|
|
|
 Re: استطلاع راي لمن تصوت في انتخابات الرئاسة (Re: صبري طه)
|
Quote: سأصوِّت لآخر رئيس وزراء شرعي ...
الصادق المهدي ... |
والله ياصبري كنت داير أفتح بوست بعنوان (سأصوت للصادق المهدي لهذه الأسباب)
وكانت الأسباب أنه هو آخر رئيس وزراء شرعي برغم رأيي في الطائفية والسياسة
لكن وإن كنا لم نستطيع منع إنقلاب البشير 1989 م فإننا نملك الآن فرصة إعادة الشرعية له
ثُم لاحقاً يمكننا نحن إن تنكب الطريق نزيحه وليس عجلات العسكر
(مع التأكيد على رأيي المسبق حول أفضلية المؤتمر الوطني حالياً )
خليل معليش علمنا التصويت ندوة ...
| |
  
|
|
|
|
|
|
|
|
Re: استطلاع راي لمن تصوت في انتخابات الرئاسة (Re: khaleel)
|
بدون تردد الصادق المهدى فقط عشان نرجع ل 29 يونيو 1989
ونشطب كل السنين التى اتت بعد ذلك من حياتنا و نرميها
فى اقرب كوشه ( وطارق الكوتش كما تعلم ليس بحزب امه او خلافه
فقط يساعد لترجع الشرعيه للصادق المهدى التى سرقت منه
بالبندقيه و فى ليل شديد الظلام ... ونبدأ من حيث انتهينا )
ــــــــــ
تخريمه
خليل سلامات و ممكن تراجع معاك اليوم الحار هنالك شئ يهمك
| |
|
|
|
|
|
|
|
|
|
Re: استطلاع راي لمن تصوت في انتخابات الرئاسة (Re: طارق الكوتش)
|
هلا ياخلي وتحايا يا كوتشب..
وياخليل اخوك وحتي ايام قليلة كنت خاشي بياسر عرمان ولاعبو راس ..
ولكن ظهور الصادق المهدي في الساحة زي بخلي الزول يحك راسو حبة كده وضرس الثكنات الانصارية قد يتاور..
شعاراتي المرفوعة والتي حتدفر الصوت صوب المرشح الرئاسي هي
1-تسليم البشير لاوكمابو
2-كنس اثار الدولة الانقاذية
3-محاكمة الفاسدين طيلة العشرين سنة الفاتن
4- حل مشكلة دارفور ومشاكل الهامش والريف
5- بناء دولة الموسسات
6- تنضيف موسسة الجيش من الرتب الدقنيةالمولاية
7- ترسيخ قيم الديمقراطية
8- وحدة السودان وتوزيع الثروة علي كل مواطنيه...
دي المساكات بتاعة اخوك وقاعدين نراقب البقرب منها طوالي ياخد وااحد صوت انتخابي وموازرة اسفيرية ليها ضل..
وحرم البشير زاااتو لو قال بحقق الشروط اعلاه وبالذات الشرط بتاع (اوكمابو) فله صوتي بس اليصحصح معانا ويسلم نفسه لاقرب قوات اممية انشاء الله قوات اليونميد
| |
|
|
|
|
|
|
|
|
|
Re: استطلاع راي لمن تصوت في انتخابات الرئاسة (Re: khaleel)
|
عمك كارتر يا ابوخليل
قال البشير في الجولة الاولي ما حيفوز...
وده طبعا التكتيك الدايرو شيخ حسسسسسن زاااااتو...
جولة ثانية ونلعب معاه براس بالصادق المهدي او ياسر عرمان...او زولك حاتم السر (الثلاثة يكسب)...
وساعتها سنضربهم ضرب غرائب الابل....
طبعا الكلام ده لو قامت انتخابات وناس عوجة الدرب ديل ما جابو ضقل البلد يكركب
ورسلو تجريدة لاندكروزية تانية
| |
|
|
|
|
|
|
|
|
|
Re: استطلاع راي لمن تصوت في انتخابات الرئاسة (Re: khaleel)
|
| Quote: الخبير ابو ساندرا توقع سقوط البشير من الجولة الاولي |
والله ياخلي كلنا عاوزين ومتشهين سقوط البشير ده قبل الجولة الاولي زااتو
لكن تقول شنو مع ناس الجيهة الجواسيس ديل...!!!
ودالصايم شوق السحابة الراحلة والله..
واليومين دي صحبك (البتتوني) مشرفنا في الدوحة وامس متعنا ليك بونسة مع نوع عجيب خلاص...
وشنو يا فردة قالو لي بقيت تضرب قمح لووووووووول
| |
|
|
|
|
|
|
|
|
|
Re: استطلاع راي لمن تصوت في انتخابات الرئاسة (Re: محمد عبد الماجد الصايم)
|
Quote: ويبقي عرمان ونقد
القصة دي فيها قصة |
نقد وعرمان ده فعلا جزئية دايرة كلام..
لانو التشابك بينهم معبك...
والاثنين لو اصبحو في كشف مرشحين واحد حيكون في تصويت (سمبري) بالذات في وسط الاخوة والاخوات الرفاق...
الدافع لاسقاط البشير عبر حسابات واقعية (ودي بحققها ياسر عرمان) اكثر من اشواق الماركسية اللينية وصول قائد الحزب الي السلطة عبر انتخابات ..
حيكون في استقطاب حاد ما بين (الانتماء التنظيمي واشواق اسقاط البشير)...
ونقد زول ماهين رغم انو اصبح عجوز ولكن الواقع شي والمقدرات والاشواق شي تاني..
| |
|
|
|
|
|
|
|
|
|
Re: استطلاع راي لمن تصوت في انتخابات الرئاسة (Re: طيبان)
|
Quote: نقد وعرمان
من الافضل ان ينسحب احدهما |
غايتو يا خليل احنا ما بتقدر نخش في البصلة التنظيمية ورؤية الاحزاب لضرورات ترشيحها للرئاسة..
لكن تحت تحت كده
نقد احسن ينسحب لياسر عرمان ويعلموا تحالف عريض (جبهة عريضة علي قولتهم)
ويطلقوا ايادي الشيوعيين المدربة علي التنظيم العالي (رغم انو الكلام ده زمان لانو الراي الفقهي بيقول الايامات دي في بعض الشيوعيين اشاعة ساكت وكيسهم فاضي)... يخشو ليك لجان حملة ياسر عرمان دي
البشير تاني النجدات والبيرقات دي يشمها قدحة...
ود الصايم اشواقك ستصل الي ابو السيوف
باذن الله
| |
|
|
|
|
|
|
|
|
|
Re: استطلاع راي لمن تصوت في انتخابات الرئاسة (Re: khaleel)
|
Quote: عرمان ينسحب لنقد افضل
نقد محبوب جدا ويجد القبول وقد جرب الفوز في انتخابات 86 |
ايش دعوي يا ابو خليل,,..!!!
ياسر عرمان ده نودي ليك بجاي تطفشو لي بجاي... اباصرو منك بهنا القاك زحيتو لي بهناك لوووووول..
....
يازول اقول ليك قولة (نقد ده انا زااتي يعلم الله بريدو مووت)
لكن القصة يا ابو خليل حسابات والناس مفروض تكون واقعية فالحب وحده لايكفي..!!
فبالله اسحب لي نقد واسحب لينا حاتم السر بتاعك ده زااااتو..!!!
وخلينا نلعب الجبهجية ديل راس بياسر عرمان والصادق المهدي ....ولو القصة جابت ليها جولة ثانية
الصادق او ياسر عرمان اي واحد فيهم يبرز الي السطح انا ح اضمن ليك بان القوي الوطنية الغير كيزانية
ستكون في القصر جوووووه
ويعود الوطنن خالي من الطفابيع
| |
|
|
|
|
|
|
|
|
|
Re: استطلاع راي لمن تصوت في انتخابات الرئاسة (Re: khaleel)
|
Quote: حاتم السر دا (ما تشنا)
الاتحاديون خبراء في الضربات القاضية
واسال الترابي من شبو
احسن ليك حاتم السر |
يا ابو خليل ياخي حليل الاتحادين الكانو بسدو عين الشمس..
حسع يا صديق شايف القصة جابت ليها
الاتحادي الاصل
والاتحادي بتاع جلال الدقير
والاتحادي بتاع المرجعيات وعييييييك
الاتحادي حزب كبير ولكنه تعرض لضربات موجعة من الانقاذ... والبزعل مثل فلان شيلا البقي فيها متحدث اخر الزمن باسم الجبهجية حليل الشيوخ ناس ياسين عمر الامام وابراهيم السنوسي (ياخي الجبهة زاااتها الموتمر الوطني ده مرمط بيها الارض)...
كدي انتو خلوها المرة دي وامشو نظمو الامور وتعالو المرة الجاية مسخنين فلكم واحد صوووت من اجل حاتم السر ولكن المرة دي يا ابو خليل كدي خلي لينا ياسر عرمان ده ياخد جكتو
كييية فيك انت وفي تراجي زاااتها لوووووووووول
| |
|
|
|
|
|
|
|
|
|
Re: استطلاع راي لمن تصوت في انتخابات الرئاسة (Re: khaleel)
|
Quote: كدي انتو خلوها المرة دي وامشو نظمو الامور وتعالو المرة الجاية مسخنين فلكم واحد صوووت من اجل حاتم السر ولكن المرة دي يا ابو خليل كدي خلي لينا ياسر عرمان ده ياخد جكتو
كييية فيك انت وفي تراجي زاااتها لوووووووووول |
يا كيكي
عرمان بسقط
احسن يترك اصوات ناس الجنوب لنقد
احسن ليه
| |
|
|
|
|
|
|
|
|
|
Re: استطلاع راي لمن تصوت في انتخابات الرئاسة (Re: مجتبي فاروق)
|
Quote: خليل بالله ما تصعبها ياخي...!!
قلنا ليك القصة دايرة واقعية سحرية ودي اكيوشن بحققها لينا ياسر عرمان ده
فبالله تعال معاي الي كلمة سوا...
|
يا كيكي هناك ستة مليون شاب علي شاكلة سنتر الخرتوم واضربني بمسدسك
ديل ما معروف شايتين وين
وهولاء من يرجحو كفة الانتخابات
فاذا اراد عرمان الفوز فعليه ان يشتغل في هولاء
| |
|
|
|
|
|
|
|
|
|
Re: استطلاع راي لمن تصوت في انتخابات الرئاسة (Re: khaleel)
|
Quote: يا كيكي هناك ستة مليون شاب علي شاكلة سنتر الخرتوم واضربني بمسدسك
ديل ما معروف شايتين وين
وهولاء من يرجحو كفة الانتخابات
فاذا اراد عرمان الفوز فعليه ان يشتغل في هولاء |
طلع ليهم الان (حووتة) القدر غداهم
وقال ليك يا زول محمود عبدالعزيز ) نزل للمساندة والدعم اللوجستي. في حملة عرمان..
اها باقي ليك لو محمود عبدالعزيز معبود الجماهير خمجنا بيهو ناس سنتر الخرطوم ديل
تاني حرم الموتمر الوطني لو جاب (محمد ديكور) ما حيقدر يخمش من الشباب ديل تعريفة
| |
|
|
|
|
|
|
|
|
|
Re: استطلاع راي لمن تصوت في انتخابات الرئاسة (Re: عبدالكريم الامين احمد)
|
Quote: وقال ليك يا زول محمود عبدالعزيز ) نزل للمساندة والدعم اللوجستي. في حملة عرمان..
اها باقي ليك لو محمود عبدالعزيز معبود الجماهير خمجنا بيهو ناس سنتر الخرطوم ديل
تاني حرم الموتمر الوطني لو جاب (محمد ديكور) ما حيقدر يخمش من الشباب ديل تعريفة |
عليكم بطه سليمان والامبراطور وحمادة بت
احسن زول غني شجن
| |
|
|
|
|
|
|
|
|
|
Re: استطلاع راي لمن تصوت في انتخابات الرئاسة (Re: اكرام الصادق الحسن)
|
رغم عدم قناعتي بكل المطروحين في الساحة ؟
1/ عمر البشير مجرم حرب .
2/ حاتم السر ليست لديه تجربة مقنعة في العمل السياسي .
3/ ياسر عرمان يوجد تناقض كبير في ترشيحه و الحركة تراهن على حصان خاسر
4/ الصادق المهدي لدي ملاحظات عدة عليه.
5/ مبارك الفاضل حظوظه قليله رغم ديناميكيته.
5/ الباقين غير مقنعين البته .
لذا رغم اختلافي مع الصادق المهدي و لكن لكي نعيد الكرة لنقطة البداية يجب
ان يتقدم حزب الامة الركب !
| |
|
|
|
|
|
|
|
|
|
Re: استطلاع راي لمن تصوت في انتخابات الرئاسة (Re: ود محجوب)
|
..
.
والله يا خلو
ديل مرشيحين يحيروا
ياخى ما عندهم برنامج ولا حملات ولا اى افكار
صدقنى للان منو المجهز برنامجه ولا شايفين
حاجة لناس الحملة .. الناس دى ما بتتقدم ..
عموما ..
بصراحة انا عارف اخر زول
ممكن اصوت ليهو هو الامام
----------
كم يوم نحدد صوتنا لمنو ..
دايرة صبر
| |
|
|
|
|
|
|
|
|
|
Re: استطلاع راي لمن تصوت في انتخابات الرئاسة (Re: Tabaldina)
|
Quote: تشوف بعينك دى نجى زافين ليك الريس حاتم السر
بالنوبة والدف والطار
وبام كيكى ذاتا .
ما تجى بعد داك تبلبص لخليل وتقولو ياخى انا راجل صاحبك وكدا |
هلا يا ود محجوب..
وما تشمو ليكم ريحة (فتة) تجو طواالي هارشننا لووووول...
......
تعرف يا ود محجوب ومع انو عندي ياسر عرمان لاعبو راس ..والسيد الصادق كخيار استراتيجي تاني
الا ان الامور لو جابت حاتم السر صدقني ساكون مبسوط ...لانو انا كل العاوزو من الهيلمانة دي كلها هو خروج البشير ده من القصر الجمهوري ده..(خروج من القصر شنو .؟؟؟..ده انا عاوز خروج من قصر وذهاب الي لاهاي).....
فعشان كده ابو خليل ده ما بنفرط فيهو بالسهولة دي
احتمال زولكم ده يجي وتخلونا ندخل يدنا معاكم الفتة دي لووووووول
وتحياتي
| |
|
|
|
|
|
|
|
|
|
Re: استطلاع راي لمن تصوت في انتخابات الرئاسة (Re: ود محجوب)
|
Quote: صدقنى يا كيكى حاتم دا واعى جدا
ونضيف جدا |
مافي كلام يا ود محجوب
وحاتم السر كان من الاصوات المصادمة طيلة فترة الانقاذ ولها صولات كبري ومنذ ايامات التجمع
ولمن يجي يتكلم في الفضائيات عن ظلم الانقاذ برضو كان زول فاهم وعارف هو بتكلم عن شنو..!!
ولكن يا ود محجوب
برضو كدي خلونا نقعد تحت ونحسبها وفرص ياسر عرمان انا غايتو شايفها اكبر..
والناس ضروري تخش الانتخابات دي بحسبات لانو البجي من القوي الاخري الغير موتمر وطني كلو كويس معانا..
بس الناس تحسبها صاح (صوت صوت ).. والاهداف وااحدة بالتاكيد
| |
|
|
|
|
|
|
|
|
|
Re: استطلاع راي لمن تصوت في انتخابات الرئاسة (Re: عبدالكريم الامين احمد)
|
Quote: برضو كدي خلونا نقعد تحت ونحسبها وفرص ياسر عرمان انا غايتو شايفها اكبر..
والناس ضروري تخش الانتخابات دي بحسبات لانو البجي من القوي الاخري الغير موتمر وطني كلو كويس معانا..
بس الناس تحسبها صاح (صوت صوت ).. والاهداف وااحدة بالتاكيد |
يا زول عليك الطلاق الاصوات البجيبا حاتم بالضفة الغربية والشرقية للنيل بس تختوااعلى القائمة
دون الجزيرة والشرق وكردفان .
| |
|
|
|
|
|
|
|
|
|
Re: استطلاع راي لمن تصوت في انتخابات الرئاسة (Re: عبدالكريم الامين احمد)
|
سلام لخليل صاحب البوست وزواره الكرام................
...على قول شمايل القصه دايرالا استخاره!!....
...عموما...الأرجح أن نقاطع جميعا الانتخابات المشوهه هذه....
والأرجح أن نخرج فى مسيرة ومظاهرة تلو الأخري لتصعيد العمل المعارض لللانتخابات المزوره سلفا......
..والأرجح أن يضغط "نواب الهنا" القاعدين فى البرلمان تجاه تأجيلها لعدم رضوخ الحكومه للمطالب العادله للحركه الوطنيه....
...ثم.....ان كان ولا بد...فالأرجح أن تتفق القوي الوطنيه على مرشح واحد لضمان إسقاط البشير.....
...ثم إن كان فلابد أن نصوت ونرضي بالشكل الممسوخ القائم الآن.....
....فمنعا للتشرذم والانقسامات ...ومنعا لشق الصف....وحفظا لحق التصويت.....(مقدمه اطول منى...)...
...فسأصوت للاستاذ/ محمد ابراهيم نقد...او لمن يختار الحزب ان ينسحب له نقد فى الجولة الثانيه إن وجدت!!!!![/B]
...وبعد داك....لكل حادث حديث.....فهناك ضرورة أن نجلس بهدؤ وننظر غلى الكثير من القرارات الحزبيه بعين النقد!!!!!!!!
| |
|
|
|
|
|
|
|
|
|
Re: استطلاع راي لمن تصوت في انتخابات الرئاسة (Re: Elawad)
|
لاتحيات الزواهر
المشكلة في الأغلبية الصامتة التي لم تسجل
لذا لا خيار في الأفق غير نظرية تشتيت الأصوات التي اختطها شيخ حسن - شيخك...
والخيار الحتمي للصراع النهائي بين ياسر عرمان والصادق المهدي
ورأييأن الصادق اقوى على المقارعة..
لذا سيدي هو الخيار المنطقي لنستشرف مستقبل ديمقراطي واعد بإذنه تعالى..
السؤال هو كيف يمكن فتح السجل أو تصحيح ما شابه على الأقل!!!
فهذا مربط الفرس ياخلي..
| |
|
|
|
|
|
|
|
|
|
Re: استطلاع راي لمن تصوت في انتخابات الرئاسة (Re: عثمان جلال الدين)
|
Quote:
يا زول عليك الطلاق الاصوات البجيبا حاتم بالضفة الغربية والشرقية للنيل بس تختوااعلى القائمة
دون الجزيرة والشرق وكردفان . |
ود محجوب
لقن كيكي دا درس عن حاتم السر والذي سيحل (equation) كبيرة
حكاية دا شيوعي ودا ملحد ودا كلامو كتير ودا سفاح
لن يجد السودانين حرج في التصويت لحاتم بالاضافة للاصوات المضمونة للحزب في الدوائر التقليدية
| |
|
|
|
|
|
|
|
|
|
Re: استطلاع راي لمن تصوت في انتخابات الرئاسة (Re: khaleel)
|
هلا يا خليل وحباب ود محجوب...وحباب الاحزاب
ويا احزاب بالله حسو بينا وادونا نظرة عليكم النبي...
ديشليون سنة والناس في مجابدة ده زولي وده زولكم والانقا ذ لقتها فرصة ولحقت هذا الوطن غنم زهرة...!!!
ده فرصة الناس تعي الدرس وترتقي لمستوي المسئولية...مامهم البجي منو
المهم هو ازالة هذا النظام الرعديد واعادة السودان الي مربع الاستقرار والديمقراطية وقطع الطريق امام الاعيب هذا الموتمر الوطني وزمرته..
والكلام ده لو ما لقي نكران ذات وواقعية ما بتحقق علي الارض وتاني ريمة حتعود الي انقاذها القديم
والبشير ده حيقعد يحرق في فشاشنا رقيص سااااااااااكت...
مستعدين بالتمركز حول مرشح واااحد حتي لو كان تبع ابو ضفيرة بتاع الرقم 13
ادونا ضمانات انو حيفوز
ضمانات ليس رومانسية حالمة ورغبات بتاعة ساسة بعيدين عن الواقع
دايرين حساب وواحد زائد واحد يساوي 2 يساوي القصر يساوي سقوط البشير..
كل البيجيب الحسابات دي عندو واحد صوووت...واصوات اخري يمكن حشدها عبر الاقناع والمنطقة
| |
|
|
|
|
|
|
|
|
|
Re: استطلاع راي لمن تصوت في انتخابات الرئاسة (Re: Habib_bldo)
|
Quote: ياخى ما عندهم برنامج ولا حملات ولا اى افكار
صدقنى للان منو المجهز برنامجه ولا شايفين
حاجة لناس الحملة .. الناس دى ما بتتقدم |
يا تبلديكم
بدات الحملات الانتخابية
وسيطرح المرشحون برامجهم
خليك مركز علي برنامج حاتم السر وتجد ما يسرك
| |
|
|
|
|
|
|
|
|
|
Re: استطلاع راي لمن تصوت في انتخابات الرئاسة (Re: khaleel)
|
Quote:
اللهم ثبتنا على كراسينا !
وبارك لنا فيها !
واجعلها الوارث منا !
واجعل ثأرنا على شعبنا !
وانصرنا على من عارضنا !
ولا تجعل مصيبتنا في حُكمنا!
ولا تجعل راحة الشعب أكبر همنا ولا مبلغ عِلمنا !
ولا الانقلاب العسكري مصيرنا!
واجعل القصر الرئاسي هو دارنا ومستقرنا !
------------ --------
اللهم إنا نسألك فترة ممتدة !
وهجمة مُرتدة !
والصبر على المعارضة !
والنصر على الشعب !
ونسألك الحُسن لكن لا نسألك الخاتمة أبداً !
اللهم ارزقنا معونة لا نسرق بعدها أبدا !
اللهم لا تفتح أبواب خزائننا لغيرنا !
اللهم أعطنا كلمة السر لحسابات الحكام السابقين لنا في بنوك سويسرا!
------------ ---------
اللهم وفق أمريكا لما فيه خيرنا !
اللهم اغفر لـ (أوباما) فإنه لا يعلم أننا لا نعلم !
اللهم وفقه لما فيه 99% من أصوات الناخبين !
اللهم نجهِ من أي إعصار أو كارثة طبيعية لأننا سنلوص مع شعوبنا من غيره !
اللهم عليك بشعبي، أما أعدائي فأنا سأتفاوض معهم !
------------ ---------
اللهم ارزقنا حب أمريكا !
وحب من يُحب أمريكا !
وحب ما يُقربنا إلى حب أمريكا !
------------ ------
اللهم أمركني ولا تأفغني !
اللهم برطني ولا تصوملني !
اللهم فرنسني ولا تسودني !
اللهم ألمني ولا تؤلبني !
------------ ------
اللهم أني أبرأ إليك من الاستعانة في حكم شعبي بأحد !
ولا حتى بصديق، ولا برأي الجمهور !
اللهم أني أعوذ بك من كرسي يُخلع !
ومن شعب لا يُقمع !
ومن صحيفة لا تُمنع !
ومن خطاب لا يُسمع !
ومن مواطن لا يُخدع !
وأعوذ بك من أن أجلس على الكرسي ثم أقوم أو أ ُقام عنه!
------------ --------- ----
اللهم ثبتني على الكرسي تثبيتا !
و شتت المعارضة تشتيتا !
من كان منهم اتحاديا او شيوعيا !
ومن غيرهم من الامة او بعثيا
ولا تبق غيرنا شيطاناً او عفريتا !
اللهم آآآآآآآآمييييييييين
|
| |
|
|
|
|
|
|
| |
khaleel
شمائل النور
Ahmed musa
عبدالكريم الامين احمد
Elawad
محمد عبد الماجد الصايم
عاطف مكاوى
عمر عبد الله فضل المولى
مجتبي فاروق
اكرام الصادق الحسن
موسي عيسي
ود محجوب
Shiraz Abdelhai
نيازي مصطفى
محجوب حسن حماد
Habib_bldo
فيس بوك
تويتر
انستقرام
يوتيوب
بنتيريست