|
|
 شوشتا
|
!!!!
لا يستطيع الدخول للمنبر
نرجو أن نراه قريباً هنا
ــــــــــــــ
أما من هو شوشتا فسيحدثكم قلمه ولله الأمر من قبل ومن بعد
|
|
 
|
|
|
|
|
|
|
|
Re: شوشتا (Re: خضر حسين خليل)
|
هنا تحدث عن صفاء
Quote: مساء وشوق
وخلف النافذة أصدقاء وحبيبات أبادلهم الصقيع بالغناء ..
واخترق في لهيب سؤال عن الوطن !..وعن أنثى خلقت لها شفتان لأجلي وشفتاي لأجل قبلة على جبينها ...
مساء و أغنيات تسربت إلى البحر نزيفاً ....
وفي الجوف وطن وأنثى للحنين أتنفسهما برئة مثقوبة...
وأمضي مسرعاً إلى الموت مقتنعا بأنني سأموت جائعاً ..
يا حي يا قيوم
وربي الذي خلق هناية وتفاصيلها كالشمس ..
ان هذا اللحن جعل مني درويشا بجناح طائر حلق بي إلى حيث أصدقاء مواعيد الفرح ..
البت الفنجرية دين حجر سلمى .. او آه من هذه السلمي ...
صفاء تلك الأنثى ميثاق السماء والأرض
جلسنا في المقعد الخلفي قاصدين حفلة عقد الجلاد في نهار خرطومي ملتهب
همست لها بعد ان أغرقت نفسي في تفاصيلها : تعرفي يا سلمي لو في الدنيا دي مثقال ذرة من العدل مفروض تكوني حبيبتي ...
وسلمى ما زالت تضحك وانا ما زلت اُمني نفسي بلقائها ولا ادري كم عمر هذا الموت!!...
وناهد أنثى ورثت الوطن ، تقبض الجسارة بيمناها وفي يسراها ماء الاكتمال ...
من فرط حبها لعقد الجلاد كانت تحلف بشرفها الثوري ان تسمي احد أبنائها (عقد الجلاد) ...
هاتفتها مساء امس وما ان بادرتها بالسؤال ردت بصوت غليظ : اهلين شوشتا
يا بت انتي بلغتي من ورانا وللا شنو ...؟؟
رحلت وأخذت معها ثلاثة أضلاع من غرفتي عند منتصف الصحراء ...
وأصدقاء كُثر في ذاكرة ( العقد) يجلسون على رمل المسافة ولا يموتون في قلبي ابداً ...
والروح مشحتفة في الحبيب
القلب بكر
الدنيا ما شافتت جديدو ولا الحزن
دقالو باب |
أولا يستحق أن نقرأه
| |
|
|
|
|
|
|
|
|
|
Re: شوشتا (Re: خضر حسين خليل)
|
!!!
هنا مهاليت النجاشية
Quote: مهاليت النجاشية ... أيقونة للفرح البكر - كتبناها بخط واضح في ذاكرة الرقص ذات النهار
لها شوقنا وتراتيل صلواتنا عند أول النهار وأخر الليل نحن أصدقاء الظل السابع للحنين ...
مساء مدجج بالأصدقاء السمر نقتسم العذاب ولا نبالي...نذاكر أبجدية الغربة (بُنه) ..
تناولنا الأولى وعلى الثانية قرانا حظوظنا ..
والثالثة واقعة على وقع ابتسامة .. اححححححح (واديشالوا) ... ثم (اشي اني كونجو)
نكون على الزمكان منذ أن ظنينا بالصحراء ظن السوء واعلنا انفسنا انبياء الموت الاخير ..
مع مهاليت نرتجل الفرح ونصافحه في هواء عام ...
والرائحة تفعل بنا الأفاعيل ...رائحة الشتاء الحنين ...
نشرب قهوتنا بفنجان الحنين ونرتعد شهوة ... ونركض في البكاء ساعة حزن ..
نصعد في مطر الكلام و (علاقةُ اندماج الذات فى جسدِ الطبيعة بالذي فينا من الطينِ النيى )
اهـ سنوات كأشجار الشوارع في قارعة الصمت .. والبنيات السمر راحهن شمار في مرقه ..
نقطة .
|
فتأملوا !!!
شئ عجيب
ـــــــــــ
يقول حميد يا صاحبي
بكاه البلوط في البحر
والغيرو يشرب سلسبيل
هوذا بالضبط ما يبكي يا صاحبي
| |
|
|
|
|
|
|
|
|
|
Re: شوشتا (Re: Emad Abdulla)
|
عماد :
كيفك ياخ والله إفتقده للغاية هذا المخلوق
الكون كفتو مايلة شديد
قلنا يمكن بي حضورو يتوازن حبة
ــــــــــــ
تلفونك ما بجمع نهائي معاي
الله يقطع طاريك
| |
|
|
|
|
|
|
|
|
|
Re: شوشتا (Re: خضر حسين خليل)
|
وهل يخفى القمر
الزميل الشفيع عوض شوشتا قلم رشيق
وصديق عزيز ورجل صاحب رؤية ومباديء طالما دافع عنها في هذا المنبر وفي غيره
نتمنى ان يعود قريبا.
| |
|
|
|
|
|
|
|
|
|
Re: شوشتا (Re: معاذ حسن)
|
Quote: وهل يخفى القمر
الزميل الشفيع عوض شوشتا قلم رشيق
وصديق عزيز ورجل صاحب رؤية ومباديء طالما دافع عنها في هذا المنبر وفي غيره
نتمنى ان يعود قريبا. |
معاذ
إزيك يا زول يا براك
بالله الزول دة موش مفروض يكون هنا !!
ياخ مشتاق ليهو والله ولي حرفو ولي قهاويهو مع النجاشيات
| |
|
|
|
|
|
|
|
|
|
Re: شوشتا (Re: خضر حسين خليل)
|
Quote: الجدير بالذكر
أن صاحبنا شوشتافقد باسويرده خلال معركة ميكافيلي الأخيرة
|
لاكدة ممكن العقل يقبلا
لكن انا افتكرتك الباسورد يادوب الان
كان طوالي انا حاديهو باسوردي وانا اقعد انتظر بكري لانو جد شوشتا
صاحبنا لازم يكون هنا ومن زمان
(خارج النص )
يا خدر
نادي قيقراوي وشادية وامجد انا ملتوفاتي جاهزه
| |
|
|
|
|
|
|
|
|
|
Re: شوشتا (Re: خضر حسين خليل)
|
خضر اخوي
مسكاقمي
أيه رأيك نأخذ الباسويرد حق بركات بشير ونعطيه لاخوي شوشتا وحقك احتياطي يكون عند شوشتا
في انتظارك
| |
|
|
|
|
|
|
|
|
|
Re: شوشتا (Re: حمزاوي)
|
شوشتا!!
حليل الكان بهدّي الغير..صبح محتار يكوس باسويرد
حتي اللحظة هناك تضارب في المعلومات...
الزول ده وقفوه وله فاقد الباسويرد
لانو السكتين مختلفات حقيقة
سكة النص غير سكة الـ(جرور) ولا ايه يا محس؟؟
نتمني ان نراك قريبا يا شوشتا
| |
|
|
|
|
|
|
|
|
|
Re: شوشتا (Re: خضر حسين خليل)
|
| Quote: أما من هو شوشتا فسيحدثكم قلمه ولله الأمر من قبل ومن بعد |
والله ياصديقي الجميل فيك الخير اشتقنا لهذا القلم الجميل بيننا
نتمني ان نراك قريبا يا الشفبع
| |
|
|
|
|
|
|
|
|
|
Re: شوشتا (Re: حسين محي الدين)
|
الشفيع عوض شوشتا
أخر بوستين لأخونا الشفيع إذا لم تخني الذاكرة كانوا بعنوان
ليه كدا يابكري وكان بيتحدث عن بوستين للأخ الشفيع جرفهم السيل في يوم وأحد
والتاني والآخير كان بعنوان الجرح وطن
التحية لأخونا الشفيع ونتمني أن نراهـ قريباً
| |
|
|
|
|
|
|
|
|
|
Re: شوشتا (Re: وليد محمد المبارك)
|
عارف ياسيدي الخضر ؟؟
شوشتا ده من إندينا .. ولدنا ونباهي به عين الشمس ..!!
نرجو أن لا يطول غيابه عنا ..
وشكراً لإفتقادك وتفقدك مواطن الجمال في المنبر ياخضر ..
| |
|
|
|
|
|
|
|
|
|
Re: شوشتا (Re: خضر حسين خليل)
|
الأصدقاء والصديقات هنا
بيناوي
ود الصايم
حمزاوي
قمر بوبا
نقابي عجوز
حسين محي الدين
عصام الجيلي
هند محمد
وليد محمد المبارك
نادية عثمان
تحياتي لكم جميعاً ولا أرانا الله مكروها في باسويرد لديكم
ويدكم معانا حتي عودة شوشتا
لكم الود والاحترام
| |
|
|
|
|
|
|
|
|
|
Re: شوشتا (Re: خضر حسين خليل)
|
معليش جينا متاخرين لكن الشباب ما قصروا
شوشتا قالوا اتعقبنا في السودان
كان نفسي الاقيك
تحياتي وتقديري
| |
|
|
|
|
|
|
|
|
|
Re: شوشتا (Re: خضر حسين خليل)
|
تعرف ياخضر..مرة بتحاوم فى المنبر دا انصاص الليالى كدا
من بوست لبوست..فجاءة لقيت بوست بعنوان..لنا الله واصدقاء..
لفت انتباهى العنوان وبشدة وقريت البوست وتميت باقى الليل سهر
ولا زال صدى هذا البوست يلاحقنى وبعدها اصبحت وين ما شفت اسم شوشتا
بعرف انى على موعد مع السهر....
حاسة انى بعرف ليك الزول دا عرفة شديدة خلاس
شوشتا تحيات كتارااات...
اما انت ياخضر....بس خليك....
__________________________________
ممكن زول يجيب لينا الرابط بتاع بوست..لنا الله واصدقاء...?
| |
|
|
|
|
|
|
|
|
|
Re: شوشتا (Re: هيثم درار)
|
خضر خسين
فردة جناحي التاني لما الناس تطير لعالمها
شكرا يا صاحبي على هذا النداء وكلامك السمح البشبهك
نجازيك وأنت خارج نطاق الخدمة
عماد عبد الله
يا عمدة ليك وحشة والله
ثم ياخي جينا الخرتوم ولم نجدكم ?
ياسر بناوي
سلامات يا زول يا جميل
وشاكر جدا
وسعيد بيك هنا وهناك
معاذ حسن
صحبي الزمان
أتمني ان أكون كذلك في الزمن الشين ده
ياخ لينا فترة من صوتك
وشوقنا كتير
ود الصائم
يا فقر
بكلم ليك ماسا يا سجمان طلع عارف خباياك
وأكبر دليل هدية يوم السفر
حمزاوي
يا خال ( هكّر في )
معقولة باسويرد بركات .. بركات ده نديهو باسويرد الهكر شخصياً
لك العافية
GamarBoBa
انا زاتي كنت حيران
مسجون ولا فاقد الدليل
المهم رجعنا
تسلم يا ملك
نقابي
يا نصيف
سلامات وشاكر للظن الحسن
حسين محي الدين
تسلم كتير
أتمني ان نقدم هنا سويا ما يليق بالوطن
عصام الجيلي
تحياتي الغوالي
بالفعل توقفت تضامناً مع خضر حسين لفترة ثم عدت مطالباً بكري بذكر حيثيات تجميد حسابه
ويبدو آنذاك آخر ما كان يتمناه بكري في هذا المكان قراءة اسم الخضر .
عموماً أذمة وعدت وهاهو الخضر يعود بشحمو ولحمو... وكمان شنو أول المستقبلين
كتر خيرك
وتقبل تحياتي
| |
|
|
|
|
|
|
|
|
|
Re: شوشتا (Re: الشفيع عوض شوشتا)
|
هند محمد
الزولة الكتابة الأنيقة
يا صاحبة ياخ انا مدين لك بالكثير
حقاً أتمنى ان أكون كذلك
كامل تقديري
وليد محمد المبارك
شكرا يا وليد على السؤال
ماسا بخير وعلى ما أظن عاد إلى المنبر بعد صراع طويل مع المرض
وعلى فكرة سالت منك البصاص كذا مرة وحملتو أمانة السلام
نادية عثمان
بت الخالة
مشتاقين ياخ بضم القلب
حنين للبلد
(فيما يخص حنين الكثير)
والرؤيا خلابة
في فترة التوقف الإجباري قريت خيط عن المبدعين والمامبدعين في الحوش الظريف ده
لقيت الجماعة حاشرنك مع شلة الما مبدعين ..فضحكت ملء شدقي
يا زولة ماكي هوينة (على قولهم) فلازمن تكوني هنا وبقوة ...
وأنسى الكلام الماسخ داك
منى خوجلي
تحياتي الغوالي
وسعيد بمرورك والأمنيات
لك العافية
خواجات
يا حلبي يا شين
جاييكم بكرة ..
فول ما معانا
| |
|
|
|
|
|
|
|
|
|
Re: شوشتا (Re: الشفيع عوض شوشتا)
|
الطاهر عثمان
سلام يا صحبي
ياخ يمين بالله زعلت زعل شديد لمن سمعت انك مشيت البلد بعد رجوعي مباشرة
العزاء يا حبيب إني جاي السعودية عمرة مخصوص عشان اسلم عليكم (عمرة وسلام)
تحياتي للشباب كلهم بطرفك
ومالك محاربنا بي هناك
اميرة الشيخ
سلامات
انتي حاسة لكن انا بعرفك عديل كده
شفتي كيف ..؟؟
يا ستي ياخ انا سعيد ايما سعادة بكلامك الطيب ومرورك الخصب
وهاكـ الرابط :
لنا الله وأصدقاء ..
وسلامات كتير
Ishraga Mustafa
اوووووووه اشراقة
يا زولة يا نضرة
سلامات وأنتي دايما بتدينا أمل انو المكان ده لسه بخير
لك العافية
هيثم درار
عدنا يا حبيب
تسلم كتير ..
| |
|
|
|
|
|
|
|
|
|
Re: شوشتا (Re: noon)
|
noon
سلامات
في واحد لا اذكر اسمه قال (عندما تموت ولديك خمس اصدقاء ,,, فقد عشت حياة عظيمة)
لذلك الأصدقاء هم ملح الحياة
تحياتي
| |
|
|
|
|
|
|
|
|
|
Re: شوشتا (Re: خضر حسين خليل)
|
شوشتا يا صديق المسافات
ياخ و الله خستكة السنين
التلفون يوما قطع و اتقطعت بينا السبل مرةً اخرى
و رجعنا تاني انغمسنا في غربتنا الما هنتنا في مهاجر الله الواسعة دي و دروبها الودار
آسف والله على عدم تمكني من انجاز الوعد و دا كلو بسبب الازمة المالية العالمية الرابعة زي ما انت عارف
يعني واحد سفيه في امريكا يغرر بيهو سمسار شاطر لصالح مؤسسة مالية جشعة قيقراوي يدفع التمن بهنا ؟
بئس المعادلة المختلة . . . ما دا البخلينا نكورك : تحيا الثورة السودانية
يا حبة و الله سعيد بي شوفتك هنا و هناك و الشوفة جهرةً من غير حجاب ذات عيد ليس ببعيد
ليت الزمن يجود بمثلها و يكتر منها كمان . . . و منتظرنك في العاصمة المقدسة
يا شباب بالمرة كدا ما تشوفوا الزول الجميل الاسمو خالد ماسا دا خبروا شنو ؟ و تجيبوه راجع
هو لسة يا شوشتا الزوايا بتوجعوا ؟
| |
|
|
|
|
|
|
|
|
|
Re: شوشتا (Re: قيقراوي)
|
قيقراوي صحبي الجميل
مثلما كنت سعيداً بمعرفتك انا مدين لذلك النهار البهيج وانا اذ التقيك فيه
لتمنحنى بهارا وفرحا طازجاً كاجمل ما يكون الفرح وقلبك البكر ..
وأترقبني كما جا في الوعد ..
ماسا يا قيقراوي الايامات دي في قمة سعادتو حيث ان المدعو - معروف حمدين بجواره وأخيراً
وليد الحسين (العريس) ... اخر عهدي بهم متجولين في شوارع الخرطوم ..
تحياتي
| |
|
|
|
|
|
|
|
|
|
Re: شوشتا (Re: خضر حسين خليل)
|
Quote: ماسا يا قيقراوي الايامات دي في قمة سعادتو حيث ان المدعو - معروف حمدين بجواره وأخيراً
وليد الحسين (العريس) ... اخر عهدي بهم متجولين في شوارع الخرطوم .. |
ياخ دي لمة سمحة
بختهم
ذكرتني موضوع " العريس " كان لميس بت شادية قالت لي انو معاهم
لكن باقي ليك بعرّس ؟
يازول دا وجع زوايا ساي
ماسا زول جميل جداً ياخ . . . في سخوة زمن قضينا نهارين سعيدات جداً بصحبتو . . .
فكان كما الرهان عليه دائمأ . . . زول حارة و وراجل فهمان
اهو اكتوبر و عدى بسلام . . . عاوزين نشوفوا من جديد
| |
|
|
|
|
|
|
| |
خضر حسين خليل
Emad Abdulla
معاذ حسن
محمد عبد الماجد الصايم
GamarBoBa
NGABY AJOOZ
حسين محي الدين
عصام الجيلي
هند محمد
وليد محمد المبارك
Muna Khugali
الطاهر عثمان
Ishraga Mustafa
هيثم درار
Yassir Tayfour
noon
قيقراوي
فيصل محمد خليل
فيس بوك
تويتر
انستقرام
يوتيوب
بنتيريست