|
دعواتكم لزميلنا المفكر د.الباقر العفيف بالشفاء العاجل
|
|
 Re: بلاد برة وبلاد جوة وغايتو ! (Re: خضر حسين خليل)
|
(فاهكايكنقون تا سمكلي )
تحضرني هذه الحكاية وهي تحكي عن ريفي من اريافنا السودانية وفد الي الخراتيم بغرض العلاج من علةعذبته طويلاً فأوصي الطبيب من رافقوه بأن يطعموه نوع معين من انواع السمك مرتان علي الأقل في الثلاث وجبات !
وقيل أنه أكل مخزوناً يكفي لدولة كفرنسا من السمك الي أن عافاه الرحيم الذي لا ينوم ! فتوكل عائداً الي قريته وقد بلغ الصحة بفعل السمك وتراطيب العاصمة الي جانب مشيئة الرب أولاً ! وإنه وبعد ذلك ظل يحدث الناس عن البندر وعن السمك وما إن تأتي سيرة الفواكه حتي يحلف صاحبنا بأن لا فاهكة بعد السمك علي الاطلاق !
كما أن لا اله الا الله
ـــــــــــــــ
فأوصيكم عبادالله وأوصي نفسي بالسمك ! أهو سمك سمك حياة حياة والسلام عليكم
وتشكرات شديدة والله ونشوف وشكو بخير !
| |
 
|
|
|
|
|
|
|
|
Re: بلاد برة وبلاد جوة وغايتو ! (Re: حمد فتح الرحمن)
|
حمد امبس
ازيك يا اخا النوبة
دي طبعاً علي وزن ازيك يا أخا العرب
باق هم أحسن مننا في شنو يعني !؟
جينا هنا وكشفنا نومتهم
وتهانينا لكورة امس لكن بيني وبينك كدة هلالنا دة الله يكون في عونو
بعدين ياخ الكورة الاخيرة الاتغلبنا فيها من المريخ انت واخاك الكاشف
هيثم حاضرنها راس فياخ ما تعمل لينا حركات وتعمل لينا سمعة من مافيش
وليدالحسين قافل تلفونو
بكرة حيكون عندي ليك كان الله سهل خبر بمليون درهم
وأخيراً : قول لهيثم مبروك بوستك الاول عقبال نشوف جديدك الجد جد
بدري دة مالو بقي عامل كدة حار جاف صيف شتاء ؟
يلا ياحمد انا جاري بعيد
| |
|
|
|
|
|
|
|
|
|
Re: بلاد برة وبلاد جوة وغايتو ! (Re: خضر حسين خليل)
|
ياخ حمدالله علي السلامه.. اولا يا أخ النوبه والله انا كاشف نومتم من زمان..المهم عامل كيفك يا (....) اتصلت بي تلفونك الرسلتو لي في الماسنجر بترد علي واحده سعوديه حاولت تاني برضو نفس السعوديه يسالني الله ..
قطعت فيك انا واشراقه قلت لاشراقه يا ربي خضر دا عرس واحده سعوديه من ورانا ولا ايه....
ثم ارسل لي تلفونك الصاح ولا افتح بوست فحواهو: مبروك لخضر علي زواجه من .... ال الخنشري وال... علي الراي
| |
|
|
|
|
|
|
|
|
|
Re: بلاد برة وبلاد جوة وغايتو ! (Re: طارق صديق كانديك)
|
كانديك ازيك ياخ
والله الشوق الواحد
خفنا ياكانديك في ظل هوجة التكفير والوترة الحاصلة دي يفهمونا غلط
عشان كدة حاولنا نقول انو الكاروشة دي حاجة كدة بتنتاب المفاصل كما
عرفها طيب الذكر (حيدرعلي الحسن) وحيدر دة صاحباً لينا من نواحي
الحامداب ، بعدين ياخ وين الحي بيك يعني الواحد الا يقابلكم اسفيرياً
ولا شنو الحكاية !
صاحبي دة هسي بكون قاعد يتجهز (للجكة) الادمان دة كمان ما صعب !
الله يعينو ويعين ولاد حلتنا وشباب الراح سدي شمار في مرقة بلد بي حالا .
| |
|
|
|
|
|
|
|
|
|
Re: بلاد برة وبلاد جوة وغايتو ! (Re: ibrahim kojan)
|
جيت يا المسخوت
ازيك ياكوجي ياخ
والله لكن بالغت بعدين انت بتلم في ارقام البردو عليك فيهو سعوديات وين؟
أنا لي سنتين وتلاتة شهور ياكوجان مشتهي موش أسمع صوت لالالا أشوف لي اسكيرت
وبلوزة ساي ماشات في الشارع !
والله يا أخانا في الانسانية والهم النضيف الواحد حقيقي حقيقي مشتهي صوتك
قلت في سري قبيل انت ابراهيم دة مالو رافع القزاز قدر دة !
بعدين ياخ الخنفشري ديل مافيشين دي عوائل انقرضت واندثرت هسي كلها بقت با
بتاع وبابتاع وبابكر حامد ودالجبل !
علي العموم حأرسل ليك التلفون للمرة التانية .
بالله انت في دة ولا في اصحابنا العايزين يفكو بورة الادمان بالجري من العراضة للعراضة
الله يعين ياكوجان
غايتو قدر يوم الليلة ماضحكت ابد
| |
|
|
|
|
|
|
|
|
|
Re: بلاد برة وبلاد جوة وغايتو ! (Re: ibrahim kojan)
|
أولاً خليني أقول ليك شكراً علي المهاتفة رغم انو ما بينا لكن جد الواحد كان محتاج
لي صاحب يحكي معاه ! ماقرت ياكوجي !
نعمة ما بعدها نعمة انو الواحد علي الضيق العليهو عندو في الكون دة باق اصحاب
لساهم قادرين يغنو ويرسمو ويحلموا ياخ بورك فيك وفي الفيس بوك كمان !
| |
|
|
|
|
|
|
| |
خضر حسين خليل
GamarBoBa
حمد فتح الرحمن
ibrahim kojan
طارق صديق كانديك
فيس بوك
تويتر
انستقرام
يوتيوب
بنتيريست