|
|
 ترتِّل باقى شهقاتى !
|
شلتا القسوة من طبعك
وكت بدَّلتا ريدنا وجيت
كأن الكان ده مامنَّك
وكأنَّ الفات عمر مبتور
ضاريت الدمعة من شوقك
تكلتَ الحوجة ..وإستنيت
أشيل اللهفة من زمنك
مرقتا وذنبى ليك مغفور
شلتا إحساسى بيك ضليت
غصب ضميت عويناتى
على رحم التوجع بيك
غصب أخفيتا صرخاتى
لحظة طلوع الشوق إليك
رغم الجاي يقين ..منَّك
جدعتو على طريق الشك
لفيتو من التنهد والسؤال
غطيتو..
بحكايات القمر عنَّك
لكن ...على أي حال..
أناشلتا خُطايَّ لاإترجيت
ولا إتلفتَ لحظة عليك
رغم إنِّى تهتَ كتير
ورغم هواك هوَّ هواي
بس إنتَ النسيت الفيك
إنتَ الشلتَ دعواتى
ورفعتَ الكف
وقلتَ آمين
وإتمنيت
تطول لى لحظة صلواتى
وإنتَ البيَّ متوضِّى وتقول
ياريت
تقرا ملامحى وآياتى
وترتِّل باقى شهقاتى
وتسبِّح فى إدياتى
مرَّة تستغفر..
ومرَّة تردِّد إستهديت !
إلا البينا إتودّر..
أصلى إرتديت
من الرجوع ليكا
ومن إنكسارى ..
رغم حزنى الإختيارى..
من بدرى إتعافيت !
|
|
 
|
|
|
|
|
|
|
|
Re: ترتِّل باقى شهقاتى ! (Re: تماضر الخنساء حمزه)
|
Quote: شلتا القسوة من طبعك
كأن الكان ده مامنَّك
ضاريت الدمعة من شوقك
تكلتَ الحوجة ..وإستنيت
شلتا إحساسى بيك ضليت
غصب ضميت عويناتى
على رحم التوجع بيك
وإنتَ البيَّ متوضِّى |
تماضر
من مدة نستنى مفردات جميلة
وجديدة
شكرا
للبساطة العميقة ..
| |
|
|
|
|
|
|
|
|
|
Re: ترتِّل باقى شهقاتى ! (Re: تماضر الخنساء حمزه)
|
Quote: كًنتِ حقلاً هُنـا .. أيتها النادرة..
سأكونُ أنا .. عُشبـاً ..! ....
علّني أخضوضِرُ كما يجب ..
بالصمتِ كانَ ام بتمتماتِ الكلام .. |
بُشرى ..
ما أروع المعنى ..
يعطى بدايات المطر إسم الرزاز
ويجعلنى أرتدى الهطول ..
| |
|
|
|
|
|
|
|
|
|
Re: ترتِّل باقى شهقاتى ! (Re: تماضر الخنساء حمزه)
|
اختنا تماضر الخنساء
خالص الود
ونحن الحواريون نرتل في خلوة العشق الدفيق آياته .. لنرتقي بالروح إلى عوالمك الشفيفة .. نرهف السمع لنحفظ سفر الترحال في وهاد العشق.. آذاننا ، قلوبنا ، مشاعرنا وأحاسيسنا مشرعة لتداعبها أوتار همسك في إصحاحاته التي كونت سفر الحب.. نستمع بمشاعر متجلية وقلوب متدلية في ترفق إلى عالمك
| |
|
|
|
|
|
|
|
|
|
Re: ترتِّل باقى شهقاتى ! (Re: احمد العربي)
|
Quote: جميلة انتي ودواخلك
رحيقك المختوم بانفاس العشق
همسات بوحك الدفاق
غنيوات المطر
منك تداوي الشوق |
مدهوشة بى جيتك كتير
نشوانة فى الزمن العشق
همسة الزول البريد
ووريدو متلوِّن شفق
ماكفاية ياشمسى وسمايا
قليبى بى ضيِّك حِرِق !
| |
|
|
|
|
|
|
|
|
|
Re: ترتِّل باقى شهقاتى ! (Re: ابوبكر يوسف إبراهيم)
|
Quote: اختنا تماضر الخنساء
خالص الود
ونحن الحواريون نرتل في خلوة العشق الدفيق آياته .. لنرتقي بالروح إلى عوالمك الشفيفة .. نرهف السمع لنحفظ سفر الترحال في وهاد العشق.. آذاننا ، قلوبنا ، مشاعرنا وأحاسيسنا مشرعة لتداعبها أوتار همسك في إصحاحاته التي كونت سفر الحب.. نستمع بمشاعر متجلية وقلوب متدلية في ترفق إلى عالمك |
أحياناً تحمل العبارات عبقاً من أصحابها ..
شكراً على مانثرته من أريجٍ هنا ..
لكَ ما يعتملُ من إحساسٍ فى الحرفِ ..ولى دهشة مرورك .
| |
|
|
|
|
|
|
| |
الطيب شيقوق
معتصم الطاهر
bushra suleiman
احمد العربي
abubakr
أبوذر بابكر
فيس بوك
تويتر
انستقرام
يوتيوب
بنتيريست