|
|
 زين للإتصال ... حقاً زين عالم شين .
|
بدون مقدمات بعثت الينا شركة زين بأنه قد فُرضت رسوم على الاستقبال استقبال المكالمات في التجوال ... فقط احترمونا وقولوا لينا الحاصل الاسباب والدوافع من يعوضنا وقد غيرنا جوالانا الى ابو شريحتين وجلبنا لنا وللأصدقاء وبعث معنا اهل كُر بشرائح زين لأبناءهم في المهجر فإذا بزين دون مقدمات , دونما احترام لعملائها دونما اعتذار او مبرر تبعث برسالة وبدم بارد ان خدمة الاستقبال صارت برسم على الطرفين ب 50 قرش سوداني .
من الان اتركوا زين وتحولوا الى شركة موبايلي الشركة المحترمة بحق .
.....................................................................................................حجر.
مع حفظ حق ابننا مرهف معتصم الجمام في العنوان .
|
|
 
|
|
|
|
|
|
|
|
Re: زين للإتصال ... حقاً زين عالم شين . (Re: شادية عبد المنعم)
|
الأخ حجر تحياتي
في بوست مجاور للاخ ناذر الخليفة كتبت عن زين في خدمتها زين كونكت كلاما كثيرا سأقتبسها لك هنا
هنارابط البوسط تناول فيه الجميع تظلماتهم من شركات الاتصالات
السادة / شركة سوداني للإتصالات (خدمة الـ MDSL ) ..!!
هذا ما قلته في حق زين وغيره وسأحاول ان انقل لك كل ما له علاقة بزين فقط والمضوع كبير
بتاريخ 29-01-2009م
Quote: بالامس طرقت كل ابواب الاتصالات ابحث عن خدمة الـ Toll-Free No
تخيل مافي!!!
الهمبتة البتحصل للمواطن في حال اتصاله من شبكة لاخري وعدم السماح للعميل بان يستخدم بعض التقنيات الا من داخل الشبكة نفسها مثل (البلك مسجس عند زين مثالا) ايضا احتكار سيء وممل ويجب للدولة ان تتدخل فيها لصالح المواطن.
اسوأ شيء بعد الحروب في السودان اكل اموال المواطن لعدم معرفته بالتقنية.
|
اقتباس رقم 2 برضو في نفس الاتجاه
Quote: المشكلة يا ناذر ليست في الشخص الواقف علي كاونتر خدمة العملاء او في المعرض
المشكله في المؤسسات نفسها يعني الموظف لا يرفض ان يتم تدريبه وتأهيله..بل ان المؤسسة نفسها لا تؤمن بكلمة تدريب وان آمنت ودربت لن تدرب عند جهات مختصة
المضحك المبكي ان هذه الشركة لديها مركز تدريب اكبر القصر الجمهوري بالقرب من حديقة القرشي
المشكلة الاكبر اين دور الدولة في حماية المستهلك الذي يدفع في كل 100 عشرين كقيمة مضافة
هنالك دول تحترم مواطنيها والشركات تحترم عملاؤها لكي لا يتسربوا منها لمنافس آخر
كثير من الدول تستعمل كونكتر واحد للدخول من شبكات اخري...هنا لا
تدفع تلمية خمسين اول حاجة سعر الجهاز
تدفع قروش الخدمة اول عشان يوروك الويل
تشتكي لمنو
المسالة تعدت رداءة الخدمة ودخلت في اكل اموال الناس بالباطل كما اسلفنا ...منو المفروض يرجع للناس دي حقوقها |
اقتباس رقم 3
الضرب في الانكل وبمزاااج
Quote: هي دي المشكلة ذاتها...
والله يا عبداللطيف انا التسعير بتاع زين ده ضارب لي رأسي عديل...2قيقا بخمسة وخمسين الف
4 او 5 قيقا غير متاكد اعتقد بمئة وخمسة الف...
يعني الميقا بقع معاك بـ27.5 جنيه بالقديم...تقوم تكمل الحصة بتاعتك يبقي 10ميقا بالف وميتين جنيه حسب ما علمت من موظفة الكستمر كير عندهم.يعني المسألة ممكن تكون مبررة لو بقت بـ 35 جنيه مثلا للقيقا..لكن زيادة فلكية قدر دي ؟؟
يمكن انا فاهم غلط؟اليفهمونا كدي طيب الحاصل شنو
كيف يتم التسعير في زين. |
اقتباس رقم 4
Quote: ياخوانا معقولة يا عالم جميل..عالمكم جميل لدرجة انو ما تتابعوا بوست قرايته واصلة3500 تقريبا واكتر من 150 مداخلة
للدرجة دي عالمكم جميل و مخملي ..
والقيقا الاضافية البطلعوها ناس كنار بـ 28 او تلاتين الف انتو بتحاسبوا عملاؤكم ب100 جنيه(بدون 20 الـVAT) حسب رد موظفين الكستمر الكير عندكم.
يعني معقولة؟
افترضنا انو الزول اشترك 2 قيقا وخلص حصته تقوموا تبتزوه عشان عارفنه ما حيكون عايز يغير الخدمة لمجرد قروش اضافية
طيب سودانيز اون لاين ما بتقروها...ما بتابعوا اخبار منافسيكم كمان
عيب منكم يا... يا (بايونير) الاتصالات في السودان..عيب والله
ولا تصريف الاجهزة الاشتريتوها مع الشرائح كبروموشن عمل ليكم فشل خدمي؟
نوريكم بشتروا الـ IVR من وين؟؟سيسكو؟ ولا نورتل ولا منو؟؟ياخ انتو سيد العارفين ولا ست العارفين ما بعرف!
معقولة خمسمية موظف في الكستمر كير ما قادرين تشتغلوا شغل عشرين في موظف كنار حتي لو اديناكم العذر انو عدد عملاؤكم اكبر بكثير من كنار...لكن اقعدوا في واطة الله واتعلمو
العلم ما عيب يا زين
المفروض انتو يكون عندكم اكبر مركز لخدمات العملاء وبتعملوا زي 1000 كول سنتر للشركات التانية باسعار كويسة عشان تطوروا معاكم البلد كمسئولية اجتماعية بتقوم بيها الشركات الكبيرة ...مش تدوا اسعافين ولا مدرسة في حتة وخلاص.
بتعرفوا المسئولية الاجتماعية يا شركات الاتصالات؟؟
زين شركة تدفع في (البوزشننق) للشعار الجديد 5 مليون دولار تغلبها تشتري ليها برنامج لادارة العملاء بملايين اقل منهابكتير ..تقوم تخت خدمة عملاء تضع المواطن عشرة دقايق (اون هولد) وبعد داك يرد الموظف تاني يعطلوه عشرة دقايق.
ليه ذنبنا شنو؟
انتو قايلين نظرية الماركت (بايونيرنق) ما بتتغير ولا شنو
هي فجوة بقراها منافس بشكل سليم والمعادلة بتتغير..والسوق بقلب طاولته في وشكم بدون اي رحمة
صدقوني بتتغير واقروا cases مشابهة في القوقل وما بعيد
اي بي ام و اي تي اند تي وانرون في الطاقة وغيرهم في عرف الشركات ما كان بتخيلوا يوم انهم حيكونوا في موقع صعب
خشوا اصعب المواقف
تجوا ولا نجي برضو؟؟
كنار استفادت من البوست اكثر من اي شركة اتصالات وهذا حقها لانها تتعامل باحترام مع الجميع (برضو في اسئلة معلقة فوق)
سؤال بالجنبة: لكل شركات الاتصالات بالله متين اخر مرة او قول اول مرة عملتوا سيرفيي عشان الكستمر ساتسفاكشن...ياخي ده برنامج بسيط لقياس رضاء العميل ممكن يركب في اي موقع الكتروني بخصكم
ياخي ذنبنا شنو نتحملكم قدر دا يان شركات الاتصالات؟؟؟
|
اقتباس رقم 5
Quote: ناذر وضيوفه
سلام
Quote: كامل التاييد للخطوات العملية ايا كانت ، ارجاع الاجهزة من خلال عمل جماعي
ومذكرة قانونية وحملة توقيعات.
ان كان هنالك اي مسعي لمخاطبة فليكن للهيئة القومية للاتصالات ...فهي الجهة المسؤولة من من شركات الاتصالات وهي التي تنظم عملها..
ان كان هنالك مذكرة او اي تحرك فليكن ضد سوداني ورصيفاتها ومنها زين
فلتقنعنا زين كيف يكون سرعتها كما موضح في الصورة ادناه وهي تستأجر المخارج من شركة كنار...وكنار نفسها لا تعلن عن هذه السرعة
انا اشكك في سرعة زين المعلنة وان ثبت تشككي فإن هذا يندرج تحت قانون الغش التجاري الي ان يثبتوا لي العكس
شركات الاتصالات لازالت (عاملة رايحة) من هذا البوست
يجب أن يردوا علي كافة استفساراتنا
شخصيا قمت بإرسال رابط هذا البوست لشركة زين الام قبل اكثر من اسبوع ويبدو انهم لا يعيرون لنا اهتماما
انا أقول لكم ستردوا ذات يوم.
سيظل هذا البوست بكم المعلومات التي وردت والتظلمات والشكاوي عاليا
لن نسكت
الاخ ناذر مرة اخي اطالب بتغيير عنوان البوست الي السادة شركات الاتصالات |
سأواصل معك هذا البوست
الاستاذة شادية عبدالمنعم
| Quote: طول ما كارتيل الإتصالات خالي فرقة للمنافسة (علينا) |
كارتيل الاتصالات خلقت منافسة غريبة وتركت المواطن تائه في ظلمات سوق الاتصالات وجهله بالتقنية والاسعار
تحياتي لكم جميعا
| |
|
|
|
|
|
|
| |
الرفاعي عبدالعاطي حجر
Salahaldeen Nadir
GamarBoBa
فيس بوك
تويتر
انستقرام
يوتيوب
بنتيريست