|
|
 حمزه سليمان....الولد الصحيح فنان
|
على قناة النيل الازرق الانيسة قدمت سهرة ناجزة المتعة باسم تقاسيم استضيف فيها الاستاذ انس العاقب وعضو المنتدى وفرقة عقد الجلاد سابقا حمزة سليمان ...تجلى حمزة ودفق غناء شفيفاً ....وقد ابدع حمزة ايما ابداع وهو يغني لحميد لحناً منثالاً مستخدما فيه ايقاع الدليب باحترافية عالية وعذوبة تكاد تتفلت من ايدي الموسيقى ........شكراً للوارف حمزة سليمان ...والى مزيد من الالق
|
|
 
|
|
|
|
|
|
|
 Re: حمزه سليمان....الولد الصحيح فنان (Re: ناذر محمد الخليفة)
|
| Quote: تعرف تقنص لي بس للحاجات الزي دي |
أبو النيذ ..
كيف يا مواطــن..؟
تعرف كنت نايم صحيت لقيت الزول دا .. بيغني في زي زيتونـة .. مسافة اعافر الكمبيوتر علشان اسجل .. كان انتهت.
كنت فاكره اغنية سلاخية كدا .. اتاريها حلقة كاملة ما عارفه بدت متين واللا ح تنتهي متين .. المهم قعدت حرست الباقي .. طلعت لي بي تلاتة اغنيات .. الفوق دي واحده وباقي ليكم اتنين..
ملحوظة:
ملتزم معانا في مسالة رمضان دي .. واللا فكيت ..؟
المهم كان عندك نية اديني خبر عليك الله ..
ياخي هنا في (سخانة) اخير منها (بمبان) محمد عادل (الفشنك) بتاع امس داك ..
| |
|
|
|
|
|
|
|
|
|
Re: حمزه سليمان....الولد الصحيح فنان (Re: الواثق عبد الرحمن)
|
تمبس كسفك ....
Quote: ملتزم معانا في مسالة رمضان دي .. واللا فكيت ..؟
المهم كان عندك نية اديني خبر عليك الله ..
ياخي هنا في (سخانة) اخير منها (بمبان) محمد عادل (الفشنك) بتاع امس داك .. |
والله أنحنا عندنا هنا سخانة التقول ميت فيها مكوجي !!
لكن برضو صابرين ..
أنا مظاهرات وإنفجارات البلد دي ما قاعد أحس بيها إلا في المنبر دا مع إني ساكن وشغال في نص الخرطوم !!
| |
|
|
|
|
|
|
|
|
|
Re: حمزه سليمان....الولد الصحيح فنان (Re: HAMZA SULIMAN)
|
شكـرا يا تمبس،
ويا استاذ حمزة ياخى قول للعازفين ديل..
يا جماعـة فى كل موسيقى الدنيا لما الفنان يغنى الألات اما تسكت أو تخفض
الصوت لأقل درجـة..
هسى ما عارفين القاعد يغنى منو؟ حمزة واللا الأورغن واللا الكمان..
الموسيقى السـودانيـة دى مالا؟
| |
|
|
|
|
|
|
|
|
|
Re: حمزه سليمان....الولد الصحيح فنان (Re: tmbis)
|
الفنان ناذر
شكراً على مرورك الكريم حقيقي حمزة فنان خطير
صديقي الانيق تمبس
طبعا كعادتك توثق باحترافية عالية لكل ما هو جميل وتحلي الموضوع كمان بخفة دمك الطاغية تسلم يا زول يا صاح
استاذنا الضخم فناً والقاً السني
كيفك واخبار الدراما شنو معاك
الاستاذ ابوالريش
تسلم على المداخلة وسؤالك في محلو ومحول لحمزة وللناس الفنانة
استاذي حمزة سليمان
حقيقي انت اضافة مبدعة لميدان الموسيقى والغناء في السودان
| |
|
|
|
|
|
|
|
|
|
Re: حمزه سليمان....الولد الصحيح فنان (Re: HAMZA SULIMAN)
|
الاستاذ الشفيع مدير البرامج بقنانة النيل الازرق ..... كل هذا الجمال وراءة الاستاذ الشفيع له التحية والتقدير للمجهود الدى يبزلة فهو دائما بشوش وطيب
وايضا هنا احى الاستاذ حسن فضل المولى وله عظيم الشكر لكل مجهوداتة
| |
|
|
|
|
|
|
|
|
|
Re: حمزه سليمان....الولد الصحيح فنان (Re: الواثق عبد الرحمن)
|
أبو الريش ..
| Quote: الموسيقى السـودانيـة دى مالا؟ |
الموسيقى السودانية بتعاني نقص في مهندس الصوت المؤهل ..!!
عشان كدة الإشكاليات بتاعت ضعف الصوت في أعمالنا الموسيقية وحتى الدرامية حا تظل قائمة ..
معهد الموسيقى والدراما محتاج بشدة لمناهح في الناحية دي ..
| |
|
|
|
|
|
|
|
|
|
Re: حمزه سليمان....الولد الصحيح فنان (Re: ناذر محمد الخليفة)
|
سعيد بهذا البوست
حمزة سليمان فنان حتى النخاع ، جمعتنا أجمل الأيام في شوارع وبيوت وحواري أم بده السبيل ، بيت كلو فنانين (د . الماحي سليمان - أ . دفع السيد سليمان - أ . حمزة سليمان - أبناء الماحي سليمان) وكان ما أخاف الكضب أقول عمكم سليمان كمان فنان .
كنا نغني بصفة فردية وكمان جماعية ، وبين الماحي وحمزة هنالك الفنان الرائع جداً والملحن المذهل دفع السيد سليمان .. الذي شغلته الدنيا ولم يقدم نفسه بالصورة التي كنا نتوقعها له .
وهذا البوست أسعدني لمرور أ . بشرى سليمان الشاعر الفحل والذي كان يسمكر لأعظم الشعراء أغانيهم وهو صاحب مفرده قوية ومتميزة .
وكما أسعدني مرور أ . عمر بانقا أحد الطيور التي غردت بأجمل الألحان مع عقد الجلاد والذي زامل حمزة سليمان في هذه الفترة ، وقبله زاملني مع فرقة شباب كردفان بالأبيض حين كنت اسافر لها للقاء الأصدقاء والأحبه فكنا نغني ، ولي معه طرفة قوية حدثت عند زواجي من مدينة بارا وكان لا بد من السفر بالطائرة إلى الأبيض ولدى وصولي كان عمر بالمطار وقتها يقضي بعض الأشياء فسلم علي ووجدني في حالة ارتباك عجيب حيث وصلت وأنا العريس ولم تصل معي شنطة ملابسي وكان الزواج في اليوم التالي .. وكنت أحمل شنطة هاند باق صغيره في يدي وحرصت على أن أضع بها إحدى لبسات السفاري الخاصة بي احتياطاً فلما أخبرته بمصيبتي قال لي يا زول ولا مصيبه ولا حاجه أنا بتابع الموضوع مع سلطات المطار وإنت شيل لبستك الواحده دي وأنا بديك عليها جلابيه وأعمل عرسك .. وحصل هذا السيناريو بالضبط وتم العرس بالجلابية واللبسه الواحده .. وحتى الآن لم تصل شنطتي !!!!
معليش سرحت بيكم لحبي لهذا الثلاثي الجميل
حمزة سليمان (مخزن غنا)
عادل التجاني
الدوحة
| |
|
|
|
|
|
|
|
|
|
Re: حمزه سليمان....الولد الصحيح فنان (Re: الواثق عبد الرحمن)
|
استاذ حمزه سليمان ,,
كلك جمال وابداع ,
انا برضو برفع البوست عشان الناس تستمتع ,,
ملحوظه صغيره :
انا كان لي شرف تدريسك لي يا استاذ حمزه قبل
حوالي خمسه سنوات في كلية الاحفاد ,
استمتعت بدروس الموسيقى واستمتعنا جميعا
بجمال التعامل وطريقة توصيل المعلومه ,,
للاسف انا مامشيت في الموسيقى كتير لان الدراسه اخدتني
بس متزكره كويس حصصك وتلحينك وابداعك ,,
انا نبراس هشام شيخ الدين , ويارب تكون متزكرني ,,
ومزيد من الابداع ,,
| |
|
|
|
|
|
|
|
|
|
Re: حمزه سليمان....الولد الصحيح فنان (Re: Elmosley)
|
ياااسلام على هذا الجمال، تسلم يا حمزة يا فنان،
والتحية للاستاذ الموصلي، تسلم أنت وتسلم أنغامك، وجهودك بتطوير الغنا السوداني...والاماني السندسية كانت حالة خاصة طربت لها عندما تغنيت بها أنت، وبكيت حد الكبابي عندما تغنى بها مصطفى، وعرفت أن الوطن فقد عزيز أبنائه، فمنهم من ارتحل إلى الآخرة ومنهم من ارتحل إلى دهاليز الغربة، رد الله غربتكم موصلي وحمزة، وشكراً جميلاً سودانيز أون لاين
| |
|
|
|
|
|
|
| |
ناذر محمد الخليفة
tmbis
Azhari Nurelhuda
محمد سنى دفع الله
bushra suleiman
HAMZA SULIMAN
Abureesh
ahmed khidir
osama elkhawad
خالد محمد سليمان
ابوالقاسم ابراهيم الحاج
Dr. Moiz Bakhiet
Adam Mousa
Alsa7afa_30
عمر بانقا
عادل التجانى
nadus2000
Elmosley
Badr Edinn Abdul Rahman
ملكة سبأ
فيس بوك
تويتر
انستقرام
يوتيوب
بنتيريست