|
دعواتكم لزميلنا المفكر د.الباقر العفيف بالشفاء العاجل
|
|
 Re: الفيفا يختار السودان رسمياً لمباراة مصر والجزائر (Re: انعام عبد الحفيظ)
|
يا أنعام يا راقية لو حدث أن إنتصرت مصر بفارق هدفين ستكون المباراة الفاصلة في الخرطوم كما تفضلتي بالقول .... وهو إختيار يسعد كل أهل السودان الذين يقفون مع مصر أو الذين يشجعون الجزائر أو بالاحري ضد مصر ... عليه نتمني أن ندير كل المسألة بإحترافية ووعي كروي عالي حتي نحقق منها أكبر الفوائد لبلدنا ...
دمتي جالبة للأفراح والأخبار الجميلة ...
| |
 
|
|
|
|
|
|
|
|
Re: الفيفا يختار السودان رسمياً لمباراة مصر والجزائر (Re: انعام عبد الحفيظ)
|
Quote: أتمنى ان يكون التشجيع متحضراً
وان يبتعد المشجعون عن المهاترات ما أمكن!!
حتى نعكس وجهاً متحضراً للمشجعين السودانيين
|
الله يخليك يا انعام عبد الحفيظ ..واعية والله ..
نحن معاك في دعواك ..
مصر شقيقة لبلادي ..وكتر خيرها اختارتنا ..
والجزائر أخت لبلادي ..
وكلتيهما عزيزتين علينا ..
نشجع الكورة الحلوة ونصفق لكل جميل ..
والجمهور السوداني ذوّاق لكرة القدم..
وسبق صفق لاندية هزمتنا بجدارة لجمال لعبها ..
اتمنى ان تكون هناك مباراة فاصلة بالسودان وليعرف الكثيرين ميادين بلادي ..
ونحبك ياسودان..
| |
|
|
|
|
|
|
|
|
|
Re: الفيفا يختار السودان رسمياً لمباراة مصر والجزائر (Re: فايزودالقاضي)
|
شكرا انعام علي الخبر
اتمني ان تحسن ولاية الخرطوم الاستعداد لهذه المناسبة والتي ستكون اعلاميه بالدرجة الاولي ..
واتمني ان نتخلي عن سلبياتنا ونترفع عن صغائر الامور .
وان يتم الاستعداد الكامل ولانعطي فرصة للظروف لتحرجنا امام ضيوف السودان ,,
نتمني ان يسمع نداؤنا هذا ..
ساكون باذن الله في الاستاد من بدررررررررررررري
| |
|
|
|
|
|
|
|
|
|
Re: الفيفا يختار السودان رسمياً لمباراة مصر والجزائر (Re: العوض المسلمي)
|
Quote: اتمني ان تحسن ولاية الخرطوم الاستعداد لهذه المناسبة والتي ستكون اعلاميه بالدرجة الاولي ..
واتمني ان نتخلي عن سلبياتنا ونترفع عن صغائر الامور .
وان يتم الاستعداد الكامل ولانعطي فرصة للظروف لتحرجنا امام ضيوف السودان ,,
نتمني ان يسمع نداؤنا هذا ..
|
نتمنى يا العوض ان نظهر بمظهر متحضر للمباراة
| |
|
|
|
|
|
|
|
|
|
Re: الفيفا يختار السودان رسمياً لمباراة مصر والجزائر (Re: خدر)
|
Quote: إنعام دي مُدرب ولا شنو ؟
 |
أي نعم مُدرب بس مُدرب من نوع تاني 
عليك الله يا خدر المصريين ديل دي مش كانت فرصة كويسه
عشان يساوموهم فيها في موضوع حلايب دا
معروف عنهم حبهم لكرة القدم وتعصبهم لتشجيع فرقهم
كان هسه خوفوهم من موضوع التشجيع وقالوا ليهم
السودانيين ح يشجعوا الجزائر مش كان ممكن يقولوا خلاص حلايب سودانية
| |
|
|
|
|
|
|
|
|
 Re: الفيفا يختار السودان رسمياً لمباراة مصر والجزائر (Re: محمد عمر الفكي)
|
خلاص يا نعومتي..
الملعب حلو والطقس جميل..
فضل بس تتأكدوا من حكاية الكهرباء..
حضروا مولد كهربائي للإحتياط..
وبرضه محمد ابراهيم ما تنسي المقعد تحجزه في حتة ممتازة..
علشان أنا ناوية أشجع حبيبتي مصر وعايزاهم يسمعوني..
ومعليش يا جزائر..انتي بالنسبة لي بعد مصر علي الرغم من اني بحبك برضه!
| |
|
|
|
|
|
|
|
|
|
Re: الفيفا يختار السودان رسمياً لمباراة مصر والجزائر (Re: محمد عمر الفكي)
|
الناس الحا تشجع الجزاير ديل حا يشجعوها ما حبا فيها ، حا يشجعوها كراهيه في المصريين و ده الحقد ذاتو ! و لسنا بحاقدين :
مع مصر في إستاد القاهره ، معها في إستاد الخرطوم و معها في Ellis Park Stadium بجنوب أفريقيا !!
و سنفتح بوست يا إنعام يوم السبت إن شاء الله إحتفالا بفوز مصر !!
و للحاقدين الرماد !*
------
* الجمله دي حقت زول بكتب هنا غايتو : منو ؟ ما عارفو !
| |
|
|
|
|
|
|
|
|
|
Re: الفيفا يختار السودان رسمياً لمباراة مصر والجزائر (Re: عمر التوم)
|
نعوم حبيبه الوصيه امانه يجب واجبة التنفيذ وصيتى هى ان تشجعى لى معاك اهلنا وحبايبنا فى شمال الوادى
وكان مشيتى شيلى معاك علم لى برضو معاك وكان فى صفقة اعملى حسابى فيها.. وكان الجماعه ولعو النار انتى شيلى معاك احتياطيا كده جريدة او الفحى ليك اولعمة تلاقيها فى سكتك ... ماتجى تقولى لى مالقيت انا اديتك كل الحلول والاحتمالات ..، وربنا ينصر حبايبنا
احنا مشتاااقين شديد ياخى انتى كويسه
تسلمى يارب ...
| |
|
|
|
|
|
|
|
|
|
Re: الفيفا يختار السودان رسمياً لمباراة مصر والجزائر (Re: نبيل عبد الرحيم)
|
في الشارع الخليجي و دولة قطر لا حديث للقطريين أو الوافدين من البلدان العربية إلا عن هذه المباراة بزعم أن مدينة الدوحة تستضيف في نفس يوم المباراة وفي نفس توقيتها يوم السبت مباراة دولية ودية بين فريقين من اكبر فرق الكرة الأرضية هما منتخب البرازيل ومنتخب انجلترا بكامل نجومهما لكن لا أهتمام بها ولا حديث عنها واعتقد انها لن تحقق حضورا جماهيريا إلا أبناء الجاليتين الانجليزية والبرازيلية وقلة من الآسيويين.. فالاهتمام كله لمباراة القمة العربية في التصفيات المونديالية.
بالطبع المصريون هم اكثر الجاليات الأجنبية كلها في قطر وباقي دول الخليج وأراهم يعقدون جلسات ليلية بعد انتهاء اعمالهم يتفقون علي مشاهدة المباراة في تجمعات قرب أماكن سكنهم ليخرجوا في مظاهرات احتفالية كبري فيها لو فاز الفريق المصري وصعد لكأس العالم.
الجاليات العربية هنا في الدوحة انقسمت فيما بينها في تشجيع الفريقين.. معظم ابناء الخليج قلبا وقالبا يتمنون فوز الفريق المصري.. وأيضا ابناء السودان ولبنان والمغرب وفلسطين.. أما الجالية التونسية واليمنية والاردن فغالبيتهم يحلمون بفوز الجزائر.. كل جالية تتذكر موقفا لبلادها مع اي الفريقين وبناء عليه يميل هواها لجانبه.
| |
|
|
|
|
|
|
|
|
|
Re: الفيفا يختار السودان رسمياً لمباراة مصر والجزائر (Re: نبيل عبد الرحيم)
|
سلامات يا انعام
مع الجزائر ضد محتلي بلادنا المصريين
مع الجزائر ضد مرتكبي مجزرة ميدان المهندسين من السودانيين
مع الجزائر ضد من شجعوا تشاد عندما لعب السودان ضد تشاد في بلادهم
مع اي دولة ضد كل من مس السودان والسودانيين
اذا اتلعبت الكورة الفاصلة في السودان ح تكون المرة الاولي لي ادخل استاد في السودان !
| |
|
|
|
|
|
|
|
|
|
Re: الفيفا يختار السودان رسمياً لمباراة مصر والجزائر (Re: Mohammed Ibrahim Othman)
|
سلام وتحية للجميع مناصرين .. ومناوئين..
وبغض النظر عن الفريق الذي سيفوز بنتيجة المباراة اعتقد ان السودان سيكون الفائز الاكبر لو استثمرت الفرصة بصورة جيدة
وانا كنت اتمنى هذه النتيجة . والحمدلله حصل ..
لانها فرصة عظيمة وكبيرة وزي مابقولو فرصة جات من السما..
بالمناسبة انا ما عندي فكرة عن الكورة خالص ..
بس اعتقد بان شكل وظروف المباراة هتكون مختلفة تماما عن كثير من المباريات التي اقيمت في اي استاد في السودان .
بسبب قوة المنافسة نفسها والمتنافسين .. والظروف التي سبقت قيام المباراة الاخيرة من شد وجذب وتسخين بلغ اقصى مداه..
ومن ناحية الجمهور المتوقع وصولهم لمشاهدة المباراة الى جانب المشجعين القادمين من خارج البلاد واعتقد بانهم الاكثرية.. (يعني سياحة اجبارية) لدولة لم تضع في اجندتها استضافة بطولات .. ولا تسويق سياحي .. مع ملاحظة ان هنالك اعتبارات كثيرة متوقعة من ناحية التنشيط التجاري والسياحي.. وفرصة لعكس صورة جديدة لسودان جديد .
يعني بالميت لو واحد صاحب تاكسي ولا ست شاي ولا عامل بسيط شغال في المطار او في فندق درجة اولى أو درجة تالتة يمكن ان يستفيد من تواجد زوار (اجانب) وباعداد تفوق (العشرة الف مشجع ) كما توقعتها الجهات المصرية وفي خلال يومين.
وكمان لو الفضائية السودانية لديها حق نقل المباراة (انا مش متاكد من دي ) هتكون السودان قبلة كام الف مشاهد جديد هيعرف عن السودان حاجة. لان اغلب مواطني دول الجوار لايعرفون كثير شيء عن سوداننا الحبيب .. وممكن من خلال الكم الكبير من المشاهدة للتلفزيون السوداني في ذاك اليوم أن يعكس صورة مناسبة ومشرفة للسودان بجهد الجهات ذات الاختصاص ..ودي لوحدها فرصة نادرة لن تتكرر بسهولة .
المهم نامل ان تكون النتائج مرضية ومشرفة للسودان والسودانيين .
اما الفوز والخسارة ونتيجة المباراة ( بحكم ان الكورة ليست من اهتماماتي ) ارجوا ان تكون من نصيب من يستطيع ان يواصل المشوار ويتقدم أو يقدم نتائج افضل في منافساتها القادمة مع بقية الفرق المشاركة في كاس العالم .( يعني المؤهل للاستمرار) ..
ولكم ولهم ..خالص المودة
| |
|
|
|
|
|
|
| |
انعام عبد الحفيظ
زهير الزناتي
Mohammed Ibrahim Othman
Muna Khugali
بابكر التوم
tmbis
ALGARADABI
Elhadi
HAIDER ALZAIN
محمد عبدالرحمن
Sayed Bekab
الهادي محمد ابراهيم
فايزودالقاضي
العوض المسلمي
محمد المرتضى حامد
Zomrawi Alweli
ismeil abbas
Hani Arabi Mohamed
خدر
Mannan
بكري عباس علي
أيمن مبارك أبو الحسن
walid shingrai
محمد عمر الفكي
ashraf mukhtar
على محمد على بشير
أمين محمد سليمان
كمال مبارك
عبدالوهاب علي الحاج
شول اشوانق دينق
عمر التوم
ماجدة عوض خوجلى
Nazik Eltayeb
نبيل عبد الرحيم
محمد حيدر المشرف
عزان سعيد
welyab
فيس بوك
تويتر
انستقرام
يوتيوب
بنتيريست