غنيوة حب لإنسانك أو لزول الناس محجوب شريف

Quote: لقيتك فى طشاشى دليل وفى حرّ الهجيره مقيل ركزت على رضاكِ عصاى لقيتك فى حياتى جذور بنيّه اتلفّحت بالنور مهجّنه من غنا الأطفال.. ومن سعف النخيل والنيل ومن وهج الشمس موّال وان اخترتينى إنساناً.. عزيزَ النفس بتمنّى.. وبسيط الحال علىَّ حرَّمت زرعاً ما سقيتو حلال ومافصّد حصادو قفاى وبينى وبينك الضحكه.. ورحيق الشاى وطعم الخبز والسُتْره.. ومساء النور وعمق الإلفه.. بين النهر والنخله وغنا الطمبور وصدق العُشْره بين الأرضِ.. والإنسان وبيني وبينك الفكره.. وجمال الذكرى والنسيان وحسن الظن ومشوار الحيا اليوماتى ما بين الجبل والسهل.. ما بين الصعب والسهل عزّ الليل.. وفى سكّه مطر بكّاى فلا هماً تشيلى براكْ ولا جرحاً أعانى براى ولانا على بعض نمتن

Quote: لانك سيدي (المحجوب) كتابة الشارع المافيش مدادك من دموع الكل ونغنيلك

Quote: محجوب شريف ده يامني زول عجيب