|
|
|
 Re: بورداب الخرطوم عندكم خانة لبرلوم .... بورداب واشنطن شكرا ومع السلامة (Re: walid shingrai)
|
ويا بورداب واشنطن
ليكم الاف من الشكر
للعشرة الجميلة التى لن انساها
وبس اعتبروني مندوب ليكم هنا في الخرطوم
ووسط بورداب الخرطوم
الذين ساسعي جادا بمعرفتهم معرفة لصيقة بكل الوانهم
وقد شاءت الظروف بان اتحدث مع ياسر بيناوى وهوفي خضم حملته الانتخابيه
واتمني له التوفيق
وقمت بزيارة للاخت ميادة في مركزها
وحصل لي الشرف برؤية اسلحة الدممار الشامل
التي تستخدمها ضد كل من يمسها او البشير
(لم تستطع حمايته من الجزمة هاها)
فقد كان بوستا شليق لم توفقي فيه يا بنت ملوك النيل
(وحصل لي الشرف برؤية الاصبع ايضا)
فلكم الف شكر
| |
 
|
|
|
|
|
|
|
|
Re: بورداب الخرطوم عندكم خانة لبرلوم .... بورداب واشنطن شكرا ومع السلامة (Re: walid shingrai)
|
يا وليد غايتو ناس واشنطون قالو الزول دا كتر عليهو السنفيك فى دى سى مشى يفتش يلعب وست فى العالم التالت
ياخى فى الخرتوم غير حريق وشلعت ماتعشم فى حاجه
تعرف كانت عندنا شله بنلعب وست فى ودنوباوى ايام الخميس والجمعه من الخميس العصر لحدى الجمعه صلاة العشاء
اها اجازتى الفاتت شهرتمنيه لقيت ليك الجماعه كل واحد عرس وسوالو وليدات كل دقيقتين واحد يشيل موبايلو ويمرق لمن مسخو الكتشينه يازول الساعه عشره يوم الخميس كل الناس كسحو يلا ياشباب نشوفكم بكره بعد العصر
يازول طبقتا نعلاتى وكسحت ضربو لى تلفون بعد الفطور يوم الجمعه قلت ليهم لم تعودو اصحابى والنسوان بوظوكم وبوظو الوست ومن ديك ما رجعت لوستهم
| |
|
|
|
|
|
|
|
|
Re: بورداب الخرطوم عندكم خانة لبرلوم .... بورداب واشنطن شكرا ومع السلامة (Re: walid shingrai)
|
ياوليد اسمعها نصيحة منى
لو داير ليك تربيزة وست ولا هارت يبقى وجهتك الخليج ولا ليبيا عديل
واوعك تمشى الخرطوم ، والله جرى المواصلات وسك المعيشة فى الخرطوم ينسى الاتو ذاتو
بس بضمن ليك تربيزة الحريق وعشرة طيبة فى شلة معاشات وصالح عام ومرافيد جيش مالاقين ليهم طريقة غيرها
لكن لو عندك مهارات جدا ، عندنا لعيبة فى الدوحة لو كان ناس الوست بدفعوا فيهم قروش زى ناس الكورة ، تلقاهم اسع مع ايتو جماعتو فى سرج واحد
البهارى دا مستعد يطلع ليك فيزا عديل لو سنفكته مرة واحدة
ياسيدى عوداً حميدا للوطن ، واريتنا بحالك. . .
| |
|
|
|
|
|
|
|
|
|
Re: بورداب الخرطوم عندكم خانة لبرلوم .... بورداب واشنطن شكرا ومع السلامة (Re: عادل سهل)
|
| Quote: بس بضمن ليك تربيزة الحريق |
سلام يا عادل
باقي لي طربيزة حريق مضمونة
ولا طربيزة وست تنسى الاتو بتاعها
اما حكاية الخليج دي
كفانا غربة
عارف الغربة دي زي طربيزة القمار الطريقة الوحيدة انك تربح فيها
انك تقوم منها يعني تسيبها من دون ما تفكر عندك كم
واوع تفكر في انك ترجع قروشك
لانك ما حتقدر
مافي شى برجع العمر
ولا الاعزاء اللي راحوا حتي مقابرهم احيانا لا يمكن معرفتها
| |
|
|
|
|
|
|
|
|
 Re: بورداب الخرطوم عندكم خانة لبرلوم .... بورداب واشنطن شكرا ومع السلامة (Re: walid shingrai)
|
وليد شنقراي
حبابك وان شاء الله البلد مرحبة بيك
وانا اللي تشرفت بزيارتك لي في مركزنا المتواضع
Quote: وقمت بزيارة للاخت ميادة في مركزها
وحصل لي الشرف برؤية اسلحة الدممار الشامل
التي تستخدمها ضد كل من يمسها او البشير
(لم تستطع حمايته من الجزمة هاها)
فقد كان بوستا شليق لم توفقي فيه يا بنت ملوك النيل
(وحصل لي الشرف برؤية الاصبع ايضا)
|
تراجي مصطفى بتبقى ليك شنو ؟؟؟؟؟؟؟؟؟؟؟؟؟؟؟؟ 
| |
|
|
|
|
|
|
| |
walid shingrai
العوض المسلمي
انور التكينة
WAD ELGAALI#4
ياسر بيناوي
عادل سهل
فايزودالقاضي
mayada kamal
احمد محمد بشير
فيس بوك
تويتر
انستقرام
يوتيوب
بنتيريست