سـلام يا الفاروق، يا زول وحسب ما بلغني من مصادر مطلعة وموثوقة، أب شنب دا وكت الله يهديه لا فاضي لي حيدر بورتسودان، ولا لي ياسر زااتو.. بالمناسبة ولأنك زول (زواق)*: بتعرف ياسر بورسودان؟، لو ما سمعتو ممكن أجيب ليك نموذج هنا، وعايز اسمع رايك فيهو لأنو بهمني جدا، لأنو أنا شايفو من أفضل الفنانين الموجودين منذ بدايته، إن لم يكن أفضلهم.. ومعليش لحرف مسار البوست..
*تحريف ال(زين) مقصود! تمشيا مع لغة البورد.. تحياتي لك ولعبدالسلام جلود البجضم العـود..
01-05-2010, 12:02 PM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
ياسر إبراهيم الشهير بياسر بورتسودان؟؟ يا سلااااام ياخ هو إنت قايل أغنية حبيت عشانك كسلا دي نحن حبيناها لي شنو وحببنا فيها منو غير ياسر بورتسودان ده.. ده عندو صوت عجيب وغريب.. ياسر بورتسودان فنان فنان فناااان أنيق مهذب بيغني عشان بيحب الغنا ملتزم في طرحه الفني.. اختفى من الساحة وبقا يظهر ظهور خجول جدا حسب المناسبات.. استمتعت الفترة الفاتت بي طريقة البيغني بيها أغنية يا رشا يا كحيل.. اها عليك الله ما طلعت زواااااغ ؟
01-05-2010, 11:15 AM
عاطف عمر
عاطف عمر
تاريخ التسجيل: 11-26-2004
مجموع المشاركات: 11152
إحدي رائدات التعليم في رفاعة ذهبت للبنك لتصرف شيكاً باسمها بتلقائية ناولها موظف البنك ( البصامة ) كى تبصم نظرت إليه بقوة وتحدي وأردفت " أنا بوقع ما ببصم " أراد تلطيف الجو ، سألها " إنت من وين يا أستاذة ؟؟ " أجابته بنفس نظرة التحدي من رفاعة أجابها مواصلاً محاولته تلطيف الجو " والله كان مفروض أخمن كدا براى ، ما أصلهم بنات رفاعة مشهورات بالجمال قاطعته ومشهورات بالذكاء أيضاً
__________________
الفاروق
والله كان ما أخاف الكضب الزول دا ( بديك الملامح ) إنت زااااتك
01-05-2010, 11:22 AM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
عاطف يا عمر: والله لم تأثرني ولم تشدني سوى هذه الرفاعة .. ياخ والله مشيت ليهم بي نظام انا ود الخرطوم يا زولاستحميت و لبست ليك البرمودة وانطلقت ليك في شوارع رفاعة طالبا اثر قلوب الجكسي( مااا ود الخرتوووم وكده ) . والله يا عاطف ولااا في زول قال لي تلت التلاتة كم ولاااا زول سأل فيني زاتو ..ياخ لممممن ارتحت ليك في كنكوجي.. تصدق يا عاطف مرا عمرها 90 سنة اتونست معاي بي الانجليزي والله انا غير يس ونو ما عرفت اقول ليها اي شي.. تخريمة : قووووول الصلعة شككتك إنو ده انا اها عاد شنب قدر ده اجيبو من وين ؟والله الا تعملوا لي شيرنق..
01-05-2010, 12:09 PM
محمد عبد الماجد الصايم
محمد عبد الماجد الصايم
تاريخ التسجيل: 10-16-2005
مجموع المشاركات: 35312
سلام لك ولحبيبنا صلاح من انبل واجمل الناس لو سمعت الفراش الحائر يا عمر من صلاح حتعيش في راس نعامة (دي لغة الديم) وكنكوجك سوف ينعدل حاله امهر عازف للعود واحلي زول وسلام للعمدة
01-05-2010, 12:55 PM
محمد عبد الماجد الصايم
محمد عبد الماجد الصايم
تاريخ التسجيل: 10-16-2005
مجموع المشاركات: 35312
Fasting son : اها دي والله لا مسنجر ولا اس ام اس ولا كتلوج ولا خريطة الكنز بيفهمك ليها :)
Quote: الشنب خليهو الصلعة اللابسة نضارات دي شنو؟
والله التلبس ما فوووكا حاجة إلا هو كمان بالغ دي ما نضارات للصلعة دي ده مفروض يلبسا نضارات كيلبسو بتاع عالم البحار داك وارييييتو بعد ده تنستر وتقدر تشوف .. والله صلعتو دي الا لييزك حتى يحلها
الفاروق.. ياخوي أنا أم بي سي ما بعرفا لا تو لا فور لأنهن ببساطة ما عندي.. لكن بوستك دا إنحرف، وتاني لا إنحراف معياري ولا جذر جتا تربيع سين ما برجعو.. عشان كدة خلينا نواصل، مع (الإعتزار) على قول ناس البورد..
Quote: ياسر بورتسودان ده.. ده عندو صوت عجيب وغريب.. ياسر بورتسودان فنان فنان فناااان أنيق مهذب بيغني عشان بيحب الغنا ملتزم في طرحه الفني.. اختفى من الساحة وبقا يظهر ظهور خجول جدا حسب المناسبات.. استمتعت الفترة الفاتت بي طريقة البيغني بيها أغنية يا رشا يا كحيل.. اها عليك الله ما طلعت زواااااغ ؟
يا زول أنا عارفك زوااغ وممكن تزوغ من نقطة المطرة زاتو.. لكن بس أقول ليك فعلا ياسر غايب عن سوق الكاسيت أو الإعلام، لكنو موجود في الساحة، وأزعم إنو ياسر أكتر فنان شغال حفلات خاصة.. عموما دي هدية ليك وللعزيز صلاح عبدالله شخصيتاً كدة:
01-05-2010, 04:48 PM
عمران حسن صالح
عمران حسن صالح
تاريخ التسجيل: 11-26-2004
مجموع المشاركات: 10159
هو الكلام ده كللللللللللو فيني أنا؟؟ عمر الفاروق خلاص فكوك؟؟ طيب يا ( عمك تنقو ) إنت .. لامي لي أولاد الحلة ، ومتكلين تشربوا في السجاير وتسفوا في التمباك وتشاغلوا وجايب لي القنوات الفضائية معاك وشغالين لي ؟؟
طيب يا فارات ..
جلود !!! أنا ؟؟ النضارة مالكم ومالها ، دي نضارة قراية ( القُرو الينفخكم ) .. أشوف ليكم كيف يعني؟؟؟ الدنيا ليل ، وراس سنة ، وجايي من التمرين ، أجي لابس نضارة ( لحام ) يعني ؟؟.. ليزك لصلعتي أنا ، يا عمك تنقو يا شين يا أب صلعة؟؟ غايتو الليزك (بما فيه ليزك الصلعة) نخليه يجربو ودالصايم (الحلو) ده أول ( متعودة)
يا تنقو ، العود أتعلمناه ، والغنا غنيناه ، عشان حركات الفنانين ( وأصحابهم ) دي عشان لمن ( تعتّر ) ليك غنية ، تمسك العود براك ، تغني ليك الغنية البتعجبك ، ليك براك، وبعد تنتهي وتخت العود تصفق لنفسك براك ، ثم تثني عليها.. وتتخارج..
------------------ كلو من ناس الدوحة ديل ، شايلين حسنا ..الواحد تاني ما يجي شاقي حلتكم دي يعني واللا شنو؟؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة