واللقمة دايما باليمين... وكتابتك الحلوة باليد اليمين... والسلام تستقبلو اليد اليمين... واي واحد سامعو يحلف باليمين... والكأس مجراااااااها اليمين... والكلك بالماوس الحاضناهو يدك برضو فيهو كلك يمين... (فيها حاجة لو عملت دبل كلك فـ قلبك) ينفتح فتحن مبين!!! في كل هذي الجوطة ... لا يمكن وجود القلب في الناحية اليمين...
(خوازيق) البلد زارت ضفاف النيل !! النيل الفِضَى وما فاض !! افتش تاني في الانقاض !! اتفقد الزول البزور بيتي !!
04-25-2008, 09:04 PM
Rasha Hatim Rasha Hatim
تاريخ التسجيل: 05-01-2006
مجموع المشاركات: 1681
في الحالة دي.. نرسم خطوطنا على المدار.. وقلبنا للأعلى الشمال.. وتحت جنوب.. يعني الودار.. والبوصلة دايما تأشر للشمال.. ويمينا يعني شروق جديد.. وهناك غروب يعني المحال.. ما القصة في الاخر خيال.. واحنا انكسارات للوجود.. ضل للشمس.. لمن تغازل هي الرمال.. ومرات زوال.. لمن تغتيها الجبال.. ويمكن تلال..
ما القصة ما قصة علو.. والعالي ممكن نوصلو.. والاعلى زااتو بنقدرو.. ما اصلو صاروخ في الخيال.. وخيالنا خالي الجاذبية.. نقرة كليك بتدورو..
كلمني ياخي عن الحزن.. وعن الضجيج.. وعن النزيف.. ساعة الوجع.. وعن الجروح الما بتروح.. والروح معاها بتتوجع.. وعن الفزع.. وكتين يهدك ياخي سيل.. هل كنت تتوقع غرق.. وانت بتغازل وش قمر.. ضاميهو نيل؟؟
وكلمني تاني عن الحنين.. وعن الامان.. واحنا الزمان.. قايلنو بس حسبة سنين.. ونسينا ازمان الشقا.. والانخداع.. وعمرنا في الاخر حسابو.. سنين ضياع..
04-28-2008, 05:10 PM
محمد أبوعاقلة الطريفي محمد أبوعاقلة الطريفي
تاريخ التسجيل: 05-11-2006
مجموع المشاركات: 482
نرسم خطوطنا على المدارات التولول ... خارج الزمن المسوّر بالضياع ... خارج حدود وهماً يناقش ظننا ... والظن مباري الإثم للكوش المجدعةفي نهاية حظنا ... والحظ ينقّد فيــنا ساعة غفلــة ... زي حاجة ما بتخصنا ... ورجعت ليك ... معقول يساورني الفضول !!!لى حاجة ما بتخصنا ؟ انا مالي نُص الليل شقي ... المدارات وين تتلقي ؟ما لم نسابق ضُلنا ... وضلي نُص الليل وهم ... اقعد أفليها (الرويح) الطالعة فيك ... إمكن أباريها وأجيك ... حانف الحظ وش مساختو ... الخطاوي إتلككت في نص مسافتو ... وداهم السكة المغيب ... الساعة كانت تاني يوم ... ساعة اللهفة البتاخدك كل يوم ... خليت وراي الخطوة زي ريحتك تغيب ... لمتين أقُص دربك عدم... لمتين أحاحيك يا نحيب !!! وما تقولي لي إنك براك ... الواقفة مقطوعة نصيب !!! انا زاتي مقطوع يانصيب !!!
الخطوة هدّاها الفتر !!! ومن غيرا ما ببقى السفر ... مع إنو ظني الكان معشعش ... يعزف على نفس الوتر .. .مقطع الشك والفضول ... وما قطع شكي اليقين !!! اليقين ما زال سَنِين ...
العالي ممكن نوصلو وتُم تُم يتم الصولة غصباً عن ... تختخه ... غَنّاي يشد عصب الحواس الما اترخى ... لمن يبالغ صـوتو في الوتـــر السّـِخى ... تدخل على روحك تحوم ... تطلع كما طلعت نجوم الدوخة ... في الوش الوجوم ... لجمّت صهيلي بى صمتك ... وفي صمتك غناي مهزوم ... رجعت أفتش الفطيتو ما لقيتو ... ولا فعل الندم مجزوم ... ما أدراكي ما طعم الحزن ... مُر ... أما عن الجروح الما بتروح ... إلا نبض الروح يروح ... ولو صديدك كان صديقك ... خلي جرح الروح يفوح ... بتبقى ليك الريحة عادي .. .والجروح يدميها بوح ... هل تصدقي إنو جوه الكلمة بوخ ... وحزن شديد .. .ما تشطحي !!! لو ساور الشك قول وقول !!! لو هزّ كتف الغيم هطول ... وكل يــــوم غَرّقني عـــوم ... وما فرضت الشـوق بحر في الحالة دي ... ماسكة في يـــدي الهموم ... وانتــل تباغِتني الـــسّموم ... في وشي تلفح ... الجروح بالحيل بتنتح ... وكل خيول الشوق تبالغ في صهيلا ... لافه طول الليل وتردح ... أسكني ...يسكت الود المدردح .. .تسكت الحدوة البتدي حوافر السفر الصهيل الكواريك البتصرخ ... الذكرى البتسرق نفسهاتتشابى جوه الروح وتنطح ... وا قساوة الذكري البتشطح ...
كان الصهيل من خيل أصيله ... واقفة في اللفة الأخيرة ... والحكمة في اللفة الأخيرة ...
04-30-2008, 01:36 PM
Rasha Hatim Rasha Hatim
تاريخ التسجيل: 05-01-2006
مجموع المشاركات: 1681
Quote: كان الصهيل من خيل أصيله ... واقفة في اللفة الأخيرة ... والحكمة في اللفة الأخيرة ...
وشنو اللي ما كان يوم خيال؟؟ وشنو اللي ما كان يوم وهم؟؟ والفات كتير من عمر حلقة مفرغة والباقي كم؟؟ وكل المدارات والخطوط مرسومة في زمن الضياع يتلاقى خط اللقيا طول مع العرض خط الوداع والاستوا هو الانحناء
ساعة تداهمنا الهموم ويتهد كتف القوة شيل وحليل شليل منو البيقدر يفتشو والدنيا ليل والضو حبيس جوة الضلام والقمرة طافياها النجوم ومنو البيقدر في بحور الشك يعوم؟
وهل تصدق.. انو نصك.. البخصك.. ممكن يطلع هو البقصك والبرصك.. وهو اللي من دمك بمصك.. واحنا مصانا الشقا وعدم اللقا وعدم الصبر وجروحنا دييييك شيتن كُتُر..
ولسة بتكوس اليقين؟ وشنو اللي كان في يوم يقين؟ والقلب سبناو شمال وبقينا بنسوق باليمين والمحطات هي المطبات والكمين وكمّلنا في الشارع سنين
من غير نصل ومرات يبنشر لينا لستك والا كهربا تنفصل غايتو حتة دين فصل!! بتمو لو ترجع هناك او تتصل أو.. في اللفة الاخيرة يبين أصل..
04-19-2008, 10:32 PM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
شوف يا بحر ... ما تضاري لي مطرك وراك ... ما تملا لي حُفـــــرك بـراك ... دي الغيمـــــة حِردت مرتين ... والموجـــــة ماشه بلا حِراك ... كتــــــاحه ساقتني ومشيت ... ومعاها كان الهـــــم طِراك ... وقعدت شــــــــــدّاني الوتر ... في حتة كان الشـــوق بحر ... خربشت ما خليت وتر ... والغيمة رقراقة وتفووووت !!! وين يا شدر؟ ... وين رامي ضُلّك !!! وهل دفنتو بلا اثر !!! وللا الغيوم السافرت علمت ضلي السفر ... زي الطيور الهاجرت مكتوب على جناحا السفر ... والهم ليئم ... ما بدد إحساسو القمر ..
Quote: جوف السحاب.. عطش المطر.. كيفن يبل ريقو النشف.. والسكة ما سكة سفر.. كتاحة فرقت الغيوم.. والضو هناك شيتن كُتُر.. حرفين شقا.. وشقة أرض.. ما ببلع النيل الحُفر.. غابة قمح.. والحبة زي شكل القمر.. مرات مزيف بالكضب.. مرات سمح.. والروح تعاين في السما.. وقليبا عاشق للبحر..
جوف السحاب مليااان حزن ماالموية ماقدر الفرح لا قُدرة الأرض..المطر من وين تشيل هم السما؟؟ وكيفن دموع الناس تسيل الواطة هدَّاها..الفَتَر وريني بس كيفن نكون.. مالينا حب الناس..كُتُر.. وبرضو بيصيبنا الظلم.. من وين نجيب زاد السفر ادينا ماخلينا..شئ.. من وين نجيب حق الصبر؟؟
04-19-2008, 09:59 PM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
Quote: البحر ما بيـابا الزّيادة ... لو فرضــنا الشوق بحر ... ضاربه موجاتو الخسائر ... وكلو يـــوم يزداد خــطر ... ما همّــك القلب الِحرق ؟!! أو ساقو عِِرق الشوق غِرِق !!! ما تظلمي الزول الفتر ... في قلبو فاتحة اللهفة شارع ... وكم ممر ... كان قليبي عليها جاري ... وكان قليبـــا علي حجـــر ... ما تظلمي الـــــزول الفتر ... لو سـرّع الزمــــن الرّتم ... وخطواتو محتارة مفر ... واقف على جرفي !!! خائف يكون حرفي !!! دقّ في الحاسة الوتر ودقــاتو ناقوس الخطر ... واليم غرييييييق !!! مشرور وزي قاطع الطريق ... الموج مخيف ... والموجة ضاربة الحافّة سيف ... هاوية وضياع ... الحل شنو؟ ...
الحل..تجي.. وخلِّي افتراضاتك..وراك عن ..وجعة..الإسمو..(البحر) ماشكيتك للمطر يوم جاني..شايل..من غيابك..ليّ..خبر.. إنو صادف في ..مشيو.. نسمة من جيتك..دعاش جاني شايل سيرة من دربك رذاذ وأنا لسّه..قاصدني..الحراز.. موعودة..بي جيتك...خريف.. ثقتي..ضد..الاهتزاز.. رغم..إنّو..صوّر ..ليّ..حضورك.. إطارو..زاهي..ومنتعش انت..مشغول..بالفَراش.. شفت قلبو..بيرتعش.. لو كنت..بتخون..الخدار.. أمشي..لي..لونك..أمِش أصلو..ضُل..الإندهاش.. قالوا..رامياهو..الشمش.
مابظلم الزول الفتر.. أبقى..قارن..بين ..وقوفك..وبين..جريك.. بين ..انتظارك...هي..التجي.. وبين..خطاويك..ومشيك.. بين مخافتك..من حروفك.. وبين سماحك..في مشاعرك..للبجيك..
أبقى قارن..وانت جاي.. وأديني..من جيتك..حلول.
04-21-2008, 11:08 AM
محمد أبوعاقلة الطريفي محمد أبوعاقلة الطريفي
تاريخ التسجيل: 05-11-2006
مجموع المشاركات: 482
مالك عليها؟؟ مستورة من عين السماء إلا الشمس...معكوسة في صفحة وشيها.. مرّة يفرح بي مجيها..ومرّات أشوفو كمان..حزين.. عادي..جداً.. بعض الحجر..في قلبو موية.. وقلبك انت خريفو..وين كان مطيرتك برضو ..نزلت.. كان أنبتت كل الحجار هل كان بعريها الخدار؟؟
Quote: مالو لو صِحِتْ الشمس ... مُتحجّبة !!!
لو كل أمانيك في الدنيا جاتنا محقّقة.. كنت حأسأل عن مكان رضوان..هِنا!
Quote: دا حلم حقيقي ؟ وللا الحواس أتلبّكت ...
ده عالم..من حقيقة..ومن..خيال.. أحلامي..عقلك..جننا.
Quote: أمشي بي وشك تقع ...
أمشي بي قلبك..أمِش حدّ السموات العُلا أقبض الكون..بين ايديك.. دوس على الأحزان..تلقاها..نايمة..مَمَحّنة.
Quote: وبرضو آمِل ... بكره يتشرْ في خريفي ... ضل حراز ... والكلام القلتو ليكم عن رذاذ ... يبقي الرذاد آخر طِراز ... لا إتمسح ... ولا ريحتو جاز ...
إنو..تختم..بالأمل.. أداني احساس بي رويحتك.. حلووووة زي شوق الأهل.. ممتدّة..مابتعرف..أجل.. سعيدة بي هذي المطيرة.. الرذاذها..من روحك..نَهَل.
04-21-2008, 05:15 PM
محمد أبوعاقلة الطريفي محمد أبوعاقلة الطريفي
تاريخ التسجيل: 05-11-2006
مجموع المشاركات: 482
ومن متين إحساسي كان ضغطة وريكورد ... أسألي الناس المشتتة في الكراسي وأي بورد ... لو قالو ليكي كتابتي شف ...و جوايا ما شبه الكيبورد ... أبقى ظالم ... ويبقى حس الناس سلالم ... حس يشيلك فوق غماماتو وبيرحل ... وزول يشيل حسك .... وظالم ... كلو ناقص ومرة مرة نحسو سالم ... وديمة مظلومة المعاني ... الطالعة من الروح تعاني ... والله في ...
Quote: أبدا من لحظة بتقصد.. ريدة وااضحة..وشوق..صرييح
الله يعلم ريدتي واضحة ... بس طبعي ... ما اعتمد المديح ... ولا الدلاليك البتضرب فوق رؤوس الناس وحيح ... ولو فرضنا أكون صريح ... ما جيت هنا ... وقعدت طول اليوم كسيح .... مافي احلى من المغطغط ... حتى لو قبة وضريح !!!
04-21-2008, 06:28 PM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
الخريف البيتربص جفافك ما بيخدِّر ضل رويحتك لا بيواسي وقوفك إنتي قصاد نهارات السموم لا بيوقف عصف ظافرات الهموم بس مطيراتك بكفَّن ولسة بطفن إحتراقي وللغنيوات هن بوفَّن واشتياقي ودندناتن جد بصفَّن عاكرات الذكريات وكم جرينا علي رزازك أنا وشفع الحلم البتاوقك كل ما صبغ السماوات ضو هلالك ويا ظلالك لم ترمي تطفي رمض الإلفة فينا وتفتحك طاقة للدعوات وبعض الإبتهال هدهدة والدين بحاحو النوم يزور جفن الوليدات البشيلو الليل أنين النوم تعال سكِّت الجهال النوم تعال النوم تعال ياخ ما تجي يبَّس عويناتهم جفاك شتت رحيق الأمنيات فرض التنبؤ بالحلم وكيف الحلم يقدر يتاوق في الصُحا ؟؟ وإنتي ما مليتي فكرة تندهي تكري غمضة وتدي ومضة من ضياك ويا حبيبة سيف هواك في الرويحات البتتشعبط مسامك لسة أمضى ...
خليني داير أسألك ح أسألك ياتو برّاق بكشف الموية الملبدة في سحابك ؟؟ وياتو نقرة بتفصلك عن فتح بابك ؟؟ وكيف شبابك مدَّ يدو علي بعادك وإغترابك ؟؟ وإيش أصابك لم غنوا علي ترابك حفنة صعاليك النغم ؟؟ هزة أوتارهم تغنيلك حبابك هوي حبابك قنِّبي وإنتي بالك في جروفهم كيف تخدر لم شمسك تستريح ... !!
يا ساساقك ما بين مشرق حاسة شوفك وغروب الحق كيف بنجابد في واسوق الروح نطر كيمان الحرقة السادة مسام الضحكة عشان نفرح نطرح نطرح ونغنيلك راح نفتح روحنا على شرفات نيلك راح نزرع شجرة علشان ترتاحي من الساساق ويحلى مقيلك راح ندرع في رقاب أطفالنا جميلك وح أغنيلك يا بت من دمِّي مفتقدك تتقطري جوة فراغ أوردة الشوق وتفرِّجي همِّي ياخي مسامحك إنوطي الروح وهديك عَضَايّ أقدلي فوكَّا ومن جوايّ أطردي غمِّي ويا بت من دمِّي مفتقدك تتمرجي ما بين أضلاعي تنحبسي حنيني وتسقيني من ضرع الغيمة حليب العشق وتواسيني لامن يقسو علي الصيف وتراضيني بالخضرة وإنباتك فيني ويا بت من دمِّي فاردلك شرياني طريق يحضن خطوك ويراضي الضيق وراسملك أعضايَّ فريق تتلملم لي زغرودة فالك وتسندك كريات الدم في حزنك وتاخدك رئتيّ شهيق ...
مرفق : حبي الكبير بــــــــادي
04-19-2008, 11:33 PM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
مطيراتي التشوفِن في الأصِل من شواطيك..كان..مجيهن مابراي.. سمّوهو كل الناس..عيونك كان بطفّن..احتراقك.. مابجيبن تاني ..حدّك. وكان بوفّن..اشتياقك.. لا بجيبن..لابكونك.. نادي حدّ أشواقي..صدّك.
خلِّي أشواقك..تفيض.. كلما هطلت مواعيدنا التجيك خلِّيها ماتشاور رِمالك.. حتّى..قيفك..لو بيغرق.. ماكفاهو..الشالو من أحلامي بيك؟
Quote: ويا ظلالك
ماحكيتلك؟..من دواخلي.. رامي ضلِّي علي دواخلك.
Quote: وشفع الحلم البتاوقك
لامن بكوا..دعيت المولى ليك يصحّي.. ولمّا..صحيت..لقيتني بفتش فيهم لمّا بكيت.
Quote: وإنتي ما مليتي فكرة تندهي
لالا بي بساطة: لأني..مامليت مجيك..
Quote: سيف هواك
صدقني نصلك..ريدو..أسرع. وباقي..أوجع.
Quote: خليني داير أسألك ح أسألك
هَي كم سؤال؟ مع اني ماداير أعاتب وهِن كم إجابة؟؟ أقوللك قول؟؟ أسي لو شاورت قلبك مابجاوب؟
Quote: النوم تعال ياخ ما تجي
شان تحلم؟؟ انت واقعك لو حزين.. ساكنّي في قلبك..يقين.. انو بِبراك..الفرح.. بس انت أفرد ليو جناحك.. والخاطر الشايفو..انجرح.. بيك بسعد بي جديدو. بس انت أعلن فيو سماحك.
Quote: وياتو نقرة بتفصلك عن فتح بابك ؟؟ وكيف شبابك مدَّ يدو علي بعادك وإغترابك ؟؟ وإيش أصابك لم غنوا علي ترابك
مابفصلني عنّك..أيّ شئ.. يوم قلت لحظة أفارقو..دربك.. لقيتو خاصمني ..المشي.
Quote: هوي حبابك قنِّبي وإنتي بالك في جروفهم كيف تخدر لم شمسك تستريح ... !!
أنا لسّه..ح...أقنِّب؟؟ أنا اتوهطت قبييييل فردت مساحة قربك..ليل..وفيها رسمت وجودي..شليل.
Quote: وح أغنيلك يا بت من دمِّي مفتقدك تتقطري جوة فراغ أوردة الشوق وتفرِّجي همِّي
ماكان بيغلبني الغُنا.. لو كان هواك..هوّ الوتر.. لاكان بيبعدني الزمن.. لو في عينيك ..طال..السفر.. لاكان بيغلبني..المشي.. لو في دميك..موعود..فَتَر.
Quote: معقـــول تكــــون الكلمة كتّـــاحه وهوا ... وللا الكـــــــلام جـــــاب لي هـــــــــوا !!! دي الكلمة وكت الليل يخش راحة ودوا ... وهــــروب مرتّب لو يداهـــــمني النوى !!!
ود ابوعاقلة يا جنو
الكلمة كتاحة وشرا حيطة وضرا مرات تكون في شكل عط وامكن تكون مرات مرة وقالوا (المرة) هي خشم بيوت فيها البكتح قام جرا والساترة ما كاست عرى والواعية والداعية ومسيخة وبرضو ديك الزي غرى والعوقة والمطلوقة والذوقة بيخجّل لي ناظرة وعشان تسد باب الهواء اشخت شخيتك انت هووووووووووووووي والكلمة اعرف قدرة قبال تقول سترك علي يا الله يا شيخي اب شرا
04-20-2008, 06:23 PM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
الكلمة..بي حدينا..سيف أبقى خلِّي..الحلوة..حرفك.. انت لي سمحك..تضيف.. وأبقى..عدّيهو..الشخيت.. من غير تألّم..أو تعيش..ياانت ..زِيف لو كان بيتعبنا..المشي.. حدّ المساحات..السماح.. يبقى ليه..تلبس خُطانا..سكة الأذى..والنزيف.
Quote: علمني فن الكشكرة ...
ماحلوة ياخ تقيييلة على الرويحة ومتعبة بالمشاعر..تترشي حلوة لو تمشي الخطاوي.. بدون توريها..المشي بدون أوامر..مزعجة عفوية..دايما..منبعا ماشاورت يومداك الحنين براو عزل العيون..و ..مدامعا.
04-20-2008, 06:16 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20439
اول الخريف , حريف اول النضم .. نزيف آخر الحبيبه ترك .. فوق غصن الذي اولى بى تلك التى فى الروح تنزاح بها الاحزان تدنو ثم تدلى فوق الغباش ترتاح كالشعره تنسلى من طينه الاتراح لى ذاك الذي سواك عشقا وما اسراك شوقا وما اهداك الا للتى احلى
04-20-2008, 06:30 PM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
القهوة كانت حفل استقبال..مهيب رافقنّك..خطوتين.. واتأخرن تانيات.. وفردنّك..قصيد! ما أصلو ضُل الإلفة رامي.. وإشتياقي..بيلمسك.. مافي أحرف..ترسمك.. ولا مقاييس.. في الرويحة..بتوزنك.. وأنا لسّه..ماكفيت..كلام! الحرف لمّا يضيق شهيق..بتنفسك! والروح وكت تصبح صحاري..بتغرسك.. يااخ أنا جد فترت من الوصف!)
04-20-2008, 07:28 PM
مهند الجيلي بادي مهند الجيلي بادي
تاريخ التسجيل: 10-12-2006
مجموع المشاركات: 324
يا بت ميقَّن بيك أنا تفتكري ممكن تنتسي أشواقنا أنا وإنتي لي كل المسافرين المطافيش المهابيش الملابيش ما ميزوك من رشمتك ومسايرك الفيهن خرز والودعتين سيقان مكتِّحن الزحيح وعيون بتضحك رغم أنف الإنكسار
إنتي وين منِّي مرتبة ولا جايطة وجايطة جواي المابي يترتب زمن أقولك : جوطي بفضل براقب قفز أشواقك هنا وهناك وفي نص القلب بفضل براقب وببتسم
يا سلامك فيني يا سلام
مرفق : حبي الكبير بــــادي
04-21-2008, 08:46 AM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
بفتكر داك الغُنا عن البشهّد شوقو لي زولو المسافر وبقولّو (ماممكن تسافر) وابتسامك .. وكت بيحلف (بالمشاعر) وصحيح الجلسة كانت بُن مركّز والمساير.. رغم عنِّي..لقيتا ضاجّة.. والنسيم بي جيتو فاجأ..وليها..عزّز شكل الخرز..بصمة أصابع.. ولونو كان في بختو..ضايع.. وسرّو في ودعاتو...سامع؟؟
Quote: مرتبة ولا جايطة
مااترتبت وجيتك ..زيّك قاصد.. (قصدنا نحجّي اللحظة..بشوقاً طفّح من أرواحنا)
Quote: بفضل براقب وببتسم
يا سلامك فيني يا سلام
يكفي احساسي انتصارو.. انو.. خلاك..تبتسم.
يكفي برضو الروح سلامها.. بيك جروحها..بتلتئم.
04-20-2008, 09:23 PM
محمد أبوعاقلة الطريفي محمد أبوعاقلة الطريفي
تاريخ التسجيل: 05-11-2006
مجموع المشاركات: 482
ضليت .. هرب منى الأمل .. جنيت جافانى الشروق .. حنيت كنتى معايا .. فى لمـّة دليب .. شاشاى فى إيقاع حشا المردوم فى جيد الزمن .. سوميت
مرقت .. على محطات السفر .. غربة وما لقيتك .. أمل شارد مع إنك معاى فى زحمة المشوار وحتى يقينى عاد من تانى صحـّاك من حنين ذاتى .. نجم الفرحة يا عايد
تعالى معاى.... من زفة نفس مسدار وما جرتق فرح .. كانت ولا طعم الشقا الروّح خطاى هانت وإنتى معانى شايلاها القوافى معزة فى عمق الفرح .. دوبيت وكت ضليت ... قعدتّ براى .. وحسيتك بتطلعى من نفس طورية ضامـّة الطين ومن دمعة وجع طوّل ندا العرق البنادى .. حنين
واناديك وانت في ذاتي .. مخاوف سكة آهاتي مداين قرية لابسة القمرة شامة ضو يحن يغشاها مرة شروق يخدر من عرق تربال .. يرتاح في ضليل واسوق .. ينادي تراب يغازل خدرة السيال تطلُ شروق .. تكون قمر السعد ضويت ...
افففففففففففففففففففف كلام غريب ... غريب ... غريب يا تماضر
فوق لغاية فوق
تماضر الخنساء ..
محمد أبو عاقلة ..
رشا حاتم ..
ماكنت أحسب نفسي يوماً من الفاغرين فاههم عند الحرف وبين السطور ... لكني الآن .. أعلن دهشتي بمنتهى الهدؤ .. مصحوباً برياحٍ ورعود وذات اليوم الموعود الذي أستمطر فيه بعضكم علناً ..!!
غايتو محنتونا عدييييل ...!!
ابو عاقلة .. سبحان الذي خلاك كائناً أشتاق ليهو أنا برضو ...!!
كل الوداد ...!!
04-21-2008, 03:18 PM
Rasha Hatim Rasha Hatim
تاريخ التسجيل: 05-01-2006
مجموع المشاركات: 1681
Quote: ماكنت أحسب نفسي يوماً من الفاغرين فاههم عند الحرف وبين السطور ... لكني الآن .. أعلن دهشتي بمنتهى الهدؤ .. مصحوباً برياحٍ ورعود وذات اليوم الموعود الذي أستمطر فيه بعضكم علناً ..!!
غايتو محنتونا عدييييل ...!!
انت الخطاوي المحنتنا وعترة الروح في دروبك من زمان راجين تصلنا ومشتهين يا زول حروفك الخريف لو كان بعضنا ما بنفوتا في يوم جروفك يا شدر راوياهو طيبة مد علينا حنان عروقك دي المطيرة الفينا منك وفي سمانا تشع بروقك
04-21-2008, 03:43 PM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
Quote: انت الخطاوي المحنتنا وعترة الروح في دروبك من زمان راجين تصلنا ومشتهين يا زول حروفك الخريف لو كان بعضنا ما بنفوتا في يوم جروفك يا شدر راوياهو طيبة مد علينا حنان عروقك دي المطيرة الفينا منك وفي سمانا تشع بروقك
أنا الشالتني..المِحن.. ماعرفت أسرار الدروب.. مالقيت في الصدفة..لُّقيا.. ومنّو..ماااقادر أتوب ورورني كيف الحل وبلزم هوى المحبوب
طارق مرحبتين بيك
04-21-2008, 09:41 PM
محمد أبوعاقلة الطريفي محمد أبوعاقلة الطريفي
تاريخ التسجيل: 05-11-2006
مجموع المشاركات: 482
بِس يا زهج يا رويحة مشتتة ويا زمان مالينا كُج لما نفرح بالغيوم ببساطة تقوم تفج ولما نشتاق الشمس الضباب بالعِند يعج وتاااااني اففففففف يمكن احنا الفينا كُج؟؟؟؟
مالك علينا يا ابوعاقلة يااااااخ
04-21-2008, 03:37 PM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد البشرى الخضر
GamarBoBa
emad altaib
Rasha Hatim
انعام حيمورة
محمد أبوعاقلة الطريفي
هند محمد
مهند الجيلي بادي
لؤى
محمد حيدر المشرف
محمد سنى دفع الله
فيس بوك
تويتر
انستقرام
يوتيوب
بنتيريست