|
Re: حفل ....طلاق؟؟؟ (Re: اناهيد كمال)
|
وحابة اوضح انقطاع البوست وكان امس ليلا اول ما بديت اكتب والكلام تداعى سمعت (السكلى) اتخلعت وسالت فى شنو؟ قالوا حاج فلان اتوفى والراجل له الرحمة جارنا (ما تشيلوا الفاتحة)
| |
|
|
|
|
|
|
Re: حفل ....طلاق؟؟؟ (Re: اناهيد كمال)
|
العزيزة اناهيد
لك التحية ومساءك نور وسرور
يا اختى والله مرات الطلاق بستحق يعملوا ليه حفلة ويدعوا ليه الناس كمان
والله انا بعرف واحدة طلقوها زغردت عدييييييييييييييل كده
فمرات الطلاق ده بكون حياة جديدة تماما
وبعدين بينى وبينك الحرية حلوة ياخى
ولا ما معاى فى دى؟
اقعدى عافية
| |
|
|
|
|
|
|
Re: حفل ....طلاق؟؟؟ (Re: اناهيد كمال)
|
اها حاجة مدينة كانت بتهمل فى شوور وجات طالعة لابسة توب ارضيته بنية ومورد باصفر وبيجى و............. و.............. النسوان سكتوا صمت مخيف
| |
|
|
|
|
|
|
Re: حفل ....طلاق؟؟؟ (Re: اناهيد كمال)
|
أناهد تحياتي،
ياخي جينا متخمخمين وجايبين معانا فنان علشان نهجج تقومي تقولي لينا شيلوا الفاتحة ورقاد واطة؟.. الحاصل شنو اليومين ديل؟ المرأة لو طلقها زوجها تعمل حفلة!! ولو مات زوجها تعزم صديقاتها وتعمل حفلة!! غايتو أنحنا الرجال ديل واطتنا سودة..
واصلي متابعنك..
| |
|
|
|
|
|
|
Re: حفل ....طلاق؟؟؟ (Re: اناهيد كمال)
|
وبدوا النسوان انقنقوا وقيطعة شديدة بختى المرة اتخلعت بموت راجلها الثانية تقول ليها لا عى اصلها حاجة مدينة بتاعت تقليعات الغريب الحاجة ساكتة والمدهش النسوان وقفوا البكاء واخيرا نطقت مرة المرحوم هوووى يا نسوان انا ما على حبس حاج مهدى دة مطلقنى
| |
|
|
|
|
|
|
Re: حفل ....طلاق؟؟؟ (Re: اناهيد كمال)
|
وبدا همس معقولة مطلقة؟ من متين؟ وما سمعنا ليه؟ شوفو المرة الغتيتة دى؟ واحدة قالت انا سمعت حاجة مدينة دى مطلقة من زماااااااااان لا لا انا شوف عينى راجلها دة لما تلقاه فى الشارع ما بتسلم على؟ لكن فاكراها كراهية ساى و.......... و..........
| |
|
|
|
|
|
|
Re: حفل ....طلاق؟؟؟ (Re: اناهيد كمال)
|
(وبصراحة)انا حمدت الله على طلاق حاجة مدينة لانها مرة فراحية وما بتحب النكد وحواااااامة الحبس ما بتقدر عليه
----- وبالدس كدة حاج مهدى ما بشبها اصلا --- هى الله ارحمه اذكروا محاسن موتاكم
| |
|
|
|
|
|
|
Re: حفل ....طلاق؟؟؟ (Re: اناهيد كمال)
|
الحاجة قعدت فى انترى وخلفت رجل على رجل وبكت حاج مهدى-ابو وائل ومهجة- يا حليلو كان مريحنى بجيب التحويل بتاع استراليا من الصرافة هو والله رغم طلاقى لما حجيت ضبح لى ثور وبكاء راقى كدة ما مر على قريب ------- الغريب انا بكيت بكاء وصندوق مناديل ما كفانى وتميته بالثوب
| |
|
|
|
|
|
|
Re: حفل ....طلاق؟؟؟ (Re: اناهيد كمال)
|
اها قعدونى فى كرسى والحاجة ذاتها جابت لى كباية موية غسلت وشى وشربت ووعيت وخجلت عديل كدة ولما حسبتها لقيت نفسى ببكى حالى ما حاج مهدى واتذكرت مشاوير بكرة وهم الجرايد وودعت الحاجة ربنا ارحمه وانا طالعة لاحظت شبشب الحاجة
| |
|
|
|
|
|
|
Re: حفل ....طلاق؟؟؟ (Re: اناهيد كمال)
|
عموما حاجة مدينة دخلت فى البوست دة صدفة اصلا حبيت اتكلم عن حالات الطلاق التى تفرح احد الاطراف حتى يلجا للاحتفال تخلصا من الاخر وكثرت الظاهرة فى الخليج والسودان واول امراة تحتفل بل تقيم حفلا ساهرا بمناسبة الطلاق كان فى بداية السبعينات وهى ممثلة سودانية معروفة
| |
|
|
|
|
|
|
Re: حفل ....طلاق؟؟؟ (Re: اناهيد كمال)
|
وفى دراسة اجرتها طالبة جامعية عن الطلاق واثاره النفسية تبين ان 76فى المية فرحن واحتفلن سرا او علانية بالطلاق واغلب النساء فى اعمار 25-45 --------- وزى ما قال قرشو كثير من النساء السودانيات زغردوا للطلاق ----- ويا ندوية هاك البوست دة وافيدينا
| |
|
|
|
|
|
|
Re: حفل ....طلاق؟؟؟ (Re: اناهيد كمال)
|
الاستاذة اناهيد
هو ابغض الحلال
بدأت ظاهرة الطلاق تنتشر في السودان في السبعينات والثمانينات واستعرت بعد 30 يونيو واسباب الطلاق الرئيسة هي العامل الاقتصادي . واعلم جيدا ان احرص الناس على بيوتهن هن الزوجات ( تلوك القرضة) ولكن ان تصل لمرحلة الابتهاج بالطلاق فهذا د ليل على ان هناك اعوجاج بالمجتمع وكما ذكرت تعتبر الحالة الاقتصادية السيئة هي المحرض الاول للشجار اعائلي وتنكيد الحياة ومن ثم الانتهاء بالطلاق . ولعبت حكومة العسكريين الثانية والثالثة دورا كبيرا في تهديد الحياة الاجتماعية لساكني السودان وذلك بخنقها للوظائف لولي القربى و قتل اسباب الانتاج والتكسب لعامة الناس فضعفت القوة الشرائية لدة افراد المجتمع وسدت جميع السبل امام الناس للتكسب الا عن طريق 1- ان تكون مواليا وتحظى بكل ما هو طيب حلالا ام حراما 2- تسافر ( وفي السفر مخاطر ايا كانت وجهته اغتراب او هجرة) 3- تدخل في عمليات الاقتصاد المشبوه
لذا نج ان السواد الاعظم من الرجال دخلوا دائرة الاحباط واصبح وجودهم مع المراة هم جديد يضاف لاعباء المرأة مع العباء الاطفال والمعيشة ولان الطلاق ليس حل ولكنه حالة اقتضتها ظروف ادارة البلاد بأسوا انواع الادارات لذا المعالجة تكمن في اجتثاث السوء واقامة نظام يعمل على فتح منافذ استغلال الموارد البشرية والطبيعية وفتح الباب للتكسب لكل افراد المجتمع وبدرية بالغت
| |
|
|
|
|
|
|
|