|
Re: الإهداء للأخ المحامي معاويَّة عوّض الكريم.. (Re: Yassir Tayfour)
|
اعوذ بالله من الشيطـــان الرجيم ، اصبحنــــا واصبـح الملك لله .. ياخ الدنيا جمعة وانـا ما فاضى ليك .. وعندنا كمية من المنـاسبات بالله اتخارج من دنيتى دى ..واسمى دا عليك الله تانى ما تلوكو فى خشمك الايام دى انا مشغول بالانتخابات ومرشح نفسي في الدائرة 26 السليت فبرامج زي بتـاعتك دي بتـاخد من وكتى وبتصرف معاى جـــاز عشان كده يا اب تفه ولكل ما ذكر اعلاه .. شوف شغلتك .. وبالله قفّل طبليتك دي واعمل رايح ..
| |
|
|
|
|
|
|
Re: الإهداء للأخ المحامي معاويَّة عوّض الكريم.. (Re: Maawya Hussein)
|
Quote: انت مناسباتك دي عاملا جوه لاب توب
|
باشمهندس معاوية اتخيل الواحد يقوم من صباح الرحمن ومبرمج نفسو على حاجات معينة يجي يلقى واحد عامل بوست بي اسمو وناقل ليهو كايكاتير وقال اهداء! يوم زى الجمعة دا الواحد بكون عندو صلة ارحــام ومناسبات وكـده نتمنى ان يتحلى اخونا بكـرى بالصبر والمصابرة فلكل بداية نهايـة !
| |
|
|
|
|
|
|
Re: الإهداء للأخ المحامي معاويَّة عوّض الكريم.. (Re: Yassir Tayfour)
|
Quote: أنا خايِّف الدائرة 26 دي ذاتها تكون داخل اللابتوب.. ____ قال ليك: الوقت كالسيف إن لم تقطعه قطعك.. |
تصدّق الكلام بتاعك اليوم داكـ لسه جايط لي فى راسي بس نفسي افهم الجملة المفيدة التى اوردتهـا آنذاكـ وهي ( ملتّق القدود ) . بعدين الدائرة 26 دى عايزة منى شغل كتير وزى كلامك دا بيضيع زمنى ساي وما بفـوز .. وزى مـا قلت ليك انسي دنيتى دى عليك الله ..
| |
|
|
|
|
|
|
Re: الإهداء للأخ المحامي معاويَّة عوّض الكريم.. (Re: معاوية عوض الكريم)
|
Quote: اعوذ بالله من الشيطـــان الرجيم ، اصبحنــــا واصبـح الملك لله .. ياخ الدنيا جمعة وانـا ما فاضى ليك .. وعندنا كمية من المنـاسبات بالله اتخارج من دنيتى دى ..واسمى دا عليك الله تانى ما تلوكو فى خشمك الايام دى انا مشغول بالانتخابات ومرشح نفسي في الدائرة 26 السليت فبرامج زي بتـاعتك دي بتـاخد من وكتى وبتصرف معاى جـــاز عشان كده يا اب تفه ولكل ما ذكر اعلاه .. شوف شغلتك .. وبالله قفّل طبليتك دي واعمل رايح .. |
كبسور قول بسم الله ياخ .. اب تفة دا بيهظر معاك انت زعلت ولً شنو؟
| |
|
|
|
|
|
|
Re: الإهداء للأخ المحامي معاويَّة عوّض الكريم.. (Re: السيد المسلمي)
|
Quote: معاوية بالله رشو لامن يقول كفي .. ابقفة ليست كل الاكتاف تؤكل !
______ قال الاخ معاوية قال ?? |
ابو السيد سلام اب تفه دا يستحق الشكر لأنها دي بداية شُهرة زاتو لا سيما وانى على اعتاب المجلس التشريعي - ولاية الخرطوم وكلامك دا بيذكرنى كلام د. نـافع حينما قال ( البجرّب المجرّب ندمان ) لكن لا بـأس فالأرضة جرّبت الحجر !
| |
|
|
|
|
|
|
Re: الإهداء للأخ المحامي معاويَّة عوّض الكريم.. (Re: أمين محمد سليمان)
|
Quote: بوست غير موفق تماما ، إن نم عن شئ إنما ينم عن سوء طوية صاحبه ! |
امين ويــنك يا صاحب .. ليك مدة غايتو بالنسبة لي انا بوست موفق ، بل موفق جد كمان ! عشان تانى صاحبنا دا يعمل زوغبير كـل ما يشوفني خليكـ متابع الكتاب دا ، نحن لسه في المقدمة والاهداء ولسه ما وصلنا شُكر وعرفان !
| |
|
|
|
|
|
|
Re: الإهداء للأخ المحامي معاويَّة عوّض الكريم.. (Re: معاوية عوض الكريم)
|
Quote: عشان تانى صاحبنا دا يعمل زوغبير كـل ما يشوفني خليكـ متابع الكتاب دا ، نحن لسه في المقدمة والاهداء ولسه ما وصلنا شُكر وعرفان ! |
أها بعض التضامن و كلامي الكبير الفوق ده يا معاويه ، داير أقول ليك نصيحه أخويه لوجه الله و الوطن : أب تفه ده لا أنا و لا إنت و لا سيدنا البتفاصح ده ، بنقدر عليهو ، أخير تشوف رقبتك زعلتو في شنو و تعتذر ليه !
| |
|
|
|
|
|
|
Re: الإهداء للأخ المحامي معاويَّة عوّض الكريم.. (Re: أمين محمد سليمان)
|
Quote: أها بعض التضامن و كلامي الكبير الفوق ده يا معاويه ، داير أقول ليك نصيحه أخويه لوجه الله و الوطن : أب تفه ده لا أنا و لا إنت و لا سيدنا البتفاصح ده ، بنقدر عليهو ، أخير تشوف رقبتك زعلتو في شنو و تعتذر ليه ! |
امين يا اخوى انا ما عايز تضامن ولا حاجة ، ونصيحة لوجه الله دي عرفناها أها الوطن مالو كمان ؟ انا كمان يا فردة بعد كلامى الفوق المعاك دا ، بقول ليك نصيحتك دي ما لافقة معاي خالص ! وجاسر دا اذا افترضنـا انا زعلتو في شئ مــا يجي يقـول كلامو عديــل ! لكن حكاية يجي باللفة ويمسكنى محاماة وكاريكاتير دي ما بتمشى معــاى ابدا وزي كلامك دا ياهو البِكبّر ليهو راسو زيادة ويخليهو يتمادى في حركاتـو دي
| |
|
|
|
|
|
|
Re: الإهداء للأخ المحامي معاويَّة عوّض الكريم.. (Re: أمين محمد سليمان)
|
Quote: يا معاويه الله يهديك : أفتح بوست تاني إعتذر لياسر ، الاعتذار شيم الأقوياء |
ايوه يا كبسور اسمع كلام خالك ياسمين ده بدل الجهجهة انصاص الليالي .. بعدين انت زول مرشح ما حلوة في حقك يقولوا راسك قوي وابيت تعتذر ..
اعتذر ياخ اعتذر ..او راعي عامل السن
ــــــــــــــــــــــــــــــ بالمناسبة يا امين هو كبسور عمل شنو عشان يعتذر
| |
|
|
|
|
|
|
Re: الإهداء للأخ المحامي معاويَّة عوّض الكريم.. (Re: Faisal Elrasheed)
|
Quote: اول مرة اشوف لي نسِيبة بتكجّن النسيب بتاعـا انا على بالطلاق ازعمط من الجخيس لي سد مروي |
لوووووووووووول نسيبتك طلعت بياعه يا معاويه انا ياسر دا وحدو ما بقبل فيه تب حتي لو ترسل لي بتي ورقه طلاقها . وخالكم امين دا زول نصيحه اب تفه دا حامد عوج الطندب النار ما بتعدلوا دحين اتخارجو من ضو
| |
|
|
|
|
|
|
Re: الإهداء للأخ المحامي معاويَّة عوّض الكريم.. (Re: doma)
|
Quote: بالمناسبة يا امين هو كبسور عمل شنو عشان يعتذر |
فيصل و علي يعني هو لازم يكون عمل ليه حاجه عشان يعتذر ؟ يعتذر في الأول و بعداك نشوفو كان عمل ولا ما عمل ! دي سودانيز أون لأين : النظام هنا كده !
----- معاويه : الله يرضي عليك إعتذر سريع خلينا نشوف لينا شغله تانيه !
| |
|
|
|
|
|
|
Re: الإهداء للأخ المحامي معاويَّة عوّض الكريم.. (Re: على محمد على بشير)
|
Quote: والله انا لو فى محل معاويه دا ورقة بتك تجيكى بى ليلك دا |
يا أبو علوه كبسور شغال بنظريَّة كان مسكت ما تفك، وكان فكيت ما تندم.. ____ كبسور قال لي ماما دوما داير بتك، ماما دوما، مره نجيضة ما بتعرف كلمة "لا"، قالت ليهو أديتك ليها، لكن مهر بتي الإستشهاد في سبيل الله. أها طالما كبسور لسه عايِّش، معناها كبسور ما دفع المهر..
| |
|
|
|
|
|
|
Re: الإهداء للأخ المحامي معاويَّة عوّض الكريم.. (Re: Faisal Elrasheed)
|
Quote: داير أقول ليك نصيحه أخويه لوجه الله و الوطن : أب تفه ده لا أنا و لا إنت و لا سيدنا البتفاصح ده ، بنقدر عليهو ، أخير تشوف رقبتك زعلتو في شنو و تعتذر ليه ! |
الليلة ووووب ياياسمين,,,سويتها ظااااهرة ,,,
جبنة وزبادى.....
خلينا نشوف فى ياسر دا يوم,,,لانو شليق ومابسمع الكلام,,,انشاءالله ينفشو تفاية تفاية ويسوى منو بطانية,,,
| |
|
|
|
|
|
|
Re: الإهداء للأخ المحامي معاويَّة عوّض الكريم.. (Re: Amira Elsheikh)
|
Quote: لوووووووووووول نسيبتك طلعت بياعه يا معاويه انا ياسر دا وحدو ما بقبل فيه تب حتي لو ترسل لي بتي ورقه طلاقها . وخالكم امين دا زول نصيحه اب تفه دا حامد عوج الطندب النار ما بتعدلوا دحين اتخارجو من ضو |
مضارفة المؤمن على نفسو حسنة ياقول حبوبة,,,
لوووووولين ياماما الحالة انا خاتاكم القدوة حقتى هنا فى البورد دا انتى وعمو امين ياسمين دا,,اجى القاكم بايعين ,,,
شينة منكم شدييييييد,,,
خجلانة ليكم,,,,
| |
|
|
|
|
|
|
Re: الإهداء للأخ المحامي معاويَّة عوّض الكريم.. (Re: Amira Elsheikh)
|
Quote: لووووووووووووووووووووول مقتضيات المرحله يا حبيب واحد في الكف و واربعه في الرف . كما ان اب تفه يمتلك ج ج |
العوجة يكون ياسر الفى اليد وانت يامعاوية تكون من الاربعة الفي الرف !!!!!!
----------------------------------------------------------- كبسور : شركت ليك هناك لقيتك مكلبش هينا ....
| |
|
|
|
|
|
|
Re: الإهداء للأخ المحامي معاويَّة عوّض الكريم.. (Re: Yassir Tayfour)
|
Quote: جهز حالك يا مان الدائرة 26 دي دايرين نعمل فيها شغل نضيف، كبسور ذاتو حيشتغل معانا، لأن وطني من العيار الثقيل، ودمو كذلك.. |
اب تفه ياسر.. كبسور وعد الناخبين بأنه حا يقضي علي الذئاب التي تهدد حياة المواطنين في السليت والدروشاب .. هل ستسير علي نفس البرنامج ام هناك تعديل ..
| |
|
|
|
|
|
|
Re: الإهداء للأخ المحامي معاويَّة عوّض الكريم.. (Re: Faisal Elrasheed)
|
Quote: اب تفه ياسر.. كبسور وعد الناخبين بأنه حا يقضي علي الذئاب التي تهدد حياة المواطنين في السليت والدروشاب .. هل ستسير علي نفس البرنامج ام هناك تعديل .. |
يا ود الرشيد أنا في خدمة المواطن، طالما المواطن قال no hyenas يبقى no hyenas ___ شعاري من هسي: المرشح: أب تفه الرمز: الكجامة الدائرة: 26 وضواحيها
| |
|
|
|
|
|
|
Re: الإهداء للأخ المحامي معاويَّة عوّض الكريم.. (Re: HAIDER ALZAIN)
|
أعضاء المنبر الأمنجية
• في إطار التعتيم الذي يسعى نظام البشير بشتى السبل إلى فرضه على مماراساته في البلاد فقد تمكّن من دس بعض عناصره بالمنبر العام لسودانيزاون لاين! • مهمة هؤلاء هو مراقبة الموضوعات التي يكتبها أفراداً بعينهم وخاصةً من الناشطين في إبراز قضية دارفور او اي قضية ، والسعي لحرف مسار النقاش بأي شكل من الأشكال. • لا تناقش تعليقاتهم في الغالب أي فكرة من الأفكار التي ترد في الموضوعات، وينصرفون الى التهكم والإستهزاء والتخوين، فيطلقون عبارات مثل ( آكلي الويلفير)، (العملاء)، (الرجرجة)، (الدهماء)، (الطابور الخامس).........الخ!. ويصل الإفلاس ببعضهم أحياناً الى إطلاق بعض الصفات والنعوت العنصرية على زملائهم بالمنبر! كما يجنحون في بعض الأحيان الى التعريض بأعمار مناقشيهم ظناً منهم بأن هذا يستفزهم فيتركون موضوعهم الأساسي، وهنا تجدهم يستخدمون عبارات مثل حبوبة فلانة أو الخال فلان......الخ. • كما قلنا فإن هؤلاء (مستنفرين) تجاه أعضاء محددين، فما إن يظهر بوست لأحد هؤلاء الأعضاء حتى يبدأ الأمنجية في لعب دورهم المرسوم. • بعضهم يحاول إخفاء تهمة الدفاع عن النظام عن نفسه ليلعب دوره الخبيث، وهؤلاء يمثلون الإمتداد الفعلي لجمهور المنافقين الذين تحفل بهم كتب التاريخ. • ما يقوم به هؤلاء لا يقل إجراماً وخطورة عما يقوم به النظام داخل البلاد. • هم العدو فاحذرهم.
| |
|
|
|
|
|
|
Re: الإهداء للأخ المحامي معاويَّة عوّض الكريم.. (Re: Mustafa Mahmoud)
|
Quote: أعضاء المنبر الأمنجية
• في إطار التعتيم الذي يسعى نظام البشير بشتى السبل إلى فرضه على مماراساته في البلاد فقد تمكّن من دس بعض عناصره بالمنبر العام لسودانيزاون لاين! • مهمة هؤلاء هو مراقبة الموضوعات التي يكتبها أفراداً بعينهم وخاصةً من الناشطين في إبراز قضية دارفور او اي قضية ، والسعي لحرف مسار النقاش بأي شكل من الأشكال. • لا تناقش تعليقاتهم في الغالب أي فكرة من الأفكار التي ترد في الموضوعات، وينصرفون الى التهكم والإستهزاء والتخوين، فيطلقون عبارات مثل ( آكلي الويلفير)، (العملاء)، (الرجرجة)، (الدهماء)، (الطابور الخامس).........الخ!. ويصل الإفلاس ببعضهم أحياناً الى إطلاق بعض الصفات والنعوت العنصرية على زملائهم بالمنبر! كما يجنحون في بعض الأحيان الى التعريض بأعمار مناقشيهم ظناً منهم بأن هذا يستفزهم فيتركون موضوعهم الأساسي، وهنا تجدهم يستخدمون عبارات مثل حبوبة فلانة أو الخال فلان......الخ. • كما قلنا فإن هؤلاء (مستنفرين) تجاه أعضاء محددين، فما إن يظهر بوست لأحد هؤلاء الأعضاء حتى يبدأ الأمنجية في لعب دورهم المرسوم. • بعضهم يحاول إخفاء تهمة الدفاع عن النظام عن نفسه ليلعب دوره الخبيث، وهؤلاء يمثلون الإمتداد الفعلي لجمهور المنافقين الذين تحفل بهم كتب التاريخ. • ما يقوم به هؤلاء لا يقل إجراماً وخطورة عما يقوم به النظام داخل البلاد. • هم العدو فاحذرهم. |
| |
|
|
|
|
|
|
Re: الإهداء للأخ المحامي معاويَّة عوّض الكريم.. (Re: السيد المسلمي)
|
Quote: أعضاء المنبر الأمنجية
• في إطار التعتيم الذي يسعى نظام البشير بشتى السبل إلى فرضه على مماراساته في البلاد فقد تمكّن من دس بعض عناصره بالمنبر العام لسودانيزاون لاين! • مهمة هؤلاء هو مراقبة الموضوعات التي يكتبها أفراداً بعينهم وخاصةً من الناشطين في إبراز قضية دارفور او اي قضية ، والسعي لحرف مسار النقاش بأي شكل من الأشكال. • لا تناقش تعليقاتهم في الغالب أي فكرة من الأفكار التي ترد في الموضوعات، وينصرفون الى التهكم والإستهزاء والتخوين، فيطلقون عبارات مثل ( آكلي الويلفير)، (العملاء)، (الرجرجة)، (الدهماء)، (الطابور الخامس).........الخ!. ويصل الإفلاس ببعضهم أحياناً الى إطلاق بعض الصفات والنعوت العنصرية على زملائهم بالمنبر! كما يجنحون في بعض الأحيان الى التعريض بأعمار مناقشيهم ظناً منهم بأن هذا يستفزهم فيتركون موضوعهم الأساسي، وهنا تجدهم يستخدمون عبارات مثل حبوبة فلانة أو الخال فلان......الخ. • كما قلنا فإن هؤلاء (مستنفرين) تجاه أعضاء محددين، فما إن يظهر بوست لأحد هؤلاء الأعضاء حتى يبدأ الأمنجية في لعب دورهم المرسوم. • بعضهم يحاول إخفاء تهمة الدفاع عن النظام عن نفسه ليلعب دوره الخبيث، وهؤلاء يمثلون الإمتداد الفعلي لجمهور المنافقين الذين تحفل بهم كتب التاريخ. • ما يقوم به هؤلاء لا يقل إجراماً وخطورة عما يقوم به النظام داخل البلاد. • هم العدو فاحذرهم. |
اهم حاجة ابتفة يكون انكلودد,,,,,
| |
|
|
|
|
|
|
Re: الإهداء للأخ المحامي معاويَّة عوّض الكريم.. (Re: Faisal Elrasheed)
|
Quote: عمو امين .. كبسور ده اذا ما اعتذر علني هنا وبرد ليك بطنك حولو لي هنا بالله |
يا فيصل ، معاويه مصر علي تصعيد الموضوع رغم موقف ياسر المتوازن و سعيه لحل الاشكاليه بالحوار . رسلت ماسنجر لمعاويه أبين ليه خطورة البسوي فيه ده ، و عرضت عليه إنو لو كرامتو حا توجعو من الاعتذار ، أنا ممكن أعتذر بإسمو !
| |
|
|
|
|
|
|
Re: الإهداء للأخ المحامي معاويَّة عوّض الكريم.. (Re: أمين محمد سليمان)
|
Quote: واقفين في إنك تعتذر لياسر ! و بالله عليك ما تقول لي إنك ما عملت ليهو حاجه و الحنك العاضي ده ، إعتذر ليهو في الأول و بعدين نشوف ياسر زعلان منك مالو ! |
امين بينى وبينكـ كده قبضت كم من اب تفه دا ؟ علي بالطلاق وطلاق تلاتة انا ما اعرف المشكلة وين ما اعتذر وكان اعتذرت بدون ما اعرف القصة تكون ( مافيشه) طلقانة عشان كده اختصر القصة وشوف لينا العوج وين عشان نزيلو !
| |
|
|
|
|
|
|
Re: الإهداء للأخ المحامي معاويَّة عوّض الكريم.. (Re: Faisal Elrasheed)
|
Quote: مرحب يا كبسور.. اول حاجه رش وهبه وعمك امين بتاع الياسمين .. السيد المسلمي اصلا مرشوش منه فيه.. |
فيصل على بالطلاق الليلة من اصبــحت متقريّف للبورد دا عديل كده ! وبعدين يا عمكـ الرش دا من طرف كده ؟ ياخ نيران وهبة والسيد دي نيران صديقة ، اما عمنا امين يحاحي ويشرّك فلذلك لا داعي لاطلاق ذخيرة حية في الوقت الراهن ..
| |
|
|
|
|
|
|
Re: الإهداء للأخ المحامي معاويَّة عوّض الكريم.. (Re: سارة علي)
|
Quote: دة منو البينتفو يا اميرة؟؟ اب تفه؟؟؟ طموحة خلاص لقيتك.. اذا اردت ان تطاع فأمر بالمستطاع..
ــــــــــــــــــــــــــ
ازيك؟؟ |
تتذكري يا سارة اول مداخلة عملتيها معاي في حياتكـ ؟ كانت عرقلة من الخلف عديل كده اها الليلة مداخلتك دي انا فهمتها كوويس قصدكـ تزيدى النار حطب بس ما اكثر !!!
| |
|
|
|
|
|
|
Re: الإهداء للأخ المحامي معاويَّة عوّض الكريم.. (Re: معاوية عوض الكريم)
|
Quote:
خلينا نشوف فى ياسر دا يوم,,,لانو شليق ومابسمع الكلام,,,انشاءالله ينفشو تفاية تفاية ويسوى منو بطانية,,, |
والله يا أميره أنا أربا بك إنك تكوني واقفه مع عبد الوهاب علي الحاج و بقية ضاربي الطار و مؤججي الفتن . ساعدونا بسكاتكم بالله ، بنحاول نطفي النيران دي و إنتو تزيدو فيها حطب ؟ متفائل جدا بعد ماسنجري لمعاويه إنو يعتذر و الموضوع ينتهي هنا !
| |
|
|
|
|
|
|
Re: الإهداء للأخ المحامي معاويَّة عوّض الكريم.. (Re: أمين محمد سليمان)
|
تعرف يا أمين يا صاحبي يا وش الياسمين، كبسور قبل تلاتة يوم كده في بوست بكري لحسو، جا خاشي فيني شمال لما فتلني، لدرجة إنو ما عرفت البنيَّة جايَّة من وين، وبيننا إتفاقيَّة سلام، انا وحيدر الزين من طرف، وكبسور من الطرف الآخر، والإتفاقيَّة تحت رعاية الكمندان الطيِّب عثمان، ولكن يبدو أن كبسور يريد أن يتنصّل عن الإتفاقيَّة، وأظن سبب تنصل كبسور عن إتفاقياته هو ترجيح ميزان القوّة لناحيته، المهم أنا مسامحو لوجه الله، وإحتسب أمري عند الله، وملتزم بالإتفاقيَّة نصاً وروحاً..
| |
|
|
|
|
|
|
Re: الإهداء للأخ المحامي معاويَّة عوّض الكريم.. (Re: أمين محمد سليمان)
|
Quote: علي بالطلاق وطلاق تلاتة انا ما اعرف المشكلة وين ما اعتذر وكان اعتذرت بدون ما اعرف القصة تكون ( مافيشه) طلقانة عشان كده اختصر القصة وشوف لينا العوج وين عشان نزيلو ! |
العوج يا معاويه ياهو جنس كلامك ده ! واضح جدا إنو ياسر فتح البوست ده لانو متضايق منك ، يبقي طوالي - و بدون ما تعرف الحاصل شنو - مفروض تعتذر ليه ! أي حاجه غير كده يا معاويه يا أخوي معناتها إنت الغلطان .
----- شكرا علي ردك الضافي لي في الماسنجر ، و حا أقوم بإجراء اللازم !
| |
|
|
|
|
|
|
Re: الإهداء للأخ المحامي معاويَّة عوّض الكريم.. (Re: أمين محمد سليمان)
|
Quote: تعرف يا أمين يا صاحبي يا وش الياسمين، كبسور قبل تلاتة يوم كده في بوست بكري لحسو، جا خاشي فيني شمال لما فتلني، لدرجة إنو ما عرفت البنيَّة جايَّة من وين، وبيننا إتفاقيَّة سلام، انا وحيدر الزين من طرف، وكبسور من الطرف الآخر، والإتفاقيَّة تحت رعاية الكمندان الطيِّب عثمان، ولكن يبدو أن كبسور يريد أن يتنصّل عن الإتفاقيَّة، وأظن سبب تنصل كبسور عن إتفاقياته هو ترجيح ميزان القوّة لناحيته، المهم أنا مسامحو لوجه الله، وإحتسب أمري عند الله، وملتزم بالإتفاقيَّة نصاً وروحاً.. |
يا سلام عليك يا ياسر و أنت تضرب لنا مثلا في الصفح و العفو عند المقدره و هذه لعمري شيم الكرام . أها إنت إتنازلت لمعاويه عن حقك و عفيت ليهو ، لكن كمان يا ياسر في حاجه إسمها الحق العام ، و أنا بمثل الحق العام في المنبر ده و معاويه لازم يعتذر لقراء المنبر عن كل ما بدر و لم يبدر منه في حقك و حقنا كلنا و إلا انفرط عقد المنبر الاجتماعي بمثل هكذا تصرفات ، و زي ما عارف يا ياسر أنا كل شي و لا انفراط العقد الاجتماعي في المنبر : معاويه يجب أن يعتذر و فورا !
| |
|
|
|
|
|
|
|