دعواتكم لزميلنا المفكر د.الباقر العفيف بالشفاء العاجل
|
|
 غنوا معاى .....دوبيت الحردلو
|
البلد اللبوك عمدو وجفوك نظارو
ذى المتلى قاعد فوقو شن افكارو
اولى الختره فوق جملا تكب فقارو
ما خالقنا زول مولانه واسعه ديارو
هذا الدوبيت عمره اكثر من مئه عام كتب فى زمن الخليفه عبد الله التعايشى بعد ان منع اعيان القبائل مهمتهم وقال انه هو الزعيم السياسى والدينى ومنع كل شى فى المجتمع حتى شيوخ الدين منعهم مريدنهم ففرق الاخوان من بعض والقبائل شتتهم واظنكم تسمعوا بى يحلنا الحله بله من القيد والزله الذى انقذ بنات عمه واخواته من الخليفه التعايشى هل نحن الان فى زمن الخليفه؟
كم شويملهن وقتا كتير فوق ناقه
زمنا فى طرف ريسه وشويه فاقه
عاكسنا الدهر كترت علينا العاقه
ونحن برانا يا عبد الله كيف نتلاقى
عبد الله هو شقيق الحردلو وريسه منطقه فى الشكريه سمح لهم عبد الله التعايشى
كمنطقه حره لهم يمارسوا فيها فياقتم وشراب القهوه والشاى ويسكتوا ساكت
والله كريم علينا
حمزة سليمان
|
|
 
|
|
|
|
|
|
|
|
Re: غنوا معاى .....دوبيت الحردلو (Re: HAMZA SULIMAN)
|
انا يا حمزة اخوي... جدي .. ود الفراش قال ..
الليلة الصعيد طراني بلدا زينة
مريودة امها البي الخمرة رشو قرينة
ان جيت للجمال زي الريال يا عينا
لكن يا خسارة الفلسة حاصلة علينا
احبك .. جدا .. و واصل عليك اللة
فرحني ... شوية
| |
|
|
|
|
|
|
|
|
|
Re: غنوا معاى .....دوبيت الحردلو (Re: khider)
|
الاستاذ حمزة سليمان شرفت البورد والله بحضورك الجميل
ويقال أن ال الحردلو من الشكرية لم يرضو بمجاورة الحلفاويين لهم ولعنوا من هجرهم لحلفا الجديدة فخرب عليهم فياقتهم وما اعتادوا عليه حيث قال قائلهم يندب أيام الابيتر " الحردلو الكبير"
زمناً مو بعيد .. كان الحكم بالايد
فيك اتحكر الدوق الجهامة قليد
قبال اللبيتر راسو يبقى صعيد
ما شافك حلفاوى ولا ترلى حديد
| |
|
|
|
|
|
|
|
|
|
Re: غنوا معاى .....دوبيت الحردلو (Re: HAMZA SULIMAN)
|
الاخوان خضر وود الخواض وعزيز
كدى نجادع
نهدا دق تبل ماهو المدوشش قرو
يلعب حردفى توو المراقد ترو
فى بوش العصير الناس يقوموا يبرو
فوق ندادها كرباج النصر بتورو
***
لخلوخة تقوم مسايسه ومفروقه
بين التقنتين دفق البصير ماروقه
ان جلست معاك وان سمع منطوقه
على المشببات بلحيل بعيد معلوقه
************
حسرورن زمان انا ضيقنبو خلاقى
طول الليل مساهر وعينى ما بتلاقى
من فرط البجينى الهجعه بالعراقى
وين ما ادور اغلق فوقى يصبح باقى
وابشروا بالخير وزغروده وصوت عنج وبطانه
حمزة
| |
|
|
|
|
|
|
|
|
|
Re: غنوا معاى .....دوبيت الحردلو (Re: HAMZA SULIMAN)
|
كيف يا حمزة
انا رسلت ليك ايميل قبيل كدى شوفو ؟؟
وتانى شى كدى بالله (ترجم) لى الكلام دة عشان والله العظيم ما فاهمة نصو !!
وانت تعال كدى، الكلام دة حافظوا كلو ؟؟ والله ما شاء الله ، لكن ما اسحرك
لكن تانى اعمل ليك زى شرح للكلمات الما مندرج على استعمالها وكدة عشان نستمتع معاكم كمان ، مش كدة ولا رأيك شنو ؟؟
| |
|
|
|
|
|
|
|
|
|
Re: غنوا معاى .....دوبيت الحردلو (Re: HAMZA SULIMAN)
|
سلام
وغبتى كتير واتمنى انه الزمن ما يفرق من جديد وحافظى على الردود لانها بتردنى لى زمن حالم .
وح اترجم ليك كل شى باذن الله
كل هذا الدوبيت غزلى وحاولى اجتهدى تانى واذا غلبك ح اشرح ليك
لك السلام ارسلت ليك ايميل
| |
|
|
|
|
|
|
|
|
|
Re: غنوا معاى .....دوبيت الحردلو (Re: HAMZA SULIMAN)
|
سلام من تانى يا (خمسة) هىهى(:
والله (اجتهدت) لما راسى لف ، لكن زى ما قلت ليك بس فهمت نصو ،غايتو يمكن
يكون راسى(تخن) من الركلسة و قعاد البيت ، مش كدة ؟؟ معقول برضو !!
وانت قصدك ايميل (تانى) ولا الأول زاتو ؟؟؟
يلا فى حفظ الله
| |
|
|
|
|
|
|
|
|
|
Re: غنوا معاى .....دوبيت الحردلو (Re: HAMZA SULIMAN)
|
لك فتون
الاول
الحردلو يصف العقد الذى صاغه الصايغ (تبل) على جيد الفتاة يوم حفل حين نهض الناس للرقص وانتصرت الفتاة على اندادها كما يفعل المنتصر بسوطه فى نشوه الانتصار
التانى ( لخلوخة)
انها تشبه القصبه اللينه التى احسن زراعتها ..ا.ن جلست معك تبين الفرق الشاسع بينها وبين من يدعين الشباب والحسن
اللخلوخه ..القصبه التى تتمايل
مسايسه زرعت بى خبره ومعرفه وسياسه
التقنتين ..التقنت هو الجدول
الماروق السماد معلوقه كنايه عن مكانتها
التالت (حسرورن)
ان فراقهن والم حبهن جعلنى اضيق فابيت ساهرا طول الليل ولم يغمض لى جفن
الحسرور الم الحب وتكون حسارا احيانا من الحسره
اغلق ... اسدد حسابى للحكومه التى فرضت مبلغ على الشيخ فى العهد التركى .
اتمنى ان نعطى ابنائنا فى الغربه جرعه من صوتياتنا اللغويه
حتى ما تكون الغربه حقيقيه والسودان مليون ميل مربع فى وجداننا.
حاولى اقريه كم مره ح تصلى للنطق الصحيح لانه التشكيل صعب فى الكمبيوتر
ولو بكرى ابو بكر دخل صوت كان سجلته صوتيا ولك الشكر الجميل .
حمزة
| |
|
|
|
|
|
|
|
|
|
Re: غنوا معاى .....دوبيت الحردلو (Re: HAMZA SULIMAN)
|
لك يا حمزة
الشكر الجميل لك انت على سعة صدرك ،،
والله قاعدة احاول من قبيل ٌاِنو اقراهو بالطريقة الصح ، و غايتو يمكن اكون
(بعد شرحك) المسهب انى افهم شوية شوية ، راسى تخين (انا عارفة )
اها قلت لى لقيت ايميلى ليك ؟؟انا رسلتو قبل ساعتين كدة اظن ..
الى الملتقى
| |
|
|
|
|
|
|
|
|
|
Re: غنوا معاى .....دوبيت الحردلو (Re: HAMZA SULIMAN)
|
احبتى شكرا لكم وشجعتونى للمواصله
الحردلو بعد المهديه قضى اياما اخلد فيها الى العزله واخلص فيها الى فنه فانتج رائعته فى وصف الظباء التى عرفت بمسدار الصيد وبقى فى البطانه يقرا من القران سبعا كل يوم وهكذا قضى ياته الاخيره بين العباده والفن الى ان لقلى ربه سنه 1916 فى ريره رحمه الله .
مسدار معناها حكايه او قصه او من لفظ سدر مقلوب من سرد العربيه وهاكم المسدار
الشم خوخت بردن ليالى الحره
والبراق برق من منا جاب القره
شوف عينى الصقير بى جناحو كفت الفره
تلقاها ام خدود الليله مرقت بره
تعرف لى مشاهيد الرقاد والفره
فلاخ المصب بيهو بتبين تتوره
فوق حيا فوق محل من الصعيد منجره
شاد الله الكريم ما تلقى فيه مضره
اب عراق فتق قرنو المبادر شره
والباشندى عمت مهششيب الدره
من النقره كل حين فوق عليو منصره
ها الايام محاريها القليعه ام غره
قدمت من هنا مبى ضانها سمعت كره
فوق كارتوت شخيتيرا تخين خره
قلاتو الوهاط بى لشغه قبلو محره
يا باسط النعم تسقيها فى ها المره
قدمت موضوع الدوبيت من خلال سمنار فى معهد الموسيقى والمسرح وقد شجعنى على ذلك زوج اختى الكبيره الشكرى ود الصعيد رحمه الله
واتمنى ان يدرس مسدار الصيد ومسدار المطيرق الذى ساتطرق له المره القادمه فى المدارس اضافه للمعلقات لانها فيها حس سودانى ميه الميه
وطبعا المسدار طويل اديتكم منه مقتطفات
لكم الشكر الجزيل
| |
|
|
|
|
|
|
|
|
|
دوبيت (Re: HAMZA SULIMAN)
|
الأستاذ حمزة سليمان والأعزاء القراء والمشاركين ، لكم التحية .. هناك بوست في البيت الآخر بعنوان (خيمة الحردلو) تختص المشاركات فيه بفن الدوبيت ، وهذه دعوة لمن لم يزره بالتفضل بالزيارة ، وهذه مشاركة مني في هذا البوست ، حباً واعزازاً :
بت امات حقيبة الجاكة بي فستانا
منك واشقاوة اب دومتن زكمانة
دارة وشك الفوقو النجوم محنانة
خشمة عكة الفوقو الطيور حرقانة
ولكم التحية
| |
|
|
|
|
|
|
|
|
 Re: دوبيت (Re: Ahlalawad)
|
الاخ الاستاذ المبدع حمزة وكل المبدعين من ابناء بلادي تحياتي بلاحدود
ماهذا الابداع يا مبدعين والله عقدوتنا عديل كده ورجعتونا للوطن والقعدة الضحوية في طل الحيطة والعصرية في الخلاء ونستمتع بهذا الالق والابداع ومزيد من اابداع يا خواض وبمناسبة خيمة الحاردلو وين دي يااخونا ممكن تورينا الموقع بتاعو مع خالص تحياتي
| |
|
|
|
|
|
|
|
|
|
Re: دوبيت (Re: Ahlalawad)
|
قال القائل الذي لم أستدل على اسمه:
سامية أديبة ما بتحمل مشاعرك همسة
حني شوية خلي الروح تجود بي همسة
قسما بي جملك والحروف الخمسة
نيرانك تلهلب فينا تصبح تمسى
وقد أخبرني في من أثق في ثقافته التراثية أن المقصودة لا تحمل اسم سامية كما فهمت أنا بشكل مباشر عند قراءة المربع بل قال لي أن سامية هنا هي صفة للسمو والرفعة.
ودمتم
| |
|
|
|
|
|
|
|
|
|
دوبيت (Re: HAMZA SULIMAN)
|
دوبيت من شعر الحردلو :
البارح رقادي كسيدة فوقكا بريش
وراكبوتن تجيب صقطة ومعاها رشيش
الـ حماني ما اشهل جمال العيش
هنهينأً بيسونو الدغش بيشيش
وهذه من غيره :
بالهنا والسرور العيد عليك مبروك
يا ست النجيمي الفي العقل مشبوك
قدمك للمجاربو بيودر ام سمبوك
زولك غير نعال بيفتر بيجيه الشوك
| |
|
|
|
|
|
|
|
|
|
هـــــــــــــــــــــــــاكم الدوبيت دا (Re: HAMZA SULIMAN)
|
ناس قدر الله قاعدين في الفريق مابخترو
من كبي وكشف حال الحريم مابفترو
أنا البختر براي أسد الرصيمة بنترو
صاحبي إن ضلا مابفشاه ديمة بسترو
................................
أخوك يا ريا أخوك وقت الخيول يدبكن
أخوك ياريا أخوك وقت الرماح يشبكن
أخوك جبل الثبات وقت القواسي يتحبكن
كم بكيت - بتشديد الكاف - وكم قشيت دموع الببكن
............................................
ولدا ما سافر لامن يقولن فات
ماطلع الجمل دل السداسيات
ماكجر الحوايا وفي ضراهن بات
كيف يبكن عليهو دقس العيون إن مات
ولداً ما سافر لامن شهيرو يهل
وماورد البحر عطن شنانو يبل
وقت الشوف يشوف متل الصقير يقدل
واخيبةً على ولدا يعيش بالذل
ود ضحوية دا كان قاصدنا عديل كدا
فاهمين ولا دايرين درس عصر.
| |
|
|
|
|
|
|
|
|
|
ebda3 (Re: HAMZA SULIMAN)
|
i haven't read (dobiat)for longtime and thanQ all for (haza alkm min alebd3at). but i believe (al dobiat tasma3oo ma tagra).iam lookin forward to c some realplayer act soon.
hope some one out there 3endo 7aja nasma3a
| |
|
|
|
|
|
|
|
|
|
Re: ebda3 (Re: almaskoon)
|
عزيزي حمزه ألوحشه حصلت
ماأجمل هذا ألبوست أنا مستمتع بكل المشاركات فيه يلا واصل هذا
ألعمل ألمفيد
| |
|
|
|
|
|
|
|
|
|
Re: غنوا معاى .....دوبيت الحردلو (Re: HAMZA SULIMAN)
|
مسدار المطيرق
هذه القصيده عباره عن مطارحه بين الحردلو واخيه الشاعر عبد الله ومناسبه المسدار انو الحردلو واعد جاريه من جواريه الحسان واتفقا على ان تاتيه فى البيت بعد ان يتعشى الناس وترك الحردلو للجاريه تقدير الوقت فتعشى الناس وصلور صلاه العشاء ( والونسه جرت ) وانصرف الجلساء بعد حين وبقى الحردلو فى الانتظار ولما طال به الانتظار غفى قليلا ونام والجاريه لم تكن مقدره انصراف جلسائه فى الوقت الذى انصرفوا فيه وكل هذا الوقت كانت تستعد للوفاء بالوعد ولما اليل الليل حضرت الجاريه فوجدت الحردلو نائمافاستحت ان توقظه فان بقيت لا فائده وان ذهبت قد لا يصدق فاخذت عصاة ( المطيرق) لتكن دليلا على حضورها ونامت معها المطيرق
فلكم المجادعه
الحردلو
ذكرتى بالبنات لا عن مصوع فاحت
ضايق غلبهن من شينتن بتاحت
جديع ودعتن بالليم على ما طاحت
هبرت كفتى وعقب المطيرق راحت
عبد الله
الليله المطيرق فى نعيم وسروره
وات النوم عبدتو وما قريت ليك صورة
ساعتين ان صبر كت تحظى بى البدوره
سعدك اصلو داك ما بجبر المكسوره
الحردلو
غفوت عينى ديك من يومه ماها مريه
واصيح حالى متل ال دخلوا الظبطيه
اترجاك يا ابو التايه اول سيه
ما اتواخذ واكون فى حالة غير مرضيه
عبد الله
مسامح يا ابو يوسف ولو فى ميه
كونك للدغس بتسمح القافيه
ان بقى للمطيرق شيله جاب لو حكيه
مى مسروقه لاكين فيها حكمه خفيه
الحردلو
بعرفك وكت تقوم فى حجازة واجودية
تبذل فيها جهدك بى صفاوت نية
معلوم تصلح البطحانى والشكرية
لاكين المطيرق ما بتجى غير دية
عبد الله
شيلته فى الحقيقه مثبتابه الجيه
خوف مسك الضهر واللوم مع الكليه
فى سبب المطيرق لا تسيلك ديه
انا ملزوم بيها وتلنى الضمانه على
قصيده طويله جدا وهى مجرد ابحار فى دنيا الدوبيت والروح الابداعيه وحقيقة
يا استاذ الموصلى شجعتنى على المواصله واذا لقيت فرصه ح اكتب مسار الصيد
ومسار المطيرق ان شاء الله
والسلام حمزة
| |
|
|
|
|
|
|
|
|
|
دوبيت (Re: HAMZA SULIMAN)
|
تقاي المفلخ شلتو في مشهادك
جوط واتجوجا لي هسع بعيد مشوارك
قال لي الهسال كان ترخي منه يسارك
بوريك أدعج النقعة الفتق نوسارك
مستعدين للترجمة (إن كان ذلك ضروريا)
| |
|
|
|
|
|
|
|
|
|
تبسمات يا حمزه (Re: HAMZA SULIMAN)
|
أخوك بتاع إنتكم (منوت) ما بيفهم كتير في مسدار ، لكن بيحس كتير بي شعر (ليموني) ..
حاردلو بيقول :
البارح بشوف يشلع بريق النو
وحس رعداً يكركر في الضمير ، كو كو
داك طير القطا دوّر مشارع الهو
و فرقان البطانه اتماسكن بالضو
_____
منوت بيحس بي كلام لسيس دي زي مويه ليمون
| |
|
|
|
|
|
|
|
|
|
غنو معاى دوبيت الحردلو (Re: HAMZA SULIMAN)
|
يا عنتيل سلام مربع
ان شفتها غافية او جالسة يوم فى براحة
كلنا نحن ديل اسبوع تجدنا فراحى
من ام نظرا محور ما بشوف لى راحة
حبها فى ثابت زىالخطوط فى الراحة
علييك اللة رسل كلام الغناء؟
انا فى رجاك؟
من حقى اغنى لشبى
ومن حق الشعب على
| |
|
|
|
|
|
|
|
|
|
غنو معاى دوبيت الحردلو (Re: HAMZA SULIMAN)
|
يا عنتيل سلام مربع
ان شفتها غافية او جالسة يوم فى براحة
كلنا نحن ديل اسبوع تجدنا فراحى
من ام نظرا محور ما بشوف لى راحة
حبها فى ثابت زىالخطوط فى الراحة
علييك اللة رسل كلام الغناء؟
انا فى رجاك؟
من حقى اغنى لشبى
ومن حق الشعب على
| |
|
|
|
|
|
|
|
|
|
Re: غنو معاى دوبيت الحردلو (Re: anwar abu gaidaa)
|
سلام و تحايا الي المبدعين اعلاه
كباس درايزو ام حبر
يا دابي الجبال
قلبك صميم من حجر
يا دود الوعر
****
زينب تجر النم
زينب تجر النم في تور العماص
جارف بالكرف الدم
في محتر بواش حاشاهو ما بينزم
صاتور الرجال جرعك عقود الذم
يا دابي الجبال, قلبك صميم من حجر
يا دود الوعر
*****
| |
|
|
|
|
|
|
|
|
|
و دوبيت تاني يا حمزه (Re: HAMZA SULIMAN)
|
زول من (شعرا ليمون ) دوبيت بيقول :
يواً كر نبيت
ويوماً عشانا ربيت
و يوماً نكتح التابا و عليها نبيت
يا جبت مالاً فرح أم سوميت
يا فوق جبال تقلي انجدعت و ما جيت
| |
|
|
|
|
|
|
|
|
|
Re: غنوا معاى .....دوبيت الحردلو (Re: HAMZA SULIMAN)
|
الاخوان الاعزاء
لكم المحبه
منوت اخوى و ود العم
eyes of liberty
ابو غيداء العنتيل انور
الخواض
اهل العوض
وهاكم
كت فى جقدله وفاقه وشويه روقه
على الدنيا راضيه العندى مى ممحوقه
شن معناها هسع نمتى المربوقه
كانت ليك قبيل ما تبقى كده مسروقه
| |
|
|
|
|
|
|
|
|
|
Re: غنوا معاى .....دوبيت الحردلو (Re: HAMZA SULIMAN)
|
استاذى العزيز الموصلى
تحياتى واشواقى
ومتاسف جدا ولك العتبى حتى ترضى ويعلم الله ان الظروف هى الماخره ردودنا وطلتنا على ناسنا الحلوين0
(دوبيتك شديد)
الزول الصباه فات الكبار والقدرو
كان شافوهو ناس عبدالله كانوايعذروا
السبب الحمانى العيد هناك احضروا
درديق الشبيكى الفصلو فوق سدرو0
| |
|
|
|
|
|
|
|
|
|
Re: غنو معاى دوبيت الحردلو (Re: anwar abu gaidaa)
|
هذا البوست يحمل عتابا الي كل من حمزه سليمان وانور عبد الرحمن
اما حمزه فلانه دائما يتاخر في ردوده وظروفه مقدره واخي انور قد طلبت
منه ان يسجل لي دوبيت بصوته الجميل كي استخدمه في احد مؤلفاتي
للموسيقي الاليكترونيه ولم يوفي بعد ان وعد وظروفه ايضا مقدره ولكنه
عتاب المحبه
الي حمزه سليمان
ياود سليمان ماكا بترد قوام
والراجيك كتير بتسوي لي قدام
وقولك تب سمح ديمه بيفوح نسام
الا العطله بس فرقت ودايره همام
الي انور عبد الرحمن
قلنالك تعال غرد وقول دوبيت
كشكر وقت حاضر بالمره مارديت
احسن يابطل تبدا ونقول سويت
قبل الموصلي يحرد يسوي البيت
مع محبتي لكما
| |
|
|
|
|
|
|
|
|
|
Re: غنو معاى دوبيت الحردلو (Re: HAMZA SULIMAN)
|
اخي حمزه
انما كنت احاول ان اصحي شيطان شعري الذي تركته نائما منذ
ايام العالي والمراهقة وها انذا ارد عليك بابيات جديده
مشكوره وياكريم محريه فيك الذمه
يالاهلك عزاز مشهودلهم بالقمه
والناس المعاك معروفه فيهم همه
والكايس عداك احسن يفوت ينطمه
مع حبي
| |
|
|
|
|
|
|
|
|
|
Re: غنو معاى دوبيت الحردلو (Re: Elmosley)
|
استاذى وصديقى الموصلى
شيطان شعرك كان نائم من الثانوى وصحا الان واوحى ليك بهذه الكلمات الرائعه لو كان صحا من زمان كان بقى مارد كما عظمة موسيقتك لك شكرى وحبى.
ابى يبقالى فوق غيرك اجيب بوباى
لا شفناك ولا خبرنا بيك حجاى
القاف السبق والدايرو من اوجاى
كل القتو فى وصفك اراه دون جاى
| |
|
|
|
|
|
|
|
|
|
غنو معاي .. دوبيت الحردلو (Re: HAMZA SULIMAN)
|
الأخ حمزة وضيوفه الكرام
فتحتو باب ما بقدر أقاوموا .. أسمحو لي أدخل
ودي بليلة مباشر
مجنون ليلى من جني الجنون عاريهو
وكان جنيت حلالك عقلي شن طاريهو
وكان طشيت فداك عمري السراب باقيهو
إلا يبكـي حالي البـي كـان شفتيهـو
تحياتي
| |
|
|
|
|
|
|
|
|
|
غنو معاي ..... دوبيت الحاردلو (Re: HAMZA SULIMAN)
|
حالي البـي يازينوبـة حـالاً شيـن
يا زينوبة خاطري كسير وقلبي حزين
يا زينوبـة شهيتيني نـوم العـين
حالـي البـي كمل فرحة الشامتين
مشتاق ليك كتير يالجوة قلبي سكونك
لقيـاك منيتي وقبلة سعادتي عيونك
شوقك شال منامي وشـن حياتي بدونك
حني على الأسير أو حلي قيد مسجونك
| |
|
|
|
|
|
|
|
|
|
غنو معاي .... دوبيت الحاردلو (Re: HAMZA SULIMAN)
|
معليش أعيد إرسالها لعدم وضوح اللون
حالي البي يازينوبة حالاً شين
يا زينوبة خاطري كسير وقلبي حزين
يا زينوبـة شهيتيني نـوم العين
حالي البي كمل فرحة الشامتين
مشتاق ليك كتير يالجوة قلبي سكونك
لقياك منيتي وقبلة سعادتي عيونك
شوقك شال منامي وشن حياتي بدونك
حني على الأسير أو حلي قيد مسجونك
| |
|
|
|
|
|
|
|
|
|
Re: غنو معاي .... دوبيت الحاردلو (Re: singawi)
|
يا سلام عليك اريتك تجمع وكدى اللون تمام
بعد سبعين سنه وبيض سبيب عينى
ما بحسب بساهر من طوارق الغى
شوق زينب ترى خلانى منى ولى
اشكى على الغصون لى من يعرف البى
الزول البريدو يا ريتنى كان ردتو
كل ما ازكروه الحال العلى يبتو
اصل الشتله بتشيل الثمار وتحتو
وانا كلن مته فنجان وانكسر عن ستو
ابشر
| |
|
|
|
|
|
|
|
|
|
Re: غنوا معاى .....دوبيت الحردلو (Re: HAMZA SULIMAN)
|
الناس فى العروض ما تقيسه بى تيبانه
ما يغرك لباسم والعروض عريانه
ديل حراس رزق ذى التكنه امانه
ذى ابل الرحيل شايله السقى وعطشانه
................
انعكس الامر عز الرخيص والعانى
والصح والصريح ما بتلقى ليه معانى
المسكين يضيع بقى ينفع الفرعانى
والظالم نبقى عونه ترى هدى الموجعانى
هذا الدوبيت الاخير لى ود الرضى
عمره 100 عام حيث انه ولد بالعيلفون
عام 1884 وكتب الشعر وعمره 10 سنوات
فحفظ القران فى ام ضبان حيث انه كان يقرا
سوره يس عند كل وضوء
يا ترى لو امد الله فى عمره ماذا كان يكتب
| |
|
|
|
|
|
|
|
|
|
Re: غنوا معاى .....دوبيت الحردلو (Re: HAMZA SULIMAN)
|
البارح طريت ليمك هوية ليل
مسافتك يا ام رشيم لى ابعدت بلحيل
ال خلى صبيب عينى جلبا سيل
ضوق الكمعه مسخ تافح القنديل
معانى
طريت:زكرته
ليمك:اصلها من لم واجتمع
هوية ليل:نصف الليل
ام رشيم:الجاريه
جلبا:جلب السيل ما يجلبه السيل من زبد
ضوق:ذوق
تافح:التافح من الثغر اليانع
| |
|
|
|
|
|
|
|
|
 Re: غنوا معاى .....دوبيت الحردلو (Re: HAMZA SULIMAN)
|
حمزة ده كلام منضوم زى السكسك والسوميت
ما تقطعوا الكلام البنشف ريقنا
طريتونااهلناو البيوت والرواكيب والحليب والبركيب
والعرب المبارين الأْْلبل ده السودان الحاص جدا ولو واحد عايز يتكلم عن الخصوصية يبدأ من هنا ولى فوق
| |
|
|
|
|
|
|
|
|
|
الى يوسف الموصلى (ابو هديل (Re: HAMZA SULIMAN)
|
عزيزى الاستاذ جوزيف كمايحلو لندادتك؟وليتنى اطول؟اولا شكرا ليك لاكن برضو خليت المسؤلية على ابشر بالخير
مقبل الايام القريبة سوف يكون معك الدوبيت والنميم
المو خمج؟
وكما استغلال براكه
لهذا البوست فى طرح اسئلتة استغل سوانح الفضاءات الحره هذة واهديك
رائعة شيخ شعراء الاغنية السودانية
1884--1982 انه محمد ود الرضى
علها تلامس ذلك الشفيف يوسف؟سمعتها ذات مرة فى بواكير صباى من المرحوم خلف الله حمد قادنى فضولى لسؤاله عن سر استعمال الدلوكه بجانب البنقز ذو العلبتيين المصرى +الطبله فقال لا بد من خناقه؟ادركت هذا المعنى بعد فتره .وعن حوجته كمغنى لتلك الخلفيه الايقاعيه المليئه
اعتقد بعدها ولذات الحوجه اتت العبقريه السودانيه بالعلبه الثالثه فى البنقز وصار البنقز السودانى المميز؟
ارجع بك استاذى الى قصيدة انا فى التمنى انها جديره ان تداعب خيال توزيعك وعلمك وانها ساعه لقلبك؟
ان فى التمنى ديمه هديلى ساجع
ما لقيت لى مغيث ولا لقيت لى مراجع
داير اشوف حبيبى اليوم داك شفتو
رايق دمو ناقع
اسود شعرو حالك اما صفارو فاقع
تتلاصف خدودو لا حجاب لا برقع
يفر خيط بسمه يشبه برقا ليلو هاجع
اقيس الفم بودعه والقى الودع واسع
اقيس الليل بشعرو والقى الفرق شاسع
اشوف لعسو ونواعسو
جل البارى صانع
يرفع ناعساتو ويسبل نظرو واقع
اشوف فى خدو شخصى وفى صدره المصارع
داير اشوفو غافل داير اشوفوجازع
محنن بدون قنله وحدو وتوبو واقع؟؟
يتغطى بسواعدو ويحنو كانه واجع
يتلجى بى مرافقو واطراف المضاجع
ويردد لى نغيما تشتاقلو المسامع
وتلب فوق شفاهو لؤلؤة المدامع
اعاين فيه واضحك اجرى واجيه راجع
متلاعب ليس الا ما موضع مطامع
دى ما بلقاها زولا زى انا صيده ناجع
فى المرة القادمة اكتب لك انا فى التمنى 2
لك الود
ومن حقى اغنى لشعبى
ومن حق الشعب على
لا بى ايدك تمنع قلبى
ولا قلبى كمان بى ايدى
| |
|
|
|
|
|
|
|
|
|
الى يوسف الموصلى (ابو هديل) (Re: HAMZA SULIMAN)
|
عزيزى الاستاذ يوسف
تحيه عطره
لخطاء تكنيكى ارسلت لك بوسث عن طريق الصديق حمزه تجده فى غنو معاى مسدار الحردلو
لك العتبى واتمنى ان يعود التركييز كما يجب؟
لك الموده
من حقى اغنى لشعبى
ومن حق الشعب على
لا بى ايدك تمنع قلبى
ولا قلبى كمان بى ايدى
| |
|
|
|
|
|
|
|
|
|
Deaux Beit (Re: HAMZA SULIMAN)
|
تحيات طيبة من أهل العوض مخصوصة للاستاذ حمزة وبقية حبات العقد
الاخ عمر مهدي الله يعرس ليك معانا . او يعرس لينا معاك .. فقد أمتعتنا فعلا بهذه الرائعة الجميلة معنى وأداء ، اداء سيف الجامعة أداء متفرد مافي شك
وبهذه المناسبة أنقل قول الشاعر
نحن المابقولونا الخلوق وين جيتو
وتاني بنركب الدرشي البجابد خيطو
نحن عشيرنا ما بنخونو نخرب بيتو
الا عدونا بنعصرو ونطلع زيتو
مع التحية
| |
|
|
|
|
|
|
|
|
|
Re: Deaux Beit (Re: HAMZA SULIMAN)
|
عزيزي انور الغريد
محريه فيك الكرامة والكرم وانا في الانتظار
واقتراحك حول انا في التمني مي الميه تمام التمام فهي تنضح
بالشعر الوقع وتموج بالرومانسيه الجزله وانا جاهز
| |
|
|
|
|
|
|
|
|
|
غنو معاى دوبيت الحردلو (Re: HAMZA SULIMAN)
|
سيد الفرحه سلام
سودانيه سود عاليين الهمم
بنسند الضعيف وما بناكل الرمم
مين زينا؟
جعلى ودنقلاوى وشايقى ايه فايدانى
غير جعلت خلاف خلت اخوى عادانى
ويكفى النيل ابونا والجنس سودانى
قدر ما اقول انوم من نومى
اتب حاس ثانى وحبك ياجميل من الدمع حسانى
للاسى والنويح ريدك دوام حسانى
وحالف ما بسيبك حت كان ابوك حسانى
من حقى اغنى لشعبى
ومن حق الشعب على
لا بى ايدك تمنع قلبى ولا قلبى كمان بى ايدى
| |
|
|
|
|
|
|
|
|
|
Deaux Beit (Re: HAMZA SULIMAN)
|
أبعدنا الزمان من اللهيجو بشيقنا
عاودنا السهر والنوم بقى مو رفيقنا
لامتين نلاقيهو المنشف ريقنا
ناخد بيعة من كف ايدو نحيي طريقنا
| |
|
|
|
|
|
|
|
|
|
Re (Re: HAMZA SULIMAN)
|
الكمساري صفر والتـرام اتحـرك
طار بيهن تركني على القضيب اتعرك
بهواهن هواهن جوة قلبي اتحرك
غابن مـنـي يالكمساري الله يضرك
الجاغريو
| |
|
|
|
|
|
|
|
|
|
Re: Re (Re: HAMZA SULIMAN)
|
يا جريعة العسل الشارقه رشافك
نهبتى قلوبنا بالعنجه وبروق كشافك
ربنا سمحك كيتا على من شافك
حرقتينا يا شافغه التحرق شافك؟
0000000000000000000000000
000000000000000000000000
0000000000000000000000000000
ان شاء الله بركت النبى يغلبوك اردافك
كيه عليكى الدوف المردوم يهدل اكتافك
والشعر امشى زايد ويدوخك عسافك
ويجبروك وتطنطنى من بويخة شافك؟
من
حقى اغنى لشعبى ومن حق الشعب على
لا بى ايدك تمنع قلبى ولا قلبى
كمان بى ايدى
حميد
| |
|
|
|
|
|
|
|
|
|
Re (Re: HAMZA SULIMAN)
|
ماهو دخيل بيوت حاشاهو ما بتحشر
ماهو كتير كـلام عسـلا لهيجو مقطر
وماهو قبيح قوام مخلوق طبيعي مضمر
وماهو وراء الغمام مسخ نجوم البندر
تحياتي
| |
|
|
|
|
|
|
|
|
|
Re (Re: HAMZA SULIMAN)
|
العزيز حمزة
ياخوي طاب المقام في دارك الرحبة دي
همبريب يرد الروح والدوبيت أهله لامين وتامين
دحين هاك دي
الليلة الغـرام حكـم علي سلطانو
ذكرني الحبيـب وشواني بي نيرانو
وين الشال قليبي وساقني في حيرانو
واشوقي الشديـد لي ضمتـو وهمسانو
مجبور القدر حتم علي هجـرانو
الليل الطويل زاد الفراق تعذيبو
جمر الشوق يحرق في حشاي لهيبو
وين الشال قليبي وخلى عندي قليبو
ما بنسى ان نسيت ليلة فراقنا نحيبو
معليش يام خدود الحر بيرضى نصيبو
تحياتي
سنجاوي
| |
|
|
|
|
|
|
|
|
|
Re: Re (Re: Elkhawad)
|
اخى الفنان الخواض الرائع
لك تحياتى ( فامشوا فى مناكبها وكلوا من رزقهاواليه النشور ) صدق الله
العظيم ....ما تنسى الفروض الخمسه
والطيب ود ضحويه فى فراش المرض ضريح مستشفى السلاح الطبى فى زمنا باكر
كتب اخر ابياته وهى
يوم بنشق عتاميرا بعيده وتيه
ويوم بنداور البكره ونمصره ثديه
يا نفس السواد المتعه كملتيها
ابقى لزومه وقت القرعه وقعت فيها.
| |
|
|
|
|
|
|
|
|
|
Re: (Re: HAMZA SULIMAN)
|
أهل الدار سلام
قدر ما قلت أتوب إبليس يلملم ناسو
يقول لي ما تتوب التابو قبلك خاسو
والعيـش اللذيذ ما تنقطع من كاسو
ما ظني الرسول بالنـار يحرق ناسو
| |
|
|
|
|
|
|
|
|
|
غنوا معاى دوبيت الحاردلو (Re: HAMZA SULIMAN)
|
الفنان الجميل حمزة انا حلفاوى يعنى الدوبيت شى افهمو شى ما افهمو لكن قدر فهمى باستمتع جدا وهاك دى قدر قدرتى
يانفسى ذليتينى الله يذلك
وديتينى للمابيعرف كتيرك وقل
اتعذرتى والعذر ما كملك
اتوكرتى شوفيلك طريقة تحلك
الشى دا انا ما عارفو حق منو لكنه يصور الحال فى غربه السجم والرماد
| |
|
|
|
|
|
|
|
|
|
غنوا معاى دوبيت الحاردلو (Re: HAMZA SULIMAN)
|
الفنان حمزة والله انا زول حلفاوى يعنى الدوبيت دا شىء افهموا وشىء ما افهموا لكن لمن افهم باستمتع جدا بالصور الجميلة واللغة الحميمية الموحيه واساهم بالابيات دى
يا نفسى ذليتينى الله يذلك
وديتينى للما بعرف كتيرك وقلك
اتعذرتى والعذر ما كملك اتوكرتى
اتوكرتى شوفيلك طريقة تحلك
ما عارف الابيات لمنو لكن تصور الحال فى بلاد الغربة
| |
|
|
|
|
|
|
| |
khider
عزيز
banadieha
wadazza
Elmosley
ebrahim_ali
kabbashi
almaskoon
منوت
ABUKHALID
mohmmed said ahmed
HAMZA SULIMAN
فيس بوك
تويتر
انستقرام
يوتيوب
بنتيريست