|
Re: 26 ديسمبر والأستاذ الفنان عمر أحساس بوينيبغ - الصور بعد الحفل (Re: Mekki M Alhassan)
|
بعد أن أحي حفلاً ساهراً أطرب فيه سودانيو مدينة كالقري الكندية في يوم 19 ديسمبر الماضي .. حل ضيفاً عزيزاً علي مدينة وينيبغ Winnipeg عاصمة محافظة مانيتوبا Manitoba وصلت طائرته قادمة من مدينة كالقري الي مطار وينيبغ الدولي في تمام الساعة 10:49 مساءً بتوقيت المدينة ( وسط كندا وأمريكا ) وقد كان في استقباله جمع من الاخوة السودانيين وعلي مقدمتهم الأخ/ كواج ماديت رئيس الجالية .. ذهبنا جميعاً الي منزل الأخ/ نور الدين سليمان وكانت جلسة نقاش وتعارف . الأستاذ الفنان عمر إحساس يرد علي تساؤلات الحضور المتعددة والجميع فرحاً مبتهلاً يترقب ( ليلة السبت ) ..مع الاعتزار للفنان صلاح ابن البادية فالمقصود مساء 26 ديسمبر ومازال الليل طفلاً يحبوا...
| |
|
|
|
|
|
|
Re: 26 ديسمبر والأستاذ الفنان عمر أحساس بوينيبغ - الصور بعد الحفل (Re: Mekki M Alhassan)
|
الاستاذ الفنان عمر أحساس من مواليد مدينة نيالا نشأ وترعرع في حي الوادي شرق بنيالا ظهرت موهبته الفنية مبكراً بالمدينة وكان من مؤسسي فرقة مركز الشباب بنيالا مع صحبة من المبدعين أمثال الموسيقار ميكائيل الضو, أحمد باص , محمد سليمان ومحمد عثمان سوناتا, محمد يعقوب , محمد فضل , سعد الدين أبراهيم , بكري بشير, مجدي آدم, محمد ترنيم ,وآخرون. بدأ مقلدا وأشتهر بعمر الندامة لإجادته أغنية ( الندامة) للفنانالخير عثمان. ثم انضم الي فرقة جنوب دارفور الفنية مع الراحل أبوجولا والفنان المعتزل كمال حسن وكوكبة منهم: يوسف ودباب الله والفنان بكري والموسيقار حافظ عبد الرحمن مختار والموسيقار ميكائيل الضو ومحمد العشي ( أوكورديون ) وفي الايقاعات ودبركات وجمال بيز التحق في عام 1981 بمعهد الموسيقي والمسرح وفي نفس العام أجيز صوته كمطرب من قبل الإذاعة السودانية.
| |
|
|
|
|
|
|
Re: 26 ديسمبر والأستاذ الفنان عمر أحساس بوينيبغ - الصور بعد الحفل (Re: Abdalla mohamed)
|
الخليفة عبد الله كل عام وانتم بخير الاحتفالات في وينيبيغ ( فاتتك ) إن شاء الله تشارك في إحتفالات تورنتو
لكن حفلة الأستاذ/ عمر إحساس ما ..ما بتتوصف .. أجمل تعليق نقلاً عن الاخوة في كالقري أنه الفنان عمر إحساس أدفأ ليالي كندا الشتوية بتلك الروح ... ولو ما مصدقني ما في كلمة ( تلك الروح ) أمشي حفل تورنتو وأملأ ( بطاطيرك ) ... تحياتي للمعاك..
الصور قادمة - وإمكن ( فيديو ) ...
| |
|
|
|
|
|
|
Re: 26 ديسمبر والأستاذ الفنان عمر أحساس بوينيبغ - الصور بعد الحفل (Re: Mekki M Alhassan)
|
مكي.. حبابك يا صديق كل سنة و انت طيب..و هبي نيو اٍير..
معليش ليك..و لناس ونيبك.. شلنا حالكم هناك في بوست ناس ادمنتون..و قلنا لا حس لا خبر.. لكن العتب على النظر.. دوبك حتى الواحد شاف الخيط ده.. ياخي اعراض شيخوخة و حاجات تانية حامياني كمان..
التحية لناس وينبك..و عبرك سلام للأصدقاء.. مولانا مديت.. ابراهام.. طارق محمد عثمان.. ثويبة.. دكتور عمار..حماد الصالح.. و اخونا الرايح على جميل.. و الأستاذ البرنس..
يا بكري الخليفة.. دوامة الهبوب العصار الفي الناصية لسع قاعدة ولا شافوا ليها صرفة؟..ياخي دي هبوب تشيل الزول و عربيتو..!!
و منتظرين نشوف الصور و الفيديو..
كتر خيرك يا مكي..
كبر
| |
|
|
|
|
|
|
Re: 26 ديسمبر والأستاذ الفنان عمر أحساس بوينيبغ - الصور بعد الحفل (Re: Kabar)
|
الاخ كبر وعليكم السلام ورحمة الله تعالي وبركاته والتحية لك وجميع الاخوة والاخوات المعاك حيثما كنت أهالي وينيبيغ جميعهم يرسلون لكم عاطر التحايا وما فعله الاستاذ الفنان عمر إحساس لا يمكن وصفة الناس هنا (بتهني) في بعضها و(بتعزي) ..من فرح وبهجة الي حزن علي فراق ... من سألت عنهم جميعهم بخير.. مولانا مديت - كتل الحفلة - وسوف تجده في بعض من الصور لاحقاً أبراهام _ قد يكون متابع للمنبر والبوست بعد أن إستقر به المقام في السودان كارق محمد عثمان وثويبة الجلاد كانوا بالحفل - وبعد الحفل أرجو ان تشيل معهما الفاتحة في وفاة ابنة خالة ثويبة رحمها الله واليك رقم التلفون 2048886872 د.عمار جاد الكريم بخير والاسرة الكريمة تابع الصور القادمة ان شاء الله حماد صالح - في السودان - ولكن أخاه دز عبد الله كاان حضوراً ونسيبه وبعض من أسرته الاخ علي جميل وزوجته أفتقدناهم لظروف ما الاخ عبد الحميد البرنس من حاضري إدمنتون- كندا الأخ بكري الخليفة - تابع مداخلاته ( داسي الصور في جراب الحاوي ) .. أها ياعزيزي قصرنا معاك.. ووصية أخوية الاستاذ عمر إحساس بالله عليكم في محافظة ألبرتا كانت البداية فأرجو أن تكون حفل إدمنتون وعداً بإنطلاقة كندية أخري
وكل عام وأنتم بخير
| |
|
|
|
|
|
|
Re: 26 ديسمبر والأستاذ الفنان عمر أحساس بوينيبغ - الصور بعد الحفل (Re: Mekki M Alhassan)
|
الاخ بكري ابوبكر - الصور ما بتنزل ليه؟ من خلال إمكانيات المنبر العام أو من خلال رفع الصور عبر مواقع أخري؟؟ مع الإعتزار للمشاهدين .. والله العظيم الأستاذ عمر إحساس ترك لللاخ نور الدين سليمان صور علي جهاز الكمبيوتر( موجودة علي جهازي) وكثير من الاخوة لديهم صور جمعتها وموجوده علي جهاز الكمبوسر طرفنا ..( الا انه..) يا غلبتنا الحيلة يا ... المعزرة لهذا العطل الفني
| |
|
|
|
|
|
|
Re: 26 ديسمبر والأستاذ الفنان عمر أحساس بوينيبغ - الصور بعد الحفل (Re: بكرى الخليفة الكتيابى)
|
سلامات يا ميكي وكل عام وانت والاسره بخير وناس وينيبيغ تامين ولامين ومبتهجين دايما والله الكريسماس عندكم وما شاء الله الناس كلهم بخير ووينيبيغ ما زالت دافيه بي جمال ناسه وسعدته جدا اشوف كل الشباب وتحايا لي كل واحد منهم بالله طارق ونور الدين واستاذ حسن وود الخليفه واحمد فضل خاصه وكل ناس وينيبيغ الرائعين والله مشتاقين ليكم شديد وللمدينه الاولى في كندا لكن وين صاحبي الغالي علي حمو عله بخير ما شفتو في صورك دي التحايا لييه شديد ابقى عافيه وانشاء الله نلاقيكم قريب كان الله مده في العمر لك الود
| |
|
|
|
|
|
|
|