دعواتكم لزميلنا المفكر د.الباقر العفيف بالشفاء العاجل
|
|
 السخرية من عروبة السودانيين فى برنامج سعودى رمضانى(طاش ما طاش)
|
لأنى دائما ما أتهم بالتنصل من عروبتى ..سأحكى لكم ما حدث فى البرنامج.وبدون تعليق.
فى الحلقة كانوا عايزين يستنسخوا حمار ، ثم بدأوا يشككوا فيه أذا ما كان حمار عربى أصيل ولا لأ ، فعملوا مجلس لبحث الموضوع رئيسوا سودانى؟؟؟!!!!!!!
باختصار شديد الحوار كلو كان مطاعنة للسودانيين باعتبارهم عرب مضروبين ، والغريبة انو فى سودانيين هبل ممثلين دور صحفيين يسألون المجلس عن نقاء عرق الحمار .
|
|
 
|
|
|
|
|
|
|
 Re: السخرية من عروبة السودانيين فى برنامج سعودى رمضانى(طاش ما طاش) (Re: هاشم نوريت)
|
يا خوي قصدك السمرة ولا السواد
صحيح انو الاشراف ديل من اهل البيت؟؟!! وصيحيح انو هم عرب السودان من الجعلية لحدي القمر؟!!
يا جماعة انا خايفة تجي يوم ويطلع الدينكا من بني امية دا لو ما قالوا من بني كلاب لزوم البشتنة والاستخفاف وكدا
اشوف فيكم يوم يا عرب ؟!!
بس الاول لم يثبتوا ان البغل حصان هو لا حمار في الوقت داك حابقي اعرف انتو من وين واولاد منو
والله ينور علي العرب
| |
|
|
|
|
|
|
|
|
|
عروبة (Re: AMNA MUKHTAR)
|
اختي امنة ما تزعلي
لكن عروبة السودان دى قريبة كدا من السخرية
يعني مثلا في البورد دا انا في ناس شفتهم افارقة عديل كدا وزنوج اقحاح
بيدعوا العروبة
| |
|
|
|
|
|
|
|
|
|
Re: السخرية من عروبة السودانيين فى برنامج سعودى رمضانى(طاش ما طاش) (Re: AMNA MUKHTAR)
|
حين خط المجد في الارض دروبه
عزم ترهاقا وايمان العروبة
عرباً نحن حملناها ونوبة
**************
الاخت أمنة مختار
بعد التحية ,,,
عرب مخلوطه بدم الزنوج الحار ديل اهلي
وفي بلادي أذمة هوية لسه ما محسومة بين عرب وزنج
وفي العروبة مبالغات تصل للانتساب للاشرف اهل البيت
فقط كنا عربا ام افارقة أو من بلاد تركب الافيال ...
لدينا مقومات هوية خاصة بنا لو تأملناها لكفتنا ذلك البحث عن منابع العروبة
ومجاهل الافرقة ...
******************************
لك التقدير والاجلال
| |
|
|
|
|
|
|
|
|
|
Re: السخرية من عروبة السودانيين فى برنامج سعودى رمضانى(طاش ما طاش) (Re: عبد الناصر الخطيب)
|
أمنه سلامات
كويس أنك زعلتى على أهانة عروبة السودان ده براها فايده كبيره وبعدين ياصديقتى عروبتنا دى أصيله متجزره وهى مامنحه من زول وده برنامج سعودى (وهمى) وماعندو قيمه عشان يزعلنا ويشككنا فيأ أنتماءنا الأصيل جداً جداً للعروبه مش كأحد أبعاد هويتنا لكن كأطار عام للتعدد الثافى السودانى فى أطارو الغالب ....وحتى لايصيبك كثير حزن أرجعى لكتاب د.محمد عبدو بدوى تاريخ الشعر فى السودان فى كلام عن عروبة السودان جميل....
وقفه...
عروبة السودان بأى حال لاتنفى وجود ثقافات أخرى أفريقيه بجاويه نوباويه سميها كيفما شئتى لكن التاريخ بقول الحشاش يملأ شبكتو لهذا المثل سياق أكبر من كونو مثل عادى لكن عندو مضمون حضارى لم يبيد عرب السودان (الهنود الحمر) لكن بنو مسجد فى دنقلا وعملوا أتفاقية البقط كانو حاسين بالماكينزمات القوية التى تحملها حضارتهم
مع تحياتى ياأمنه وأتمنى أن تزورى قوس المغرب
| |
|
|
|
|
|
|
| |
AMNA MUKHTAR
هاشم نوريت
Albino Akoon Ibrahim Akoon
mohmmed said ahmed
nazar hussien
محمدين محمد اسحق
حاتم الياس
فيس بوك
تويتر
انستقرام
يوتيوب
بنتيريست