|
|
|
 Re: ساخر سبيل : قبل القيامة ! (Re: الفاتح يوسف جبرا)
|
Quote: كسرة :
- عاوزين قروووووشنا دى هسه ... قبل يوم القيامة ! |
استاذ الفاتح جمعتك مباركة يا زول يا عسل
والله وحشتنا , سبحان الله يوم الأربعاء الفات
في إحتفال بوراداب الرياض , إلتقيت الزميل
الأستاذ/ أسعد الريفي وسألته عنك .
وجودك في هذا المنبر يسعدنا كثير يعلم الله
رجاء عدم الغياب , ربنا يمتعك بالصحة والعافية .
| |
  
|
|
|
|
|
|
|
 Re: ساخر سبيل : قبل القيامة ! (Re: هاشم أحمد خلف الله)
|
أستاذ الفاتح .. سلام عليك ياخي .. وتحية عطرة
يا خي زي ما قاليك أخونا هاشم ما تحرمنا من إبداعاتك .. ووجودك بيننا هنا ينور هذا المنبر ويعطيه كثير من الحيوية والحركة ..
أما ناس الزكاة ديل فهم يا صديقي جزء لا ياجزأ من الثقافة الكلية لأهل الإنقاذ .. فلا تتعب نفسك معاهم .. ديل بتلقاهم بس لمن تكون في كاميرات ودعايات معمولة لي مصيبة أكبر خاتين عينهم علينا ..
ونحن نطالب معك بقروشنا هسع دي .. قبل يوم القيامة ... وكمان نطالب زيادة على ذلك بالقصاص العادل في أي جريمة أرتكبت في حق هذا الشعب وأبنائه ..هسسسسسسسسسسسسسسسسسسسسع دا .... !!
قبل يوم القيامة ... !!!
لك التحايا والود
"أبوفواز"
| |
|
|
|
|
|
|
|
|
|
Re: ساخر سبيل : قبل القيامة ! (Re: صديق عبد الجبار)
|
عزيزى صديق .. التحايا والود
الحاجة المحيرانى إنو شيخ الفادنى (البروف) قال إنو لمن سلم الجماعة ديل القروش دى إستند إلى (علمه وفقهه) !! يعنى هسه مش عيب عليا أنا العبدالفقير إلى الله (الغير متفقه) أغالطو وأقول ليهو الكلام ده حراااااااااام وليس من الشرع والدين فى شئ وإنو فى مئات الأنفس قد إنتقلت إلى الرفيق الأعلى لأنو ما لاقيه دواء وعلاج بينما القروش دى (قاااعده) ليها زمن عند الناس الأنحنا ذاااتو ما عارفنهم منو ديل؟
| |
|
|
|
|
|
|
|
|
 Re: ساخر سبيل : قبل القيامة ! (Re: الفاتح يوسف جبرا)
|
أستاذي الفاتح ... يا أخي الناس ديل لا يختشوا .. ولا يلتفتون لأي نقد أو محاولة مساءلة .. ويرتكبن في الكبائر في حق هذا البلد على عينك يا تاجر .. وناس الفادني ديل عطلوا سبع مصارف من مصارف الزكاة وليهم مصرف واحد فقط وهو مصرف العاملين عليها ...!!
وهنالك مآسي كثيرة جداً يمكن أن تحكى .. وأنا أعطيك مثال واحد من هذه المآسي .. وإنني أقسم بالله العظيم ما سأقوله ليس من نسج الخيال ..
أنا مكتبي بالخرطوم بحري _ عمارة رزاز _ الأملاك _ غرب البوستة ، هنالك سيدة من سيدات جنوب كردفان تعمل في مهنة (بيع الشاي والقهوة) وهي من السيدات السودانيات الأصيلات .. شديدة التهذيب ..تحترم الجميع .. ويحترمها ويوقرها الجميع وهي في أواخر الأربعينات من عمرها ، منفصلة عن ذوجها ولديها ثمانية من الأبناء والبنات ، وهي التي تربي فيهم من عمل الشاي والقهوة ، وذوجها لا يعلم أي شيئ عن تربية أو علاج أو طعام أبنائه ...!!
إحدى بناتها أصيبت قبل ثلاثة أعوام بحصاوي في الكلى ، ولقد أدى ذلك إلى تعطل إحدى الكليتين تماماً والثانية تعمل بأقل من 40% من قدرتها وهي مليئة بالحصاوي ، أدخلت مستشفى بحري ثم حولت إلى مستشفة سوبا الجامعي _ ولاحظ أنه مستشفى حكومي _ قبل عام تقرر لها عملية تفتيت للحصاوي في الكلية التي تعمل .. وذلك حتى يستطيعوا إستئصال الكلية التالفة ، وطالبوها بمبلغ 800 جنيه سوداني يعني 800 ألف بالقديم ، ذهبت إلى ناس (الفادني) وعملوا ليه زي ما بيقولوا المصريين (كعب داير) لمدة شهر تقريباً ولم تخرج منهم بأي شيئ ، في النهاية قررجميع الموجودين في منطقة عملها (تحت النيمة) جمع المبلغ ولقد تم ذلك بحمد الله .. وعملت العملية .. ولم تكن ناجحة .. في منتصف العام السابق قررت نفس المستشفى إعادة العملية وطالبوها بدفع نفس المبلغ .. وقمنا أيضاً بجمعه .. وعملت العملية للمرة الثانية .. !!
هذه البنت تركت مدرستها منذ ثلاثة سنوات وعمرها حوالي ال15 سنة الآن .. ومازالت مريضة جداً وما زالت تتردد على مستشفى سوبا الجامعي ...
والله يا أستاذ الفاتح .. أنا وغيري من الذين يعملون في تلك المنطقة مكتوب علينا أن نعيش هذه المأساة كل صباح وقلوبنا تتقطع على هذه السيدة التي تقاتل لإطعام أبنائها وتعليمهم .. ولا تستطيع أن تقنع ناس الزكاة لكي يدفعوا لها علاج إبنتها التي تواجه الموت في كل صباح .... هذا مثال واحد من الذين لا تلتفت إليهم زكاة أهل الإنقاذ ....
لذلك فنحن معك ... نريد حقنا اليوم .. و ... (سداد) لا تستطيع أن تنتظر القيامة .... !!!
"أبوفواز"
| |
|
|
|
|
|
|
|
|
|
Re: ساخر سبيل : قبل القيامة ! (Re: الفاتح يوسف جبرا)
|
سلامات يااستاذ الفاتح
بكل بساطة كدة؟
كل مانجى داخلين البلد , يقولوا ليك , الزكاة الزكاة , انت واصل النصاب القانونى
وندفع, وبإبتسامة
والله ياخ حقو الواحد, يجى ينضم للعاملين عليا ديل
ولايشوف ناس الضحى ديل بوين
| |
|
|
|
|
|
|
|
|
|
Re: ساخر سبيل : قبل القيامة ! (Re: الفاتح يوسف جبرا)
|
هذا رجل يتصرف في مال المسلمين وكأنه ماله
ثم لا يطلب ولا يتوقع محاسبة من أمير أو قاضي (وفقا لشرع الله) ؟؟؟؟؟
.
.
.
كان معاوية بن سفيان يقول عن مال بيت المسلمين أنه مال الله وهو مستخلف فيه
وكان سيدنا أبوذر الغفاري رضي الله عنه يقول له أتق الله يا معاوية إنه مال المسلمين
قلنا ليكم كم مرة هؤلاء هم بنو أمية الجدد.
الله ينتقم منهم. أموال يدفعها الناس (بعض عن طيب خاطر وبعض مجبور) فيتصرف فيها هؤلاء المنافقون بكل السفه وسؤ التدبير وكثير من الإستهبال
| |
|
|
|
|
|
|
|
|
|
Re: ساخر سبيل : قبل القيامة ! (Re: Nasr)
|
Quote: ج : هذه ليست مسئوليتى ولقد كتبت إلى القائمين على أمرها وقلت لهم (عرفوا بأنفسكم أذكروا للناس لماذا لم
تقم القناة حتى الآن؟) |
دليل عن أن الفا دى نى
يطبق "كلكم راع و كلكم مسؤول " بدقة ..
فهو يخرج المال إخراجا .. من صلاحياتو
أما حكاية أين يدهب المال .. فدى موش من صلا حيا تو !!
| |
|
|
|
|
|
|
|
|
|
Re: ساخر سبيل : قبل القيامة ! (Re: اسعد الريفى)
|
اخوي الفاتح
شوف يازول وقت ما بتصبر فلنبع القضية
تمشي لي زولك ده بكرة من الصباح
وتقول ليهو انا واخوي الكاشف الي هو انا
عندنا قناة هادفة وكوميدية ومستعدين نعرض فيها اي حاجة من اي هناي
وشيل القروش
ونرجعه يا سنة 2012يا يوم القيامة
اها شن قولك
| |
|
|
|
|
|
|
|
|
|
Re: ساخر سبيل : قبل القيامة ! (Re: محمد سنى دفع الله)
|
الحبيب السنى ... والله مشتاقين !
Quote: اخوي الفاتح
شوف يازول وقت ما بتصبر فلنبع القضية
تمشي لي زولك ده بكرة من الصباح
وتقول ليهو انا واخوي الكاشف الي هو انا
عندنا قناة هادفة وكوميدية ومستعدين نعرض فيها اي حاجة من اي هناي
|
الجماعة الشالو القروش ديل سمو قناتهم (الضحى) دحين باقى ليكا قناتنا دى نسميها شنو يا السنى؟
| |
|
|
|
|
|
|
|
|
|
Re: ساخر سبيل : قبل القيامة ! (Re: اسعد الريفى)
|
Quote: ج : هذه ليست مسئوليتى ولقد كتبت إلى القائمين على أمرها وقلت لهم (عرفوا بأنفسكم أذكروا للناس لماذا لم
تقم القناة حتى الآن؟) |
بالله يا أسعد شفتا الكلام ده كيف؟ عليك الله ده مش كلام عجيب وغريب !!؟وبعدين هو ليه يطلب منهم إنو يعرفوا روحهم للناس ما يعرفنا بيهم ويقول القروش دى شالوها فلان وفلتكان
| |
|
|
|
|
|
|
|
|
|
Re: ساخر سبيل : قبل القيامة ! (Re: الفاتح يوسف جبرا)
|
مشتاقين بالكوم
عارف والله تجيب لي روحك الضغط والسكر والوخوخه وخمة النفس ووجع الركب
والستقلينا وشوفت الاستقلينا دي علاجة صعب .ز اها دحين ما القناة بتاعتنا دي
قفلناها ورمينا مفتاحة في البحر ..
ولا اقول ليك سميها قناة العصر
عشان كل ما يجو لي قروشوهم يلقونا نايمين نومة العصر
والله مخولتنا كلام عجيب عليك البتحبهم امشي نوم
الصباح رباح
| |
|
|
|
|
|
|
|
|
 Re: ساخر سبيل : قبل القيامة ! (Re: الفاتح يوسف جبرا)
|
| Quote: وقد كان رد الأخ عضو هيئة علماء السودان بأن الزكاة تذهب فى مصارفها وأن بند العاملين عليها ينال نصيباً كبيراً جداً في إطار تغطية نفقات الصرف على المرتبات وهذه مشكلة أولى. |
يا أستاذ صباحاتكـ طيبة وحمد لله على السلامة
كسرة أكسر من كسرتكـ الفوق دي:
إنتو دايرين الناس دي تشتغل مجانا ولا شنو؟
دي الحالة ما جابو ليكم الأوفر تايمات والأوفر (هبشات)!
| |
|
|
|
|
|
|
|
|
|
Re: ساخر سبيل : قبل القيامة ! (Re: الفاتح يوسف جبرا)
|
ألا تعلم أيها الكاتب النحرير (حلوة نحرير دي ،
جاية من نهر ، ينهر ، فهو نهارا) !!!..
ألا تعلم أن النية البيضاء تبرر الوسيلة ؟؟ ...
الراجل نيته يا عديلة يا بيضاء ..
قاموا جماعة القناة خذلوه ..
إيه ذنبه ..... وريني ..
يا صديقي ... وريني ..
يا جبرا ... وريني ..
؟؟؟؟؟؟؟؟؟!!!!!!!!!!!!
ليك وحشة ياخي ...
مافي عزومة قريبة ؟؟!!!!
| |
|
|
|
|
|
|
| |
الفاتح يوسف جبرا
MOHAMMED ELSHEIKH
هاشم أحمد خلف الله
صديق عبد الجبار
ندى عثمان حسن
Nasr
اسعد الريفى
محمد سنى دفع الله
محمد عبد الماجد الصايم
فيس بوك
تويتر
انستقرام
يوتيوب
بنتيريست