|
العبار دينق: أوعاك الفحلوة! .. سلام يا ناس البورد وأعياد سعيدة
|
سبحان الله .. طرودنى من البورد .. ما عارف سبب الطرد .. لا رسلوا لى جواب طرد لا جواب أرجاء .. وعندما جاء العفو للمطرودين .. قلت دى فرصه أخوكم المسكين دا يحاول .. وقد صدقت نبوءتى رجعنى بكرى .. ولو علم بكرى كيف المدام وحماتى كنّ متكيفات أربعة وعشرين قيراط من طردى لما أرجعنى .. صدقونى ما خلنّ سوق من أسواق الله أكبر إلا وطوفنى فيه بالساعات الطوال .. وأنا بعد ما قررت عدم العودة لكن يبدو القعدة فى الكمبيوتر وأدعاء أنا عندى شيئ مهم أكتب فيه خير لى من قد الجيب ..
اللذيدة فى طردتى العبار دينق عايز يستغلها ويصاحبنى بالقوة .. العبار فتح بوست وبحث عنى دون خبر وأنا من هنا أصالة عن نفسى الطيبة (ليس الأمارة بالسوء) أهنئ العبار دينق بأعياد الكريسمس وأهئنه بالعودة سالم للأهل وكل الأخوة المسيحين فى البورد وأزف التحية لكل الشعب بمناسبة أعياد رأس السنه وعيد الأضحى المبارك ..
وهنا شرط أول للصداقة مع دينق، أن يكون العبار من جنس عبارى أنا وليس عباره كالذى رسمه الأخ ناذر أو زول أخر ونقله ناذر لا أدرى وفيه دينق يطاردنى بعبار لونه أسود .. طبعاً أنا عبارى لونه أبيض خالص ..
قصة العبار دى تطارنى منذ أن كنت صغيراً .. ففى المدرسة الأبتدائية فى قريتنا كركراية شمال شرق كادقلى فى منتصف السبعينيات كنت أحضر للمدرسة ومعى أثنين من الأصدقاء وحين العودة نمر جوار بيت المريسه فى طريقنا إلى الحى الذى نقطنه .. فيدخل أصدقائى مدعين أنهما يريدان يشربا الماء .. وأنا المسكين أنتظرهما فى ظل شجرة هجليج حتى يعودا ونواصلوا سيرنا .. ولا حظت أن أمزجتهم تتغير تماماً بعد الخروج من شراب الموية .. إما أن يكونا مسرورين أو غاضبين وفى بعض الأحيان يتشاجرا بعنف وأدخل حجاز .. ذهبت للوالدة ذات يوم وأخبرتها بسر تغير مزاج أصحابى بعد شرابهم الموية من بيت المراسية .. قالت الوالدة أشتم رائحتهما هل تشم المريسة فيهم .. قلت أوكى .. غداُ سوف أتحقق من كلام الوالدة .. وكالعادة دخلا ليشربا الموية وبما أن قريتنا قطاطى .. فججت قش القطية وبدأت أنظر .. فجرى أصدقائى إلى برمة المريسه رأساً وبدءا يشربا المريسة بنهم .. لم تصدق عيناى ولكن لسوء حظهم وقعت عينى فى عين أحدهم وهو ملء أشادقه مريسه فزفرها زفرة فى إتجاهى وصادف أن ست المريسة جاءت مارة فزجرته بعنف وقالت له لن أعطيك بعد اليوم .. ومن هناك أنا فكيت البيرق جرياً حتى المنزل وسلمت الوالدة القصه كاملة .. ذهبت الوالدة إلى والدها شيخ الحلة لتخبره أن هناك أمرأة تصنع المريسة وتسقى أطفال المدرسة عبار عبارين فثارت ثائرة جدى وتم حصار المشكلة .. ولكن خرجت أنا بأسم العبار .. وتحول منى الأسم بقدرة قادر إلى أخ أخر وسمى به سعيد العبار إلى يومنا هذا ..
تكررت حكاية العبار معى عندما كنت فى سنة التخرج .. غادرنا فى رحلة علمية إلى منطقة الفاو فى الرهد وهناك كان معنا أعمام سواقى البصات .. ولديهم باغة بلاستيك مغطاة بالخيش .. وكان الجو حاراً وكان هناك أخوة من دفعتنا يدخلون مكان السواقين ويشربون من الباغة .. وفذهبت رأساً إلى الباغة .. لكن أحد السواقين أمسك الباغة بشدة ولم يسمح لى، فأخذت الأمر فى نفسى بأنى متحشر وذهبت فى طريقى .. لكن الأمر حرقنى فى الأخر وذهبت وحيكت لأحد الأخوة وقلت له السواق داك رفض لى بالموية ولولا أحترمته لكسرت باغته .. قال لى تكسر باغة المريسة .. فقلت له كذاب لأن فلان وفلان شربا من نفس الباغة قبلى .. فقال ماذا فى ذلك؟ فهم يشربا المريسه فى شمبات المرسى .. رجعت للسواق وجلست إليه قلت له يا أخى أنا أحترمك لكنك ما أحترمتنى .. قال يا بريمة الموضوع عبار عدييل وأنا عارف أنت غير عبار اللبن ما عندك شيئ .. ضحكت ..
والغريبة الجماعة واحدين صدقوا دينق فى حكاية العبار، فكتب أحدهم فى أحد البوستات لا أتكلم معك حتى تفيق من عبارك .. قلت فى نفسى دا يقصد دينق عدييل ولا شنو ..!!
وقبل أن أختم، أقول للأخ بكرى مش فتحت صفحة بيضاء بل كتاب بحاله للعفو والصفح.. لكن العدل يجب أن يكون عدل .. لو زول ضربنى فى خدى الأيسر لا يتوقع إننى أدير خدى الأيمن بل يجدنى أصفعه فى خده الأيمن لما عيونه يطششن .. دا عدل ربانى .. إذا أعتدوا عليكم فأعتدوا عليهم بمثل ما أعتدوا عليكم .. والبادئ أظلم .. وأخدوا منى هذه لن أكون البادئ .. لكن الدواس خصله فينى متأصله وأرجو أن لا يعتدى علىّ شخص حتى تعود سليمة لحالتها القديمة .. وقد سمعت ذات مرة المرحوم الزميل الدكتور عمر الغزالى يقول أن إنسان لا يثور من أجل كرامته ليس له نخوة، وقد سمعت من أخت خريجة أقتصاد وهى مقيمة فى أمريكا تقول إنسان ليس له أعداء ليس له قيمة .. ويجب أن كانت هناك عداوة أن تكن بشرف وليس تجنى! ..
وأهم أجندتى فى البورد هى محاولة رتق النسيج المحترئ بين القبائل العربية فى أرض الهامش وما يساكنها من أبناء الحركات سواء فى دارفور أو جنوب كردفان، أحياناً محاولاً كشف زيفهم وأحياناً أخرى داعياً للسلم الأجتماعى والوصول للحد الأدنى للمواطنه إن لم يتيسر الوصل إلى سقف الشراكة فى الوطن ..
تحياتى لك من تذكرنى فى الغيبه والتحية للعبار دينق فى أرض الوطن ..
بريمة
|
|
|
|
|
|
|
|
Re: العبار دينق: أوعاك الفحلوة! .. سلام يا ناس البورد وأعياد سعيدة (Re: Biraima M Adam)
|
الأخ كوستاوى (كتبت هذه المداخلة رداً على الأخ كوستاوى ولكن بقدرة قادر أختفت مداخلته والتى أقدر قميتها ..) وكان هنا ردى ..
وين النفاق .. أنا قلت طردونى دون أن يرسلوا لى سبب الطرد ورجعونى دون أن يورونى السبب .. وهنا أمام الجميع أتحداك يا كوستاوى أن تجيب كلمة ذكرت فيها أسمك أو أسرتك .. ما يكون الكلام جعجعة أو تخمين أو تأويل!!
وأخيراً العفو والعافية .. هناك شيئ أكثر أفادة للوطن يمكننا أن نقدمه من خلال هذه النافذه وأنا شخصياً تجاوزت كل شيئ وأمد يد الصفح لكل من يعتقد أننى أسئت له .. وأنا أنسان، أخطئ وأصيب .. فإن أخطات ذاك منى والشيطان ..
صدقنى، من الأن لا أرغب فى أن أتحدث عن أى إنسان إلا بخير وأرجو أن يعاملنى الجميع كذلك حتى نفيد ونستفيد ..
بريمة
| |
|
|
|
|
|
|
Re: العبار دينق: أوعاك الفحلوة! .. سلام يا ناس البورد وأعياد سعيدة (Re: Ahmed Abdallah)
|
الأخ أحمد عبدالله صدقنى لم يسئ لى إنسان فى البورد بقدر ما أسئت أنت لى .. ومن موقف صدقى مع نفسى وتجاوزاً كما دعى الأخ بكرى أقول ليك صفحت عنك كل ما أسئته لى دنيا وأخرى .. هل هذا يريحك .. وأرجو أن تلاحظ إننى وجدت فى فترة غيابى أن الدور الشخصى، علاقاتنا فى البورد ليست ذات أهمية لقرائى خارج البورد وقضيتى والأن أنا فى أتجاه يخالف ما عهدته عنى .. ولكن، هناك حدود لكل شيئ وأنا أتعامل بقانون القصاص .. السن بالسن والجروح قصاص .. فإذا قطع شخص أذنى وسلمنى لها أقطع أذنه وأسلمه لها وأذا قطعها وجدعها فى التراش سوف أفعل كذلك ..
والسلام على من أتبع الهدى ..
بريمة
| |
|
|
|
|
|
|
Re: العبار دينق: أوعاك الفحلوة! .. سلام يا ناس البورد وأعياد سعيدة (Re: Kostawi)
|
كوستاوى
Quote: بريمة بقول إنو فصل في قصة العبابير
|
متين أنا قلت أنا فصلت بسبب العبابير .. أنا قلت لم أعرف سبب فصلى ولم يرسل لى خطاب فصل أو خطاب إرجاء وكل شيئ تم كأنى تم فصلى خطأ .. الأن يورونى السبب ويأتونى بالحجة والبينة ..
Quote: هل إمرأة بريمة جات من العراق وله لسع? هل جابت ليه قروش وله جات يدها فاضية?
|
هنا سؤال التحدى ما قلته أنت ليس صحيح لأنه لم يورد عنى ورود أسم شخص، فقط ذكرت كلمة زوجتى وموضوع ذهابها للعراق، هل هناك ما يمنع؟ .. أجب بنعم أو لا؟
بريمة
| |
|
|
|
|
|
|
Re: العبار دينق: أوعاك الفحلوة! .. سلام يا ناس البورد وأعياد سعيدة (Re: Kostawi)
|
الإخ الكريم بريمة
الأخ الكريم كوستاوي
كل عام و أنتم بخير و ربنا يمتعكم بالصحة و العافية و طولة البال
هناعيدنا في الإمارات قبلكم لفرق التوقيت
صلينا وضبحنا ربنا يتقبل إن شاء الله
ودخلت علي جاري , مرة حصل سوء فهم بينا- أنا في لحظة أديت إبليس فرصة- قلتليهو كلام ما قبلو
فكان في جفوة بينا
المهم إستغليت مناسبة العيد و دخلت عليه , سلام و معايدة و كدا
قمت قلت ليه العفو وعاوز أعتذر ليه ,سكتني و قال لي( علي الطلاق ما تقول حاجة و لا تعتذر
العيد و السلام و جيتك دي كفاية, إحنا في غربة ما لينا غير بعض).
لقيتكم أونلاين قلت أشاركم الموقف (السوداني جدا) دا
عليكم الله رايكم شنو؟
تاني كل سنة و إنتوا و جاري طيبين
| |
|
|
|
|
|
|
Re: العبار دينق: أوعاك الفحلوة! .. سلام يا ناس البورد وأعياد سعيدة (Re: Biraima M Adam)
|
Quote: فيدخل أصدقائى مدعين أنهما يريدان يشربا الماء .. وأنا المسكين أنتظرهما فى ظل شجرة هجليج حتى يعودا ونواصلوا سيرنا |
شيخ الانداية بريمة.
حمدالله على السلامة وكل عام وأنتم بخير.
أما بعد.
أنا الان في الخرطوم وبالتحديد في حي الانقاذ وعباري جنبي. نحنا كده أنتوا كيف؟ بعدين كلامك الفوق ده داير تمشيهوا على منوا؟ يا بريمة, العبار ده أنت بتعرفوا كويس وزي جوع بطنك دي وبلاش أستهبال معاك, زي مكناتك دي تغش بيها جماعتك البتصلي معاهم مش علي أنا ده. السودان تمام يا بريمة, عبابير سااااااكت.
دينق.
| |
|
|
|
|
|
|
Re: العبار دينق: أوعاك الفحلوة! .. سلام يا ناس البورد وأعياد سعيدة (Re: Deng)
|
دينق كل سنة وأنت طيب، يازول أنت بصحك، عبار فى حى الأنقاذ ذاتو! علىّ الطلاق تلقاك داسى عبارك زى الحاجة السمحة .. الجماعة ديل قاطعين نفس أى زول . خليك من العبار نحن حددوا لينا درجة حموضة الروب، الحموضة لا تتعدى حد معين لأن بعداك يصبح من فصيلة عبارك ..
وبعدين سمعت أنك مسافر ملكال!! دى على فرعون يا هامان، الحقيقة أنك عايز تمر على كاكا التجارة، أهم مركز تجارى للكنجيمورو .. ومستوى الحريات هناك كويس ..
------------- شمار، شمعت أنك خضبت جلابية!
بريمة
| |
|
|
|
|
|
|
Re: العبار دينق: أوعاك الفحلوة! .. سلام يا ناس البورد وأعياد سعيدة (Re: عاصم ابوبكر حامد)
|
الأخ عاصم كل عام وأنتم بخير، ونسأل الله أن يكون العام الجديد عام سلام فى ربوع الغرب الحبيب .. لم أبالغ يا عاصم، أقرأ:
Quote: الجدير بالذكر أن الحركات المسلحة هاجمت ديار المسيرية " نتيقه " 38 هجوماً وبصوره إنتقائيه استعملت فيها جميع أنواع الأسلحة الفتاكة " الأربجي – SPG9 – صواريخ الكاتيوشا – الدوشكا - الثنائي – الرباعي – مدفع 106 " فضلاً عن الأسلحة الكيماوية والمحرمة دولياً " الفنك " احتسبت قبيلة المسيرية 200 شهيداً و451 جريحاً بعضهم أصبحت لهم عاهة مستديمة 191 أرملة 753 يتيم دون سن العاشرة 700 أسرة هجرت قسراً 4 قرى أحرقت تماماً 3 قرى مهجورة 3 مغابر جماعية بكل من " نتيقه – تعايشه – كسورة " وهذه المغاير الجماعية وقفت عليها لجة التحقيق الدولية من الأمم المتحدة في خواتيم العام 2004م . |
http://www.sudaneseonline.com/ar/article_7672.shtml http://www.sudaneseonline.com/ar/article_7705.shtml http://www.sudaneseonline.com/ar/article_7706.shtml شفت يا عاصم، من جانب أبناء الحركات ومن خلال سلسة هذه الأعتداءات على ديار المسيرية التى تخلو من الحكومة التى يجب أن تقاتلهاالحركات هل ترى أن الحركات تقر بأن المسيرية جزء من نسيج دارفور الأجتماعى؟ لا أظن؟ يجب أن يكون هناك حوار حقيقى يتخطى مسألة رفض الحقائق أو تلفيقها هذا هو الذى يقودنا إلى حل سلمى لمشكلة تمزق النسيج الأجتماعى. دعنى أقول لك، فى بوست سابق فتحته بخصوص حرق أبناء القبائل العربية، وصلت تلك إلى أمنستى أنترناشنال وربما تجرى معالجة الضحايا الأن فى الخرطوم، علماً أن فى ذلك البوست كل إنسان يفتكر إنى مخرب لوحدة أبناء دارفور، والحقيقة أن هناك دعوة جادة لتدارك الأمر ومعرفة العدو الحقيقى .. كيف نبنى على الكذب؟
تحياتى وإن شاء الله يكون بيننا حوار بناء من أجل أهلنا ومصلحة المنطقة
بريمة
| |
|
|
|
|
|
|
Re: العبار دينق: أوعاك الفحلوة! .. سلام يا ناس البورد وأعياد سعيدة (Re: Biraima M Adam)
|
العبار دينق
وين يازول، اللحمة سكرتك ولا شنو .. بمناسبة الضحية، الجماعة جونى عشان نفتى لهم فى الشربوت والبيرة خالى كحول .. قلت لهم حسناً، سمعت أمام المسجد اليوم فى خطبة العيد يقول ..
أفتى شيخ الأسلام فى مسألة أفضليةالمرابطة على الثغور مقابل الاعتكاف (المجاورة) فى الحرم الشريف ومعروف الصلاة فى المسجد الحرام تعادل ألف صلاة، فقال بما أن المجاورة فى الحرم الشريف من جنس الحج، وأن المرابطة على الثغور من جنس الجهاد، وأن الجهاد أعظم درجة من الحج، فإننى أفضل المرابطة على الثغور .. أنتهى حديث الأمام ..
ولقد سقت القياس التالى فى موضوع أفتائى: بما أن البيرة خالى كحول من جنس البيرة بكحول وهى من جنس عبار دينق، وبما أن الشربوت من جنس البلح والبلح واللبن صنوان، فأن الشربوت من جنس عبارى أنا، فإننى أفضل الشربوت على البيرة خالى كحول .. لكن القياس لم يكتمل بعد .. بما أن الشربوت حينما يتخمر يصير من جنس اللبن الحامض حينما يتخمر وبفسد وبما أن (الجماعة) وضعوا حد لحموضة الروب بعدها يصير فاسداً، فإن الشربوت يفسد إذا جاوز فى فساده الروب الفاسد، أنتهت الفتوى!
والجماعة وقعوا ليك فى الشربوت، فاصبحوا سالمين، أما أنا بطبيعة حالى ذى سيدنا على كرم الله وجهه وقفت بعيد حتى من الشربوت، لكن قضيت نصف ليلتى فى الحمام أعمل حاجة ما ..
فى الصباح ضحك الجميع ولسان حالهم يقول (القول ما صدقه العمل) ..
بريمة
| |
|
|
|
|
|
|
Re: العبار دينق: أوعاك الفحلوة! .. سلام يا ناس البورد وأعياد سعيدة (Re: Biraima M Adam)
|
العزيز بريمة لك التحية اخى
Quote: تحياتى وإن شاء الله يكون بيننا حوار بناء من أجل أهلنا ومصلحة المنطقة |
الحبيب بريمة كل حرب لديها ما لديها من سلبيات وايجابيات ولكن دعنا نبنى لغربنا وطننا وركيز ترتكز عليها الاجيال القادمة ...
نعم ضاع الكثيرون والكثيرون عبر خلافات جهوية اسستها موسسات الدولة عبر مكاتبها التى لانعرفعا ولا تعرفنا ...
اخى تجدنى والله اول من يتحاور حوار بناء معك ومن غير تدخل اى شمشرجى ....
تسلم
| |
|
|
|
|
|
|
Re: العبار دينق: أوعاك الفحلوة! .. سلام يا ناس البورد وأعياد سعيدة (Re: Biraima M Adam)
|
شيخ بريمة يا عجيب ..
Quote: بما أن البيرة خالى كحول من جنس البيرة بكحول وهى من جنس عبار دينق، وبما أن الشربوت من جنس البلح والبلح واللبن صنوان، فأن الشربوت من جنس عبارى أنا، فإننى أفضل الشربوت على البيرة خالى كحول .. لكن القياس لم يكتمل بعد .. بما أن الشربوت حينما يتخمر يصير من جنس اللبن الحامض حينما يتخمر وبفسد وبما أن (الجماعة) وضعوا حد لحموضة الروب بعدها يصير فاسداً، فإن الشربوت يفسد إذا جاوز فى فساده الروب الفاسد، أنتهت الفتوى!
|
أنحنا طبعا في البيت الحاجة الله يديها العافية محرما علينا الشربوت وحالفة ما تسويهو كلو كلو عشان كدة أنحنا بنتحايل عليها ونمشي نشربو عند الجيران ..
لكن والله فتوتك منطقية جدا وأنا حا أوزعا لمن يهمهم الامر ، لكن ما حا اعمل بيها عشان انا بحب الشربوت (كلو مرة واحدة في السنة وما أظن فارقة) ..
شنكل :
أفتينا يا بريمة.. ليييه دينق حايم في الخرطوم من حتة لي حتة بي عبارو وما داير يقابل أي زول من بورداب الخرطوم ؟ يعني حا نعمل ليهو شنو لو قابلنا ؟!!
| |
|
|
|
|
|
|
Re: العبار دينق: أوعاك الفحلوة! .. سلام يا ناس البورد وأعياد سعيدة (Re: Biraima M Adam)
|
Quote: دينق كل سنة وأنت طيب، يازول أنت بصحك، عبار فى حى الأنقاذ ذاتو! علىّ الطلاق تلقاك داسى عبارك زى الحاجة السمحة .. الجماعة ديل قاطعين نفس أى زول . خليك من العبار نحن حددوا لينا درجة حموضة الروب، الحموضة لا تتعدى حد معين لأن بعداك يصبح من فصيلة عبارك .. |
شيخ الانداية بريمة.
تعرف يا بريمة, السكر الموجود في الخرطوم بس يسكر أمريكا كلها. بعدين موضوع الشربوت ده موضوع غريب جدا. هو أسموا شربوت في المقام الاول ويتم قفله لمدة من الزمن, ومن غير أن يخمر لا فائدة منه. بلاش أستهبال معاك. الشربوت شروت فهوا مسكر وللذين لا يسكرون به يشعشعون به. بس كده قول لي يا بريمة. الشربوت ده لو ما خمر كان بسموهو شربوت؟
Quote: شمار، شمعت أنك خضبت جلابية! |
لا بقارية.
Quote: ولقد سقت القياس التالى فى موضوع أفتائى: بما أن البيرة خالى كحول من جنس البيرة بكحول وهى من جنس عبار دينق، وبما أن الشربوت من جنس البلح والبلح واللبن صنوان، فأن الشربوت من جنس عبارى أنا، فإننى أفضل الشربوت على البيرة خالى كحول .. لكن القياس لم يكتمل بعد .. بما أن الشربوت حينما يتخمر يصير من جنس اللبن الحامض حينما يتخمر وبفسد وبما أن (الجماعة) وضعوا حد لحموضة الروب بعدها يصير فاسداً، فإن الشربوت يفسد إذا جاوز فى فساده الروب الفاسد، أنتهت الفتوى! |
هسع أنت بتلف وتدور وجايب ليك فتاوي داير تقول شنوا بالضبط؟ ياخي ما تقول أت بتضرب شربوت وتسكر وخلاص بتلوك وتعجن في الكلام مالك؟ يا شيخ الانداية بريمة بعد ده كلوا تجي وتقول لي عبارك عبار لبن؟
دينق.
| |
|
|
|
|
|
|
Re: العبار دينق: أوعاك الفحلوة! .. سلام يا ناس البورد وأعياد سعيدة (Re: Biraima M Adam)
|
دينق
Quote: Quote: شمار، شمعت أنك خضبت جلابية!
لا بقارية.
|
أنت قايل الدنيا مهدية، قايل البقاريات حاملات ساى، علىّ الطلاق أنت لو تزوجت بقارية أطلقها منك وأتزوجا أنا، أنت ما عارف أعراف البقارة ولا شنو! لو الواحد جاءها إنسان قريب بطردوا الغريب وبزوجوا القريب بشيلة الغريب وبردوا للغريب شيلة عيناً .. لكن عندى ليك مخرج، فى كادقلى كنت خاتى ليك عينى على دينكاوية ذى السلك، ومحل ما أجى مارى بالحى ألقى ليك واحد صبى أطول منها ذى عمود التلفون، الراجل ذى الكشف نومتى، أمر مكسور العين خائب وخايف كمان، عشان كده أنا مرابط ضد كل الجنوبين إلا يدونى جنوبية حتى بعداك الواحد يمر ..
------------------ دينق أحسن ليك الجلابة وأنت طبعاً أكبر جلابى لو كنت تعلم ..
بريمة
| |
|
|
|
|
|
|
|