في السعودية في مشكلة مجننة الناس وهي انو الشباب بيشخبطوا على الحيطان بالبوهية فقام واحد كتب على حيطة بيته ممتوع الكتابة على الجدارن(هو زاته شبخط بيته) المهم قام شاب ظريف من البشخبطوا جا كتب ليه تحت كتابته أبشر طال عمرك (يعني كويس بالسودان)
شوف الإعلان المضحك دا (لو ما اخاف الكضب أقول كاتبه محمد عادل)
اللافتة الفوق دي ذكرتني موقف أصلو ما قادر أنساو بمناسبة الـ balls .. في الهند وأنا لسع جديد كنت حايم مع واحد هندي وكان بيقول لي أحذر من النشالين .. قلت ليهو النشالين ديل ما بيقدرو علي .. قال لي ديلك في السودان لكن هنا (زي كان ستييل يور بولص) .. أنا طبعا مسيكين وجاي من السودان بي شوية إنجليزي كنت فاكرو كارب وقلت ليهو (ام نوط كاريينق إني بولص وز مي تو ليت زيم ستول) .. صحبي إنفقع من الضحك وأنا ما فاهم قصدو شنو !! وهو ما وراني لحدي بعد كم شهر عرفت إنو الـ بولس ما معناتا بس كورات صغار وعندها معاني تافهة تانية
صنفرة :
إتخيلت منظر صاحبنا الفوق لو قبضوهو وعملو ليهو (ريموفنق) لي his بولس
04-18-2008, 02:20 PM
awad okasha awad okasha
تاريخ التسجيل: 07-15-2007
مجموع المشاركات: 3876
عوض عكاشة خلينا نحسن الظن دا ولد حمش وداير يتاكد اخته منسترة ولا ماشة من غير هدوم على قولة عادل إمام .
هاك النكتة دي :
قالوا في شافع دخل المدرسة أول يوم وفي نهاية اليوم المدرسي أبوهو كان منتظره برة عشان يرجعه البيت. المهم الولد سأل أبوهو أول ماركب العربية قال ليه يابابا نحن جينا من وين؟ الراجل إتكبكب وقعد يحاول يشرح للولد إنو الزوجين بيجبو الاطفال عن طريق إنهم بحبو بعض وكلاااااااااام كتير لمدة نص ساعة وهو يحاول يشرح ليه بطريقة بسيطة ومافيها إحراج . المهم بعد ماخلص الأب سأل ولده قال ليه إنتا سألتني السؤال دا ليه؟ الولد قال ليه بس حبيت أعرف لأنو زميلي خالد المعاي في الفصل قال هم جو من دنقلا .
وفي واحدة تانية عن شافع سأل أبوهو قال ليه نحنا جينا كيف لكن مابتنقال في المنبر ...> وجه خجول
لحدي ما رستمك دي تكمل الناس بيكون بالها مشى بعيد وسرحت ومشت ومشت وبتكون نست تتابع رسمتك دي زاتها .
ذكرتني نكتة قالو ناس الأمن جاهم بلاغ إنو في زول مجنون بوزع منشوارت جنب اشارة مرور . المهم يازول ناس الامن ركبو بكاسيهم ديك المابتغباني وجو جري على الإشارة لقو الزول بوزع في منشورات ورق أبيض فاضي . قالوا ليه دا شنو يازول ؟ قال ليهم غنتو البتسوو فيه دا داير ليه كتابة ؟
ياخي إنتا وبريمة دا راعو مشاعر العزابة والله الكلام دا ماصاح منكم
04-25-2008, 10:55 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 36006
حتى لو القروش ماحقتك لكن كفاية إنك تشوفها وتعدها وتغمض عيونك وتتخيل إنها حقتك وغنك بعد العصر حاتمشي تعمل شوبنج محترم وتسرح في الخيال لحدي ماتلقى نفسك مكلبش بتهمة الإختلاس .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Biraima M Adam
حسين محي الدين
ALazhary2
ناذر محمد الخليفة
awad okasha
محمد فرح
فيس بوك
تويتر
انستقرام
يوتيوب
بنتيريست