مقاسك من مقاس وطنك ضراعك من حلم فاسك همومك من دموع ناسك وناسك من ضراع بأسك فياالمحجوب سلم رأسك
وعافيتك
سنينك عمرو ما كليت ولامليت من الحوبات أناشيدك عصافيرك تفكها من زمن تاتيت نباريها نغنيها غنيوة الواجب اليومي مشاويرك بتطلع من شقوق أرضك
نغنيلك
نغنيلك أماني (أماني) ماجايات (والجايات يسنن سن) تغني أحلامنا بي عمرك ونغنيلك غناياً جد يفوت الحد بصوت الشارع اليهدر وكت يكسح متاريسو يخت المدفع الخازوق مكانو(الصاح)
ونغنيلك
تجيك الطبقة بالابرول بالازميل بالمنجل وبالاشواق
(لتاخدك) إنت يالمحجوب بالاحضان
نغنيلك تجيك مريومة أم الكل يجيك ألماظ يجيك ترهاقا بي نفسو يجيك (جوزيف ) يجيك أوهاج يجولك جملة الشهداء وتبقي المحضر المفتوح بدل نقطة
لانك سيدي (المحجوب) كتابة الشارع المافيش مدادك من دموع الكل
ونغنيلك
بتستاهل وتستاهل بتستاهل
بتستاهل مكانك إنت ما المشفي لا المنفي لاشالا ولاكوبر مكانك سيدي المحجوب مكانك إنت يا محجوب مكانك في حباب العين مقرك في قلوب الناس فيا إنسان نعزك نحنا بالعندك وبالمافيش نغنيلك واغنيلك واغنيلك واغنيلك
خضر
الخرطوم
10/5/ 2006 م
<=====للزوار: للتعليق على هذا الخبر او المقال اضغط
رد
Quote: لقيتك فى طشاشى دليل وفى حرّ الهجيره مقيل ركزت على رضاكِ عصاى لقيتك فى حياتى جذور بنيّه اتلفّحت بالنور مهجّنه من غنا الأطفال.. ومن سعف النخيل والنيل ومن وهج الشمس موّال
وان اخترتينى إنساناً.. عزيزَ النفس بتمنّى.. وبسيط الحال علىَّ حرَّمت زرعاً ما سقيتو حلال ومافصّد حصادو قفاى وبينى وبينك الضحكه.. ورحيق الشاى وطعم الخبز والسُتْره.. ومساء النور وعمق الإلفه.. بين النهر والنخله وغنا الطمبور وصدق العُشْره بين الأرضِ.. والإنسان وبيني وبينك الفكره.. وجمال الذكرى والنسيان وحسن الظن ومشوار الحيا اليوماتى ما بين الجبل والسهل.. ما بين الصعب والسهل عزّ الليل.. وفى سكّه مطر بكّاى فلا هماً تشيلى براكْ ولا جرحاً أعانى براى ولانا على بعض نمتن
هذا هو محجوب شريف فلنرفع الأكف ضراعة لأجله
<=====للزوار: للتعليق على هذا الخبر او المقال اضغط
رد
أناشيدك عصافيرك تفكها من زمن تاتيت نباريها نغنيها غنيوة الواجب اليومي
التحيات الطيبات تحياتي يا خدر ، أعرف مثلك تماماً ، من هو محجوب شريف . من هو الذي بني ذواتنا "النذيهة" بحمده الصامدة باشعاره واحلامه المشروعه من علمنا الحب والغني والمشي بمهابة من علمنا حب بيوتنا، أوطاننا ، عشة وميري وغني تلميذة صباح الجُمعة وأم بتهبب نار الشاي من علمنا ان لا نسرق ولا نكذب ولا نهادن ولا نبيع ولا نلين...
<=====للزوار: للتعليق على هذا الخبر او المقال اضغط
رد
لمحجوب بيت شعر كبير في معانيه يقول فيه (الباع همومو سرق) علمنا الكثير ياصاحبي ولاذال علمنا كيف يعيش الانسان من أجل الاخرين علمنا الي جانب كل ماذكرت معني التضحية . ياقرمبوز الزول ده عجيب وكفي بالله وكيلا .
خضر
<=====للزوار: للتعليق على هذا الخبر او المقال اضغط
رد
Quote: نغنيلك تجيك مريومة أم الكل يجيك ألماظ يجيك ترهاقا بي نفسو يجيك (جوزيف ) يجيك أوهاج يجولك جملة الشهداء وتبقي المحضر المفتوح بدل نقطة
يخجـلني أو يـؤلمني أن كـلماتي لاتشبه كـلماتك وكلمات الآخـرين في التعبير والحب لمعلم حب الوطـن..
Quote: بتستاهل وتستاهل بتستاهل
بتستاهل مكانك إنت ما المشفي لا المنفي لاشالا ولاكوبر مكانك سيدي المحجوب مكانك إنت يا محجوب مكانك في حباب العين مقرك في قلوب الناس فيا إنسان نعزك نحنا بالعندك وبالمافيش نغنيلك واغنيلك واغنيلك واغنيلك
منذ الامس وأنا احتفي بحضورك البازخ محجوب شريف ده يامني زول عجيب يمشي ومابطاطي يحوم ماشاء له الدرب من المشي بجلبابه الابيض في حواري امدرمان يصور حينها مايصور من المشاهد ليصيغها لحكم تمشي بيننا بسفره خيم إحباط كبير علي قلوب العديدين من الاصدقاء والصديقات ومافي ونسة بلا المحجوب هنا دعاء شعبنا كله موجه لشفاء هذا البني آدم . عم ابراهيم حدثته هذا الصباح عن سؤالك عنه كان يحمل في يمينه كباية الشاي وفي اليد الاخر (رغيفة) هو يهديكي الرغيف والدموع سيدتي وكثير السلام . هكذا بلغني بلغته البسيطة ( قول ليها اول ماتجي انا عازمك شاي بي رغيف بلدي) أخشي عليه من السفر ايضاً السفر يامني سفراً بلا ميعاد . شكراً صديقتي وبيننا الف موعد .
خضر
<=====للزوار: للتعليق على هذا الخبر او المقال اضغط
رد
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خضر حسين خليل
Ishraga Haimoura
Ibrahim Algrefwi
Nasr
فيصل محمد خليل
Muna Khugali
Kamel mohamad
نجوان
انستقرام
يوتيوب
بنتيريست