|
دعواتكم لزميلنا المفكر د.الباقر العفيف بالشفاء العاجل
|
|
 Re: عزيزي محمد عبد الرحمن (Re: خضر حسين خليل)
|
العزيز خضر حسين خليل
و إن كان اللنك الذي عنيته قد إستنفد غرضه
فإن حبنا وتقديرنا للحبيب محمد عبدالرحمن لاينفد ولايبلى
فياريتك تنشط هذا البوست حتى نوفي الإنصاري المشاغب والمستنير حقه
| |
 
|
|
|
|
|
|
|
|
البوست بخصوص تلفون محمد عبد الرحمن (Re: خضر حسين خليل)
|
Quote: العزيز خضر حسين خليل
و إن كان اللنك الذي عنيته قد إستنفد غرضه
فإن حبنا وتقديرنا للحبيب محمد عبدالرحمن لاينفد ولايبلى
فياريتك تنشط هذا البوست حتى نوفي الإنصاري المشاغب والمستنير حقه |
الحبيب ابو ساندرا
خضر كان طالب محمد عبدالرحمن يتصل بيهو على رقمو
وأنا أرسلت له تليفون محمد عبدالرحمن عبر المسنجر.
يا حبيب بطل الخيال الواسع اللنك ما مرتبط بمجريات الأحداث هذه الأيام
لنا
| |
|
|
|
|
|
|
|
|
|
Re: عزيزي محمد عبد الرحمن (Re: خضر حسين خليل)
|
من رأي منكم محمداً فليأت به الي هنا سريع
ابوساندرا
تحياتي يازميل
ومحمد هذا من طينة اخري غير (طينة أؤلئك الخلق) حاولت جاهداً الوصول اليه وفي ذلك الخيل تجقلب والشكر للاميرة بت الناس (لنامهدي) ماقصرت الا انو صديقنا آثر (يرفع لينا القزاز) قل له أنني ابحث عنه واوده جداً بلغه ذلك .
لنا يامهدي
تحياتي
عارفة يازولة ابو ساندرا دا جد جد داير يتونس ويطق الحنين مع الولد العكليت بتاع حزب الامة ده ربنا يخلي الزيوا كتار يالنا يعني الموضوع ماعندو علاقة بي حكي (الجزيرة) .
بعدين انا بالجد بقترح إنو يكون في فك تسجيلات في السياسة السودانية عشان تتفكفكوا (هذه دعابة ليس الا وجه داير يموت من الضحك)
كرفس
لاذلنا في انتظار البترول
نلتقي مساءً ياصديق
خضر
| |
|
|
|
|
|
|
|
|
|
Re: عزيزي محمد عبد الرحمن (Re: خضر حسين خليل)
|
لنا
خلينا من الالقاب
اقتراح فك التسجيلات مقدمنو نحنا( خضر ومن ساروا معه) ده طبعاً بعد مراقبة للدروي الممتاز بتاع المنبر الحر ونقاشات طويلة
ابوساندر
ماتجي تثني الاقتراح ده ياخينا
.........................
اسماعيك
كيفنك ياشاب
لساك بتقعد في ام الحمام شارع الاربعين لاحولالالالالالا
دكين وين بالمناسبة هل لاذال يهوي الحسان
......................
محمد عبد الرحمن
ياخينا ماتخجل بنك شنو الداير تكوم بيهو رصيدك البوست ده ليهو ستة يوم وخمسة ساعات وانت عامل فيها سيدنا (قزاز) ماشغال بينا الشغلة انشاء الله حنة الدسيس دي تلقي ليك فيها بنية تنجضك
غايتو منتظرين
خضر
| |
|
|
|
|
|
|
|
|
|
Re: عزيزي محمد عبد الرحمن (Re: خضر حسين خليل)
|
كتب خضر حسين خليل، الشيوعى المعروف مخاطبآ لنا مهدى، القيادية فى حزب الامة
| Quote: بعدين انا بالجد بقترح إنو يكون في فك تسجيلات في السياسة السودانية عشان تتفكفكوا (هذه دعابة ليس الا وجه داير يموت من الضحك) |
بالطبع لايخفى على احد ان هذه الدعابة محاولة لتغطية الحقيقة. حقيقة ان
لنا مهدى
خالد عويس
محمد عبد الرحمن
رباح الصادق المهدى
هم فى الحقيقة كوادر سرية للحزب الشيوعى مزروعة فى حزب الامة بهدف السيطرة عليه وتوجيه سياساته حسب الخطة العالمية للشيوعيين واليهود والصليبيين!
| |
|
|
|
|
|
|
|
|
|
Re: عزيزي محمد عبد الرحمن (Re: Adil Osman)
|
Quote: بالطبع لايخفى على احد ان هذه الدعابة محاولة لتغطية الحقيقة. حقيقة ان
لنا مهدى
خالد عويس
محمد عبد الرحمن
رباح الصادق المهدى
هم فى الحقيقة كوادر سرية للحزب الشيوعى مزروعة فى حزب الامة بهدف السيطرة عليه وتوجيه سياساته حسب الخطة العالمية للشيوعيين واليهود والصليبيين!
|
أجي ياعادل
بالغت عديل
معلومة بسيطة للدنيا والذمان ياعادل
مافي حزب في الدنيا بجازف بي كوادر زي ديل عشان يخدموا ليهو خطوا في تنظيم تاني .
ثانياً
البوست اصلاً كان لحوجتي لتوصيلة لمحمد عبد الرحمن الاميرة لنا ماقصرت (تب) قلنا نقفل اللنك ابوساندرا وصاحبي كرفس ولنا كان عندهم راي تاني قلنا اوكي مافي مشكلة نواصل .
ثالثاً
عليك الله ماتهظر هظار زي ده تاني ياخي
ولاحول ولاقوة الا بالله
| |
|
|
|
|
|
|
|
|
|
Re: عزيزي محمد عبد الرحمن (Re: خضر حسين خليل)
|
ياخضر...
قلت لى بوستك دا ليهو ستة يوم ..الله
يسألنى ماشفتو الا اسى دى ..وبعدين شوف
براءة لنا قامت رسلت ليك رقمى ..هى ماعارفة
انو رقمى عندك وحافظو حفظ ..لكن انت عايز
اتصلو عليك ماعايز تخسر ...تعرف قبل يومين
امكن قريت ليك مداخلة بتقول راجع الماسنجر ..
راجعت الماسنجر مالقيت فيهو (التكتح)يعنى القصة
مارفع قزاز ..
وياخوى مشيت البنك عشان اودع فلوس الناس ..الله
يسالنى ريال ماعندى فيها ...اقول ليك عشان اقدر
اكلمك رسل رقمك على الماسنجر ..غايتو نسوى
شنو 30 ريال نعتبرها وقعت فى شارع الله دا ..
اها يازول رسل الرقم و(يصير خير )...
باقى الشباب ...جاييكم ...
| |
|
|
|
|
|
|
|
|
|
Re: عزيزي محمد عبد الرحمن (Re: محمد عبدالرحمن)
|
ماعارف المسانجر بتاع بكري ايضاً رافع علينا القزاز بمعني يامحمد ياعبد الرحمن ماداير يواصلك عشان كدة انا حأخلي ليك رقمي هنا بالرقم من انو المسألة دي ممكن تعمل لي (قصص حزينة انا في غني عنها) بالله شفت اخوك لامين يخش في شخصية زول مهم .
00249915399515
اها يلا منتظر تلاتين ريالك دي تجدعا في الشارع
محمد ملحوظة ياخي
انت المغترب ولا انا ياخي بالله مابتخجل تقول لي انت ماتتصل جنس حشف
خضر
| |
|
|
|
|
|
|
|
|
|
Re: عزيزي محمد عبد الرحمن (Re: خضر حسين خليل)
|
يا شباب
ماصدقتو رفعنا البوست ضمن خطة { أغراض خبيثة}
حتى وجدتكم جميعآ مغرضين
مافي مشكلة ، أدوني فرصة هسع ماشي أجهز حفل شاي صغير ومختصر
على شرف الحبيب عصمت الدسيس
ثم نتفرغ للحبيب محمد عبدالرحمن
ولو حصل فك تسجيلات انا بمشي مع الحتة الحاتشوت عليها { لنا } أو { علينا }
وما حا أوريكم { علينا } ده يطلع منو
كرفس
ما عندنا مانع نفكك للكيزان عشان ترعى هناك كويس وترجع لينا مدوعل
أما
خضر حسين خليل
فحايظل متحومر مؤبد
| |
|
|
|
|
|
|
|
|
 Re: عزيزي محمد عبد الرحمن (Re: أبو ساندرا)
|
Quote: ولو حصل فك تسجيلات انا بمشي مع الحتة الحاتشوت عليها { لنا } أو { علينا }
وما حا أوريكم { علينا } ده يطلع منو |
(علينا) ما ناوي أبداً يفك التسجيلات
بالو طويييييييل
أما أنا
فلو حصل بقعد في بيتنا أربع يديني
| |
|
|
|
|
|
|
|
|
|
Re: عزيزي محمد عبد الرحمن (Re: أبو ساندرا)
|
ياله من زول جميل...ويا ابوساندر وخضر ...لوتاكد لي ان كل حزب الامة في الدنيا زي
محمد عبد الرحمن ده..فاشهدوا بانني من بكرة اكبر حزب امة..!!!
وولو فك تسجيلات يكون قرب المسافة..!!
| |
|
|
|
|
|
|
|
|
|
Re: عزيزي محمد عبد الرحمن (Re: عبدالكريم الامين احمد)
|
سلامات
وعوافي
محمد عبدالرحمن ..
الرزين المهذب ...
طويل البصيرة .. كيس .. زكي ..
جميل الروح .. هادئ الطبع ..
تراه وهو يمشي ..
ربما يشبه الربيع ...
او رائحة الامهات ..
او سحر الامسيات ..
...
افتخر بصداقتي به ...
واعتز بانني التقيته في هذه الحياة ..
لك المحبة كلها يامحمد وابتسامات الاطفال ..
ولك ياخدر حسين خليل تمام المعزة ..
| |
|
|
|
|
|
|
|
|
|
Re: عزيزي محمد عبد الرحمن (Re: خضر حسين خليل)
|
محمد عبد الرحمن
تحياتي
إنت ياخينا داير تموت ولا شنو (الناس كلها جاية تشكر فوقك كدة)
تلفونك كان جميل خالص وجات برضو في مناسبة جميلة سنحكيها يوما ما لابد لابد
شكراً ياجميل وشكراً لكل الناس الجات تقدم العندها من محبة
خضر
| |
|
|
|
|
|
|
|
|
|
Re: عزيزي محمد عبد الرحمن (Re: خضر حسين خليل)
|
الزملاء خضر كرفس ، حيدر ، ، لنا ، ابو ساندرا ، معتصم ... الجميع بلا إستتثناء
شكراً لهذه الدعوة غير المباشرة لمادبة شكر الصديق العزيز محمد عبد الرحمن ، لم يكن لي ان اكتب يوماً عن شخص ، جل من اعرفهم هم كذلك لا يحبذون هكذا كتابة ولكن ساكتب كيفما اتفق ، عندما يكون الكلام عن محمد عبد الرحمن ، يكون المدح واجباً فلنا فيه من مأثر ضميره ونبله ما لنا. وحدها المصادفة مزيتني عنكم جميعاً بأن رافقت محمد في فترة الدراسة الثانوية كان رئيساً لإتحاد طلاب مدرسة الحصاحيصا الثانوية وكنا مجموعة من طلاب الجبهة الديمقراطية في إتحاد طلاب مدرسة الحصاحيصا الثانوية القديمة كان ذلك حنيناً في العام 1988 حينها كان حبونا قد ازف نحو ادراك ووعي الذات. اخترنا قدرنا ، الإنخراط في قضايا الوطن والعمل العام ،كل من مرسمه نحاول تشكيل لوحة هذا الوطن مفتوح الفضاءات ، كانت تلك اختياراتنا رغم أن صغر السن والتجربة في تلك الفترة يحعل التحقق من هذه الإختيارات ليس سوى فرضية مشوشة. ولكن مضينا نحو بداياتنا ومضت تلك الفترة بظروفها ولكن هانحنذا على ذات دورب الوطن الفسيح نلتقى.
اذكر دعوته لنا بتشريف منزله في قرية اربجي ، خرجنا من منزله وبنا درس صغير –كبير لضرورة التلاقي والتنسيق فيما بيننا، مطهرين من امراض التعالى والتخندق الغبي والخلافات التي لا تفرضها ضرورة سوى السعى نحو تميز مقيت. ويمكن للمرء ان يقول بدقة ان محمد به نخوه لجمع الناس منذ تلك الفتره اعتقد انها ما زالت رائجة فيه لما كتب عنه في هذا البوست. محمد تجسيد لضمير إخلاقي ايجابي ندر ما يوجد ولم ينجو من لوثة حب الناس اولا و لملمتهم ثانياً. لمحمد تحية وكذلك لخضر الذي في السودان على هذا البوست الجميل. عفوا حيدر وددت المدح وليس التطبيل الذي تفرضه الظروف كواجب عندما تلم بنا نايبات التفرقة والإختلاف فحق محمد هذا وحقك ايضاً حيدر لقلمك الرفيع الذي نتابعه رغم بسيط الإختلاف . وددت يا خضر ان استغل هذا البوست لنقل تحياتي لاستاذنا الجميل معتصم الذي دعوته مرة لمنتدي شعري في قريتي ودسلفاب معه ازهري محمد علي وعفيف اسمعيل ولم يتأخر كعادته ولم اتمكن حتى من شكره في تلك الليلة ولم التقيه بعدها. شكراً لك مره ثانية خضر.
حميدالعربي
الرياض
| |
|
|
|
|
|
|
|
|
|
Re: عزيزي محمد عبد الرحمن (Re: Abdalhameed Mohamed Al-amein)
|
Quote: عفوا حيدر وددت المدح وليس التطبيل الذي تفرضه الظروف كواجب عندما تلم بنا نايبات
التفرقة والإختلاف فحق محمد هذا وحقك ايضاً حيدر لقلمك الرفيع الذي نتابعه رغم بسيط الإختلاف . |
عزيزي عبد الحميد
والله الذي لا إله إلا غيره لم إتعرف على الحبيب محمد عبد الرحمن الا من خلال هذا البوست وودت ان
تكون مداخلتي فيها نوع من الصدقية خاصة وان الجو (مكهرب) ... ويشرفني معرفته
اهلنا بيقولو (لو إثنين قالو ليك عندك إضان واحدة صدقهم) وانا حقيقة احببت هذا المحمد من خلال
الكلام الجميل الذي صاغه في حقه اكثر من نفر
بعدين انا لما كنت طالب في مصر كان زميلي الوحيد في السكن انصاري جميل مثل اخوانه الاخرين من
الانصار
يا عزيزي .... لما كل هذا العناء
كلنا في الهمَ ... سودانيين
لك التحية
ولمحمد عبد الرحمن كل الحب
| |
|
|
|
|
|
|
|
|
|
Re: عزيزي محمد عبد الرحمن (Re: محمد عبدالرحمن)
|
Quote: يابنية من خبز الفنادق ..
|
الأخ العزيز محمد عبدالرحمن
ذات إعتزاز، وفي حضرة من أهوى قدم ودالأمير قائمة طويلة من شرفاء أربجي، فقلت بالنسبة لي أطولهم قامة محمد عبدالرحمن الذي لم تذكره، وطبعا قائمته كانت بين شاعر وسياسي.
وها هي الأيام تؤكد قوة شوفنا -لا رمد ولا حاجة.
استشهادك بنص وضاحة، أثار في كثيرا من الذكريات، وأعادني لذلك الفتح العظيم وأنا أفك شفرة أصل تلك البنية، لإاكتشف أنها من بنوت فريقنا، تنتمي لخبز الفنادك، وليس الفنادق كما ظللنا نرددها، ويبدو أننا قد صدرناها لجيلكم ولأجيال لاحقة ضمن كثير من سوالب المعاني والممارسة -على حد قول ودجبرالله في غير هذا المكان.
شفت عظمة هذا المعنى
وعظمةالشاعر
وعظمة ذلك المغني
يا بنية من خبز الفنادك.
وتحياتي أخي خضر...وبالبال حوار لم يكتمل .
| |
|
|
|
|
|
|
|
|
|
Re: عزيزي محمد عبد الرحمن (Re: خضر حسين خليل)
|
ودر رميلة
شكراً ياصاحب علي المعزة
.........................
حميد العربي
تحياتي ياشاب
سعدت جداً بحضورك هنا أداوم ومنذ حضوري الي هنا (قدر الامكان) الذهاب الي حيث صديقك
جوهر يوسف لاذال في صموده صمود لانهاية له علي ما أظنني دوما نأتي بسيرتك من هنا وهناك
تكون رابعنا دوما ياحميد ياعربي نتناقش كثيراً في حاصل الحاصل ومستقبل هذا الوطن البائس جوهر يجزم بأنو (الامور حتتصلح) وأنا أشك .
ترحيبك بمحمد عبد الرحمن أظنك كنت في حوجة لمثل هذا البوست أكثر من اي شخص هنا فشكراً لك علي نبلك ياصاحبي . ماذا عن بيت (البطحاء) أظنني سأعود مطأطأ رأسي أن سارت الامور هكذا. ودي وتقديري ياحميد لكل الشباب والشابات بالرياض
خضر
.................................................
نادوس
إذيك وبركة الشوف
شكراً لكرمك ياخينا وصدقني ثق بأن في القلب مليون معزة لك ويقيني بأن حوارنا سيتواصل يوماً ما .
سلامي للوليدات
خضر
| |
|
|
|
|
|
|
|
|
|
Re: عزيزي محمد عبد الرحمن (Re: خضر حسين خليل)
|
شكرا اخي خضر على هذا البوست الرائع وزي ما بقولوا اهلنا
"يوم شُكر محمد ان شاء الله ما يجي "
فلكم التحية يا احباب وانتم تدفعون بكل هذا الوفاء والحب
لشخص اعلم تماما انه يستحقه واكثر .(بس شوية ..شوية ما يقوم يتمرد
ويصدق حكاية فك التسجيلات
لكم التحية والف مبروك فوز القوى الوطنية بجامعة شندي .
| |
|
|
|
|
|
|
|
|
|
Re: عزيزي محمد عبد الرحمن (Re: خضر حسين خليل)
|
مشتاقون ياصديقي
لاذلت إنتظر ردك عفواً وعدك لي بالتفاصيل
أحضر يوماً بعد يوم هنا حسب الحوجة في التفريغ وحسب (الجيب) وحسب ريح البلاد
بمعني لا أحضر أبداً الي هنا ( بأخوي وأخوك) هنا الحياة طاعمة بالرغم من ما
ينتقصنا من اوكسجين الحياة . لاذال الجميع هنا يضغطون الكف بالكف ويمشون في
الارض مرحاً . يامحمد ياعبد الرحمن بي شوق لونسة معك فلا تغيب أكتر من كده .
خضر
| |
|
|
|
|
|
|
| |
خضر حسين خليل
lana mahdi
أبو ساندرا
معاوية كرفس
إسماعيل وراق
محمد عبدالرحمن
معتصم الطاهر
Adil Osman
عبدالكريم الامين احمد
ودرملية
حيدر حسن ميرغني
nadus2000
نيازي مصطفى
Emad Abdulla
فيس بوك
تويتر
انستقرام
يوتيوب
بنتيريست