دعواتكم لزميلنا المفكر د.الباقر العفيف بالشفاء العاجل
|
|
 آخر إحصائية إنتحار مائة مفلس (لو عايش/ة طمني/ني عليك)
|
جاتني الرسالة دي في تلفوني
في الأول ضحكت وبعد شوية بديت أفكر في كلماتها
ولقيت إنو لو فعلاً الناس حسبت دخلها في الشهر
مع منصرفاتها فيه ما ح يكون في توافق!!!
طيب اذا المنصرفات دي أكبر من الدخل
كيف الناس دي بتكمّل الشهر بتاعها بالطريقة دي؟؟؟
لكن بالجد لو حسبوها الناس ح تمشي تكلّم نفسها في الشارع
وأنا أول الناس بقول ربنا يستر على
ويارب ما يجي يوم وألقى نفسي بتكلّم براااااااااااااى
طبعاً ربنا كريم والناس ماشية بالبركة وقول الحمد لله
ربنا يفرّج هموم العباد جميعاً قادر يا كريم
|
|
 
|
|
|
|
|
|
|
 Re: آخر إحصائية إنتحار مائة مفلس (لو عايش/ة طمني/ني عليك) (Re: فرح)
|
نعومة صباحك فل,
اتمناك بخير و عافية
انا غايتو و الحمد لله ما مفلسة شديدة اطمئني 
عارفة فى واحدة من قرأتى المتفرقة صادفت قصة تقول :
(ان احدهم جالس و تتلمذ على يد عالم فقيه يشهد له بالحكمة و التقى و عندما اكمل ما تيسر له من مدارسة قرر ان يرحل و يتنقل ليتفع الناس بما من الله عليه من علم و حين وداعه لاستاذه طلب منه و على استحياء ان يدله على اسباب تمكنه من الرزق عندما يرحل فقال له العالم اخرج من هذة الحجرة الى الفناء و عد بعد برهة ففعل و فسأله العالم هل تركت ظلك وراءك بالخارج عندما عدت ؟ قال التلميذ مستنكرا لا قال الحكيم و كذا رزقك المكتوب يتبعك اينما حللت و كنت !
كمية من الشوق ,
نادية السر
| |
|
|
|
|
|
|
|
|
 Re: وناسا عايشي علي الماهية من يوم خمسة الجيب إتقمح (Re: ملكة سبأ)
|
Quote: بعد الشفتو براك ياقلبي أخيرلك ترجع منك وليك
خلي وظيفة المكتب طايري لا لا قسم مالايقي عليك
عود من تاني وازرع أرض مابتخضر إلا بيديك
عــــزة نفسك
فـــــــــــــي
واطــــــاتـــك
جـــم نخـــلاتك
وبين والديـــــك |
يعني يا ملكة سبأ هسه نشيل طوريتنا
ونرجع البلد ولا شنو المعنى؟
| |
|
|
|
|
|
|
|
|
 Re: آخر إحصائية إنتحار مائة مفلس (لو عايش/ة طمني/ني عليك) (Re: مصطفي سري)
|
هوووووووووووى يا مصطفى سري شنو كل مره يادفعة
انا كمان دفعتك وين هسه بكلم ليك الجماعة
Quote:
اسالي فرح ، بالمناسبة هو من زمان بسال ويشحت حق المواصلات |
فرح دا اليومين ديل مافاضي لينا معاهو جماعتو
ما تسألني جماعتو منو عشان ما اقول ليك (شفيق يا رااااااااااجل)
يا مصطفى يعني تاني ما اتصلت!!!
مفلس ولا شنو؟ بس اوعى من الإنتحار
| |
|
|
|
|
|
|
|
|
|
Re: آخر إحصائية إنتحار مائة مفلس (لو عايش/ة طمني/ني عليك) (Re: انعام عبد الحفيظ)
|
إنعام كيفنك
غايتو والله ماشه بالبركة ساااااااكت ، الواحد من نصف الشهر تلاقيهو بتلفت ذي مروحة التربيزة ، يعاين يمين وشمال ، غايتو إنت يا نعومة كده بياض النية عندك بيمشيك إن شاء الله ، بس لو ما عائزه تفلسي إقرأئي سورة الواقعة كل يوم بعد صلاة الصبح ، أها أديناك الحل نشوفيك بتحليها ولا لا .. فتك بعافية يا مفلسة .... غايتو طمئنيني عليك . 
| |
|
|
|
|
|
|
|
|
|
Re: آخر إحصائية إنتحار مائة مفلس (لو عايش/ة طمني/ني عليك) (Re: Muna Khugali)
|
يا دفعة ليه بتزعلي من حكاية الدفعة ، طيب الدفعة الوراي
كيف ، انا ما اتصلت مش لاني مفلس والحمدلله ، لكن لاني
عندي قروش كتيرة ما عارف اعمل بيها شنو ، هل يمكن للعندو قروش يدخل ضمن
نقابة المنتحرين ، اسالوا الاستاذ السني اول عضو في تلك النقابة
قبل حلها في يونيو 1989 والسبب كانت محاولة من الجماعة اعادة
تشكيلها وعندما علموا ان ليس بها فلوس خلوها ساكت ، المهم يا الدفعة
الواري انت وعدت بالاتصال وانا في الانتظار ، ولو سمحت ارسلي
الهاتف الي فرح ، ابقي عافية ، وفلس صاح
| |
|
|
|
|
|
|
|
|
 Re: آخر إحصائية إنتحار مائة مفلس (لو عايش/ة طمني/ني عليك) (Re: Muna Khugali)
|
Quote: الله يخلي لينا حيط لندن فيها مكنات بتسد الرمق!
لكن برضه يا نعومتي بما انه الاشياء نسبيه..
فأنا أسه ماعارافاني انتحرت ولا لسه! |
عارفه يا منوية
اكتر حاجة بتعجبني فيك انك بتستطعمي الحياة
يعني بتحاولي تعيشيها صاح حلوها ومرها
وعندك ملكة صبر وكظم غيظ حلوة
خليك على كدا لأنو أكيد انتي كسبانة
وما شرط تكسبي فلوس حب الناس دا أكبر مكسب
| |
|
|
|
|
|
|
|
|
 Re: آخر إحصائية إنتحار مائة مفلس (لو عايش/ة طمني/ني عليك) (Re: انعام عبد الحفيظ)
|
نعوم !!!
صباح الخير,,,
معليش كنت مسافرة ,, بس السلفية ممكن تاخديها من بنك الفقراء بتاع محمد يونس من بنجلاديش الفاز
بجائزة نوبل ,,, فقراء السودان ليهم الله وعيشة السوق ,,
| |
|
|
|
|
|
|
|
|
 Re: آخر إحصائية إنتحار مائة مفلس (لو عايش/ة طمني/ني عليك) (Re: نهال كرار)
|
Quote: الشعب السوداني كله مفلس
عايش على البركة ساي زي ما قلتي
لو ما حرمة الإنتحار ماسكة ناس كتار منه , كان السودان دا فضى من زماان
ربنا يعين الجميع |
نهال
سلامات
ربك بيستر على عبادوا وهي مرات تضيق عليهم
لكن الفرج بيكون اقرب اليهم مما يتخيلوا
هنالك بيت شعر يقول
ضاقت حلقاتها ولما استحكمت فرجت وكنت اظنها لاتفرج
طبعا المتضايقين والمتشائمين بيقولوا
ضاقت حلقاتها ولما استحكمت ضاقت تاني
| |
|
|
|
|
|
|
|
|
|
Re: آخر إحصائية إنتحار مائة مفلس (لو عايش/ة طمني/ني عليك) (Re: انعام عبد الحفيظ)
|
(ابو النوم)ودي فرصة حلوة نعرفكم بصديق ملازمنا وملازمكم طوالي,زمان في مدرسة المؤتمر سألنا استاذ العربي عن ما هو ابو النوم وكان استاذ ظريف جدا كنا نتشوق لمحاضرته لانو كان بدينا ادب وطبعا الزمن داك كنا بنحب ليك الغزل ومحاضرتو وكده لعامل السن انذاك وامكانية الاستاذ في الشرح وكده,المهم ابو النوم صاحبنا طلع الخيط الذي يوجد في الجيب وما اكثرك يا ابو النوم في السودان
| |
|
|
|
|
|
|
|
|
|
Re: آخر إحصائية إنتحار مائة مفلس (لو عايش/ة طمني/ني عليك) (Re: انعام عبد الحفيظ)
|
Quote: فعلاً الناس حسبت دخلها في الشهر
مع منصرفاتها فيه ما ح يكون في توافق!!! |
جمال حسن سعيد اتفرحخ ليها في ا
وختاها كيمان كيمان
وكل ما يحسب ليهو ديانين يلقى نفسو نسى ليها ديانيناً تانيين
ويقول (لالالالا ما لافقة) .. وفي النهاية يجي الهواء يطيرم منو وللا
يجي واحديختفم .. وفي ناس تانيين لمن يقعدوا يحسبوها ويوزعوها على الديانة
وما تلفق يقوموا يقرروا ما يدوا ولا واحد من الديانة والديون تتراكم والموبايلات
تتغير او ما يردوا عليها ويمشوا يطلّعوا دفتر شيكات ويكتبوا شيكات طائرة والبلاغات
تتفتح واوامر القبض تطلع والعساكر يشتغلوا وطبعا لازم تغمت للعسكري عشان يمشي معاك
ويقبض ليك على الاداك الشيك الطائر والسجون تتملي والمساومات تبدأ والتسويات تدوّر
(والمال تلتو ولا كتلتو) .. وبي كده يمشو شهور وشهور وتكون الحياة ماشة (والله كريم)..
| Quote: ويارب ما يجي يوم وألقى نفسي بتكلّم براااااااااااااى |
هي عاين دي هي قايلة نفسها لسة ما قاعدة تتكلم براها..
طبعا المصيبة انو الزول البتكلم براهو ما بكون عارف نفسو بتكلم براهو.
| Quote: طبعاً ربنا كريم والناس ماشية بالبركة وقول الحمد لله |
ايوااااااااااا اهو ده الكلام
| |
|
|
|
|
|
|
|
|
|
Re: آخر إحصائية إنتحار مائة مفلس (لو عايش/ة طمني/ني عليك) (Re: امير عوض الجمري)
|
إنعام سلام
قلتي شنو؟؟ أنتحر؟؟
الإنتحار حرام بودي النار عديييييل
لكن القتل و خاصة لم تقتل زولاً قلع حقك ومتفشخربو
يمكن يكون في خيار غير النار .. طالما بقي بالحق
يعني أي زول مفلس يشهر سيفوا اقصد سلاحو على النهبوا حقوا
و يا أخوانا بطلوا السلبية و ندب الحظ..
يعني اللقفوه ناس الجاز و اخوان الرئيس....... و اللستة طويلة
ده رزقهم؟؟.. ونسكت ننتحر؟
لازم أدخل شوية مناحة قبل الإنتحار
لكي يا ستي
عنق الوردة الغير نازفة
و كذلك ودي
| |
|
|
|
|
|
|
|
|
 Re: آخر إحصائية إنتحار مائة مفلس (لو عايش/ة طمني/ني عليك) (Re: Gazaloat)
|
Quote: الحمد لله. انا ولا منهم ولا حاجة. انا اصلى من الله خلقنى ولامشيت معاهم ولاباريتهم ولابعرف محلهم بى وين وهو زاتو ماكلمنى ولاحاجة بس فجأة قام مات. ليه... واللهى ماعارف. لكين بسأل ليك بتول. هى غالبا بتكون عارفة. لكين هى كمان غتيتة. مابتتكلم. على اى حال ماتشيلو هم. الحلاق هسع بفتح. ندقق الدقيق ونقلب اهلنا .
|
عبد المنعم
الجن بداوى كعب الإندراوة
حالتك كويسه برضو أخير من الناس الإنتحروا ديل
Quote: ياخ ما القى عندك (حتة جنيه).
|
لا ما عندي عليك الله لما تلقى الجنية أقسم لي معاك
| |
|
|
|
|
|
|
|
|
|
Re: آخر إحصائية إنتحار مائة مفلس (لو عايش/ة طمني/ني عليك) (Re: امير عوض الجمري)
|
Quote: وفي ناس تانيين لمن يقعدوا يحسبوها ويوزعوها على الديانة
وما تلفق يقوموا يقرروا ما يدوا ولا واحد من الديانة والديون تتراكم والموبايلات
تتغير او ما يردوا عليها ويمشوا يطلّعوا دفتر شيكات ويكتبوا شيكات طائرة والبلاغات
تتفتح واوامر القبض تطلع والعساكر يشتغلوا وطبعا لازم تغمت للعسكري عشان يمشي معاك
ويقبض ليك على الاداك الشيك الطائر والسجون تتملي والمساومات تبدأ والتسويات تدوّر
(والمال تلتو ولا كتلتو) .. وبي كده يمشو شهور وشهور وتكون الحياة ماشة (والله كريم).. |
امير الجمري
بالله بعيد بعيد من زي ديل
مالك علينا خليتنا ننطط عيونا ياخ
تسلم يا امير وربنا يغطي علينا كلنا
| |
|
|
|
|
|
|
|
|
|
Re: آخر إحصائية إنتحار مائة مفلس (لو عايش/ة طمني/ني عليك) (Re: انعام عبد الحفيظ)
|
| Quote: الناس حياتها مستمره وعايشه بالبركة |
تعرفى يا نعومة
البركة دى أحسن تعريف ليها قالو خفير فى نسيج الصداقة
(أن الكلاب تلد فى السنة حولى 10 - 20 جروا ... ومع ذلك عدد الكلاب ( الحيوانات) فى تنافص ..
و أن الخراف تلد فى السنة حملا واحد و تذبح فى المناسبات والأضاحى ورغم ذلك أعدادها قى تزايد ..)
اها دى البركة
أديك مثال تانى ...
أنت قليلا ما تكتبين ... ومع ذلك محبيك فى تزايد ... أها دى بركة ..
| |
|
|
|
|
|
|
|
|
|
Re: آخر إحصائية إنتحار مائة مفلس (لو عايش/ة طمني/ني عليك) (Re: ابوحراز)
|
Quote: لدينا مدير ساخر بالمرحلة الابتدائية
كنا جميعاً بنكره هذا المدير لدرجة ماتتصوريها
لأنو كان عابس ومتجهم ومابيضحك نهائي الا في آخر الشهر !!!!!!!
يعني يوم يستلم الماهية بيضحك
|
اها يا ابو حراز
اليوم أول الشهر
الناس كلها بتكون عاملة كدا
بس بعد كم يوم أجارك الله يكونوا
قسموها لبتاع الدكان واللبن والفرن وووووووو
الله يعينهم
| |
|
|
|
|
|
|
|
|
|
Re: آخر إحصائية إنتحار مائة مفلس (لو عايش/ة طمني/ني عليك) (Re: doma)
|
Quote: انا محبطه وفلسانه ضربت لاختي عايزه استدين منها 100 دولار قبل افتح خشمي
بدت تحكي لي عن الامور الخربانه لما الكرت كمل والنوم طار من عيني |
يعني هسه عليك الله يا خالة دوما في داعي تقطعي قلبي كدا؟
هسه انا ابقى ليك جعلية وارسل ليك المية دولار
تخريمة:
ياخي انتي لذيذه شديد
| |
|
|
|
|
|
|
|
|
|
Re: آخر إحصائية إنتحار مائة مفلس (لو عايش/ة طمني/ني عليك) (Re: مصطفي سري)
|
Quote: يا دفعة ازيك ، رضيت ام ابيتي دفعتي وسجلات الجامعة موجودة
|
السجلات ياتا يا مصطفى سري؟
ما زمان اتحرقت في 96 في الحريقة المشهورة بالجامعة
وبقى مافيش مستندات رسمية
Quote: والله من دخلت البوست دة المرتب ما وصلني وهنا الايجار ما تدفعوا المحكمة
طوالي عليك الله شيلي البوست عشان ما يرسلوا لي مرتبي وبعدها رجعيهو
انشاء الله السنة كلها |
تقصد شنو ماعرفت!!!!
بطّل حركات يا سري وإلا ح يرجعوك من هناك
Quote: شفتي اتجرست قدر شنو ولو اتاخرت الماهية
اكتر تلقيني نفذت وابقي رقم مائة وواحد |
متجرّس شديد عشان كدا انت براك بتعمل 200 مفلس
| |
|
|
|
|
|
|
|
|
|
Re: آخر إحصائية إنتحار مائة مفلس (لو عايش/ة طمني/ني عليك) (Re: معتصم دفع الله)
|
نعومة دفعتي ، انت الوش الضاحك بتعملو كيف والله قدر ما حاولت ما قدرت لمن
الكمبيوتر قرب يطرشق من الضحك ، اها قلتي اتحرقت يعني دفاعاتي ناس نوال
جحا واميمة حسنين وطرزان ممكن يجو يكضبو ويقولو ما دفعتي ، الفيك اتعرفت
شايف خبر القبض علي احمد هارون وكوشيب ، كان هم مفلسين اخير ليهم اعلانك
ويبقو مائة واثنين وبعد داك زول يمسك العدد لان البشير سال اين هو سقف
المدعي العام للمحكمة ، ويا دفعة ديل ما عندهم مغالتطات
سلامي لاولاد الدفعة حتي العثور علي ملفات الجامعة او كتابة واحدة تانية
والاتية اسماءهم هم من دفعتي ، قلتي شنو ما داعي اوكي
| |
|
|
|
|
|
|
|
|
|
Re: آخر إحصائية إنتحار مائة مفلس (لو عايش/ة طمني/ني عليك) (Re: مصطفي سري)
|
Quote: نعومة دفعتي ، انت الوش الضاحك بتعملو كيف والله قدر ما حاولت ما قدرت لمن
الكمبيوتر قرب يطرشق من الضحك |
تدفع كم لدفعتك المفلسة دي وهي ح تعلمك؟
Quote: اها قلتي اتحرقت يعني دفاعاتي ناس نوال
جحا واميمة حسنين وطرزان ممكن يجو يكضبو ويقولو ما دفعتي ، الفيك اتعرفت
|
يا سلام على الناس الحلوين والزمن الجميل
لكن يا مصطفى ديل كلهم ما دفعتي انا
شوف ديل دفعة منو بالضبط
| |
|
|
|
|
|
|
|
|
 اها هسه انت طمنّا عليك حالتك كيف؟ (Re: walid taha)
|
وليد طه
Quote: يقول المثل الإنجليزى : صُنعت النقود مستديرة لكى تسير
|
هي فعلا مستديرة وبيني وبينك أغلب الأوقات بتدينا الوش التاني وش الفلس
Quote: الحاجة الغريبة الماقادر افهمها انو الواحد لمن يكون ما عندو قروش بقولو ليهو (مُفلِّس)
فى نفس الوقت العندو قروش بقولو ليهو (مُقِّرش)
رغم انا الفلوس هى القروش !!!!
مُش غريبة بالله؟!!!
|
غريبة وبس!!!!
اها هسه انت طمنّا عليك حالتك كيف؟ 
| |
|
|
|
|
|
|
|
|
|
Re: آخر إحصائية إنتحار مائة مفلس (لو عايش/ة طمني/ني عليك) (Re: انعام عبد الحفيظ)
|
نعومى حبيبة كيفيك
انا غايتو لو استمر الحال كما هو انتى حوالى تتطمنى على
نعومى ماتمسكى الزول الساكن فى الموبايل بتاعك والله لمن بقيت اخجل
انا لى تلاته يوم بتصل بيك وبيرد على واحد تانى وطبعا بقوم اعتذر
ليه لكن هو فى النهاية وصل الى انى بشاغل فيه وانو الاوراق اتكشفت
والاكتر من كده قال مسلطنى عليه العوقة بدرالدين وقدر ماحاولت اقول
ليه انى متصله فعلا غلط مااقتنع .
اسمحى اى نعومى
Quote: الحاجة الغريبة الماقادر افهمها انو الواحد لمن يكون ما عندو قروش بقولو ليهو (مُفلِّس)
فى نفس الوقت العندو قروش بقولو ليهو (مُقِّرش)
رغم انا الفلوس هى القروش !!!!
مُش غريبة بالله؟!!! |
انا اوريك ليه لانو النقطة الناقصة فى كلمة فلوس (ف ) القروش (ق ) + التلات نقاط الناقصة فلوس (س )قروش (ش )
وطبعا اى حاجه بتكون ناقضه بتكون مفلسه واى حاجه بتكون رايده بتكون مقرشة وبس
| |
|
|
|
|
|
|
| |
انعام عبد الحفيظ
فرح
ALGARADABI
بدرالدين شنا
عاصم ابوبكر حامد
ملكة سبأ
معتصم الطاهر
سمرية
مصطفي سري
abubakr
ماجدة عوض خوجلى
Muna Khugali
حسين يوسف احمد
غادة عبدالعزيز خالد
عواطف ادريس اسماعيل
salma subhi
محمد المختار الزيادى
امير عوض الجمري
Abdulbagi Mohammed
Gazaloat
معتصم دفع الله
فدوى الشريف
ابوحراز
doma
walid taha
طارق جبريل
فيس بوك
تويتر
انستقرام
يوتيوب
بنتيريست