|
دعواتكم لزميلنا المفكر د.الباقر العفيف بالشفاء العاجل
|
|
 Re: ياخوانا زول يكلم المهدي المنتظر دة ياخ (Re: خضر حسين خليل)
|
بعدين ياخ أنا دة ما بقدر أساعدك بأي حاجة والله
وحالتنا حالة
يعني قصص إتجهزو لليهود وماتعرف شنو
وحياتك يا المهدي المنتظر أنا بستعد هسي
عشان أعرس ... وبجهز للقصة دي وماقادر
عشان أوريك ... فروق المنقة معاي شوية
وإيميلي دة أختاهو شوية
عذبتو ياخ
| |
 
|
|
|
|
|
|
|
|
Re: ياخوانا زول يكلم المهدي المنتظر دة ياخ (Re: خضر حسين خليل)
|
هسي إنت شايف كدة ياطلال
والله محتمل أكون بقيت بتضايق سريع
لكن ياطلال هسي عليك دينك أنا أسوي
شنو لليهود والنصارة ديل ياخ
أخوك بقي في أكل عيشوا
والله جد جد كدة الزول دة أخير ليهو
يختاني ... ياخ عذبني عديل
كل يوم والتاني رسالة
كل يوم والتاني ماعارف شنو
ياخ كلمو طالما إنت متواجد بهناك
قول ليهو الحنك دة مامقسم معاي
طلال ياخ مشتاقين والله والواحد داير
يشوفك قبال يوم القيامة
| |
|
|
|
|
|
|
|
|
|
Re: ياخوانا زول يكلم المهدي المنتظر دة ياخ (Re: خضر حسين خليل)
|
يا خضر يا إبني ..
على رسلك وحنانيك ..
مش يمكن الراجل ده شايف فيك شوفه ،
ولو دخلت معاهو ربنا يجعل في الأمور
امور وتنفتح علينا كلنا ، إنت تعرس
وانا أعيش في قبرص ، والمسلمون ينتصروا
على الكافرون ، ونعيش في بحبوحة من العيش ؟
إنت ما تتشنج ، رسل ليهو إيميل وأعمل
معاهو مواعيد لمن تجي الإجازة ، الحاجات
الكونيه دي ما مستعجله وبتنتظر ..
وقول ليهو يا مولانا ، if you please ،
ما ترسل لي تاني لغاية ما نتلاقى ..
يا خضر الراجل ده ما بيرسل ليك ساي ،
ده قاعد فوق راي ..
| |
|
|
|
|
|
|
|
|
|
Re: ياخوانا زول يكلم المهدي المنتظر دة ياخ (Re: طلال عفيفي)
|
والله ياطلال ياخينا تبقي كارثة لو قاعدلو فوق رأي
وعليك الله شوفة شنو الشايفها فيني
ياخ أنا زاتي ماقادر أشوف روحي
تقول لي شايف فيك شوفة
بالنسبة لإقتراحك بتاع إنو أراسلو واللازي منو
كلامك معقول لكن يتخيل لي كدة لو مشيت ليه بإعتبارك
صاحبي وكدة وناضمتو ... ياخ قول ليهو الزول دة
علي الأيمان خسارة الزمن البتضيعو معاهو
قول ليهو الزول دة ما ناقص وخليهو يشوف زول غيري
ياخ الدنيا دي مليانة ناسات .
والعرقي زاتو ناسات ماكاسات ياخ (مثل من بيت الكلاوي)
بعدين عليك دينك حكاية كافرون ومسلمون دي وحياتك
بقت تتعبني وما كويسة عشان صحتي .
ثم ياطلال :
إنت يوم القيامة موش قرب
الزول دة مالو مباري العولمة ياخ ما يجي بالدرب عديل
| |
|
|
|
|
|
|
|
|
|
Re: ياخوانا زول يكلم المهدي المنتظر دة ياخ (Re: خضر حسين خليل)
|
خضر يا خوي الله يصبّرك
النصيحة لي الله حالتك تحنن
الصبر (وضم الميم)
----------
طلال يا بهي
| Quote: والله يا خضر الراجل كلامو ما بطال ، |
الحمد لله باب النبوة (مختوم)،
(إلا من بعض المغامرات الطائشة)
التي عادة ما تحوّل إلى زرائب الجنون
أها الهوا الجاينا هسه دا كلو من شباك (المهدي المنتظر)
نختّو وين..؟ غلبنا والله!
نعمنو (وصف المهدي المنتظر) ذاتو محدد
ومواصفاتو ما أظن تتلقي في السودان
غايتو الواحد يحاول يتسلى
وكدا
| Quote: بس قول إنت الما عندك مزاج .. |
أمزج من كدا كيف يا عفيف
فتح لي صاحبنا بوست عديييييل
(يمزّجو) أكتر من كده كيف
خليهو هو
إت دا بعد القريتو فوق دا أخلاقك بقت كيف؟!
أوع تقول لي (ضاقت)!
عشان حأقول ليك: امّهل ياخ
امّهل.. المهلة سمحه
| |
|
|
|
|
|
|
|
|
|
Re: ياخوانا زول يكلم المهدي المنتظر دة ياخ (Re: Ishraga Mustafa)
|
إشراقة
إزيك
علي الأيمان كان فيها (شرتيت) تأكدي إنو النص بالنص
لكن أنا عارف جنس النوع دة والفلم دة أنا خاشيهو كتير
لكن الراجل دة كتره والله ...
ياخ معقولة أنا طوالي مواجهني كدة يومي علي الله
كرهنا الانترنت زاتو الزول العجيب دة .
قلنا ليهو فوق ما أنا الا بزول داير يعرس حبيتو ليس الا
| |
|
|
|
|
|
|
|
|
|
Re: ياخوانا زول يكلم المهدي المنتظر دة ياخ (Re: Ahmed Alim)
|
بختك يا خضر بجيك المنتظر زاتو ؟
والله فى ناس احسن منهم المنتظر بتاعك دا
نحنا برسلو ليناناس غسيل الاموال
دايرين يطيروا ابراج راسنا كل يوم يافردة يجيك واحد او واحدة
وعندهم ملايين اوديهاوين ؟
تغسل بدلى ؟
حضر طشتيك
نحنا ماعندنا طشاته
الغسيل هنا ممنوع
لانه كان (شريتو) فى البلكونة بجيك (البوليص)
وانت احسن حالا مننا امكن دا نبى الله الخضر
مين عارف ؟
وامكن عنده غسيل نوع تانى
كان قال ليك داير رقم حسابك ما تتلفت اديهو طوالى
لانه دا غسيل محترم
امكن يفتحا عليك وتعرس وترسل لينا الباقى
قلت كيف مش صفقة كويسة؟
يلا صفقوا كلكم
| |
|
|
|
|
|
|
|
|
|
Re: ياخوانا زول يكلم المهدي المنتظر دة ياخ (Re: سلمى الشيخ سلامة)
|
سلمي إزيك ياخ
عارفة ياسلمي والله الرسائل البتجيكي دي معقولة
وعندها علاقة بالواقع (وفي فرقة إنك تحلمي حلم
حلمين ) لكن جنس دة ولغة قاتلوهم دي ما بتمحن
ياسلمي . هسي الزول دة كان خت الرحمن في قلبو
ومشي جمب الجامع الكبير وخطب في الناس ما أخير
ليهو بدل يقضيها لينا حوامة في النت ويخلعنا
بالطريقة العجيبة دي . ياخ مرة رسلو لي قالو لي
يوم القيامة قرب . وماتعرف شنو ووزع الرسالة دي
وحتجيك ماتعرف كمين قروش .
أها شوفي الرسائل العجيبة البتصلني عليك دينك
ما أخير بتاعت الغسيل أهو الواحد يشرها حلم ويرقد
لكن جنس دة يشروا وين ؟
سلمت يا سلمي
| |
|
|
|
|
|
|
|
|
|
Re: ياخوانا زول يكلم المهدي المنتظر دة ياخ (Re: خضر حسين خليل)
|
| Quote: إنت أنا فيني مثلاً مواصفات زول يرجو منو ؟ |
اي ي ي فيك مواصفات
انت قايل المنظرنو ده شغال بمواصفات
بالله ..
ده اي ايميل يبدا بالkh بخش فيهو تووووش وينتظرك
عشان كده يا خضر اخدع المنتظر وغير الايميل ل hk
خليهو يتلح اي زول بالkh ما بعدم ليهو زول اسمو خليفة
في ارض الله الواسعة دي ..
اقول ليك حاجة رسل ليهو ايميل وقول ليهو مؤاااامن لامن بهناك
بس رسل لي 1000 ليرة من الذهب واكون من اتباعك يا مولاي
والله تاني ما يرسل ليك رسالة
اسالني انا من ال احنا منتظرينهم كلهم
__
رسل لي ايميلوا خليني اتونس معاهو بالماسنجر
حاخليهوا ليك ينتظر شوية 
| |
|
|
|
|
|
|
|
|
|
Re: ياخوانا زول يكلم المهدي المنتظر دة ياخ (Re: خضر حسين خليل)
|
ياقرايبي .. الرسالة التي وصلتني قبل يومين معنونة الي افراد ومنظمات محلية واقليمية وعالمية ومنظمات نفع عام وحقوق انسان واحزاب وتجمعات اقليمية ومطلبية .ولكنها كذلك "رسالة إلي كافة المسلمين من الإمام المهدي المنتظر بالسودان" ..مش عارف يعني بيقصد شنو ؟؟ طالما قال كل المسلمين وخاطب كل المنظمات دي ليه يعني اختار افراد -عدد محدود مقارنة بالمنظمات ..الخ- وعايز مننا شنو ؟وكمان اختار واحد بن عمي معاي ؟؟ الحاصل شنو .. بالله كلموه ..انا ما سويت حاجة
| |
|
|
|
|
|
|
|
|
|
Re: ياخوانا زول يكلم المهدي المنتظر دة ياخ (Re: abubakr)
|
| Quote: الرسالة التي وصلتني قبل يومين معنونةافراد ومنظمات محلية واقليمية وعالمية |
والليلة والليلة
والله يا أبوبكر معناتها الزول دة متعشم
فيك شديد طالما لماك مع المنظمات الإقليمية
والعالمية الزول دة قاصد ياخينا بي صراحة كدة
وماتزعل مني إنك تكون حلقة وصل
(صلة) يعني
شيل شيلتك بقيت للنص
| |
|
|
|
|
|
|
|
|
|
Re: ياخوانا زول يكلم المهدي المنتظر دة ياخ (Re: خضر حسين خليل)
|
Quote: خضر اخوي
الزول ده عندو ختم
معناها كلاموا صح ومختوم خالــــي مــن النزفيـــة
|
مـا دا كـلامنا زاااتـوا.
والقصة ما قصة قروش وبس كمان ممكن تكون خليفة وكدة، فلا تجاهر بالمكابرة فيصيبك الندم.
بالله بدل ما تحمد ربك تقعد تسوي جنس الكلام دا؟ اها الزول دا ما عندوا website وكدة عشان نعرف الحاصل شنوا؟؟
أحـمد عـالم
| |
|
|
|
|
|
|
|
|
|
Re: ياخوانا زول يكلم المهدي المنتظر دة ياخ (Re: Ahmed Alim)
|
والله يا أحمد عالم بالغت معاي
بعدين إنت القال ليك أنا داير أبقي خليفة منو
(خليفة بالنص) دي محطة في أمدرمان بالمناسبة
جمب ناس قرمبوز .
ياخ أنا ماداير أبقي لاخليفة لاوالي لا أي قصة
زي دي أنا المحيرني هو ماداير يختاني ليه؟
وربنا دة والله حامدنو وشاكرنو علي النفس
النازل وطالع شووووو.
ياخ أسمع أديهو إيميلك وكتين عاجبك كدة .
| |
|
|
|
|
|
|
|
|
|
Re: ياخوانا زول يكلم المهدي المنتظر دة ياخ (Re: خضر حسين خليل)
|
Quote: يا زول امكن الزول دا يكون (واصل )يقوم يسختنا
اين السخته ؟ |
احسب يا خضر .. قول 1 سلمي آآآمنت
__
اتخارجتي من السختة غاايتو
خليهو يسختني انا يا سلمي بس انتي تسلمي
___
والله المهدي دقس
ما لقا غير خضر ده عشان يدعوه للرسالة
والله الواطا تتضلم المنتظر يعرف حاجة
خضر ده بالليل اكبر منتظر في شرق ووسط افريقيا
كلمناك يا منتظر
ما تجي بعدين تقول عندي محاية لل( هانق اوفر)
بطريقتك يا منتظر .. رسل في ايميلاتك دي لامن تعرف حاجة
لخضر رب يحمية يا منتظر
| |
|
|
|
|
|
|
|
|
|
Re: ياخوانا زول يكلم المهدي المنتظر دة ياخ (Re: خضر حسين خليل)
|
زي ما قال استاذ ابوبكر | Quote: اها خليفة بربري ودوغري |
يعني لمن الخليفة يكون من عندينا احنا يادوب بنرطب . طـوّل بالك بس.
واذكر قصة الراجل الادعى النبوة في السودان في منتصف التسعينات تم تداولها بين رجال كبار في السن من عندينا في دبي وسأل واحد منهم، أها عملوا ليهوا شنوا؟؟ فردوا عليهوا بان البوليس قبضوا.. فعمك احتار شوية كدة وقال الراجل دا ما كان يدوهو فرصة هو زمن النبي الجد جد كان في بوليس
| |
|
|
|
|
|
|
|
|
|
Re: ياخوانا زول يكلم المهدي المنتظر دة ياخ (Re: Ahmed Alim)
|
| Quote: أها الهوا الجاينا هسه دا كلو من شباك (المهدي المنتظر) |
أجي يا ود البرير ؟؟
انت حسع مالك زعلان يا خضر
ما هو الراجل ضد الزحف الامبريالي يعني عدو عدوي صديقي
سلمى وعبد المنعم ديل زيل توم وجيري وتراجي وامنة مختار
اي حته منقطعين سوا
دي ما حالة تجيب المهدي حسع ؟؟
انت يا خضر ماركس موش كان برضو مهدي ؟؟
| |
|
|
|
|
|
|
|
|
|
Re: ياخوانا زول يكلم المهدي المنتظر دة ياخ (Re: عبد المنعم سليمان)
|
هوي يامنعم ماتلصق البني آدم دة فيني
شنو المهدي المنتظر بتاع خضر
ياخ إنت ماقريت جغرافيا
خليك من حصة دين
المنتظر دة بتاع الناس كلهم
وثق بعد كلامك المعفن دة الزول دة
حيقلبك خروف ....
.............
منعم ياخ أنا مارق بالله كان رسل ليك
أو حصل أي (إتصال) بيناتكم
خليهو يزح مني
| |
|
|
|
|
|
|
|
|
|
Re: ياخوانا زول يكلم المهدي المنتظر دة ياخ (Re: خضر حسين خليل)
|
Quote: والله يطلال الواحد كان داير يتناول
الموضوع (كظاهرة) لكن منعم دة مصر
علي إنو يخارج الموضوع من سياقوا |
خلاص يا خدر رجعوا لسياقوا التاريخي انت وطلال
عشاان عفاريت الدنيا كلها تطلع ليكم ..
___
اكان فيها ضحاكات دخلوا في سياقوا ولو ما فيها
ببقي مهدي هاكر
او اسال محمد حسن العمدة قول ليه الاصلي بيكون كيف
يمكن يكون زي حطب ال شاف ما بتعرف الا يتبل لالموية
عشان ندي ليك مهديك ده غسلة سريعة
| |
|
|
|
|
|
|
|
|
|
Re: ياخوانا زول يكلم المهدي المنتظر دة ياخ (Re: خضر حسين خليل)
|
.
خدر
... يا ..
صديق
و صاحب و زميل و رفيق ،
و قبلهم
حبيب .
( الباقي بنتمو في المسنجر ) .
قلت لي زارك المهدي المنتظر ؟
يا أخينا إنت ما عايز ترجع السودان تاني و لا شنو ؟
إنت ما عارف الزول البينحا مناحي زي دي رأينا بيكون عامل فيه كيف ؟
يا زول شيل شيلتك معانا ..
______________________________________________
خدر
شوقي إنت عارفو
كرفس
.
| |
|
|
|
|
|
|
|
|
|
Re: ياخوانا زول يكلم المهدي المنتظر دة ياخ (Re: محمد مكى محمد)
|
دى مؤامرة واضحة ضد حزب الامة وكيان الانصار ...
يعنى المهدى وخليفتو عبدالله التعايشى والالاف الماتو ..دا كلو اوانطة ساى..
كمان الملايكة الحاربت معاهم..لا لا دى مؤامرة ..من منو ما .ما مهم....
بعدين المهدى دا ما سمع ولا قرا يا كافى البلا انو المهدى المنتظر ماركة مسجلة باسم الشيعة..
خلى صاحبك العب بعيد بعيد..ممكن اعمل فيها نبى الله الخضر ..دى مهمة مفتوحة ما محتكرة..نبى الله لقمان ..دى مناسبة لانو لقمان قالوا كان اسود..
المهم ننتظر بيان من حزب الامة او كيان الانصار ..ايهم اصح مهدى دنقلا ولا مهدى هسع ..وبعدين الشيعة اصحاب الماركة الدينية المسجلة للمهدى المنتظر ...حقهم راح ..
| |
|
|
|
|
|
|
|
|
|
Re: ياخوانا زول يكلم المهدي المنتظر دة ياخ (Re: خضر حسين خليل)
|
Quote: إنت يوم القيامة موش قرب
|
لا حولا اول شي القيامة قامت قوما منعم قبل كم يوم
بس انت يا خضر تكون كنت نايم و اسع انا بكتب ليك
من الجنة,, و ما دام انت ما عرست و المكان القاعد
فيهو مسخن,, المهدي فرصتك الاخير فأغتنموهاهاهاها
و نحن في انتظار.. اسع شايف طلال بصور في بنات الحور
ساكت لو ما خايفة تتحرق كنت خليتو يرسلا ليك..
انا يبقالي النفعني ياهو المهدي دا زاتو كان رسل لي
فصبرت و احتسبت و اسع كما رسل لي و جاقلبت زي كدي..
و الله بوستين دا عدل المزاج ميه ميه
| |
|
|
|
|
|
|
|
|
|
Re: ياخوانا زول يكلم المهدي المنتظر دة ياخ (Re: نصار)
|
خضر يا صاحب
يا زول معاك حق والله هسة ده زمن فيهو فرقة لي منتظر?
بعدين الراجل ده اصلا المنتظرو منو كان ؟
غايتو الجات علي ايميلك سامحتك
والينجو من كيد البحر
ما ينجو من كيد المطر
وكان ينجو ما يسلم خضر!!!
راجيهو قاصدو المنتظر
| |
|
|
|
|
|
|
|
|
|
Re: ياخوانا زول يكلم المهدي المنتظر دة ياخ (Re: نصار)
|
الاخ خضر
تحية طيبة و سلام،
عارف زمان في آواخر الثمانينيات في جامعة الخرطوم كان في أستاذ إسمه ابو ضفيرة متخصص في اللغة الفرنسية.
و كان عندو موضع عن الإعجاز الرقمي في القرآن الكريم بالرقم 19.
و كان يعمل ندوات و أركان نقاش في هذا الموضوع.
المهم تتطور امره بعد داك و عمل ليهو جماعة إسمها جماعة المؤمنين. و صار يروج لنفسه بأنه أمام المؤمنين.
في مرة من المرات كنا في بريك و قاعدين نحضر ليهو في ركن نقاش.
صاحبنا مولانا ابوضفيرة كان بيخطب و يقول إنو مافي اي مخرج للأمة الإسلامية من هذا الهوان سوى ان يبايعهو إمام للمؤمنين.
كان معي صديقي العزيز خطاب عبدالله و الذي قال له بصوت عالي جدا وجهور لدرجة انهو سمعه جيدا:
طيب يا مولانا نبايعك هنا و إلا تحت الشجرة !!
زولك ابو ضفيرة جره عكازو و حمر عيونوا لخطاب لدرجة إحنا زانتنا خفنا و زقنا طوالي من مكان ركن النقاش و إختفينا خلف الناس.
المهم ابو ضفيرة ده رجل ذكي جدا جدا و لميح، تتصور اصبح كل ما يقابل خطاب مارا بجنبه "يحدر" ليه و يحمر ليهو في عيونو.
بروضو كان ساكن معي أحد الاصدقاء في السنة النهاية في الغرفة.
ذهب صديقي هذا إلى أبوضفيرة و ابدى له إعجابه بمنهجه و كان الأمر دعابة و تضيع وقت.
المهم ابو ضفيرة كان ماخذ الموضوع جد و صار يمد صديقي هذا بالكتب و يأتي لنقاشه و في يوم من الايام اتى اليه حتى يذهب معه إلى مظاهرة ضد حكومة الصادق المهدي حينها.
عندما تزرع صديقي هذا بانه لا يستطيع نسبة لمحاضراته ثار الأستاذ ابوضفيرة وقال له : ادعوك للخروج في سبيل الله ثم تتكاسل بإمور الدنيا. و الله العظيم و الله العظيم من وعدني بان يكون معي ثم يتخلف اضربه بعصأتي هذه حتى الموت.
و سل ليك عصايتو و الشرر يتطاير من عيونو لدرجة انو صديقي هذا خاف على نفسه ووعده بالخروج معه. ثم صار يتهرب منه و يحرص على إغلاق باب الحجرة جيدا و بالكراسي ايضا عند الخروج.
عشان كده اعمل حسابك من المهدي المنتظر ده و انسى الموضوع تماما.
تحياتي لك و لجميع زوار بوستك.
عمار يس النور
عاشق بخت الرضا
| |
|
|
|
|
|
|
|
|
|
Re: ياخوانا زول يكلم المهدي المنتظر دة ياخ (Re: Mohamed Idris)
|
السلام على من إتبع الهدى
يا جماعة الحاجة دي ما بتتكرر في السودان إلا مرة كل 126 سنة
الداير يرطب في أمدرمان يباري الزول ده من هسي بعدين الحكاية بتقفل
و الداير يقول ليهو كلام قاطعوا من راسو و بعد ده الناس تسمعوا برضو يباري الزول ده
و الناس الما دايرين الكيزان برضو يبارو الزول ده ، لكن يعملوا حسابهم بعدين بيقلب عليهم هم زاااااتهم
أو على الأقل أيدوهو ، أحسن من يجيبكم بالغصب من محل إنتو قاعدين بعدين و يرسل ليكم الجردة
عموماً الزول ده ما كعب شديد ، ممكن يخلصكم من حكم الكيزان ، لكن بعد داك هو عندو بديل للحكم
أها البديل بيتحدد إستفادتك منو حسب موقعك في النظام الجديد
آآآآآآآآخ نسيت
الداير يعرس الملكة إليزابيث الثانية برضو يباري الزول ده
| |
|
|
|
|
|
|
|
|
|
Re: ياخوانا زول يكلم المهدي المنتظر دة ياخ (Re: amin siddig)
|
الداير يعرس الملكة إليزابيث الثانية برضو يباري الزول ده
والامير تشارلس كيف؟
يا زول انحنا ( مرضة المهدى الزمان لسه معلقة معانا ، وقارفانا فى عيشتنا ، تانى مهدى ؟)
ولا مهدى ولا حسب الله كفاية
بعد دا نشوف ناس هيثم ومعز واسماء ما بعد الحداثة امكن تعمل حاجة
بالجد مفروض نديهم فرصة
وحكاية مهدى وبطيخ دى لا لا لا لا لا لا لا الى اخر كمة لا
بالجد يا امين ياخى
اين هيثم ؟
اين معز؟
البلد راجياكم
تعالوا هنا
| |
|
|
|
|
|
|
| |
خضر حسين خليل
طلال عفيفي
عبد المنعم سليمان
الطيب برير يوسف
Ahmed Alim
Ishraga Mustafa
سلمى الشيخ سلامة
abubakr
رأفت ميلاد
Zakaria Joseph
Marouf Sanad
معاوية كرفس
محمد مكى محمد
نصار
عمار يس النور
دينا خالد
نهال الطيب
Mustafa Mahmoud
محمد على طه الملك
محمد عبدالرحمن
Mohamed Idris
amin siddig
ibrahim kojan
فيس بوك
تويتر
انستقرام
يوتيوب
بنتيريست