|
|
 بورداب الخرطوم ولقاء إستثنائي الخميس القادم 9/11
|
تلاقينا مجموعة من البورداب امس في زواج الاخ عثمان حسن الزبير
وتم اقتراح لقاء للبورداب بعد اذن اللجنة التمهيدية لبورداب الخرطوم
للترحيب بمن اتوا في اجازة للسودان
ومنهم:
القرضابي
غاده عبد العزيز
محمد خالد ابو نورة
محمد صادق البوصيري
احمد حنين
احمد الشايقي
ويا ريت يا بورداب لو في اي زول بعرف اي زول تاني
نحنا ما عارفين انو وصل السودان
ينزّل اسمو ويديهو خبر
المكان: حدائق المطار امام نادي التنس
الزمان: الساعة 7 مساء الخميس 9/11/2006
توجد مفاجاءات في اللقاء  
|
|
 
|
|
|
|
|
|
|
 Re: بورداب الخرطوم ولقاء إستثنائي الخميس القادم 9/11 (Re: انعام عبد الحفيظ)
|
العزيزات اشراقة وعبير
سلامات
ويا عبير امس فقدناك والعريس كان بسأل منك
بس يا ريت تجتهدوا واي زول يقترح لينا زول
يكون مسئول من تأكيد الدعوة ليهم
وديل هم العضوية القدرنا حتى الان نحصرها:
القرضابي
غاده عبد العزيز
محمد خالد ابو نورة
محمد صادق البوصيري
احمد حنين
احمد الشايقي
عبد الغني كرم الله
معاوية الطيب
| |
|
|
|
|
|
|
|
|
 Re: بورداب الخرطوم ولقاء إستثنائي الخميس القادم 9/11 (Re: انعام عبد الحفيظ)
|
انعام وعبير ...
تحياتي ..
يا اخوانا انحنا ما من بورداب السودان من بورداب لبنان ولا شنو ..
ما تعزمونا مرة ..
ولا
اسمعونا مره ..
تحياتي لمبادراتكم الكريمه ..
فقط اضيف لاجندتكم مناقشة موضوع المساهمه في علاج الاخت غاده نوري هذا لو كان اقتراحي مناسبا ..
كسره: لاسباب خاصه لن نتمكن من حضور لقاءات (البورداب) ..
مع ما تقررونه وجاهزين ..
شكرا مرة اخري ..
منعم
| |
|
|
|
|
|
|
|
|
|
Re: بورداب الخرطوم ولقاء إستثنائي الخميس القادم 9/11 (Re: انعام عبد الحفيظ)
|
..
.
بعد اللقاء مع الزملاء بالمنبر فى مركز راشد دياب أمس
ذلك الذى عطر سماء الخرطوم بقراءات الشاعر محمد المكى ابراهيم
ومحى الدين الفاتح اخرون مع ابداعات الموسيقار محمد وردى ..
فى ليلة اقل ما توصف به رائعة ..
( دى غيظه لناس بره )
تم الاتفاق ان يتم اللقاء بحدائق شارع المطار
امام نادى التنس مراعاة لظروف التوصيل والمواصلات لبعض الاخوة
ولاحقاً سييتم الاتفاق بصفه دائمة على مركز تجمعى ..
نرجو من الاخوة الحضور فى الزمان والمكان المحددين ..
وكل عام وانت بخير؛
| |
|
|
|
|
|
|
|
|
|
Re: بورداب الخرطوم ولقاء إستثنائي الخميس القادم 9/11 (Re: انعام عبد الحفيظ)
|
انتظرني …
عند ناصية العمر …
وحواسي .. شمعة … تتوهج
في ميعادنا الأول
تتلاعب بها الريح حين تغيب عني ..
يتقاذفها … الشوق …
حين أنبت عن رحم … الانتظار
اشتهيك… !!
أدعوك لتنتظرني
عند منتصف القلب ..
سأكون .. هناك في الموعد
أتزين … بحبات الوجد
وأتعطر … باللهفة !!
بما اني حاليا متواجدة بالبلد .. فالظاهر كدا ... حأظهر وابان وعليكم الامان !! ( وش ابو غمزة ) !!
| |
|
|
|
|
|
|
|
|
|
Re: بورداب الخرطوم ولقاء إستثنائي الخميس القادم 9/11 (Re: انعام عبد الحفيظ)
|
Quote: المكان: حدائق المطار امام نادي التنس
الزمان: الساعة 7 مساء الخميس 9/11/2006
توجد مفاجاءات في اللقاء |
انعام
في داعي للحندكه دي يعني عشان انحنا متغربين وروحنا طالعه كل يوم تكاونا مش كفايه البسافروا والمسافرين - من هسه نجضوا الصور ياهاعزانا نشوف الناس.
على الجنبه :
نوال زاغت ..متين حنبدا بوست العجايز بتاع الاهليه والله انا بديت ابحت في الذاكره التعبانا طلعت جنس حاجات - بس مستنيكم
| |
|
|
|
|
|
|
|
|
|
Re: بورداب الخرطوم ولقاء إستثنائي الخميس القادم 9/11 (Re: انعام عبد الحفيظ)
|
معليش يا جماعة اضطرينا نغير يوم اللقاء
لانو عندنا فرحة في يوم الخميس
جاتنا افادة من المهندس بأنو
زواج زميلنا عضو البورد عاطف حسن
بنادي الكشافة الجوية في نفس اليوم
ولأنو عدد من الاعضاء ح يكونوا مشغولين مع العريس
اضطرينا نغير ليوم الجمعة
علية يظل المكان نفسه والزمن 7 م
ويوم الجمعة بدلاً من الخميس
| |
|
|
|
|
|
|
|
|
|
Re: بورداب الخرطوم ولقاء إستثنائي الخميس القادم 9/11 (Re: انعام حيمورة)
|
انعام عبدالحفيظ
كما عهدناك دائما هميمه وباعثه الفرح فى القلوب
انعم الله عليك قدر ما تتمنى من نعمته فقد كنتى بحق
نعمه من نعم الله ، واليوم وانتى تحتفى بالبورداب
الذين وصلوا وسيصلون الخرطوم جسدتى فعلا على نعمة
الله على عباده الشاكرين0
وتأكدى ما دام اخواتنا بنات حيموره حولك الحفل
ناجح ناجح ناجح وفقكم الله جميعا والتحيه لكل المحتفى
بهم ( دى وصيه لازم تبلغيها اثناء كلمات الحفل )
خالص تحياتـــــــــــى
ســــــــــــــيد
| |
|
|
|
|
|
|
|
|
|
Re: بورداب الخرطوم ولقاء إستثنائي الخميس القادم 9/11 (Re: انعام عبد الحفيظ)
|
إنعام عبدالحفيظ
إشراقه
إنعام حيموره
جميل المفردات
ورائع الحروف
على التهنئة
ونغض الطرف عن تأخيرها
انعام
العرس ما تم لسه
البقيه فى كسلا بعد عشرة أيام
وانشاء الله اللقيا تتأجل لحدى ما أجى
أو على شرط تعملوا لقاء تانى
عشان أكون معاكم
انا أصلى زول شِبكه
بس الوليدات ديل
ما هنونى مالن
ياربى يكون واحد فيهم كان
داير العروس ولا شنو
؟؟؟؟؟
ويا والى الدين
كلامك فى السلك
نحن ناس امدرمان وكت اتنازلنا
وما قلنا المكان حدائق امدرمان
اقلاها يكون فى حدائق الهيلتون
تانى مع الطيارات دى البسمع التانى منو
انتو بتقرروا بدون دراسة
والله سودانيين بحق وحقيقى
تانى العريس ده ( خالد )
ما لى يوم يعرس فيهو
الا يوم اللقيا ده
ما تقولوا ليهو يأجلوا شويه
( طبعاً ما جادى )
والتمنيات القلبيه بلقاء طيب يزيد من الاواصر
والعلاقات الاجتماعيه
ومعاكم بالوجدان
من كسلا
أرض المحبة والحنان
| |
|
|
|
|
|
|
|
|
|
Re: بورداب الخرطوم ولقاء إستثنائي الخميس القادم 9/11 (Re: ود العجمى)
|
| Quote: واهم شيئ الشيرنق 10.000جنية |
يا انعام انت قصدك ياتو جنيه
من الجنيهات... الجديد ولا القديم
يا سمرية... يا.....
طبعا نحن عبير خيري دي ما عندها فيها
كلام الا بس عندنا كلام في ناس تبلدينا ديل
و بعدين بورداب امدرمان ديل قايلاهم
هينين....
نحن بورداب امدرمان
سوف نحضر الي حدائق المطار
يوم الجمعة الموافق العاشر من
نوفمبر انشاء الله
و نرجو ان يوضع في اجندة
الاحتفال خصوصية قرب مكان الاحتفال
من امدرمان هذا اذا لم يتم في امدرمان من اساسه
و الا فاننا سوف نفرتق اي حاجة
و نخش الغابة البي ورا المهندسين ديك
و من اراد ان يفاوضنا نلتقي به في الريفيرا
و نعتصم بالريفيرا
بورداب امدرمان
| |
|
|
|
|
|
|
|
|
|
Re: بورداب الخرطوم ولقاء إستثنائي الخميس القادم 9/11 (Re: Waly Eldin Elfakey)
|
بورداب امدرمان ... ازيكم كلهم !!
اتشك في لساني لو قلت انتو هينين ؟؟!!
وطبعن يا ناس امدرمان اصل الحكاية غيرة مني ساي ... اهلي كلهم من امدرمان .. واصدقائي معظهم من امدرمان .. وكل الناس الحلوين من امدرمان .. وفي الجامعة كنت متضهبة على رابطة امدرمان وقمت حبيت امدرمان شديد ولما لقيت نفسي واقعة شديد قت اخير اتمرد واقيف ضد هذا الحب واكره ليك ناس امدرمان ديل كرها شديدا وعشان كدا انا حاليا ضد كل ناس امدرمان .. !!
وكل علاقتي بامدرمان اقاشي في الشهر مرة من عند التجاني .. او فول الجان مرات عديدة ... او صير وقزازة عصير !!
تاني فوقها شنو ؟؟
والداير .. يغالطني يلاقيني .. يوم الجمعة .. بكون مدسية وراء عبير خيري ( وش ابو غمزة )
والى لقاء
هبة
| |
|
|
|
|
|
|
|
|
|
Re: بورداب الخرطوم ولقاء إستثنائي الخميس القادم 9/11 (Re: انعام عبد الحفيظ)
|
Quote: ويا ريت يا بورداب لو في اي زول بعرف اي زول تاني
نحنا ما عارفين انو وصل السودان |
غايتو حسب علمي إنو بدرالدين شنا جاي في عيد الأضحى إن شاء الله وما بظهر في الخرطوم إلاَّ بعد العيد لأنو خط الرحلة في التذكرة هو
مسقط
مناقزا (حلتنا)
مسقط
وبعدين عشان ما تتعبوا الناس كل مرة يدفعوا 10.000 ممكن تستقبلوني بي (بالمسيخ ساي) المهم لمة الناس الطيبين
ملحوظة
عليك الله يا إنعام باركي لي ود عمتي عاطف حسن العرس أنا فترت من التلفونات ساااااااااااااااااي
مودتي وإحترامي (ماركة مسجلة بإسمك)
| |
|
|
|
|
|
|
|
|
|
Re: بورداب الخرطوم ولقاء إستثنائي الخميس القادم 9/11 (Re: بدرالدين شنا)
|
Quote: غايتو حسب علمي إنو بدرالدين شنا جاي في عيد الأضحى إن شاء الله وما بظهر في الخرطوم إلاَّ بعد العيد لأنو خط الرحلة في التذكرة هو
مسقط
مناقزا (حلتنا)
مسقط
|
بدر الدين بختنا نحنا كان كده
لانو عيدنا في الحصاحيصا
واكيد ما ح تبخل علينا وح تشرفنا في العيد
انت وغادة وامها وكل العيال
Quote: عليك الله يا إنعام باركي لي ود عمتي عاطف حسن العرس أنا فترت من التلفونات ساااااااااااااااااي
|
اعتبر التهنئة وصلت من هسه
بس على شرط تزورنا في العيد
مودتي واحترامي
| |
|
|
|
|
|
|
|
|
|
Re: بورداب الخرطوم ولقاء إستثنائي الخميس القادم 9/11 (Re: عمر الفاروق)
|
Quote: بدلتو دي إلا يمشي بيها سوق ليبيا !!!
|
بدلتو دا مشى بيها المانيا
سوق ليبيا للشرفاء الماسارقين قروش البلد سوق شعبى
والقروش الفيهو اكتر من خزينة السودان
Quote: وسبب واحد يخليهو يباري جكس المنبر ويضرب الكيك والقمر دين ماف ..
والله لو جا يكون زول دني بس |
قالو ليك بقال بجرى وراء البنات ياحبيب لى هو فاضى خلاص
وثم ثانيا رمضان انتهى تانى قمردين
وبقال مادنى ياحبيب
قالو ليك هو بطينى
بقال جاى كيا لا اى زول واى شخص
وبقال موقوف ولم يفصل
ولو فى واحد قال بقال بتاع امن خليهو ايمشى اشوف نفسو
| |
|
|
|
|
|
|
|
|
|
Re: بورداب الخرطوم ولقاء إستثنائي الخميس القادم 9/11 (Re: أبو عبيدة البصاص)
|
القرضابي
محمد خالد ابو نورة
محمد صادق البوصيري
احمد حنين
احمد الشايقي
عبد الغني كرم الله
ابكر آدم اسماعيل
اسامه عبد الجليل (Abomihyar)
عثمان ابو حراز
ياسر حنَّا
معروف حمدين
المكان: حدائق المطار امام نادي التنس
الزمان: الساعة 7 مساء الجمعة 10/11/2006
شكرا يا ابوعبيده
فكرتنا هي الترحيب بكل عضوية سودانيز اون لاين الجو البلد اجازة
ولمزيد من التواصل بين من هم داخل السودان وخارجه
ومن بداية البوست لو تذكر قلنا اي واحد من البورداب بيعرف
انو في عضو جاء في اجازة ينزل اسمو هنا
ويا ريت لو أكد كمان للعضو بالحضور في الموعد المحدد
لأننا ما عندنا تلفونات كل الناس
مودتي واحترامي
| |
|
|
|
|
|
|
|
|
|
Re: بورداب الخرطوم ولقاء إستثنائي الخميس القادم 9/11 (Re: عبد المنعم سيد احمد)
|
الاخت سمرية
وكل علاقتي بامدرمان اقاشي في الشهر مرة من عند التجاني .. او فول الجان مرات عديدة ... او صير وقزازة عصير !!
تاني فوقها شنو ؟؟
وتاني فضل شنو بعد كل الذكرتيهو
امدرمان وكفي
ماحاسدين بس بقرانيين علي اللقاء ونتمني مزيدا من التواصل واحتمال تلبت تلقونا معاكم في اللقاءات القادمة تشكري انعام علي المجهود
| |
|
|
|
|
|
|
|
|
|
|
|
Re: بورداب الخرطوم ولقاء إستثنائي الخميس القادم 9/11 (Re: انعام عبد الحفيظ)
|
Quote: يا لبنى لعل المانع خير
كنا في شوق نقابلك ونتعرف اليك |
ولبني دي ما إمكن طـالبة..شـاطرين بس تسمعوا كـلام ناس خـالد بحر?
هجمتي بت الناس سـاكت!
أسه عايني تبلدينا..بس قلت ليه أدفع لي معاك الإشتراك..طـفش فد طفشه لي روحـو
ماجه!
وأمس ليه ما اتكلمتي معاي يانعومتي?
أنا أمس اتكلمت مع اي زول..حتي "طـوب الأرض" اتكلمت معاه!
| |
|
|
|
|
|
|
|
|
|
Re: بورداب الخرطوم ولقاء إستثنائي الخميس القادم 9/11 (Re: محمد علي يوسف)
|
وQuote: ينذر بتمرد
و حركات انفصالية
ع/ بورداب امدرمان |
متحركاتنا جاهزة يا والي الدين في حالة حدوث اي تمرد دايرا جوي ولا بري ولا كيمياوي ..
انعام رايك شنو في الكلام دا .
يا جماعة احمد حنين دا خارجوهو سريع اجازتو انتهت من زمان ..
سلامي لكم جميعا وان شاء الله دائما سالمين وملومين على الخير ..
ود الباوقة
| |
|
|
|
|
|
|
| |
| |
انعام عبد الحفيظ
Ishraga Haimoura
الملك
عبير خيرى
سفيان بشير نابرى
عبد المنعم سليمان
ناذر محمد الخليفة
خالد خليل محمد بحر
ghariba
محمد الامين محمد
أحمد الشايقي
سمرية
Aymen Tabir
انعام حيمورة
عاصم ابوبكر حامد
Waly Eldin Elfakey
عصام عبد الحفيظ
عادل فضل المولى
سيد محمد احمد سيدنا
ود العجمى
Yassir7anna
Ahmed Daoud
بدرالدين شنا
shazaly gafar
مريم عزالدين صديق
ناصر محمد خليل
عمر الفاروق
محمد عادل
Ahmed Abdallah
أبو عبيدة البصاص
Muna Khugali
محمد عكاشة
عبد المنعم سيد احمد
Mutwali Malik
Abuelgassim Gor
محمد علي يوسف
فيس بوك
تويتر
انستقرام
يوتيوب
بنتيريست