|
|
 إلي ناذر الخليفة المنبر دة حق أبو منو بالضبط !!!! ؟
|
أمر هذه الأيام بوعكة صحية !! غير أن ذلك لم ولن يمنعني
من تناول هذا الموضوع بإعتباره يصب مباشرة في قالب كثير
إستفهامات وأسئلة ظللت وآخرين نلاحق صاحب الأمانة بفك طلاسمها
تري ما هو يا ناذر الفائدة من تواجدنا في منبر حر إذ كان
بإمكان أمثالك قفل بوستات الآخرين بل والتهديد صراحةً بإستخدام
أساليب أكثر تطوراً في قفل بوستات من تختلف معهم !!
أرجو شاكراً أن تخبرني عن الأسباب الحقيقية التي تدعوك لقفل بوستات
صديقنا الراحل المقيم مصطفي محمود بمجرد كتابته للبوست ؟
كما أرجو التكرم بإفادتنا عن الأسباب التي تدعوك لقفل بوستات تراجي
مصطفي ؟
أدناه إقتباسين من مداخلاتك في بوست العزيز الباقر موسي !!
| Quote: النظرية دي جربتها مرة في بوستات دكتور مصطفى محمود ، كنت بقفلا ليو بي مجرد كتابتا .. زعلة مني ساي .. وهو يطلع ويكورك ويولول يا بكري ألحقني ناذر هكر بوسطيني وبكري داقي طناش .. لحدي ما جا لؤي أو الخواض وعلمو كيف يتجاوز الحتة دي بي قفلة الكود ..! |
Quote: أم رشيرش
..!!
فعلا الكوت الخطأ بيقفل البوست !! (تكرار مني بي حس مشنئط ووش مشمئص وحنك ملوي ووش مكرفس) ..!1
وإنتي من متين عرفتي الشغلانية دي !!
ما كنت برضو سنة 2005 بقفل ليك بوستاتك بيو وإنتي برضو كنتي بتردحي وتولولي وتسكلبي !!
متين إتعلمتي الشغلانية دي !!
أها أقول ليك حاجة ..!!
عندي ليك كود تاني جديد لنج !!
الزول العمل الإتش تي إم إل زاتو ما إكتشفو ..
يمين بالله أرزعوا ليك في بوست تاني إصلو ما ينفتح إلا البوست يتمسح !! لا تقولي لي بكري يفتحوا، لا محمد الفاتح الفتح القسطنطينية زاتو !!
دو يو وانت تو تراي ؟!! |
من يدير هذا البورد يا بكري؟ أأنت أم مؤيدي الحكومة؟
إنتظر ردك !!
|
|
 
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: خضر حسين خليل)
|
في حوار قديم قلت لك
أن الشعوب ياناذر تتنفس برئة الحرية
والأصل في الحرية هو الديمقراطية بالتأكيد هذا (أ ب ت ) سياسة!!
وربما كان سيكون الأمر مقبولاً لدي لو جاء من بكري أبوبكر (كسيد الكورة)
وسيد الميدان وسيد الشغلة !!
لكن أن يأتي من عضو عادي مثله مثلنا فهو بالتأكيد ما يستوجب الوقوف عنده
لا علاقة لي بكل آرائك في تراجي أو مصطفي محمود هذا شأنك !! لكنني أؤمن
بحقهما في التعبير وحقهما في تناول ما يرونه مناسباً من قضايا ما لم يخرجا
عن ملة (اللائحة إن كانت توجد لائحة) !!
الإنقاذ بكامل جبروتها هزمتنا في ميادين الحياة لكنها لم ولن تستطيع حجر
آرائنا!! لأنها آخر ما نملك وسندافع عنها بالنواجز والأظافر إن لم يعد لدينا
سلاح آخر !!
ما قلته في تقديري ولو أتي به عضو (عادي) كحالاتنا لكان الآن في مزبلة المنبر
فما هو الذي يميزك عن الآخرين لتفعل ماتشاء بمن تشاء !! ياناذر
أعود لسؤال الصديقة ريهان : ولم يغض بكري أبوبكر الطرف عن كل هذا ؟
وهنا المحك !!!
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: خضر حسين خليل)
|
اول حاجة
كفارة وسلامتك
تاني حاجة
ناذر غلطان
وواضح أنو عندو مشكلة في الحوار
حسب الكود الجبتو انت هنا ده .
تالت حاجة
ناذر مقرر أنو يحاور بالطريقة بتاعتو
وبرضو مقرر لما يحتاج يقفل بوست بيقفلو
وده اسلوبو وواضح فيهو كونك تقول ليهو
غلط اوعيب هو شايف طريقو ده صح واهو
من زمن اخونا دكتور مصطفي بيستعملو
لحدى هسي مع اختنا تراجى ودى مشكلة لو
بعد الزمن ده كلو ما عايز يقتنع بغلطو
يبقي هو ما سوى ابداً والمصيبة الاكبر
أنو طارح نفسو أعلمي صحفي .
رابع حاجة واهم واحدة
المشكلة الرئيسية في بكري ابو بكر ولا احد
غيره بكري هو المسؤل مما يفعله كل الناس
هنا من تعدي وواضح أنو ناذر عارف كده وكمان
عارف اكتر شي انوبكري ما ح يسألو لدرجة انو
كاتب (بكري شايف ومطنش )
فيا خضر ويا ريهان خلونا نحل مشكلة المنبر ده
مع المدير أذا اتحلت مع المدير إي عضو بسبب
تعدي وتجاوز حيقيف في حدو .
سفيان
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: سفيان بشير نابرى)
|
شقيان
كيفنك ياصديق!!!
قلت لي عايز تحل مشكلتك مع المدير
والله قصتك قصة !!!
ياخينا كدي خلينا نقابض مع ناذر دة
وبعد داك يحلها الحلال !!
بكري شايف ومطنش !! طبعاً دة ما كلامي
كلام ناذر !!
طيب ياناذر بكري دة ليه يشوف الغلط ويطنش!!
هل مثلاً المسألة دي عندها علاقة بترتيبات خاصة
بيناتكم !! أم الحاصل شنو ؟
شقيان
كدي خلينا نشوف رأي ناذر في الأول !!
وعلي قول الفاتح تنقوش
السوق كعب يا سفيان
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: سفيان بشير نابرى)
|
عارف يا سوفي
لي هسي أخوك عندو قدرة يلاوي
ويقول لالالالا!! ونحمدهـ علي جزيل فضله
الحاصل هنا دة يا معلم
بالضبط لو متذكر الشحاد القابلنا في
السوق العربي لما قلت ليهو فايتنك بالصبر
قام قال لينا لو متذكر :
حالتكم شلش
أها عشان كدة قلت ليك السوق كعب
يا شقيان !!
هسي من حقنا كناس عندي فضل (باسويرد) وأعضاء
وعضوات نفهم حاصل الحاصل !!
وحاصل الحاصل دة ياخينا في بوستات مفتوحة لكنو
(مين يقدر يقول أنا سيد ومين)
صدقني علي الأقل بعد جية ناذر قد تتضح الأمور !!
ماش أنوم ياصاحب
والصباح عندو عينين !!
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: محمد عثمان محمد طه)
|
Quote: أرد ليك أنا نيابة عن ابن عمي و التي اختفي مصنع غزل ونسيج كامل من قريتهم
و لليوم طوبو ما لاقينو خليك من المكنات أها يا ناذر مصنع غزل و نسيج قدو مشي وين ؟
أها يا خضر حسين خليل
لو ما عاجبك البيسوي فيهو ناذر ده ادينا عجاج كرعينك وفحط
قصرنا معاك؟ |
محمد عثمان
قصرت شديد
قلت لي أديك عجاج كرعيني !!
ألحس المكوة ياخينا!!
شوف صدقني ما أنا البديك عجاج كرعينو!!
وربنا يقدرنا نلم في السرقوا مصنعكم دة
ويقدرنا أكتر في البحاولو يسرقوا
آراء الآخرين!!
خليك محترم ياشاب
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: خضر حسين خليل)
|
(*)
خضر ياصاحبي ..
حمدالله على السلامة..
(ريهان) بت خالتي (الجديدة)
أرى أنكما تأخذان أمر (المنبر) على وجه من الجدية كبير..
(البورد) ده حير بكري زاتو ..
لأن الأمر الآن صار أمر (ملتقى) ..
(ثقافي) ..
(إجتماعي) ..
(ونسة) ..
وكده ..
وحتى أمر الثقافة فيه فيا (حسرتاه) ..
ثقافة من نوع آخر ..
فيا إما تمشوا فيهو على طريقة (السباحة) عكس التيار ..
أو تخوطا مع الخائطين ..
أو تواصلا ما ب>اتما وهو (أمر إصلاح) ما أشقه ..
بإختصار :
(بكري) فوجئ بأن حوله كل شئ ..
بشر من كل نوع ..
وهو الآن يحاول التوفيق بين مايتوافق ..
________________
أهم حاجة البرنامج المصاحب للإصلاح ده 
لأنو برنامجكم الإصلاحي لو مافيهو برنامج ترفيهي مصاحب
يتزيل عنوانه (توجد صور خطيرة) ..
بتبقوا بتمارسوا في حوار طرشان ..
وساعدو مشروعكم الإصلاحي ده (بي شوية شية) ..
______________________
الله يهديكم (الحكاية) ماكده ..
_____________________
أهم حاجة نسبة المشاهدة والصور ..
_______________________
ومش حا تقدر تغمض عينيك ..
_________________
الموضوع خرج عن سيطرة بكري ..
وأتمنى أن تيأسوا مما أنتم تحاولونه
لأنني أعلم أنكم ستكونون مثل (نوح في قومه) ..!!
هذا مع محبتي ..
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: خضر حسين خليل)
|
كمال
كيفنك والتحايا
وأشكرك علي الاتصال والسؤال عن الصحة
تسلم
طيب ياكمال بالنسبة لي مداخلتك حقيقة حيرتني
يعني ننسي الفلم دة ياخينا ولا الحاصل شنو؟
ورأيك شنو في الاقتباسين الفوق ديل ياكيمو؟
ياخ الواحد بقي ما فاهم أي حاجة سئيلي الله!!
كلام ناذر الفوق دة بهمني أعرف رأي ناذر فيهو
لأسباب ليست بالواهيات قد أذكرها بعد حضور ناذر
وشرحه لما كتب !!
عني أري أن ما قام به ناذر خطأ يتحمله ناذر أولاً
وصاحب الأمانة كزول بشوف المغايس دي وبطنش !!
كيمو
صحصح ياخينا
الليل دخل
والميس بعيد
علي قول (محمد سفلة)
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: خضر حسين خليل)
|
عارف يامحمد عثمان
إنك لا إخترت البوست لا الشخص المناسب عشان
تتظارف معاه نص الليل !!
ياخينا مبروك عليك يضووي ليكم ويبقالكم
عمار وبنين !!
عاين يا محمد لو عندك ّإضافة لموضوع البوست
تلقاني من ايدكـ دي لي إيدكـ دي
داير تشتغل معاي قصص زي دي !!
صدقني ما عندي أي مزاج تخيل عشان أواصل معاك!!
شغل شيلني من هنا وأرميني هناك دة تسويهو مع
زول غيري !!
هسي للمرة التانية بقول ليكـ عندك إضافة لموضوع البوست
هات !! غير دة الله وإياك علي قول (اللبنانين)!!
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: محمد الجزولي)
|
العزيز محمد الجزولي
صباحاتك وكل سنة وإنت طيب
عارف يامحمد قبل فترة لو متذكر أيام (يارا)
كتبت كلام محدد قلت إنو الاشكال مافي يارا كهكر
بل في يارات كتار مالين البلد دي!!
قصص الهكر لم تعد ترعبني علي الإطلاق والشايفو أنا
يامحمد إنو القصة (واضحة وبينة) !!
والبينة علي من إدعي ياخ !
خلينا من دة كلو وخلينا نسمع من ناذر علي الأقل كصحفي
في القصة بتاعت حجر الأراء أما رئيس التحرير أو صاحب الوداعة
فببقي بي صراحة شئ مخجل إنو يكون مثبت ليهو بوست فوق
بتكلم عن الرقابة وحجر الاراء وما يدينا الفيهو النصيب
علي الأقل فيما يخص رأيه في ما كتبه ناذر !!
وهذا أضعف الايمان ولا ما كدة !؟
ــــــــــــ
أسمع البوست بتاع العرضحالجية ياخ
حاول أنقلو لينا بي جاي
إتقفل في غيرما وكتو !
سلمت محمد
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: خضر حسين خليل)
|
العزيز خضر حسين
ايامك ندية وضاحكة
تعرف ياخضر لم تنطلي علَي ابداً مسألة الهكر وماأدراك مالهكر ..
وعبرت عن ذلك في بوست (صبية الأسافير) الله يرحمه .. وفي كذا مداخلة ..
فالموضوع كان لا يعنيني .. وذلك ليماني القاطع بأننا كسودانيين لا نعرف نتقّن شئ
او نتفنن فيه(عدا متنافرات هنا وهنالك)! بالخصوص الإجرام فهو بسيط كبسطاتتنا..
وحتى إن غلب ووجدت مجرمين عندنا عُظام تجدهم يكشفون نفسهم (بالتفاخر والأحسنية) ..
والمنبر ده ياصاحب سِرو باتع .. وليس هنالك خيار سوى الصمت .. الصمت .. لأننا لانملك
فيه سوى نقرات حروف .. وتدقيق نظر ..
Quote: أسمع البوست بتاع العرضحالجية ياخ
حاول أنقلو لينا بي جاي
إتقفل في غيرما وكتو ! |
والله ياخضر ياأخوي اها دي بقى المابعرفه إن بقت تكنلوجيا ورونا وإن بقى الموضوع إلا بكري
كمان يدكم معانا ينقلوا لينا بي جاي لأني انا زاتي مقروض فيه .. وفعلا اتقفل بدري .. ولا انا
فتحتو في زمن غلط ماعارف .. المهم كويس انك جبتلي السيرة دي وحارين المساعدة .. ونعتبرها
بداية من هنا مناشدة الأخ بكري بتنفيذ رغبتنا البسيطة دي في العام الجديد ..
وخليتك في امان الله ..
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: محمد الجزولي)
|
Quote: والله ياخضر ياأخوي اها دي بقى المابعرفه إن بقت تكنلوجيا ورونا وإن بقى الموضوع إلا بكري
كمان يدكم معانا ينقلوا لينا بي جاي لأني انا زاتي مقروض فيه .. وفعلا اتقفل بدري .. ولا انا
فتحتو في زمن غلط ماعارف .. المهم كويس انك جبتلي السيرة دي وحارين المساعدة .. ونعتبرها
بداية من هنا مناشدة الأخ بكري بتنفيذ رغبتنا البسيطة دي في العام الجديد ..
|
تكنولوجيا .. ياودالجزولي
(حرم)تكنولوجيا ..
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: محمد الجزولي)
|
Quote: طيب ياكمال انيرنا من ظلمات الجهل ( بالقدس الله سرها) التكنلوجيا ..
وينوبك ثواب .. كل مانرجوءه نقل البوست المعني لصفحة المنبر العام |
(التكنولوجيا) خشم بيوت ياودالجزولي ..
زي (تكنولوجيا) ناس (ناذر) دي
أني ما من ناسا ..
وصدقني حاولت أساعد بس إعلم الله
بوستك المعني (ثقيل المحتوي)
ويسبب عسر الهضم (لنترونات الكالسيوم المـاكسدة)
خفف وأسي أكتب ليك بوست عنوانو:
يانس هناية رسلنا ليكم جواب مع الغنماية وساعدو بي (توجد صور رهيييييبة)
وبعدها توجه إلى قندهار وساعدا بي شية ..
أها يابا هنا حا تلقا (التكنولوجيا) أتتك تنقاد دون وجل ..
هذا والعلم عند الله ..
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: محمد الجزولي)
|
عزيزي محمد الجزولي
وافر التحايا يا صاحبي
بتفق معاك إنو المنبر سرو باتع !!
عارف يا محمد للأمانة ما عاد الصمت يجدي
والأغرب وين يا الزين !!
يجوك الناس داقشين وعينهم في الغلط يشبكوك
ياعميل يامناضل ياوهمات يا ساذج !
عينهم في الفيل ويطعنو في ضل الوهم
يا ود الجزولي ! ما العمل !!؟
الصمت صدقني ما حبابو
شوف ليك ولينا درب مخارجة تاني !!
ــــــــــــــــ
بالنسبة للبوست بتاع العرضحالجية
أفتحو من جديد وحاول أنقل المداخلات !
بدل تمد إيدك في إنتظار المستحيل !
خليك قريب ياعكاز
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: ناذر محمد الخليفة)
|
خضر ازيك يا صاحب
وكفارة وسلامتك ...
اهو غايتو الصباح جا والزول الانت راجيهو جاك لكن بدون مريسة تامزين - حتي الآن علي الأقل !
عندي ملاحظة صغيرة : قصة تعويلك علي انو فلان او علان دا صحفي وبالتالي تتوقع منو الدفاع عن حق الآخر دي ما تقرض عليها كتير ,
كدي امشي اقرا ليك اي واحدة من جرايدنا دي وتعال !
قصدي انو الزول الكويس والبحترم حق الآخر هو كويس غض النظر عن المهنية , يعني الكويس دا كويس لو كان صحفي او مكوجي , والكعب دا كعب لو كان صحفي أو رئيس وزراء !
وبالله ياخي ركز في كلام كمال دا كويس:
Quote: لأن الأمر الآن صار أمر (ملتقى) ..
(ثقافي) ..
(إجتماعي) ..
(ونسة) ..
وكده ..
|
لأنو دا باضبط الحاصل.
أها يازول كدي امشي الصفحة الاولي بتاعت المنبر العام دا وتعال , حتلاقي العناوين عاملة كدا :
- عاجل : الهلال يكسب اللاعب فلان الفلاني ( هسه العاجل شنو في حاجة زي دي )
- بورداب الحتة الفلانية يجتمعون في طهور ولد البوردابي الاصيل فلان الفلاني ( وما تنسي الصور )
- تضامنوا مع أهالي سقط لقط ( مع انو أهالي سقط لقط دي أهالي دارفور بعانو اكتر منهم والحتة دي ذاتا حلايب المحتلة أكبر منها )
- باركوا لي اشتريت عجلة جديدة لولدي الصغير (!)
- سوسن وين انت ما ظاهرة (!)
- يابكري فلان الفلاني واقف ببابك (!)
- يابكري الزول داك قال عني كدا والزول داك عفص لي كراعي (!)
دا طبعا غير النبذ جوه البوستات لأي واحد مختلف معاك , حتي بالنسبة للشخصيات العامة : يعني واحد زي الصادق المهدي مرة تلقاهو الامام
ومرة تلقاهو ود الكلب , نفس النفرين ديل تلقاهم بقو كويسين في بوست تاني , يعني تلقي الزول القال علي الصادق كعب بيعترض انو زولو
هو يقولو عليهو كلام ما بيعجبو !
في رائي المتواضع القصة يا خضر اكبر من البورد دا و القصة دي حاصلة في البلد كلها
الي حين ذلك يا زول نشد من أزرك في محاولاتك والناس المعاك لاصلاح حال البورد المايل .
.
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: خضر حسين خليل)
|
Quote:
الأخ فيصل الرشيد
ياخ ربنا يزيد ويبارك ويديم علي نعمة القرقرات !!
شكرا علي مداخلتك الثرة !
أهو كل ينفق مما عنده
لك أمنيات العام
|
يا خضر يا اخوي اولا كل عام وانت بخير
وكفاره واجر وعافيه
بالرغم من اني ما بحب التداخل في البوستات المشربكه دي
لكني بشجع اللعبة الحلوه
مجرد الضحك علي بعض الكلمات يصب في ميزان حسناتك اخي
فما تاخد الموضوع بالحساسية دي
مودتي ولك العتبي حتي ترضي
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: Faisal Elrasheed)
|
العزيز فيصل الرشيد
شاكر حضورك للتوضيح
ياسيدي ليس في الأمر عتب ! من حقك أن تضحك
وهذا ما تمنيته لك !! لدي فقط ملاحظة بسيطة
في جزئية صغيرة وردت في مداخلتك
| Quote: بالرغم من اني ما بحب التداخل في البوستات المشربكه دي |
تشبيهك للبوست ببوستات الشربكة أعتقد أنه تجني
واضح ! للبوست قضية واضحة لا تحتاج لكثير تفكير
للوصول إليها !! لم أطلب منك تسجيل موقف
عرضت بضاعتي علي قارعة الطريق ي سوق الله أكبر هذا
قلت رأيي ، وكنت سأكون أكثر سعادة
لو ذكرت أنت رأيك ! لكن لا عليك فالقرقرة أيضاً رأي
ورأيك وصل يا عزيزي ومشكور عليه ويم شكرك ما يجي!!
تاني شنو ؟
ياريت توضح لي ليه شبهت البوست ببوستات الشربكة!؟
في إنتظارك عزيزي
دمت طيباً
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: الوليد محمد الامين)
|
الوليد محمد الأمين
تحياتي ياصديقي
وكل عام والفأل فألنا ياصاحبي!!!
عارفك موجوع قدر إيش وما باليد حيلة ياصاحبي !
هذا زمان موات الأغنيات كما عبر الراحل المقيم مصطفي سيد أحمد!!
عارف ياوليد
البوست دة إمتداد طبيعي لي بوست (معاً لعودة سودانيز أونلاين)
ولبوستات تانية إتفتحت من أجل فهم ما يدور في هذه الأرض التي أضحت
غريبة !!
ثقتي ياوليد في أنقياء الفكر والضمير لاتحدها حدود
العاصفة ما هزمت أحد قبلنا لتهزمنا ياصاحبي
هي دوماً هكذا زوبعة ليس الا !!
فلنواصل سوياً ياصاحبي وحتماً سينعدل الحال
لك الشكر والأمنيات المن زمان!!
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: خضر حسين خليل)
|
طيب يا ناذر :
قلت ليك قبل كدة ياخ إنت زول حقار حقارة ما صدقتني وجيت شبكتني ياخضر
إنت ما فاهمني وياخضر انت !!
أها هسي ردك الفوق دة إعتمدناه ليك كرد لي سؤال البوست وفيك الخير ياناذر
ياود أم ناذر أهو القحة ولا صمة الخشم !!
طبعاً إنت بتفتكر إنو الله دة ما قسم للباقين (حبيبة) شفتنة من القسمها ليك
جيتك بالدرب وشكلك كدة عايز تجيني بالشباك وحبابك ياخ !!
أسلوب أعفص للنقاش وأفتح مجري تاني وكتين المراسيل ما كفو الغرض ما حبابو
ويني خضر اللساه (راجي منك بس إشارة) !! عشان نخوج معاك في بحر الغنا الجاي
دة !! سمح يا فنان .
أسمعني ياناذر شفت موش بقول ليك والله ولو تعلق بأستار الكعبة !!
أها لو علقت أستار الكعبة وغستلها وكويتها(خليك من تعلقت بها) ما أنا
بتارككـ !!
سمح
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: خضر حسين خليل)
|
| Quote: في رائي المتواضع القصة يا خضر اكبر من البورد دا و القصة دي حاصلة في البلد كلها |
يا خضر
اهدأ قليلا ولا تنفعل
هناك مثل انجليزى ( غير متاكد) يقول لا يتجاوز ولاؤك ولاء الملك وارجوا ان تفهمنى صح
الكلام الفوق اللى قالوا الوليد وكلام كمال ختهم نصيحة فى اضانك
لان الخرق قد وسع على الرتاق, فماذا انت فاعل
فى مثل هذه الامور عليك ان تسعى وليس عليك ادراك النجاح ولنا فى عمرو موسى اسوة حسنة
الف لا باس عليك وحمد الله على السلامة
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: حامد محمد حامد)
|
المحترم حامد محمد حامد
تحياتي الحارة لك
فعلاً يبدو أن ولاؤنا بدأ يسبق ولاء الملك
صدق الانجليز في تعبيرهم ياحامد!!
أاول يا حامد أن أقول رأيي فيما يحدث
أدري جيداً إن الحاصل هنا يحتاج لتغيير
والمؤسف أن أدوات التغيير كلها ليس بيدنا
ما بيدنا سوي أبداء وجهة نظرنا !!
وثق في خواتيم الأمر لن نبقي ملكيين أكثر من
الملك ، لكنها روح البني آدم المتطلعة دوماً
لغد أفضل يسع الجميع !!
شاكر حضورك هنا وسؤالك عن الصحة
لك الود المقيم حامد
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: خضر حسين خليل)
|
العزيز خضر حسين
| Quote: أمر هذه الأيام بوعكة صحية !! |
كفااااااااارة وسلامات
الاخ بكري ابو بكر بطريقته دي يتبع سياسة واسلوب
الفول فولي انا....
زي فهم الحاجة دي حقتي براي ومافي زول يسالني فيها
أكتر حاجة انا وقفت عندها
ليه بكري ما تكرم علينا ببوست توضيحي واحد عن الحاصل
كانه لايدرك اهمية الاعضاء بالنسبة ليه ولموقعه سودانيز اونلاين
مرات بجد ليه العذر... يمكن مشغول
لكن ما اظنه مشغول.... شايفاه مرة في قندهار ومرة في تورا بورا
ولا ما اظلم الراجل يمكن جاء يحاور الهكر...
هون على نفسك....
وكن بخير
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: ALazhary2)
|
قوانين المنبر العام ولوائحه
المنبر العام بسودانيزاولاين دوت كم هو منبر حر للنقاش بالشبكة الدولية مفتوح لجميع السودانيين دون تمييز بسبب الانتماء السياسي أو العقائدي أو الفكري، وجميع الآراء والأفكار والمواد المنشورة فيه تعبر عن وجهة نظر كاتبيها ولا تعبر بالضرورة عن رأي إدارة الموقع وذلك دون إخلال بقوانين وضوابط النشر المعمول بها دوليا وهذه هي قوانين المنبر ولوائحه، والتي سوف يبدأ العمل بها ابتداء من يوم 28 ديسمبر 2005
1- يمنع منعاً باتاً التدخل في شؤون إدارة المنتدى. ولإدارة المنتدي كامل الصلاحية في حذف , تعديل , نقل أو إغلاق أي موضوع/مداخلة أو إيقاف عضوية أي مشترك دون ذكر الأسباب.
2- على جميع الأعضاء الالتزام بأدب الحوار والاختلاف واحترام الرأي الآخر. ولا يجوز لأي عضو أن يسب أو يشتم أي عضو آخر أو يكفره بسبب رأيه أو معتقده.....
3- لا يجوز سبّ الأديان وكريم المعتقدات، أو إساءة الأنبياء والرسل، وذلك دون الإخلال بحرية الاعتقاد والرأي ودون مصادرة لحرية البحث العلمي وحق الاجتهاد......
4- يمنع إعادة نشر مواضيع محذوفة سابقا أو مخالفة قوانين المنتدى أو مواضيع تم قفلها من قبل الإدارة .....
5- يمنع الدعاية لمواقع تخل بإحدى بنود قوانين المنتدى .....
6- يجب الإشارة إلى حقوق المؤلف والٍملكية الفكرية عند النقل أو الاقتباس وذلك بوضع اسم المؤلف إذا كان معروفا أو وضع نقاط بين قوسين (....) إذا كان المؤلف غير معروف......
7- لا يجوز استخدام نظام الرسائل الخاصة (الماسنجر) في أي فعل مخالف لأحكام هذه اللائحة او استخدامه فى الدعاية لمواقع اخرى .....
8- على العضو توجيه ملاحظاته إلى أمين الموقع عند وجود تجاوز من قبل الأعضاء عبر البريد الإلكتروني، ويمنع منعا باتا توجيهها في المنتديات الأخرى
9- يمنع الدعاية التجارية دون أذن مسبق أو الاتفاق مع إعلانات سودانيزاونلاين .....
10- عدم نقل مواضيع/مداخلة/أيميل/....الخ من شخص غير عضو بالمنبر أو من منبر آخر تشوه/تصور/تدين/....عضوا بالمنبر
11- عدم السماح لشخص غير عضو/ة بالمنبر بأن ينشر/يشارك مستخدما حساب عضو/ة بالمنبر بدون علمه
12- لا يسمح لأي عضو الإعلان عن استقالته بطريقة فيها تشهير بالمنبر أو إدراته أو أعضائه، ويجوز للإدارة سحب العضوية من ذلك الشخص فورا وطلب/موضوع الاستقالة من المنبر فورا. ولكن يجوز لأي شخص أن يعلن بأسلوب هادئ بعيد عن الإثارة عن توقفه أو غيبته لأي سبب من الأسباب ..
13- تمكين أي شخص يتعرض للإساءة من أحد الأعضاء من عنوان هذا الشخص لمقاضاته حيثما كان... تسلم هذه المعلومات فقط للجهة القضائية بخطاب رسمى عند طلبه على أن يكون بالبريد العادى المسجل وليس الكترونيا.. كما يحق للإدارة تجميد/سحب العضوية من العضو/ة فى حالة رفض إعطاء الاسم الكامل والعنوان للجهة القضائية بالنسبة للأعضاء القدامى أو من لا تتوفر معلومات لدى الإدارة عنه.
14- لا يجوز لأي عضو أن يسجل في المنبر الحر بأكثر من اسم أو لقب واحد وتسحب العضوية فورا من كل عضو يثبت اشتراكه أو تسجيله بأكثر من اسم أو لقب.
15-على كل عضو مسجل باسم مستعار أن يزود الإدارة باسمه الحقيقي وعنوانه الصحيح إذا طلب منه وأي عضو يمتنع عن ذلك أو يتبين أنه أدلي باسم وعنوان غير صحيحين تسحب منه العضوية فورا
16- يكفل المنبر الحر لكافة الأعضاء حرية التعبير والرأي والبحث العلمي والاجتهاد ومناقشة جميع الأفكار والمواضيع الدينية والفلسفية والسياسية والاجتماعية والاقتصادية والفنية وسائر ضروب العلم والمعرفة، مع ضرورة التزام الأعضاء بالحوار الموضوعي واحترام حق الآخرين في الاختلاف معهم/ن.
17 - الفصل الفوري لكل من يهدد بالـقـتـل أو يدعو إلى قـتـل أو اغـتـيـال أي شخص أو نـشـر مادة تدعو إلى، أو تؤيد، ذلك. ولا يجوز منح ذلك الشخص العضوية مرة أخرى تحت أي مسوِّغ.
18 - لا يسمح اغراق المنبر/السيرفا بصورة متعمدة برفع مواضيع لعضو/ ة معين او بمواضيع معينة الى الصفحة الاولى او بشكل لا نهائي أو بفتح عدد لا نهائي من البوستات في وقت واحد….أو فتح بوستات مختلفة من نفس العضو لنفس الموضوع
19- سوف يتم سحب عضوية كل من يستخدم الماسنجر فى رسائل تامرية ضد الموقع او اعضائه
20-لن تسمح الإدارة بـتحديث المكتبة الارشيفية لأى عضو/ة اذا ثبت اخلاله/ا باللوائح اكثر من مرة إذا أعتقدت الإدارة أو كان لديها ما يحملها على الأعتقاد بأنَّ ذلك الشخص يسعى لتدمير الموقع أو الإضرار به.
21- لن تخصص مكتبة ارشيفية لأي عضو/ة اذا تأكد انتهاكه /ا للوائح و قوانين المنبر اكثر من مرة
ترسل كل الشكاوي والتظلمات والطلبات والقرارات الإدارية من والى العنوان: [email protected] ولا تنظر الإدارة في الرسائل والمكاتبات التي ترد عبر الماسنجر أو التلفون أو خلافه.
تدعو إدارة سودانيزاونلاين جميع الوطنيين/ت والشرفاء/ت إلى مساعدتها وذلك بتنبيهها فى حالة تجاوز أى عضو/ة للائحة عبر البريد أعلاه وذلك لعدم تواجدنا بصورة مستمرة ويومية،
سوف تسرى هذه القوانيين على كل المواضيع والمداخلات التى كتبت ابتداء من يوم 27 ديسمبر 2005.
ادارة سودانيزاونلاين دون كم
9 ابريل 2004
[email protected]
ــــــــــــــــــــــــــــــ
أنا بحثت هنا علي أجد ما تطمئن له النفس من حماية وقائية ولكن لم أجد !!!
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: خضر حسين خليل)
|
الأخ خضر .. شكرآ علي ردودك المحترمة وتقبل اعتذاري عن حدة كتابي ..
Quote: الأخ منير
تحياتي
أرجو أن قوم بتعديل الكتابة في مداخلتك أعلاه
حتي يستقيم أمر البوست !!
لك الشكر |
والبوست يا عزيزي فتلته ليك صورة محمدالجزولي الشتراء ..
أهو يا خضر زي ده يجي يخرب ليك البوست وانت حسب الأحكام المسبقة تقوم تتهم زول برئ زي كده ..
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: Munir)
|
سلامات منير
| Quote: آآي نعم قفل البوست عمدآ قد يكون خطيئة ولكنه زيه وزي تخريب البوست بإغراقه بمداخلات ليست للنقاش مثل الكوبي بيست ولصق الصور وغيرها .. |
ابدا علي الاطلاق ما زيه ، الحكاية مختلفة لا نعلم النية من الاغراق بالمداخلات واحتمال لو 1% يكون العضو جادي لكن قفل البوست لا تبرير له سوي الاجرام المستحق الردع ...
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: ريهان الريح الشاذلي)
|
ريهان الشاذلي تحياتي ..
بل الإغراق أسوأ من قفل البوست لأن صاحب البوست يستطيع فتح البوست بنفسه ولكنه لا يستطيع أن يمسح مداخلات العضو الذي يخرب البوست بمداخلات تخريبية .. يعني مثلآ هسة خضر لن يستطيع تعديل حجم الصورة اللصقها الأخ محمد الجزولي ـ رغم إنو ودالجزولي خرب البوست بحسن نية ـ فلو جاء زول ولصق ليهو 100 صورة مثلآ أو صورة كبيرة وهو متعمدآ تخريب البوست فلن يستطيع أحد مسح مداخلاته ـ أما قفل البوست كما قلت فهو مقدور عليه علي أي حال ..
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: خضر حسين خليل)
|
| Quote: Re: إلي ناذر الخليفة المنبر دة حق أبو منو بالضبط !!!! ؟ |
حقنا
وناذر الخليفة
زول ساكت زيو زي غيرو
إستفزّ بي بوست
ولا ختّ غنية
زيّو زي غيرو
من البيكتبو هنا...
والمنبر ده عمرو مافي راجل بيحددو
ولو كان قصة التهكير دي
بتحدد (مرض) الناس من (رجالتم)
كان احسن (ريالتم)
لأنو حيفضلو يريّلو كدة لمن لُعابم يحصل
سفنجاتم وغير ما (يشفِطو) ششششلب كدة
ما حيهكرو جدول واحد
بوست غير موفق
لي شخص موفق
في شي غير موفق تماماً
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: ASHRAF TAHA)
|
العزيز أشرف طه
تحياتي لك
سعيد بمداخلتك هنا!! غير أنني ومع إحترامي لرأيك
لا أدري بالضبط ما عنيته بعدم توفيقي فيما كتبت
أنا أناقش يا أشرف في حالة محددة !!
حالة شخص له علاقة بالصحافة وهو الاخ ناذر ويمارس
ذات السقوط الذي تمارسه السلطة من حجر لاراء مخالفيها
في الرأي !! هنا منبر عام من حق الجميع الكتابة طالما
إلتزمو باللائحة أعلاه ! ليس من حق بشر كائن من كان أن يمارس
دور الرقيب لطالما كان الجميع ملتزمين بلوائح المنبر!!
فما معني أن يتبجح ناذر بأنه كان يقوم بإغلاق بوستات مصطفي محمود
وما معني أن يقوم بتهديد تراجي علناً أن بإمكانه قفل بوستات تراجي
دون أن يستطيع حتي صاحب الأمانة من معالجة الأمر !!
دي القصة كلها يا أشرف فإن كنت تري أنني لم أوفق فليس لدي سوي إحترام
رأيك بالتأكيد !! لأننا في الأخر هنا لأجل الحوار لا أكثر ولا أقل !
أتمني أن أسمع رأيك في ما كتبه ناذر غض النظر عن رأيي
ولك الشكر والاحترام أشرف
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: خضر حسين خليل)
|
الأخ خضر .. توقعتك تقول لي معليش ياخ اتهمتك ساي .. لكين ما علينا ، حصل خير ..
بالنسبة لقفل البوستات عمدآ فطبعآ بديهي هو تصرف غلط .. والحقيقة لم ألحظ أن ناذر قفل بوست لتراجي يومآ ما .. وإن كان قال ليها إنه قادر يقفل ليها بوستاتها ولا اظنه سيفعل .. ولو عملها يكون غلطان ..
هو صاح قد ذكر بأنه قفل بوستات سئ الذكر د. مصطفي محمود ..ولكنك تذكر أن سئ الذكر هذا كان يغرق السيرفر والصفحة الأولي والمسنجر ولا يناقش وشغال فقط كماكينة تصوير أو فيروس آدمي - ويطارد في الناس بالأدعية وبالاتهامات بالشبهات في ظاهرة اسفيرية غريبة وعجيبة حتي اضطر بكري شخصيآ لإيقافه !!..
وحتي أنه بعد طرده من هنا مشي أغرق بورد تراجي ـ ملكة حرية التعبير ـ لغاية ما شاتته ورمته بيفوق الحيطة وقالت عدو عاقل خير من صديق جاهل ..
تقول لي شنو ؟؟..
انت عارف .. حكاية قفلة البوستات دي كانت حالات بتحصل بالصدفة من غير قصد ,, لكين بعد كده ممكن بعض المخربين يعملوها حيلة لتخريب بوستات المخالفين للرأي .. والحيحصل إنو إي زول بوسته يتقفل بالصدفة سيظن أن صاحب المداخلة قفله عمدآ وهكذا ممكن الناس تدخل في دوامة من الشكوك والظنون والتوجس الي ما ليها نهاية ..
زمان كنت كتبت بوست عن إن التحكم في البورد مهمة مستحيلة في بوست : عبثيـة التحكـم بالبـورد ـ تاني ! ـ
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: Munir)
|
| Quote: الأخ خضر .. توقعتك تقول لي معليش ياخ اتهمتك ساي .. لكين ما علينا ، حصل خير |
الأخ منير
تحياتي لك
للأمانة لا أدري أين إتهمتك وبم إتهتمتك ياعزيزي
منذ بداية كتابتي للبوست أوضحت من أعني بالحديث
وهو ناذر الخليفة !!
حكاية قفل البوست عن طريق الخطأ ذكرت لك أنه لا يعنيني
علي الاطلاق ! ومشكور علي جملة المعرفة التي أنرت لنا من
خلاله بعض جهلنا !
أتمني حقاً أن تكون قد فهمت مقصدي ! ولك الشكر والتقدير
والاحترام !!
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: خضر حسين خليل)
|
يا صاحبي
شوف
| Quote: رفعت الاقلام وجفت الصحف |
كنت متاكد من النتيجة دي
مية المية
وواضح انو المسالة كلها كلك زايد كلك
بتساوي شي وشويات
وفي ناس بتسخن السوق يوقفهو ليك أو لينا
عشان اخترقت القانون كيف وليه ؟؟ يعني
كلكك ده قايلو زي كلك ناذر البيسخن الناس
والمنبر ؟! والا قايلو زي كلكات ناس تانين
برضو بيأدو نفس الغرض ويشبهو ذات السودان
وتفكيرو وذات كلكاتو الشلتت البلد وشلتت
الخلق بره منو ؟
ويا عمنا آجارك وآجارنا الله
لكن برضو :-
دوام الحال من المحال
والحارى ولا المتعشي .
سفيان في تأبين البوست .
| |
|
|
|
|
|
|
|
|
|
Re: 1- إلي ناذر الخليفة المنبر دة حق أبو منو بالضبط !!!! ؟ (Re: خضر حسين خليل)
|
الحقاني خضر حسين
سلامات
تابعته يا غالي وقلت اخليك براكم اشوفكم تصلوا لوين.
والحمد لله وصلتم لنقاط كثيره مهمه.
وهي تورط المدعي ناذر الخليفه في سلوكات كثيره لها لها علاقة بحركات الهكر.
اولا ومن الآخر تماما
عندي اكثر من دليل انه هذا ناذر الخليفه العامل بعثي سابقا هو آمنجي انقاذي معين لهذا المنبر
وببنود صرف مفتوحه.وانه خير من ينفع لهذه المهم بحركاته انه فنان وبتاع ضحك وهظار وقندهار وبطيخ
وهو مودر الكيان الاسمه بورداب ده شمال ويمين.
طبظ طبظة كبيرة ايام اتهم بورداب الخرطوم باكل قروش حملة علاج محددة جميعكم تذكرونها!
ووقتها خسر عدد مقدر واعتبرونه شخص سيء النفس فقط واهلموا انه كان ينقب ويود ن يعرف كل صغيره وكبيرة من اجل تقاريره الامنيه.
ويا منير من غير ما نرجع ولا نجيب اقتباسابت ومفروض ترج براك وتفتش فعلا
ناذر الخليفه كتب انه كان يبقفل بوستاتي,وقبل كده كتب بيقفل بوستات مصطفى محمود.
وكلاهما سلوك غير محترم وغير مقبول,وان نختلف او نتفق مع د.مصطفى محمود
ولكن هذا ديلي واضح انه فعلا كام يتعرض هنا لانتهاكات كثيره لحقه في التعامل باحترام.
وطبيعي ان يرد بالطريقة التي كان يراها مناسبه.
ثانيا:
يا خضر فعلا ناذر له علاقة بالهكر
وبالذات الهكر القال جعلي!!
والاختار يوز نيم اسمها تراجي الخادم
وسلوكيات كثيره صبيانيه تشبه هذا الشخص الاسمه ناذر.
ناذر شخص ليس حقار يا خضر بقدر ماهو مريض ويحاج لمساعدة
فهو شخص مشوه الدواخل وعغنده عقد كثيره بيحاول يغطيها بفنه
وبتخففه وباجتماعياته....لكنه شخصي غير سعيد في حياته الشخصيه.
ناذر ده ساكن المنبر
وكل حياته تدور حول هذا المنبر
وكل صداقاته وتلفوناته حول هذا المنبر.
ويحاول اختراق المعارضه باشكال كثيره
ويورج للبعض انه معارض ولكنه ضد هؤلاء الغرابه!!
تسلسل وحاول يتعرف على دينق في زيارته للسودان
وحاول بعدها يطبع معاه وجائنا ببوستات طويله عريضه
بانه سيفرد حمايته على دينق!!!!
وكانه يشير لانه يملك عصابه شماسه يمكنه تحريضهم عليك
عشان يكرهوك البورد!
وبنفس المستوى يمشي يعمل لك صور له حمار جنب الاوزون!!
ناذر الخليفه يدعي بانه صور قتيل بالخرطوم!!
طيب هل يتاح لشخص طبيعي ان يرى قتيلا كل يوم؟؟؟
وهل رؤية قتيل حتى لو سرقت الكاميرا التي صور بها
تجعل الشخص (الساكن المنبر) يصمت عن حدث مثل هذا؟؟؟
طبيعي ان يكتب عنها ويكتب عن الكاميرا التي سرقت!!
لكن لبد وفبرك موضوع قتيل الفاشر
وسرب الملعومات لناس تمبس وباقي شلة الانس بالماسنجر
ووقتها الماسنجر شغال ...ولبكري لاحقا عشان يسحب البوست
وبعدها يبدأ هجومه بالصحف كمان على المنبر وان سب الجعلين
لاحظوا مرة آخرى الدعاوي القبليه التي يقودها هذا الامنجي هنا.
وفبركة الصور و الايميلات المضروبه هي سبب ذهاب مصداقية المنبر!! يا سلام.
يا خضر عارف يكفيني شنو؟؟؟
ان هذا المجرم انكشف ولو لنفرين من امثال خضر حسين
و ريهان الريح الشاذلي وسفيان نابري
فانا احترمكم وسعيدة ان بعضكم عرف الحق.
اما ان تعتقدوا بان بكري سيفعل شيئا فلا.
رفعت الاقلام وجفت الصحف.
القيد الصحفي نفسه يا خضر جاء كتكريم لناذر
على جهوده بتخريب سودانيز اون لاين دوت كم.
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: خضر حسين خليل)
|
العزيزة تراجي
تحياتي
ويازولة إتأخرتي شديد!!
باكر حأجي لي مداخلتك الثرة دي
فقط هنا لأشكر لك حضورك
أيتها الصديقة !!!
ــــــــــــ
سفيان
كيفنك ياخ
شايفك
صفقت جريت فرحان
لا تغطيني أنا أنا عرقان
من وهج فيني !! لا تغطيني
دم بخير ياصاحبي قريباً من الحق دوماً!!!
ــــــــــــ
أها يا ناذر
عسي ولعل مرافعة تراجي دي تجيبك بي جاي
فقط إنتبه للمحاذير الآتية :
رجاءاً أن تلتزم بمحاور النقاش دون أي هتر
كما يرجي عدم إصطحاب الجوغة والفنانين والشيالين
فقد إنتظرتك سيدي كثيراً ولم تأتي !
فإن حدثتك نفسك بالحضور فإلتزم بقواعد السير
التي وضعناه لك خصيصاً !! وناس أم رشيرش وأبو رشيرش
ما معانا ! عشان نقدر نواصل معاك بذات الموضوعية والاحترام
ونشوفك باكر !!!
رفعت الاقلام وجفت الصحف
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: خضر حسين خليل)
|
صديقى خضر
كل سنة و إنت بخير ..
وبعد ..
صديقى لا يمكن تجاوز تأثير المفاهيم السائدة فى خضم الصراع الإجتماعى .. سائدة لأن الفئة المتنفذه إجتماعيا تؤسس لها و تتقيأها على قارعة طريقنا لتنمو حجرا على الحريات كلها , صحافة , تعبير , تنظيم .... ألخ , وينتج عن هذا قوانين تستمد شرعيتها من هذه القذارة ..
يا صاحبى نرفض كل ما يحد من حرية التعبير , سلوكا أو قوانين , و ما يؤلم حقا أن تطال هذه الممارسات حتى هذه المساحة الحرة كما نعتقد .
خضر و كل من يدعم الفكرة إن هذه المحاولة يجب أن تكون الحجر الأول لتحريك المسأله , و من ثم هزيمة العقلية ذاتها مع الإلتزام بفضح ممارساتها و الإتجاه أعمق لنسفها فى بنيتنا الفكرية و ممارساتنا اليومية ..
......
بجيك راجع
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: ahmed haneen)
|
Quote: خضر
سلامات...
وبعد الأحضان والمطايبة..
اها انا قاعد هنا وبمزاج ..
وكباية شاي مظبوط .. مع نفس برنجاية ..ز
وداير احضر نهاية الفلم دا شنو ... |
العزيز أحمد حنين
تحياتي الحارة (ووين الحي بيكـ)
أحمد مجرد حضورك يا صاحبي لا يكفي !! صدقني الموضوع أكبر
مما تتخيل !! أنا إنتظرك وكثيرين من الأعزاء والعزيزات
لنسمع رأيهم في ما يحدث هنا!!!
لك مودتي يا أحمد
وفي انتظارك
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: خضر حسين خليل)
|
Quote: تخريمة..
تحية ود للود ابو صلعة سفيان .. |
حنين ياحنين
شوق شديد ياخ
كيفك والعيال ؟
طولنا من الشوفه !
Quote: اها انا قاعد هنا وبمزاج ..
وكباية شاي مظبوط .. مع نفس برنجاية ..ز
وداير احضر نهاية الفلم دا شنو ...
|
غايتو بركة في الشاي
والفلم ده ما حينتهى
انا عارف وانت عارف
والله ذاتو عارف بالطبع
وغايتو احرس وحارسين
معاك .
سفيان
| |
|
|
|
|
|
|
|
|
|
Re: إلي ناذر الخليفة المنبر دة حق أبو منو بالضبط !!!! ؟ (Re: سفيان بشير نابرى)
|
Quote: منير يازول انت ماملاحظ انو نفسك في الموضوع ده حار
شوية؟ .. شنو يازول !! بعدين كدي في سؤال ليك فوق
رد عليهو عليك الله .. بس بنفس بارد .. وحاول طلعني
من دماغك .. مامتعود اكرر الكلام .. سمعت ؟ .. |
سنة يا ديجانقو؟؟ .. خطر والله ..!!!
يازول دماغ شنو البيختوك فيهو أمثالك عشان يشيلوك منه؟؟ .. اتلهي ياخ ..
_________________________________
يا خضر اتهامك هو توجيه كلامك لي من دون خلق الله بأني خربت البوست ـ سوء ظن منك ساي ـ وحقيقة للآن ما وضحت لي إنك شفت شنو غريب في المداخلة بتاعتي خلتك تعتبرها خربت البوست ..؟؟ .. يعني نفس وسواس الباقر النزل بيهو بوست ؟؟ ..
بالمناسبة إنتو من العينة الـ لو مسكتوا حكومة وعملتوا ليكم جهاز أمن حتطلعوا عين الناس بالشبهات ساي .. يعني الشئ البتشتكوا منه دا حتعملوا زيه أو أسوأ منه .. لأنه الظاهر عليكم مصنفين الناس مسبقآ بدءآ برواد السايبر !!!!! ..
| |
|
|
|
|
|
|
| |
خضر حسين خليل
ريهان الريح الشاذلي
Elbagir Osman
سفيان بشير نابرى
Kostawi
yasir tamtam
محمد عثمان محمد طه
كمال علي الزين
محمد الجزولي
ناذر محمد الخليفة
Munir
Faisal Elrasheed
حامد محمد حامد
mayada kamal
ALazhary2
جعفر محي الدين
Al-Sadig Yahya Abdall
طارق عبد اللطيف نقد
ASHRAF TAHA
سارة علي
Tragie Mustafa
محمد المبارك ابراهيم
عز الدين بيلو
ahmed haneen
Hussein Mallasi
فيس بوك
تويتر
انستقرام
يوتيوب
بنتيريست