دعواتكم لزميلنا المفكر د.الباقر العفيف بالشفاء العاجل
|
|
 اشراقات في الدوري الممتاز ..منير اميده حاوروه .. فذهب هو في جهة وامبده في الجهة الاخرى !!!
|
اصبحت تعود الفنيات الى الدوري الممتاز رويدا رويدا
محاورة (ود الكرنوس) لـ (منير امبده) لاعب الهلال في مباراة هلال الجبال وهلال الخرطوم ،، يسميها اهل الرياضة (باللول اللول) .. وهي ان يحول المهاجم الكرة الى الجهة الاخرى من المدافع حال ما يتحول معها المدافع يحولها منه مرة اخرى الى الجهة المقابلة .. فيرى المتابعين رقم اللاعب تارة وشعار فريقة في مقدمة الفنية تارة اخرى ...
اها ود الكرنوس طبقها في منبر امبده كما انزلت .. وسوى ليه اللول اللول .. وخلا منير في جهة وامبده في الجهة الاخرى
|
|
  
|
|
|
|
|
|
|
 Re: اشراقات في الدوري الممتاز ..منير اميده حاوروه .. فذهب هو في جهة وامبده في الجهة الاخرى !!! (Re: يسرى معتصم)
|
تعرف يا وليد
كتير من هذه الجماليات بتنتهي بلعبة خشنة او بكورة في الآوت
بس بعد جرجرة منير امبده
الود لعب باص قون
والدعيح يتفرج
والكرة جوه الكيس
وفعلا هدف ملعوب
مبروك عليهم الفوز
بعدين بصراحة زهجنا من حكاية الانتصارات المتتالية للهلال والمريخ
وما في متعة للدوري
عشان كده كان لا بد من هذا التغيير
وعقبال المريخ
هلالابي عنده راي في منير اامبده من اول كوره لعبها مع الهلال
----
بالمناسبة في الإمارات
نهائي كاس اتصالات
بين فريق هابط للدرجة الثانية (عجمان وقد فازعلى العين) وفريق الجزيرة
نهائي كاس رئيس الدولة بين فريقين
الاثنين مرشحين للهبوط
احدهما انتصر على البطل والثانى فاز على ثاني الدوري
------
دي متعة الكورة
ان يحدث غير المتوقع
على اساس انو الكورة مدورة
او على راي الكبتن لطيف( عليه الرحمة)
الكوره مالهاش كبير
| |
|
|
|
|
|
|
|
|
|
Re: اشراقات في الدوري الممتاز ..منير اميده حاوروه .. فذهب هو في جهة وامبده في الجهة الاخرى !!! (Re: محمد عبد الماجد الصايم)
|
يا ود الصايم نحكي ليك انا برتاح لمجيك المدافين لياتو درجة
من 90 لحدي 95 في اشبال المريخ اتغلبنا مرتين فقط في دار الرياضة امدرمان .. طيلة هذه الست سنوات لم ننهزم الا من اشبال المردة 1 : صفر في دورة تنشيطية ثلاثية فيها نحن والمورده والهلال ومرة اخرى في الدوري ضد اشبال التاج وكانت نتيجتها 3:1 المهم
في كورة اشبال التاج دي نحن كنا نجضنا خلاص وبقينا عبيد كبار يشار الينا بالبنان وما سالين في اي زول الكلام ده كان سنة 94 .. لعبنا كورة التاج الشوط الاول انتهى 1: صفر لصالح التاج .. وكان عندهم مهاجم يميل للطرف اليمين هو مفتاح لعبهم .. الكوتش صلاح مشكلة اليوم داك كمل في صايد المهاجم ده كل غيارات الفريق الثلاثة ..
المهم
بين الشوطين مشكلة شاكل الباك الشمال بتاعنا وقال ليه ما قادر تمسك المهاجم ده .. وقام غيره بواحد اسمه هيثم بنلقبه بي كومن .. من اولاد الحاج يوسف .. هيثم ده كان عربي قوي جدا وللحقيقة كان لعاب وعنيف لحد بعيد ..
دخل
وفي اول ضربة ركنية قال لمهاجم التاج : حا اكسر ليك كراعك
المهاجم قال ليه : تكسر لي كراعي انا ؟؟ كويس
في كورة استلمها المهاجم مرتاج طرف على راية الكورنر واشر لي هيثم كومن بي يده ( تعال )
اها قام قلب ليك هيثم جم الكورنر زي قلبة منير امبده
ومنير سوها فيه مرتين
داك سواها في هيثم 3 مرات
اخوك كان واقف قون وكبتن لي اشبال المريخ في الكورة ديك
الجبده الاولى
الجبده التانية
الجبده التالته
اخوك مسك العراضة وقعد يضحك
هاهاهاهاهاهاهاهاهاها
عكس الكورة واخوك لسع ماسك العراضة وبضحك وحيلي مات من الضحك
توشك جابوها قون
وبعديها جابو قون تالت ونحن جبنا قون
انتهت 3: 1
اها بعد الكورة صلاح مشكلة ساب الناس كلهم واتشربك في اخوك وعملوا لي اجتماع بعد الكورة مغلق
وشبكني ليك تضحك في اخوك
انت كان فالح ما تقبضها
بعد نقة طويلة قلت ليه
ولله يا كوتش غلبني .. من ما لعبتها ما شفت لي زول حاوروه كده
عاين لي كده
وقال لي قوم يا مسخوت : والله كلامك صاح
| |
|
|
|
|
|
|
|
|
|
Re: اشراقات في الدوري الممتاز ..منير اميده حاوروه .. فذهب هو في جهة وامبده في الجهة الاخرى !!! (Re: وليد محمد المبارك)
|
ياوليد محاورة منير دي زمان بقولوا عليها قلب الطعمية
Quote:
النفطي لاعب مهول
حقيقي من اشار الى المريخ بتسجيل هذا اللاعب خدم المريخ خدمة جليلة .. هو لاعب صاحب خيال واسع
وابلغ دليل محاورته اليوم للاعب حي العرب بورتسودان ..
حقيقي المحاورة دي ما قرونا ليها وما عندنا ليها اسم ... حا نسميها خيال النفطي
|
ههههههههه
ياوليد انا علقت نفس التعليق في بوست اخر
لكن النفطي يظهر مركب مرايات
وكما تكرمت انت وكثير اقول ان كرة القدم خيال
محاورة زي دي الخصم بقول فيها احيييييييييييييييييي
ياخي حاور واحد في خط التماس ورجع به مره تانية
ولعبها تلغراف للبطه (عبد الحميد السعودي( ولم يجيد التعامل معها بالراس
تعجبني شجاعة هذا اللاعب وفنياتة العالية وضرباته الثابتة
وعدم تشجنه داخل الملعب وتارة تجدة يبتسم (حلوة تارة دي صاح )
لكن كما ن ياوليد
عجبني خيال طارق الرشيد في الهدف الاول الدخل فيكم
ههههههههههههههه
| |
|
|
|
|
|
|
|
|
|
Re: اشراقات في الدوري الممتاز ..منير اميده حاوروه .. فذهب هو في جهة وامبده في الجهة الاخرى !!! (Re: وليد عبد اللطيف)
|
| Quote: من 90 لحدي 95 في اشبال المريخ اتغلبنا مرتين فقط في دار الرياضة امدرمان .. طيلة هذه الست سنوات لم ننهزم الا من اشبال المردة 1 : صفر في دورة تنشيطية ثلاثية فيها نحن والمورده والهلال ومرة اخرى في الدوري ضد اشبال التاج وكانت نتيجتها 3:1 المهم |
ياكابتن وليد
جابو لينا واحدفي سلاح المظلات اسمو قرماهيا قالوا
من اشبال المريخ اول تمرين يازول لابس ردا وقع ليك فينا ضرب
وسواطير لمن تستغرب زعلنا زعل شديد بس تعال شوف شبكناهو ليك
مثلثات لمن هاج زيادة وصاحبك برهان تيه يضحك
اشتغلنا فيهو شغل بحري بعداك اول ما يجينا عشان يضرب
نوقف الكورة ونديها ليهو برضو برهان يضحك يازول تاني
من ديك وعيك ياخي كان عندنا في السلاح ناس تحاورك في كبريتة
لكن ياوليد قرماهيا دا لو لعب ليك مدافع معناها تمسك العراضة
وما تتحرك ..
خشن ..خشن .. خشن والله لو طقشك تقول طقشك قطر
وليد الشفت
ياخي اجمل كورة حضرتها للاشبال عام 95 م اشبال الهلال ضد المريخ في الدار
والتعادل من مصلحة المريخ يشيل الكاس والله والله الاولاد ديل ضريوا
كفر لما تستغرب وما سألين في الكبار والاجمل كمان صاحبك جنوبي لابس احمر
كامل وشايل طنبور رباها ليك رب شديدة
| |
|
|
|
|
|
|
|
|
|
Re: اشراقات في الدوري الممتاز ..منير اميده حاوروه .. فذهب هو في جهة وامبده في الجهة الاخرى !!! (Re: وليد عبد اللطيف)
|
يا ولي يا كابتن
ياسر قورماهيا زول خشن فعلا والغريبة خارج الميدان الغنماية تاكل عشان زول مهذب ومسكين لحد بعيد
ياسر تم تصعيده هو وادور وجمال عبد النصر سنة 93 للمريخ الكبير لعب في المريخ سنتين واتشطب ومشي مريخ بورسودان لحدي ما بطلها
Quote: ياخي اجمل كورة حضرتها للاشبال عام 95 م اشبال الهلال ضد المريخ في الدار
والتعادل من مصلحة المريخ يشيل الكاس والله والله الاولاد ديل ضريوا |
انتهت كم الكورة دي
بعدين والله صدقت النفطي فعلا تقول مركب مرايات
هاهاهاهاهاهااه
هاهاهاهااههاها
| |
|
|
|
|
|
|
|
|
|
Re: اشراقات في الدوري الممتاز ..منير اميده حاوروه .. فذهب هو في جهة وامبده في الجهة الاخرى !!! (Re: وليد محمد المبارك)
|
Quote:
انتهت كم الكورة دي
بعدين والله صدقت النفطي فعلا تقول مركب مرايات
|
الكورة دي ياوليد انتهت تعادل بدون اهداف
ولكن الكورة كبيرة
تعرف ياكابتن وليد( ادورد جلدو ) كان خطير وكان في المريخ اتذكر تقولون له يامعلم
ويقال اذا لم تقولوا له يامعلم لم يستقبل الباص
ياخي كان مستقبلة كبير ولكن الغرور هو الذي ضيعة من هو في الاشبال
اما ابراهومة سنة 1987م دي قبل انضمامك للمريخ
لعبنا فريق الاتحاد البحراوي درجة اولى ضد فريق الاشبال بأستاد المريخ
ابراهومة كان معصعص وفقري في الكورة ومن يومها تنبأنا له بمستقبل جيد
وفعلا استمره وظهر مع ولدنا مصطفى كومى في ايطاليا
ياوليد مبارك هل تصدق بنهاية الاشبال انتهت الكرة بالسودان
لماذا لم تطالب الاندية بعودة الاشبال
| |
|
|
|
|
|
|
|
|
|
Re: اشراقات في الدوري الممتاز ..منير اميده حاوروه .. فذهب هو في جهة وامبده في الجهة الاخرى !!! (Re: وليد محمد المبارك)
|
| Quote: فعلا ايقاف الاشبال كان من مشاكل الكورة في السودان الان |
اشبال الهلال
اولاد معني حاتم ووليد وفايز نصر الدين وياسر ابو ورقة ومعاوية حسين وكرار ابوعلى وا ابوالجاز
تعال شوف لاعبي اشبال المريخ واشبال المورده ناس برعي ومغربي والزهرة ناس الضو صبير وابراهيم
والاهلي مصطفى القون الاملاك ( الضب ) التحرير ابراهيم شولا
ياخي زمان فرق الاشبال هي الداعم للفرق على الاقل كانوا عارفين مبادي الكورة (التسليم والتسلم والتمرير )
تعال شوف الان لو عايز ليك باص إلا تقدم طلب وامكن يدوك ليهو في وشك
Quote: مصطفى كومي زول مهذب وخلوق زاملتهم في فريق الناشئين بتاع ايطاليا
زول محترم ومهذب لحد بعيد |
واكيد من اولادنا كمان سيف الفحل وحسن دولار ياخي منتخبكم ده كان خطير عديل كده
ونقد الكوتش بزل جهد كبير فيه وفي النهاية تم سرقة مجهودة
اما زمنا كانوا يودونا نعسكر في جامعة الجزيرة مدني ( النشيشيبة ) ويرجعونا الخرطوم
ويقولوا مافي قروش
| |
|
|
|
|
|
|
|
|
|
Re: اشراقات في الدوري الممتاز ..منير اميده حاوروه .. فذهب هو في جهة وامبده في الجهة الاخرى !!! (Re: أبوعبيدة محمد الأمين)
|
Quote: وليد+وليد
شبكتونا برنامج من الأمس ضيعتوا لينا البوست بتاع اللول ده
خلونا مابين أمبده والكرنوس
ولأنه في ناس كتير مستمتعة
بالنسبة للذكريات الممتعة دي
نقترح ياشفت تفتح بوست مابعد الأرشفة
إسمه مابين الأمس واليوم
ياخي اللول دي لخبطت للواحد كلامو زاتو
وتلخبط أمبده تبقيها جده
مبالغة ياكرنوس |
اخي ابوعبيدة تحياتي
يازول الكورة لما تفك بت الكلب والناس تعجز زي ماقال كابوا كلها تبقى ذكريات جميلة
ولكن تأكد بين الحديث حديث وترقيص في الثباتة وقطع رحت
عشان كده اشياء زي دي الناس بتعمل ليها شاي وقعده وجمجرة
ياخي في واحد ماعيزين نذكر الاسماء في يوم اتحاور
ضحكنا علية في المعسكر واتجمجرنا كسر كل الصحون وخلانا نبيت بدون عشاء
(وما بين امبدة والكرنوس ) قصة ماليها نهاية تحكى للاجيال القادمة
ابو عبيدة لو في جربت حتى دافوري الحلة بس
بتجد اشياء مضحكة في كرة القدم
| Quote: تلخبط أمبده تبقيها جده |
ابوعبيدة كمان لو عايز تشوف محاورة جده
تعال اليوم الساعة 10 مساء
ودا تلفوني 0557456728
واكيد بتستمتع معانا وبنجهز ليك العده ماتخاف
------------------------------
كابتن وليد الباقي على التلفون على شان خطر حبيبنا ابوعبيدة ( لكن ياوليد المحاورة بالمرايات هي الممتعة )
| |
|
|
|
|
|
|
|
|
|
Re: اشراقات في الدوري الممتاز ..منير اميده حاوروه .. فذهب هو في جهة وامبده في الجهة الاخرى !!! (Re: وليد عبد اللطيف)
|
وليد عبداللطيف
حديثك الشيق يجعلني أعيد طلبي لك وللأخ وليد محمد المبارك بفتح بوست من الأمس مابعد الأرشفة
في جدة كنت أشرف على النشاط الرياضي بالقنصلية السودانية لفترة من الزمن
استمعت بصحبة الكباتن فيصل كوري ومحمود أحمد عبدالقادر (محمود بدر) حيث أشجياني
بصدى أيام عز الكرة السودانية
وشاهدت النجم الكبير عثمان بوكو ومحاوراته العجيبة (ياخي ده برقص لولية الحبشية ذاتا)
واستضفنا النجم الخلوق طارق أحمد آدم
وزاملنا عصمت الإمتداد عصام الدحيش وباكمبا
وربما أعود ببوست منفصل عن هذه الحقبة المميزة
لكن محاورة في جدة أم جداد دي تاني إلا من وراء سلك بس
| |
|
|
|
|
|
|
|
|
|
Re: اشراقات في الدوري الممتاز ..منير اميده حاوروه .. فذهب هو في جهة وامبده في الجهة الاخرى !!! (Re: وليد محمد المبارك)
|
Quote:
يا ولي منتخب الناشئين بتاع ايطاليا في المعسكر الاخير في قصر الصداقة كان في 21 لاعب
11 منهم من بحري
متذكر منهم هسع
حسن القون الاتحاد
حسن دولار الصبابي
عصام على الريح حلة حمد
مصطفى كومي الشعبية
سيف الفحل الشعبية
بدر الدين السهم
محمد حمدان اشبال الاتحاد |
كابتن وليد
فعلا كل هؤلا من اولاد بحري ياخي ديل دفعت ياخي الناس دي لسه جارية لكن سيف الفحل كرش قدر الليلة وبكرة
سؤال ياوليد : هل اول من قام بتكوين الفريق وتجميع اللاعبين المدرب (محمد حسن نقد )
وهل لك علم بأن تمت المؤامرة علية ختى تم ابعادة عن الفريق (ماسة الايطالية )
تعريجة
حسن الاتحاد القون ود ممتاز ولكن احيانا تدخل به اهداف ساهلة جدا
| |
|
|
|
|
|
|
|
|
|
Re: اشراقات في الدوري الممتاز ..منير اميده حاوروه .. فذهب هو في جهة وامبده في الجهة الاخرى !!! (Re: وليد عبد اللطيف)
|
Quote:
في جدة كنت أشرف على النشاط الرياضي بالقنصلية السودانية لفترة من الزمن
استمعت بصحبة الكباتن فيصل كوري ومحمود أحمد عبدالقادر (محمود بدر) حيث أشجياني
بصدى أيام عز الكرة السودانية
وشاهدت النجم الكبير عثمان بوكو ومحاوراته العجيبة (ياخي ده برقص لولية الحبشية ذاتا)
واستضفنا النجم الخلوق طارق أحمد آدم
وزاملنا عصمت الإمتداد عصام الدحيش وباكمبا
وربما أعود ببوست منفصل عن هذه الحقبة المميزة
لكن محاورة في جدة أم جداد دي تاني إلا من وراء سلك بس |
من المؤسف اخي ابوعبيدة
نحن كسودانيين بدري علينا التطور والعمل الجماعي الجاد الذي يخدم سمعتنا ول كسودانيين
والشلليات والتناحر والقتال في اشياء لاتخدم وجه الرياضة المشرق
وكما تعلم الان النشاط واقف اظن لاكثر من ثلاثة سنوات
ومن خلال التجمع الرياضي الناس ممكن تعمل الكثير وكثير
واولاد نا الصغار مشتتين بين الازقة والحواري لوقوف النشاط الرياضي
والناس مقسمة الى اجنحة وماعايزين يتفقوا
لان الشعب السوداني ادمن عملية عدم الاتفاق
وعن نفسي مبتعد تماما عن نشاط الجالية
وعلاقاتي مع الاخوان عصمت وباكمبا لم تنقطع والان الاخ عصمت الامتداد في المدينة المنورة
والفيلسوف باكمبا بالرياض وعند حضور اي لاعب من السودان نحن بطريقتنا الخاصة
نقوم باستضافتة وعمل تكريم له ..
وعبرك تحياتي للاخ فيصل كوري والاستاذ ماجد لاعب المريخ السابق
وذكريات جميلة لم تنسى معهم بلمعب الخارجية
-----------------------
تحياتي لكل الزوار
| |
|
|
|
|
|
|
|
|
|
Re: اشراقات في الدوري الممتاز ..منير اميده حاوروه .. فذهب هو في جهة وامبده في الجهة الاخرى !!! (Re: وليد عبد اللطيف)
|
الكلام ده خارج البوست يامشاهدين:
ياوليد:ما أشرت إليه هو النشاط الرياضي داخل القنصلية فقط حيث كنت أعمل
أما صلتي بالنشاط الرياضي للجالية فقد كانت فاترة أو معدومة
إذ تم إختياري في العام 1995 لأكون ممثلاً للقنصلية في اللجنة الرياضية
حضرت أول إجتماع ورجعت للسيد نائب القنصل العام المشرف على النشاط الرياضي حينها/محمد البلة عثمان (ودخالة الراحل شيخ إدريس كباشي)
(صدفة غريبة) كانت تضم حينها حام سرالختم، يسن مصطفى بلال، الحكم الدولي أحمد الديب، عبدالله محمد الحسن، سلامة الديب، سامي جمعة، أمير كباشي، طيفور الأمين، عباس (الموج الأزرق) ومعذرة لمن فاتني ذكرهم. المهم رجعت للأخ محمد البلة والأخ عمر الأمين عبدالله، قلت ليهم ياجماعة أنا والله الناس ديل مابقدر أتماشى
معاهم لكن بجيب ليكم زول قادر على وضع بصمة في مسيرة اللجنة الرياضية ألا وهو أستاذي الفاضل(محمد عوض سليمان - الذي له إسهامات تاريخيه في إتحاد منطقة الحصاحيصا ورفاعة وأسس إتحاد الجنيد) وقد كان.
| |
|
|
|
|
|
|
|
|
|
Re: اشراقات في الدوري الممتاز ..منير اميده حاوروه .. فذهب هو في جهة وامبده في الجهة الاخرى !!! (Re: وليد عبد اللطيف)
|
مرحب ولي
Quote: سؤال ياوليد : هل اول من قام بتكوين الفريق وتجميع اللاعبين المدرب (محمد حسن نقد )
وهل لك علم بأن تمت المؤامرة علية ختى تم ابعادة عن الفريق (ماسة الايطالية ) |
ما حضرت تكوين الفريق من الاول يا وليد انا ومحمد حمدان اخر وافدين على الفريق كنت حينها العب في روابط الناشئين بالثورة شرق سجلت لاشبال لمريخ من داخل معسكر قصر الصداقة وقد اضرونا بعد ان خرج من الفريق
طارق ابو القاسم(اشبال المريخ )
حضرة (اشبال المورده )
خالد احمد كامل حموري ( اشبال لمريخ )
كافي ( مريخ الابيض )
خالد حلبي ( النيل )
المهم من احاديث الاعبين القداما والذين حضروا تكون الفريق من اوله واستمروا معه حتى لنهاية هم
عادل ادم ( البرنس )
عاكف عطاء ( اشبال الهلال )
مصطفى ادم ( هلال الدويم
التاج ود ابليس ( اشبال العباسية )
اسامه ( روابط الخرطوم )
حسن مالك ( روابط الصحافة )
حسن دولار ( الصبابي )
قالوا نعم ان تكوين الفريق في الاول كان فيه الكوتش نقد مدرب اساسي والكوتش المرحوم عبد العزيز سلمان مساعد مدرب
نقد تم ابعاده في مراحل متقدمه حسب ما سمعت بعد المرحلة الاولى في يوغندا
بعد مرحلة يوغندا كانت مرحلة زامبيا والتي ظهر فيها
ابراهيم حسين الحسين ابراهومة ( المريخ )
عبد الوهاب استوكي وهبة ( البرنس)
صلاح صارقيلة ( اظنه البرنس )
عصام على الريح ( حلة حمد )
انور ادم ( اشبال الهلال )
عقيد ( اشبال الهلال )
ثم بعديها مرحلة مصر واضيف فيها
مصطفى كومي (الشعبية)
نميري احمد سعيد( هلال الحصاحيصا )
| |
|
|
|
|
|
|
|
|
|
Re: اشراقات في الدوري الممتاز ..منير اميده حاوروه .. فذهب هو في جهة وامبده في الجهة الاخرى !!! (Re: وليد محمد المبارك)
|
وليد المبارك
ياخي الاسماء التي ذكرتها كان ممكن تكون نواه للفريق القومي الاول
او كان الناس تستفيد من نفس المنهج وتسير على نفس الطريق
ومن المؤسف تم فرتيق هذا الفريق من قبل هلال مريخ
وكان للان ممكن بتعاقب الاجيال يكون عندنا منتخب قوي
حتى بنهايتهم ما استفادو منهم كمدربين
اها زي ماشايف ابراهومة مدرب تعبان
خالد مدرب تعبان
مصطفى كومي مشى المجر
نميري احمد سعيد عمل مصنع طحنية وماعارف مصيروا شنو
ووليد المبارك اصبح ساكي الانتخابات (ههههه)
بس ياريت كان الناس تستفيد منهم في نفس المجال
| Quote: خالد حلبي ( النيل ) |
هذا الشاب ياوليد بعد ان ترك فريق النيل ذهب قطر والان مدرب كبير
يعني لوعندك ولد ممتاز بدل وما تدفنوا في السودان رسلوا هناك ليهو
ابوعبيدة
ياخي قصة الحزاء دي ذكرتني ( محمد طه ) مهاجم المريخ السابق
بيحكي لي (على الكوارتي )
قال : الوقت داك محمد طه في الرابطة ومشينا ليهو عشان نسجلوا لفريق الرابطة ام درمان درجة ثالثة
وقلنا له ارح نشتري ليك كداره
قال : لا انا ماعايزها عشان ان بلعب حفيان وما بقدر العب بيها
وبعد كل هذا موسمين ولعب لاحد فرق القمة (المريخ )
واذكر كمان
هيثم السعودي طول فترة لعبة بنادي الامير البحراوي
كان يلعب بباتا ولايرتدي كدارة
| |
|
|
|
|
|
|
|
|
|
Re: اشراقات في الدوري الممتاز ..منير اميده حاوروه .. فذهب هو في جهة وامبده في الجهة الاخرى !!! (Re: وليد عبد اللطيف)
|
عارف يا وليد
بعد كاس العالم تم تجميعنا تاني كفريق قومي وترقيتنا للشباب حاجة كده زي سنة .. كان في اخبار بتقول انه في وكيل لاعبين جا عشان خمسة لاعبين عاوزهم للدوري الايطالي وهم تحديدا ( عاكف عطاء - عادل ادم - خالد احمد المصطفى - عصام على الريح - كومي ) ... بتذكر في اجتماع داخل وزارة الياضة نائل ايدام جاب سيرة الكلام ده عرضا وقال ما حا نفك اي لاعب للاحتراف الخارجي وحا نخليهم نواه للفريق القومي وحا نحتفظ بالفريق ده كما هو في معسكر مفتوح
وطلع كلام ساكت
اتخاتفونا هلال مريخ زي ما قلت وبعد شوية اتفرتقنا
خالد حلبي انا ما عاصرته انا جيت بعده
لكن قالو كان زول لعاب وظريف لح بعيد
حتى يقال انه كن روح المنتخب وفاكهته
| |
|
|
|
|
|
|
|
|
|
Re: اشراقات في الدوري الممتاز ..منير اميده حاوروه .. فذهب هو في جهة وامبده في الجهة الاخرى !!! (Re: أبوعبيدة محمد الأمين)
|
Quote: وليد المبارك
يازول والله تحمد ربك صباح وعشية
ياخي مهما أقول ماممكن تتصور الناس دي أوضاعها بقت كيف
حتى في واحد من منتخب ماسا ده ذاتو جاء اتلطش في جده للطيش
وواحد تاني شغال هسع اظنه في شقق مفروشة في الرياض |
ابوعبيدة كلامك سليم
يستحيل الكورة في السودان تكون مستقبل للاعب ممكن يكرث جهده لها
وزي ماقال ليك ابوعبيدة ياوليد مفروض كمان تسلم ابدك قلبة وعدلة
ونفس النمازج الذكرها اخونا ابوعبيدة والله تحزن
والواحد لايرضى لهم هذا الوضع
يفترض الاجيال القادمة تعمل على تأمين نفسها
ويتعاملوا بطريقة احترافية ممكن الناس تفتح لها مكاتب
يا ابوعبيدة دا موضوع كبير والكلام فية كثيرا جدا
وشكل كرة القدم عندنا
ابسط شيء اختلافك مع اي اداري ممكن مستقبلك الكروي يضيع بسببه
او ممكن يجيك واحد زي (نايل ايدام ) ويوقف التسجيلات
اما المدربين دي قصة تانية
وتأمين على كلامك يا ابوعبيدة ووليد
كل اجازة بتحرك من بحري وبتمرن كل يوم ثلاثاء
مع النجوم الدولين عشان الواحد منها يسلم عليهم وشوف الاخبار
وصراحة في ناس اوضاعهم صعبة جدا
| Quote: حتى في واحد من منتخب ماسا ده ذاتو جاء اتلطش في جده للطيش |
صراحة حاجة تزعل وبدون ذكر الاسماء
ديل شباب يفترض يعاملوا كرموز وطنية لانهم دافعوا عن علم البلاد
وعزف لهم النشيد الوطني فرتقوهم وابسط شيء لم يؤمن لهم
----------------
ابوعبيدة موضوع تأمين مستقبل الرياضيين ده بوست جاهز ليكم انت ووليد الشفت(موضوع كبير ومليان كلام )
| |
|
|
|
|
|
|
| |
وليد محمد المبارك
حبيب نورة
محمد البشرى الخضر
يسرى معتصم
الصادق خليفة
محمد عبد الماجد الصايم
محمد عبدالرحمن
المكاشفي الخضر الطاهر
وليد عبد اللطيف
أبوعبيدة محمد الأمين
khaleel
فيس بوك
تويتر
انستقرام
يوتيوب
بنتيريست