دعواتكم لزميلنا المفكر د.الباقر العفيف بالشفاء العاجل
|
|
 حزب الزهاجة ! يعلن عن فتح باب العضوية !
|
طبعاً
لا يخفي علي الجميع انو السودان ومنذ نيل استقلاله لم ينعم شعبه بالأمن والخير والسلام وانطلاقاً من مسؤليتنا التاريخية ورفضنا لمجمل ما يدور في الساحة السودانية قررنا نحن الموقعون أدناه تكوين حزب ( الزهاجة) يضم الحزب في عضويته المبدعين والغير مبدعين الدينين واللا دينين المثقفين وبتاعين الورنيش والعمال والجنود والضباط الزهجانين والمزارعين والموظفين والموظفات وبتاعين الطبالي وكل شرائح المجتمع ،
ونحن في حزب الزهاجة يسرنا بكل تأكيد طرح برنامجنا الذي نراهن انه سينال رضاء الكثيرين من ابناء وبنات شعب السودان !
يتخذ الحزب من الزهج والاحباط منهجاً له في قراءة الواقع ومن ثم في استخلاص الدروس والعبر ! سيعمل الحزب خلال الفترة القادمة لتدشين موقعه علي السايبر لايصال صوته لاكبر شريحة ممكنة من ابناء وبنات شعبنا الزهجانين والزهجانات !
شروط العضوية :
1/ عدم التفاؤل علي الاطلاق
2/ الدبرسة والقرف والاحباط
بمعني ان يكون المتقدم لطلب العضوية يعاني من الدبرسة والقرف والاحباط
3/ عدم الادانة في أي جريمة تخص الفرح والتفاؤل
4/ الدفاع عن منابر الحزب ومكتسباته وتمرير اجندته الزهجية بكل الوسائل المتاحة
الدستور :
للحزب دستور واحد لا علاقة له بدستور اولاد ماما ولا بأي دستور من الدساتير المعمولة بها في الاحزاب الاخري .
كما انه يحق لعضو الحزب الترشح والترشيح لاعلي المستويات والهياكل الحزبية
ويجوز لعضوية الحزب بالخارج خلق الكيانات المناسبة والهياكل الادارية التي تتماشي وواقعهم المزري !
أخيراً :
ننوه أن الحزب لا يعتمد من الوصول للسلطة طريقاً لايصال برنامجه لأنو الفلم دة (دخلناهو كتير) انقلاب ديمقراطية انقلاب
لذا نعلن اننا لا رغبة لنا علي الاطلاق في استلام مقاليد السلطة ولو لثانية لأنو بي صراحة نحنا ما فاضين نحكم الناس ! وبي صراحة كدة عايزين نتفرغ لي زهجنا وإحباطنا دة ! بالرغم من قناعتنا انو مفروض (يدونا جكة في القصة دي) لكن خلوها علي الله !
ـــــــــــــــ
ملحوظة :
طبعاً حيكون أول مؤتمر لينا المؤتمر العاشر ! يعني حنبدأ بالمؤتمر العاشر عشان نكون سابقين كل المنظومات السياسية
ومنظمات المجتمع المدني !
|
|
 
|
|
|
|
|
|
|
|
Re: حزب الزهاجة ! يعلن عن فتح باب العضوية ! (Re: SHIBKA)
|
| Quote: عضوية دائمة لو سمحت |
ِشبكة
ازيك
ما في حاجة اسمها عضوية دايمة (الدايم عندنا وجه الله بس)
بكرة بعد بكرة تقومي تفرحي وتخلينا في السهلة
اقري الشروط زي الناس وبعد داك نشوف حكاية العضوية الدايمة دي
مبدئياً نحنا بنرحب بيكي كأول عنصر نسائي في السايبر
امسكي لينا القطاع النسائي بالله لحدي المؤتمر العاشر
| |
|
|
|
|
|
|
|
|
|
Re: حزب الزهاجة ! يعلن عن فتح باب العضوية ! (Re: SHIBKA)
|
والله يا شبكة
انتي بصراحة زهجتيني الله واحد
ياخ ستين مرة قلنا ليكي اكتبي مداخلتك تحت
ماعندنا لا نظر لا اخلاق نفتش مداخلاتكم دي
كرهتونا الاسافير زاتو
ـــــــــــ
جدعة اليد دي قدر ما اتخيلتها فشلت
عايزين ايكون بتاعت جدعة يد يابكري
| |
|
|
|
|
|
|
|
|
|
Re: حزب الزهاجة ! يعلن عن فتح باب العضوية ! (Re: GamarBoBa)
|
| Quote: الحزب ده إتاخر في تكوينه |
والله ياقمر
نحنا لينا فترة عايزين نعلن عن روحنا لكن كل مرة كنا بنقول خلاص (فرجت)
المهم هسي بحمد الله وتوفيقه امنا واقتنعنا انو مافي اي فرجت ولا اي حاجة
وبننتقد نفسنا لقراءتنا الخاطئة للواقع المزري !
بالمناسبة انت حتكون من القيادات التاريخية للحزب
| |
|
|
|
|
|
|
|
|
 Re: حزب الزهاجة ! يعلن عن فتح باب العضوية ! (Re: Amira Elsheikh)
|
| Quote: غايتو انا عايزة اكون السيدة الاولى |
دي مافي طريقة ليها
اولا لازم تتزوجي ( السيد الاول)
اللي هو رئيس الجمهورية
ودي ما حتجي لانه الحزب ده ما حيستلم السلطة حتى لو
ادوها ليهو ( هاك السلطة دي ) .
لذلك شوفي يمكن تبقي السيدة العاشرة لانه المؤتمر العاشر هو الجايي !!!
سلام خدر والمتداخلين /ات
| |
|
|
|
|
|
|
|
|
|
Re: حزب الزهاجة ! يعلن عن فتح باب العضوية ! (Re: emad altaib)
|
Quote: ياخوي الخلفية الفكرية مهمة جداً عندي (لحزب الزهاجة), ما عدتو أثق فيها إلا بعد
القرأة المتأنية لها وتفكيك حورفها وسطوره وحركاتها وسكونها في الاول
|
ياعماد
ازيك ياخ
شوف نحنا ماعندنا اي خلفية ولا قدامية فكرية غير الزهج
ناس زهجانين من كلو ! عايز تزهج معانا تعال طوالي
بنرحب بيك بزهج منقطع النظير !
القراية بتاعتك لازم تكون سوداء للغاية
يعني تفتوفة أمل ما يكون في روحك
قمة زهجي لك ياعماد
| |
|
|
|
|
|
|
|
|
|
Re: حزب الزهاجة ! يعلن عن فتح باب العضوية ! (Re: emad altaib)
|
العضوية الفخرية
مفروض تدوها لي
الفنان المسرحي
سيد عبدالله صوصل
لانو كان عندوشجرة الزهاجة
ودي كانت اشهر شجرة تقع امام مطبعة وزارة الثقافة في الجزء الجنوبي من الإذاعة مجاورة لدار الفنون الشعبية بام درمان
كان كل ممثل ولا فنان وهو في طريقه الى الإذاعة او التلفزيون او المسرح
بياخد ليهو تكلة في شجرة الزهاجة فتجد الشجرة بها ركن لمغني منتظر يفدم نفسو لنجوم الغد
وشاعر زهجان من لجنة النصوص
وممثل حردان وناس ضاربة الفلس وازهجه وصل الحد
اي عضو في شجرة الزهاجة عضو عندكم
ايه رايك ؟؟
| |
|
|
|
|
|
|
|
|
|
Re: حزب الزهاجة ! يعلن عن فتح باب العضوية ! (Re: محمد سنى دفع الله)
|
Quote: العضوية الفخرية
مفروض تدوها لي
الفنان المسرحي
سيد عبدالله صوصل
لانو كان عندوشجرة الزهاجة
ودي كانت اشهر شجرة تقع امام مطبعة وزارة الثقافة في الجزء الجنوبي من الإذاعة مجاورة لدار الفنون الشعبية بام درمان
كان كل ممثل ولا فنان وهو في طريقه الى الإذاعة او التلفزيون او المسرح
بياخد ليهو تكلة في شجرة الزهاجة فتجد الشجرة بها ركن لمغني منتظر يفدم نفسو لنجوم الغد
وشاعر زهجان من لجنة النصوص
وممثل حردان وناس ضاربة الفلس وازهجه وصل الحد
اي عضو في شجرة الزهاجة عضو عندكم
|
والله يا السني وما طالبني حليفة ولا أي حاجة !
صوصل دة نحنا مقرين انو مؤسس وأب روحي للإسم بتاع حزبنا لكن الزول دة انتظرناه
كتير يطور لينا فكرتو دي لأنو بي صراحة في شرائح تانية ما بتمر من الشجرة ديك
لكن يبدوا انو صوصل (فرجت معاه) ويسرنا بكل تأكيد عضويته ورئاسته الفخرية
للحزب ومعاه كل الذين بايعوه تحت شجرة الزهاجة !
| |
|
|
|
|
|
|
|
|
|
Re: حزب الزهاجة ! يعلن عن فتح باب العضوية ! (Re: محمد عبد الماجد الصايم)
|
Quote: لكن يبدوا انو صوصل (فرجت معاه) ويسرنا بكل تأكيد عضويته ورئاسته الفخرية
للحزب ومعاه كل الذين بايعوه تحت شجرة الزهاجة |
فرجت وين يا خضر اسالنى انا كنت عضو اصيل فى شجرة الزهاجة
وطورت الفكرة واصبحت نادى الزهاجة العالمى ويضم كل شرائح الزهجانين
من الفانيين والمامبدعين والمارين بالشارع وناس كلية التقانة(الاهلية سابقا)
واربعة ستات شاى وجريدة حائطية وملصقات و جلسات استماع واحواض زهور
بس وحاتك مشينا نعيد جينا بعد كم يوم لقينا النادى محروس بدبابتين وعساكر
وماشابه ذلك..
تقول لى فرجت معاهو؟؟
| |
|
|
|
|
|
|
|
|
|
Re: حزب الزهاجة ! يعلن عن فتح باب العضوية ! (Re: Amira Elsheikh)
|
| Quote: فرجت وين يا خضر اسالنى انا كنت عضو اصيل فى شجرة الزهاجة |
الحمدلله يا أميرة انا والله اتخيلت صوصل امورو مشت ولا حاجة
بعدين يا أميرة هسي انتي رأيك شنو نرشحك تمسكي لينا
قطاع الخليج العربي !
انا عارف امكانياتك ممكن تخليكي سيدنا زهج عديل
وتشوفي لينا صلة عشان نقدر نتواصل مع سيد صوصل وبقية الزهاجة
القاعدين بهناك !
| |
|
|
|
|
|
|
|
|
|
Re: حزب الزهاجة ! يعلن عن فتح باب العضوية ! (Re: بهاء بكري)
|
| Quote: ياخدر ياخوي المؤتمر الحداشر ده اتاخر بعدبن ماتقولو انقساميين وحركات ذي دي . |
بهاء بكري
ازيك
والله غايتو انت التقول راسك دة عبارة عن (انقسام)
هسي انحنا بنتكلم في العاشر تقول لينا الحداشر اتأخر
زهجتني الله واحد
اخبارك شنو ياخ ؟
| |
|
|
|
|
|
|
|
|
|
Re: حزب الزهاجة ! يعلن عن فتح باب العضوية ! (Re: صلاح أبودية)
|
Quote: بعدين يا أميرة هسي انتي رأيك شنو نرشحك تمسكي لينا
قطاع الخليج العربي !
|
السعودية معاى؟؟؟
لا لا اعفينى ....
صعبتها على شدييييييييييد
لانو المنطقة دى تحديدا منطقة كوارث وانتشار الوباء فيها سريع ولايمكن
التعامل معاهو ... خصوصا انا عندى دبلوم بس
اذا عينت لى قمر بوبا مستشار خاص فى الحالة دى بوعدك بقبول المنصب غير كدا
التمرد بحصل
قال الخليج قال
| |
|
|
|
|
|
|
|
|
|
Re: حزب الزهاجة ! يعلن عن فتح باب العضوية ! (Re: HAIDER ALZAIN)
|
Quote: خضر حسين
يمكن سلام عليكم
ويمكن ما عاوزين كلام معاك ذاتو !!
زهجانيين
وقرفانيين
وما عندنا اخلاق ذااااااتو للاحزاب
ياخي سجلنا
ما تسجلنا
انت حر
ما عاوزين معاكم
|
الشهادة لله ياحيدر انت حالة مستعصية ياخينا
اي نعم نحنا زهجانين لكن ما قدر دة
انا لله
| |
|
|
|
|
|
|
|
|
|
Re: حزب الزهاجة ! يعلن عن فتح باب العضوية ! (Re: Amira Elsheikh)
|
علي الاتنين يا اميرة
يعني زول عنده صلعة وزهجان كيف يبقي مستشار لبت وعندها دبلوم بس ؟؟
وبعدين الزهج الفي حتاتكم دي ما داير ليه مستشار....ده داير له رب كريم يفرجها عليهم وعلينا.
في السعودية قالوا الابو سايق ولده الصغير في البطحاء
والبطحاء تغلي...اصدقاء يهمهموا طول النهار وسخانة الف
فجأه الشافع سأله يا انا من جيت السعودية ما شفت لي طيرة طايرة
الابو قال ليه ياخي في حاجة عندها جناح بتقعد هنا؟؟؟
| |
|
|
|
|
|
|
|
|
|
Re: حزب الزهاجة ! يعلن عن فتح باب العضوية ! (Re: خضر حسين خليل)
|
كل روح إكتئاب وفشل وإحباط، اعلن رفضه وأعلن أنك ستفرح انشاءالله في السنة الجديدة ولن ينزع أحد هذا الفرح منك. نعم، زمن حرية من الأحزان. فمن الصعب أن تعمل وتشجع آخرين وأنت حزين، لذا سيحررك العلى من كل أفكار كاذبة ويشفي أعماقك فتعيش حياه فيها فرح وسعاده . افرح مهما كانت الظروف لأن معك يوجد مساحه للفرح لا تغفل هذا الجانب ، ارى ان فى هذا الحزب نوع من الانهزام وانا لا اشجع الانضمام اليه ارفضوا هذا الحزب لانه مزيدا من الكائبه والحزن
| |
|
|
|
|
|
|
|
|
|
Re: حزب الزهاجة ! يعلن عن فتح باب العضوية ! (Re: برنابا تيموثاوس)
|
Quote: والله يا شبكة
انتي بصراحة زهجتيني الله واحد
ياخ ستين مرة قلنا ليكي اكتبي مداخلتك تحت
ماعندنا لا نظر لا اخلاق نفتش مداخلاتكم دي
كرهتونا الاسافير زاتو
ـــــــــــ
جدعة اليد دي قدر ما اتخيلتها فشلت
عايزين ايكون بتاعت جدعة يد يابكري |
يخوي انت زهجان خلقة ما ترمي زهجك فيني
المنبر عملوه كدا لسهولة الرد تجي تزهجنا وتقول لي اكتبي تحت
اها كتبت تحت
شوف المزهجك شنو تاني بعيد بعيد
جدعة اليد دي اساس الزهج ياخ
| |
|
|
|
|
|
|
|
|
|
Re: حزب الزهاجة ! يعلن عن فتح باب العضوية ! (Re: SHIBKA)
|
Quote: لكن ما تقعدي تتاضحكي لينا في البوست دة
|
خدر علماء ومشايخ السودان طلعو فتوى(فول)
البشير ما اسافر ..ما اضحك كيف ياخ ..
انت موش قالو ليك الطير لو لقيتو طالع من ديسكو
بكون شينو كده من شروع فى ذبحه !!
مااا تزهجنا زيادة ياخ
| |
|
|
|
|
|
|
|
|
|
Re: حزب الزهاجة ! يعلن عن فتح باب العضوية ! (Re: SHIBKA)
|
Quote: يخوي انت زهجان خلقة ما ترمي زهجك فيني
المنبر عملوه كدا لسهولة الرد تجي تزهجنا وتقول لي اكتبي تحت
اها كتبت تحت
شوف المزهجك شنو تاني بعيد بعيد
جدعة اليد دي اساس الزهج ياخ |
عارفة يا شبكة انتي بدون ما تقصدي خليتيني ارجع بي ذاكرتي لي
تاريخ الزهجة دي ، موش الدكاترة عندهم حاجة اسمها تاريخ المرض
أها انا شاكر ليكي لانو حأضيف برضو لطلب العضوية شرط اسمو
كتابة تاريخ الزهج يعني الواحد زهجان من متين يعني ؟
شخصياً أنا طولت والله زهجان
| |
|
|
|
|
|
|
|
|
|
Re: حزب الزهاجة ! يعلن عن فتح باب العضوية ! (Re: Amira Elsheikh)
|
اميرةً
أنا بقترح انو يكون عندنا نشيد علم وبقترح طوالي الكلمات ادناه
اي ده الزهج دة الزهج
نحن من قمنا زهجانين
ورمدانيين ومتضايقين
ترااا رم رم لرم
ايوة بنزهج من حقنا ياخ
ليه ما نزهج
نحنا بنزهج
موش علي كيفنا
نرااا رم رم لرم
زهجانين والزهجة طينة
وعرقي العيش سواها فينا
ترا رم رم لرم
ياما زهجنا ياما قرفنا
وياما حنزهج وياما وياما
| |
|
|
|
|
|
|
|
|
|
Re: حزب الزهاجة ! يعلن عن فتح باب العضوية ! (Re: برنابا تيموثاوس)
|
| Quote: كل روح إكتئاب وفشل وإحباط، اعلن رفضه وأعلن أنك ستفرح انشاءالله في السنة الجديدة ولن ينزع أحد هذا الفرح منك. نعم، زمن حرية من الأحزان. فمن الصعب أن تعمل وتشجع آخرين وأنت حزين، لذا سيحررك العلى من كل أفكار كاذبة ويشفي أعماقك فتعيش حياه فيها فرح وسعاده . افرح مهما كانت الظروف لأن معك يوجد مساحه للفرح لا تغفل هذا الجانب ، ارى ان فى هذا الحزب نوع من الانهزام وانا لا اشجع الانضمام اليه ارفضوا هذا الحزب لانه مزيدا من الكائبه والحزن |
شنو يا برنابا ياخ
شنو ياخ شابكنا ارفضو هذا الحزب يعني بس بقت علي حزبنا دة
والله يا برنابا أنا مضطر ارسل ليك واحد من اعضاء حزبنا
بالخرطوم عشان يقعد معاك وتبارك لينا الشغلة دي
ـــــــــــ
حأرسل ليك فينست يا برنابا
| |
|
|
|
|
|
|
|
|
|
Re: حزب الزهاجة ! يعلن عن فتح باب العضوية ! (Re: Elsanosi Badr)
|
Quote: نائب الامين العام لحزب الشحاتين...
|
بما انك من جمهورية اشحازيا يا السنوسي لم لينا ود الصايم دة ياخ
بعدين نحنا اساساً مانازلين ولا طالعين انتخابات ولا مظاهرات
نحنا بس زهجانين ساكت
حنتكل قبلنا
والرهيفة تنقد
نحنا قافلين بس علي يوم القيامة !
عضوية مسارقة ماعندنا تعال لينا بالدرب ياخ
| |
|
|
|
|
|
|
|
|
|
Re: حزب الزهاجة ! يعلن عن فتح باب العضوية ! (Re: Elsanosi Badr)
|
Quote: نائب الامين العام لحزب الشحاتين...
|
بما انك من جمهورية اشحازيا يا السنوسي لم لينا ود الصايم دة ياخ
بعدين نحنا اساساً مانازلين ولا طالعين انتخابات ولا مظاهرات
نحنا بس زهجانين ساكت
حنتكل قبلنا
والرهيفة تنقد
نحنا قافلين بس علي يوم القيامة !
عضوية مسارقة ماعندنا تعال لينا بالدرب ياخ
| |
|
|
|
|
|
|
|
|
|
Re: حزب الزهاجة ! يعلن عن فتح باب العضوية ! (Re: خضر حسين خليل)
|
سجّل عندك يا سيد ..
بقلم الكوبيا سجل .. و كبّر لينا الخط شوية بالله .. بلا حركات تِقِرض معاكم .
ما عندك .. ؟
شوف ليك فلوماستر غليد ..
بالفحمة مثلا .. برضو شغال .. تعال قول فحم مافي كمان ..
بالعدم .. سجل بصباعك ياخ ..
بالإشارة سجل ..
بأي نصيبة سجل و خلصنا .
وللا أقول ليك .. ما داير زاتو .
بلا فقر معاك .
| |
|
|
|
|
|
|
|
|
|
Re: حزب الزهاجة ! يعلن عن فتح باب العضوية ! (Re: Emad Abdulla)
|
والله دي قصة لكن
هسي ياخينا الحزب دة كلو تحت تحت أنا عاملو للتضامن معاك
في قرفتك التاريخية تجي تقول ما داير معاك
بالغت ياعماد
بعدين يعني انت حتلقي حزب زي دة وين
لايمن في يمين لا يسار في يسار
حزب قايم علي الزهج والاحباط والاكتئاب وكل ما من شأنه
يعني انت مفروض تبارك الخطوة دي
وتحاول تشوف لينا عضوية كمان
قال ماداير قال
قوم لف كدة ولا كدة زهجتني يشهد الله
| |
|
|
|
|
|
|
|
|
|
Re: حزب الزهاجة ! يعلن عن فتح باب العضوية ! (Re: نصار)
|
Quote: يا خضر و قاعدته الجماهيرية
حزبكم دا راس ماله زول يحكي ليكم نكته
تتفترتك كل ثوابته و لو الي حين |
والله يانصار موش نكتة كان لمو لينا
كوميديين العالم كلو ما يطلعو مننا ابتسامة
نحنا واثقين في عضويتنا
وثوابتنا وواثقين اكتر في احباطنا وزهجنا
كفاية ضحك ياخ
زهجنا زاتو من الضحك
| |
|
|
|
|
|
|
|
|
 Re: حزب الزهاجة ! يعلن عن فتح باب العضوية ! (Re: خضر حسين خليل)
|
اووووووووووووووف زهجان وقرفان
من عمايلكم زهجتونا لمن طلعت الروح
ياخي انا عملت فرع للحزب بجاي
وجمعت جميع الزهاجه المغربين مش المغتربين
ومن الزهج الروح وصلت النخره
فما تجننونا وتزهجونا اكتر من الزهج زاتو
وصلت العضوية 1200 زهجان مغرب والبقية تاتي
مش من فراغ من زهج
| |
|
|
|
|
|
|
|
|
|
Re: زهجانة منكم (Re: هويدا شرف الدين)
|
يا هويدا انا كنت مرقت
لكن جابتني زهجتك دي
هسي عايز اقول ليكي انتي ما تتزهجي فينا
انتي ازهجي معانا بس
اديناك العضوية يا هويدا
يتربي في زهجك
| |
|
|
|
|
|
|
|
|
|
Re: زهجانة منكم (Re: هويدا شرف الدين)
|
زهجانين والليل طال علينا
عنها ما صبحت زاتو
زهجا ما زهجك جر فوقو الشوك
قال زهج قال
ياخ امس القريبة دى كنت دايرة انتحر
زهجت منى ومن خلقتى
زهجت من غربتى ووحشتى
لكن السنى حمانى هو قال قافلة معاهو
قلت ليهو مش قافلة معاى وصلت حد الانتحار
قال لى الايمان
قلت ليهو ايمان محمد الحسن؟
قال زهجان قال
زهجتونا زاتو
قومو الى زهجكم يرحمكم الله
وقدر ما تزهجو كلمونا عشان نرفع معدلات زهجنا
زهج مع الريح
| |
|
|
|
|
|
|
| |
خضر حسين خليل
GamarBoBa
SHIBKA
محمد سنى دفع الله
emad altaib
مزن ابوعبيدة النيل
Mohamed Idris
محمد عبد الماجد الصايم
ريهان الريح الشاذلي
بهاء بكري
صلاح أبودية
الرفاعي عبدالعاطي حجر
HAIDER ALZAIN
وليد محمد المبارك
elfadl abdellatif
Elsanosi Badr
عليش
Emad Abdulla
نصار
هويدا شرف الدين
سلمى الشيخ سلامة
فيس بوك
تويتر
انستقرام
يوتيوب
بنتيريست