بعض من ملامح العرس الوئيد "يوميات العصيان الأول...
إلى شباب ثورة العصيان المدني: الحرية لا تقبل المساومة!
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
صدور... الهلوسة
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-08-2016, 04:09 PM الصفحة الرئيسية

مكتبة خضر حسين خليل(خضر حسين خليل)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

لمتين ؟

10-01-2005, 05:05 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى

لمتين ؟

    هل ستستمر هكذا؟

    طواااااااالي في الحالة دي ؟
                   |Articles |News |مقالات |بيانات

10-01-2005, 05:22 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمتين ؟ (Re: خضر حسين خليل)

    محاولة للخروج من الطوفان
    الاذلت ياصديقي تعتقد (وتنظر) ماشاء لك من التنظير أم أن الواقع (علينا هد حيلك)
    دعهم في غيهم الناس ديل حيتعبوا براهم ويقعوا واحد واحد أعمالهم وأفعالهم وسلوكهم واخلاقهم (حيجيبوا اخرهم )
    هكذا أذن رضيت بالمثل الذي يقول (داري علي شمعتك....)
    الشمعة ماتت منذ الف عام ماتت دون أن نشعلها (ذاتوا)
    كذبوا عليك وعلينا أذن؟
    لالالا مافي ذول كضب بس الكنا شايفنوا داك كان الامل



    يقال بأن النور ( أحساس داخلي) مثله مثل الزمن للذين يحترمونه وكلما احترمت املك ضوي لك الاماكن (هكذا سر الحياة ) تضيئ وتضيئ وتضيئ .

    ويقال أن هناك حكمة أخري ضلت طريقها (مثلي تماماً) سيجدها يوماً الذين يصرون علي (الامل) وممشي الدورب بدون أضاءة سوي ايمانهم بالفجر البازخ . وربما تلك كانت مصيبة بازرعة وشعراء البلاد من المحجوب ومحمد الحسن والقدال وكل الذين أضاؤء لينيروا فغنونا عن الكبريت والجازولين سنين عددا .
    الان يستريح المقاتلون ريثما يستعد أعداء الامس لاخذ البلاد والمواطنيين في جولة معاناة اخري الان ياسادتي سقططت اقنعة كثيرة وبرز الطحالب وخرجت البكتريات الطفيلية بأنواعها وربما لن أبالغ اذا قلت بأنني شاهدت أخر المتسلقين علي اكتاف الشعب وهو يبرز أنيابه معجلاً في خطوته عله يلحق بقطار الهزيمة .
    الان ياسادتي يتوقف بثنا المباشر في عالم الاماني المترفه لنغوص في وحل الهزيمة سنه سنتين اربعة خمسة حسب مايراهو (كباتن) السودان الجديد اصحاب الفخامة منسوبي حكومة الوحدة الوطنية الان ياسادتي اعلن لكم جميعاً بأنني (أرفاااان ) جداً

    وعلي مستمعينا في الولايات مراعاة فروق الحزن

    خضر
                   |Articles |News |مقالات |بيانات

10-01-2005, 06:36 PM

Muna Khugali
<aMuna Khugali
تاريخ التسجيل: 11-27-2004
مجموع المشاركات: 22430

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمتين ؟ (Re: خضر حسين خليل)

    لا اعتقـد انهم خـدعـونـابهـذا الشكـل المخـطط لـه..اعتقـد انهـم كـانوا مخـدوعـين في نفسـهم وبعـدين صـدقـوا وبعـدين لمـا احنـا لقيناهـم مصـدقين, ماقعـدنا فكـرنـا كـتير وقمنـا انخـدعنـا!
    أمـا بخصـوص لمتين دي نقـول..
    الله أعلم..واوعـي تقـول غـير كـدة وتصـدق كـلام اي زول تاني وبمـافيهم 'انا'
    وكـلامي ده

    مـني عـوض خـوجـلي
                   |Articles |News |مقالات |بيانات

10-02-2005, 07:34 PM

nour tawir
<anour tawir
تاريخ التسجيل: 08-16-2004
مجموع المشاركات: 13655

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمتين ؟ (Re: خضر حسين خليل)

    ويقال أن هناك حكمة أخري ضلت طريقها (مثلي تماماً).....


    بعد الشر!

    وما اجمل ان نثق... ونثق... ونثق...

    بعد الايمان بالله طبعا..
                   |Articles |News |مقالات |بيانات

10-01-2005, 08:35 PM

عمر ادريس محمد
<aعمر ادريس محمد
تاريخ التسجيل: 03-27-2005
مجموع المشاركات: 6760

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمتين ؟ (Re: خضر حسين خليل)

    لا تحزن ياولدى

    الجاى

    أجمل

    فقط قول.... ثم.... قول


    عمك المجنون

    ابراهيم الكونى

    بقول

    كيف نجرؤ على القول ان كل شى على مايرام

    مادام يسكن تحت قبه السماء لغز اسمه الانسان ؟

    ومعه الحزن
                   |Articles |News |مقالات |بيانات

10-01-2005, 10:44 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 5507

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمتين ؟ (Re: خضر حسين خليل)

    العزيز خضر

    تحياتى

    Quote: الان ياسادتي يتوقف بثنا المباشر في عالم الاماني المترفه لنغوص في وحل الهزيمة


    يجب ألا يتوقف البث ابدا
    لنغص إلى أيما عمق
    لكن ليبقى حبل الضوء ممدودا
    يربط ويوصل بين سماوات الأمانى وأرض الإشهاء

    وحتما سوف تتحقق ذات فرح

    لا عليك يا صديقى

    فالحكمة الأبلغ فى هذا الكون

    "كل أول ليهو آخر"
                   |Articles |News |مقالات |بيانات

10-02-2005, 10:54 AM

El Fatih Osman Hussain
<aEl Fatih Osman Hussain
تاريخ التسجيل: 09-28-2005
مجموع المشاركات: 25

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمتين ؟ (Re: أبوذر بابكر)

    يا خضر ... ركز شوية كدة ...

    ليس الامر سئ الى هذهـ الدرجة ... وهل هذا بكاء على عدم المشاركة ... الواضح ما هو فاضح ... شاركتم بالأمس ولم يشارك غيركم سنينا عددا واليوم يشارك غيركم...

    فالمسألة فيها عملية حسابية عكسية وطردية ... ولنرى كيف حلها وهنالك بوادر بان الحل ... ليس فى الحل ... كما كان فى السابق ... لانها محمية وانت عارف تفاصيلها.

    (عدل بواسطة El Fatih Osman Hussain on 10-02-2005, 10:56 AM)

                   |Articles |News |مقالات |بيانات

10-02-2005, 11:41 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمتين ؟ (Re: خضر حسين خليل)

    يا خضر يا قريبي ,,,

    لا تحزن وشيل شيطان اليأس وارميه في اول علبة بيبسي فاضية تلاقيك ودحرجها
    قدامك لغاية ما ترميها في سكة عربية من نوع 4×4 وتسمع طقطقة الصفيح بعنيك
    الاثنين..

    ولما زمنك يسمح، افتح مساماتك واستقبل نسمات الربيع وحاول تجاوب على الآتي:
    الدنيا هي شنو؟
    وفي شنو؟
    ولمنو؟
    وهو منو؟
    طيب، لو.. حيحصل شنو؟

    النتيجة ستقنعك حتما بأن اليأس مضر بالصحة وسبب رئيسي من اسباب الافكار
    الخروبية اللي في دماغك!

    بالجد، مهما كان يومك سئ، هو عدا خلاص وبقى وراك ماضي ..
    بكرة في ايدك، خليه احسن من امبارح!

    اختك
    بروفيسورة وا ستاذ مشارك في علوم (الهاكونا ما تا تا)
                   |Articles |News |مقالات |بيانات

10-02-2005, 12:17 PM

حسين يوسف احمد
<aحسين يوسف احمد
تاريخ التسجيل: 08-17-2005
مجموع المشاركات: 4490

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمتين ؟ (Re: عزاز شامي)


    العزيز الأحمر خضر...
    تحياتي وتحيات الرفيق محمد صالح..

    Quote: هل ستستمر هكذا؟

    طواااااااالي في الحالة دي ؟


    لا تيأس صديقي .. وأبحث في الديالكتيك ستجد الاجابة..
    والاجابة قالوها ليكم زمااان ناس الرفيق محمد صالح ..
    لمن قالوليكم .. غرقتو في التكتيك لمن ضيعتو الاستراتيجية.. استراجية الثورة السودانية..
    ورهنتو قدراتكم للقوى التقليدية .. التي باعتكم في أول لفة .. كما باعت الحركة الشعبية كل قوى المعارضة التجمعية أما دولار الجبهة ..
    عودوا لمنهجكم الذي نعرفه .. ولن تستمر هذه الحالة..
    عودوا لجماهير شعبنا وستجدون عندها الحل الذي لا يعرف الزيف .. وصفقات السطة والثروة..
    عودوا لنغني معا:
    ها نحن خرجنا إلى الشوارع شاهرين سلاحنا..

    (عدل بواسطة حسين يوسف احمد on 10-02-2005, 12:19 PM)

                   |Articles |News |مقالات |بيانات

10-02-2005, 12:56 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمتين ؟ (Re: عزاز شامي)

    ما تضايق شديد ..
    انتو قايل البلد دي حقتك براك؟


    جربتا تعلب بي كورة في الضلام ؟؟
    انا جربتها قبل شوية ..
    البيت فاضي وطفيت النور وجبتا كورة مرمية في البيت وبس قعدتا اشلت فيها ...

    الفكرة ما عندها اي علاقة بي البوست ده بس انا عجبتني فجاة..
    حبيت اشركك فيها يا حبوب..
    صدقني بتريحك ..
    احساس جميل لامن تشلت في ضلام وفجاة تشوت الكورة ..
    بس شلت شديد ..


    دكين
    مساعد امين الضلام ..
                   |Articles |News |مقالات |بيانات

10-02-2005, 04:28 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمتين ؟ (Re: خضر حسين خليل)

    العزيزة مني خوجلي



    تحياتي الحارة
    علي أيامنا صار كل شيئ (كل يشئ ياصديقتي) أسوداً
    بما فيه صباحنا الذي أنتظرناهو علي الجمر
    فأي بلاد هذي
    الخدعة قد تستمر بعض الوقت ولكن أن تستمر
    كل الوقت
    فهذا مايحيرني ....

    وشيل شيلتك بقيت للنص

    شاكرين مشاركتك




    العزيز عمر أدريس
    ود وشوق
    أبراهيم الكوني (مجرد كاتب ) يري مالانري
    ولاشك في عمقه ونفاذ بصيرته
    اليوم كنت أقرأ لارنست همنجواي رائعته
    (وداعاً للسلاح) طبعة جميلة عن دار البحار
    وددت لو تزوجت باركلي من ذاك الامريكي المغرم
    بالطليان (هكذا من أول نظرة) لم أحتمل المواصلة
    لغبني لموت أؤلئك الميكانيكيين (في خندق الحرب)
    وقطع . كانو وقوداً لمعركة لاتخصهم (كما حالنا)
    الحرب صنيعة الاغنياء هكذا يقول التاريخ وهكذا
    علمتنا التجربة . فقل لي ياعمر من أي جهات القلب
    نغني
    . (هو فضل فيهو مكان للغناء) .
    أقول ذلك وأنا لاذلت أنا أهتم بمن حولي ويقتلني الامل
    في سودان باكر ( الضواي) ؟.
    وتقتلني الحسرة لان الطاعون
    ينتشر ياصديقي فهل نحن منهم .

    مايقبضوا الباعوض
    مايقبضوا الضبان
    الا بدور فتيش
    الا بدور بنبان
    والمابدور فتيش
    الارزقي السمسارأشمعني نحنا وليش
    نحنا الحرامية
    ولا البدسوا العيش ؟؟

    لاعدمناك (ياحميد) فببصيرتك أنرت الكثير لي ولمن هم حولي .

    شكراً فجراوي




    الصديق أبو زر بابكر
    تحياتي ياوريف

    البارح غنيتك براي
    أنصلبتوا التانيين
    غناي والليلة أتواتاك شعر
    شعر الشعر
    شعر أيوة يلا علينا جاي
    (حميد/ مصابيح السما التامني طشيش)

    حدثني صديقي أسامة معاوية ( أن الحكماء هم أؤلئك الذين
    ينزوون الي المقاهي وعندما تمر المواكب يبتسمون في حزن)
    ولطالما كان للاول من أخر سنواصل بالقليل ( المعانا)
    الرحلة ياصديقي بدأت منذ قرون وكما ذكرت سابقاً( المحطات ذاتا
    كملت) لذا سننزوي هنا ونبتسم في وجه هذا الريح
    دمت ياصديقي




    الفاتح ياقريبي
    تحياتي

    البكاء ليس لرغبة في المشاركة ( أنا أربأ لنفسي من هذه الفاحشة)
    هل سمعت مظفر وهو يبكي أنا سمعته ( سمعته يقول)( أنا أبكي بالقلب
    لأن الثورة يزني فيها) حد علمي بأن هناك كابوس يجب أن يزاح كيف ؟
    متي
    ؟ فقط يجب أن لايستمر الوضع هكذا ..

    وحينها صدقني سنتحدث عن أشياء أخري وربما عن أماني لم نعش الا لها؟

    دمت جميلاً



    عزاز شامي
    حسين يوسف أحمد
    دكــــــين



    سأعود لتعليقاتكم (فقط حبة نفس)دمتم جميعاً
                   |Articles |News |مقالات |بيانات

10-02-2005, 07:28 PM

ودرملية
<aودرملية
تاريخ التسجيل: 07-27-2002
مجموع المشاركات: 3687

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمتين ؟ (Re: خضر حسين خليل)

    سلامات
    وعوافي
    الحبيب خدر ...
    ( ما) قربت ياخدر ( ما - الناهية)..

    كن بخير ياعزيزي ..
                   |Articles |News |مقالات |بيانات

10-03-2005, 06:00 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمتين ؟ (Re: خضر حسين خليل)

    غدأ أعود

    للجميع هنا محبتي


    ورمضان كريم


    والقابلة تتحقق

    خضر
                   |Articles |News |مقالات |بيانات

10-03-2005, 08:09 PM

Asim Sharief
<aAsim Sharief
تاريخ التسجيل: 11-26-2004
مجموع المشاركات: 356

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمتين ؟ (Re: خضر حسين خليل)

    خضر يا خضر..

    كلما تنتابنى موجة من الاحباط..اوصيك..بابداؤود...وبوب مارلى...!!

    (فلى فيهما:اسوة حسنة!!)


    وتذكر انك :...............لست كالكبريت..!!

    مع ودى..

    عاصم كته
                   |Articles |News |مقالات |بيانات

10-04-2005, 06:44 AM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمتين ؟ (Re: Asim Sharief)

    لاني لست كالكبريت

    أضيئ لمرة وأموت


    شكراً ياعاصم (ده المفيد)


    طولة النفس والجاي أعتي من اللي فات

    شكراً ياصاحبي وتحياتي لهاجر

    خضر
                   |Articles |News |مقالات |بيانات

10-05-2005, 01:01 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمتين ؟ (Re: خضر حسين خليل)

    العزيزة عزاز شامي

    (جنس غلالاط)

    تحياتي ورمضان كما ينبغي
    Quote:

    الدنيا هي شنو؟
    وفي شنو؟
    ولمنو؟


    هي الدنيا كلها
    كام حرف لامن يطول فيها الاسف
    الغناء( لجعفر السقيد)
    تخيلي الجهجهة دي كلها في ستة حروف لاغير

    ستة بس ياعزاز


    تسلمي للنصحية

    .............................................

    الأخ حسين يوسف أحمد

    تحياتي الحارة ورمضان كريم

    Quote: لمن قالوليكم .. غرقتو في التكتيك لمن ضيعتو الاستراتيجية.. استراجية الثورة السودانية..


    صدقني التكتيكي لو غرقنا فيهو صحي صحي ماكان ده الحال . السودان بلد مليئ بالمفاجأت (الا بتسر الا بتضيق للخلق) وجدت نفسي في أيام لم تكن بطعم هذه الايام في مرحلة جديدة تدبرت أموري وتحسست كل الطرق التي بالطبع لاتؤدي الي (العصبية أو القبلية ) فسبقتني خطاي الي حيث أنا .
    وأيدينا ياولد أيدينا للبلد

    (كلنا ياخوي)
    لك الاحترام

    ..........................................................


    دكين (الوغد)
    تحياتي ورمضان كريم

    بالكيلة عطانا ومالقينا
    فوق جمر خطانا ومالقينا
    (القدال/ عقد الجلاد)
    ياصديقي أنا بعيوني المفتحات ديل ماشايف الدرب تقول لي (أشلت في الضلام)

    أنت وين ياخينا؟
    سؤال علي أن أجد طريقه

    شاكرين ياجميل

    ..........................................................


    العزيزة نور تاور
    تحياتي الحارة
    ورمضان كريم

    نثق في من ؟

    (مو منا من جحر الدقون
    الكاكي يلدغ مرتين)

    والثالثة كانت مؤسفة مؤسفة جداً ياصديقة الخطي .

    لك الود


    ......................................................


    ود رميلة

    ياصديقي رمضان كريم

    (ما) و(لو) للتصبيرة نحن ياصاحبي أو أنا مللت جداً هذي الحالة
    وهذا كل مافي الامر وماقربت ولاحاجتين .
    لك المحبة ياصديقي

    ...........................................................

    للجميع الحب

    خضر
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de