|
|
 لاموية تبل الريق ولا أملآ يطمئن أريت وطنى يبقى مروى وانا البى كلو هين..
|
فى إجازة قصيرة للوطن..لمدة ستة أيام..
والبلاد تستعد للأنتخابات وألطلبة يستعدون للأمتحانات..
فكرت ان أذهب لآرفع من معنويات أسرتى ومساعدة زوجتى التى تحمل أعباءآ كثيرة وافاجأهم بطلتى لمدة
قصيرة ولكن كبيرة فى معناها رغم عدم غيابى عنهم لفترة طويلة..
لم يخرب البرنامج إلا إنقطاع الماء..
سأواصل..بأذن الله..
|
|
 
|
|
|
|
|
|
|
|
Re: لاموية تبل الريق ولا أملآ يطمئن أريت وطنى يبقى مروى وانا البى كلو هين.. (Re: ismeil abbas)
|
اخي اسماعيل عباس
تحياتي والف حمد الله على السلامة
| Quote: أحمد وصلاح من شدة الشطف بالخرطوش عشان يساعد الموتور قامت ليهم وجنات.... |
يا اخي حرام عليك دى كانت نفس مشكلتي التي شفقتني على اولادي
العام الماضي سافرت القاهرة وما لقيت فيها ارخص من الموتورات
موتور بلحس ليك الموية من سقط لقط قيمتو لا تزيد عن 250 الف جنيه سوداني بالقديم وبعديهو شديقات الاولاد رجعن زى ما كانن
معزتي
| |
|
|
|
|
|
|
|
|
Re: لاموية تبل الريق ولا أملآ يطمئن أريت وطنى يبقى مروى وانا البى كلو هين.. (Re: ismeil abbas)
|
Quote: شكرآ على النصيحة ورسل لى ماركة الموتورألبجيب الموية من سقط لقط ده..ولك ألأجر إن شاء الله...معزتى الشديدة ..وتحياتى لآسرتك الكريمة...
|
ات قايل اخوك بقرأ الماركات ؟ وحياتك بخمش ساى بس قاطع الشك انو ايطالي وقيمته لا تتجاوز 250 الف جنيه بالقديم ووحياتك عطش امبدات كلها لحس مويتها خلاهم على عجل الحديد .
ات وصى حد قول ليهو ايطالي وقيمة هكذا وانت وحظك
لو عايز الماركة من البيت بكرة بدق ليهم بجيبوها لينا
| |
|
|
|
|
|
|
|
|
|
Re: لاموية تبل الريق ولا أملآ يطمئن أريت وطنى يبقى مروى وانا البى كلو هين.. (Re: Yousif A Abusinina)
|
أخى الشفيع...السلام عليكم....الله ينجح ألأولاد يارب...
Quote: الله يطمنك يا ود عباس
انا نازل الشهر الجايي يعني الفح لي معاي موتور من حقات ود شيقوق
ما تقول نحن ناس امبدة وهي خلقة كده مويتها شوية وممحوقة
حمداً لله على السلامة وبركة الشوفة
|
يا اخوى أنزل يالسلامة نحن عايشين على ألأمل وأملنا فى الله كبير..يعنى نحن احسن من الناس البتعانى هناك دى...
أنا وكثير من أهل المنطقة قالوا البوفر لينا الموية بنديهو صوتنا.. ..نحن ماعايزين غير حاجات بسيطة..وماطمعانين فى الدنيا دى...بس ما نموت بالعطش..والنيل جنبنا خجلة شديدة والله..
الله يكون فى العون..
| |
|
|
|
|
|
|
|
|
|
Re: لاموية تبل الريق ولا أملآ يطمئن أريت وطنى يبقى مروى وانا البى كلو هين.. (Re: ismeil abbas)
|
الشفيع
Quote: يا زول نحنا عندنا خزان كبيييير وخرتوش اتنين بوصة كابي في الشارع 24 ساعة ، يعني بنشرب ونسقي الجيران ، بس كدي النلم في عضمها يا ود شيقوق
القاهرة دي بعيدة يا زول ، الرياض دي اي لعنة موجودة فيها ، انت بس اجدع لينا الماركة والموديل
تحياتي |
ماركة شنو البعرفها ليك انا يا اللخو !! انا عارفو ايطالي ات بس امسك في ايطالي دى والحجم الكبير شوية مش بغطوهو بعباية دا ما بتغطيهو الا شملة او بطانية . وعلى اليمين تغفلوا - بعد يملأ الصهريج -- يشقق ليكم مواسيركم واحدة واحدة
شوف عيني لما يملأ الصهريج بكشح بعيد زى الشافع القام من النوم مش زى المايل داك بسيّل في الحيطة
ابو سنينة ات متابع؟ ولا سارح وحتك
| |
|
|
|
|
|
|
|
|
|
Re: لاموية تبل الريق ولا أملآ يطمئن أريت وطنى يبقى مروى وانا البى كلو هين.. (Re: ismeil abbas)
|
| Quote: الموتور دا أسمو في السوق (الوحش) او (موتور التحضير الذاتي) بيجر المويه ما من مواسير الحله وبس دا بيجر الموية من تلاجة الجيران عديل وانت ماشي عليهو عشان تشغلو بيصدر اصوات زي الكلب السعران ومربوط (ححححححححح) كدا |
أخى مرتضى..حلوة دى البجر الموية من ثلاجة الجيران..يعنى من الخرطوش للفم...باردة وحلوة..ما يوم يجر لينا عصير الجيران كمان خلينا فى عصرنا ده....تسلم على المرور...
وكتر من زياراتك....
| |
|
|
|
|
|
|
|
|
|
Re: لاموية تبل الريق ولا أملآ يطمئن أريت وطنى يبقى مروى وانا البى كلو هين.. (Re: ismeil abbas)
|
سمعة يا رجل يازين
حمدا لله على السلامة
ولعل العيال طيبين
.
.
خواجية مغرتبة في السودان سألوها قالوا ليها
ناس السودان يغتربوا في الخليج وانت تغتربي في السودان ؟
قالت الخليج بقى زي اوروبا
تفتح الماسورة تكب موية
تدوس زر الكهرباء تولع
حاجات روتينية ومملة ومسيخة
لكن في السودان
تفتح الماسورة تتوقع انها ما تكب لو كبت تفرح وتصفق وييييييييييي في موية
تفتح زر الكهرباء تتوقع ما تولع لو ولعت تفرح وتصفق وييييييييييي في كهرباء
اها كل يومين تلاتة القى لي فرحة بصفقتها
انه رائع وممتع عشان كدا حبيتو
وكلنا نحبو الجميل ومحير
| |
|
|
|
|
|
|
|
|
|
Re: لاموية تبل الريق ولا أملآ يطمئن أريت وطنى يبقى مروى وانا البى كلو هين.. (Re: الطيب شيقوق)
|
Quote: طبعا الورل مع شخرتو دي لو كجمك اصلا ما بفكك الا يجي واحد يقطع رقبتو بسكين
ات عارف قرمشة عضامو شن بتسو؟ |
الورل انا بعرفوا كويس يا عشاء البايتات
بذكر قبل كم سنة دخلت معاها فى مطاردة ( رالى على الطبيعة لين جبتوا من ضنبة ) سلمتوا لواحد حبيبنا كان بالنسبة لية يوم مابعدوا يوم .
لكن يا اخوى من عمائلكم بهناك هجروا دياركم ورحولوا اغتربوا فى مناطق آمنة بعيدا عن الابادة الجماعية لانوا يوم اسود يوم ما اجى جارى ويقع فى عين واحد من حبايبك كان يحلوا الجليل الرحمن
نشكر بحرارة اخونا ابو السباع لاتاحتة الصقيعة الجاهزة ومفروشة
والى الامام دائما
وسلمى على الورل
| |
|
|
|
|
|
|
|
|
|
Re: لاموية تبل الريق ولا أملآ يطمئن أريت وطنى يبقى مروى وانا البى كلو هين.. (Re: ismeil abbas)
|
| Quote: لحدى ألأن الماء لم تأتى...زوجتى إشترت برميل كبير قدر الليلة وبكر ة وياحسرة....حتى ناس الموية البببيعوها قامو إتعززوا...وتلف وتلف وريقق ينشف ولا تلقى من يعطف.......الله يعين... |
ابو السباع
اهااااا جالك كلامى الجناااااا ود موتور ما بنفع لانو الموية الموية فى روحها مافى والله كان ينشف عروقك وبس
وانت آآآ المسنوح راج ليك خلى الصقية تفضى شوى والعصر الانا فية يخف شوية
مودة وتحية خاصة للجميع
| |
|
|
|
|
|
|
|
|
|
Re: لاموية تبل الريق ولا أملآ يطمئن أريت وطنى يبقى مروى وانا البى كلو هين.. (Re: عبدالله ود البوش)
|
أخى الحبيب عبدالله ودالبوش.السلام عليكم...
Quote: يا سمعة اوعا اكون لسع ما استحميت
.
.
|
أبشرك أنا جيت هنا من ألأسبوع الماضى..وبستحمة وبتحمم لآولادى نيابة عنهم...
لكن الحمدالله اليوم إتصلت بالغاليه..لقيت ليك نفسياته فى السماء والصوت ليهو رنين...ما عايز اكتم فرحته لكن حسيت بأنو جاتهم شوية موية عبر الماسورة....قالت لى قمت بعد تلفونك داك وقت النباه شغلت الموتور..الموتور شخر زى شخرة موتور الطيب شيقوق ويوسف أبوسنينة..والموية فكت...قالت ليها واشريرى يايمه إنت تراكى من زمان مزنوقى..((طبعآ نحن ما شايقيه لكن أهلنا الشوايقه حنان))
زوجتى إستنفرت البيت كلو من الفرح..وطال ذلك الجيران..صلاح فك البيرك لجارنا عبدالله وجارنا خالد ناس ما بقصروا ساعة الشدايد وقال ليهم كان مويتكم ماجات جيبو خرطوشكم بالحيطة..خلوها محل التقطع تقطع أصلو ولد فيهو مروة شديدة الله ينجحو يارب وينجحهم جميعآ..
خالص تقديرى....
| |
|
|
|
|
|
|
| |
ismeil abbas
الطيب شيقوق
خالد المحرب
معاوية المدير
سيف الدولة كامل
الشفيع وراق عبد الرحمن
الرفاعي عبدالعاطي حجر
Yousif A Abusinina
Mohamed Abdelgaleel
الامين موسى البشاري
البشير دفع الله
mahmed alhassan
مرتضى احمد عبد القادر
عبدالله ود البوش
ابو جهينة
عبدالوهاب علي الحاج
محمد عكاشة
ادريس خليفة علم الهدي
معتصم دفع الله
يوسف السماني يوسف
د.يوسف محمد طاهر
أبو الحسين
فيس بوك
تويتر
انستقرام
يوتيوب
بنتيريست