دعواتكم لزميلنا المفكر د.الباقر العفيف بالشفاء العاجل
|
|
 تعال..نكتب..للمطر..
|
خلاس
وكت أديتني تصريحك..هطول..
في الأوَّل ببادر بالغيوم..
شايلة من عينيك حنينا
والسفر لو ..ليك يطول..
برضو بستدعي السحاب..
في حضرتك يحلو المثول..
وبنادي نسّام المحبّة..
ياخي قول وأطربنا حبّة
ده الفؤاد بالريد تعبأ
وهوايَّ مابطراو ذبول.
هلّت مواعيد الخريف..
بين الظنون أوعاك تقيف..
دفقتا فيك ..إحساسي بيك..
وكان المطر..أصدق رسول.
|
|
 
|
|
|
|
|
|
|
 Re: تعال..نكتب..للمطر.. (Re: انعام عبد الحفيظ)
|
بسم الله الرحمن الرحيم
تماضر الخنساء
سلام ورمضان كريم
تعالِ .. نكتب .. نغني للمطر .. هي دعوة جميلة ..
تعالِ نغني ونكتب للمطر
تخضر أرض
تخضر وعود
تزدان بلود
ونقول كمان جابا المطر!!
&&&
يتراكم سحاب
يمشي ويسير لأرض يباب
يبكي وينتحب
وينمو حُبنا ويزدهر !!
تسلمي ياخنساء ... ما أجمل مفرداتك المحسوسة ...
ودي
وصال عالم
| |
|
|
|
|
|
|
|
|
|
Re: تعال..نكتب..للمطر.. (Re: انعام حيمورة)
|
العزيزة تماضر
رمضان كريم
وحمد لله 1000 على السلامة
Quote: هلّت مواعيد الخريف..
بين الظنون أوعاك تقيف..
دفقتا فيك ..إحساسي بيك..
وكان المطر..أصدق رسول |
تسلمي يا رائعة
| |
|
|
|
|
|
|
|
|
|
Re: تعال..نكتب..للمطر.. (Re: Amira Elsheikh)
|
أميرة..والنيل كمان..
وأبقى مشتاق ليك كتير..
وكنتا مشتاق ليك كتير..
أحتار أقيف..
شايف..عيونك..
ماني عارف..
وين كلامي الكان بيتزيَّن قبيل..
وين القصايد..
و
الأغاني..
الماغِشاها..الليلة..
نيل
الكان تزيد إشتياق الروح إليك!
| |
|
|
|
|
|
|
|
|
|
Re: تعال..نكتب..للمطر.. (Re: تماضر الخنساء حمزه)
|
بذكر يوم مطره وانا ماد يدي بالشباك لي امي عشان تديني طرقة كسرة وبذكر كمان "حلق الديه" وبذكر كمان الدخان الكان طالع من نفس الطاقة الادوني بيها الطرقة في ذلك الجو الصحو كنا
بنقول يا مطره تعالي
وديني لي ناس خالي
كسرتن الدقاقه
ملاحن لبن الناقة
وفجاة يخرق الصمت احدنا بنشيد اخر
مطرة الجمعه الفوق بلداتنا صبت
امنه ولدت وحليمه ربت
وبدون شعور ننخرط معه مرددين نفس النشيد
اثناء اشتداد المطره كلنا بنكون جوه البيت انا وامي و ابوي وكل اخواني بامر من ابي كان ابوي هو الوحيد المسموح ليهو بالخروج اثناء المطره ونسمعه وهو يقول الانصار (غرقت و بعد عدة نظرات يقول ايضا دوبا ما جاتا مطره لكن الضل خاتي تقيل علي الجزيره والجزيره هي كانت ما وراء البحر وكانت امي عندما تذهب لزيارة اقاربها في قري الجزيرة كانت بتقول انا ماشه البحر
ابوي يخش ويطلع لشد ما كنت احسده يتمتع وحده بصبيب المطره على جسمه ويحرمنا منها بدعوى خوفه من الاصابة بالانتهاب وهي الكلمة التي تستخدمها نساء القرية عندما يقصدن الالتهاب الرئوي اما ابي فكان يعلم جيدا انه الالتهاب وليس الانتهاب والانتهاب دا زمان كان غالبا ما بجينا لمن نتبرد تحت الصهريج لمن يدفق كان الماء في ذلك الوقت شيئا نادرا وكن نتعافى في بط من بداوة شغبه المرغومابيه
ابوي كان يخش ويمرق ونحن محبوسين جوه.. مرات يجي برد ونطلع نلقطو بذكر اني كنت بختو في كوره ام قعر(رمضان كريم) وكان اخوي الكبير الذي تعدى مرحلة جمع البرد يجلس مطمئنا في العوضه(الغرفه) الواحده ولما جيت اكل بردي لقيتو ساح اي ذاب ولم اكن ادري بان البرد يذوب وظنيت انو اخوي اكلو و اليوم داك كان اول يوم اشوف البرد و لم اتذوقه كنت اريد ان اتناول اكبر جرعة من المتعه ولكني فقدتها كلها وفي موخر حياتي لاحقا اكتشفت اني لم افقد شيئا اذ ان البرد دا ياهو التلج ذاتو وبعملوه من المويه لكن من يمسح الحزن من ذاكرة ايامي
بعد المطره ما تقيف بنطلع كلنا نلعب نتزحلق علي الارض اللزجه واحدين بمشو لي قدام يجيبو الطير بكون وقع من الشجر وواحدين يمشو العالي وهو تلة من الرمال تكشف المنطقه كلها الناس الكبار بالذات بمشو يشوف اثر المطره في البلدات واحدين بمشو البلدات عديل وفي العالي وفي كل القرية يكون الصوت واضح جدا لدرجة انك بتسمع عمك فلان في اخر الحله يكورك في اولادو عشان الغنم ما يرضعن
| |
|
|
|
|
|
|
|
|
|
Re: تعال..نكتب..للمطر.. (Re: هاشم أحمد خلف الله)
|
أصلي من حسيت مجيك..
إرتعش فيني الكلام
والشهقة لامست الغمام
وزفرة في صوت الكمان
أعلنت..موسم غرام..
كانت فواصل الأغنية
رنّة وتر..
فيهو الصوابع ماسهت
شالت حنينا..وإتّكت
بسراع مشت
بين النغيمات الدّغش
وأنا حالي ..مابعرف أصِف
حالي لسع مرتعش..
| |
|
|
|
|
|
|
|
|
|
Re: تعال..نكتب..للمطر.. (Re: Ali Alameen)
|
عارف ياعلي؟؟
كل ماواحد يحكي عن أسرتو
بلاقي في تفاصيل كده سغيرة متشابهة
الحاجات البتتشابه دي احلى الذكريات
ودي حاجاتنا السمحة..
هم صحي ليه ماسابونا نلعب في المطرة وهي صابة؟؟
وسابونا نلعب بعد وصلت آخر رحلتا وإستقرت تحت أقدامنا..
يكون الخوف من الانتهاب القلتو..
| |
|
|
|
|
|
|
|
|
|
Re: تعال..نكتب..للمطر.. (Re: تماضر الخنساء حمزه)
|
Quote: هلّت مواعيد الخريف..
بين الظنون أوعاك تقيف..
دفقتا فيك ..إحساسي بيك..
وكان المطر..أصدق رسول. |
سئلت الخنساء
عن سر ذلك الذي يهمس جهرا
قالت ( بري ما عارفاه)
ولم يقال لها بانه مجذوب
حمد الله على السلامة
-
| |
|
|
|
|
|
|
|
|
|
Re: تعال..نكتب..للمطر.. (Re: تماضر الخنساء حمزه)
|
شايفك...
دخــلتى على المــطر
وهبشتى غيماتو العُُـــجاب
عارفك ..
بتعرفى سكةالدرب الأثر
ومرقتى ما بين الســؤال
لحظة خريف ...
بلّـــيتى ريق عطش السحاب
بى غــيمه غرقت فى النزيف
رغم إختلال
فكرتنا فى الفرح التساب
خنســـاء
عوداً حميداً
ورمضان كريم
| |
|
|
|
|
|
|
|
|
|
Re: تعال..نكتب..للمطر.. (Re: مدثر محمد ادم)
|
يا خنساء
هذه قصيدة غنائية بكل ماحملت من معنى
واتمنى ان تجد من يضع لها لحنا يتناسب ومقامها
لغة غنائية عالية
ايقاع داخلى منساب
وتصوير للمكان
النفسى (الداخلى)
احساس الانثى بالمعنى
احساس الانسانة بالاخر
كل هذه قيم تدفعك دفعا للتعاطى مع هكذا قصيدة
تتخللك بكلماتها وايقاعها الدافئ
شكرا لامطارك التى تغسل الروح
| |
|
|
|
|
|
|
|
|
|
Re: تعال..نكتب..للمطر.. (Re: abubakr)
|
ح نكتب ليك جناح الســرعه بالأشوق
عشـــان خاطرك
بننده للمطر ينزل
يجيك شايل مراســيل شوق
يخصك والعبير يشرح
مسام الرعشه يشـــتل
ورده
غابة
من الخريف يفرح
معاك جداً
ويبقى هناك
| |
|
|
|
|
|
|
|
|
|
Re: تعال..نكتب..للمطر.. (Re: تماضر الخنساء حمزه)
|
لو..هطلت مواسمي عليك
هَلْ ...ياإنتا..إنتا بتحتمل؟؟
بتحتمل..لمَّا في موسم سكون..
أملاكــ ضجيج..
وترحل معاي حد الغيوم؟؟
بتحتمل ..تشواقي ليك..
عارفاهو أكبر من قلوب الناس جميع
لكنُّو أقل..لو قِستو بيك!
جاوبني بس..أديني بس إذن الهطول ..
شان تعرف الغرق البكون..
سيدو عطشان للمزيد.
| |
|
|
|
|
|
|
|
|
|
Re: تعال..نكتب..للمطر.. (Re: تماضر الخنساء حمزه)
|
إذنك معاك..
هاكِ الغيــوم
والضفه والأشــواق بحــر
يا منســتر ..
خلف المراحيل والسفر
يا خــوفى من غرق النجــوم
عكــس إرتهان غيمة دفاق
دابت هنااااك
بين إرتــــعاشات الخدر
مالو الوتر
طربان بيرقص من غناك
وين السموم والحر
وعجرفة الهموم
وين المطر
| |
|
|
|
|
|
|
|
|
|
Re: تعال..نكتب..للمطر.. (Re: عبدالله داش)
|
خلف الهموم ..شيل الصبر
أمرق تعال..
عِشقك.... أمر
إستبين الجيَّّة نص المستحيل
عكس إرتهانات ..القدر
مالو مستغرب سؤالك؟؟
غنايَّ ..معطون بي كلامكـ
ومابلوم فرح الوتر
قبلو رقَّصني..الحرف..
وقلبي بي طربو ..إستمر
لو تشوف البعد ..حار..
قُرب العيون..الفيني..منَّك..
إنتا لو تعرف ..أحر!
وبعدما ضمّيتو.. عِنية
وبين إيديك نام..المطر..
جاي بتسأل : " وينو " برضك
وهطولو..أمرك..منتظر
لحظة..لو فَرّيت ..أصابعك..
بيناتا ..تديهو المَفر..
علينا ينزل شوق..رذاذكــ
يغسل..مسافات..السفر.
| |
|
|
|
|
|
|
|
|
|
Re: تعال..نكتب..للمطر.. (Re: تماضر الخنساء حمزه)
|
ومــرقت ..
كلـــفنى الحـنين
بالرجــعه للســر بإهــتمام
فجّـــت ســحابتك غيوم
رســمت على الأفق السحاب
فجــريه غافــلت المطر
رشــحت فرح غطــى المســام
بالخــدره .. والفوح .. والزهر
كان من متين ..؟
بعرف إجابات الكلام
كانت تفاصــيل إحتجاج
والباقى كان حُــزن المطر
فرناغه الخــوف والعجاج
يتشــابا لو يحلق صفاك
يلمس ندى الريم الغمام
ودخلت شاورنى الإيــاب
بالرجعه شان نكتب مطر
| |
|
|
|
|
|
|
|
|
|
Re: تعال..نكتب..للمطر.. (Re: عبدالله داش)
|
إستبنتكــ
فضح الغمام ..
مواعيدي المعاكـ..
مواعيدي البتنده رجعتكـ
وشفتك ذي تقول بين السحابـ
لونو شايل ..فرحتكـ
ملكني ..بالشوفة..الخَدَر..
وإمتلاكي..أصلاً..حِرفتكـ
سكني..قبلك..إرتعاش..
والفيني..مكتوب.." حِتتكـ "
| |
|
|
|
|
|
|
|
|
|
Re: تعال..نكتب..للمطر.. (Re: تماضر الخنساء حمزه)
|
...
...
Quote:
لو..هطلت مواسمي عليك
هَلْ ...ياإنتا..إنتا بتحتمل؟؟
بتحتمل..لمَّا في موسم سكون..
أملاكــ ضجيج..
وترحل معاي حد الغيوم؟؟
بتحتمل ..تشواقي ليك..
عارفاهو أكبر من قلوب الناس جميع
لكنُّو أقل..لو قِستو بيك!
جاوبني بس..أديني بس إذن الهطول ..
شان تعرف الغرق البكون..
سيدو عطشان للمزيد. |
| |
|
|
|
|
|
|
|
|
|
Re: تعال..نكتب..للمطر.. (Re: salma subhi)
|
ياقمر نزل من سماء
ويارزاز مطر الغناء
با لله أدلي من عــلاء
وأسقي اليباب أرتواء
نخله عالية فوق ضـوء
وسحائب غيومه ملبداء
وسحر عيونه مـدوراء
وبريق خطف نور وجملاء
،،،،أبوقصي،،،،
| |
|
|
|
|
|
|
|
|
|
Re: تعال..نكتب..للمطر.. (Re: تماضر الخنساء حمزه)
|
تعالي نكتب للمطر أحلي الاغاني وبكلاكمنا نرجع كل اللي فاتنا [
انا وانتي مواسم ريانه بالخير من سنين بس ماعارفة تثمر وين
]انا بنشد واقول نحن زي المطر وارق من حبيباتو بس لكين
وكما ن في تقاربنا متحدين وهدرين زي سيولوا الشديد سواي
]ياأحلي رشت مطر فى أرض عطشان انت انا ونحن زي المطر مبنعرف غير المطر يجيبو الخير رغم وبالخير نعيش ولينا لكل العمر عشانك بكون زي كلي خير
| |
|
|
|
|
|
|
|
|
|
Re: تعال..نكتب..للمطر.. (Re: عبد الله إبراهيم الطاهر)
|
 Quote: السحاب مكتف الأيدي ...
سجين الارتهان
للأرض المقاييس ...
معلقٌ على حائط الانتظار ...
ومكتوبٌ طقوس
في أحجبة القبيلة ..
وصحف الأنبياء ..
وفلسفة المجانين ..
في مساريب الحلول ...
والغناء في صمت الشموس .. |
| |
|
|
|
|
|
|
|
|
|
Re: تعال..نكتب..للمطر.. (Re: تماضر الخنساء حمزه)
|
يا تماضر
إني وهبتك مقياس الزهر البري
فلا تحزن ..
لك التحية ...
يا رذاذكـ
لو تجيني عليك بجيك
ما كل الحكاية قطرات شوق تكب جواي
مواويل العشم ...
والا قايلني متصنع رشاش ...
يا ساي لو كان البُكان معقود علي الطير المسافر
كان ضرضرك مني هبوب ...
وما كان العشم ...
لو تجيني عليك بجيك ...
سيب السحاب
زعلان مسافة واشتياق
كتّر ملاوات الجفاف
واداني قطرة شوف
وقايلني عليك بقيف حد الاندهاش
وخلاني عليك أتاوق
وافتش حرف لي إلفتك
وبجيك
احتراماتي
| |
|
|
|
|
|
|
|
|
|
Re: تعال..نكتب..للمطر.. (Re: تماضر الخنساء حمزه)
|
ويارذاذكـ
لما تتوهدب مشاعري ...
بتمسك بطيفك ...
وأرجا الدعاش يغشاني في وتر المسام ...
وأتحدى بيك كل الغيوم
وأقيف على قيف الشجر
غنية بنات
مشحون بي كمين ولف
يا رذاذكـ
لما يغمرني الولف
بقيف في شارع عيونك
وأتمطى للحاجب الهلال
وأحلف أقول إنك رذاذ
| |
|
|
|
|
|
|
|
|
|
Re: تعال..نكتب..للمطر.. (Re: غادة عبدالعزيز خالد)
|
Quote: ويارذاذكـ
لما تتوهدب مشاعري ...
بتمسك بطيفك ...
وأرجا الدعاش يغشاني في وتر المسام ...
وأتحدى بيك كل الغيوم
وأقيف على قيف الشجر
غنية بنات
مشحون بي كمين ولف
يا رذاذكـ
لما يغمرني الولف
بقيف في شارع عيونك
وأتمطى للحاجب الهلال
وأحلف أقول إنك رذاذ |
الأستاذ عبدالله إبراهيم الطاهر
وكفى
شكرا لك
غادة
| |
|
|
|
|
|
|
|
|
|
Re: تعال..نكتب..للمطر.. (Re: تماضر الخنساء حمزه)
|
فى ورطــه
شـــحتفنى المــطر
يربكــنى حد الإهتزاز
ما.. قالو .!
بِــدِى الدنيا هيف
يمشينا قبال ما نقيف
نتمعن الشوف فى السَـــحر
لمّــن ترش ..
غــيمة نهاراتنا المسا
يطرِشــنا ما شُفنا الحروف
تتوســد أحضــان الملاذ
ترســم بآيات الشعر
كلمات رزاز
تتبدل أسرار الفصول
تبدأ الجروف
مخضره صيف
من فعلة الغيم والمطر
| |
|
|
|
|
|
|
|
|
|
Re: تعال..نكتب..للمطر.. (Re: عبدالله داش)
|
Quote: فى ورطــه
شـــحتفنى المــطر
يربكــنى حد الإهتزاز
ما.. قالو .!
بِــدِى الدنيا هيف
يمشينا قبال ما نقيف
نتمعن الشوف فى السَـــحر
لمّــن ترش ..
غــيمة نهاراتنا المسا
يطرِشــنا ما شُفنا الحروف
تتوســد أحضــان الملاذ
ترســم بآيات الشعر
كلمات رزاز
تتبدل أسرار الفصول
تبدأ الجروف
مخضره صيف
من فعلة الغيم والمطر |
الورطة..
نامن إكون..تشواقي ليكــ
محصور..في قطرات الرذاذ..
إعلانو..بحتكرو ..المطر..
والغريبة..
الدنيا..بايعت المواسم..
تكون ..خريف..طول السنة
وبرضو كلَّمت السحاب..
يرسل غمامو ..عليك براك..
يومين..تمام..أعلن جواب..
وهطولو..دايماً..مستمر.
| |
|
|
|
|
|
|
|
|
|
Re: تعال..نكتب..للمطر.. (Re: ماجدة عوض خوجلى)
|
تماضر الخنساء رمضان كريم
الطفولة وشقاوتها هما متلازمتا المطر وعندما كنا صغارا وعندما يأتي موسم المطر ننتظر أول مطرة بشوق شديد ونغني لها ونحن ندور حول أنفسنا يا مطيرة صبي لينا في عينينا كأنما ندعوها وعندما يهطل المطر نتسلل خلسة من البيت خشية أن نمنع من الخروج تحت المطر ونخرج للشارع نفتح ذراعاتنا الغضة نعانق المطر متعة ما بعدها متعة ولكن ... يا ود خش جوة من المطرة دي إلعن أبوك .
كما لم أكن أحب المطرة التي تأتي أنصاص الليل لأننا لا نستطيع أن نلعب معها وتحرمنا النوم تحت قبة السماء
شكرا لك على هذا الألق الجميل وتاني رمضان كريم وتحياتي لي جعفر
| |
|
|
|
|
|
|
|
|
|
Re: تعال..نكتب..للمطر.. (Re: bushra suleiman)
|
تعلم أنت..أن المطر يأخذ اذن الهطول منكـ..
وأرضي ..لاتنبت إلا بوحيكـ..
وتلك المساءات..التي..تظلل روحي..
صنعتها حين غيَّبت الشمس بين راحتيكـ..
أنت..الحياة..فكيف ترجو بعثك إليها..
المطر مني..مقصور عليكـ..
إن كان حلماً..فتشواقي..ألا يقظة لي منه..
أعلنت الهطول..فدع القلب تسكنه الحدائق..
| |
|
|
|
|
|
|
|
|
|
Re: تعال..نكتب..للمطر.. (Re: تماضر الخنساء حمزه)
|
اخت النمور الساكنة فوق الخشة
جات لابس السوار ابو نقشة
باحلى العطور مترشه
صابت عقولنا الدهشة
نحن القبيل قلنا ما بنتغشه
زينة لبنات با عشه
رحماك بالقليب الطشه
حالف يمين يا عشه
م اضوق والله للنوم هبشه
لو ما حنيت يا عشه
يا ست البكير الغبشه
| |
|
|
|
|
|
|
| |
Ishraga Mustafa
فيصل نوبي
انعام عبد الحفيظ
وصال عالم
هاشم أحمد خلف الله
انعام حيمورة
مجدي عبدالرحيم فضل
Ali Alameen
د.محمد حسن
مطر قادم
سلمى الشيخ سلامة
abubakr
Alsa7afa_30
غادة عبدالعزيز خالد
الملك
أبوذر بابكر
salma subhi
رأفت ميلاد
زهير عثمان حمد
عبد الله إبراهيم الطاهر
نهال الطيب
ماجدة عوض خوجلى
bushra suleiman
هند محمد
عبد المنعم سليمان
فيس بوك
تويتر
انستقرام
يوتيوب
بنتيريست