|
|
|
آ ناس خلونا أندوبي ،،،
|
|
 Re: آ ناس خلونا أندوبي ،،، (Re: محمد على طه الملك)
|
ومرحب بى مولانا الملك والنمة الجاية هدية ليك. أبو العويلة قال: إنقلع الموتد واتوتد المقلوع** بيت المال فقر واستغنى بيت الجوع** الزول القبيل الجدو مو متبوع** بقيت أنضم معاهو كلامي مو مسموع!! بالله يا مولانا دا مو الشي الحاصل في البلد. بعدين كان ترجمنا ما بنخرب النمة؟.
| |
   
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
 Re: آ ناس خلونا أندوبي ،،، (Re: Balla Musa)
|
يوسق البدرى قال
يا يوسف أخوى قمت الصبح لأصلى
لاقانى العجب من تانى دور متدلى
بريبة عسيب ديسك سدر متدلى
فله وشايله فله وفى قلوبنا تفلى
وعمر ود محمد ود حسن ودالبدرى قال
أغريها السلام يا خلى وحيات دينك
وحيات الوداد الباقى بينى وبينك
أجلس بى احترام خلى الحواجز بينك
وأوعى يطير سهم من عينا يقلع عينك
سلام يا أبو السعود أبوابك مغلقه بالضبه
منصور
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: Balla Musa)
|
أريتك زين يا ود موسى، أرجاني برجعلك، لكن دحين فسر لى مولانا الملك كلام المهجراوي إدريس ود القوز القال فيهو: مما قم سغير ما شل قلم لى كتابه**وقاعد فوق دواديب السدوهن غابه**إلموا الجماعه وجات هبوب وسحابه** إتقسى الطلق للقلبو فيهو رزابه..... دواديب:جمع دوداب وهو الطريق الوعر. سدوهن: السدو هو السرب المتتابع من ظباء وإبل وغيرها. الطلق:نهب الإبل.رزابه:خوف. دحين يا بلة ياود موسى بغلبك تشرح لى مولانا.
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: Asaad Alabbasi)
|
شـكرا لصاحب البوست فقد هيـج الذكـري الاشـجان
وهـاكم دي فـي البنـوت
بكـيرة دنقـلا البالبلح كالفـنك
الحـور فـي البحـر بـجري عـلي ضـي سـنك
سمـعانين بالعيـا والمـولي يرفـع مـنك
يـا الجنـنتي الرجـال حتـي الحريـم عشـقنك
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: أبوالحسن محمد نور)
|
أبوالحسن أخوي بعد السلام بقولك أنحنا راجنك لى الهجعة بى سكاكينا راعفة وبنا مدقوق وشايا مبهر وسمنا مخشوش وعيشا مدروش ودوبايا سمح زي قول الصادق ود أب كتف لمن قال في الشكر : جاموس لجة الوعر الكدادو مقرن**وجك منو حادمات الأسوده يترن**شرفنلو البنات شهقن حلوقن غرن**إت بتشيلا قلايلا جره ما بنجرن..... كدادو:الكداد شجر بعينه. وجك: بتشديد الجيم أي وجهك. حادمات الأسودة: يريد الأسود الحاضنة لأشبالها وهي شرسة. شرفن: تطلعن مشرئبات إشارة إلى جمال طلعة ممدوحه وشهرته. حلوقن غرن:يقال فلان غر حلقه للبن إذا اشتهاه. قلايلا: يعني أحمالا هي حاجات الناس.
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: Asaad Alabbasi)
|
وين النمة يا العباسي**بعد ما راسنا اتقشط هموم ومآسي**من فرق الرباعه أهل قسايا وناسي**يلطف بيا من ختم الكتاب بالناس... بلة موسى ______________مايهمك بلة اخوي من هادي مآسي**أكتلا بالنميم واطرب بالكلام الراسي**ربعتك ربعتي واهلك ضرايا وناسي**ليمن ليك قريب حكمة من مجنونكم العباسي...!!___أسعد الطيب العباسي.
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: أبوالحسن محمد نور)
|
اللحانى من الدوف وشيب راسى
سجع القمرى واللون خمرى والذوق ماسى
الزول السمح يا اسعد العباسى
ليهو دلقت مسدارى وغناى واحساسى
اللحاك عقب تناها شتت باسى
والكان أمرو هين سوا كلو قواسى
السجع الشفتو داك حاليهو دافن داسى
واللهج البعشرق والطعم أنناسى
منصور
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: emad altaib)
|
دخلوها وصقيرا حام ده ما عماد الطيب يا منصور المفتاح أها ماشفت الجنون ديل شن بسووا ناس أبوالحسن وود موسى أنا والله شايفلي كترابتن شينة دحين هاكم الساروخ ده. أنا كان عندي والي ولا صاحبي صليح**كان جنزرني ما دام قلبي ماهو نصيح** بقيت في صلاتي بزكر هواها واصيح**أنم في الركعتين والباقي اتمو نويح.........!! ده مو كلامي ده كلام بشرى ود البطانة.
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: Asaad Alabbasi)
|
البرق البشيل عبادي وينو سماهو؟
وين ضُل غيمو للبهم القرن فوق ماهو؟
دى بت حلق الأرض من مويتو من مرعاهو
ضربنا الصي وِدِرنا وما عِرِفنا تخاههو
دغاي البِهيم الفي المجاعة رِبايتو
مِتِل دغاي حشاك الفوتوهو رُباطو
مطُر يا كريم صبّح للقعوي غوغايتو
بعد دِى الحالة اشوف فوق الجبل توتايتو...
ســـــــــــــــــــــلام يا ناس...
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: معاوية المدير)
|
أ ناس حرم الشبكة دخلا عجل . معاوية المدير بى زات نفسو جانا، إكرام الضيف واجب علينا ولا مو كدي يا أبوالحسن ويا ود موسى المدير جانا من المغرب الليلت فاس الما وراها ناس دحين خلوني النضبحلو بهيمة سمينة من مراح عمكم طه ود الضرير: بعد ما بقيت كبيرا جق ونايبي اتلولب**عقبان ساقي لى فرقان مهالك دولب**الدرعا التجادع بى المهيوي الهولب**أوجد مخي من نيران غرامها مقولب... أها ما قمنا بى واجب الضيافة؟!
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: Asaad Alabbasi)
|
هييييع..
الفحول ترسو درب النم..
اجدعوا يا عيال ..
لا تهموا نفهم شي ونجدع شي..
..
نوبيون عرب بيناتنا مو فرزه
في النوبات رجال أسيافنا بى غرزه
عيلنا التلب وكتين نحاس رزّ
اتحزم وقف ختف النصل هزه
كورك آ عيال دفر الخلوق لزه
في الحوبه أم عفار دفر الصفوف بزّ
شق الويل عديييل في لهيبه انغزّ
اندردقت الرؤوس ورقابها منجزه
..
اها يا ود العباسي أنفع أنافس?
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: عمر ادريس محمد)
|
Quote: اللحاك عقب تناها شتت باسى
والكان أمرو هين سوا كلو قواسى
السجع الشفتو داك حاليهو دافن داسى
واللهج البعشرق والطعم أنناسى |
بعد ماكت مهود وقلبى قايل ناسى
يامنصور بهرنى ولحظو ليا يواسى
شوح روحى فوق جمرو ونقر اجراسى
عاودنى الوحيح والنوح وزاد وسواسى
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: أبوالحسن محمد نور)
|
| Quote: عاودنى الوحيح والنوح وزاد وسواسى |
ياود بله وسواسك دحين مو قاسي
درب الريل ضهب خلبط مزاجي و راسي
كان شفت اللحاظ وكسن قليبي الحاسي
ضحكات وجنتن خلني ابرك جاسي
يامنصور ويا ود نور والعباسي
اندهو لي فقير يقرالي سورة الناس
وان صعب الامر شوفولي شيخ كدباسي
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: أبوالحسن محمد نور)
|
بعد ماكت مهود وقلبى قايل ناسى
يامنصور بهرنى ولحظو ليا يواسى
شوح روحى فوق جمرو ونقر اجراسى
عاودنى الوحيح والنوح وزاد وسواسى
أمسك فى الكريم الديمه طاعم وكاسى
ولحظ العين كعب كهربتو عالية ماسى
يا ود موسى أخوى فى الحضره أبقى سياسى
جيب ورد الكلام كان فاسى أو مكناسى
منصور
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: معاوية المدير)
|
Quote: أمسك فى الكريم الديمه طاعم وكاسى
ولحظ العين كعب كهربتو عالية ماسى
يا ود موسى أخوى فى الحضره أبقى سياسى
جيب ورد الكلام كان فاسى أو مكناسى |
ورد الكلام مو قاسى
النعمنو مجرود بى الجمالو اساسى
وارد نيلنا وزنو مغلب الرواسى
اصبح منو حوض عينى المسرف حاسى
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: Balla Musa)
|
Quote: أمسك فى الكريم الديمه طاعم وكاسى
ولحظ العين كعب كهربتو عالية ماسى
يا ود موسى أخوى فى الحضره أبقى سياسى
جيب ورد الكلام كان فاسى أو مكناسى |
شغل الحضره دروش بى ووهدب راسى
وقلت اسوى وردن فيهو يغلق ساسى
صحح حرفى يامنصور وتم كراسى
خلينى النصبح بالقوافى واماسى
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: Balla Musa)
|
يا سلام عليك يا ود موسى وات بتزين بروفايلك بى صورة الدكتورة ناهد محمد الحسن. ما بهمها الجوع ما بهمها السلطان**ما بهمها السجن ما بهمها البمبان**طبيبة ناجحه وبتعالج العيان**شجاعه قاصعه وما بهمها النيران**شان القضية ما يلفها النسيان**وشان تقلع من بطون قططا سمان**حقوقا ضايعة من زمن وازمان**دي ناهد المعدودة أحسن الحسان.
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: Asaad Alabbasi)
|
يا أبوالحسن على ذكرك لى بكيرة دنقلا أقولك عن بت خيل دنقلا الكلام القالو أحمد ود نجم الدين : بت خيل دنقلا اللماتا فوقا جماعه**ماتبعت هواها وقومزت لوباعه **آزيتي الخلوق بى نارك الولاعه**فمها مزرة اليلي البشيل لماعا......... أها شن رايك.
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: munswor almophtah)
|
مولانا ود العباسي
كيفك
Quote: ومرحب بى مولانا الملك والنمة الجاية هدية ليك. أبو العويلة قال: إنقلع الموتد واتوتد المقلوع** بيت المال فقر واستغنى بيت الجوع** الزول القبيل الجدو مو متبوع** بقيت أنضم معاهو كلامي مو مسموع!! بالله يا مولانا دا مو الشي الحاصل في البلد. بعدين كان ترجمنا ما بنخرب النمة؟.
|
الله يباركك ويديك الفي مرادك يا ود العباسي - الكلام دا بالحيل كيفني لا سيما وانو في حضرة المانجل الملك ذواق الادب في كل ضروبه -
ارجو ان تسمحوا لي بانزال حلقة كاملة مصورة بالفديو مع ريحانة مجالسنا في الدندر ابن عمنا أمحمد ود الطيب ود الضو المكنى بعينا
كانت الجلسة في قريتنا البردانة بمنزل ابن عمنا جاه ود اللمين ود شيقوق . كان لمة بالصدفة عندما كنت في اجازتي السنوية وسط الاهل وكنا نشرب في القهوة حينها جاء حاج أمحمد لتحيتي وحلفنا عليه ان يجلس معنا وبالفعل جلس وقد كان معه هذا اللقاء الذى صوره ابني الصديق الطيب مضوى شيقوق .
تسمعون في اللقاء ورود اسم مولانا امبلي (ابن عمنا) الذى كان وقتها يعمل رئيسا للجهاز القضائي لولاية سنار .
سوف يتم انزال الجلسة في شكل حلقات بنبدأ بالحلقة الاولي :-
http://www.youtube.com/watch?v=ta5yCAASJYc
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: الطيب شيقوق)
|
شكرا يا أبوالطيب على مداخلتك الفخيمة ولوأنني لم أستطع حتى الآن مشاهدة الرابط وسأعمل حالا على مشاهدته والتعليق عليه ولكني أسألك هل مولانا أمبلي هو نفسه زميلنا بجامعة القاهرة وكان يعمل أثناء دراسته موظفا بالهيئة القضائية _ يا له من عصامي _ أم أنني قد توهمت ذلك فحقيقة طال عهدي بمولانا أمبلي. على كل أهديك أخي الطيب شيقوق ما قاله غزلا الشاعر الشاب حسن الأمين المولود في أرض البطانة في قرية يقال لها الشيب، يقول: شدر الكترة أصبح ما يغني بليبو**يذكر عقلي تنكيد اليتيم ونحيبو**ظبي العنس الفتقن قعور محريبو**أبت تبقالنا تخلاتو وقلوبنا تسيبو !!
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: Asaad Alabbasi)
|
أها آناس هاكم النمة أكان تفتح عيونكم ويصحيكم من نومكم. إدريس ود مصطفى قال في الغزل: في طبع الغرام آخد سنينا عده**ما زال مني شى بل زاد جديد واشتد**ال خلاني يابس لا نزز لا كده**حسسا جوه غايس لا انفجر لا انقد!!
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: Asaad Alabbasi)
|
مراحب شيخ العرب..
هيييع..
ديل سياد الشيء ذاتو..
وسعولم يا شباب..
بعد كدي انقعد فراجة..
مخارجة..
قربوا مربط النعامة مني
فاليوم قد نويت الشراد
قربوا مربط النامة مني
فقد جاء أهل النم والدوباي من عهد عاد.
(شغلة الوشوش دي ماني خابرها).
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: Asaad Alabbasi)
|
أسعد العباسي
السلام عليكم ولضيوفك الكرام أطيب التحايا
تجدني جد حزينة لفقد الملهم بن الملهم
بل أفذاذ مواليد وادي عبقر
الشاعر / عمر طه أحمد محمد علي ودالشلهمة
المأسوف على شبابه الذي فقدناه الأسبوع الماضي
وكم كانت له صولات وجولات في مواسم الإنتخابات كهذه
ويا د.بلة موسى عجبني نمك في بوستاتك عن الإنتخابات
دكتورنا يابلة
دائرة مستقلة
أسلو حكايتي علة
العز ليس إلا
...
لما تنكشف الغمة وأنعل إبليس بعاودكم كان بقينا حيين .
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: Asaad Alabbasi)
|
شِـن دخلني دارك أسعـد العبـاسي
وشِن لماني بـي بلة البيجرح وياسي
ياود موسى طريتني ومتين كُت ناسي
هيجت المعذب مـن حبايبـي وناسي
بعـد ما قُـت نسيت الليلة شن ذكرني
وشِن طراني لي جرحي الزمان عورني
كل ما أقول شفيت مـن السنين كدرني
ينـزف مـن جديـد لا طبت لا ودرني
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: singawi)
|
دعني يا سنجاوي أعود إليك بعد أن أثبت هذا المربع الذي عبر فيه الشاعر الشاب سليمان عجيمي عن أشواق المحب بطريقة أذهبت عن نفسي ذلك الإحساس بخفوت وهج الدوباي وجمالياته في العهد الشبابي الجديد ، يقول عجيمي : الليل بوبا واتخافض نواح السقده**وحبل الريده رابط في الحناجر عقده**صقرا في القلب كل حين بياخد نقده**إسمو الشوق وما بخليك تضوقلك رقده..!
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: Asaad Alabbasi)
|
مولانا اسعد العباسي
سلام
| Quote: شكرا يا أبوالطيب على مداخلتك الفخيمة ولوأنني لم أستطع حتى الآن مشاهدة الرابط وسأعمل حالا على مشاهدته والتعليق عليه ولكني أسألك هل مولانا أمبلي هو نفسه زميلنا بجامعة القاهرة وكان يعمل أثناء دراسته موظفا بالهيئة القضائية _ يا له من عصامي _ أم أنني قد توهمت ذلك فحقيقة طال عهدي بمولانا أمبلي. على كل أهديك أخي الطيب شيقوق ما قاله غزلا الشاعر الشاب حسن الأمين المولود في أرض البطانة في قرية يقال لها الشيب، يقول: شدر الكترة أصبح ما يغني بليبو**يذكر عقلي تنكيد اليتيم ونحيبو**ظبي العنس الفتقن قعور محريبو**أبت تبقالنا تخلاتو وقلوبنا تسيبو !! |
بالحيل اخي اسعد هو مولانا امبلي بابكر ابن عمي والذى يعمل حاليا بالجهاز القضائي بود مدنى
شكرا على الابيات الجميلة والرائعة
لنا عودة
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: الطيب شيقوق)
|
الليل امسى,,,, والبل حررنه مشهين
عقبن موية والجبل اب قرود راجيهن
دا الخلانى فرض الخمسة ما مقضيهن
رزق الدنيا والمحن البصارع فيهن
ود شورانى
عباسى
النمة بقت غالية زى خرزة الماسة
وين تلقاها مع تكبيرالنويس للساسة
مجنون انا,, اشخبط فى الارض كراسة
حال البلد جاطت ,,,,والامور حساسة
ود ابقوتة
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: abuguta)
|
النمة بقت غالية زي خرزة الماسه**وين تلقاها مع تكسر النويس للساسه**مجنون أنا أشخبط في الأرض كراسه**حال البلد جاطت والأمور حساسه.. ود أبقوتة.__ ود أبقوتة يا ضو البلد ويا سيد ناسا**معاك النمة بتتلقي وبنلقى أساسا**خليك من جوطة البلد وعواسة الساسه**ونم نمك واطربنا وجوهنا عباسا...
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: الطيب شيقوق)
|
شن دخلني دارك أسعد العباسي**وشن لماني بى بله البيجرح وياسي**ويا ود موسى طريتني ومتين كت ناسي**هيجت المعذب من حبايبي وناسي=أسامة بابكر)سنجاوي(......... وانا بقولو: يا ود بابكر يا اللصلك في الكرم راسي**أدخل الدار بى سماحة نمك المتواسي**بتلقى بله الفحل البيجرح وياسي**وود موسى جبل الفهود الراسي....
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: الشامي الحبر عبدالوهاب)
|
Quote: شِـن دخلني دارك أسعـد العبـاسي
وشِن لماني بـي بلة البيجرح وياسي
ياود موسى طريتني ومتين كُت ناسي
هيجت المعذب مـن حبايبـي وناسي |
ياسنجاوى ياصاحبى الصميم الراسى
ماشفت المقششششط بالتغنج كاسى؟
قمر دورين على كفلو المهدل كاسى
بى طيب فاهو كيف كل مزاجات راسى
مشرك ليهو بى قلبى وبكاى واحساسى
وبغنى ليهو كيف (تسلانى تصبح ناسى)
موسط ليهو منصور واسعد العباسى
و ايضا ساق دلالو وصد واصبح قاسى
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: Balla Musa)
|
Quote: تجدني جد حزينة لفقد الملهم بن الملهم
بل أفذاذ مواليد وادي عبقر
الشاعر / عمر طه أحمد محمد علي ودالشلهمة
المأسوف على شبابه الذي فقدناه الأسبوع الماضي
وكم كانت له صولات وجولات في مواسم الإنتخابات كهذه |
حليل شعرا السنين الولت
حليل ناس (عقدة الليل بالشعاع انحلت)
الموت حق وسيفو على رقابنا مصلت
وروحك ياعمر فى الجنه فوق اتعلت
بشوف بى فراقو ايد النمه تب انشلت
والقافيه البتبكى دموعا للتوب بلت
بت الشيخ حزنا عليهو يمشى متلت
يارب ارعى روحو الطاهره عندك حلت
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: Balla Musa)
|
| Quote: حليل ناس (عقدة الليل بالشعاع انحلت) |
يشير الشاعر بلة موسي الي ابيات نظمها الشاعر طه ود الشلهمة والد
الفقيد عمر وفيها يقول ود الشلهمة:
نومي وصبري بلين والمعاهن قلّت
وفاقد المنو ملسوع الفؤاد وانعلّت
احسّب في النجوم الطالعة والادلّت
لامن عقدة الليل بالشعاع انحلت
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: Balla Musa)
|
ومن أجمل ما وقعت عليه في فن الرثاء الشعري في الدوبيت مربع للصادق حمد الحلال يقول فيه : يا توب العرايا الهموا من البرد**يا حوض العطيش وين الضمايا بترد**الموت يا عظيم حقا مؤجل فرض**هجيمتك تفلخ الصخرة وتهز اللرض...
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: Asaad Alabbasi)
|
يا ود موسى تـاج راسي وأمير جُلاسي
ردك ليَ دشـدش كل سِنَـج مقيـاسي
بي طيب فاهو قُت كيف مزاجات راسي
وأيضاً ساق دلالو وصد وأصبح قاسـي
يا ود موسـى مـن طبعو الغزال جفَال
مشرَك ليهـو لكـن ما بتصيدو حبـال
كـل ما أقول أبلغو شـوق قليبي الطال
ألقى سلامي كيف عاملين وكيـف الحال
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: singawi)
|
إبداع يا سنجاوي إلا ني ما مذكور! على كل أود أن أستشيرك والمتداخلين هل يجدر بي أن أثبت هنا أشعار قالها الحاردلو وأخيه عبد الله أبوسن عن إنسحاب الخليفة التعايشي بعد واقعة كرري كما أثبتها الأستاذ الدكتور أحمد إبراهيم أبوسن في كتابه تاريخ الشكرية ونماذج من شعر البطانة أم أحجم عن ذلك مع العلم أنها مربعات قاسية صيغت في قالب فكاهي؟ أنا في إنتظار ردودكم.
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: Asaad Alabbasi)
|
عوافي آآآآآناسنا هاكم دي من عكير الدامر وبنجيكم كان الله هون
سرورك ما بتم عاقباهو ديــــمة الفجعـــــــة
وظاهرك ليـــــنا سكر الا طعمك وجعـــــــة
كم طفشتي مرتــــــاح وقلبو مابي الهجعــــة
روحو تشابي وانت قطعت خـــط الرجعــــه
.....
تقابلك عروس تعشق معانــــي رقيصـــــــه
تملاك بالمحبة وتمشي نازله نقيصـــــــــــه
ما يغريك دلاله وتوب جمال بلقيســــــــــــه
عاين للقبور وبعدين سماحـــته بتقيســــــــه
...
بتقابلك جنينة تمتعك بي ثمــــــــــــــــاره
وترقد في امانا وتنهمك بعمـــــــــــــــارا
باكر تبقى ليك حنضل تشوفو دمــــــــارا
تسحب منك .... وتدق مسمـــــــــــــــاره
...
زولاً شاف رقاد العبروهو مشبــــــــــــر
والزول البرص فى الطوب ووشو مغبر
إتأكد دة بكرة مصير غير إتكبـــــــــــــر
إنسى الموت والمــــال والبنون إتبتــــــر
...
دى الغدارة دى الحقارة دى العقـــــــارة
كم قلبت زغاريد عرسه بي نقــــــــــارة
أعلِنا بالحرب قبال تشب الغـــــــــــــارة
وقبل الروح تغرغر وتبقى في الغرغارة
...
إتغشينا بي حبك لبسنــــــا عبايــــــــــــة
يا موية الرهـــــاب الما ملت كبايــــــــة
عجيب يا دنــــيا أمرك الا نحنا غبــــاية
عاشقين الجمــــال في لمعة الحربايـــــة
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: زول ساكت)
|
الحبيب أسعد العباسي
| Quote: إبداع يا سنجاوي إلا ني ما مذكور |
بالحيل مذكور بين السطور . الدار دارك ، والنم تحت شدرة مقيلك
أما بخصوص استشارتك الكريمة حول نشر أشعار الحاردلو وأخيه عبد الله أبوسن عن إنسحاب الخليفة التعايشي بعد واقعة كرري فإن كانت قاسية بالحيل في حق قامة في مقام الخليفة المجاهد الشهيد سيدي عبد الله ود تورشين التعايشي فأفضل عدم نشرها على الملأ ولكن ما تحرمنا منها ومن طلبها في الخاص [email protected] من باب العلم والإحاطة.
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: singawi)
|
الأخ سنجاوي المربعات بالفعل تقسو قسوة شديدة على الخليفة عبد الله التعايشي ونزولا على رغبتك فإنني لن أنشرها هنا إلا برضائك كما لا أجد مبررا لإرسالها لك دون الآخرين على أنه يمكنك ويمكن لغيرك الإطلاع عليها وهي تبلغ ستة مربعات بكتاب الدكتور أحمد إبراهيم أبوسن )تاريخ الشكرية ونماذج من شعر البطانة( بصفحتي مئتين وواحد وإثنين وستين الطبعة الأولى لسنة ألفين صدرت عن مطبعة التمدن الخرطوم.
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: زول ساكت)
|
أخونا عباس مرحب بيك آ زول ما لك بدور تقلب علينا المواجع بي دوبيت عكير الله يعكر مزاجك! لقد كتبت كثيرا عن عكير الدامر بحب فقد أجاد هذا الرجل كل ضروب الشعر القومي وله إعجاز شعري غير مسبوق إذ أن قافيته الشعرية تجيئ دائما بلزوم ما لا يلزم وله في باب الرثاء نظم فريد فبالله عليك أنظر إلى مربعه الذي ورد في مرثيته لصديقه إبن حلفاية الملوك أحمد ود البيه الذي قال فيه: حلفاية الملوك الليله وينو حفيدك ** ود البيه البريد الضيف قدر ما بريدك ** في كوم الرماد الليله غطسي إيدك ** أمسحي جبهتك وبالفروه أربطي جيدك ....
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
|
|
|
Re: آ ناس خلونا أندوبي ،،، (Re: Asaad Alabbasi)
|
حسنا فعلت يا اخ اسعد
فالابيات التي قيلت في حق الخليفة عبدالله
قاسية جدا ومهما يكن فقد اصبحت تلك الفترة جزءا من تاريخ السودان
والتبخيس لها ولرموزها مهما كان الخلاف معهم هو تبخيس لجزء من تاريخنا
ولكن هناك ابيات قالها الحاردلو لترئة الشيخ عمارةامام الخليف وقيلت
الابيات في حضرة الخليفة يعقوب وقالها الحاردلو وهو يجول ببصره بين الخليف
عبدالله ويعقوب وقد نجح ابوسن في تقديم مرافعة شعرية رائعة اسهمت
في النهاية في انقاذالشيخ عمارة من موت كان محققا ومن هذه الابيات يقول مخاطبا
الخليفة عبدالله:
انصارك كتار تامين عبرة الكيل
وزي نبت الربي وكتين ركوب الخيل
كان مو جور زمان وناسن نظرها قليل
شرك ام قيريدون كيفن بقبض الفيل
فكانت هذه الابيات كافية لان تضحك الخليفة عبدالله حتي تبدو نواجزه
ويعفو عن ابوسن رغم تحفظ الخليفة يعقوب
| |
|
<=====للزوار: للتعليق على هذا الخبر او المقال اضغط
رد
|
|
|
|
|Articles
|News
|مقالات
|بيانات
|
|
|
| |
Asaad Alabbasi
محمد على طه الملك
Balla Musa
munswor almophtah
Mohamed Abdelgaleel
أبوالحسن محمد نور
saif massad ali
emad altaib
معاوية المدير
عمر ادريس محمد
الطاهر ساتي
الشامي الحبر عبدالوهاب
singawi
abuguta
زول ساكت
على احمد النعيم
Hassan Makkawi
هشام المجمر
انستقرام
يوتيوب
بنتيريست