|
دعواتكم لزميلنا المفكر د.الباقر العفيف بالشفاء العاجل
|
|
 Re: يـا نـاسـيـنـا (Re: عمران بابكر بدري)
|
نعومتي..
خـلاص وقت وردي مالقيتيه..غيري الأغنية..
وأنا راضية حـتي لو بأغنية بنات..
أنا غايتو ناوية أفتح بوست بأغنية
يمه أنا زولي ماجه..
يايمه أنا حـالتي راجياه
حـنينه يايمه
عفوك يايمه..
رضاك يايمه ..
يمه أنا زولي ماجه..
من شـوقي ليك ..
فتشت ليه..
يمه أنا زولي ماجه..
إيه رأيك مش أغنيه حـلوه?
كمان عنـد سميرة دنيا حـلوه أكتر!!
مشتاقة ليك شـديييد يانعومتي
| |
 
|
|
|
|
|
|
|
|
Re: يـا نـاسـيـنـا (Re: Muna Khugali)
|
نعم
مني خوجلي
زمن وردي .. خلاص
في زمن اللامابلاء .. هذا
لكن الراجل باقي فينا بسحرة
ومواقفة السابقة..
ولا نعرف ماذا الان .!؟
هل اتخذ الرجل
منحي اخر..؟
وان فعل
يا ربي يكون معا حق
ونقول الزول تعب
ولا ما في فايدة
تعجبني تلميحاتك..
لك
احترامي
| |
|
|
|
|
|
|
|
|
 Re: يـا نـاسـيـنـا (Re: Muna Khugali)
|
والله يامنوية شوقنا ليك كتير
ما ببلو الا تجينا تاني ونتلاقى 
وكان على اغنيتك سمحة
وسميره دنيا غنااااااااااااية
لكن مع اغنية وردي دي مافي مقارنة بينهم
والاغنية بلقاها اصبري علي شوية
| |
|
|
|
|
|
|
|
|
|
Re: يـا نـاسـيـنـا (Re: انعام عبد الحفيظ)
|
انعام ربما اسبح هنا عكس التيار
ولكن النسيان نعمة عظيمة
ولا اعرف اين كنت ساكون الان
لو لا النسيان
وكتير ما اتمني ان انساه بجهد
حتي كتابة هذه الكلمات
كم من تعب
وقهر
ولحظات مريرة
لا امل حتي تذكرها
...
في بعض الظروف
غض الطرف عن المساكين رحمه
احترامي
| |
|
|
|
|
|
|
|
|
|
Re: يـا نـاسـيـنـا (Re: انعام عبد الحفيظ)
|
الأخت نعومة
لك منى التحية
وهذه الأغنية مثلها
خوفى منك.....
خوفى تنسانــــــــى.......
وتنسى الليالى.......
ومثلها
لو بالصدى أبيتينى
لو بالنار صليتيـــنى
أنا لامابنســاك
لآ مآبنســـــــــــأك
وأجمل ماسمعت له
عاااااد عااااااد عاد الحبيب
عاد الحبيب
فعادت روحى
عاد الحبيب
فعادت الىً أحلى الليالى
عاد الحبيب
فأهدى لكل قلب سلامااااا
ماأروع وردى وأختياره
وذوقه.....
وألحانه الرنانه
التى تدق فى القلب كالأجراس
التى تنذر أو تذكر
بعدم النسيان
| |
|
|
|
|
|
|
|
|
 Re: يـا نـاسـيـنـا (Re: ابن الرشيد)
|
ابن الرشيد
عندما تنسى هذا معناه ان هذا الانسان لايستحق الذكرى
بل واحياناً تتمنى ايضاً لو لم تعرفه
ولكن هنالك اناس لا تستطيع نسيانهم
وتبقى ذكراهم في دواخلك حية
ويبقى لهم الوجود داخلنا ما حيينا
مودتي واحترامي
| |
|
|
|
|
|
|
|
|
|
Re: يـا نـاسـيـنـا (Re: انعام عبد الحفيظ)
|
انعام...
Quote: ولكن هنالك اناس لا تستطيع نسيانهم
وتبقى ذكراهم في دواخلك حية
ويبقى لهم الوجود داخلنا ما حيينا |
والله انا اتخيلت اني في ناس بحبهم شديد..ممكن ينسوني في زحمة
الدنيا ..او قولي ينشغلوا وتبقي العلاقة مازي هسه..ودموعي نزلت!
غايتوا ربنا ما يحوجني للاغنية دي..طعمها مر..مر شديد..
| |
|
|
|
|
|
|
|
|
|
Re: يـا نـاسـيـنـا (Re: رشا سالم)
|
Quote: والله انا اتخيلت اني في ناس بحبهم شديد..ممكن ينسوني في زحمة
الدنيا ..او قولي ينشغلوا وتبقي العلاقة مازي هسه..ودموعي نزلت!
غايتوا ربنا ما يحوجني للاغنية دي..طعمها مر..مر شديد.. |
تبري وتسلمي من النسيان يا رشوية 
مرارة وعلقم شديد يا رشا
يا ربي تكفينا شر العلقم ده
| |
|
|
|
|
|
|
|
|
|
Re: يـا نـاسـيـنـا (Re: مجاهد عبد الرحمن)
|
الاخ مجاهد
اولاً آسفه لتأخري في الرد عليك
Quote: إنعام ممكن ننسى أي كائن عرضي اللقيا إلا تلك التي ( إتحكرت وإتعنقلت ) في مكان عزيز داخل الروح فهنا تستحيل الأشياء بدونها. لأنها تظل في كل اللحظات حضوراً طاغي ووجوداً مكثف.
|
وهو ماقصدت يا عزيزي فيصعب نسيان
من احتلوا مساحات من الود في دواخلنا
وهم استحقوا ذلك وبجدارة
شاكرة لك كلماتك الجميلة والعميقة
مودتي واحترامي
| |
|
|
|
|
|
|
|
|
|
Re: يـا نـاسـيـنـا (Re: رشا سالم)
|
رشا سالم سلامات
غايتو الله يستر عليك
لكن زمان سمعت مثل بيقول
( البتخاف منو بيكتلك )
بس أمسكي السبحة بالإستغفار وأبشري بالخير
يا رب تدوم ليك الحالة الإنتي عايشاها
يا رب ما ينساها عزيز
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآمين
| |
|
|
|
|
|
|
|
|
|
Re: يـا نـاسـيـنـا (Re: انعام عبد الحفيظ)
|
الأخت انعام
أول ما ظهر (الموبايل) كانت هذه أول جملة كتبتها في رسالة ووجدت نفسي أرسلها للعشرات ممن (نسوني) هم أحياء ولكن (المعايش) جبارة ... هذا العذر الوحيد الذي وجدته لهم من عندي طبعاً... الذكري (بهارات الحياة) إن لم تكن ملحها
* بتذكرك وكت الكلام يصبح صعب والليل يودر في النعاس
الى آخر الأغنية
ما في شي يجعل الزول ينسى تاريخه والذكرى صفحة جميلة من ذلك التاريخ
شكراً لهذه اللقطة الرائعة
| |
|
|
|
|
|
|
|
|
|
Re: يـا نـاسـيـنـا (Re: انعام عبد الحفيظ)
|
ما ناسيك والله يا انعام ..
والأغنية موجودة بالتسجيل القديم والجديد كمان ..
بس أنا كنت عايز التسجيل الجديد لأنو فيهو توزيع جميل بس عايز معالجة فنية ..
على كل حال ح أنزل التسجيل القديم إذا فشلت ..
ودي الأغنية كاملة والكلمات لحسن عبدالوهاب ..
حبيبي الدنيا دي الفراقة
والله الدنيا دي الفراقة
المشتاق مع المشتاقة
يا الله تاني وين نتلاقى
يا ناسينا يا مجافينا حن علينا
***
حبيب مشتاق اشوف عينيك
وشعرك موج على خديك
هناي في بسمتك ..في وقفتك.. في مشيك
بالغالي العزيز أفديك
يا ناسينا يا مجافينا حن علينا
***
عارف قلبو ما بنساني
عزاي في الدنيا بس يطراني
تجي للعذول الجاني
فرق بينا ليه يا زماني
يا ناسينا يا مجافينا حن علينا
***
كل ما أميل أجد ذكراه
بين الروض عرفت شذاه
في دنيا الغرام أهواه
كن نسايني ما بنساه
يا ناسينا يا مجافينا حن علينا
**
الجو قلبي احتلاه
صبحي مساي دوام اطراه
فارق دربي ما هماه
يا الله تاني وين القاه
يا ناسينا يا مجافينا حن علينا
***
بفرش ليك قلبي وسادة
وازقيك من غرامي سعادة
لو عاد الحنين يالسادة
أقضي عمري فيك عبادة
يا ناسينا يا مجافينا حن علينا
| |
|
|
|
|
|
|
|
|
 Re: يـا نـاسـيـنـا (Re: أحمد الشايقي)
|
صديقي احمد الشايقي
اذا كنت قاصد ناسك الفي الرياض
فما اظنهم يقدروا ينسوك
ياخي ديل في اليوم بتصلوا عليك اكتر من مره
واذا ناس تانين فيا سيدي ما كلمتنا بيهم
كنا مشينا ملصنا ليك ودانهم (على قول المصريين)
| |
|
|
|
|
|
|
|
|
|
Re: يـا نـاسـيـنـا (Re: انعام عبد الحفيظ)
|
Quote: بفرش ليك قلبي وسادة
وازقيك من غرامي سعادة
يا ناسينا يا مجافينا حن علينا |
تسلم يا معتصم يا اخوي...
وشوف بالله الراجل دا إختار الكلمات دي كيف؟؟؟ أسقيك من غرامي سعادة...
وكميات مودتي... لبتنا إنعام...
أبو الحســـــــــــــين...
| |
|
|
|
|
|
|
|
|
|
Re: يـا نـاسـيـنـا (Re: معتصم دفع الله)
|
هل هنالك اكثر من الورد بلاغتا لتعبر
به عن دواخلك
وردي باقة ورد لكل سوداني يود ان يمد
جسور المحبة والتواصل .
لن نقل انه زمان راجل المره بدليل تفاعل
الشباب مع هذا الهرم الشامخ .
| |
|
|
|
|
|
|
|
|
|
Re: يـا نـاسـيـنـا (Re: معاوية كرفس)
|
Quote: هسع الناسي التاني منو
إتلاقينا وين أنحنا ؟
|
اهلااااااااان معاويه
طبعاً لقاء البورداب لاينسى
لأنو فيهو اتعرفنا بناس جدد
وليت الاحترام والود يستمر بين الناس
| |
|
|
|
|
|
|
|
|
|
Re: يـا نـاسـيـنـا (Re: معاوية كرفس)
|
الحبيب معتصم
بالله دا كلام دا
وانا قاعد اقرا التعليقات الجميلة دي
ولمان وصلت نهاية التعليقات والردود
عرفت انو في فيديو شغال بتحت والغريبة ما كنت خاتي السماعة في اضاني
يعني معناتولازم اجيب السماعات واسمع من جديد .. نعمل شنو
| |
|
|
|
|
|
|
|
|
|
Re: يـا نـاسـيـنـا (Re: محمد زمراوي عبدالعزيز)
|
الاخت الجميلة انعام
طالما نحن في سياق الحديث عن الادب والنغم الجميل فلا مناص من المساهمة بومضات سورية اظنها رائعة :
يا حبيبي أنت قد يتمت عينـي دون ذنب أنت قد أخلفت ظني
كيف حبي في سكون ضاع مني يا حبيبي فيك قد خاب التمني
كيف تنساني وحيدًا دون سلوى
في قفار العمر أجري دون مأوى
يا حبيبي أين ما قلناه أين هل نسينا كل حلم قد روينا
قد ظلمنا الحب يومًا حين قلنا سوف نُفني نحن حبًا ما حيينا
سوف تغدو دون حب كاليتامى
كيف ننسى فيض حب قد تنامى
يا حبيبي وتسامى..
يا حبيبي لا تقل كيف وأين قد نما في القلب جرح وانتهينا
لا تقل قد ضاع قسرًا من يدينا قد حلفنا ثم أمسى الحب دينا
يا حبيبي قد شردنا والتقينا
كنت راحًا.. كنت ماءً وامتزجنا
يا حبيبي ثم كنا
عد إلي قد غدت روحي عليلة لا تكابر في أمور مستحيلة
عد لأيامي لأحلامي الجميلة أنت زهري أنت عطري والخميلة
لا تدعني أشتكى طول الليالي
أنت دومًا في عيوني في خيالي
يا حبيبي هل تبالي؟
لا تعاند في غرامي لا تكابر سوف أبقى كل عمري فيك حاضر
من زمان الحب قلبي لن يسافر عن غرام قد شجاني لن أهاجر
فلتخاصم أنت روحي كيف شئت
سوف تبقى شطر نفسي أين كنت
يا حبيبي منذ كنت…
معزتي
| |
|
|
|
|
|
|
|
|
|
Re: يـا نـاسـيـنـا (Re: الطيب شيقوق)
|
Quote: عد إلي قد غدت روحي عليلة لا تكابر في أمور مستحيلة
عد لأيامي لأحلامي الجميلة أنت زهري أنت عطري والخميلة
لا تدعني أشتكى طول الليالي
أنت دومًا في عيوني في خيالي
|
الاخ الطيب
تحياتي
القصيدة جميلة جدا
شكراً يا ذوق
| |
|
|
|
|
|
|
|
|
|
Re: يـا نـاسـيـنـا (Re: محمد زمراوي عبدالعزيز)
|
الجميل أبوالحسين تحياتي ..
العملاق وردي يختار أغنياته بعناية فايقة ويعمل فيها أدواته اللحنية ..
لذلك يطلع العمل في غاية الروعة والجمال ..
تخيل انو للأغنية دي لحنين تغني بهما وردي وكلاهما رائع ..
متعه الله بالصحة والعافية ..
الحبيب عبدالعظيم عثمان ..
ولك من التحايا مثلها ومحبتي ..
شكراً جميلاً ..
العزيز محمد زمراوي تحياتي ..
ألحق بس أشتري ليك سماعات ولا جيب أي حاجة تسمع بيها ..
الأغنية دي في غاية الإبداع والتطريب ..
أعجبني توزيع وردي لأغنياته وإعادة تلحينها بشكل جديد ..
ولو ما لقيت حاجة عاجلة أستمتع بالمشاهدة إلى حين ..
محبتي وتقديري ..
| |
|
|
|
|
|
|
|
|
|
Re: يـا نـاسـيـنـا (Re: Elmosley)
|
انعام عبد الحفيظ
انعم الله عليك وانتى تنبشى كل جميل فى دواخلنا
من لا ينسى يستحق
ومن ينسى لا يستحق
ومن يتناسا له العذر ( ربما غدر )
وختامى
انت
انت
بتتنسى
ما
انت
؟
؟
؟
يكفينى 111111111111
تحياتـــــــــــى
ســــــــــــــــيد
| |
|
|
|
|
|
|
|
|
|
Re: يـا نـاسـيـنـا (Re: Sahar Abdelrahman)
|
سحر عبد الرحمن
وينك انتي الطال غيابك؟
بتختفي كتير كده ليه؟
Quote: لكل اللذين عطروا حياتنا بالأريج والذكريات الجميلة لهم في نفوسنا مساحة لا يمكن للنسيان أن يقترب منها...
|
كلماتك كعادتها جميلة ومعبّرة
البور يفتقد امثالك يا سحر
مودتي واحترامي
| |
|
|
|
|
|
|
|
|
|
Re: يـا نـاسـيـنـا (Re: لؤى)
|
| Quote: تدفعي كم وأّدّيك أروع تسجيل ليها وردي ذاتو ما عندو |
لؤى
انت التدفع كم؟
لأنو معتصم دفع لي عشان اخليهو ينزل الأغنية دي
بدليل كلامك
بس وبيني وبينك ادفع الأنت عايزو بس نزّل لي التسجيل بتاعك
| |
|
|
|
|
|
|
|
|
|
Re: يـا نـاسـيـنـا (Re: انعام عبد الحفيظ)
|
| Quote: لأنو معتصم دفع لي عشان اخليهو ينزل الأغنية دي |
شوف الأونطجية عايزين تاكلونا حنك ..
وشكراً ليك إنتِ يا انعام حيمورة مع تحياتي ومحبتي ..
يديك العافية يا رأفت ميلاد وجمل أيامك بكل الخير ..
ابن الرشيد يا حبيب تسلم كتير كامل محبتي ..
يا لووول كيفك يا حبيب الشوق كميات ..
على فكرة التسجيل دا القاصده دا عندي موجود ..
يلا منتظر جيتك ..
محبتي للجميع ..
| |
|
|
|
|
|
|
|
|
|
Re: يـا نـاسـيـنـا (Re: انعام عبد الحفيظ)
|
رحم الله اسماعيل حسن (اتنسى) في زحمة هيامكم بالفنان المبدع جداً وردي وهو يستحق
هناك أغنية شايقية رائعة روعة يا ناسينا وبنفس العنوان (يالناسينا) يقول فيها الشاعر الهامة السر عثمان الطيب:-
يالناسينا حبك في ربيع دنيانا شال نور بسقيه الذكريات ياروحي عشان يخضر لي ويكبر
ضل السيسبان والمنقةلافينا ب وشاح أخضر فرع البرتكان مندلي (متدلي)فوقو كناره يتبختر
الكون كله باسم لينا طربان غنى واستبشر لكن جار زمانا الليلة خلى صفانا يتعكر
بطراك والقمرة معاي تشاركني الهموم تسهر نعسان إنت يا محبوبي ضوها في وشيك نور
والأغنية وحلوة جدا ياريت أحد الأخوان (من عندنا) يلقاها ويحمل لنا أياها في هذا البوست الرائع
وهي مهداه لك أختي إنعام وللأخ أبو الحسين ولكل الإخوة والاخوات مع تحياتي للجميع
| |
|
|
|
|
|
|
|
|
|
Re: يـا نـاسـيـنـا (Re: موسى الحسين سيد أحمد)
|
الرفيع موسى الحسين
نعم رحم الله شاعرنا اسماعيل حسن
وامثاله لايمكن نسيانهم
كلمات الاغنية الشايقية للشاعر السر عثمان الطيب
(ياالناسينا) جميلة جداً واناشد معك الاخوة في البورد
اذا كانت موجوده عند احدهم لإنزالها لنا مع لينك الحفظ
مودتي واحترامي
| |
|
|
|
|
|
|
|
|
|
Re: يـا نـاسـيـنـا (Re: الطيب شيقوق)
|
| Quote: ناس بتمشى سنين طوييييييييييييييلة وناس من غير ما تمشى توصل . |
الطيب اخوي الموضوع ده كلو اقدار
بالنسبة للسواقة خلاص اختك بقت معلمة كبيييييييييرة
ما تشيل هم
شكراً لسؤالك ووجودك هنا
مودتي واحترامي
| |
|
|
|
|
|
|
|
|
|
Re: يـا نـاسـيـنـا (Re: معاوية كرفس)
|
الريس عبد اللطيف بكري,
Quote: أحمد
معقول ننساك؟
ركز في شغلك،،
تحياتي |
الشغل ملحوق يا ريس لأنه بالنهار
وحسابنا مع الناسيننا بالليـل,
نشتكيهم للقمرة وللنجوم البعيدة,
ونسرح وراهـم درب درب,
تحياتي وكلوا تمام
بس خليهم يتذكرونا,
مش كدا يا انعام؟
أحمـد الشايقي
| |
|
|
|
|
|
|
|
|
|
Re: يـا نـاسـيـنـا (Re: أحمد الشايقي)
|
الصديق احمد الشايقي
سلام وود
كل اللحظات التي قضيتها معنا كانت جميلة
شكراً لك لإكرامنا بهذه المساحات للقياء
وشكر خاص ايضاً للمساحة التي اعطيتنا لها
لإقامة الندوة المصغرة قبل سفرك
(برغم مشغولياتك وتجهيزاتك للسفر)
مودتي واحترامي
| |
|
|
|
|
|
|
| |
انعام عبد الحفيظ
عمران بابكر بدري
Muna Khugali
ابن الرشيد
رشا سالم
مجاهد عبد الرحمن
معتصم دفع الله
لؤى
أحمد الشايقي
الزنجي
أبو الحسين
خالدة البدوي
بدرالدين شنا
عبدالعظيم عثمان
معاوية كرفس
محمد زمراوي عبدالعزيز
الطيب شيقوق
JAD
salma subhi
Elmosley
سيد محمد احمد سيدنا
khaleel
انعام حيمورة
رأفت ميلاد
Sahar Abdelrahman
عواطف ادريس اسماعيل
ALGARADABI
فيس بوك
تويتر
انستقرام
يوتيوب
بنتيريست