الشباب السوداني بالتنسيق مع القوى السياسية السودانية بولاية كولارادو يدعون لوقفة يوم الأحد ٤ ديسمبر
أرقام قياسية سودانية: مرشحة لموسوعة جينيس العالمية Guinness World Records!
التفكير الاستراتيجي و التفكير الآني - بين العصيان المدني و المقاطعة الجزئية آراء و مقارنات
الوقفة الاحتجاجية الكبرى بفلادلفيا لدعم العصيان المدنى فى السودان
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-03-2016, 05:46 PM الصفحة الرئيسية

مكتبة خضر حسين خليل(خضر حسين خليل)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

لو ألقي عافية تشيلني بس . بوصل قبل غيمك يحن

05-26-2005, 06:54 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى
لو ألقي عافية تشيلني بس . بوصل قبل غيمك يحن

    أصدقائي وهل لي غيرهم لم يسعفني الوقت للبقاء معهم أكثر من ذلك ( وهكذا حال الدنيا) الي أخر حروف الصبر . أحلم بهم وبأمانيهم وبأحلامهم النبيلة .
    فألي احلامي

    الحلم الاول

    حيدر علي الحسن



    ( أنا مع الحزب وضد الكتل .. مع الديمقراطية وضد الارث التاريخي والحقوق المكتسبة
    مع المنطق وضد الفهلوة والتلفيق أنا مع الانسان وضد الغول والبهلوان والصنم )
    ( الان هنا ____ منيف )
    هذا هو منطقه في الحياة منذ أن تفتحت عيونه ولامست الادب الثوري , وعلي أية حال
    سار في هذا الدرب شأنه شأن الملايين من الابناء والبنات ( اليسدو عين الشمس ) والذين
    أثروا أن يكونوا سنداً للحق وقيم العدالة الاجتماعية .
    كان مولعاً بمكسيم غوركي وبتجربة ماو تسي تونغ ونضالاته من أجل الاصلاح الزراعي , يحب الحياة وأكثر منه محجوب شريف وحميد والحامداب وووو ( هوما) تلك التي أرتبط بها منذ أن وطأت قدماها تلك الاراضي , ( هوما) تلك البنية الفارعة القوام عطرت سماوات
    الوطن بعرقها قبل أن تغادر لتعطر سماوات بلادأخري لم نراها حتي في كتب الجغرافيا .
    ( كان عالمنا تقريباً الي جانب تلك التي نسكنها كلنا عبارة عن كتاب جغرافيا كم وتلاتين
    صفحة) .
    ياخينا من باكر نمش نغشي السوق العربي ونشتري لينا أطلس أطلسين بعد داك صدقني بنلم في عنوانا .... حدثته هكذا في ليلة تأمر فيهاالطقس معنا ضد العسس ودوريات شرطة النظام العام ... ( علي اليمين في المطرة دي عرباتهم ماتقدر تتحرك .. ( فيجيبني بصمته ...
    هي البلاد هكذا تفجعنا في أجمل من نحب .
    ياخي عادي الموضوع بسيط وياخي أنت لساك في أول الدرب وبعدين ياخي حتنتظرك لمتين ( قدامك الالزامية ووراك ناس بيتكم وابوك الشالو الصالح العام ياخي الحلة كلها راجينك تتخرج وقافلين عليك بجوكرين )
    فيغني ولكأنني لم أنضم ..

    ( وكتين أقابلك يبتسم زمني ويقيف .. وأنا يازمانات الوهم .. ماسك علي دربي العديل
    ويا أنتي يافرح العمر .. شقيان وراك علي العلي .. لو ألقي عافيي تشيلني بس .. بوصل
    قبل غيمك يحن .. ولو مازمانات الهوان .. أنا كان سعادتي بتكتمل .. .. )

    هي الدنيا ياحيدر ياصديقي .

    وهوما هذه وللذين لايعرفونها بنت من أجمل الكائنات سودانية
    بس .. رقيقة سقتنا اربعون خريفاًولا كلت ولاملت ( وبأيد تهدهد في الامل وباايد تلملم في العقاب )
    ولأن الشعراء يتبعهم الهائمون واؤلئك الذين يراهنون علي الحلم والغد الذي سوف يأتي تابعنا هذا الحيدر سنين عددا , كل مافعله بعد تخرجه من الجامعة وبعد أن أزاح شبح الحب أن واصل في غنائه وبدأ يعمل في مجال البناء كأمهر أسطوات بلادي . ومسطرينتو حالف مايفكها .
    وياللفي الحامداب
    ده كلام مدلوق
    من زول مريوق
    عاقباها العبرة
    الفي حلوكم ديل
    ( حيدر علي الحسن )

    تري في أي عنقريب أنت في هذي الساعة ياصديقي ,
    ليس لدي الكثير لاهديه لك ياصديقي سوي ( جعفر السقيد) مع الامنيات

    عفوا إذا كان القليب
    ضماك في الاحساس هوا
    وشالت مع النسام حنين
    وماكل من فرط الجوي
    احلامنا ياناكر العهود
    ماتت عشان مافي الدوي
    وأنا وأنت بالواضح عديل
    ساهمنا في موتن سوا

    وأحلامنا زي سرب الطيور
    ممكن يفرقن الحجر
    ممكن نعيش ممكن نموت
    وخلق الله ماجايبين خبر
    بس همهم نكتب كلام
    يصبح مترجم في الوتر

    سأعود
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-27-2005, 06:08 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: خضر حسين خليل)

    جاييك ملكلك من تحت
    ياأمونة تاني تلكلكي
    شيلي الحرف داك رشرشي

    ( حميد/ الضو وجهجهة التساب)

    سأعود
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-27-2005, 06:51 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: خضر حسين خليل)

    عـنك احــكـى
    كلمات /بابكر الدقونى
    غناء / مصطفي سيد أحمد
    **************


    عنك احكى وليك بقول
    للناس حكاية..
    رجعة الامل المسافر
    رجعة المسا فى عيونك
    رحلة الحب والصبايا
    ************
    عنك التاريخ بقول
    عينيك صبحت فى البخاصم
    فى مشاوير السفر
    والحديث الببدأ منك
    فى نهايتو بينتظر
    وعدك حذر وابتساماتك مشاكل
    لحنك المجروح حكاية السمحة
    والحب والقدر..
    *****
    جانى مكتوب غير وصية
    دمى من دمك متيم
    حزنى شايل من عيونك
    يبكى ما فاقد الاسية
    ***********
    لما رحلت من عيونك
    دمعة الوجد القديم
    شب قلبى الجوة عمرك
    شب عمرى الجوة قلبك
    لما رحلت من سما
    سطوك غيوم
    جيت مهاجر غير هطول
    عنك احكى وليك بقول
    للناس حكاية ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

08-07-2005, 05:38 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: خضر حسين خليل)

    حيدر ياصديقي

    الشوق من حاصف لاقاصف
    التعازي كيمان كيمان ياصديق العمر
    لكم مؤلم أن نشاهد مثل هاتيك النهايات حزين جداً والحزن أكبر من أن يقال هذا المساء لم اجد سوي بوستات حزني كرصيد فيه العديدين من الوجوه عدت لاعزيهم لاعزيكم لاعزي نفسي أنتم السودان الجديد الذي حلمنا به أنتم مشاريع الثورة السودانية أكتب الان وبتاع المقهي يحاول أخراجي لدخول صلاة الصبح هذه بلاد تتوقف فيها الحياة وتقفل فيها جميع الابواب لدخول وقت الصلاة أذن سأخرج وفي البال أغنية حزينة وسؤال دائم يعيدني دوما لمن أكون وفي أي بقاع الارض أنا . حيدر ياصديقي سأخرج وفي البال أشياء كثيرة أهمها أنني أعي أنك لن تقرأ كلماتي عما قريب ربما سنقر}ها معاً في نهار خرطوم يليق بنا وبأحلامنا ربما في مساء أمدرماني يعيد لنا ماء وجهنا الذي دلقناهوا في بلاد الدنيا والعالمين ربما في مكان ما سنتم الونسة دون أن يزعجنا أحد .

    صدقني سأخرج وماباليد حيلة

    لك المحبة واصدق التعازي

    السودان للسودانيين

    خضر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-28-2005, 02:32 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: خضر حسين خليل)

    جفت عروق الارض كلها الان ياصديقي
    تحسست مابي ولم أجد سوي الصمت والحنين . الان تعود قوافلي محملة بالحنين قتلتنا المنافي يارفيق . تسكعت مايكفيني فيها ولم أجد مايستوجب البقاء الان فقط أعود وأنا أكثر أمنا ويقينا ً بأن التغيير سيبدأ من هناك . حيث جعل الرب أول مقامنا في تلك الاراضي التي سرقت أنضر سني العمر ولم تهدينا سوي الاوجاع . كانت الخرطوم حبلي بالدسائس تنضح منذ بدء خليقتها في دماء أهلها الأحرار بالميلاد وكنت تبشر مثلك مثل الناس ( بأن الغد أجمل بالحيل ) وهوما تلك الفتاة التي رحلت دونما رجعة ستقرر العودة ذات صدق ما ونعود جميعنا لسابق أماني العمر .
    لبيوت القش أعود لتلك الرائحة التي بقيت في الخاطر لك صديقي الاول أعود . الان فقط تعلمت الدرس درس البقاء الابدي ياصديقي (وكم كنت اكابر حين رفعت الاصبع كي أحجب قرص الشمس )




    خضر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-28-2005, 02:36 PM

Sabri Elshareef

تاريخ التسجيل: 12-30-2004
مجموع المشاركات: 21026

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: خضر حسين خليل)

    yayayayayayayay
    salam ala alslam
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-29-2005, 12:38 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: Sabri Elshareef)

    Sabri Elshareef
    تحياتي

    شكراً لحضورك هنا

    أعدك بالمواصلة

    سلام

    خضر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-30-2005, 05:56 AM

Ali Alhalawi

تاريخ التسجيل: 02-10-2004
مجموع المشاركات: 1467

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: خضر حسين خليل)

    فى إنتظار مواصلة الحكى

    أنت و أسامة لكتاباتكم نكهة خاصة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-01-2005, 00:20 AM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: Ali Alhalawi)

    عزيزي علي الهلاوي

    جميل أن تكون معنا هنا الاجمل أن تزكرني بخير صديقي أسامة دلق الرب محبرته مرة أخري
    وأسامة ياصديقي واحد من أجمل ماتجود به قريحة المنبر ( ده لامين يكون رايق من أساسو)
    والله سعيد بلاحدود بطلتك البهية
    وسأواصل طالما أنتم الحضور

    خضر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-30-2005, 09:04 AM

أم سهى

تاريخ التسجيل: 09-29-2002
مجموع المشاركات: 1431

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: خضر حسين خليل)

    صديقي خضر
    رائعة هي كتاباتك وحنيييييينة ...
    هي التي تشدني لهذا الموقع بعد ان جفت منابعه الطيبة

    تجدني ابحث بين السطور عن بوست لارى تحت (الكاتب)...(خضر حسين خليل)
    واصل هذا السرد الرائع الآمن وانا متابعة

    واصل خدر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-01-2005, 00:27 AM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: أم سهى)

    أم سهي وسارة المشوطنة

    كيفنك يا إقبال وكيفنو صاحبي زهير ( يوم السبت قطع شك حأكون في بيتكم )

    متابعتك لحلمي الاول ( حيدر علي الحسن) سعدت به وصدقيني أنا أكتب وفي البال أنكم
    تتابعون فقط ( لانو الشبه واحد) حيدر هو مثلكم تماماً أنتم هدأتم سري في ضجيج هذا الحاصل وجلعلتم التواصل هنا ممكنا . السعودية ياصديقتي أعود منها بحسرات كثيرة ( وعارفاها أنتي واحدة واحدة حسرة حسرة ) أنا سعيد بأنني التقيت بكم في هذي البلاد ( الزهللة علي قول عاطف خيري) . تابعي إذن يا أخت دمي تابعي ياإقبال وسلام مطبوق لزهير
    وبقية الانبياء ولا عدوان الا علي الظالمين .

    خليكي هنا ياإقبال

    خضر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-30-2005, 10:34 PM

sharnobi
<asharnobi
تاريخ التسجيل: 02-04-2002
مجموع المشاركات: 4210

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: خضر حسين خليل)


    اغنيات منسية
    فى زمن التداعى

    مصلوب
    منتصب القوام

    واقف على آخر سند
    مترنح

    بوليس الحياة المتحجج
    ومتلقى الحجج
    داير
    بس اغفو
    17 سنة
    صاحى
    الوطن
    فى نص انسان عينى رغم الرمد
    رمز
    وقبلها 16 سنة

    وتلات سنوات استراحة
    من المناحة

    يا حسرة لزولا
    همل قلبو
    على عشق الوطن
    ودر درب
    وضيع بوصلة الكلام
    تمتم

    علىّ
    الديّن
    وكان مكتوب ادفع

    مضاعف
    من عرق مسكوب ومنهوب



    عزيزى خضر
    او الاصح قريبى خضر
    لك دروب مرسومة بين النخل

    وبين النهر

    لمن تبدا حكاية

    شكرا على المتاهة الجديدة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-01-2005, 00:03 AM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: sharnobi)

    عزيزي شرنوبي

    طيب الرب أحوال أيامك
    هذه إحدي متاهاتي عشتها كلها ياصاحبي وأنا مثلك مثل كل أولاد الحلال وبنات الناس أحلم بغفوة طويلة علني الملم ماتناثر فعل الايام ( هي الايام ياصديقي) تداولتنا كما ينبغي وحيدر الذي أحدثكم عنه هو أحد أولئك الذين لاذال قلبهم أخضراً ولاذال كما الامس ( شهيتوا مفتوحة علي الشعر والغلاط ) الان ياصاحبي أنا موعود بهذا الشاب الجميل حتما يستطيع هو وأخرون أن يردوا لي ما مضي من الغياب . أمنيات النهر والحكايا لاشيئ عندي سوي أن أرسمها لك وأنت تبحث عن وطن ذي الفستق .
    شكراً للجية سأواصل هنابفضلك الكريم مرة أخري

    خضر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-30-2005, 11:28 PM

عمر ادريس محمد
<aعمر ادريس محمد
تاريخ التسجيل: 03-27-2005
مجموع المشاركات: 6760

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: خضر حسين خليل)

    خضر

    كم

    كان

    وجودنا سيصير قبيحا وموحشا

    لو

    لم

    نجد الى جوارنا

    جبلا

    وشجره

    نهرا وطيرا وبعض الأصدقاء

    بتصرف من حكم عمك الكونى

    (عدل بواسطة عمر ادريس محمد on 11-30-2005, 11:32 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-01-2005, 00:37 AM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: عمر ادريس محمد)

    صديقي عمر أدريس

    و( الكوني ) هو أحد الكتاب الذين أدخلو جسدي رعشة الانتماء الاذلي لتلك الجبال
    وسعيد جداً بتصرفك وإختيارك للمقام ياندي الحرف . الانتماء الذي من أجله
    خلقنا كما تقول الاسطورة .
    كان الحب في عونك ياصاحبي
    كان الحب وحده ياعمر

    ود وتقدير تعلمه جيداً

    خضر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-01-2005, 00:16 AM

Abuobaida Elmahi
<aAbuobaida Elmahi
تاريخ التسجيل: 08-15-2003
مجموع المشاركات: 693

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: خضر حسين خليل)

    ألا تتذكر صديقنا ورفيقنا عصام شوربجي

    هذا الولد الفكه الخدوم المحب للناس

    الواضح الواضح في حماية خياره ..

    كان قد زارنا بالقاهرة قبل أعوام

    فماسكني وأعانني علي مقاومة منفي قذر

    دخنت الكمشة وأعدنا ذكريات عزيزة

    أينه هو الآن ?

    لا أتمني شئ سوي أن نلتقي

    كل الأحباء في محطة 11 بالكلاكلة صنقعت

    مودتي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-01-2005, 00:45 AM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: Abuobaida Elmahi)


    أبوعبيدة الماحي


    زارنا الوطن إذن ياصاحبي

    عصام شوربجي قاعد حارس خياروا موجود في كريمة وواضح لساهو علي قولك
    حدثني عنك كثيراً وعن تلك الايام وعن الفرع وعن وعن الخ العنعنات ياعزيزي
    يزور الخرطوم لماما وعلي عجل . لاذال يزرع في بطولاته بصمته ولاذال عشقه
    كما كان لم تبدله أحوال الايام سنتيمتر .
    سأبلغه تحاياك

    وتسلم زكرياتك

    خضر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-01-2005, 00:28 AM

sharnobi
<asharnobi
تاريخ التسجيل: 02-04-2002
مجموع المشاركات: 4210

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: خضر حسين خليل)



    ملعون ابوك بلد


    قعد اتكأ

    بحاول يدوزن وتر طنمبور


    قمرية فوق
    تقوقى

    تحدث عدم نركيز

    ويفلت وتر
    يحاول تانى

    يا خضر

    لا تفتح
    جرح تانى

    ملعون ابوك بلد

    يتهم من يحبك

    ويعلو من يخونك

    وينهبك
    رطبك

    لكن قسم
    حتم مشوار عشقك
    باقى العمر
    احبك
    رغم

    قساك

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-01-2005, 01:00 AM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: sharnobi)

    شرنوبي

    أعلم ثم أعلم بأن الحنين يفعل بك أفاعيله لاشيئ سوي الصمود . والصمود الذي أعنيه هو نحت الزاكرة لاستعادة تلك الصور والخواطر أكتب وصدقني حترتاح جداً . كنت أفعل ذلك ولاذلت فكلما حدث قلبي حنين أعود لدفتر أيامي هنا وأظل أشخبط ماشاء لي الله من الشخبيط
    جميل أن تكون زاكرتنا ملوثة لهذا الحد برائحة تلك الايام جميل جداً هذا ياصاحبي في الالم .

    وبلدك حمايتا ممكنة
    بس كيف ياخي نأمنا
    قبل البحر من ها
    الفقر فقراً ضعفنا
    مسمنا
    ال في العروق
    ده مو دمهم
    دمك ياخي ودمنا


    ( حميد/ الضو وجهجة التساب)

    وصيتي عليك بهذا الاخ حتما سيزيل عنك الكثير

    خضر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-01-2005, 00:28 AM

خالد العبيد
<aخالد العبيد
تاريخ التسجيل: 05-07-2003
مجموع المشاركات: 20838

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: خضر حسين خليل)

    تفاصيل ما حدث

    محمد الحسن حسن سالم (حميد)


    سكتّ .. نضم غُناي .. ورّاك ..
    بدابك باتّكالي عليكْ
    خَتَمْ بِكْ .. بي هروبي إليكْ
    وكيف طفّرت صقر الآفة .. ما يلفح جناياً ليكْ
    ولا يدخل مجال عشاً .. نسجتِ حنانو فوق إيديكْ
    وكيف كوترت ريح الآهة .. ما يقرب فرح عينيكْ
    وراء جبل الصّبر .. فضّيتو
    والمطر الِحرِد .. رضّيتو
    سُقتو على البلد ورّيتو .. ما لمّابا .. لمّا بياّ ... لمّا بيكْ
    هادي الحفرة .. كانت بير .. وكان متكابي فوقها حراز
    وتحتو الصخرة كانت حوض .. وكانت للقبيلي ملاذ
    كانت ملتقى العُربان .. وكانت مُتّكا الِحبّانْ
    ومركز دورة الإنسان
    مِنّها هبّت الفرسان .. وعندها ربّت العرسان
    وكم شِهدت غرام وغرام
    وحِفضت كم كلام وكلام
    تعكّر حين خصام وملام
    تروّق حين وئام وسلام
    تراشق أعين الأطفال .. تراهق للعصافير يوت
    ترشرش لي تياب بنوت
    جنّها من أعزّ بيوت
    لا رفعت عليهن سوط .. ولا رفعهن عليها الصّوتْ
    حين تملا القِرَبْ .. تِنْمَنّى .. تدّها صَنّة ... حتى تفوتْ
    تسوِّي الصّجْ .. تَلِمْ الطّورْ
    مديح الحج .. غُنا الطّمبورْ
    تقوم تحتجْ .. تقيف طابورْ
    هنا الشُّفع .. يمينك دورْ
    هنا المارشات .. هنا الدّستورْ
    هنا اللِّبّيشْ .. تدور وتدورْ
    قريش يا قريش .. حبابا قريش
    نزل مَلْك الحَبَشْ والدّيشْ
    تدور وتدور .. قواها تخور
    تلم أنفاسا زي عصفور
    تِنَفّضْ ... تمش بالدور
    بشيش وبشيش .. تشاقق بين تقانت العيش
    وبرسيماً .. سمح مفروض
    وما تهبش دوابا قشيش
    بِنيّات الغُبُش شقيش
    تودّي تجيب .. مع الدّوبيت
    تِنْضَكّرْ خِدِمْة البيت .. مشى الواقود .. في كل عصير
    لُقا المريود .. بدور بِدّيرْ
    من الأخّير.. تخاف وتخاف .. تخُب السّير
    عشان في كلام وراهو كتير
    عشان باكر تعود وبخير
    عويش في عويش
    بنالو عشيش
    حِدَيْ وجناهو ربّى الرِّيشْ
    جناحو هبيش .. تملِّي ينيشْ
    طفش قُمرِينا طار شقّيشْ
    مطر يا خير .. مطر
    ورا طرف الُحقاب كان روض .. وكان بيناتو خاوي غديرْ
    كل الصحراء كانت غابة .... بي شُدرا الكتير وغزيرْ
    صباح وهجير .. يهبهب ناز ..
    حلاتا وفرفرات الطير .... وقت يغشاها مرة رذاذْ
    قطيع غزلان .. نعام وأسود .. وروض وورود دليبن رازْ
    مَترَْ مد البصر جنّات ..
    خُدر رباها تور الساقية .. حرقت حين جاء بابور جازْ
    دغيش في دغيش
    حصدنا العيش
    طلعنا مطالبين الخيش
    والبتشوفو من أطلال .. دي كانت ذات وطن حَلاّلْ
    بيوت ناساً كُرام وعُزاز ..
    سوا سوا في رخا واملاق
    منطقوا لوعة الإخفاق ..
    قدر ما ظنّو في الجايين .. تمطّقو روعة الإنجازْ
    حويش في حويش .. سكنّا الدّيشْ
    أوضنا بقت نقاط تفتيشْ
    هادي المملكة المحروقة .. كانت جيهة
    وكنا نجيها
    مستشفانا .. كم كفانا .. منو نطيب ويتوفانا
    كانت نادي ... كانت ورشة .. بوسطة ألّتنا
    كانت مدرسة وقبلتنا
    لي حِلّتنا كانت سُوقا
    لا وقعت صواقع فوقا
    لا غضب الله شلّ عروقا
    ما من حرب قامت فيها .. لا سقطن قنابل وغازْ
    كريش في كريش .. سِعِرْ درويش
    دوانا علمنا بات مافيش
    كُنّا وكُنّا .. ياما عُزازْ
    ولحظات التلاقى لُذاذْ
    هِلِكْنا وكت وِكِرْ تورنا .. ودهتنا بصيرة الإنقاذْ
    هويتنا إتلغت فينا .. بقينا اعجازْ
    زمن خاوي وحقيقتو مجازْ
    بشيش في بشيش غلبنا نعيش
    قبض والي البلد بقشيش
    في الزول الخرب لي بيتو
    غالطني المطر .... هَدّيتو
    لاواني الفراغ .... لاويتو
    وكان أقوى الفراغ ما لاي
    شَهّدتَ البرق .. مَضّيتو
    نشّن قوس قزح ... تالاي
    اندرقتّ باللاّشيء .. وبالمافي اتحويت في قفاي
    وقعتَ وراي .. رفعني يقين .. وَقَفْ فوق راي
    بأنو الحال مغير زين .. مغير كان قِصِرْ كان طالْ
    وإنو الأرض للكادحين ... ومفتاح الحياة العُمّالْ
    رَكَزْتَ على غناوي الفال ..
    لساني سنين .. وحاضر بال
    فنّا لي التعب .. موّالْ
    شهرت على المناحة غُناي
    فزع صبر الغلابة معاي
    وكت ناديتو
    كيد الكايدين رديتو
    خاواني المطر .. خاويتو
    فوق ضهر الهوا .. الشدّيتو
    سقتو من الخراب .. وديتو
    لي تالا العمار منصاب
    فما كان العمار قدامو .. غير قَلَبَاتْ حلمنا الخابْ
    طشّ ضباب .. رهاب ورهاب .. شال نفسو المطر .. ختاهو زي ممكون
    خَنَسْ .. لحظة خنس قُتْ مات .. رفس تَوّر بخاراً باظْ
    رطن بي كل لغات الكون .. وبوّخ .. دوّخ الألفاظْ
    كيفن كان .. وكيف حا يكون .. تافقني الغُلُب حين قالْ :
    (هربتو ونمتو .. قمتو اعجاز
    إنورطتو يوم فرطتو في ماريل بنية الماظْ
    ترباة عِزّها التاريخ .. ضراع الكُدّح الأفذاذ
    حبيبة جملة الشهداء .. الصِّح الإعجاز)
    قال قولو المطر .. وانعدّ فوقي بخار
    ركضت وراهو حتى النار
    وانترتعت بين التار وبين الشارع الما ثار
    وسدّ قصاد عيوني شعار
    رافعاتنو في إصرار .. نقابات الهوى الأشجار
    بنات ا########## والأنهار
    خيوط العنكبوت .. وحمامة خَبّو الصاحبين في الغار
    رافعاتنو حتى الشوق وقع من فوق ... وجاهِن تار
    صرخت .. فركت للأشجار
    في الأنهار نفخت النار بالهواء .. يا جماعة الغار ..
    اعصروا على بعض ساريتنا لا تنهار
    نشد الحيل .. نعد الخيل .. نسن الصارم البَتّارْ
    وكلها كمّها الربّاطة .. بي لُقاطا واحنا كتارْ
    صفاً واحداً كالنيل .. وقلباً حارْ
    نضاري ا########## بالضرعات .. من الزمن الكركي الضّارْ
    وهاكُن شتِّتُوني بِذارْ
    صرخت .. صرخت .. حتى النار
    كشحت على الطناش مسدار
    أجابني الصّي .. وأبو التي تي .. كلاب رمل الهجير الحارْ
    وبديت احتارْ
    انا نمل المهل قد ضاق .. أم ارضة وجربت حُجّارْ
    بديت احتار .. وقام فيني الجرح تاوارْ
    رجعت نزفت .. صابني دوار
    قضفت حشاي .. جرت بطني .. ووقعت جنازْ
    تحت صوت الصنين الراز
    بقيت بين الأرض والغيم .. والدم الجمد والغازْ
    مطفح زي هتاف مهزوم .. مطلوح طوف نجاتو الضيم
    جبدت جنازتي للحجرة ..و وقدتها نارْ
    لمحت وراء دخانا غبار خيول كاكية تنخابت ..
    يكون من تاني دفتردارْ
    طريت تاريخي في لحظة .. نسيت ما طريت ..
    وفي طيف بيت دُمى واصنام
    تكلت جبيني تالا السام
    جعرت شديد .. وبي ساسوية ... فكيت راسي من قدام
    لقيتو ضلام
    لقيت ذاكرتي معطوبة ومعضّي كلام
    مفوتة في انفلاتة سلام
    صدى الأيام معمّاها
    خواخي الكتمة غاماها
    خيوت النسمة مشطوبة
    خطوط النسمة مشطوبة .. ومداراها حطام
    خفت من انفصام .. قوام قفلت دماغي واستلقيت على طوبة
    ورجالة غفيت
    نجيت من سهد كمين عام باعجوبة ..
    غشاني منام
    في أول دفرة في الأحلام
    حلمت .. جمعت في راس خيط .. أمان وسلام
    حلمت صحيت
    وطن منضوم بلا حظرِ وطواريء تحوم
    أتَكْرِن بالخبر لفيت .. شوارع المدهشة الخرطوم
    نطحت من الفرح للطابية .. طرت دموم
    فَتْ .. فتّحت وانشلوحت .. عِن جفلة حمار النوم
    على الحصحاص .. شهق بي احساس
    حماس في كل جيهة حماس
    وما من راس فجيعة الناس
    وانا الراس الفجيعتو الناس
    نخجت براي .. بكيت وبكيت
    بُكاي قلب الغضب تبكيتْ
    انلفتّ غادي وجاي
    تبنت أساي
    في الوضع الحطب
    لا فاس معاي لا قشة من كبريت
    ولا من يرفع الأنقاض .. يثبت بي لمينة القُدرة مِرْقْ البيت
    تفاديت الصنين الفاض .. وِكِرْ في دوشة الديناميت
    نتقت خطاي .. تجاهي جريتْ
    جريت قدام .. لقيت ساقيني دون أقدام
    رجعت أمام .. بركت حبيتْ
    وفي حجرة غناي الغاض .. وحلت جريتْ
    جبدت ايديني في اصرار .. تجيني كُدُر بلا كفين
    اتحسست للما فيّ ... شكيت إني حيّ .. ما حيّ
    شكيت إني جيت ما جيت وكيف ومتين .. ورايح وين
    رقص وسواسى واللاّوازْ
    رقص في سخف ... باستفزازْ
    على النيل التمطّى جنازْ
    رقص بالسونكي والسكين .. وسوط الدين
    صرخت معاذ .. ندهت معاذ
    معاذك يا وطن .. يا فازْ
    جناك منّك .. عليك وملاذْ
    خطاوي الكفت إيدا جوازْ
    مكثت صراع ترابلة وطين
    أقاوم في الغبينة سنين
    ولا قدميني لاالكفين ... ومقطوع راسْ
    لا نوبة وزنوج وحجازْ
    لا بجة لا كُتُر طيبين .. ولا عُكّازي لا حجازْ
    ولا زال المطر في سماهو في طور الدعاش ورذاذْ
    قرضت عمر غُنايا لقيتو ... باقي فرد وتر مشدود .. ضحكت حزين
    أنا المسدود في فتح مبين
    وأنا الفاتح سدى الجايين
    شفقت على الشُّدر في حين
    عِرِق فالوا اطمئن .. تحين تباشير الصباح ويبين
    بعد ما نموت .. بعد ما نشيخ
    أبيت حتمية التاريخ
    بلا عرقاً يخدر ودم
    وانا الباغتني ريح الغم
    وابيت انغم
    وصادَنِّي الجراح الجم
    وابين إنجم
    ما بضّعت .. لا ساومت فيك مين كان
    تعبت من المطر خليتو
    ما بين البيوت الطين .. وما بين التضوي قزازْ
    يرايي ويبدي .. وين ينحازْ
    ولى يات جيهة يبقى حبيب
    ولى يات جيهة يبقى حزازْ
    غرست انفاسي في الزيفة .. الخريفا بجيك
    معطر بي لهث شفتيكْ
    خمشت من الدعاش لونو وهرعت إليكْ
    لقيت كبد البلد مقشور .. وغامدة عينيكْ
    دخلتك بي مسام الرعشة .. من فرقات اصابع ايديكْ
    مَرَقْ بِكْ .. وفُتّ بِكْ .. تالاك .. مضبلن والمطر جا عليكْ
    أتيرب في أوج العينة .. تربال التوحّدو فيكْ
    إرادة وقدرة الإنسان وقد يبقى انبعاثو وشيكْ
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-01-2005, 01:05 AM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: خالد العبيد)

    خالد العبيد
    تحياتي ياصديقي

    اليوم هو أخر أيامنا بمدينة الرياض بالامس زرت الاصدقاء ناصر ونازك
    في بيتهم الجميل ( ناصر بقا سيد بيت ياخالد) إتونسنا ونسة طاعمة
    مع الامنيات كلها . سنلتقي جميعنا هذا المساء علي شرف خروجنا النهائي
    ( صفر صفر) من تصفيات هذه البلاد كل الذين تشتهيهم سيكونون هناك في ذات
    الاستراحة التي غنينا فيه للراحل ( محمد عبد الحي) تلك أمسية ستكون في الخاطر
    ياصديقي وعالم عباس يزيدنا من ضياء شاعرنا الراحل .
    سأرحل من عند ذاك المساء ياصديقي . سنفتقدك حضورك الجميل صدقني سنتزكرك جداً
    أخريات الليل .

    شكراً لحضورك بنبي الثورة السودانية حميد شكراً وكتر خيرك ياخالد وتحياتي للعيال


    خضر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-01-2005, 00:51 AM

خالد العبيد
<aخالد العبيد
تاريخ التسجيل: 05-07-2003
مجموع المشاركات: 20838

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: خضر حسين خليل)

    العزيز الغالي خضر
    انت وين ؟
    وصلت بيوت الطين ؟
    بالله اول ما توصل امشي الكلاكلة
    بيت حاجة زهرة
    خت راسك في راس عباس
    وابكي لي بي حرقة
    وقول لي عربية خالد العبيد
    محزون وبكى امو زهرة بي طريقتو الخاصة
    وبلاقيك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-01-2005, 01:19 AM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: خالد العبيد)

    تعرف ياخالد

    2003 اول بيت زرتوا بعد بيتنا مشوار عشان اسلم علي حبوبة زهرة وجدتها
    مريضة وعلي غير عادتها تسلامنا وبليت شوقي من دعواتها وقبلاتها .
    الان أعود وواثق بأنني لن أجلس مرة أخري علي عنقريب حبوبة زهرة وهي تحكي
    لنا عن ايام مايوا وعن ذكريات مصر أعود ياصديقي ولن أستمتع بتلك النكهة
    التي تميز حبوبة زهرة عن جميع كائنات الارض .
    سأبلغ عباس وهاجر وعربية عن حزنك وبكائيتك ياصديقي . نحن لنا الدموع ياخالد


    أنا مسافر باكر للدمام ومنها يوم الخميس لبيوت الطين عدل


    خضر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-01-2005, 01:46 AM

awadharoun
<aawadharoun
تاريخ التسجيل: 09-04-2003
مجموع المشاركات: 543

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: خضر حسين خليل)

    ياخضر

    ارجاك؟
    اتاخرت قافلة خريفك والرياح
    وانا في رصيفك
    ومن قطارات تطل من كل شباك
    امسيه
    وتدهسني شجرة حناء
    وادخل في اضافرين الغناوي
    وانتي ماشه يعتر جواي اسف
    تعال..............
    ما بجيكي وفي حضن كل المسافات
    سكين
    وفي ضهر كل المشاوير خنجرين
    وفي خيال خيلك وتد
    بلقاك
    محل داهمني المساء


    عاطف خيري


    جاي متين الشرقية منتظرين اليوم او بكرة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-01-2005, 07:01 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: awadharoun)

    عوض هارون ياصاحبي

    عوض الله أمسياتك هذه ( كلها)

    عاطف خيري كعادتك تعرف من تختاره من الاصيلين شكراً للدروس المجانية ياعوض
    بكون معاك باكر بعد باكر بالكتير . أكتب لك وفي البال قصة سأرويها لك حالما
    نلتقي ( اليوم تأكدت أن هذه البلاد أتفه من الفريق القومي زاتو ...)

    عوض

    سأتصل بك في الغد أو أفعلها أنت كعوائدك

    خضر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-01-2005, 02:08 AM

Abuobaida Elmahi
<aAbuobaida Elmahi
تاريخ التسجيل: 08-15-2003
مجموع المشاركات: 693

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: خضر حسين خليل)

    لا

    تبلغه

    تحياتي

    فحسب ,

    بل أسعفني

    برقم تلفونه

    ولا تنسي المفتاح

    سأتوقعه في الماسنجر

    كيف ألم فيك في السودان ?

    أبوعبيدة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-01-2005, 07:04 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: Abuobaida Elmahi)

    أعدك
    ياابوعبيدة

    باكر بالكتير تلفون عصام يكون عندك ( واحد)
    يوسف محمد صالح أبراهيم كان معاي قبال لحظات ويبلغك التحايا ( أتنين)

    تعال الكلاكلة وصدقني يارفيق الهم ماحتغباني وياريت ترسل لي تلفونك
    في الماسنجر ياريت ياابوعبيدة لاذم نتلاقي ...

    سلامك سيصل عصام شوق شوق وحرف حرف


    خضر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-01-2005, 03:11 AM

خالد العبيد
<aخالد العبيد
تاريخ التسجيل: 05-07-2003
مجموع المشاركات: 20838

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: خضر حسين خليل)

    خضر
    لم ابك بهذه الحرقة من قبل
    قبل سنين وبالتحديد في 21 اكتوبر 95 وبعد ان احتفلنا بعيد ميلاد ولدي اياس الاول
    فقدت والدي ،،
    مات والدي العبيد وانا في العمل ،
    انزلتني عربة العمل جوار بيتنا
    سمعت بكاء يشق الحارة ، جريت بقوة غريبة الى داخل منزلنا ،
    كنت اصرخ امي وين امي وين
    امسكوني قالوا لي :
    البركة فيك الوالد اتوفى
    هرولت الى مقابر ابتلة في بري
    اللحظة دي ابوي كان اتوسد التراب
    رجعت قالدت امي وبكيت

    وبعد فترة سافرت
    اريتوا سفر البن
    قبل ايام وانا في اشد لحظات حزني
    اتصلت بأحب من احب
    عم تجاني الطيب
    وجدته في غاية الديرسة
    نقل لي خبر رحيل الاستاذ عبد الرحمن عبد الله

    لكنه كان متماسك وقوي كالعادة
    اأأأأأأه يا خضر لو اطلقت يدي للحكي
    سلم لي علي بيوت الطين طينة
    ولمن انا اجي الكلاكلة بعرف وين اخت يدي
    ووين ابكي
    ووين اشم ريحة الزبالة وكمان الحسه بي لساني
    لك حبى
    اخوك الحزين خالد
    من بيوت الخشب والشجر
    سيدني الممطرة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-01-2005, 07:09 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: خالد العبيد)

    خالد ياصديقي

    اليوم مثلك بكيت والاصدقاء يلتفون من حولي كمقرن النيلين كانو كذلك تماما
    الجميع كان هناك أكتب لك ومساؤناالذي أغتصبته هيئة الامر بالمعروف والنهي
    عن المنكر بين يدي الان . اتونا فجأة ولكأننا كنا مشركي قريش ساعة رسول
    ولكأننا ياصديقي من ساهمنا في الانحلال الاخلاقي الذي ينضح في شوارع هذه البلاد
    كل الذي جنيناه مساء من حر مال الشرفاء وكان ماكان وكان كان اسقيك در.
    هذه بلاد تعجل بالرحيل الاصدقاء ذهبوا وهم يلعنون هذه البلاد التي تقسامت
    معهم حتي خميسهم .

    ياصديقي هكذا ودعتني هذي البلاد .


    سأعود وشكراً لدمعك النبيل صديقي تحياتي لاياس وام العيال

    خضر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-04-2005, 06:11 AM

خالد العبيد
<aخالد العبيد
تاريخ التسجيل: 05-07-2003
مجموع المشاركات: 20838

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: خضر حسين خليل)

    لمن نتلاقى ياخضر
    بعرف اقالدك وين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-05-2005, 03:26 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: لو ألقي عافية تشيلني بس . بوصل قبل غيمك يحن (Re: خضر حسين خليل)

    أقابلك في زمن ماشي
    وزمن جاي وزمن لسة

    أشوف الماضي فيك باكر
    أريت باكر يكون هسة


    أريت ياخالد ياعبيد

    عندما نلتقي ياصديقي تأكد بأن هناك حوار طويل كبال أصدقائنا سيتم بيننا
    سنلتقي ياخالد ياعبيد
    تحياتي للوليدات
    وللاحزان اللفي الخاطر


    خضر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de