|
|
 مليون جنيـه ســودانى تساوى كم جنيه ســودانى؟
|
لقد تغيرت العملة الســودتنية أكثر من مرة، وكذلك تتغير عملات الدول، ولكن فى كل الأوقات دائما هناك عملة واحدة.. فبعد توحيد العملة الأوروبية مثلا لا تسمع "مليون بالمارك الأمانى القديم"!
ويتغير علم الدولة.. فلا علماً قديما مرفوعا مع لافتة تقول "العلم القديم"
ولا تحيى دولة رئيس دولة زائر بالسلام الجمهورى القديم لدولته، ثم يقولون له دا سلامكم (بالقديـم)!
إلا فى الســــودان.
ناس ما عارفـة الجنيه بتاعها حتعرف هويتها كيف؟
|
|
 
|
|
|
|
|
|
|
|
Re: مليون جنيـه ســودانى تساوى كم جنيه ســودانى؟ (Re: النصرى أمين)
|
الأخوين طلحـة والنصرى،
المشكلة ما بنك السودان ولا الحكومة..
المشكلة هى اهلنا البيكتبوا فى البورد دا.. البنك ما عندو زنب قال ليهم هادا الجنيه الجديد.
لكن اخوانا هنا يتعاملوا بالجنيه الجديد ويتكلموا بالقديم.. وما شاعرين بالكونفيوجن.. وليه هم
مصطكين ومعلق معاهم الجنيه القديم لحد هسى؟.. واللا دا تيمناً بذكر الرقم مليون، يمكن يلموا فيه بالجديد كمان؟
| |
|
|
|
|
|
|
|
|
|
Re: مليون جنيـه ســودانى تساوى كم جنيه ســودانى؟ (Re: Abureesh)
|
تبوالريش .. كيفنك
| Quote: ناس ما عارفـة الجنيه بتاعها حتعرف هويتها كيف؟ |
غايتو انا بصراحة بعترف اني ما فاهمة اي شيء ..
بتي تقول لي يا ماما رسلي 100 جنية .. اقول ليها شيلي من جدك ..
تقول لي اشيل منه مليون !!! يشهد الله ما فاهمه حاجة برسل فلوس وبسسسسسسسس .....
| |
|
|
|
|
|
|
|
|
|
Re: مليون جنيـه ســودانى تساوى كم جنيه ســودانى؟ (Re: الخير محمد عوض)
|
الناس عارفة يا ابو الريش...
والله قدر ما بدلوه من جنيه الي دينار
ومن جنيه قديم الي جنيه جديد...
ما دقسنا في ورقة او رقم...
انا غايتو بمشي خالي الذهن عمدا عن ما هي العملة في السودان
وأول ما اصل المطار...وافك جزء من قروشي من البنك الجوة المطار...
واقول لي اعمامك البساعدوك في شيل العفش قبال ما يشيلوه...
يا جماعة نتفق من هنا...عايزين كم برة عشان ما نقعد نتلاوي
ساكت...مرة قالوا عايزين خمسين؟؟؟ قلت ليهم...خمسين شنو؟؟؟؟؟؟؟
باستغراب شديد...قالوا بصوت واحد نحن تلاتة عايزين خمسين ألف
طوالي بسألهم من كيس الصعوط بي كم...والتاكسي لي الصحافة بي كم؟؟؟
لما يجاوبوني ...وبعدين ما بكضبوا...عندي ثقة شديدة فيهم...
الاشارات دي بتوريني الحاصل لما ارجع تاني؟؟؟ يمين الفكة الحديد
بشيلا راجعة من كمساري الحافلة...
فحكاية الألف يقلبوها مليون دي مسألة نفسية...فما ممكن زول كان
مليونير قبل شهرين...تقلبو ألفونير...عشان كده نحن كلنا متمترسين
في خانة الملايين....ولو عايز ترجع للحقيقة بس تشيل تلاتة اصفار
| |
|
|
|
|
|
|
|
|
|
Re: مليون جنيـه ســودانى تساوى كم جنيه ســودانى؟ (Re: nazar hussien)
|
| Quote: هي لكن الـ 100 جنيه = مليون؟؟؟؟؟ طيب الـ 1000 جنيه = كم؟ |
يا سيد رانى ال 1000 جنيه تساوى 1000000 جنيه.. دى لو فكى عندو سفلى ما يقلبهم مليون.
يا جماعة وحدوا الله، وكل من عليها فان، ولو تدوم لدامت للرسول.. الجنيه القديم فى رحمـة الله الأن
وهو بين يدى من لا يظلم.. ختوا الرحمن فى قلبكم وأحسبوا الفى جيبكم دا.. ما الفى راسكم.
يعنى تتفق مع تاكسى، وفى النهاية تبقو فى قاصد بالقديكم وقاصد بالجديد.. هو دا شنو زاتو؟!!
لا يمكن أن يحدث هـذا إلا فى الســـودان.
| |
|
|
|
|
|
|
|
|
|
Re: مليون جنيـه ســودانى تساوى كم جنيه ســودانى؟ (Re: Abureesh)
|
بوست مفخم بسيرة الكنجالات
ياسلام ياااخ
انا طبعا شغال بالدولار
حكاية جنيه قديم بساوي جنيه جديد
والتوقيت القديم ياهو التوقيت الجديد
بالله كيف يعني توقيت الرياض زي توقيت الخرطوم
البحصل في السودان ده....
تماما كما يحدث في الافلام ...والهندي منها كمان
| |
|
|
|
|
|
|
|
|
|
Re: مليون جنيـه ســودانى تساوى كم جنيه ســودانى؟ (Re: عبد اللطيف السيدح)
|
"مليون جنيه بالقديم تساوي الف جنيه بالجديد"
يا السيـد ح
الناس هسى عايشـة فى ياتو زمن، طيب لو عايشين الزمن الجديد ليه يحسبوا بقيمة عملة قديمة؟ ولو كان ولا بد
طيب ليه ما يحسبو بالقديم الجنيه ابو جمل.
ما فى أى عذر أو سبب للجهجهة دى.
السـودانيون يعتبرون من الجمادات.. شوف الأغانى يلوكوا فى أغانى الفنانين (برضو بالقديم)، والشئ البحير جد
الواحد يقول ليك إشترى بيت ب 50 مليون، مع إنه لم يدفع إلا بالجنيه الحالى!!!
| |
|
|
|
|
|
|
|
|
|
Re: مليون جنيـه ســودانى تساوى كم جنيه ســودانى؟ (Re: Abureesh)
|
يا ابوالريش سؤالك كبير جداً ياخى ويعنى الكثير فى التعبير عن حال البلد اليوم ...
تعود بى الذكرى لأوائل الستينات حين كان طالب المدرسه يحتاج لقرش واحد لفطوره(طبعاً المويه لم تكن بقروش وفى مدارس أخرى كان الفطور بالمجان وفى أخرى كان حتى سكن الطلاب بالمجان أو ترحيلهم من وإلى منازلهم)
القرش لطلاب التسعينات والالفينات يعنى واحد من ميه من الجنيه القديم والذى يساوى واحد من ألف من الجنيه الحالى (جنيه اليوم) أى أن القرش يساوى واحد من مية ألف من جنيه اليوم ( 0.00001) ...
اختفت التعريفه(نص القرش) والقرش والفرينى (ابوقرشين) والشلن (5 قروش) والريال (10 قروش) والطرادة (25 قرش) وابوخمسين (نص الجنيه) والجنيه من العمله تباعاً وكانت أشهر الاختفاءات واسرعها تلاحقاً فى العهد الحالى ...
| |
|
|
|
|
|
|
| |
Abureesh
talha alsayed
عفاف الصادق بابكر
rani
الخير محمد عوض
nazar hussien
حافظ كنجال
عبد اللطيف السيدح
sourketti
فيس بوك
تويتر
انستقرام
يوتيوب
بنتيريست