شكرا يا بريمة لهذا الابداع وشكرا لموسيقارنا الكبير ع. سالم وسؤالي هو : ما هو المشروع الحضارى: - الذى تدافع عنه.. أم - مشروع عبدالقادر سالم وكل أهلنا المسيرية
ويا دينق أنا لا أزال عند قولي بريمة غمة عليه (غمة) بضم الغين وسوف تنجلي قريبا لذلك رفقا به
06-27-2007, 01:44 AM
Biraima M Adam Biraima M Adam
تاريخ التسجيل: 07-04-2005
مجموع المشاركات: 30279
فى الصورة شخصى فى أقصى اليسار، ثم الصدق الصحفى الكبير: الأستاذ صلاح شعيب، ثم الزعيم الدكتور أحمد إبراهيم دريج ثم شخص من أبناء بحر الغزال مسقط رأس دينق (وليس ملكال كما يزور)
وشيف الفارق بين تربية المشك (المريسة) فى دينق وتربية اللبن فى شخصى .. الفرق واضح .. الزول دا أنا ح أطق بيهو الوطا لما المريسه تجرى فوق وتحت.
بريمة
06-27-2007, 01:56 AM
bayan bayan
تاريخ التسجيل: 06-13-2003
مجموع المشاركات: 15417
Quote: يا بريمة انا شخصيا حاقعد ليك في الركن ازغرد ليك واشيل معاي جردل موية باردة.. لمان تجيبو ارض... واقطع ليك اغنية سمحة.. يسير بها الركبان من نمولي لحلفا...
املنا كبير فيك..
بى الله (بأذن الله بلغة البقارة) أملكم ما يضيع .. أنا مصارع متمرس حتى دخلت الجامعة وعشان أعتزل المصارعة قضيت فى الدمازين عطلتين جامعيتين حتى ينسانى السبارة .. وحينما عدت وجدة كل عدة الصراع .. الكشكوش والعاج والريش مازال مخزن ينتظر الفارس ..
المشك دينق يشد حيله .. (طبعا حكاية المشك ما سمعتى بيها .. فى البوست السابق دينق قال هو مربينه بالمشك .. العجين البفضل بعد ما يصفو المريسة .. صدقى زول شارب مشك وزول شارب لبن .. الغلبة تكون لمينو)
بريمة
06-27-2007, 02:26 AM
bayan bayan
تاريخ التسجيل: 06-13-2003
مجموع المشاركات: 15417
قال بروفايل ..! البروفايلات كلها كذب فى كذب .. فى ناس تمرجيه عاملين فيها دكاترة أنا ح أرجع اليونان وأجيب شهادتى بتاعت الدكتوراه وبعد داك شوف ما أخلى ليك إلا حملة الدكتوراه الأصليين أمثال د. بيان، كل كذاب أنبشه على الملأ. والغريبه فى أخرين عاملين خريجين قانون وناس عاملين محامين ومستشارين وكلو كذب فى كذب .. أنت أكبر كذاب .. أها د. بيان قالت مافى مشك فى العمارات كيف تكون تربيت بالمشك وأنت من أولاد أيس كريم العمارات ..
لو بقى مشك أم أيس كريم كلو عندى لا يسوى شيئ مع اللبن.
بريمة
06-27-2007, 11:57 AM
Deng Deng
تاريخ التسجيل: 11-28-2002
مجموع المشاركات: 52687
القام زووت دا فرية أطلقها، أبو أسيل، صلاح شعيب، قال فى إمراة فى حلتنا تسوى القام زووت .. وأنا اليومين دييل عذابى، الأولاد فى إجازة، ما عندى شغله غير متابعة تحركات ناس حلتنا وgossiping وليس هناك شيئ من هذا القبيل فى حلتنا أبداً ..
القام زووت عندنا فى كردفان هو مبيد الدى دى ت DDT والبقارة والأبالة يمسحوا به البقر والجمال من القراد، ولكن يجب أن تخلطه بشيئ أخر كالزفت أو القطران حتى تقلل السم،
وكثير من العرب الرحل يمسحون به أماكن القراد فى البهائم دون خلط وهناك تشوف الموت .. تموت البهائم بالجملة.
الغريبة ذول مسح به بهائمه وماتت منها بهيمة فى مورد الماء وجاءت بهائمنا شربت من الماء ماتت لنا 7 رؤوس أو أكثر فى أن واحد ..
أبعد من السميات القاتلة يازول كلها لا تسعفك معى.
بريمة
06-27-2007, 12:18 PM
Biraima M Adam Biraima M Adam
تاريخ التسجيل: 07-04-2005
مجموع المشاركات: 30279
Quote: أنا لو بيان جات هنا تشجعني بنسحب عديل كده. بيان دي دائما تراهن غلط وخسرانة كل القضايا. أحسن لك تنفد بجلدك.
أنت عارف البقارة بداوسوا كمد فى حضرة الحكامة .. فى عام 89م هاجم التمرد قرية البخس جنوب شرق كادقلى والبقارة جروا الدواس وكانت فى مقدمة القوم الحكامة الخابور .. يا دينق أهلنا طردوا الخوارج طرده لم يعود لذلك المكان وحتى اليوم ..
والغريبة أجبن زول فى حلتنا فى ذلك اليوم داوس دواس مودع .. وكرب الضحوة مع أشجع رجل ..
يا زول فى حضرة بيان، أنت قيامتك قامت!
بريمة
06-29-2007, 05:05 PM
PLAYER PLAYER
تاريخ التسجيل: 04-23-2002
مجموع المشاركات: 10283
بريمة دينق ما ناكر علاقتوا بالمريسة....لكن انت ناكر العلاقة بينك وبين المريسة ما ان الواقع بقول انك بتعرف جميع أنواع المرايس...ياني حضرتك خبرة قديم بيان فريق بريمة اسمه اللبن وفريق دينق اسمه المريسة ودينق بعرف اللبن زي عرفتوا للمريسة وكمان بريمة بعرف المرايس زي عرفتوا لللبن...ياني بالدارجي دينق شرب لبن ثم تحول للمريسة وكذلك بريمة شرب مريسة ثم تحول لللبن....النسالك انت علاقتك كيف مع المرايس? انا بشجع الفريق بشرب الابيض دينق كلام بريمة عن المرايس وانوعها كلام زول خبرة مش زول هاوي....لكن بقي المريسة سوت ليهوا حاجة عشان كده كرهوا بالله واحد, حكمة اليوم نأكل مما نزرع ونلبس مما نصنع وبنشرب لبنا ومريستنا
06-27-2007, 09:25 PM
Deng Deng
تاريخ التسجيل: 11-28-2002
مجموع المشاركات: 52687
Quote: أنت عارف البقارة بداوسوا كمد فى حضرة الحكامة .. فى عام 89م هاجم التمرد قرية البخس جنوب شرق كادقلى والبقارة جروا الدواس وكانت فى مقدمة القوم الحكامة الخابور .. يا دينق أهلنا طردوا الخوارج طرده لم يعود لذلك المكان وحتى اليوم ..
والغريبة أجبن زول فى حلتنا فى ذلك اليوم داوس دواس مودع .. وكرب الضحوة مع أشجع رجل ..
يا زول فى حضرة بيان، أنت قيامتك قامت!
بريمة
بريمة.
من هم التمرد؟ هل تقصد الثوار الاحرار؟
بعدين أمشي شوف قضيتك مع ناسك بتاعيين الشهادات المضروبة بعيد. أنا بقول لك راجع البروفيل بتاعي علشان تعرف الفرق بين مسقط الرأس ومكان الميلاد في السودان ما تبقى زول وهم ساكت وبتاع مغالطة وبس. بعدين قلت لي بقيت تتجسس على ناس الحلة كمان؟ طيب لو ما بتعرف القام زووت بتعرف البقنية؟ أو الزريعة؟
دينق.
دينق.
06-28-2007, 03:36 AM
Biraima M Adam Biraima M Adam
تاريخ التسجيل: 07-04-2005
مجموع المشاركات: 30279
شايفك شغال بي أموري الشخصية شديد. بعد شوية حتجي تقول لي بتشرب كم عبار في اليوم. ولا البت الماشي معاها دي منوا. خليك من قصة مسقط رأسي, لأنوا بعد شوية ممكن أحكي لك علاقتي بكردفان حتقوم جاري.
دينق.
06-28-2007, 10:33 AM
Biraima M Adam Biraima M Adam
تاريخ التسجيل: 07-04-2005
مجموع المشاركات: 30279
Quote: خليك من قصة مسقط رأسي, لأنوا بعد شوية ممكن أحكي لك علاقتي بكردفان حتقوم جاري.
دينق.
أكبر غلطة عملناه تأريخيا هى أستقبال القبائل المطردوه من الجنوب فى كردفان .. جاءت وعملت المنطقة حقتها ..
دور البقارة فى أنقاذ أبناء بحر الغزال أنت تعرفه جيد، زعيم النخاسة الزبير باشا ليس هناك من أسقط ملكه غير البقارة .. لا أنجليز، لا سلاطين الفور ولا غيرهم، وبسببنا نحن البقارة وقطعنا لطريقه ما بين النيل وحتى بحيرة تشاد (حزام البقارة) أغلقنا كل المنافذ المؤدية إلى مصر فى وجهه لدرجه أصبح عاجز لا يستطيع ممارسة نخاسته لمدة سنوات .. نفس الشيئ عملناه حينما أنقلب علينا أستاذى المرحوم يوسف كوه فى جنوب كردفان، حاصرنا المتمردين أربعة سنوات عددا فى جبال تلشى ولم نترك لا زول يدخل ولا يخرج إلا بواسطة التسرب الغير مرئى لنا .. لو ما نحن كان جماعة المركز يشربوا موية ما يرووا .. لازم تعرفوا كيف تتعاملوا معانا لمصلحتكم أنتم!
الغبائن دى كلها خليها كوم، وقصة أنك "كابى" الزوغة بعد ما شفت الفيديو دا المهم.
نصل "لديل"، بينى وبينك ود.بيان، أنت لو تنازلت من مشاكلك مع د.بيان أنا أتنازل عن المصارعة عشان تحفظ ماء وجهك.
رأيك شنو؟
بريمة
06-28-2007, 05:44 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: أكبر غلطة عملناه تأريخيا هى أستقبال القبائل المطردوه من الجنوب فى كردفان .. جاءت وعملت المنطقة حقتها ..
بريمة.
شفته تفكيرك إستعلائي غبي كيف. أنا بقولك علاقتي بكردفان أنت تقول لي أكبر غلطة؟ أمشي أسئل وجهاء وأعيان الحوزمة عن من الذي أنزل علم الاستعمار الانجليزي و رفع علم الاستقلال في جبال النوبة يا بريمة.
Quote: دور البقارة فى أنقاذ أبناء بحر الغزال أنت تعرفه جيد، زعيم النخاسة الزبير باشا ليس هناك من أسقط ملكه غير البقارة .. لا أنجليز، لا سلاطين الفور ولا غيرهم، وبسببنا نحن البقارة وقطعنا لطريقه ما بين النيل وحتى بحيرة تشاد (حزام البقارة) أغلقنا كل المنافذ المؤدية إلى مصر فى وجهه لدرجه أصبح عاجز لا يستطيع ممارسة نخاسته لمدة سنوات .. نفس الشيئ عملناه حينما أنقلب علينا أستاذى المرحوم يوسف كوه فى جنوب كردفان، حاصرنا المتمردين أربعة سنوات عددا فى جبال تلشى ولم نترك لا زول يدخل ولا يخرج إلا بواسطة التسرب الغير مرئى لنا .. لو ما نحن كان جماعة المركز يشربوا موية ما يرووا .. لازم تعرفوا كيف تتعاملوا معانا لمصلحتكم أنتم!
ونحنا برضه لن ننسى دور قبائل البقارة في الحرب. لقد كانت القبائل التي تسمي نفسها عربية هي وقود الحرب في جنوب السودان والان في دارفور. ومذبحة الضعين ليست ببعيدة يا بريمة. وخطف النساء والاطفال وأسترقاقهم أيضا. بعدين هناك الاستيلاء على الاراضي أيضا مثل قضية أبيي.
Quote: الغبائن دى كلها خليها كوم، وقصة أنك "كابى" الزوغة بعد ما شفت الفيديو دا المهم.
نصل "لديل"، بينى وبينك ود.بيان، أنت لو تنازلت من مشاكلك مع د.بيان أنا أتنازل عن المصارعة عشان تحفظ ماء وجهك.
رأيك شنو؟
بريمة
ده أخر زمنك بقيت مجرد عميل للظلامية العنصرية بيان؟ دي أخرتك يا بريمة؟
دينق.
06-28-2007, 11:28 AM
Biraima M Adam Biraima M Adam
تاريخ التسجيل: 07-04-2005
مجموع المشاركات: 30279
دينق يا سلطان على الطلاق أنت أخذت فى نفسك .. العفو والعافية يا زول .. شايف يا دينق أبدا لا تنظر إلى النصف المليان من الكاس .. لأنك صاحب عبار، وأصحاب العبابير الواحد عايز يا الكاس مليان يا بلاش.
Quote: ده أخر زمنك بقيت مجرد عميل للظلامية العنصرية بيان؟ دي أخرتك يا بريمة؟
د. بيان قلم ساعد ومازلت تبذل قصارى جهدها فى محاولة تطوير الحوار فى البورد، حوار فيه ليس ألغاء للأخر بل محاورته والأختلاف معه بأسس الأختلاف وكل هذا غير موجود فى حالة حواركم ل د. بيان، أول الواحد منكم يدخل معها فى حوار يتحول لعفريت يتنازل من كل مبادئه فى الديمقراطية والجندر وحتى قيمنا السودانية الاصيلة ... كدا عيب يا دينق! نحن نعرف عنك الكثير فى مجال تقبل الأخر لكن فى بعض المواضع تقفل عقلك بطبلة وتخلى فى البيت.
أحسن ليك تهرب ح أمسح بيك الواطه ..!
بريمة
06-28-2007, 11:47 AM
Deng Deng
تاريخ التسجيل: 11-28-2002
مجموع المشاركات: 52687
Quote: د. بيان قلم ساعد ومازلت تبذل قصارى جهدها فى محاولة تطوير الحوار فى البورد، حوار فيه ليس ألغاء للأخر بل محاورته والأختلاف معه بأسس الأختلاف وكل هذا غير موجود فى حالة حواركم ل د. بيان، أول الواحد منكم يدخل معها فى حوار يتحول لعفريت يتنازل من كل مبادئه فى الديمقراطية والجندر وحتى قيمنا السودانية الاصيلة ... كدا عيب يا دينق! نحن نعرف عنك الكثير فى مجال تقبل الأخر لكن فى بعض المواضع تقفل عقلك بطبلة وتخلى فى البيت.
أحسن ليك تهرب ح أمسح بيك الواطه ..!
بريمة
بريمة.
ده أخر زمنك يا بريمة؟ بقيت تدافع على العنصرين كمان؟ بعدين وين أنت كنت لمن كانت بتستعمل تلك الكلمة العنصرية؟
دينق.
06-28-2007, 11:56 AM
saadeldin abdelrahman saadeldin abdelrahman
تاريخ التسجيل: 09-03-2004
مجموع المشاركات: 8857
مستمتع جدا بهذا الحوار الظريف ، وتاوقت من باب الفضول أشوف الدواس الافتراضي دة نهايتو كيف ..... لكن بيني وبينكم دواس بتاع حناكيش ليس إلا .... وأها نقول الحناكيش زادو اتنين لو ماعندكم مانع ...
واها يا بريمة نحن لبنا لحدي الليلة بنهزو ونطلع منو الفرصة ، ارجع لي لبنك دة شوفو بجيب السمن والله مغشوش ساكت ، عشان ما تتورط مع الراجل ساكت ...
ويا دينق يا خوي غايتو حسب الشايفو من اسمك قوي يعني المطر و لو لبن بريمة مغشوش اها راكوبتو بتقع لكن لو لبنو خالص نقول المطر فيهو الشديد وفيهو الخفيف ....... الله يديكم العافية ...
06-28-2007, 12:32 PM
Biraima M Adam Biraima M Adam
تاريخ التسجيل: 07-04-2005
مجموع المشاركات: 30279
دينق أنا وأنت عايشين فى أمريكا .. لاحظ كيف يختلف الأمريكان! أختلاف بوعى وحضارى، فى المقابل لاحظ كيف يختلف البريطانيون، مجلس الشيوخ أو البرلمان البريطانى عامل ذى النادى أو ملعب كرة القدم .. تسمع الصراخ يييياح .. وضحك شرامه .. هذه الطبائع البريطانية ورثناه نحن منهم وأصبحت ضمن ممارستنا للحوار .. نحن يفقدنا الأنصاف للأخر وأنت غير منصف مع د. بيان .. لأن ما قاد بيان لتلك النقطة معروف هو أحمد محمود .. الذى ثبت خطأ تصنيفه للناس لمجرد الأختلاف معه .. وهو يصنف الناس على أنك إسلامى يعنى كوز أو قاتل عدييل .. يا أخى أنا لو غطستونى فى برميل مريسه أمرق منو أغتسل وأصلى تانى، يعنى إسلامى إسلامى، تعدمونى لأنى أسلامى، وهكذا بيان هو مبدأها فى الحياة ... يجب أن نقبل بعضنا بعضا مع وجود أختلافاتنا الفكرية وهذا ما يجعل مننا شعب عظيم ..
I think we can do better
بريمة
06-28-2007, 04:29 PM
Biraima M Adam Biraima M Adam
تاريخ التسجيل: 07-04-2005
مجموع المشاركات: 30279
لو احترمتني يا جورج سأكون تحت ال Suicide watch احترام منك دا انا اقع بيهو وين??
حين أقول وطني و أهلي فهم كل المكتوين في الداخل هناك مش المتفاصحين مثلك (أهلي أهلي) و لمن تمشي السودان تكسر في (اوزون) يا جورج مهاتراتك في هذا المنبر لا تعدو كونها قعدات الكترونية و ما يعقبها من خمار!
أنا اليوم سعيـد جدا بما يحمله جورج تجاهي
06-29-2007, 03:59 AM
Biraima M Adam Biraima M Adam
تاريخ التسجيل: 07-04-2005
مجموع المشاركات: 30279
قالوا مرمى الله ما برفع .. جاى نصلح ليك علاقتك مع د. بيان لقيتها بايظه فى جهات تانية .. والله يا دينق أتارى أنت سالى لسانك على الناس مترين ونص وأنا ما عارف ..!
سعدالدين أخوووووى الموضوع ما بستحق، أنت براك شايف صورتى خلت الزول يرجف مثل القصباية، الراجل خليهو لى، أبطحو فى الواطا وأجره من رجله .. الأمريكان يشوفوا الجر فى شوارع فرجينيا ..
مستمتع جدا بهذا الحوار الظريف ، وتاوقت من باب الفضول أشوف الدواس الافتراضي دة نهايتو كيف ..... لكن بيني وبينكم دواس بتاع حناكيش ليس إلا .... وأها نقول الحناكيش زادو اتنين لو ماعندكم مانع ...
واها يا بريمة نحن لبنا لحدي الليلة بنهزو ونطلع منو الفرصة ، ارجع لي لبنك دة شوفو بجيب السمن والله مغشوش ساكت ، عشان ما تتورط مع الراجل ساكت ...
ويا دينق يا خوي غايتو حسب الشايفو من اسمك قوي يعني المطر و لو لبن بريمة مغشوش اها راكوبتو بتقع لكن لو لبنو خالص نقول المطر فيهو الشديد وفيهو الخفيف ....... الله يديكم العافية ...
الاخ أنور الطيب.
أنا عبابيري بضربا بعد الانتصار على المصارع الزائف بريمة, وما أروع العبابير بعد هزيمة بريمة. أنا متأكد أنوا بريمة حيفك البيرق من أول جولة.
دينق.
06-28-2007, 11:04 PM
Deng Deng
تاريخ التسجيل: 11-28-2002
مجموع المشاركات: 52687
Quote: دينق أنا وأنت عايشين فى أمريكا .. لاحظ كيف يختلف الأمريكان! أختلاف بوعى وحضارى، فى المقابل لاحظ كيف يختلف البريطانيون، مجلس الشيوخ أو البرلمان البريطانى عامل ذى النادى أو ملعب كرة القدم .. تسمع الصراخ يييياح .. وضحك شرامه .. هذه الطبائع البريطانية ورثناه نحن منهم وأصبحت ضمن ممارستنا للحوار .. نحن يفقدنا الأنصاف للأخر وأنت غير منصف مع د. بيان .. لأن ما قاد بيان لتلك النقطة معروف هو أحمد محمود .. الذى ثبت خطأ تصنيفه للناس لمجرد الأختلاف معه .. وهو يصنف الناس على أنك إسلامى يعنى كوز أو قاتل عدييل .. يا أخى أنا لو غطستونى فى برميل مريسه أمرق منو أغتسل وأصلى تانى، يعنى إسلامى إسلامى، تعدمونى لأنى أسلامى، وهكذا بيان هو مبدأها فى الحياة ... يجب أن نقبل بعضنا بعضا مع وجود أختلافاتنا الفكرية وهذا ما يجعل مننا شعب عظيم ..
I think we can do better
بريمة
شيخ الانداية بريمة.
مافي زول حماك تكون إسلامي ولا جبهجي. لكن المشكلة لمن تجي تدافع هنا في البورد ده على المجرمين وتنتحل شخصية رجل عربي, وأنت لا تجيد اللغة العربية أصلا. بعدين أنت من ياتوا إسلامين دييل البضربوا العبابير؟ ولا ديل إسلامين موديل ألفين وسبعة؟
دينق.
06-29-2007, 01:39 AM
القلب النابض القلب النابض
تاريخ التسجيل: 06-22-2002
مجموع المشاركات: 8418
حاستى السادسة تقول إنك مريت على السفن إليفن قبل ما تجى البيت .. تانى رجعنا ..
Quote: بعدين أنت من ياتوا إسلامين
يا أخى إن شاء الله مع ناس لويس فرخان، المشكلة شنو؟ نأتى للمهم، المسألة ليس دفاع عن ظلاميين أو ظلاميات، المسألة هى حوار حول التطبيق العادل لمبدأ الديمقراطية، أنت غير عادل فى ديمقراطيتك .. كاسر رقبة الديمقراطية وكرعينها لما تكون ما عايز شخص بعينه .. وهذا يقود إلى إنك تنفق وقت طويل فى مشكالة الأخرين وشخصنة الحوار، يعنى لم تطور فهمك الديمقراطى ولا شبر من أخر تجربة للأحزاب .. والصحيح أن نحترم بعضنا البعض، ونقدم أنفسنا للشعب: الحكم والفيصل، يقبل ما يريد ويرفض ما يريد رفضه على خلفية ما ينفعه مننا، ولا قضاضه إذا إختار علمانى أو إسلامى ..
رأيك شنو؟ .. طبق هذا المبدأ مع د. بيان وسعدالدين تجد نفسك إنك تقدم للوطن بدل تأخره.
أنت طبعك يا دينق شيخك الكرمبا .. وكلكم تلايف فى تلايف ..
بريمة
06-29-2007, 04:24 AM
Biraima M Adam Biraima M Adam
تاريخ التسجيل: 07-04-2005
مجموع المشاركات: 30279
Quote: يا أخى إن شاء الله مع ناس لويس فرخان، المشكلة شنو؟ نأتى للمهم، المسألة ليس دفاع عن ظلاميين أو ظلاميات، المسألة هى حوار حول التطبيق العادل لمبدأ الديمقراطية، أنت غير عادل فى ديمقراطيتك .. كاسر رقبة الديمقراطية وكرعينها لما تكون ما عايز شخص بعينه .. وهذا يقود إلى إنك تنفق وقت طويل فى مشكالة الأخرين وشخصنة الحوار، يعنى لم تطور فهمك الديمقراطى ولا شبر من أخر تجربة للأحزاب .. والصحيح أن نحترم بعضنا البعض، ونقدم أنفسنا للشعب: الحكم والفيصل، يقبل ما يريد ويرفض ما يريد رفضه على خلفية ما ينفعه مننا، ولا قضاضه إذا إختار علمانى أو إسلامى ..
رأيك شنو؟ .. طبق هذا المبدأ مع د. بيان وسعدالدين تجد نفسك إنك تقدم للوطن بدل تأخره.
أنت طبعك يا دينق شيخك الكرمبا .. وكلكم تلايف فى تلايف ..
بريمة
شيخ الانداية.
لسخرية الزمن. شايفك بقيت داعية للديمقراطية وأنت في نفس الوقت مصخر قلمك وجهدك بهذا البورد ضد المعارضة وضد كل من يعارض الكيزان. يعني ما مشيت بعيد بقيت زي الظلامية بيان هي مثلك تماما وتقوم بالمهمة المكلفة لها بكل دقة. حوار شنوا وشخصنة شنو مع ناس يستخدمون القوة في كل شئ ضد معارضيهم بلاش نفاق ودجل معاك. لو عندك نصائح أمشي قدمها للناس الذين ينهبون السودان بشكل يومي. أين أنت يا بريمة تقف من كل هذا؟ أين هي معارضتكم للنظام وفضحه "بأسلوب بعيدا من الشخصنة"؟ أين أنت من كل ذلك يا شيخ الانداية أين؟
دينق.
06-29-2007, 10:56 AM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 27703
يا أخى فى البداية ترددت فى قبولك كحكم، عارف دينق بتاع تدبيسات .. دائماً بلعب "ديرت قيمس" لكن الأن وضحت الصورة ..
وخلينى نهمس فى أذنك، فى الدنيا ما فى حاجة أسمها حياد تام لا بد أن يوجد ولو بسيطة فى عدم الحياد داخل الحياد، وهذه النسبة البسيطة هى أمل أخوك فى هزيمة هذا ال monster دينق.
بريمة
06-29-2007, 04:48 PM
Biraima M Adam Biraima M Adam
تاريخ التسجيل: 07-04-2005
مجموع المشاركات: 30279
Quote: مليون مرة قلت لك, أتا زول لا يفتخر بأصوله العرقية لا أحترمه.
كيف سعدالدين لا يفتخر بأصوله العرقية ..! وتعال شوف أخوك هنا والفخر بأصوله العربية، شيخ العرب المستعربة، بريمة م أدم. أقرأ الأتى من كتاباتى فى الفخر بالتراث الكردفانى ثم نجييك راجع -->
وووواو جابت تافه كمان .. تعال معاى نتابع هذا الفيدو الذى يتحدث عن العنصرية ضد السود .. ونحن كلنا فى السودان سود .. كيف تكون معاملة البوليس الأبيض بالنسبة لدينق وبالنسبة لى .. هل البوليس من البيض يستثنانى ويرضب دينق أم يضربنا الأتنين! إذا كانت إجابتك بنعم إذن نصل إلى أن شخصى ودينق من نفس الملة المغضوب عليها أو الغاضبه عليهم ولا عنصرية فى حوارنا
بريمة
06-29-2007, 07:12 PM
Biraima M Adam Biraima M Adam
تاريخ التسجيل: 07-04-2005
مجموع المشاركات: 30279
سُئِل حكيم : بم ينتقم الإنسان من عدوه.....؟ فقال : بإصلاح نفسه
سُئِل حكيم : ما السخاء ...... ؟ فقال : أن تكون بمالك متبرعاً، ومن مال غيرك متورعاً .
سُئِل حكيم : كيف أعرف صديقي المخلص .....؟ فقال : أمنعه ..وأطلبه..فإن أعطاك ..فذاك هو ,..وإن منعك..فالله المستعان!
قيل لحكيم : ماذا تشتهي .....؟ فقال : عافية يوم ! فقيل له : ألست في العافية سائر الأيام ...؟ فقال :العافية أن يمر يوم بلا.. ذنب.
قال حكيم : الرجال أربعة : جواد و بخيل و مسرف و مقتصد فالجواد : من أعطى نصيب دنياه لنصيبه من آخرته. والبخيل : هو..الذي لا يعطي واحداً منهما نصيبه. والمسرف : هو الذي يجمعهما لدنياه. والمقتصد: هو الذي يعطي كل واحده منهما نصيبه
قال حكيم : أربعة حسن ولكن أربعة أحسن ! الحياء من الرجال..حسن، ولكنه من النساء..أحسن . والعدل من كل انسان..حسن، ولكنه من القضاء والامراء..أحسن . والتوبة من الشيخ ..حسن، ولكنها من الشباب..أحسن . والجود من الأغنياء..حسن.. ولكنه من الفقراء..أحسن .
قال حكيم : إذا سألت كريماً .... فدعه يفكر....فإنه لا يفكر إلا في خير. وإذا سألت لئيماً.. فعجله.. لئلا يشير عليه طبعه ..أن لا يفعل !
قيل لحكيم : الأغنياء أفضل أم العلماء ...... ؟ فقال : العلماء أفضل . فقيل له : فما بال العلماء يأتون أبواب الأغنياء . ولا نرى الأغنياء يأتون أبواب العلماء..؟ فقال : لأن العلماء عرفوا فضل المال ، والأغنياء لم يعرفوا فضل العلم!
قال حكيم : الناس في الخير أربعة : فمنهم من يفعله .. ابتداء، ومنهم من يفعله .. إقتداء . ومنهم من يتركه .. حرماناً ، ومنهم من يتركه .. استحساناً .
فمن يفعله ابتداء ....... كريم!
ومن يفعله اقتداء ....... حكيم !
ومن يتركه استحساناً ...... غبي!
ومن يتركه حرماناً ........ شقي
06-30-2007, 00:40 AM
عبدالرحمن عزّاز عبدالرحمن عزّاز
تاريخ التسجيل: 10-31-2005
مجموع المشاركات: 2521
Quote: مليون مرة قلت لك, أتا زول لا يفتخر بأصوله العرقية لا أحترمه.
كيف سعدالدين لا يفتخر بأصوله العرقية ..! وتعال شوف أخوك هنا والفخر بأصوله العربية، شيخ العرب المستعربة، بريمة م أدم. أقرأ الأتى من كتاباتى فى الفخر بالتراث الكردفانى ثم نجييك راجع -->
واحد يتنكر الى أصوله العرقية والتاني منتحل شخصية عربي. يا بريمة يا أخوي. أنت لمن تبقى عربي لسانك ده بفضحك. لغتك العربية ركيكة ومكسرة. مالك ومال العروبة؟
دينق.
06-30-2007, 00:51 AM
Deng Deng
تاريخ التسجيل: 11-28-2002
مجموع المشاركات: 52687
اقيف فى الدارة و سط الدارة و أتنبّر .... رحم الله شاعرنا إسماعين حسن .... بريمة ... سعد الدين .... و الجميع .... أمرقوا لى منها .... دينق و سبارتو ، أو قولوا سبارتو بصارعهم أنا الأغبش دا ! حبابهم عشرة بلا كشرة ....... و ياريت يبقى جد ؛؛؛
وووواو جابت تافه كمان .. تعال معاى نتابع هذا الفيدو الذى يتحدث عن العنصرية ضد السود .. ونحن كلنا فى السودان سود .. كيف تكون معاملة البوليس الأبيض بالنسبة لدينق وبالنسبة لى .. هل البوليس من البيض يستثنانى ويرضب دينق أم يضربنا الأتنين! إذا كانت إجابتك بنعم إذن نصل إلى أن شخصى ودينق من نفس الملة المغضوب عليها أو الغاضبه عليهم ولا عنصرية فى حوارنا
شيخ الانداية بريمة.
هسع بالله في زمتك دي.
بوليس فيرفاكس وقفك وأشتبه فيك كم مرة؟
دينق.
06-30-2007, 02:48 AM
Biraima M Adam Biraima M Adam
تاريخ التسجيل: 07-04-2005
مجموع المشاركات: 30279
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Biraima M Adam
Deng
Atif Makkawi
bayan
PLAYER
ناذر محمد الخليفة
saadeldin abdelrahman
انور الطيب
القلب النابض
عاصم ابوبكر حامد
عبدالرحمن عزّاز
فيس بوك
تويتر
انستقرام
يوتيوب
بنتيريست