|
|
 أسماء الزوجات في موبايلات الأزواج
|
جاني ايميل من صحبتي بعنوان أسماء الزوجات في موبايلات الأزواج
غايتو في الأول ضحكت للفكرة وبعد داك بديت أفكر ليه الأسماء دي بتتغير للأسوأ
ولا دي تكون من الرتابة والزهج والملل الممكن يكون اتسرب للحياة الزوجية
وهل التغيير دا من طرف الزوجة فقط يعني هي الوصلت الزوج للمرحلة دي
ولا هو عندو دور في الملل دا اعتقد انو الاثنين عندهم دور في محاولة طرد الملل
والحفاظ على الود والرغبة في تغيير حياتهم للأجمل وللأحسن
أيام الخطوبة:
1. My Love
2. حبي
3. قلبي
4. تؤام روحي
أول أيام الزواج
1. حياتي
2. عمري
3. مرتي (ما مصدق انه عرس  )
ولما يكون عندو طفل أو طفلين:
1. أم فلان
2. البيت
وبعد ثلاثة او اربعة سنين:
1. الغليظة
2. المحقق كونان
3. تعال للبيت
4. عذاب القبر
5. مرض
6. الشرطة
7. الداخلية
9. 999
10. جهنم
11.الورطة
12. وديني لبيت أهلي (دا لما يكون يتمنى مرتو تقول ليهو كدا )
13. البلوة
14. غلطــة عمري
15. أعوذ بالله من الشيطان الرجيم
16. الصخرة
17. البلاء الأعظم
18. غوانتانامو
يلا ورونا انتو مسجلين شنو؟
|
|
 
|
|
|
|
|
|
|
 Re: أسماء الزوجات في موبايلات الأزواج (Re: خالد علي محجوب المنسي)
|
كل المودة
الحمدلله ما لحقنا نكتب اي اسم ( لان تقنية الموبايلات جاءت بعدنا بكتير)
بس انا أعرف ناس كتار عاملين نغمة خاصة ومش محتاجين يشوفو اسم المتصل من اصله!!
اكيد النغمات دي كمان بتتغير حسب البرنامج الزمني..
الملاحظة الوحيدة
بما ان التقنية مازالت حديثة وماتوصلنا الى ما سيكتب بعد عشرة وعشرين سنه !! اعتقد وقتها ممكن تكون التقنية وصلت بينا الى امكانية اضافة حاسة الشم في الموبايلات .. ونشم وقتها ( خمرة ودلكة) في بعض الموبايلات ..
| |
|
|
|
|
|
|
|
|
|
Re: أسماء الزوجات في موبايلات الأزواج (Re: osman righeem)
|
Quote: انا مسجل
AAAAA
و
AAANN
يس ما تحاولي تفسريها
خديها كده لانها بتكون في اول قائمة الاسماء |
آن دي منو يا عثمان؟؟
ولا آآآآآآآآآآه دي أسماء نورت حياتنا!
المهم يا نعومتي انا مسجله رقم هاتف آيه
Aya my love
واسم عبدرالرحيم تحت
Aya's love
| |
|
|
|
|
|
|
|
|
|
Re: أسماء الزوجات في موبايلات الأزواج (Re: احمد العمار)
|
إنعام سلامات..
ياخ معقول الأسماء دى بعد ثلاثة سنوات بس!!!
دى أكيد زيجة لم تجر لها أية دراسات مسبقة..
أو على الأقل (حدث فيها خطأ فى الوقائع)..
على العموم يا ستى نحنا داخلين على العقد الثانى..
ويسبق إسم السيدة حرمناحرف (أ) بالإضافة للحرف الذى
يبدأ به إسمهاحتى تكون على رأس القائمة..
أها شنو ليك..
محبتى لك و لكل من مر/ت من هنا
| |
|
|
|
|
|
|
|
|
|
Re: أسماء الزوجات في موبايلات الأزواج (Re: essam&amal)
|
انعام بت عبد الحفيظ
بوستيك لذيذ و دمو خفيف . ممكن تدينا فيهو سحبة انا واخوى الرطاني ؟
Quote: هسه عليك الله أخير تسجل ود شيقوق ولا المنضمة
قالوا في واحد زوجتو كلامها كتيييييييييير
مسجلها في تلفونو المنضمة |
وانا مسجلها في تلفونى الكدراوية لانها بتشوت ضفاري عديل كده
ود المنسي لولا صمودكم معي في مواجهة الهجمة الرطانية والبربرية الشرسة اكان وريتك شدر القضارف باللييييييييييييل .
| |
|
|
|
|
|
|
|
|
|
Re: أسماء الزوجات في موبايلات الأزواج (Re: الطيب شيقوق)
|
Quote: بوستيك لذيذ و دمو خفيف . ممكن تدينا فيهو سحبة انا واخوى الرطاني ؟
|
شكراً يا ود شيقوق بس خليها سحبة صغيييييرة ما تحتلوا لي البوست بتاعي دا 
Quote: وانا مسجلها في تلفونى الكدراوية لانها بتشوت ضفاري عديل كده
|
الكدراوية دي لذيذة
| |
|
|
|
|
|
|
|
|
|
Re: أسماء الزوجات في موبايلات الأزواج (Re: Ahmed Yousif Abu Harira)
|
انعام كيفك
كلامك ده كبار علينا بس عندي كلمتين لناس بعزهم هنا وقادي...
| Quote: أنا مسجل ( ود شيقوق ) لانها نضامة لكن قلبها أطيب من طيب زي ودشيقوق |
زين ما فعلت..لكن لو اتصل بيك شيقا شخصيا حيضرب تأمينك
Quote: بوستيك لذيذ و دمو خفيف . ممكن تدينا فيهو سحبة انا واخوى الرطاني ؟
|
جاري للهمبتة والسحبة
| Quote: ود المنسي لولا صمودكم معي في مواجهة الهجمة الرطانية والبربرية الشرسة اكان وريتك شدر القضارف باللييييييييييييل |
ما تهدد المنسي...ضراعك وسندك ...لو المنسي مشي منك تأكد انو موضوعك استحم
| |
|
|
|
|
|
|
|
|
|
Re: أسماء الزوجات في موبايلات الأزواج (Re: انعام عبد الحفيظ)
|
الغالية إنعام
كيف أخبارك
والله مشتاقييييين شدييييد
في واحد قريبنا أظنك بتعرفيهو
مسجل إسم زوجتو بالدربكين
مع إني ماعارفة العلاقة شنو
إلا إنو الإسم ضحكني شديد
غايتو أنا لمن أتأهل إنشاءالله
ما حاخلي زوجي يسجل رقمي خالص
حاخليه يحفظو عن ظهر قلب
عشان بعدين ما أمشي ألقاهو دربكين وكماشة ومفكات
أقعدي بعافية
| |
|
|
|
|
|
|
|
|
|
Re: أسماء الزوجات في موبايلات الأزواج (Re: نها محسن أبورأس)
|
Quote: غايتو أنا لمن أتأهل إنشاءالله
ما حاخلي زوجي يسجل رقمي خالص
حاخليه يحفظو عن ظهر قلب
عشان بعدين ما أمشي ألقاهو دربكين وكماشة ومفكات
|
عارفه يا نها قبيل كنت بتكلم مع واحد من زملائي في الشغل من المتزوجين
قمت سألتو قلت ليهو انت زوجتك مسجلة شنو في الموبايل
قال لي باستنكار والله ياهو الفضل أسجلها كمان
انا ما مسجلها زاتو
| |
|
|
|
|
|
|
|
|
|
Re: أسماء الزوجات في موبايلات الأزواج (Re: انعام عبد الحفيظ)
|
أنا غايتو ما بقول ليك مسجل إسم مرتي بشنو ... لكن بوستيك ده ذكرني نكتة:
قالوا المرة في الأيام الأولى بتقول لراجلها: إنت حبيبي ونور عيني .... شوية كدة يبقى (أبو فلان) .. شويتين أبو العيال ... بعد 15 سنة بيبقى (إنت الخير والبركة) ....... يعني المسألة بتبقى معايش بس، وعفى الله عن المشاعر.
الملك:
ده شنو؟ إنت بكري فك المسينجر والا شنو؟
| |
|
|
|
|
|
|
|
|
|
Re: أسماء الزوجات في موبايلات الأزواج (Re: محمد أبوالعزائم أبوالريش)
|
طبعاً في الأول أنا فهمت البوست غلط
كنت مفتكر إنو بعض الأزواج كاتبين اسماء زوجات أخريات في موبايلاتهم
لأن هذه الحادثة مرت بي في السودان
واحد كاتب { السر } لكن المتصلة هي { السرة }
كمان شنو واحد كاتب النادي
والهاتف خاص بهاجر !!
قال النادي قال !!
الظريف واحد كاتب مكتب الحركة
قومي يا الحبيبة اتصلي
اها ترد المدام والزوج عامل فيها مشغول بالصلاة { الصلعة التقوم ليك في راسك }
اها والشكلة قامت
المهم صاحبنا قال دي واحدة شغالة في شركة التأمين في المرور
أزواج كذابين وكذبهم فاضح
المهم نرجع لموضوعك بعد فهمنا المطلوب
واحد كاتب { الثكنة العسكرية } !!!
سألته يازول انت شغال في الجيش
قام قال لا 00 المتصل هو بيتي !!!
نحن طبعاً عشان الواحد خواف وبيقوم جاري صوووووووووووف لمن المدام تكورك فيه
كاتبين { غمامة } لسوداني
وردة لموباتيل زين
حبيبة روحي { التلفون الثابت }
قالت حبيبة روحي قال !!!
| |
|
|
|
|
|
|
|
|
|
Re: أسماء الزوجات في موبايلات الأزواج (Re: عمر التاج)
|
اتنين اتواعدو في الموقف
الاول لما وصل لقي ليه واحدة معرفة وطوالي ونسة وذكريات واندياحات
صاحبه لماجا وشاف الحاصل زاغ
اليوم التاني اتقابلو وشكل وزعل تشرني و . . و
قال ليهو ابدا جيت وشايف معاك المدام واخر انبساطه وقرقراب
المشرور قال ليهو انت وهم . . في زول بضحك مع مرتو
عموما بتكيف من الرجال البخافو من نسوانهم
ما عندي موبايل لكن بعرف واحد كده لما تضرب ليه مرتو بتظهر في الشاشة قرنتية
| |
|
|
|
|
|
|
|
|
|
Re: أسماء الزوجات في موبايلات الأزواج (Re: خالد سند)
|
| Quote: المشرور قال ليهو انت وهم . . في زول بضحك مع مرتو |
غايتو دي بالغ فيها لقيت نكتو زي دي
في بوست لهشام المجمر هي الأوحت لي بالبوست دا
Quote: عموما بتكيف من الرجال البخافو من نسوانهم
|
وانا بتقزز من الرجال البخافوا من نسوانهم والنسوان البخافوا من رجالهم
| Quote: ما عندي موبايل لكن بعرف واحد كده لما تضرب ليه مرتو بتظهر في الشاشة قرنتية |
يكون إتلمو عليهو اتنين شينة ودمها تقيل
| |
|
|
|
|
|
|
|
|
|
Re: أسماء الزوجات في موبايلات الأزواج (Re: العوض المسلمي)
|
Quote: ما تهدد المنسي...ضراعك وسندك ...
لو المنسي مشي منك تأكد انو موضوعك استحم |
أنعام سلااام
اسمحي لي أرتع قليل خارج التغطية
وتبقى واحد واحد
القمر بوبا
تسلم يا جميل يا حلو كلمو الزووووول دا الما بعرف صليحو من عدو
وبضرب من طرف لما قرنو تقوم
تحياتي القمربوبا
| |
|
|
|
|
|
|
|
|
|
Re: أسماء الزوجات في موبايلات الأزواج (Re: حيدر حسن ميرغني)
|
الأخت إنعام ،
تحياتي ،
والله فعلاً بوست ظريف ودمو خفيف ،
لكن شايف كتير من إخوانا
المتداخلين من البورداب (كابين الجرسة) في
المسميات ، خاصة للجنس اللطيف من
الصديقات أو المعارف ، عشان كده مستخبين
وراء المسميات الوهمية .. لكن أخوك والحمد لله
مابقول مازلت متمسكاً بشجاعة اهلي الجعليين فلم
أخبئ مسميات الجنس اللطيف خلف أسماء مستعارة
لكن امكن لأن الثقة والمحبة بيني وبين ام العيال
مازالت على أشدها ، رغم مرور أكثر من عشرين عاماً
على الزواج ، وهذا وحده اللي خلاني أكتب الأسماء
كما هي ، بدون التستر خلف تلك المسميات المضحكة ،
والتي في أحيان كثيرة تقود للمشاكل ، عندما ينكشف
المستور أو تزاح الستارة عن الاسم .
ولحدي الآن أقدر أقول بإطمئان : يا دار ما دخلك شر
لكني خايف من المستخبي برضو ، والخواف ربا عيالو !!
آه شن قولك ؟
مودتي ،
( ليمو )
| |
|
|
|
|
|
|
|
|
 Re: أسماء الزوجات في موبايلات الأزواج (Re: abdulhalim altilib)
|
Quote: فلم
أخبئ مسميات الجنس اللطيف خلف أسماء مستعارة
لكن امكن لأن الثقة والمحبة بيني وبين ام العيال
مازالت على أشدها ، رغم مرور أكثر من عشرين عاماً
على الزواج ، وهذا وحده اللي خلاني أكتب الأسماء
كما هي ، بدون التستر خلف تلك المسميات المضحكة |
ليمو
لكن لقيت تمام شديد
الله يخلي ليك أم العيال 
| |
|
|
|
|
|
|
|
|
 Re: أسماء الزوجات في موبايلات الأزواج (Re: العوض المسلمي)
|
Quote: ورقم زوجتي مسجل ماما
|
العوض
سلام وتحايا
ذكرتني بواحد مخصص نغمة
ماما زمانها جاية جاية
جاية بعد شوية
ودي حكاها لي زول صاحبنا قال صاحبهم دا زوجتو بتضرب ليهو
وهو بيكون اتأخر معاهم مساهر في الشيشة والونسة
كل ماتتصل عليهو النغمة تشتغل الجماعة يقولوا ليهو
يلا امشي الإستدعاء جاك
| |
|
|
|
|
|
|
|
|
|
Re: أسماء الزوجات في موبايلات الأزواج (Re: انعام عبد الحفيظ)
|
واحد كاتب ماترد ياحمار شوف عيني ضربت ليه ردا قدامي!!
هسي لو قلت ليه اناياحمار يعمل ليك فيها ابو عرام!!
أنا شخصياً كاتب بي شفتنة شديدة إنت وين((دا طبعاً اول سؤال بتسألك ليه)) ولو قرتا محضر ردي اقول ليها ما تعبيراً عن الشوق وكدا!!
عالم جبانات بشكل
| |
|
|
|
|
|
|
|
|
 Re: أسماء الزوجات في موبايلات الأزواج (Re: انعام عبد الحفيظ)
|
الله يجازي مِحَنِك يا إنعام..
إنتظرتَ لمن ممكوني وصل البيت....
شلت موبايلو بعيييييد..
و... برااااحة ضربت نمرة موبايلي..
لقيتو لا عامل ليٌ نغمة براي.... لا خاتيني في group براي..
و كاتب إسمي بالكامل لي جِد الجِد..!!!
التقول شغالة معاهو في المنطقة الصناعية ..!!!
| |
|
|
|
|
|
|
|
|
|
Re: أسماء الزوجات في موبايلات الأزواج (Re: mamkouna)
|
Quote: الله يجازي مِحَنِك يا إنعام..
إنتظرتَ لمن ممكوني وصل البيت....
شلت موبايلو بعيييييد..
و... برااااحة ضربت نمرة موبايلي..
لقيتو لا عامل ليٌ نغمة براي.... لا خاتيني في group براي..
و كاتب إسمي بالكامل لي جِد الجِد..!!!
التقول شغالة معاهو في المنطقة الصناعية ..!!!
|
ممكوووووووووووونة
والله لكن لقيتك متضررة من البوست دا شديد
عشان كشف ليك المستخبي كلو
ولا يهمك يا ستي مش احسن مما تلقيهو أم فلان
| |
|
|
|
|
|
|
|
|
 Re: أسماء الزوجات في موبايلات الأزواج (Re: فايزودالقاضي)
|
Quote: انا طبعاً عندي حكومتين .. الاولي مصريه والتانيه سودانية ..يعني حكومة وادي النيل ..
كاتب للاولي .. ام عمار .. الثانية .. ام وعد ...
|
انت كمان عملتها حكومة وادي النيل
غايتو ربنا يعينك مع الحكومات دي
Quote: لكن الاتنين مظبط ليهم نغمة واحدة لمن يتصلوا علي ..( ان الهاتف المطلوب لايمكن الاتصال به الآن )..
|
| |
|
|
|
|
|
|
|
|
|
Re: أسماء الزوجات في موبايلات الأزواج (Re: waw)
|
انا اغايتو مراتي ما عندها تلفون
تصورا نحن في القرن الكم ما عارف
وفي اروبا و ماعندها تلفون
ولينا الف سنة مع بعض ولما اجي
من الشغل تقول لي انشاء الله يومك
ما كان متعب
نخت ليك الغدا ولا ترتاح شوية
لكن انا ما قاعد افهم في جنس الكلام دا
ولا بدور جنس الكلام الناعم دا
ولكن انا كمان بقوم برضو بسأله
عنا يومه مضى كيف
لكن ما السؤأل اليهو
| |
|
|
|
|
|
|
|
|
|
Re: أسماء الزوجات في موبايلات الأزواج (Re: هاشم أحمد خلف الله)
|
إنعام إزيك يعني لزومو شنو شيل الحال ?
على العموم نصيحة هاشم وبما إنه خبرة وموبايله دايما loaded
هي النصيحة العملية - النصيحة لي الله
وبعدين شوفوا زي ناس خالد منسي ديل :
| Quote: لكن قلبها أطيب من طيب زي ودشيقوق |
حسع دي جرسة ولا كسير تلج ولا رشوة لزوم الحملات التفتيشية ?
عالم جباناااات
ولا أزيعكم سرا نطلق عليها أل CIA ولكم أن تتخيلوا
وشكرا على اللستة يا إنعام وحنتفحصها كويييس ونختار .
تحياتي وربنا يجعل تسميتنا خفيفة عليهم
cc: to
أبوبكر سيدأحمد
العررريب
خالد منسي
صلاح واسبه
| |
|
|
|
|
|
|
|
|
|
Re: أسماء الزوجات في موبايلات الأزواج (Re: بله محمد الفاضل)
|
Quote: انعام كيفك
عشان تكون أول رقم سجلتها باسم (ابتهاج روحي) وهي لا تسمى (ابتهاج)
لكن حقيقة يبهجني ويجهجهني إلى الأن اتصالها
شفتي كيف؟
|
وانشاء الله دائماً يبهجك يا بله
بس انشاء الله يجهجهك التانية دي
تكون في الإتجاه الإيجابي زي ما فهمت
| |
|
|
|
|
|
|
|
|
 Re: أسماء الزوجات في موبايلات الأزواج (Re: انعام عبد الحفيظ)
|
| Quote: عندنا جارنا عامل لزوجتو نغمة صفارة النجدة بتاعت الشرطة |
الله يجازي محنك يا إنعام هسه في داعي للبوست ده والفضائح دي ...
غايتو أنا جوالي كل يوم فيه تفتيش علشان كده كاتب إسمها ساااااي كده ولا نغمة ولا غيره ( جنس هرشه ) ..
مودتي
عماد
| |
|
|
|
|
|
|
|
|
|
Re: أسماء الزوجات في موبايلات الأزواج (Re: الطيب شيقوق)
|
| Quote: والتالت كاتب ----- زوجة الشهيد |
Quote: اللغم
ليه ما عارف !!! |
| Quote: واحد كاتب ماترد ياحمار شوف عيني ضربت ليه ردا قدامي!! |
Quote: و كاتب إسمي بالكامل لي جِد الجِد..!!!
التقول شغالة معاهو في المنطقة الصناعية ..!!! |
| Quote: لكن الاتنين مظبط ليهم نغمة واحدة لمن يتصلوا علي ..( ان الهاتف المطلوب لايمكن الاتصال به الآن ).. |
| Quote: انا اغايتو مراتي ما عندها تلفون |
الذ بوست في تاريخ المنبر
ضحكت كما لم افعل قريبا
انعام .. انشاء الله يعرسوكـ و اشوف لقبكـ في موبايل
| |
|
|
|
|
|
|
|
|
|
Re: أسماء الزوجات في موبايلات الأزواج (Re: خدر)
|
بعض الاقتراحات لمن يحب
حمالة الحطب ووممكن تشفيره ب؛ أم جميل
أم الصبيان (الجنية الغول)
برمودا (المثلث)
ام ضراع
بت الغلفاء
تأبيدة
تسونامى
الفرملة
قدر غداى (السم )
فيزوف (البركان)
القدح (غطى قدحك)
علوى ابو ليلى
بت قضيم
مرضى
تتضقلمى
تتجازى
اشوف فيك يوم
يا هاريانى
هيييع
آخر الجزا
النجدة
الرووب
جنى
| |
|
|
|
|
|
|
|
|
|
Re: أسماء الزوجات في موبايلات الأزواج (Re: خدر)
|
Quote: الذ بوست في تاريخ المنبر
ضحكت كما لم افعل قريبا
|
شكراً يا خدر وانا كمان ضحكت كما لم أضحك من قبل (حلوة من قبل دي عجبتني )
| Quote: انعام .. انشاء الله يعرسوكـ و اشوف لقبكـ في موبايل |
باقي ليك بعد الألقاب دي انا بعرس بى هين مافي ثقة بتكون
يقوم يبشتني زي جنس البششتنة دي وانا ما برضى الحقارة
| |
|
|
|
|
|
|
|
|
|
Re: أسماء الزوجات في موبايلات الأزواج (Re: ملكة سبأ)
|
غايتو يانعومة قاعدة تبحتي في الجحرة لأنك في بر الأمان
عمري ما فكرت أشوف موبايل زوجي
الذنب عليك في حالة التجسس دي
مشيت لقيتو كاتب شفرة تلغراف ساعدوني في حلها
( ـ . )
( .. ـ . )
( ـ ـ )
( .. ـ . )
( ـ . ـ )
( .. ـ .. )
| |
|
|
|
|
|
|
|
|
|
Re: أسماء الزوجات في موبايلات الأزواج (Re: سمية الحسن طلحة)
|
Quote: غايتو يانعومة قاعدة تبحتي في الجحرة لأنك في بر الأمان
عمري ما فكرت أشوف موبايل زوجي
الذنب عليك في حالة التجسس دي
مشيت لقيتو كاتب شفرة تلغراف ساعدوني في حلها
( ـ . )
( .. ـ . )
( ـ ـ )
( .. ـ . )
( ـ . ـ )
( .. ـ .. ) |
سمية اللذيذة
قلنا أحسن نتثقّف ونشوف الجماعة بكتبوا شنوفي موبايلاتهم
لقينا بلاوي أجارك الله اها زي شفرتك دي يحلوها كيف؟
| |
|
|
|
|
|
|
|
|
|
Re: أسماء الزوجات في موبايلات الأزواج (Re: عبدالله كع)
|
Quote: عموما واحد عزيز علي كاتب عليها
الفردة الشمال..... لي شنو انا ما عارف؟
التاني كاتب : اخخخخخ
انا بصراحه مسجله ياختي |
عبد الله كع
تحايا وسلام
طيب الفردة اليمين يا ربي تكون مرتو التانية
اخخخخخخخخخخ دا بكون دائماً عامل عمايل
ياختي دي بتكون ونااااااااسة
| |
|
|
|
|
|
|
|
|
|
Re: أسماء الزوجات في موبايلات الأزواج (Re: انعام عبد الحفيظ)
|
كتب أبو حريرة...
Quote: انا بعرف واحد مسجل مرتو باسم:
اللغم
ليه ما عارف !!! |
إنشاء الله يا أبو حريرة صاحبي... الشكية لله من نوع صاحبك دا!!
أنا غايتو كاتب...
ست ريدييييي في ذااااتك عبدت الله...
مع قواسيب مودتي لك الغالية إنعام...
أبو الحُسين...
| |
|
|
|
|
|
|
|
|
|
Re: أسماء الزوجات في موبايلات الأزواج (Re: بابكر التوم)
|
Quote: الغريبة هنا فى الخليج الزوجة اسمها المعزبة (بكسر الميم) اتخيلى وهم اكثر ناس مدمنين
موبايلات وبعد الواحد مجرد ما يجى تلفون ويبعد طوالى ويمشى بعيد بتعرف انو دى زوجتة واللبيب
بالاشارة يفهم |
بابكر سلامات
غايتو حيرونا شي كتابة شفرات وشي نغمات مخصصة
وشي مشي بعييييييييد عشان مافي زول يسمع الهرشات
| |
|
|
|
|
|
|
| |
انعام عبد الحفيظ
خالد علي محجوب المنسي
welyab
osman righeem
Muna Khugali
abubakr
Alsa7afa_30
الملك
essam&amal
الطيب شيقوق
امير عوض الجمري
البشير دفع الله
عبدالله كع
عبد الدائم سيد أحمد
Ahmed Yousif Abu Harira
GamarBoBa
نها محسن أبورأس
محمد أبوالعزائم أبوالريش
ابوحراز
عمر التاج
خالد سند
العوض المسلمي
حيدر حسن ميرغني
abdulhalim altilib
عزالدين آدم علي
mamkouna
فايزودالقاضي
ismeil abbas
بله محمد الفاضل
فيصل محمد خليل
هاشم أحمد خلف الله
Salah Waspa
حسين محي الدين
خدر
jini
ملكة سبأ
أبو الحسين
بابكر التوم
فيس بوك
تويتر
انستقرام
يوتيوب
بنتيريست