|
|
 سليمة بائعة اللبن .....ابحث عن شاعرها
|
سليمة بائعة اللبن
ـــــــــــــــــــــــــــــــــــــــــــــ
بنياتا لى سليمة فى بيتنا جن
قاصدات زيارة ام الحسن
قعدن مسافة وروحن
سألت امى
سليمة لسة بتبيع اللبن
ضحكت وقالت
ات بصحك يا الحسن
والله عندك جنس محن
ولا فى شان كنت غائب فى اليمن
الحمد لله الماقلتو قدامن
كانن بكن
سليمة البقيرات باعتن
فى شان تسوى لوليدها الجواز
وباقى اغراد السفر
لى دار الحجاز
قصير الفوقنا ده حولو
وقالوا الليل ما اشتغل
ياكل وينوم متل البغل
وسليمة رجعت تشتغل
وشن الشغل
ترا العواسة الفى التكل
تعوس لى محاسن وسمية وزحل
والبنيات الشفتهن
الكبيرة تلقط فى القطن
والصغيرة تقرأ فى مدرسة المهل
والصغار حايمين متل النحل
المسكينة صبحت من غير عقل
سليمة بتبيع اللبن ؟
ان شاء الله خشمك فوقو اللبن
دحين مع السفر فضلت بهيمة بتنحلب
ولا فضل جنايا يحويلو بقرة
الكل سافر واغترب
الا الكبار المتل ابوك
المافيهم سبب
ويا حليل زمان وكتين يقولو
طة بالبهايم سرب
والبنيات يفزعن للحطب
كلو انتهى وحل الغضب
من رب العباد
شان العباد دايرة تاكل بالغصب
والدنيا بقيالهم درب
نسألك يا ربى العفو
والعيشة الكريمة
ونسألك ياربى ترجع البقيرات لى سليمة
عشان تبيع لينا اللبن 0
|
|
 
|
|
|
|
|
|
|
|
Re: سليمة بائعة اللبن .....ابحث عن شاعرها (Re: بدرالدين شنا)
|
بدر الدين
| Quote: أنها أول قصيدة جادة كتبتها |
تعرف يا بدر الدين قبل ما أقرأ ردك .. قلت أكيد كاتبها واحد من عندنا .. أعتقدت أنك تعرفت على كاتبها . لأكتشف أنو خشمك فيهو اللبن .. القصيدة شدتنى بلحيل و ليت لو أعقبتها لنا بطه القرشى أو كلب عبد الجليل ..
شكرا للأستاذ حمزة الباحث عن الجميل
| |
|
|
|
|
|
|
|
|
 Re: سليمة بائعة اللبن .....ابحث عن شاعرها (Re: Ali Alhalawi)
|
سلام استاذ حمزه ..
عارف لما قريت البوست بتاعك جيت جرى عشان اديك شمار الشاعر .. ما قايله روحى شاعرها شمارو قدر ده.. انت يا البدرى عليك الله شايل من البشاره مالك .. بالحيل حرقتنى ..
اها النجى لى سايمه
انا اول زوله تسمعا وتانى شىء مسجله عندى بصوت البدرى .. صوره وصوت .. ولو سمعتها يا استاذ حمزه بى صوت البدرى ويا ود اهلنا على ود الحلاوى ..يعلم الله يزيد طربكم .. من اداء البدرى السمح الرااااااااااااائع .. وتسلمو ويسلم البدرى السمح
| |
|
|
|
|
|
|
|
|
|
Re: سليمة بائعة اللبن .....ابحث عن شاعرها (Re: soma)
|
الفراشة
الشاعرة سوما لك تحياتنا
اتمنى ان نسمع القصيدة من البدرى ونطرب معاك
وحقيقى القصيدة اهداها لى صديق لتلحينها
وعجبتنى الفكرة
قلت اعرف الشاعر
لكن حقيقى مفاجاة جميلة
انو الحبيب بدر الدين هو شاعرها
لكم المحبة
جميعا هنا
| |
|
|
|
|
|
|
|
|
|
Re: سليمة بائعة اللبن .....ابحث عن شاعرها (Re: Ali Alhalawi)
|
التحية لحبيبنا حمزة
وفوقه التحايا جملة للعزيز بدر الدين
والكلمات الجميلة
وتصديقا لكلماتك أعلاه احكي هذا القصة
في شارع رشيد في المدينة القديمة (طرابلس) قابلنا وليدات من اتبرا ام دوم
حلفو من مكانهم ما يقومو ولا يمشو ليهم لي بيت
بس عايزين المساعدة في حق الرجعة
واحد منهم قال
اهلي باعو عجلة (بقرة) عشان أسافر
برجع ليهم اقول ليهم عجلتكم وقعت البحر
| |
|
|
|
|
|
|
|
|
|
Re: سليمة بائعة اللبن .....ابحث عن شاعرها (Re: HAMZA SULIMAN)
|
الرائع حمزة
سلام خالي من الكلوسترول
| Quote: وليك مفاااجاة منى كمان قريب |
وإن الجمال لناظره قريب وأنا منتظر أوتارك حتى يصبح لبن سليمة كامل الدسم
الحلاوي قريبي صاحب الحرف
سلام بحجم جمال وردة
| Quote: و ليت لو أعقبتها لنا بطه القرشى |
عايزها طه القرشي في المستشفى ولا طه القرشي في نيفاشا ... هههههههه؟؟؟
بنت الأصول سوما
سلامي وإحترامي وإعجابي
| Quote: انا اول زوله تسمعا وتانى شىء مسجله عندى بصوت البدرى |
وشهد شاهد من أهل البدري واصحاب الحرف الشفيف
يا المسافر حبي ليك ما ليهو آخر
| Quote: اهلي باعو عجلة (بقرة) عشان أسافر |
يعني إسم المسافر دا ما ساكت أتاريها المسالة فيها عجول ربنا يرد غربتنا يا حبيبي
الجريفاوي قرمبوز سلام
Quote: انت كنت عارف
وعارف جداً انك كده |
لا والله كلمني المبدع حمزة سليمان
| |
|
|
|
|
|
|
|
|
|
Re: سليمة بائعة اللبن .....ابحث عن شاعرها (Re: بدرالدين شنا)
|
وانى لاشهد لهذا البدرى الجميل بالشاعريه
فقد رثى المرحمومين عمر الطيب الدوش
واللاعب والى الدين محمد عبدالله
شعرا رصينا تقشعر له ومنه الابدان
سلمت يا حمزه يا صحب الروائع
وهنيئا لك حليمه
ويا البدرى نحن جد موعودون بلحن حمزوى من النوع ابو لبن؟؟؟
انور
| |
|
|
|
|
|
|
|
|
|
Re: سليمة بائعة اللبن .....ابحث عن شاعرها (Re: anwar abu gaidaa)
|
أين، ياحمزة، أيها الفنان الحبيب، البعيد القريب، صاحب حليمة بائة اللبن، الرقم الذي وعدتني بإرساله؟
مازلت أتوقع أن تجد لي رقم عزيزي سيف الدولة أحمد خليل، بالرويس!!!
وذلك لأنه يقلقني للغاية أنه لا يستقبل رسائلي المتكررة له، كما يقول هو. يبدو أن المشكلة فنية. وستعالج، ولكن يؤذيني أنه على الانطباع بأنني لم أرسله له المعزوفة العرفانية التي أخبرتك عنها.
آسف لكوني لم أشارك في أصل الموضوع، ولكني عرجت، على حليمة بائعة اللبن، أيها الحليم، لكي أعطي نفسي حق مخاطبتك من خلال لمساتك المرهفة، أيها الفنان بحق!!
| |
|
|
|
|
|
|
|
|
|
Re: سليمة بائعة اللبن .....ابحث عن شاعرها (Re: HAMZA SULIMAN)
|
حمزة، أيها الفنان الهادئ، الثائر،
ما أبدع أن يجمع الإنسان بين السكون وهيجان الثورة!!
أشكرك على متابعة أمر رقم التلفون، لأنه أمر يهمني، يا صاحب حليمة، بائعة اللبن.
ماأحلى اللبن، الذي سأرتشف كوباً، أد لي قبل هنيهة-طويلة، فلم أجد له الوقت، حتى روت
كلماتك المطمئنة عن قرب الوصال مع صديقي العزيز سيف الدولة أحمد خليل.
لك مني الشكر مقدما، على أن ياتيك المؤخر منه حين تأتني بجهيزة!!
| |
|
|
|
|
|
|
| |
HAMZA SULIMAN
بدرالدين شنا
المسافر
Ibrahim Algrefwi
Haydar Badawi Sadig
Elmosley
فيس بوك
تويتر
انستقرام
يوتيوب
بنتيريست