|
Re: صابر الحواتى .... كادقلى نفر ! ! (Re: يوسف محمد يوسف)
|
جنابو الريس نفر شنو ديل نفرين فرتكو ام درمان كلهاشمال العرض الرقيص كمبلا !!
هاردلك ياصابر بكري عبدالجليل عرف ليكم كويس وبداء النزيف في كادقلي في اعالي الجبال الله يستر في المنخفضات بسرعة برازيلية.
بالله ياريس شوف لينا السنوسي !!
،،،،أبوقصي،،،،
| |
|
|
|
|
|
|
Re: صابر الحواتى .... كادقلى نفر ! ! (Re: مجدي عبدالرحيم فضل)
|
Quote: جنابو الريس نفر شنو ديل نفرين فرتكو ام درمان كلهاشمال العرض الرقيص كمبلا !! |
عارف يا ابو قصى
انا عرفت ليه ناس الهلال شايلين نقرهم مع البروف / كمال شداد ..
البروف هو من يصر على الدورى الممتاز .. و حقيقة الدورى الممتاز افرز فرق سيكون لها دورها فى تطور كرة القدم فى السودان .. الامل عطبرة .. نيل الحصاحيصا .. هلال كاااااااااااااادقلى .. فرق امكانياتها لا تضاهى امكانيات الفرق العاصمية .. بس بتنشف ريقها !!
مبروك يا بروف و هاردلك الهلال
| |
|
|
|
|
|
|
Re: صابر الحواتى .... كادقلى نفر ! ! (Re: فايزودالقاضي)
|
Quote: الانقاذ خربت اخلاق الناس وبقى مافي احترام للكبير ...هسي دي اخلاق ياهلال كادقلي ؟!!!! |
ود القاضى
حبابك
و خلتهم عائشين فى العسل .. و فجأة يلقوا روحهم فى الظلط .. " ظلط كادقلى ""
ابقى سلم لى على ولدنا صابر .. عارفنو قابض على الجمر .. ( جمرتين ) !!
| |
|
|
|
|
|
|
Re: صابر الحواتى .... كادقلى نفر ! ! (Re: يوسف محمد يوسف)
|
ياريس ..
كيف حالك .. الواحد كان بره الشبكة وخرج التغطيه .. للصيانه وكده !!!
وبعدين ,,,,
يا أخى تعال أقول ليك ..
أخونا منتصر الهلالابى الظريف قال لى شنو عارف ؟؟
يا حواتى يا الهلال هجومه .. .. أحمد عادل .... وأمبيلى ... وكاريكا ...!!!
يا أخى تعرف ديل ذى شنو ... ؟؟؟
بالله ذى شنو ...؟؟؟
قال لي ذى التللات أسات فى الكوتشينه !!!!
فقلت ليهو .. العماء قالو القافل ..جلاه الآس ... يلا على كده .. خلينا نجر .....!!!!
| |
|
|
|
|
|
|
Re: صابر الحواتى .... كادقلى نفر ! ! (Re: saber alhawatti)
|
Quote: كيف حالك .. الواحد كان بره الشبكة وخرج التغطيه .. للصيانه وكده !!! |
تسلم يا حبينا من كل شر آت من جنوب كردفان !!
Quote: فقلت ليهو .. العماء قالو القافل ..جلاه الآس ... يلا على كده .. خلينا نجر .....!!!! |
عارف يا حبوب
عندنا واحد اخونا من " اولاد تلاتة " .. اسمو عبد العظيم " ابو شراب " ..
اخطر من " يجلى " فى الكونكان .. يعنى تجلية المخاواة عادى عندو ..
له قولة شهيرة .. " مْن احتاسا .. رمى الآسا "
فانتو يا ناس الهلال .. ارموا " الآسات " .. و امسكوا " الدوهات " .. و خلوا ورقكم صدر !!
الفتة بتاعتكم دى عايزه ليها " شكه " !!
و كاأأأأأأأك .. مربع للجدعان !!
نشوفك !
| |
|
|
|
|
|
|
Re: صابر الحواتى .... كادقلى نفر ! ! (Re: يوسف محمد يوسف)
|
ياريس
المشكة بقت شنو ...
قال ليك الأرباب .. ورقوا كان فاتح ... !!!
قال أخليها تآخد ليها لفه وتجينى تانى عشان أجر ليك الجماعه !!!
صدق صاحبنا باحبيب .. قبضوا هبابه وبالجوكرين العنده ؟؟؟؟؟؟؟؟؟؟؟؟
والمشكلة بقت عند الوزير ... والوزير عندو إجتماع
والإجتماع حتكون .. يا تقسموا ... يا ... لجنة التسيير !!!
أها رأيك فى الكاك دى شنو بالله !!!!
قال كادوقلى قال .. يا أخى الأولاد أولادنا ... أنتو أطلعوا منها !!!
وقال لصاحبنا متوكل أمان .. العامل عمتو ذى شعار قناة زول .. خليك فى برى !!!
| |
|
|
|
|
|
|
Re: صابر الحواتى .... كادقلى نفر ! ! (Re: يوسف محمد يوسف)
|
يا سعادتو
الجماعه من زمان عاوزين ليهم حجه وبأى طريقه
عاوزين يزرعوا ليهم خازوق ...
والأرباب أداهم السكه .. بالمجلس الضعيف
والمبنى على المصالح ...
والوزير القال ظللنا نراقب
ولم نتدخل عشان أهلية وديمقراطية الرياضه !!!
ومنح الأطراف مهلة حتى غدا الأحد
والله إلا تجى دبابات تحتل نادى الهلال ...
والجماعه ما حيدخلوا نادى الهلال إلا بى دبابه ...
| |
|
|
|
|
|
|
Re: صابر الحواتى .... كادقلى نفر ! ! (Re: saber alhawatti)
|
Quote: الجماعه من زمان عاوزين ليهم حجه وبأى طريقه
عاوزين يزرعوا ليهم خازوق ...
|
اخى صابر
هذه هى الحقيقة ..
الى صلاح ادريس و كل حادب على الصرح العظيم الهلال ..
الهلال امانة فى ايدى كل ادارى و لاعب و مشجع .. فلا تفرطوا فيها ..
تناسوا الخلاف و اعملوا على بقاء الهلال بقوته و مجده ..
اذا انفرط عقد الهلال .. انفرط عقد الرياضة فى السودان .. عندها ستتحملوا المسئولية كاملة
ارجو الانتباه !!
| |
|
|
|
|
|
|
|