|
|
|
 Re: بالحيل آ جني أي والله ..... (فيديو)! (Re: هواري نمر)
|
الجنيات الحزمو الجبة
وعرق الشتوي عليهم نايا و صب
قول ما ذلة .. رجالا حصدوا الحبة
عيشهن هاد و انكال واتعبّ
ومنو كتير في الواطا انكبّ
وباقي مصوبر واقف قبة
الحمد آلاف .. الشكر آلاف
الحمد آلاف الشكر آلاف
العيش الرقد أصناف أصناف
الولد الكال.. عزام .. حلاف...ضياف
الرزق الجانا مدلة.. الحلق الجاف اتبلة
بالحيل آ جني إيه والله
الوادي الجانا مترقن
مدّ جناحو الطايل شرقا وغربا
القبلي بروقو على القلعات يضّربن
الدكن البعدن قربن
فوق صنقور المحلة الطالت كبن
قول للمحلة بيوتك خربن
قول ما دلة.. الحلف الجاف اتبلّ
بالحيل آ جني إيه والله
مرحاتنا شرابهن يوت ماغبن
شبعانات في الشقل أب شوك ما شبن
الحمل ولدن وربن
حلماتن تقلن.. جرّن.. فوق سيقانن كبن
اللبن العاتم في ضرعاتن جبّن
المغصة إن كان ضرعاتن خربن
| |
 
|
|
|
|
|
|
|
|
Re: بالحيل آ جني أي والله ..... (فيديو)! (Re: هواري نمر)
|
حامد كان عارفين ضاقوه رجال قبالكن
شوفو أرزاقكم أخير من ضو
حامد عوج الطندب آ وليدات
عوج الطندب نار القصب الهبلت ما بتعدلو
شوفو شلوخو مطارق رقدن
وكل تلاتة يمين سياف اتقبلو
حبوب القارح ... ما ذلة
ولدا ما ختالن زلة
شن قولك فيهو عليك الله
بالحيل آ جني إيه والله
وينا مراتع الدرت الباسط
دايما ببكي عليهن
وين بنوت الحلة البكّر
عصرا بدري يسون في شاهيهن
بعد الليل ما يهّود ونحن نهّود..
عاد أماتن ينادن ليهن
نمشي على القيزان نتقادم..
أقيس الخطوة مع التاتاي ومشيهن
والله البعد الحاصل ما نساني
وحاتكن في قمراتنا بشوفو وشيهن
الا النضم أب غنة اللهج السكر وين بلقاهو
بنات الريل الدوب ليهن
الخوف يا ناس
كان يبقى الشوق الحاصل بينا معشعش فيهن
مقنع سابل وين بلقاهو
طرفا ذابل وين بلقاهو
وعين بتدنقر من واليهن
الوجنات الشعّن بقّن
ود العين النايم زرقن
مو زايغ رسيان وميقّن
زولهن كان خدران ومحقّن
من الشوفة عروقو يطقّن
كان الدنيا بصح تتخلا
كن بركن معاهن فوق رملاة الحلة
الا كمان بنشوفا مذلة
الجنيات الغابت جابت
إنت الجيب بس قايلو قميص افرنجي وكرتونات كرملّة
لا لا وحاتك حاشا وكلا
ديل يوم عادوا اتلافو الجاهل بحقوق الله
ديل كم لحقو البشهق ضايق وداوو العلة
الولد الجاي حقايب سفرو تقال..
تقال من جنس كتاب ومجلة
الحكمة النضم إياهو الكان..
الحكمة الولد اتوضا وصلّ
عادة البلد الدخلت فيهم سكنت ..
سكنت ماب تتخلا
نحن كمان طارين الحلة ودرنا الطلة
نشيلا معاهم فرح وميتة
حلاة الموت كان في عبدلة
| |
|
|
|
|
|
|
|
|
|
Re: بالحيل آ جني أي والله ..... (فيديو)! (Re: Medhat Osman)
|
| Quote: اخوك نوبي من شمال السودان اعرف قليل جدا من العربية والعامية السودانية |
يا مدحت يا قريبي
اخوك برضو ...نوبي..دناقلة يا رسول الله..
ارقو ...السرارية..
الاصل و الجذور و الاعمام الخيلان و الاهل والجدود
لكن تقول شنو من دناقلة الصعيد
يعني في الرطانة (كلام و معرفة) صفر كبير..
للاسف!!!
لو عايز الترجمة خلي العريبي ود شيقوق يجيك...
تسلم يا حبيب
علي المرور...والتعقيب
| |
|
|
|
|
|
|
|
|
|
Re: بالحيل آ جني أي والله ..... (فيديو)! (Re: هواري نمر)
|
| Quote: ياخي نحن يادوب فهمنا عوج الدرب تقول لينا عوج الطندب!!!!! |
هيييييييييييييييييع
زي ما بقول ودشيقوق
___
د\محمد بادي
علي ما اعتقد اصلا من الشايقية
و يكتب بلغة اهل البادية..
والريف...
ملاحظة يا مدحت
مثلا في الشمال هناك
هل في اختلاف بين لهجة المزارعين؟؟؟؟ و لهجة الرعاة؟؟؟؟
| |
|
|
|
|
|
|
|
|
|
Re: بالحيل آ جني أي والله ..... (فيديو)! (Re: أبو عبيدة البصاص)
|
شكرت ابوعبيدة علي المرور الجميل
_____
مدحت يا قريبي..
الطندب.:::.نبات شوكي و يكثر في المناطق الجافة و السافنا الفقيرة
و هو شوكي و لا بحتاج الي مياه كثيرة...حاد الاشواك...ينمو في شكل شجيرات صغيرة
وقد تجد اسماء قري تحمل الاسم,او اسماء مشايخ صوفية و خاصة منطقة الجزيرة
بكرة انشاءالله
ارجع و اترجم لك بعض الكلمات التي قد تكوت غريبة بعض الشئ
| |
|
|
|
|
|
|
|
|
|
Re: بالحيل آ جني أي والله ..... (فيديو)! (Re: هواري نمر)
|
Quote: ذات في يوم والغيمة تهتّف مطرا نقّع
فوق نوار الطلح الفقع
ريحة البرد إن جاتك عطرا فايت خمر الفوق أردافا مجضع
شفنا الوادي يقشقش في دمعات الليل
والتعل الشايل بدا يتفقع
تلب حامد فوق مخلوفة أب زور واتربع
طلق الرسن أب زمة وسوّا خبيبا بدّع
هوّد في رقّاب الصي |
يا هواري، يديك العآفية.
دي تهويمة في قمّة الروعة والجمال...
ريحة البرم وليس ريحة البرد حيب إعتقادي...
| |
|
|
|
|
|
|
|
|
 Re: بالحيل آ جني أي والله ..... (فيديو)! (Re: معاوية المدير)
|
ياسلااااام عليك ياولد ياهوارى,,,,,,,,,,,,,
_____________________________________
انتو رفدتونى ولا شنو?
| |
|
|
|
|
|
|
|
|
|
Re: بالحيل آ جني أي والله ..... (فيديو)! (Re: حافظ حسن ابراهيم)
|
| Quote: ... قدرة علي الكتابة وحياتك ما في بعد نضميك دي الا كلنا نرمي السلام و نجي صادينا برواقة ياو بلديات |
مكنتك دي,تاني ما بتقسم فيني يا بلدينا...
_____الدنيا عندي صباح ,بدري شديد......
محتاج اتكلم معاك ..كثير جدا جدا
بس اديني يومين كده
اخبارك و صحتك
| |
|
|
|
|
|
|
|
|
 Re: بالحيل آ جني أي والله ..... (فيديو)! (Re: هواري نمر)
|
Quote: أنت عاد فاضية لينا من تقديم الحفلات..
ههههههههههههههههه
تاني ما بترجعي لي ناس الليل.. |
وانت قايل تقديم الحفلات دابالنهار ولاشنو??
لوووول لقيتك متابع خالص,,
كان بقت على التقديم هينة ماخفى اعظم,,,,,,,,,,,,,,,,,,,,,
قرررربت ارجع الليل بس لازم حفلة استقبال ,,,,,,,,,,,,,
| |
|
|
|
|
|
|
|
|
|
Re: بالحيل آ جني أي والله ..... (فيديو)! (Re: الطيب شيقوق)
|
Quote: ياخي ما تدينا شوية و نورنا
عن قريبك ,د\ محمد بادي.... |
ســــــــلام هواري، تاني وتالت كمان،
الـبـرم: هو نُوآر شُدر الطلح، لونو أصفر وشكله مدوُر
ممسوك مع الفرع بعود رفيع جداً مما يجعل شكل النُوآرة
زي حلاوة حربة بتاعت الأطفال. له رئحة جميلة جداً
خاصةً في زمن الخريف لمان تصب المطر، ويختلط البرم
مع روث البهايم في المُراح وتجيك ريحتو مع الزِيّفة.
أخخخخخخخخخ يا أنا...
لو في حاجة تاني قول عُووووك بس...
| |
|
|
|
|
|
|
|
|
|
Re: بالحيل آ جني أي والله ..... (فيديو)! (Re: معاوية المدير)
|
.
.
.
أخى الدكتور محمد بادى
سلام عليك أيها الرائع سلاما
سلام عليك عبر فضاءات الالكترون
وتحية قلبية من محب لك لا تعرفه عساها
تأتيك فتجدك كما أريد لك و أتمنى
حكمت علينا بعض أقدارنا أن نطلب
حميمية التواصل عبر شاشات البلور
الى لقاء قريب ان شاء الله
الشكر لكم آلاف آلاف ...
.
| |
|
|
|
|
|
|
| |
هواري نمر
Medhat Osman
أبو عبيدة البصاص
معاوية المدير
حافظ حسن ابراهيم
الطيب شيقوق
Abobakr Shadad
طارق جبريل
munswor almophtah
فيس بوك
تويتر
انستقرام
يوتيوب
بنتيريست