|
|
 Inglourious Basterds و Avatar افلام ربما تصيبك بالاكتئاب ...
|
الاول Inglourious Basterds (شاهدته امس) يحكى عن مجموعة من الجنود اليهود الامريكان
هدفهم الوحيد بث الرعب فى قلوب اعدائهم النازيين وقتلهم
بافظع الطرق عن طريق سلخ فروة الراس ..
الثانى Avatar كوكب بعيد يسكنه قوم يشبهون البشر ...
الحياة فى ذلك الكوكب فى قمة الروعة والجمال ...
طبيعة خلابة....
طيب الاكتئاب يجى من وين ؟؟
الفيلم الاول Inglourious Basterds يدور حول كيف تغير الحروب طبيعة البشر فيتحولو
الى ماكينات وقودها الكراهية والبغض وعدم الرحمة...
ماداير اغير مسار البوست لكن ..كان لى صديق ضابط صغير فى القوات
المسلحة فى الثمانينات ..كان يحكى لى عن قساوة الحرب فى الجنوب .. قال لى مرة انهم
دخلو قرية لا يعرفون المتمرد من المواطن العادى ..قال لى ان
افضل خيار لهم ان يقتلو الجميع لحماية انفسهم ...
الفيلم يحتاج لاعصاب من حديد لتحمل مناظر القتل ..خاصة منظر قتل احد
الضباط الالمان بضربه بعصا غليظة فى راسه بينما ينتشى باقى الجنود بالمنظر
الوحشى ...
نفس المخرج Quentin Tarantino شاهدت له Kill Bill و Kill Bill 2
و Pulp Fiction وكلها لا تخلو من غرابة وعنف و وحشية ...
الفيلم التانى Avatar مشكلتو زى مشكلة الافلام الهندية ياخدك فى جولة رائعة
فى عالم جميل بديع رومانسى وبانتهاء الفيلم ترجع لعالمك الحقيقى ...
قرات ان بعض مشاهدى الفيلم تعرضو لحالات مختلفة من الاكتئاب وصلت عند بعضهم
لمحاولة الانتحار
هذه دعوة منى للجميع لمشاهدة الفيلم على شاشات السنما ذات الابعاد الثلاثية ..
هذا الفيلم لن تكون له قيمة اذا شوهد فى التلفزيون او فى سنما عادية(الحلفايا
والوطنية امدرمان مثال) ..
الفيلم طويل اكثر من تلاته ساعات ونص ..ولكن لن تتملل ابدا فيها بسبب التصوير المذهل..
الفيلم يعتبر اكثر الافلام مبيعات فى تاريخ السنما ...
حصلوه قبلما ينزل المعاش و اتمنى ان لاتصابو بالاكتئاب بعد مشاهدته
ويا طلعت الطيب مواعيدك زى مواعيد يعقوب ...
دايرين نشاهد الفيلم للمرة الثانية وما مساعدنا بالمواعيد
|
|
  
|
|
|
|
|
|
|
|
Re: Inglourious Basterds و Avatar افلام ربما تصيبك بالاكتئاب ... (Re: Wasil Ali)
|
سلام واصل
Avatar فيلم اكتر من رائع ..
قد تكون القصة عادية لكن التصوير مبالغ فيهو ...
الحاجة الوحيدة الما عجبتنى فى الفيلم انو سكان كوكب باندورا يتكلمون
بلهجة الافارقة ... خاصة الاميرة نيتيرى ..
برضو معظم الاسماء فى الفيلم كانها اسماء افريقية ..
وقوامهم افريقى زى المسالا فى وسط افريقيا
ما عارف ده راى براى ولا فى زول انتبه للحاجة دى معاى ...
على كل منتظر طلعت يظهر ويشجعنى اشوفه تانى يمكن اطلع براى مختلف
تزكرة الفيلم 15 دولار كندى (حوالى 14 دولار امريكى)
| |
|
|
|
|
|
|
|
|
|
Re: Inglourious Basterds و Avatar افلام ربما تصيبك بالاكتئاب ... (Re: Wasil Ali)
|
الاخ النصري سلامات
والله عجيبين الناس العايزه تنتحر بعد اقاتار ديل
بالعكس انا شاهدته افاتار بل اكثر من مرة وسوف اشاهده تاني اكيد كتير
لان المؤثرات والخيال المدهش لكاتبه ومخرجه جميس كامرون اكثر من رائعين.
اثناء مشاهدتي للفلم اعرف انه محض خيال ولا افعل سوى ان استمتع به. وبعد ان ينتهي افكر في شجاعة البطل واصراره والشعب
البطل الذي هزم الغزاة وحافظ على ثقافته وعلى وطنه وحريته ويمتلئ قلبي بالايمان في قيم الانسانية الرفيعة مثل العدالة والمساواة
وحق تقرير المصير(في حالة البطل وبعض من فضلوا البقاء في الكوكب).:). ويزداد كرهي للحروب واستغلال الشعوب من اجل الكسب المادي الرخيص
وازيد كرها للعنصرية البغيضة.
لم اشاهد Inglourious basterds
ولكن اعتقد انه فعلا دموي لان معظم افلام كوينتن ترانتينو دموية رغم براعته في الاخراج. لذلك فانا لست متشوقة لمشاهدته.
لك تحياتي.
:).
| |
|
|
|
|
|
|
|
|
|
Re: Inglourious Basterds و Avatar افلام ربما تصيبك بالاكتئاب ... (Re: Omayma Alfargony)
|
الاخت اميمة ..
طبعا الفيلم شاهده الملاييين من البشر ....
وتاثيره بختلف من زول لزول ..
انا شخصيا كنت بهاتى بيهو ليومين وكثير من مناظره ظلت
ملصقة فى نافوخى لفترة طويلة ..
لو افترضنا ان هناك زيد من الناس حياته بائسة لا طعم فيها..
يعيش غربة وعزلة من المجتمع الحوله .. يشعر بانه منبوذ او
isolated من الناس .. ويحس انو عالمنا العايشنو فيهو ده ظالم وقاسى ..
مثل هذا الشخص لو شاهد افاتار اكيد حيتمنى انو يكون معهم وليس معنا شعب
الارض ..
قرات ان البعض فكر فى الانتحار على امل ان ينهى حياته فى الارض وربما يعود
مره اخرى ويعيش فى كوكب باندورا ...
ناس فاقدة حنان ليس الا ,,
بالنسبة لتاراتينو ...هو فعلا عنيف لكنه عنف ممزوج بخيال و fantasy ...
اتابع افلامه لانها اصبحت البديل لافلام الرعب التى كنت اعشقها فى الماضى
واصبحت الان غير قادر على تحمل مفاجاتها التبسكت القلب ..
اثناء مشاهدتى ل pulp fiction فى عام 1995 بصحبة احدى الاسر الصديقة فى فانكوفر
فوجئت بمنظر لم اكن اتوقعه اطلاقا ..منظر خلى شعرات جلدى كلبت ..
من ديك عرفت انو الزول ده مجنون عديل ..
جن لزيز لكن ..
| |
|
|
|
|
|
|
|
|
|
Re: Inglourious Basterds و Avatar افلام ربما تصيبك بالاكتئاب ... (Re: النصرى أمين)
|
النصري
انا شفت Pulp fiction و kill bill 1 and 2
الاتنين عجبوني ومافي شك انه انسان مبدع
بس احيانا بشطح شديد وفعلا ممكن شعر راسك زاتو يقوم زي بعض مشاهده زي الماس الكعربائي...shocking
بالنسبة لما قلت عن الناس المعزولين اجتماعيا فعلا في حالات زي دي ممكن يجيهم اكتئاب ويكونوا suicidal
وامراض العزلة في العالم الغربي كتيرة بسبب نمط حياتهم ومجتمعهم..ان شاء الله بس نحن نقدر نحافظ على ترابطنا الاجتماعي ولو اني ما متفائلة شديد
لانه في مؤشرات و حاجات كتيرة بقت تحصل وفعلا تبعث على التشائم بس لابد ان نكون ارواح مقاتلة من اجل غد افضل.
:).
| |
|
|
|
|
|
|
|
|
|
Re: Inglourious Basterds و Avatar افلام ربما تصيبك بالاكتئاب ... (Re: Omayma Alfargony)
|
غايتو يا جماعة ما تزعلو ...لكن جيمس كامرون دا خما الناس دي ساكت .....
جاب ليهو قصة ما تعب فيها كلو كلو ...نظام ياخي ما تفكرو كتير و بس إستمتعو بالصور .
المعدن الطاير الفلم كلو دا جنني جن .
دا شنو هو? و مالو غالي كدا ...بسوي شنو ?
Inglourious Basterds.......
بتاع المخابرات الألماني دا مبدع ....مبدع....مبدع....
بس هسي دايرين يقنعو الناس إنو اليهود كتلو هتلر برضو
| |
|
|
|
|
|
|
|
|
|
Re: Inglourious Basterds و Avatar افلام ربما تصيبك بالاكتئاب ... (Re: الصادق عوض)
|
سلام الصادق عوض
قالو انو جيمس كاميرون بدا انتاج فلم افاتار سنة 1994 مباشرة
بعدما انتهى من فيلمو الرهيب تايتانيك Titanic ..
قام بايقاف التصوير بحجة
الان التكنلوجيا ليست متطورة كفاية...وانتظر
وانتظر
وانتظر
وانتظر
لغاية ما اتاكد تماما انو الفكرة بتاعتو حتطلع للناس بالصورة الهو عاوزا..
الزول ده لو انتظر 10 سنين تانى ...كان سوى شنو؟؟
| |
|
|
|
|
|
|
|
|
|
Re: Inglourious Basterds و Avatar افلام ربما تصيبك بالاكتئاب ... (Re: النصرى أمين)
|
الاخ الصادق ...
ما عارف ليه اليهود (والماكينة المهولة من وراءهم) ما اشتغلو بالفلم
ده شديد ...
قبل سنوات فوجئت فى احد الايام ان الفيلم Schindler's List المشهور
والحائز على عدة جوائز سيتم عرضه فى قنوات التلفزيون الرئيسية ..
المفاجاة وين ؟
سيتم عرض الفلم كاملا وبدون دعايات وفى ال prime time ,,
commercial free
اظن دى اول مرة تحصل حاجة بالشكل ده ....
شغل يهود نضيف ..ما بتمحرقوا ولا بتلولوو ...
دولار تقيل وراءهم
| |
|
|
|
|
|
|
|
|
|
Re: Inglourious Basterds و Avatar افلام ربما تصيبك بالاكتئاب ... (Re: النصرى أمين)
|
Quote: الحاجة الوحيدة الما عجبتنى فى الفيلم انو سكان كوكب باندورا يتكلمون
بلهجة الافارقة ... خاصة الاميرة نيتيرى ..
برضو معظم الاسماء فى الفيلم كانها اسماء افريقية ..
وقوامهم افريقى زى المسالا فى وسط افريقيا
ما عارف ده راى براى ولا فى زول انتبه للحاجة دى معاى ... |
بالعكس ياجماعة
انا ادوني احساس الهنود الحمر,,,الامريكان,,,وخصوصا القبيلة الهمجية اكترززما القبيلة البتلبس الريش وبتكون مسالمة
لا التانيين,,ملامحهم غليظة ودايما بكون اشكالهم شريرة في الاقلام...نسيت اسمهم... خصوصا قصة شعر الاولاد...الضفاير الطويلة...
الارتباط بالحيوان وتقمصه,,,دي عند الهنود قوية...الطبيعة القتالية...اطلاق الاصوات...استخدام النبال في القتال والصيد..
زي الناس ديل...وغالبا قبائل لاتن امريكا...
| |
|
|
|
|
|
|
|
|
|
Re: Inglourious Basterds و Avatar افلام ربما تصيبك بالاكتئاب ... (Re: Omayma Alfargony)
|
الاخت اميمة الفرجونى
معذرة للانقطاع عن البوست بسبب الحداد على عضو البورد رقم صفر..
تم ترشيح افاتار ل 9 جوائز اوسكار ليس بينهم اى ممثل او ممثل ..
كل الترشيحات فنية وهى
Art direction
Cinematography
Directing
Film editing
Original score
Best picture
Sound editing
Sound mixing
Visual effects
بينما نال Inglourious Basterds ثمانية ترشيحات هى
Actor in supporting role
Directing
Film editing
Best picture
Sound editing
Sound mixing
Original screenplay
| |
|
|
|
|
|
|
|
|
|
Re: Inglourious Basterds و Avatar افلام ربما تصيبك بالاكتئاب ... (Re: النصرى أمين)
|
لم يتوقع احد اطلاقا ان يخسر افاتار (الفيلم العظيم..صاحب الارقام القياسية)
موقع الصدارة فى مبيعات السينما فى امريكا الشمالية ..لم يتوقع احد ان
تكون الخسارة لصالح فيلم قليل التكلفة ..ابطاله مغمورين ...
الفلم اسمه Dear John
وهو فيلم رومانسى... (i hate these kind of movies , i got bored to death )
تقول التقارير ان 84% من مشاهدى الفيلم من النساء ...
يعنى الواحد لو جا يدخل الفيلم ده الا يتلبت من اصحابه ..
بعد شوية يقول ليهو انت بتحضر soap opera برضو ... 
| |
|
|
|
|
|
|
| |
Wasil Ali
Omayma Alfargony
الصادق عوض
فيس بوك
تويتر
انستقرام
يوتيوب
بنتيريست