يانيل أعلن زفافك للجروف ................... بطِّل عوارة بتبعدك تشهــــــــِر زواجك للملح !!! راجياكا من زمن القراية نخلاية زينة مأصلة .......... قارية فاتحة علي الوطن!! لا تخونوا لا تطــــــــاطي الجريد ......... الا كان يا السمحة يصبح سعف فوق ضلوا ينجم الحبيب ! تقطع سبايطك كل شك ..... يجعل تميرك منو فك والنيل بيرفل في عظمتوا و في جلالو البيه أصبح لينا مك!!!
مشاويرك عديلة علي الخدار ........... حارساك مصنقرة في الجفاف نخلة بايرة !! ما طلب أيدا الغمام لا جاها بي سيرة المطر!!!!! كانت بتسمع حس دلاليك السمـــــا ... جلع الطنابير النايمة في سدر المسادير و الغنا تتكرَّّف ضريرة الغيم عشم في بالا قيدومة العصر و السيرة مرقت للبحر و أنشاء الله بالمال و التمــُر !!
و أنت يا نيل واصل حوامتك في زقاقات الخرايط أبقي عشرة علي نخيلة شاربة من صلصال نزيفك ......... وخل خريفك يغشي للمحل البنتـــــِّف كل صفقة جليدا ناير أمسح جبين كل الجزاير يبقي مهرك للحبيبة يوم لقيطك سبيطة تعرق في الرؤوس الفاضية رقصة شبال بتاوق للسما زغرودة تقدل في الفضـــا .......... وعشم علي وش البلا
يا نخلة أنتي يا الكبرتوكي وجرتقوك!! ماروق ودلكـــــــــــــــة ومحلبية طورية بتعوسلك فطير .......... جدول بجيب حق الفطور!! تربال بودي المدرسة!!! ساقية بتراجع في الحصص !!! حواشة لي لعبة شليل !!! من غير حوامة و مسخرة!!
ما مرقتي لي شحدة رغيف ... لا كشفتي وشك لي غريب لا جبتي خبراً من قريب ........... قالوهو في قعدة مشــــــــاط!!
سيّروا سيّروا
الصلاح بِروا شوفوا النيل وصل جدودوا السبعة جوا
سيرتوا ما بتقيف لو غاب الخريف شوفوا النيل وصل عاد النخلة كيف
في جبينوا الهلال شاقي للتلال شوفوا النيل خطب نخلة في الشمال
سيّروا سيّروا
الصلاح بِروا شوفوا النيل وصل جدودوا السبعة جوا
01-16-2011, 07:54 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
والنجمة طارت من سماها ساهية ركت في الارض لافحة ضل الليل عباية وصلَت الأشواق فرض ما بهزك هالبعد؟؟ هازم الطول والعرض في جبهة النيل العريضة ضي القميرة الما فتر. التوبا ملفوح بالستر الراكزة في نص السما والسر موهط في السبر زادت الفرقة المسافة وزاجل المرسال ودر
01-16-2011, 08:57 PM
عبد المنعم ابراهيم الحاج عبد المنعم ابراهيم الحاج
تاريخ التسجيل: 03-22-2005
مجموع المشاركات: 5691
وسدر النيل يفرق مويتو والطين للجروف .. صنقر قصاد نخل المدينة وإتنخج.. يعتب شمال .. ورجلو اليمين مجلوطة حنة ودم وريد .. أدوهو بي مطرق جريد على راسو .. كفين في جضم .. والسيرة كانت في الفريق التاني أكتر من عشم ..
01-17-2011, 07:16 PM
حبيب نورة حبيب نورة
تاريخ التسجيل: 03-02-2004
مجموع المشاركات: 18581
Quote: وسدر النيل يفرق مويتو والطين للجروف .. صنقر قصاد نخل المدينة وإتنخج.. يعتب شمال .. ورجلو اليمين مجلوطة حنة ودم وريد .. أدوهو بي مطرق جريد على راسو .. كفين في جضم .. والسيرة كانت في الفريق التاني أكتر من عشم ..
يا صديقي عبد المنعم هذه الكلمات ملهمة جداً سأعود لك حالما أسترد عافيتي الكتابية
وإلي ذلك الحين
لك الحب كله
01-17-2011, 09:54 AM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
Quote: ياني مؤمّل وإيه غير أملي ورغم الشوك أبدا مستحمل كفاي النيل يسكني قصايد وكل أحزاني معاهو تميّل حقيقة شجني مداها الخاطر وكون إسطورة قدر أتخيل
وياني معاك في الأمل الواحد ارادة وعزمي المابتحوّل حتّى النيل لو جافى وصدَّ أنا سابق الناس في ريدو الأوّل عجبي على البسرق خيراتو ويطلع سمك النيل يتسوّل شرّ على الشطين أحوالو ده الخلّى قضيتي معاو تتدوّل
01-17-2011, 08:00 PM
عبد المنعم ابراهيم الحاج عبد المنعم ابراهيم الحاج
تاريخ التسجيل: 03-22-2005
مجموع المشاركات: 5691
Quote: وياني معاك في الأمل الواحد ارادة وعزمي المابتحوّل حتّى النيل لو جافى وصدَّ أنا سابق الناس في ريدو الأوّل
وحدة عارف ماها شراكة وحال إخوان إتقسموا المنزل وكيف ينقسم الدم الثائر والشريان الجوه متنبل سبسبناها قدر مانقدر وباقي ورودك ياهو المنهل و يبقى نضالك معنى الوحدة وكون فدرالي مثالي وأجمل
01-17-2011, 10:51 PM
عبد المنعم ابراهيم الحاج عبد المنعم ابراهيم الحاج
تاريخ التسجيل: 03-22-2005
مجموع المشاركات: 5691
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حبيب نورة
Fadl Karrar
خضر حسين خليل
عمران حسن صالح
mohmed khalail
فيس بوك
تويتر
انستقرام
يوتيوب
بنتيريست