|
|
 يااااااااااااااااااا للاسف
|
احس بالحسره تملا جوانحى ...
للاسف الشديد قررت لجنه النصوص عدم اجازه ثلاث نصوص من اغنيات شريطى السبعه وهذه النصوص
اغنيه
باب الروح
كلمات عاطف هيرى
الحانى وتوزيعى وغنائى
باب الروح متاكا انسربى
صاحيات ألحدا يق أرعى
قبال منجنيق الخوف
يعاود ضربي
قبل الطير وصعلوك
النحل منكبي
هشي العافية من تمري
المخمر وعبي
متل النيل طبق مركوبو
مارق للبحر مدبى
أدخلي في الجسد محمومة
بي المرض المحير طبي
ذي اتر النعال فوق
الرمال متخبى
هشي العافية من تمري
المخمر وعبي
مرحب بي الرجال
من شرقي أو من غربي
ما فينا راجلا خان
لا زول شليق ومجلي
إن جانا الغريق
يلقانا نجده تملى
وان جانا العدو
حت إن بينا تار
لابد يطوق الذاد
بعد داك بالسيوف بنحلي .
هذا هو النص الاول
|
|
 
|
|
|
|
|
|
|
|
Re: يااااااااااااااااااا للاسف (Re: HAMZA SULIMAN)
|
النص الثانى
الهمباته
كلمات عاطف خيرى
الحانى وتوزيعى وغنائى
تشوف الغيمه
في مقله مرايه السهلة
راخيه رموشه
تنت في أم شديدة
القهوة جاتا الدوشه
في طاقه منام هلواسه
لاوذ ود قزح
طربان وشايله الهوشه
ختفت توبة قالت أخ
نست باب حوشه فاتح
والمطور الليلة كيف ملبوشه
دسيه منك فيه
أو سميهو في الخيل الصحاب
البخشو الحضره دونما نوبة
من غير ما يدقوا الباب
البدسوا الفكرة
في ضحكه بنات
نعش البنادن قمره
تغسل جمره
في ريق السحاب
البحرسوا الخمرة
في النخل البصحى التمرة
نص الليل
إذا نقص الشراب
دسيهو منك فيهو
أو همباتى غارز
في اتر شوفتك
على رمل المناظر ناب
دسيهو منك فيهو
جمله أولياء النحت
سابقين الحواس بي ركعة
نهاضين وينفقوا
من حلوق الجوف
حصان
في ضحكتك مربوط
مرق من ليلى ليلك جنا
من دبر اليقين مقدود
كلما الموج راودك عن نفسو
تعطشي فينى
كلما الليل ذاد نجمه
في كتف العسس
جرت العصافير المطار
دخل الشعر وكر المباشرة
والبنات طفوا الرتاين ولعن
الخمروك
فتحوك اندايه ومشن
الكلما صابحتهن
سرقن نهارك ومغربن
ألفى صدورن هرطقة
واشلاق حليب
بت الذين احبهم
انه صريف في كرنق الروح
المطر ما ببقى لي زول
المغارب لابسه اقصر من
خيال المفترى
ونحن مديونين نسيم
تلقاه في اول
شريعته شاردا… فارده شروده
في الموج الحتل في باله
ظنها طافية غامته حنانا
في أيده وينقع عافيه
تشبه في الوقع من عشو
خوفوا إذا يطير
لا يلقى قبله
ولا طفل في ايدو نبله
ولا غصن ذو شوك رحيم
والبادي اجمل .
| |
|
|
|
|
|
|
|
|
|
Re: يااااااااااااااااااا للاسف (Re: HAMZA SULIMAN)
|
النص الثالث
اغنيه علاقه الدم
كلمات الصادق الرضى
الحانى وتوزيعى وغنائى
سوف اصنع
لي فتاة من دماي
كي تقدسني
وتبكى عند موتى
دون زيف
سوف اصنع لي فتاة
من دخان سجائري
لتلم عن وجهي
غبار الاغتراب
وكي تقينى
من مكابدة النزيف
سوف اصنع
لي حبيبه
تفهم الوطن
الذي أشقى به
واخصها بالشعر
والحمى اسميها نضال
إن هذا الاسم
اقرب من دمى
قد قلت يوما
هكذا تلد المدينة
من غزارتها غبارا
كي تسميه دما
فتلفت الوجهاء
حيث أشرت
ثم تناقشوا
في اللون
واللغه البذيئة والرغيف
كم تبعد الأشياء
عن لغتي
وانت تغادرين
دمى إلى أقصى
تفاصيل النقيض
تتسللين
إلى نوافذ غربتي
وتهيئين القبر من أجلى
لارقد في سلام
كم يبعد
الشعراء عن ألحانهم
كي يكتبوا
أشياء أخرى
لا تخص العاشقات
أذن
سأعلن في المدينة
عن حياتي
ثم اخرج عاريا
في هيئه الأطفال
كي أجد البراءة
في ثياب الأنقياء
اكذا نموت
كما ولدنا عاريين من البكاء
سوف اصنع لي حبيبه سوف اصنع لي وطن .
| |
|
|
|
|
|
|
|
|
|
Re: يااااااااااااااااااا للاسف (Re: HAMZA SULIMAN)
|
اعزائى
من فتره طويله اعمل فى هذا الشريط حيث اننى قمت بتكاليف ريعه كله من حيث الاستديو والعازفين والشعراء ... اتصلت بشركه انتاج فنى كبيره هنا فى الامارات لشرائه فكان الاتفاق ان اجيز النصوص والتزامى بحقوقو الشعراء والملحنين والتزمت بحقوقو الشعراء والملحن لجميع الاعمال شخصى لذلك ما كان هناك خوف فى ان التزم بحقوقو الشعراء لكن جاءت الرياح ونسفت كل ما حلمت به من هذا الشريط
هذه حيثيات هذا الشريط الاول
وهو يحمل توقيع كا من الشعراء
على كيفى عبد القادر الكتبابى
تعرفى ليه فتح الله ابراهيم
باب الروح عاطف خيرى
الهمباته عاطف خيرى
وطنا محمد حسن سالم حميد
علاقه الدم الصادق الرضى
ام ضفاير حقيبه عبيد عبد النور
| |
|
|
|
|
|
|
|
|
|
Re: يااااااااااااااااااا للاسف (Re: HAMZA SULIMAN)
|
هذه اغنياتى ارتمت حزنا على
يا يحى فضل الله
لى بعض الاسئله واتمنى مناقشتها
هل لجنه النصوص للاختيار ام لى برقراطيه الاجراء ؟
هل سنغنى غناء الحب بعد الثروه والسلطه ؟
لماذا الاجازه لنصوص معينه لا غيرها وشعراء معينين ؟
لابد ان نغنى جميعنا التمتم كما يشتهى (بضم الياء) ؟
من هم اعضاء لجنه النصوص ومن هو رئيسها ؟
احتراما للاجراء ارسلت هذه الاغنيات الى لجنه النصوص لكن لم ارسلها لهم لى يختاروا لى ماذا اغنى فانا لم اخدش حياء فى خياراتى وساغنى ما تمليه على زائقتى فى حدسى تجاه المجتمع كله فانا للمواطنه ليس الا وما يفسر ذلك ضده فليتحسس نفسه
لى عوده
| |
|
|
|
|
|
|
|
|
|
Re: يااااااااااااااااااا للاسف (Re: HAMZA SULIMAN)
|
استاذ حمزة : سلامات وكل سنة وانت بخير , اشاركك الحزن والاسف والخجل الكبير . اغانيك ستكون بخير اذا حملت فنها داخلها ولم يكن الفن الحقيقى فى يوم من الايام بحاجة الى تصاديق واختام , انا معك ان الخسائر كبيرة وان مجهودك لن يمتع الاخرين_ فى الوقت الذى تحدده _ لكن من المؤكد ان هذا عرضى , مؤقت وزائل مثله مثل الاف الاشياء الزائفة التى لا تلمع حتى وهى تحت اشد الاضواء كمالا . ربما كنت محظوظا بذلك ,المعروف انو الاغانى التى تحجبها المصنفات هى اغانى ناجحة مسبقا . لا تياس .
| |
|
|
|
|
|
|
|
|
|
Re: يااااااااااااااااااا للاسف (Re: عاطف عبدالله)
|
أيها المبدع المترع أخى وحبيبى الصديق حمزه
كل عام وانت الحب وشمسكم مبعث الدفء والحلوين أواب ومحمد
أخى الفنان حمزه على مر الحقب تساقطت الحكومات وأتلفت القوانين المسيسه وكان مبعث الثوره هو الفن الذى يعبر عن حالة المجتمع .. فلا تبتأس ولا تقنط وأجعل ذلك دافعا للأبداع وسجل كل مالديك وأنتظر ذلك اليوم الذى ستشرأب لك الاعناق وسيعانقك كل مستمع ذواقة ..
سر أخى فى طرقك الذى تفرشه لنا بالاحساسيس وجمال الذوق وننتظر منك الكثير ونعلم أن فى جرابك المثير الذى لم يخرج بعد..
أخوك
| |
|
|
|
|
|
|
|
|
|
Re: يااااااااااااااااااا للاسف (Re: عزيز)
|
لجنة النصوص جهه حكوميه..فى غاية الاهمية..لتنفيذ مخططات الدوله الاعلاميه المتمثله فى ذوق الناس .
ستقول ان تماضر تشطح..اذا قلت لك ان من اعمق الاسباب التى قادت السودان الى الحروب العنصريه..واستمرار فكرة الاستعلاء العنصرى..هى لجان النصوص. لانها لا تقبل بالنصوص الثورية..بل تضرسها هذه الاخيره..ولا تحب الغرابه الايجابيه..ولا تروق لها الاصوات التى لم تتعود سماعها ولا تجد فى مداركها متسعا للخارجين عن "العادى"..و"المتخلف" و "القاتل" ويوصمونهم بالنشاز.
انا اتفق مع عاطف عبد الله..
لا تربط فنك بلجان النصوص..وانطلق برسالتك الجميله..من خارج هذه الدائره الضيقه..فهم متسمرون فى نصوص..لا تسمن ولا تغنى من جوع المرحله..ونقاط التحول..
دع الاصنام فى حالها..و"لا توقظ هذا الحيوان" كما تقول اعلانات حدائق الحيوان. فله غفوة ابديه..
احمل غناءك الى اودية السكون....فستوقظ الكائنات الجميله..ويشرق الصباح
| |
|
|
|
|
|
|
|
|
|
Re: يااااااااااااااااااا للاسف (Re: Tumadir)
|
الحبيب عزيز
معا نشيل كتف الغنا الميل
الحبيبه تماضر
الله يخليك
لم اربط يوم خياراتى بشخص او بلجنه واذا كان ذلك لما اخترت من البدايه مثل هذه النصوص فما كان منى هو احتراما لشى ادارى برقراطى
لكنى ما ارسلت النصوص لتختار لى لجنتها ما اغنيه ... وان شاء الله ساغنى ما يمليه على فكرى وخياراتى لا ما تختاره لى لجنه النصوص ...
| |
|
|
|
|
|
|
|
|
|
Re: يااااااااااااااااااا للاسف (Re: عاطف عبدالله)
|
الحبيب عاطف
نعم انى تخيرت دربى
لكنى اعلم ان هذا هو درب الفنان الذى يحس بهموم المواطنه كلها... ان اترجم لحظه حب او حزن او ان انشر ثقافه سلام بين الناس ما على ان اغنى مافى جنوب بدون شمال ومافى شمال بدون جنوب لذلك انا اعى دورى من فكر اسرشد به هو حدسى الذى يدلنى على توظيف الفن لان الفن لو تحول الى مجرد ترفيه سيكون تسلية لكنه قضيه تحمل داخلها قضايا ساعه ....
وعندما ارسلت النصوص للاجازه ماهى الا خطوه احترام لى مؤسسات دوله لكن الدوله استطاعت ان تحول من لافته المصنفات الفنيه الى بوليس سرى يكبل حتى اللحظه الابداعيه عند الفنان ورغم ذلك ارسلت النصوص ليقينى ان ما بوطنى من تحولات فكريه وهامش حريه كما يقول اهل السياسه جدير بزيوع نصوصنا الى مساحات ارحب 0
| |
|
|
|
|
|
|
|
|
|
Re: يااااااااااااااااااا للاسف (Re: نادر)
|
الاخ ابوريش
لك الشكر لمبادرتك وانزلت لك باقى النصوص
الاخ احمد الريح
العمل قبل الانتماء وليس ارضاءا لاحد او لارضاء مزاج
الحبيب نادر
لجنه النصوص هم شعراء القبيله
لك حبى اخى نادر
| |
|
|
|
|
|
|
|
|
|
Re: يااااااااااااااااااا للاسف (Re: HAMZA SULIMAN)
|
الأستاذ حمزة سليمان ،
هناك حقيقة سؤال موضوعي الرجاء أفادتنا لنعرف كيف يتم أجازةورفض النصوص ومن هم أعضاء لجنة النصوص .لأنه ساحة الغناء في السودان ملآنة بالكلام الكثير الغريب والذي لا يرقى للمعاني السامية التي تحملها هذه القصائد .
| |
|
|
|
|
|
|
|
|
|
Re: يااااااااااااااااااا للاسف (Re: HAMZA SULIMAN)
|
تستاهل ياحمزه،انت البوديك لى ناس لجنة اللصوص ديل شنو؟ياخى سيبك منهم وغنى غناك..واللا لو بتعرف الدرب التحت انسرب بيو والحكايه بتمشى
على كل انا من زمان عندى راى فى لجنة النصوص،وبعتقد انها غير مجديه ولم تكن ابدا يوما ما فى صالح الاغنية السودانيه،وبالتالى توقف تعاملى معها بعد رفضها كلمة السر من الحان الموصلى وغناء عبداللطيف عبدالغنى
| |
|
|
|
|
|
|
|
|
 Re: يااااااااااااااااااا للاسف (Re: HAMZA SULIMAN)
|
حمزة الفنان
هون عليك
صدقني بجي "الزمن الفلاني "
وقتها تستطيع ان تصدح باغانيك دون اذونات سخيفة
ولحدي الوقت دا خليك متأكد انه الجمال ما محتاج اجازة من زول /ة
بس انت " علي صوتك بالغناء لسه الاغاني ممكنة "
| |
|
|
|
|
|
|
|
|
|
Re: يااااااااااااااااااا للاسف (Re: HAMZA SULIMAN)
|
العزيز حمزة لك الود
اتفق مع الجميع بانه لابد من معرفة اسماء اعضاء اللجنة حتي نستطيع فهم موقفهم هذا
والشي الثاني 0000 اتفق ايضا مع الاستاذ / بشري سليمان ويمكن جدا ان تتجاوز موضوع
لجنة النصوص دة0000 انا عارف انك حريص علي موضوع اللجنة هذا حتي يصل الشريط
لجمهورك في السودان لكن ممكن جدا يصل
وامضي 000 قدما
| |
|
|
|
|
|
|
|
|
|
Re: يااااااااااااااااااا للاسف (Re: jini)
|
العزيز حمزة...
لك الود الكثيف...
لجنة النصوص دي وين...؟ في الامارات و لاى في السودان؟
طيب الان الحل العملي شنو...؟ لانو نحنا دايرين شريطك ده يمرق كامل مكتمل....بس أرجوك خلينا في الصورة دائما ...
و كل سنة و انت أطيب...
| |
|
|
|
|
|
|
|
|
|
Re: يااااااااااااااااااا للاسف (Re: Mandela)
|
العزيز حمزة
إنت الموديك لجنة النصوص شنو؟ يا زول امشى سجل غناك
وانسى موضوع لجنة النصوص
ولو عايز تمشى لجنة النصوص اديك إقتراح ساهل
غنى نوع غناء جواهر وكلها حتكون مجازة ومعاها بوسة
| |
|
|
|
|
|
|
|
|
|
Re: يااااااااااااااااااا للاسف (Re: Mandela)
|
الحبيب مانديلا
الحل انو اغير الاغنيات الثلاث
وهذا اضعف الايمان
لكنى اطالب بحقوقى الطبيعيه وهى هذا حقي الاختيارى
اغنى ما اشاء طالما انى لم اخدش حياء
ولا اريد ان اغنى
مثل ما قال يحي فضل الله للشاعر ابو قطاطى
حلاتا يا حلاتا
وسط زميلاتها
انا دائما لا اميل لتلحين مثل هذه النصوص
اعمل شنو
؟؟؟؟؟؟؟؟؟
| |
|
|
|
|
|
|
|
|
|
Re: يااااااااااااااااااا للاسف (Re: HAMZA SULIMAN)
|
لو كانت كلماتك عن الغسيل والمكوه لاجيزت توا
متي كانت اللجان تقرر للفن فقد كنت يوما
عضوا بلجنة الالحان وذكرتهم بالمصائب التي واجهتني
فاخجلتهم
انا افهم ان تكون اللجنةمراقبة للنص من منظور
السقوط الاخلاقي والاسفاف او ما يخدش الحياء العام
وبأمانه هذه النصوص رفيعه ورائعه
ويبدو ان شعراء الحداثة عاطف خيري والصادق الرضي وغيرهم مستهدفين
واصل اعمالك وان مابقيت علي الاغنيات
اديهم للعبد لله لانو الحانك رائعه والشعر جميل
ايه رأيك في الانتهازيه دي
| |
|
|
|
|
|
|
|
|
|
Re: يااااااااااااااااااا للاسف (Re: Elmosley)
|
الاستاذ حمزة
لست اولهم ولست اخرهم من المبدعين في بلادنا الذين تضرروا وتضررت جماهيرهم من اعمال هذه اللجنة التي لا نعرف
معاييرها
وطريقة انتخابها
وسير احكامها
ومدة بقائها
المهم ان يلعب اتحاد الفنانين والفنانيين حتى من غير المنتسبين للاتحاد للتصدي لهذا المقص وهذه المجازر باسم الزوق العام الفضح يجب ان يكون عاليا وموثقًا والنضال يجب ان لا يتوقف عن المطالبة بوضع اسس جديدة ديمقراطية لمثل هذه اللجنة
والتحية لك وانت تغني نصوص تعبر عن معاناة جيلنا واحلامنا
وباكر ضواي ويوم بكرة جميل
من فالو النيل يطمح طوفان
ويخاف من موجو تماسيحو
| |
|
|
|
|
|
|
|
|
|
Re: يااااااااااااااااااا للاسف (Re: HAMZA SULIMAN)
|
اخى الفاضل حمزة
كل سنة وانت والاولاد بالف خير
يابلد دعك من هؤلاء لانهم اصلا لايفقهون وفاقد الشئ لايعطيه
انا شخصيا لا اؤمن بلجنة نصوص ولكن هنالك مافيا ولصوص
نحناهنا فى البورد دا من موسيقيين وادباء فيه , نشكل اعتى لجنة
نصوص وألحان , واعتبر ان كل اعمالك الملحنة وشعرائها , مجازة ومجازة ثم مجازة
ولاتكترث ياصاحبى وكمل مشوارك وبعد التسجيل رسل لينا النسخ عشان نحتفظ بيها للامانة والتاريخ
اها شنو رايك؟؟؟
بالتوفيق ياجميل
بكرى
| |
|
|
|
|
|
|
|
|
 Re: يااااااااااااااااااا للاسف (Re: HAMZA SULIMAN)
|
خبر مؤسف و خسارة كبيرة لك و لنا يا أستاذنا حمزة الفنان
فقط لي سؤالي و ذلك لجهلي بمثل هذه الاجراءات الفنية هل دور لجنة النصوص السودانية يمتد الى أبوظبي أيضا أم يمكن انتاج الشريط و توزيعه عن طريق شركة انتاج أماراتية؟ و هل يمكن توزيعه و بيعه في السودان دون موافقة لجنة النصوص؟
| |
|
|
|
|
|
|
|
|
|
Re: يااااااااااااااااااا للاسف (Re: Nada Amin)
|
العزيزه ندى
بحلم بان يصل مكتوبى الى الحبيب بلدى يحمل طابعته التى احب
ممكن ان اتجاوز هذه اللجنه لكن ما من حقى ان اغنى ما اريد ؟
فلا يمكن دخوله السودان اذا لم يمر باجراءت المصنفات الفنيه
| |
|
|
|
|
|
|
|
|
|
Re: يااااااااااااااااااا للاسف (Re: HAMZA SULIMAN)
|
الفنان / حمزة
سؤال الأخت ندي وجيه جدا و هو ما نفس كنت أفكر فيه: هل دور لجنة النصوص يمتد الى أبوظبي و إلي الشركات السودانية و غيرها؟؟؟؟؟
إنت قلت " اتصلت بشركه انتاج فنى كبيره هنا فى الامارات لشرائه فكان الاتفاق ان اجيز النصوص والتزامى بحقوقو الشعراء والملحنين والتزمت بحقوقو الشعراء والملحن لجميع الاعمال"
هل هي شركة سودانية؟ أماراتية؟
و ما ذا قصدت بـ "فكان الإتفاق أن أجيز النصوص" ؟ هل تعني أن إجازة النصوص كان شرطاً وضعته لك الشركة؟ أم إنها رغبتك
قولك " لكن جاءت الرياح ونسفت كل ما حلمت به من هذا الشريط "
يفهم منه أنه شرط وضعته الشركة. وأنك بعدم إجازة النصوص تخسر إتفاقك مع الشركة و يتوقف إنتاج الشريط. هل هذا صحيح ؟ في حالة نعم ، هل كل الشركات تشترط ذلك؟؟؟
في إعتقادي أن توضيحك لهذه النقاط يجلب لك الكثير من الآراء النيرة من أهل المعرفة و الدراية و عشاق فنك في هذا المنبر المليان بيهم. خاصة مع هذا الإجماع التام علي روعة النصوص
| |
|
|
|
|
|
|
|
|
|
Re: يااااااااااااااااااا للاسف (Re: خالد الأيوبي)
|
صديقي حمزة سليمان
عاديا يحدث هذا فعنكبوت القبح لازال يمارس تسلطه
و اكيد ان لجنة النصوص باعضاءها و هم بالمناسبة شعراء كبار طبعا او هكذا يتخيلون لا يملكون الا الوقوف في وجه قصائد لعاطف خيري والصادق الرضي ويستخدمون في ذلك قبح السلطة المتاحو المستشري ضد كل ما هو جميل
لاتقلق يا صديقي
يقول محمود درويش
ـ يغني المغني
فيستجوبونه
لماذا تغني ؟
يرد عليهم
لاني اغني
و قد فتشوا صدره
فلم يجدوا غير قلبه
و قد فشوا سجنه
فلم يجدوا غيرهم
في القيود
في نفس الفترة التي رفضت فيها لجنة النصوص اغنيات مصطفي سيد احمد ـ عباد الشمس ، عشم باكر ، وجيدة ، المسافة ، يا ضلنا ـ كانت اجازت اغنية لابوقطاطي تقول
ـ حلاتا حلاتا
وسط زميلاتا
فتأمل
اصدقاء الشاعر الراحل المقيم علي عبد القيوم بقطر جمعوا كلما كتب عنه في كتاب ورفضت المنصفات الادبية دخول الكتاب الي السودان بناء علي تقرير كتبه التجاني حاج موسي يقول فيه ان الشاعر علي عبد القيوم شاعر يساري و طبعا التجاني حاج موسي شاعر كبير وكمان امين امانة الادب و الدراسات الانسانية و برضو تقولي واحشني وابوي يا فارس الحوبه و كلمني حاول حس بي
حمزة اخوي
غني وسيجدون نفسهم في القيود
و اجمل الاغنيات هي تلك التي لم تغن بعد
| |
|
|
|
|
|
|
|
|
|
Re: يااااااااااااااااااا للاسف (Re: Yahya Fadlalla)
|
كي تعمّ الفائدة ويتناول الأمر من جوانبه كلها، تمنّيت لو كان أحد أعضاء اللجنة عضوا بالمنبر أو على الأقل يمكن أن يصل صوته عبر أحد الأعضاء كي نعرف السبب وراء رفض النصوص التي سردها أستاذ حمزة أعلاه،
من حقّ اللجنة أن ترفض إجازة نصّ تراه مخالفا لقواعدها طالما كان هذا أحد المهام المنوطة بها، ولكن من حقّنا معرفة المعايير والقواعد التي ترتكز عليها حتّى لا تتّهم بالمحاباة،
والسؤال مكرّر:
من هم أعضاء لجنة النصوص؟
ومن هو الذي يعيّن أعضاءها؟
وهل قراراتها نهائيّة؟
وهل هناك فعلا جهة تسيطر عليها؟
أحمد الريّح
| |
|
|
|
|
|
|
|
|
|
Re: يااااااااااااااااااا للاسف (Re: HAMZA SULIMAN)
|
يا أحد الريح لجنة النصوص حسب طلبك هي:
لجنة النصوص نعبر عن ذوقها فقط وهي مكونة من عدة أعضاء
بالكربون يعني يمكن اختزالها في عضو واحد يجتمع وينفض لينقض
على اى نص يراه خروجا على النص وهو حال السودان المال عند بخيله والسيف عند جبانه
جني
| |
|
|
|
|
|
|
|
|
|
Re: يااااااااااااااااااا للاسف (Re: HAMZA SULIMAN)
|
الأستاذ حمزة
إتمنيت إنو الشريط يلاقي طريقو لي السودان , لأنو أكيد كان حيكون فيهو إضافة , ولأنو حيصلنا فيهو صوتك الغياب من أيام فرقة عقد الجلاد
ناس المصنفات خلّـــــوا ناس النبق وجيّـاشة وقبّـلوا علي شريطك , رغم إنو مفروض يكون دورهم العكس
حيصل صوتك رغم المصنفات بس ما تلين
أبنوسي
| |
|
|
|
|
|
|
|
|
|
Re: يااااااااااااااااااا للاسف (Re: Ahmed Alrayah)
|
أحمد الريح
لو سمعت منهم رد بسحب كلامي وأعتذر
ولو ما سمعت منهم رد؟؟؟
ودونك النصوص فقد قام الأخ حمزة سليمان بإنزالها ما رأيك
دام فضلك..وأرجو أن تستمع لأغنية (كلمات وألحان) (صلاح إدريس) قام أخونا راكوبة بإنزالها
وبعد كده تعال وتحدث عن العيب..قال عيب قال؟؟
| |
|
|
|
|
|
|
|
|
|
Re: يااااااااااااااااااا للاسف (Re: dreams)
|
يا خالد الحاج
بدون زعل
أنا ما عجبني وصفك ليهم باللصوص "بغض النظر عن جمال النصوص من عدمها"، أنا فاهم كويّس أنّو الموضوع بالنسبة ليك "عبارة عن سجع... نصوص ولصوص" لكن ده ماعذر،
من المفترض إنو المنبر ده بيمثّل الانموذج "لسودان بنتمناه كلنا"، ولا رايك شنو؟
عشان يؤدي المنبر دوره المنوط به مفروض "نخلي علاقاتنا الشخصيّة جانبا" وما نقعد نوصف في الناس "يمين وشمال" بصفات في أغلب الأحوال ما في محلها،
وعشان الاستاذ حمزة -وغيره من الفنانين والشعراء أعضاء المنبر- يستفيدوا فعلا من إعجابنا بفنهم مفروض نناقش معاهم السلبيات قبل الايجابيات، ومفروض "ما نخجل من كده" لأنو العلاقة بين الأعضاء هنا افترض إنها طيّبة،
إعجابي أو إعجابك الخاص بالنصوص لا يعني أن أعضاء اللجنة "مأجورين"، وإلا ما الفائدة من وجود اللجنة إن كانت للإجازة فقط؟
الاستاذ حمزة سليمان طرف
لجنة النصوص طرف آخر
سمعنا طرف الاستاذ حمزة
لازم نسمع حجّة الطرف الآخر "لجنة النصوص" عشان تكتمل الصورة
ولا أنا غلطان؟
أحمد
| |
|
|
|
|
|
|
|
|
|
Re: يااااااااااااااااااا للاسف (Re: Ahmed Alrayah)
|
بسم الله القوى
بسمه المتين
الودود اللطيف البديع
يا طبيق الهم ده هامش لا يسع لكل الحلام والامال؟
او تذكر بداية التسعينات وحتى نهايتها ؟
اعنى حتى خروجنا؟لا يقام حفل عام لعقد الجلاد ال بتصديق من الامن العام؟
لماذا؟؟ السبب النصوص؟
وصلو مرحله قالوا عاوزين برنامج الحفل؟؟ يا حليلك يا سلفادور دالى؟؟ انت شفته سرياليه؟؟
وانت عارف الوقائع؟؟ نعمه لحميد وامونه للقدال ودوزنه لمحمد مدنى
وصرخه ليحيى قضل الله
يا صديقى لا تقنط فالقابض على الفكره فى هذا الزمان كالقابض على الجمر؟
انهم لا يحتملون ويحملون ما لا يحتمل ؟؟
انهم يريدون تفسير انطباعى للنصوص الشعريه؟
ويا عينى وين تلقى المنام احبابك جفونى؟
ولى عوده
انور عبد الرحمن
| |
|
|
|
|
|
|
|
|
|
Re: يااااااااااااااااااا للاسف (Re: anwar abu gaidaa)
|
الاخ الصديق الفنان حمزه سليمان
انت الموضوع دا لس ما بقى ليك عادى ولاشنو ؟
ولا نسيت ايام عقد الجلاد يوم يكون عندك حفله فيها ترجع او ماترجع
خاصه لو لاقاك ادم(امبده) ويبدا مسلسل القلق نعمه دى نغيتوها ليه
ودى وديك مش كتبناكم تعهد ماتغنوهم وعييييييييييييك للصباح
ولا احكى ليك عن ايام (سويسرا) انا وعمك انور وعثمان وشمت وجمال عبدالرحمن
ايام كان مدير للمجموعه ياما غنينا نعمه واخواتها ذى دشليون مره كدا
على فكره جمال عنده صوت انما ايه
ولا احكى ليك عن كلام( الجماعه اياهم) ايام زيارتهم لينا
فى (سويسرا) وكلامهم لينا انو البحصل دا ماتوجهات الدوله ودى اجتهادات فرديه
دا طبعا قبل الاختلاف ما عارف اسع كيف مازالوا فى رايهم ولا غيروه ؟؟
فياصديقى الموضوع ما جديد عليك
فغايتو كبر مخك واخد الموضوع ببساطه وحاجاتك بتصل رغم انف لجنه النصوص
بعدين انا ابل راسى ولا شنو؟
ولا شريطى دا ابلو واشرب موته
لنا عوده
سويسرا دى (المعتقل)
| |
|
|
|
|
|
|
|
|
|
Re: يااااااااااااااااااا للاسف (Re: عمر بانقا)
|
الحبيب عمر بانقا
والله ضحكتنى ضحك شديد وحقيقى فكرت فيك على طول قلت لى ابل راسى ..
ياخى والله حاجه عجيبه لمتين يلازمنا فى غنانا مر الشجن ؟ ليه نحن مقدور علينا كدى ؟..لابد من النقاش وعشان الناس تعرف كم نحن عانينا وتعبنا عشان نخرج اغنيه ترضى المستمع وترضينا والكلام القلتو ممتاز وانا كلو عارفو وعايشو لكن الناس كلها ما عارفاهو كم انا سعيد بمناقشه البورداب لهذا الموضوع ومعرفتهم به ..ح تسمع احدى الاغنيات هنا انشاء الله واتمنى المناقشه اكثر
لك الاشواق يا حبيب ..
وان شاء الله يجيزوا ليك غناك
| |
|
|
|
|
|
|
|
|
|
Re: يااااااااااااااااااا للاسف (Re: HAMZA SULIMAN)
|
لكل الاسباب دي وغيرا نحن بنحبكم وبنقدركم وبنحترمكم ومتاكدين لعقد الجلاد الا عقد الجلاد
علمتونا كيف نوصل الفكره ولو على رقابنا... علمتونا كيف ندافع ولو بي كلمه
لك كل الاحترام استاذنا حمزه
نوف
| |
|
|
|
|
|
|
|
|
 Re: يااااااااااااااااااا للاسف (Re: Ahmed Alrayah)
|
الاخ احمد الريح
تحية واحترام
انا افتكر انو الاخ خالد محق فيما قاله من وصف , وانا ايضا قلت بالحرف الواحد
مافيش لجنة نصوص , ديل مافيا ولصوص
والسؤال
Quote: إعجابي أو إعجابك الخاص بالنصوص لا يعني أن أعضاء اللجنة "مأجورين"، وإلا ما الفائدة من وجود اللجنة إن كانت للإجازة فقط؟
|
ارجو ان تتحرى الحقائق لانو بالتاكيد فى حلقة مفقودة لديك
تحياتى وتقديرى
| |
|
|
|
|
|
|
|
|
|
Re: يااااااااااااااااااا للاسف (Re: Ahmed Alrayah)
|
أحمد الريح..
إزيك يا زول يا زين..
تعرف مرات بحسدك علي طيبة قلبك.ولو لا قناعتي بصدق نواياك ما كلفت نفسي مشقة الرد
ياأخي إنت وين؟؟قال يرسل ليهم رسالة..
يا إبن أختي خليك واقعي..وحاول زي ما بتوصل رأيك للأخرين تستمع لرأيهم
للمرة التانية بطلب منك بحق الخوة والزمالة أمش أسمع الأغنية التي أنزلها أخونا راكوبة
وهي من كلمات وألحان صلاح إدريس وتعال أقنعني بأن اللجنة لجنة منزهة وشريفة..
تعرف يا أحمد شئت أم أبيت الحكاية فيها ريحة..ولما قلت لجنة لصوص لم يكن الأمر سجع بالنسبة لي
فقد عنيت ذلك والقصص حول لجنة النصوص كثيرة فقط حاول تسمع فقد تغيير فكرك..
| |
|
|
|
|
|
|
|
|
|
Re: يااااااااااااااااااا للاسف (Re: خالد الحاج)
|
أتأسف معك يا أستاذ حمزة، وأقول بقول تماضر. فإن بعض سدنة النصوص،
من سدنة اللصوص، على قول خالد الحاج. هذا إن لم يكن بعضهم لصوصاً.
النصوص الثلاثة بديعة. ولكني لم أستلطف الثالث،
مثل استلطافي للإثنين الأوائل، خاصة حين
يكون دخان السجاير مادة يصنع منها الحبيب.
ربما لوحذف منه هذا الجزء يصبح مقبولاً بحيث لا يبرر
عدم الموافقة عليه. خاصة وإن الساحة مترعة بتافه النصوص،
التيوافقت عليها اللجنة، مما لا يرقى حتى لمستوى النص الثالث
الذي ننتقده، دون أن نقول بحرقه.
زمن حق الكتب وحرق النصوص، مازال ماثلاً. فلنسأل أنفسنا:
ماذا نحن فاعلون؟
يجب أن نوظف ابداعاتنا لما هو أكبر من النصوص البديعة،
أي لما من أجله نغني في المقام الأول!
يجب أن نوظفها للثورة،
من أجل حياة أخصب، لنا ولسوانا!
ومثلك يا حمزة يفهم ما نعني!
فإنني ما زلت آآآآآآآآآآآآآآسفاً، أيها الفنان الموهوب!
| |
|
|
|
|
|
|
|
|
|
Re: يااااااااااااااااااا للاسف (Re: Ahmed Alrayah)
|
الاعزاء جدا
وتاج الراس
احييييييييييييكم
نيو سودانى
الاستاذ بشرى سليمان
الجندريه
سوركتى
جنى
مانديلا
ترهاقا
استاذ الموصلى
خالد الحاج
بنبن
سمندلاوى
الايوبى
صديقى يحى فضل الله
احمد الريح
عبد الرحمن ابايذيد
تبلدى - ابنوسى
المبدعه شيرى
الاستاذه رجاء
خضر
العزيزه دريمز
الحبيب انور عبد الرجمن
الاستاذه لنا مهدى
معتصم دفع الله
حيدر بدوى
اشكركم على الطرح والاسئله ومذيدا من النقاش واعدكم بان انزل اغنيه من الاغانى الغير مجازه لسماعها واتمنى ان نصل الى نتائج حتى نعرف اسباب عدم الاجازه 0
يا ريت كل الناس تتداخل بى الاجوبه والاسئله والطرح والحلول ومذيدا من النقاش
| |
|
|
|
|
|
|
|
|
|
Re: يااااااااااااااااااا للاسف (Re: HAMZA SULIMAN)
|
الاخ احمد الريح
تحية واحتراما
Quote: عندي إحساس إنّو أعضاء اللجنة حيكونوا مفاجأة للجميع
أمسكوا الخشب
أحمد الريّح |
يعنى لو طلعو ناس بنعرفهم وبنعزهم ح نتنازل من كلامنا دا؟؟؟؟؟
والله لو كان واحد منهم من اشقائى لما تنازلت عن كلامى
تحياتى وتقديرى
بكرى
| |
|
|
|
|
|
|
|
|
|
Re: يااااااااااااااااااا للاسف (Re: HAMZA SULIMAN)
|
المشكله يااحمد الريح انو لجنة النصوص،وفى مقال آخر لجنة اللصوص،لان بعضهم مرات بيسرقو الشعر المرسل اليهم للاجازه،هذه اللجان لها ختمين واحده عليها مجازه والتانيه غير مجازه وطاخ يختمو ليك على القصيده بدون اى توضيح او اشاره لماذا رفضت ودائما ماتكون ممهوره بتوقيعين من عدد اربعه او خمسه اعضاء غالبيتهم مسجلين غياب،وده السبب فى ضعف كتير من الاغانى البيقولوا عليها مجازه،كما وان للعلاقات الشخصية والمجاملات مع بعض اعضاء اللجنه الاثر فى اجازة بعض النصوص الضعيفة
| |
|
|
|
|
|
|
|
|
|
Re: يااااااااااااااااااا للاسف (Re: HAMZA SULIMAN)
|
الفنان جدا حمزة
الود وانت تبدع رغم كل شئ نعم لا شئ الا الاسف ...صدقني لا يحتاج كل هذا الابداع قرارا من لجنة النصوص ولا احد يستطيع منع الاخرين من الاستمتاع بما تقدم ..لك الود والامنيات .
| |
|
|
|
|
|
|
|
|
|
Re: يااااااااااااااااااا للاسف (Re: Abdalla Gaafar)
|
الأخ الكريم/بشرى
واضح إنّك بتعرف أعضاء اللجنة، من هم؟
أسئلة أخرى تحتاج للإجابة:
من هو المسئول عن اختيار أعضاء اللجنة؟
هل هناك طرف ثالث يمكن الاحتكام إليه؟
هل قرار اللجنة بعدم الاجازة ملزم؟
أحمد الريّح
| |
|
|
|
|
|
|
|
|
|
Re: يااااااااااااااااااا للاسف (Re: DEEK_ALJIN)
|
العزيز الفنان المتميز حمزه سليمان
والله من ما قريت البوست دا وانا محبط و ما عرف اقول شنو والله حرام
وانت عارف احنا مستنين الشريط دا من متين
لا حول ولا قوه الا بالله الصبر طيب يا طيب
وكل سنه وانت طيب
| |
|
|
|
|
|
|
|
|
|
Re: يااااااااااااااااااا للاسف (Re: HAMZA SULIMAN)
|
العزيز احمد الريح
حاليا لا اعرف من هم اعضاء اللجنة ولكن سبق لى ان تعاملت معهم فى السابق وللاسف رفضت اللجنه احدى القصائد هى كلمة السر من الحان الموصلى وغناء عبداللطيف عبدالغنى وطبعا عرفت تحت تحت انهم معترضين لانهم شامين فيها ريحة سياسه مش عشان الكلمات،على كل حال هم عارفين رأيى فى لجنة النصوص عشان كده مادايرين يتعاملو معاى حسب قول احدهم..
لجنة النصوص يتم تعيينها من قبل وزارة الاعلام او الثقافة وقراراتها نهائية ولا يمكن التظلم الى جهه اخرى ودى هى المشلة،يعنى لجنه دكتاتوريه زى حكومتهم
| |
|
|
|
|
|
|
|
|
|
Re: يااااااااااااااااااا للاسف (Re: bushra suleiman)
|
الاستاذ بشرى
هل أفهم من ردّك الأخير أنّ سبب وصفك إيّاهم بلجنة "اللصوص" سببه أنّه رفضوا إحدى أعمالك؟
أما كان الأجدر بك "التريّث" حتى تعرف "من هم" قبل وصفهم بذلك؟
إلى متى يظلّ المنبر أداة لتمجيد أعضاءه وسبّ من سواهم؟
مع فائق احترامي
أحمد الريّح
| |
|
|
|
|
|
|
|
|
|
Re: يااااااااااااااااااا للاسف (Re: HAMZA SULIMAN)
|
الاخ احمد الريح
تعبير لجنة اللصوص كان تعبيرا شائعا ومتداولا بين الشعراء منذ الثمانينات وليس اختراعا من عندى،ولا احقد على احد منهم لاننى لا اتعامل معهم منذ ذلك الوقت وقد كانت اللجنة فى ذلك الزمان مكونة من المرحوم مبارك المغربى والشاعر محمد يوسف موسى وعزيز التوم وعضوين آخرين لا استحضر اسميهما
على كل فى اعتقادى الخاص ان وجود لجنه موظفين وبمثل هذا التشكيل لايمكن لها ان تقدم شيئا للشعر الغنائى ولهذا فمن الافضل عدم وجودها
| |
|
|
|
|
|
|
|
|
|
Re: يااااااااااااااااااا للاسف (Re: bushra suleiman)
|
الأخ الكريم بشرى
شكرا للرد، ولقد أعدت قرءة ردك بتأنّ، ولى تعقيب،
أنت تقول "على كل فى اعتقادى الخاص ان وجود لجنه موظفين وبمثل هذا التشكيل لايمكن لها ان تقدم شيئا للشعر الغنائى ولهذا فمن الافضل عدم وجودها"
ما هو البديل الذي تقترحه للجنة النصوص؟
مع فائق احترامي
أحمد الريّح
| |
|
|
|
|
|
|
|
|
الاستاذ بشرى
هل أفهم من ردّك الأخير أنّ سبب وصفك إيّاهم بلجنة "اللصوص" سببه أنّه رفضوا إحدى أعمالك؟
أما كان الأجدر بك "التريّث" حتى تعرف "من هم" قبل وصفهم بذلك؟
إلى متى يظلّ المنبر أداة لتمجيد أعضاءه وسبّ من سواهم؟
مع فائق احترامي
|
اننا لانزن الحق والموقف باسماء الرجال..
ماهو الموقف .. ?
ان تسلب حق احد من البشر في التعبير ايا كان نوعه لان ذلك فقط لايروق لك. وتغلق امامه ابواب التظلم لانك تري ان رأىك هو الاخير وليس له من ملاذ ..
ان سميت تلك لصوصىة فان ذلك هو حكم خجول..
وبكل ماأوتينا من مقدرة علي الحكم في مسائل الحرية... وفي اعظمها نحن نعفو عن حقنا وندير الخد الايسر..
ابسط ما اقبله من تسمية هي كلمة (لصوصية)...
فلترقص علي نغماتها كل لجنة النصوص ...
بعد ان تروق انفاسها من المدفع الرشاش..
ولكم مني جل التقدير ..
(عدل بواسطة Emad Batran on 02-09-2004, 08:11 AM)
(عدل بواسطة Emad Batran on 02-09-2004, 08:12 AM)
| |
|
|
|
|
|
|
HAMZA SULIMAN
Abureesh
عاطف عبدالله
عزيز
Tumadir
bushra suleiman
الجندرية
Abd-Elrhman sorkati
jini
ترهاقا
Elmosley
bunbun
سمندلاوى
خالد الأيوبي
Yahya Fadlalla
abdelrahim abayazid
shiry
Raja
NGABY AJOOZ
عمر بانقا
WaD OmI
lana mahdi
معتصم دفع الله
Haydar Badawi Sadig
ايهاب
tmbis
يا بت يا نيل
elsharief
Ala Asanhory
فيس بوك
تويتر
انستقرام
يوتيوب
بنتيريست