|
|
|
 Re: تكريم ... وتقيم لبعض الكتاب هنا ( هذا البوست بالتنسيق مع أميرة الشيخ) (Re: خضر حسين خليل)
|
انا سعيد بس مش أوي لوجودي في القائمة رقم 4
وتمامآ في وسطها كواسطة العقد
فوقنا 5
وتحتنا 5
الخمسة الفوقنا فيهم دامتين ، وديل على العين والرأس
ايمان احمد و أماني الجندرية
وصدقي كبلو من كبارنا وماقلنا شيء
وكمال عباس صاحب أصحابي ، فهو صاحبي
وحيدر قاسم وجودك معاهو في أي حتة بيشرف
ومحمد المرتضى حامد استاذنا
اما الجماعة التحتنا
فبنقول ليهم العين ما بتعلا على الحاجب
أما بشأن :
Quote: 6/ أبو ساندرا كان خلي (حركات الديامة)
|
أنت قصدك حركات حق ، لكن خانك التعبير
أو ماعايزنا نكشفك
لكن { كفشناك يا نيومن }
قال حركات ديامة قال
لا حطب قيامة كمان
| |
 
|
|
|
|
|
|
|
|
Re: تكريم ... وتقيم لبعض الكتاب هنا ( هذا البوست بالتنسيق مع أميرة الشيخ) (Re: سيف النصر محي الدين محمد أحمد)
|
العزيز خضر ..
التحية لك أولا صاحب الفكرة .. ولي العمالقة اللي جمعتهم ...
Quote: طيب
البند (2) :
الذين سيرد أسمائهم تحت هذا البند وتقديراً لما ظلو يقدموه من إبداع في شتي ضروب الأدب وتقديراً للجهد الذي تبذلوه من أجل واقع سوداني جميل ومريح يشرفني أن أقدم لكم هذه الشهادة :
1/ عثمان محمد صالح ( وهو أديب جميل وصاحب مساهمات ثرة وموضوعية غادر المنبر دون رجعة له تحياتنا ويتسلم الجائزة بدلاً عنه من يأنس في نفسه الكفاءة)
2/ بشري الفاضل
3/ فضيلي جماع
4/ المشاء
5/ زوربا
6/ عبد الحميد البرنس
7/ محسن خالد
8/ عماد برااكا (عن روايه عطر نسائي)
9/ عماد عبد الله
10/ جلال أحمد داؤود
11/ أبكر آدم إسماعيل علي الرغم (من قلة مشاركاته)
12/ إشراقة مصطفي حامد
13/ يحي فضل الله
14/ كل من يأنس /ت في نفسه/ها الكفاءة
الأغنية المصاحبة أثناء إستلام هؤلاء لتسلم شهاداتهم :
( حنوصل الشمس البعيدة ونبقي عيدا ) ألحان وأداء مصطفي سيد أحمد طيب الله ثراه
|
1 - خطاب حسن احمد
2 - كمال علي الزين
3 - أسامة الخواض (بالرغم من اقلاله بس على الأقل عشان قامة الوردة الكوكبية)
بعدين ماشايف رافت ميلاد أكثر المتداخلين موضوعية في كل البوستات "دا ممكن تختو بند"
والباقي ببصم معاك فيهو
لي قدام ..
| |
|
|
|
|
|
|
|
|
|
Re: تكريم ... وتقيم لبعض الكتاب هنا ( هذا البوست بالتنسيق مع أميرة الشيخ) (Re: خضر حسين خليل)
|
برفسور معز بخيت.
الدكتور محمد يوسف ابوحريرا.
الدكتورة بيان.
الدكتور نزار عثمان.
الدكتورة مهيرة.
دكتور حيدر بدوي صادق
دكتور شهاب.
دكتور بكري الصايغ.
الدكتور ابو القاسم قور.
الاستاذ محمد السني دفع الله.
الاستاذة تماضر.
الباشمنهدس ابوبكر.
الطيب شيقوق.
الشاعر منصور المفتاح.
الاستاذ عصام عبدالحفيظ
الاستاذ معروف سند.
الاستاذ نصار.
الاستاذ عقيد.
الشيخ الطقي.
كمال فرانكلي.
سهير ابو دية (القلب النابض).
دوت مجاك
برير اسماعيل
الاستاذ المخضرم مصطفي سري
واخروووووون
| |
|
|
|
|
|
|
|
|
|
Re: تكريم ... وتقيم لبعض الكتاب هنا ( هذا البوست بالتنسيق مع أميرة الشيخ) (Re: خضر حسين خليل)
|
الاستاذة رجاء العباسي.
الشاعر عبدالاله زمراوي.
الاستاذة حليمة محمد عبدالرحمن.
الاستاذة عواطف ادريس.
الاستاذة خالدة البدوي.
الاستاذ اسامة خلف الله.
الاستاذ حمزة سليمان.
الاستاذ ابوجهينة.
الاستاذ بكري الجاك.
الفيلسوف عجب الفيا.
الصحفي اسعد الريفي.
استاذنا الباقر موسي.
استاذ كبر.
الباشمهندس بريمة.
الاستاذ محمدين اسحاق.
الاستاذة عائشة المبارك(عائشة بت فاطنة).
الاستاذة دومه (حكيمة حكماء المنبر).
واخروووون
| |
|
|
|
|
|
|
|
|
|
Re: تكريم ... وتقيم لبعض الكتاب هنا ( هذا البوست بالتنسيق مع أميرة الشيخ) (Re: خضر حسين خليل)
|
جميعكم
(طبعاً جميعكم لايشمل كل من ورد إسمه في البند 8)
تحياتي الحارة :
أحي مقترحاتكم جميعاً وأود أن أضيف أني في نهاية البوست كتبت بأن هناك لست في الطريق
لكن ملاسي كعادته حاول أن يصطاد (فطار الحمام)
يهمني أن أذكر هنا أن التعديلين أعلاهم لم يكونا علي إلاطلاق لإضافة أسماء
والكلام ليك ياطارق ياخ فإسمك في القلب ياود جبريل .
حول الأستاذة تماضر شيخ الدين أعتقد أن إسمها سقط سهواً ليس إلا لها من اللجنة العزر كله
وكذا الحال مع العديدين من الأعضاء المحترمين هنا .
وأعتقد أنا خضر مثلاً أن الجميع هنا قاماتهم قامات تكريم وإشادة عدا أؤلئك الذين يصرون
علي أن يأتو شعبنا بقلب غير سليم وفي مقدمتهم (حضرتو ملاسي)
واللست جاية الشفقة تطير
خضر
| |
|
|
|
|
|
|
|
|
|
Re: تكريم ... وتقيم لبعض الكتاب هنا ( هذا البوست بالتنسيق مع أميرة الشيخ) (Re: Muna Khugali)
|
Quote: 5/على محمد علي بشير
|
الاخ خضر
اصاله عن نفسى
ونيابه عن اخوانى المحتفى بهم فى الفقره الرياضيه
اشكرك جزيل الشكر على هذا التكريم
واخجلتم تواضعنا
Quote: الأغنية المصاحبة أثناء التكريم :
غناء طه سليمان (شوفو كورتنا ياعوض دكام شينة كورتنا ياعوض دكام الخمسة ماركتنا ياعوض دكام شوفو ناس كايرو وشوفو ناس بيكهام ) مع دعواتنا أن يلزمهم الله الصبر والسلوان في دربهم الطويل .
|
هنا نقدم احتجاجنا وبالصوت العالى على الاغنيه المصاحبه
ونتمنى ان يتم تعديلها باغنية
بالطول بالعرض سودانا يهز الارض للفنان عبد الوهاب الصادق
| |
|
|
|
|
|
|
|
|
|
Re: تكريم ... وتقيم لبعض الكتاب هنا ( هذا البوست بالتنسيق مع أميرة الشيخ) (Re: خضر حسين خليل)
|
عليك يا خضر أنت واميره الاتيان مايثبت انني في حالة تبادل كروي ( ياريتكم تختوا الكوره واطه)وهو هنا بفهمي المداخلات المزعجه او الصراع او توتير الأجواء مع أي انسان دعك يكون المثال المذكور..
عليكم الآن ان تثبتوا رغم كل الشتائم والأهانات التي تعرضت لها أنني وقفت لأشتم أو أرد بشتائم!
مثل كتاباتكم هذه تجعلني وربما غيري نشعر بالغضب وسخف الوجود هنا!
أن اثبتوا ما ..وأتيتم هنا بكلام مكتوب يوضح اني قد دخلت في شجار أو مشاحنات فانني أعتذر لكما
هنا!
وشكرا..
| |
|
|
|
|
|
|
|
|
|
Re: تكريم ... وتقيم لبعض الكتاب هنا ( هذا البوست بالتنسيق مع أميرة الشيخ) (Re: خضر حسين خليل)
|
العزيز خضر
احيك و المنسقة اميرة علي هذه البادرة الكريمة و الذكية.. لشي في طبعنا و قسوة الطبيعة و سوء الحال و ظلم الحكام نحنا اقرب للنقد و الاحتداد في الخلاف منا للمدح و ذكر محاسن -احياءنا-.. عبر فضاء الانترنت تخلصنا من كثير حرج في ان حتي نتغزل في ازاجنا و زوجاتنا.. من كان يتصور ذلك??!!.. فسح مجال في الخطاب لمفردات حميمة كنا نهاب ذكرها الا بترديد ما جاء منها في الاغاني و بلحنها لعدم استعدادنا لتبنيها و امكانية التنصل منها اذا حدق فينا المجتمع الذي هو فاعل لا محالة.. فدا كلام ناس مرقوا للربا و التلاف ناس مطاليق ساكت يتواطئ المجتمع مع سفورهم دون تقرير.. شكرا
و الشكر و الامتنان للعزيز للعزيز الدقم ان علمت لي مكانا في خاطره و ذهنه و وجدانه العامر..
| |
|
|
|
|
|
|
|
|
|
Re: تكريم ... وتقيم لبعض الكتاب هنا ( هذا البوست بالتنسيق مع أميرة الشيخ) (Re: Hussein Mallasi)
|
العزيز خضر ..
قبل كل شي أحييك على التكريم الجميل لمجموعة رائعة من المبدعين الاسفيريين الحاملين لهم الوطن أينما حلت بهم الرحال.
الملاحظ أن لا أحد من المتداخلين اختلف على أي من المكرمين، والواضح أن الفكرة الرئيسية هي التكريم والاشادة، أكثر مما هي عملية حصر دقيقة لكل المبدعين.
لاحظت أيضا الاشارة الواضحة منك بأن التصنيف قمت به أنت والزميلة أميرة. في محاولة للتكريم ورد الجميل لي بعض ممن كانت لهم المساهمة الفاعلة في المنبر "ولاحظت انو كرمت المبدعين وبشتنت المبهدلين .. على مسؤليتك"
فكرة رائعة تستحق الوقوف عندها، وتطويرها ..
________
مقترح:
لما لا تكون انت والأخت أميرة ومجموعة من المبدعين الموجودين بتكوين لجنة تقوم بالتكريم بشكل دوري "شهري مثلا" ويتم تكريم لشخص واحد او أكثر "اتنين تلاتة بالكتير" في كل بند من البنود اللى ذكرتها.
بالنسبة لهذه لجنة أثق في اختيارك لمجوعة من المحايدين والمشهود لهم بالكفاءة. وأعتقد أن الكثيرين من المبدعين يثقوا في تكوينك لهذه اللجنة
"الجواب واضح من عنوانو" ابصم بالعشرة على أنك ذكرت أسماء لها وقع محبب عند الكثيرين.
بالنسبة للظلاميين ممكن يعملوا جائزة خاصة بيهم ويختونا
_________
مقترح : أرهاب اكاديمي أو سوبرضلمة على سبيل المثال لا الحصر.
| |
|
|
|
|
|
|
|
|
 Re: تكريم ... وتقيم لبعض الكتاب هنا ( هذا البوست بالتنسيق مع أميرة الشيخ) (Re: خضر حسين خليل)
|
يا خضر
شكرا على خاطرك الطيب
Quote:
طيب :
البند (4) :
الكتاب والكاتبات الآتية أسماءهم وتقديراً وعرفاناً منا لكتاباتهم الموضوعية نقدم لهم هذه الشهادة : وهم :
1/ صدقي كبلو
1/ كمال عباس
2/ حيدر قاسم
3/ محمد المرتضي حامد
4/ إيمان أحمد
5/ أماني الجندرية
6/ أبو ساندرا كان خلي (حركات الديامة)
7/ صلاح عبد الله (عم شنبو)
8/ ندي علي
10/ سوداني عجوز (العم آرنست)
11/ الرفاعي عبد العاطي حجر
12/ سيف النصر محي الدين محمد أحمد
13/ خالد عويس
(تصفيق وإنحناءة لكم ) |
يا اخوي ربنا يعلي هامتك
ربما يرى البعض كلامك من قبيل المجاملة.............
...........................
.........................
......................
المهم يا صديقي، في خضم الحاصل في دنيتنا السودانية دي، هل هناك جدوى؟! هل يهز الحجر الذي يرميه هذا أو تلك المياه يا خضر؟!
هل ستورق الأرض يوماً؟!
أرجو ألا يطول البوار
تسلم
إيمان
| |
|
|
|
|
|
|
|
|
|
Re: تكريم ... وتقيم لبعض الكتاب هنا ( هذا البوست بالتنسيق مع أميرة الشيخ) (Re: إيمان أحمد)
|
الاخ الفاضل خضر و الاخت اميره الشيخ
سلامات
واستغربت ان قوائمكم هذه تخلوا من اقلام مثل آمنه مختار
ومحمد سليمان ودينق و الباقر موسى وعمر علي ومرتضى جعفر وتماضر شيخ الدين !!!
اما هذه المحنه فهي لي شتيمه بحق
فانا لست بكاتبه ولولا قصور الكتاب هنا عن تناول قضايا جوهريه لما وجدتموني هنا.
فاستغرب ان تضعوني مع من اعتبرهم فرغوا هذا المنبر من محتواه مثل هذه الاستاذه:Quote:
عليك يا خضر أنت واميره الاتيان مايثبت انني في حالة تبادل كروي ( ياريتكم تختوا الكوره واطه)وهو هنا بفهمي المداخلات المزعجه او الصراع او توتير الأجواء مع أي انسان دعك يكون المثال المذكور..
عليكم الآن ان تثبتوا رغم كل الشتائم والأهانات التي تعرضت لها أنني وقفت لأشتم أو أرد بشتائم!
مثل كتاباتكم هذه تجعلني وربما غيري نشعر بالغضب وسخف الوجود هنا!
أن اثبتوا ما ..وأتيتم هنا بكلام مكتوب يوضح اني قد دخلت في شجار أو مشاحنات فانني أعتذر لكما
هنا!
ومعليش يا خضر واميره ولكن تستاهلوا عشان تدخلوا انفسكم في مثل هذه الحتت الضيقه.
وشكرا.. |
اما اكاذيبها اعلاه فانا مستعدة لاحضار بدل الكوت عشرة لمطاعناتها وغمزها ولمزها.
ولعلمك سا استاذة ما تفتكري نفسك ذكيه و الكل يعرف معاركك هنا وعصاباتك هنا وكورس الشيالين
لاغاني السيرة خاصتك.
ويكفي ما سمعتيه بغرف البالتوك عندما سالتي عن حروبك مع تراجي مصطفى وآمنه مختار
والحمد لله جائتك الشهادة من قراء لا نعرفهم,فخلينا من الادعاء بانك الحمل الوديع
وانت من يخوض اوسخ الرحوب هنا,ولماذا يا ترى؟؟لكه لان المحور ذاتك ولا شيئ آخر
نحن المحور عندنا القضايا التي نقيف لاجلها وليس ذواتنا.
قال شتيمه!!
عايزة تشتمي بشنو بعد الادعاء بانك واختك بنات الاصول الوحيدات هنا؟؟؟؟
| |
|
|
|
|
|
|
|
|
|
Re: تكريم ... وتقيم لبعض الكتاب هنا ( هذا البوست بالتنسيق مع أميرة الشيخ) (Re: خضر حسين خليل)
|
العزيزة مني عوض خوجلي :
تحياتي الحارة وشكراً للتوضيح
بداية عزيزتي مني أرجو منك أن تقرئي جيداً ما كتبته فيما يخصك أنت والعزيزة تراجي مصطفي حيث لم يرد هنا علي الإطلاق أي مفردة لها علاقة بالشتم ... وكل ما طلبته هنا كان لتهدئة النفوس ليس إلا . قصدت من خلال وجودكما في ترتيب مشترك أن أعود بكليكما لطبيعة ما يشرككما ، لاطبيعة ما يفرقكما .
أنت مني عوض خوجلي تشرفت للأمانة بمعرفتك ولازلت كذلك وسعدت أيضاً بلقائك في الخرطوم وللأمانة وطيلة وجودي هنا لم أقرأ لك سوي كل ماهو جميل . وكذا
لا شك لدي علي الإطلاق في كم الظلم الذي وقع عليك وعلي أسرتك بل تجديني متعاطفاً معك وأنتم الذين فقدتم شقيقكم من أجل وطن نصبو له جميعاً .
طيب :
القصد يامني ( بتخطو الكورة واطة) ليس علي الإطلاق وكما تبادر لزهنك بل ببساطة هو أن نحاول جميعنا الرجوع لأصل الإشكال لطبيعة الصراع .... ويقيني أن صراعكما ليس بالصراع المبدئي بل ثانوي مع إحترامي لشخصيكما فصراعكما المبدئي مع سلطة تقهر وتعذب وتقتل وتشرد وتعتقل في جموع الشعب السوداني ومؤخراً ( الذين يحتمون بشعبنا من ظلم حكوماتهم ) والتي لاتقل فاشيةً عن نظام الخرطوم .
حقك يا عزيزتي مني مكفول تماماً كحقي في تحديد أولويات الصراع . أنا أري ببساطة أن واجب الساعة ليس هو تحديد وفي المقابل أري أننا جميعنا متواطئون مع نظام الخرطوم بهروبنا وتقاعسنا وتشتيتنا (للكرة) مطالبون نحن ياعزيزتي منا (كلنا) بالرجوع والنهش في سيرة الأمويون الجدد والسارقين لقوت شعبنا . (موش قلت ليك يامني جميعنا مذنبون ) وأنا يا مني أول المتقاعسين والمتفرجين والمنتظرين (ساي) لما سيأتي (شفتي القرف الجوانا بقي عامل كيف يامني) . أقرأ هنا كثير شكلات وكثير حوارات وكثير تفاصيل سمجة وأمر من خلال كل ذلك متأبطاً الصبر الجميل . بكون في كثير من تفاصيل المنبر دة (ماعندي رأي) وذلك ليس لأنو العبد الفقير ماعندو رأي وبس لالا علي الإطلاق يامني بكون عامل كدة لأنو قرفت ياستي من أجواء المنبر والكتاحة القايمة كل يومين قرفت يامني من بعض الذين يتظارفون ويتحايلون ويتـلولوون ونحن أين نحن ؟
يامني ليس لدي إثبات إنك ملأتي المنبر شتماً وتهريجاً ليس لدي علي الإطلاق إثبات كهذا لكن لدي مني عوض خوجلي تلك الزولة التي رسخت صورتها بداخلي كمتسامحة وكمناضلة وكإمرأة من الزمن الجميل علي الأقل بالنسبة لي .
مع الشكر والتقدير
| |
|
|
|
|
|
|
|
|
|
Re: تكريم ... وتقيم لبعض الكتاب هنا ( هذا البوست بالتنسيق مع أميرة الشيخ) (Re: خضر حسين خليل)
|
اخي الكريم
| Quote: تكريم ... وتقيم لبعض الكتاب هنا |
تكريم ...مقبولة نوعا ما........
اما تقييم دي فعايزة اعادة نظر شوية
فالشخص لايقيم الا من قبل شخص اعلي منه مستوي او في مرتبة الاستاذية مثلا
يعني التقييم للبروف معز بخيت لا يأتي الا من استاذ بروف في علم الطب الجزيئ
وكذلك الاستاذة الممثلة تماضر شيخ الدين تقييمها لايأتي الا من اساتذة المسرح في كلية الدراما
وكذلك ينطبق الامر علي كل في مجاله
يمكنك ابداء وجهة النظر في كل شخص حسب مجاله ...ويمكن للاخرين مشاركتك او الاختلاف معك في وجهة نظرك
ولكن لايمكنك ان تفرض وجهة نظرك
هذا للايضاح
مع تقديري
| |
|
|
|
|
|
|
|
|
|
Re: تكريم ... وتقيم لبعض الكتاب هنا ( هذا البوست بالتنسيق مع أميرة الشيخ) (Re: خضر حسين خليل)
|
الأعزاء هنا : تحياتي الحارة أولاً
وآسف للتأخير
سأبدأ هنا في الرد علي مداخلاتكم حسب الأسبقية لذا دعوني أبدأ : بـ
عزيزي سيف النصر محي الدين :
وطبعاً البيت بيتك والفكرة كما ذكرت أعلاه فكرتك .... فأخد راحتك خالص خالص وياريتك زاتو تجي تمسك توزيع الشهادات لغياب الصديقة أميرة الشيخ لظروف مرضية (مع أمنياتنا لها بعاجل الشفاء) .
ماعارف ياسيف لكن للأمانة إسم تماضر دة واحدة من الأسماء الكثيرة السقطت سهواً ودة وكذا الحال مع بدري الياس وأسامة معاوية الطيب (رد الله غربته) وهسي زاتو كان في مرادنا علي الأيمان ممكن نعمل فيهو إضافات كثيرة ...... يعني هسي مثلاً زول زي (خطاب) دة ولا (خطاب حسن أحمد ) ولا منصور مفتاح ولا نصار ولا صاحبي (كوجان) مافيشين في اللست كلها فهل يعني هذا إنهم ما مبدعين ؟ حاشا لله
الإشكال ياسيف في الذاكرة الخربة دي لها التجلة هي من ساهمت في أن سقوط أسماء العديدين وتمنيت أن يسعفني الآخرون بالإضافة لإنو في ناس كدة بالجد أنا بعتبر إنو شهادتي فيهم كما ذكرت مجروحة وديل بعرف (أعضيهم وين) .
شكراً ياسيف وذي ماقلت ليك البوست بوستك يازول
**********************************************************************************************
عزيزي shaheed gadora
تحياتي ياصاح
والله أشكرك جداً لإضافاتك الثرة وجملة مقترحاتك لتطوير الفكرة وياصاحبي أنا المكيفني في الفكرة علي قولك إنو الناس دي كلها شكلهم مؤمنين ومتفقين علي الأقل فيمن ذكرناهم إيجاباً كان أم سلباً . ودة القصد وعارف إنو في ناس حردت وإضايقت من الفكرة وديل بقول ليهم إنو المسألة كلها لا تخرج من إطار إنو المسألة كلها خطوة أولي ليس إلا لترسيخ أدب جديد في المنبر أدب يراعي فيما يراعي إحترام الآخر ومن ثم هي محاولة لتبصير الناس بأقلام بعينها فإن أصبنا فذاك كان الهدف وإن أخطأنا فتلك كانت محاولة للسير في الإتجاه الصحيح ...... وأضيف من عندي هنا بأن أي قلم حر وشجاع وشريف يستحق التكريم ويستحق أن نحتفي به ذلك للدور المهم الذي يلعبوه من أجل غدٍ أكثر إشراقاً وعدلاً .
سعدت بمشاركتك وخليك قريب .
ثم ملحوظة كدة بالجنبة :
ياخ يجازي محنك قلت لي الظلاميين ممكن يعملو تكريم مشابه :
والله بالغت وإستهوتني الفكرة للأمانة
ويلا يا ملاسي (حرك الحجر)
(إستار إرهابي) وجه ضاحك شديد ياخ
**********************************************************************************************
العزيز mohmed khalail
تحياتي الحارة :
والله ضحكتني شديد قلت لي (جناح شداد) ياخ والله أنا مع البراعم والناشئين والمدارس السنية (والسنية) لكن تقول شنو ياخ المسألة جات كدة وعشان تتأكد من كلامي دة (تعال إستلم جائزتك) ميدالية وأهو سيف ختاك في (علبك) وسيف دة كلامو بمشي علي اللجنة ...... وإنت زاتك تعال رشح لينا كم زول وزولة المسألة مفتوحة وأي زول بس يستحمل لينا نتائج ترشيحو .
ياخ سعدت بحضورك والله يا محمد ياخ
***********************************************************************************************
الأميرة لنا مهدي
تحياتي يازولة تغشاك والعزيز يعقوب
والله يالنا للأمانة كدة تستاهلي الكتير ويوم شكرك ما يجي يازولة
وددنا يالنا إعادة الإعتبار لمن يقدمون لنا هنا الإبداع والجمال واللغة الجميلة
وددنا ذلك يالنا
وسلمت
**********************************************************************************************
العزيزة رشا حاتم
تحياتي يازولة
ويازولة صدقيني لو التكريم بجي للبعزمونا جداد محمر كنا (كرمنا بتاعين المندي ديل)
ويا أميرة والله بالغتي مع رشا حاتم
سلمت يازولة
**********************************************************************************************
العزيز أحمد عبد الله :
وينك يازول
شوق شديد ..... بالأمس تذكرت أمنيتك (إستحال تنفيذها سوياً ) فقط ثق إنك في البال ياصاحب
سلمت
**********************************************************************************************
محمود الدقم :
تحياتي يا أبو شنب
وشاكر كثير لجملة الأسماء الجيت بيها هنا والله بالجد كدة لامين إرتبكت وأنا بقرأ في الأسماء لاحولا بالله الزول دة نسيتو كيف لاحولالالالا بالله الزولة دي طارت من راسي كيف .
لكن بالجنبة كدة
طلعت عندك (مموري خطير)
سلمت يادقم
***********************************************************************************************
هنوف :
إزيك يا مان (أمريكا روسيا قد دنت عذابها كيفن وإياك)
ياخ دكتور نبيل وماما سعاد وفيصل محمد خليل وبكري الصائغ وصاحبي خالد العبيد و جملة الناس الهنا البساهمو في تبصير الناس بما يحدث من ظلم علي جماهير الشعب السوداني بمختلف أعراقهم يستحقون ياصديقي أن نخلع قبعاتنا وننحني لهم تقديراً وإجلالاً لمواقفهم المحترمة .
بالجنبة كدة : يامحمد ياخ اللوتري دة ما قرب
**********************************************************************************************
العزيز علي محمد علي البشير :
ياخ والله دة يوم المني يوم نهتف كلنا ونغني (فوق فوق فوق سودانا فوق) لكن ياعلي ياخي كلم ناس الفريق القومي ديل (خليهم يتصلحو معانا شوية )
بعدين ياخ : إنت كان سألتك بتشجع المريخ دة لي شنو ؟ والله غايتو روحك السمحة دي روح الأزرق بس
سلمت ياخ وسلم لي علي جمال الوالي معاك
.*******************************************************************************************
العزيز كمال سالم : كيفنك ياخ
والله ياكمال الزول شاهين شاهين دة أنا غايتو من أكتر الناس البكون منتظر جديدو ..... وشهادتك فيهو في محلها فالرجل شاعر ويفعل بالحروف الأفاعيل ..... اها هسي دة نموزج من الناس الما مشرورين في المنبر لكن حرفو سمح ياخ
شكراً يا كمال وياريتك تنكت لينا تاني .
***********************************************************************************************
نصار العزيز
تحياتي الحارة ياخ
ياخ والله جد أنا البحسدك علي قرايتك الجميلة لمضمون البوست . وياخ شاكر جداً يانصار ياخ علي حضورك وإضافتك العميقة دي
ياخ أنا ممتن وسعيد للغاية لحضورك هنا يانصار
والله ذكرتني البورد زمان يانصار
سلمت
عزيزي
mohamed osman bakry
تحياتي الحارة :
أسفي علي الغضب الذي سببه لك هذا البوست أسفي العميق يا عزيزي ...... أتمني أن تجد في ردي للعزيزة مني خوجلي ما يزيل هذا الغضب أتمني ذلك أما لو كان هناك سبب آخر أتمني أن تزكره علنا نتناقش ونزيل ما بالنفوس من غضب .
سعدت بمرورك وسأنتظرك
**********************************************************************************************
عزيزي M A Muhagir
تحياتي الحارة :
أسفي يا عزيزي أن تطلق حكمك علي البوست من خلال ثلاث كلمات فقط . وليتك عزيزي أوضحت لي علي الأقل أين وقعت بالتحديد في فخ (المجاملات) . ياعزيزي هذا البوست لو قرأته منذ بدايته أظنك كنت ستعيد حكمك عليه مع إحترامي الشديد لرأيك . لذا يصبح لزاماً علي ان أعيد ما قلته في بداية هذا البوست او علي الأقل أن ألخص لك فكرة هذا البوست كما أردته وأرادته أميرة
أولاً : مررت قبيل كتابة هذا البوست ببوست أعتقد أن الكثيرين لم يمرو من خلاله وهو بوست الأخ العزيز سيف النصر محمد محي الدين بعنوان (مسكين والله يابشري الفاضل) مداخلتي هناك حفزتني للمواصلة في تطوير فكرة الأخ العزيز سيف النصر وإن كانت فكرته في حد زاتها تكريم وتقييم ووضع نقاط فوق حروف (هذا المنبر) ...... وإليك عزيزي مداخلتي في البوست المعني حتي تستصحب معك في تقييمك هنا الدواعي التي دفعتنا لكتابة هذا البوست :
العزيز سيف النصر محي الدين :
Quote: العزيز سيف النصر محي الدين :
تحياتي الحارة من هذه البلاد الحائرة
إستوقفني للأمانة عنوان البوست وقلت في سري (بالله الناس دي قبلت علي بشري برضو) وبشري الفاضل نفسه لم أتشرف بمعرفته بعد سوي إني مثلي مثل أي زول سوداني قرأ له (حكاية البنت التي طارت عصافيرها) ومن يومها ماعادت هناك رواية تملأ عيني .هذه الحكايات وحدها من رسخت في ذهني ومن هو بشري الفاضل (والكلام دة قبال نعرف دريبات النت والأسافير وماشابه ذلك من تبعات العولمة ) بمعني كان ذلك في وقت كانت فيه مقولة سائدة ولا شك عندي علي الإطلاق إنها قيلت في عصر بلادنا الذهبي (القاهرة تؤلف وبيروت تطبع والخرطوم تقرأ) كان ذلك ياسيف بداية علاقتي ببشري ... ويوم أن وجدته عضواً عاملاً (زيو وزينا كدة في وطن من لاوطن له) قرقرت في سري ثم قلت (والله إنها فعلاً لبلاد ضيقة) فما حوجة بشري بمنتدي تستعين فيه لقراءة ثلثي أعضائه (للغة سريالية)وعلم اللدن . غايتو المعايش جبارة حقاً ولا إله إلا الله .
ومثل بشري كثيرون أقول ذلك لا مجاملة فأنا مثلاً لن تجد لي مداخلة في بوست يخص بشري الفاضل أو المشاء أو خطاب أو (كتاب) كما يسميه أصدقاءه لا لشئ سوي إني لاذلت أعتقد أن الصمت في حرم الجمال جمال . ويالهم من جميلين وكتابين ومبالغة .
آخرون زهجو من (حاصل البحصل كل صباح)فغادرو بذات الهدوء الذي قدمو به أول مرة أذكر منهم عثمان محمد صالح وأسامة معاوية الطيب . عطرا سماء البورد سنين عددا ثم ذهبا في جمال آمنين .
وهنا دعني أتساءل عن علاقة المبدع بالمكان ؟
يحمد للأدباء بشري وفضيلي والمشاء وعماد عبد الله صبرهم الجميل علي فعائل القوم هنا ... يحمد لهم بقائهم وحضورهم يحمد للبورد أن يكون من بين عضويته دكتور بقامة صدقي كبلو يحمد للبورد أن يكون من بينه فنان بقامة أستاذنا الموصلي (وهذا البني آدم يحيرنني بتواضعه الجم ) ويحمد للبورد أن تكون في عضويته من هم بقامة سلمي الشيخ سلامة وتماضر شيخ الدين . يحمد للبورد أن يكون من بين عضويته فنان إسمو (محمد السني دفع الله) ودة كِتاب براه ... يحمد للبورد أن يكون من بينه روائي بقامة محسن خالد وما أدراك ما (حكاية الرجل الكروفيل)
غايتو هذا المنبر مسكون بالجميلين والجميلات (الأحياء منهم والأموات) وآخرون أعلمهم .
مؤخراً ياسيف بدأ لي هذا البورد كيوم القيامة (الأعمي فيه شايل المكسر والمكسر شايل المشلول والمشلول يأشر للنصيح ) .
ماعايز أدخل في تفاصيل أكتر عشان ما أخرمج ليك في بوستيك الممكن نسميهو رد الإعتبار لعموم المبدعين
ثم ياخ إقتراح :
ماتجي نفكر كدة نعمل للمبدعين ديل كلهم تكريم إسفيري
سيف ياخ تشكر علي الشعور النبيل دة
وتسلم وربنا يفلق المنبر بالزيك
|
ثانياً : لا ذرة شك عندي علي الإطلاق بأن هذا البوست هدفه مجاملة زيد أو عبيد من الناس ( وسبحان الله وفيم نجامل ؟ ) في تكريم إسفيري مقوماته كلمات شكر وثناء ؟ ياخ نحن هنا لا نملك لامال ولا ذهب ولاحتي (دلاقين وخشب) ولو كان الأمر بيدنا لمنحناهم نبض قلوبنا يا عزيزي .
أتمني حقاً أن أن تعيد النظر أو علي الأقل أن تبصرنا بمكمن الخطأ علنا نصحح حالنا
سلمت وإنتظرك عزيزي
**********************************************************************************************
.
الصديقة إيمان أحمد :
تحياتي الحارة
وتتعلي وما تتدلي :
واثق يا إيمان إنك قريتي الفكرة بشكل سليم ..... وصدقيني لم أتخيل أن يعتقد البعض أن المسألة لها علاقة بالمجاملات وما إلي ذلك
وأظنني لست في حوجة هنا لتكرار ما ذكرته عاليه لا لسبب فقط لثقتي في حصافتك صديقتي
السكون يا إيمان يحيط بنا
يمد لسانه نحونا
والفجيعة أنا هامدون صامتون
أرمي ماعندك يا صاحبة الكتابة
أرم يا إيمان
وثقي في أن هناك من يقرأ
ويفرز ويميز
فالنفعل شيئاً علنا إيمان ....علنا
سلمت إيمان
*********************************************************************************************
تراجي العزيزة
إزيك يا أم حازم
والله يا تراجي تستحقين عن جدارة جائزة (ثانية كدة) بإعتبارك (أشكل سودانية في علي وجه البسيطة) (أسمعي هوي بنهظر ما تلبسي لي وش الكرتون داك) ....
تعرفين ياتراجي معزتي لك تعرفين ذلك جيداً لكن ذلك لم يكن في يوم من الأيام دفعاً لعدم الإختلاف .... إختلف معك وتختلفين معي لكن يظل ما بيننا من حلم هو الأساس (حلم العيشة الحرة الدوغرية) وربما هو ذات الحلم الذي يجعلك قريباً من قلوب الكثيرين /ات هنا .... وهناك .
مداخلتك مثلاً التي جئتي بها هنا قد إتفق معك في صدر ما جاء فيها بخصوص ( عدم ذكرنا لمقامات هنا) في هذا التكريم . وأظنك لو تابعتي الردود أعلاه ستجدين في غيرما مكان إعتذاري الشديد لسقوط أسماء قامات كثيرة هنا والعتب (علي الذاكرة) (بقينا قدركم عديل ونحن في ريعان شبابنا)
فمرحباً بكل الذين أضفتيهم علي قائمة الجميلين الذين يرفدون هذا المنبر بالسنابل والقصائد .
طيب يا تراجي :
يمكن تكوني قريتي مداخلتي للصديقة مني خوجلي ...... ويبقي من الأهمية بمكان أن أوضح لك وجهة نظري بإعتبارك قاسم مشترك في مجمل ردي للعزيزة مني عوض خوجلي ..... القصد أكرر القصد من ضمي إياك ومني كان لسبب قلته لمني تهدئة النفوس ومن ثم عل وعسي أن تعيدا النظر في مجمل الخلاف الذي حدث ......... ياتراجي ما يجمعكما (لو ختيتو الكورة واطة) أكثر .... ويازولة صدقيني العدو الحقيقي هسي بكون خالف (رجل فوق رجل) وبضحك في القصة الحاصلة دي .
ثم قصة صغيرة يا عزيزة :
في الجامعة زمان كان عندنا زول إسمو محي الدين أبكر سليمان ........ محيو الواحد البكتب هسي في المنبر مرة مرة دة من اولاد دارفور ومن أوائل الناس البقيت قريب منهم أها يا تراجي يوم من الأيام ناس الجبهة الديمقراطية كان عندهم جريدة حائطية بنكتبها بدم القلب وبنتعب شديد عشان الجريدة تطلع من (توفير ورق لي توفير تنت لي توفير أقلام شيني لي توفير كادر لي توفير محطة) المهم بعد التعب دة كلو يوم جو (ناس ملاسي وسعادتو جمعة) الكيزان يعني .... جو بي كل بساطة وعلقوا صحيفتهم فوق صحيفتنا الحائطية ... أها اليوم داك كان رأيي ورأي زملاء وزميلات تانين إنو نمزق صحيفة الكيزان ..... وقيادة الجبهة الديمقراطية كان عندها قول تاني ..... إنو يمشو يفاوضو الكيزان علي أساس إنهم ينزلو صحيفتهم ..... المهم شيلك ختك (مشي كلام القيادة) وكان في ركن نقاش للجبهة الديمقراطية في اليوم داك . أها نحن ركبنا راسنا وقلنا طالما الكيزان ديل حينزلو جريدتهم بي يدهم بعدما خربو لينا جريدتنا ففاوضوهم يحمو ليكم الركن برضو .... وكسحنا طلعنا من الجامعة ...... عملو لينا بعد داك لجان تحقيق ..... جاني محي الدين وكان صاحبي شديد ..... وبثق في ثوريته ... قال لي يا خضر إنتو قراركم دة كان إنفعال ساكت وما مبرر وردم لي مبررات كثيرة وفي آخر الكلام قال لي ما معناه ( شيئان لا مكان لهما في محيط السياسي الإنفعال والعاطفة ) . ومن يومها طلقت الإنفعال والكوراك البلا صالح والعاطفة الزايدة عن اللزوم
أها أنا هسي بقول ليكي ياتراجي في عينك إنتي طارحة روحك لمشروع ثوري ومشروع بتاع تنوير ومافي صالحك للأمانة تخسري ليكي صوت علي الإطلاق وما من صالحك ياتراجي تستعجلي في إتخاذ قراراتك وآرائك .... ولو لقيتي روحك (زهجانة من مداخلتي وردي أجلي النقاش لي بكرة) حتجي برؤية جديدة وخلاقة .... ودي عن تجارب صدقيني . ( أوعك تشبكينا عشنا وشفنا نتعلم من الصغار وش بحبك يا ام حازم)
وأقول قولي هذا وإستغفر الله العظيم لي ولك
ثم : جملة الناس الذين ذكرتيهن في مداخلتك إعتبريهم أوتماتيكياً كدة درجناهم في قوائم التكريم . وأضيف إليهم الأصدقاء الأفاضل الريح كودي وخالد كودي
وسلمي لي عليكي شديد
**********************************************************************************************
محمد فرح :
إزيك ياخينا وكيفنها أفغانستان وأخبار طالبان وإياك
معليش ياسيدي والله كنت متخيلك في الشيشان
ملحوظة : كعب العدم
***********************************************************************************************
العزيزة أمل
ياخ شرفتي البوست وصدقيني كمال الزين دة لا ناسيهو لا حاجة وهو عارف كويس مكانو وين ..... لكن قلنا ياستي خلي أصحابي ديل يجيبوهم الناس التانين ......... ياخ أنا أشكرك للغاية لإضافتك هنا .
كمال دة بالمناسبة : قري معاي الثانوي عديل في ظل ظروف الله لاعادة
امل ياخ شرفتي وحاتك
***********************************************************************************************
كرفس :
اها ياصاحبي كيفنك وكيفن الكلاكلة والأصحاب (بنبن وحلاق) جوي قبال خميس كدة لقينا سكة إتونسنا معاه
عارف ياكرفس وحاتك ما كنت بعيد مني وأنا بكتب الكتبتو هنا خالص
بتذكر ياصاحبي نقاشاتنا وونساتنا وآراءنا الكثيرة الختيناه
في المنبر وعضويته
في زول حكينا عنو كتير إسمو (محمد المرتضي حامد)
في صاحبة إسمها (نهال الطيب)
حكاياتنا وشوقنا لأصحابنا (البرة السودان)
أنيس ومعتصم
بدري الياس صحبك وصحبي
أسامة معاوية
وبيننا ما بيننا من ليل
نونسه ويونسنا
نمش ياصاحب (علي كيف الأحوال) ونرجع والقلب عامر بالمحبة
نمش لحيث عمك عباس (هسي في تقديرك عمك داك بستحق شنو) غير إنو نلقاهو في وطن سمح (خاتيهو في راسوا)
ياكرفس ياخ
في المنبر دة في زول إسمو شبشة
شبوش صاحبنا دة
في زول هسي جاب سيرتو
أها شبشة دة نشهد ليهو أنو مافي زول عندو خمشة حب لوطنو قدر خمشة (شبوش) كان شعر كان نضال كان ونسة ونسة ساي
في المنبر دة عندنا أصحاب و صحبات لو أتينا بهم ( لنفذ باندوث المنبر قبل أن ينفذ أسماء أصدقائنا)
وبرضو يجيك زول يقول ليك مجاملة
الله يغفر لمن ظنو بنا الظنون
عارف ياكرفس مداخلتك دي كلفتني ليل وبكا ودميعات قشقشتهن (في سري)
حيث إنو أخوك أقرب سوداني لي بلاقيهو في الأسبوع مرة
وشوف مقدار الشوق (بكلفني قدر إيش)
كرفس ياخ
ماتقلب المواجع
ماتقلب المواجع
ماتقلب (الهزائم) كفاني هزائمي ياصاحبي
كفاني يا رفيق الروح
كرفس ياخ (سلمي عليهم حملة حتي اللسة قبل الخلق والتكوين)
ملحوظة أخيرة :
سلم لي علي ناس حلايب من (جدو) لي أبو آدم
*********************************************************************************************
العزيز سيف (مساوي/ مساعد)
إزيك ياخ
والله يابني ىدم أنابحبك كدة لله في لله وبعتقد زي ما قلت فوق إنك من أسباب سعادتي (في المنبر) يعني كل ما تفح بوست لو عندك 9000 زاير ثق بأني عامل 8999 (كلك) . ياخ أريتك طيب ياسيف .
بالمناسبة والله لو ختيت لي رقمك هنا تلقاني وشك
طبت يا سيف
***********************************************************************************************
عزيزتي إنتصار :
تحياتي
ياشابة ما تشبكينا التحكيم فاشل التحكيم فاشل (هسي يقومو يفقلونا المريخاب ديل) ويشيلو الكورة ويمرقو بيها
ورينا حسبنا ضربة جزاء أو فاول أو رفعنا راية ظالمة وين وميتن ؟
سلمت إنتصار
**********************************************************************************************
عبد الرازق الطالب : غايتو ربنا يكتب سلامتك مع خالد عويس
لو جيتنا مارق ثق بإنو حنعاملك معاملة (الأسري)
غايتو شلاقتك دي يوم بتوديك التوج
قال ثم من قال التوج
قال ثم من قال التوج
قال ثم من قال : لاهاي (ودي صدقني بي عوارتك الأنا شايفها دي ماعندك عوجة بتصلها بتصلها)
ياخ ما تهظر وتتظارف في أي حاجة
***********************************************************************************************
للخروج :
أطلق هتافك كرتين
هل في الطبنجة من كفن
لنزف فيه الأدعياء
الأتقياء الأنقياء الأولياء
وكل مملكة العفن
(حميد) ..................
| |
|
|
|
|
|
|
|
|
|
Re (Re: خضر حسين خليل)
|
اعزائى
كلو ناس اليسار وما بعد اليسار اخوانكم اليمينيين ديل ما لقيتوكم فيهوم زول
بيعرف يكتب ؟
و دة عشان الموضوعية و كدة
تحياتى
| |
|
|
|
|
|
|
|
|
|
Re: تكريم ... وتقيم لبعض الكتاب هنا ( هذا البوست بالتنسيق مع أميرة الشيخ) (Re: خضر حسين خليل)
|
Quote: ياشابة ما تشبكينا التحكيم فاشل التحكيم فاشل (هسي يقومو يفقلونا المريخاب ديل) ويشيلو الكورة ويمرقو بيها
ورينا حسبنا ضربة جزاء أو فاول أو رفعنا راية ظالمة وين وميتن ؟
|
عشان اوريك متى حسبت ضربات جزاء غير صحيحة ومتى رفعت راية ظالمة ياريت تشرح لينا الاسس
التى بنيت عليها هذا التقيم؟؟
كان للجديع اصبر يا ود امى كثرة طقطقات كيبورتات وكلكات ماوس فى السكة عليك بس مل تنسى
تلبس قناع مانع للبمبان .
انتصار
| |
|
|
|
|
|
|
| |
خضر حسين خليل
طارق جبريل
أبو ساندرا
lana mahdi
Rasha Hatim
طلال عفيفي
Hussein Mallasi
Ahmed Abdallah
mohmed khalail
hanouf56
Muna Khugali
على محمد على بشير
كمال سالم
نصار
M A Muhagir
إيمان أحمد
Tragie Mustafa
محمد فرح
aml gadora
معاوية كرفس
saif massad ali
A.Razek Althalib
انتصار محمد صالخ بشير
fadlabi
Waeil Elsayid Awad
عبد العظيم احمد
محمدين محمد اسحق
خدر
فيس بوك
تويتر
انستقرام
يوتيوب
بنتيريست